دعواتكم لزميلنا المفكر د.الباقر العفيف بالشفاء العاجل
|
|
 التحـيات الطيبـات...بحـيري و الجمـيع
|
جرسة الكبار شينة و الما مصدقني يسأل العزيز الموصلي {زي حكاية الكاشف أخوي} أها الليلة أكملت لكم الإمتحانات بكل بهدلة الدنيا يعني أمسك عندك يوم إمتحان الإحصاء خليت العربية مدورة أربعة ساعات و دي كان ممكن ألقاها يا سرقوها يا جروها علا جات سليمة أما يوم المناقشة فكان فضيحتو بجلاجل أنقروا ما جيت بالبص و خليت العربية في الباركنج لمن جيت البيت و صديت لها تاني في المطرة.
دة كلو و فتحي البحيري يقول لي تعال أكتب في البورد آآيي لكن بي ويييين آآ السمح على أيتو حال أشكره على حسن رفع بوستاتي و ذكر محاسن الفقيد و أبارك للوطن و فتحي إيداع البيان الشهير في بروكسل و هنا تحية لازمة للحبيب الباشمهندس خالد الحاج لكل مجهوداته الوطنية المخلصة و حبابك ما غريب الدار.
التحيات الطيبات لكل من سأل عني و ألتمس عفوكم في تخصيص التحايا للحبايب
فتحي البحيري, إيهاب الطيب , سجيمان, حليم, ترهاقا,خالد الحاج , صديق الموج, محب, آمال أم وضاح, لنا مهدي, أنا بنت النيل, osly2, بدر الدين شنا, Hanouf56, دور نقاس, سمعة, منوت, أبوالريش, أسعد إبراهيم, أنور أحمد, أنور الطيب, كوستا, خدر, محمد عبدالرحمن, راوية العباسي و عبر هاتفها دومة و بالأصالة خالد الأيوبي.
كما أحيي من إنتظرت سؤالهم و لاذوا بإنشغالهم
و أعتذر إن كنت نسيت أحدآ جاب سيرتي بالخير في بوست غتس
والتعازي لكل من فقد عزيزآ و رفع الفراش قبل ما أجي
و التهاني لكل من فرح بي ورانا
و لا أراكم الله زنقة إمتحانات مع كبر لا ينفع فيها إلا الحكمة القديمة
لا تؤجل عمل اليوم إلى الغد
|
|
 
|
|
|
|
|
|
|
|
Re: التحـيات الطيبـات...بحـيري و الجمـيع (Re: الطيب بشير)
|
الطيب ود بشير
يا زول حمد لله على السلامة ... و نتمنى لك النجاح و السداد .
بس يا سيد جرسة عملتها شينة بصراحة !! حد يخلى العربية شغالة اربعة ساعات ؟؟؟ يعنى لو كنت ممتحن " فيزياء " كان العربية لحدى الآن تكون شغالة !
حقيقة افتقدك البوررد فى فترة امتحاتاتك .. و اعتقد بزوال المسبب ما عندك عذر و اتمنى ان تواصل مواضيعك الشيقة و المفيدة و نحن " و الجميع " فى انتظارك .
سؤال برئ : دحين آلطيب اخوى فى زنقة الامتحانات دى ما " دنكلت " ليك سفة " مجهبذة " فى اى موضع من مواضع الفم ؟؟؟؟
لك امتنانى
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: KOSTA)
|
كوستا يا مولانا كيييييفك؟
و الله أنا و الأرقام متفارقين من زمن طابت الشمالية الإبتدائية و التي إسمها الأن {جقفل بن طعبرة} و لا أدري لماذا ليس المهدي أو النجومي أو دقنة أوسيرسيو إيرو أو علي دينار أو ودتكتوك , لا عليك يا راقي المهم أن الإمتحانات كانت دايرة ليها شيشة في البلكونة برغم تحذير مدير المبنى لكن عدم الشلة كعب.
تسلم يا قاضينا
أنا جيت و بالي رااايق
و مزاجي نكات و فرفشة و حكي
قومة نفس لكلام مثقفاتية كبار ما لازمنا فبالله بالراحة علينا يا بورداب و أي زول/ة يجيب سيرة {السقافة} أهو كوستا القاضي قاعد.
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: Elmosley)
|
أساذنا موصلي يا مدهش
عملتها شيييينة لكن
توووووش في قاعةتانية لأ لأ لأ
و بعدين زي الما عملتا حاجة بالراااحة زغت؟
ربنا يخارجك بالسلامة, أنا لحدي هنا و خد نفس
الباقي داير تفكير
لكن و الله دايرين نسمعك؟
بديك سلك بكرة إن شاء الله.
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: nadus2000)
|
الأخ الكريم nadus2000
شكرآ ليك و تحياتي للسودان المقروء في إسمك الحركي
أما لقب يا دكتور فأنا يا دوب جبت طلبات التقديم لهذه المرحلة بالأمس و ذكرتني بنكتة قديمة إنو الفنان المبتديء قال عاوز ألف جنيه للحفلة و في واحد عارفو نفسو يغني فقال ليهو يا زول مية جنيه بس داير و لا ما داير؟ فقام المغني المستجد قال ليهو يا خي نحن أهل و ما بيناتنا تسعماية جنيه, أها يا ناس الدوحة لو ما بيناتنا التلاتة سنين دي أنا بقبل منك اللقب ملح ساي.
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: ودقاسم)
|
ود قاسم
ليك وحشة ممعنة في الصدق
و للفقراء الزينين ألف إعتذار بإنشغالنا عن نقاء فضاءاتهم التي لا تحتوشها العبارة, و أبيع {بقايا} العمر بتلك الليلية عسى الله أن يعيدنا لرحابهم قريبآ.
لك الود الذي هو نسب واصل
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: Raja)
|
العزيزة رجاء العباسي قريبتنا و زميلتنا
تحياتي و الشوق
أماعن الشعر فبالخاطر الكثير و لأجل إبتسامتك في الصورة و التوقيع أهديك مربع دوبيت
دس البسـمة بي إيـدو اليمين لـماها
و نور الوجـنة بهـر القـاعة طـب عماها
غايتو الزول أكان كـرف الخـدود شـمـاها
يشهق يموت عديييييل و شهادتو ما تمـاها
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: essam&amal)
|
الأخت الكريمة امال
ام وضاح
ليس غريبآ عليكم معرفة تاريخنا فأنت إبنة المؤرخين و المثقفين.
و برغم إنك من قلب المقرن إلا أنك تعرفين أهل طابت
يكون عصام غششك؟ فقد زارني مرة بطابت تحياتي له و لوضاح و الأمورة
شكرآ للتهنئة و بالله مزيد من الدعوات فأنا لا زلت في حيرة بين برنامجين للدكتوراة واحد {عازمني} عليهو الأخ الكريم دكتور حيدر بدوي في أوهايو و التاني جيراننا هنا.
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: الطيب بشير)
|
Quote: دس البسـمة بي إيـدو اليمين لـماها
و نور الوجـنة بهـر القـاعة طـب عماها
غايتو الزول أكان كـرف الخـدود شـمـاها
يشهق يموت عديييييل و شهادتو ما تمـاها |
الاخ الطيب ابو بشير:
عاطر التحايا والاشواق وحمدا لله علي سلامة العودة والانفكاك من زنقة الامتحانات وما لازمها وبلي وانجلي..
في انتظار المزيد ....
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: الطيب بشير)
|
يا بن مايكي الأثيري الآسر ، أيها الطيب البشير
دواخلنا يرطبها حضوركم الألق
و بوردنا تكسوه بوستاتكم بلون الشفق ..
مليون ليمونه و ليمونه من عصير التهاني بمناسبة حصولكم - بجداره - على الماجستير . و حتماً بدايات 2007 ستشهد فرحتنا بالدكتوراه ..
و حينها تسعد ( الحيشان التلاته ) تدفق حصادنا الشتاتي على ( مايكات ) الوطن اليحن إلى عصافيره المرهفة الأصيله ، و هي تغني لنا / لهن / لهم / للأطفال الذين في عيونهم الليمون !!!
داوم الحضور البوردي يا حبيب ، لكي لا نفقد القدرة على القول الصراح ، و البوح المباح !!!
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: عشة بت فاطنة)
|
الأخ الحبيب الطيب بشير
لا تتخيل فرحة مثلي عندما أطل مثلك هنا للمرة الأولى
ألفة العرفة السابقة ربما ؟؟ ولكن دون شك هو الشوق المقدس إلى مزيد من الأصوات التي تحمل هم الجميع هنا
لذلك كان (لي أن أجن) عندما أوشكت على الاعتقاد أن ما حدث سيحرمنا من إطلالتك من هذه النافذة التي هي أحرى بك وأنت أحرى بها
واعذرني مليا على الإلحاح عليك أن تجيء
واتمنى أن تكون متذوقا لطعم نيتي قي ذلك
ولك الثناء الجميل والود
دائما
| |
|
|
|
|
|
|
|
|
 Re: التحـيات الطيبـات...بحـيري و الجمـيع (Re: منوت)
|
منوت يا مكسبآ ليموننا {حداقته} المحببة
أحس بالندى الأثيري يكسو الفراغ الأكادسياسي و يحملنا حيث ننتمي
عسى الله أن يأتني بهم جميعآ
إن شاء الله ح أبدأ الدكتوراة مع الفصل الدراسي الجديد في سبتمبر و دعواتكم بإبعاد العوارض حتى نلتقي في {سرور}
حبيبنا و نحن إخوان برضاعة أثير مايكي كم هو أثير للنفس لا أظنني بلغت منتهاك لو يجف خاطري أو كما قال الأول.
إحشد أروع ليمون العمر لفرحة عودتنا و عهدي بك {عزال}
لك المودة
| |
|
|
|
|
|
|
|
|
 Re: التحـيات الطيبـات...بحـيري و الجمـيع (Re: hanouf56)
|
الأخ الكريم محمد hanouf56
شكرآ عميقأ و تقديرآ أكيدا
{ جاتك كدة زي حجآ مبرورأ و سعيآ مشكورآ}
أما الكوم فأنا و الله ما قاعد {أحوش}
نحن ناس بنعيش حياتنا الغالية
بالنية السليمة
و كل زول دايرين سعادتو
تشهد الأيام....عليمة
| |
|
|
|
|
|
|
|
|
 Re: التحـيات الطيبـات...بحـيري و الجمـيع (Re: WaD OmI)
|
تقبل الله الحمد و الشكر
كتبت
| Quote: وحمد لله على العوده ظافر .......... |
That is an early celebration
It is a Master of Science in Mass Communication with
a research
Terrorism as a form of PR
و قد بدأت الرحلة بدبلوم عال في الإتصال الجماهيري بجامعة الخرطوم1994 لكن الزمان كان رديئآ.
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: الطيب بشير)
|
بالله يا الطيب عبود سرورة صاحبك
زمان كنا بنقول ليهو عبود الغليد
الشئ الذى يضحك اخوته محمد وعبد الرؤوف
وعد العظيم ..ثعلبو..
بعدين يا الطيب تانى لما تكتب سرورة دي
شدها ما تسيبا مرخيه كدى
حسـه ينط عليك واحد من حراس النوايا
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: osly2)
|
الأخ العزيز osly2
يرحم الله الخالة سرورة والدة الصديق عبود فقد توفيت قبل نحو عام و عبود تزوج في العيد و بالمناسبة لم يعد غليدآ بأي حال فقد نقص وزنه كثيرآ و لكنه لما يزل ينضح لطفآ, أما إخوته فلي معهم طرائف بلا حصر بدارهم بأمدرمان و في زواج جنابو عبدالوهاب ببورتسودان و السيرة الطويييييييييلة.
عبود يجي داخل الصالون و يقول:
كان زادي
و لا يكملها
فتعرف أنه في حالة عشق
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: Mahadi)
|
الأخ الطيب
حمدا لله على سلامة عودتك ودعواتي لك بالنجاح المؤزر والتوفيق الدائم وحقيقة إفتقدت حضورك المميز وأسلوبك الرصين العذب..بعدين ياخي نحن الآن في زمن الجيل الجديد من الصحابه..ناس كبر معاهم الشجر وظللهم الغمام.. عاوز ترجعنا تاني لي زمن ناس النجومي وفرح ود تكتوك...بالله نحن شعب ينقذونا وللا يتوجهو بينا توجه حضاري مادام بنتكلم عن الناس الزماااان ديل في زمن التمنجه الحضاري؟؟؟و...خلاص ما تجيب سيرة السياسه وتودينا في داهيه..خلينا نربي وليداتنا..تفتح لينا باب السياسه ونحن بندخله من باب الشلاقه..هسع عقد الجن دا كان ماجددوهو نقع وين؟؟؟؟مش أخير نقدر على خشمنا؟؟والله كان عندك لي مخرج..كنت أتكلم كلام..كنت أتكلم كلام..كنت اتكلم كلام..بس خليهو حمديل سلامه..ومرحبا بعودتك الظافرة دوما باذن الله
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: الطيب بشير)
|
الاخ الحبيب نايل1
أنا مجرب المملكة 4 سنوات على كفالة الملك
(وزارة المعارف)
ومجرب السودان (بعد ذلك) 4 سنوات على فسالة الانقاذيين ومحاربتهم في الرزق قليله وكثيره وعدمه
الا - قل معي - قاتل الله نظاما يهدي قومه الظلم والتشريد والافقار والتجويع وهذا الخوف المستدام من غد والان
لكيلا ينتفضوا عليه
ثم لا يستطيع - مع ذلك - الأمن في هذا الزمكان الذي لا أمن فيه لطاغية البتة
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: فتحي البحيري)
|
بحيري
شفت الأخ نايل أو نيل الخير مغبون كيف
حدثني يقول
| Quote: بعدين ياخي نحن الآن في زمن الجيل الجديد من الصحابه..ناس كبر معاهم الشجر وظللهم الغمام.. |
** حدثني قادم من البلد أن الحماس قل لمن ماتوا في المحرقة!
طبعآ لما التفكير يكون مرحلي {إستراتيجيآ} بمعنى أن الجماعة الحاكمة تثق في المرحلية لدرجة الإعتقاد فهذا يجعل موت {الدبابين} نفسو مرحلة لها ما كسبت و عليها ما اكتسبت, و برغم حرصي على تجديد عقد الحبيب نايل لكني كنت و لا زلت أرجوه أن يتكلم الكلام المباح حتى الصباح.
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: الطيب بشير)
|
جنس دة لاقاكم؟
أيام الإمتحانات تقول و الله أنا أخلص أشبع نوم
و تنتهي القصة و لا تنوم و لا أي حاجة
الشي التاني أيام الزنقة و توزيع اليوم بالدقيقة تشوف الونسة و التلفزيون و البورد حلللللو و لمن تتفرغ تجد الدنيا عادية! يكون من شنو؟
حاجة كدة زي حاجة فيك أرقت هاشمآ بالبحث و لا أكاد أجد طرفآ لخيط أمسكه لكني أذكرها عقب كل زنقة إمتحانات إنو بتحسد الناس البتكلمو في التلفونات و عايشين صاح و لمن تفضى تحس كأنو اللحظة الفاتت ما بترجع و لا كيف و لا مالي و لا ياتو
آي دونت نو
| |
|
|
|
|
|
|
|
|
|
Re: التحـيات الطيبـات...بحـيري و الجمـيع (Re: الطيب بشير)
|
العزيز الطيب
حمد الله سلامة
و عقبال الشهادة الكبيرة
هى كدا دائما لمن تكون بتفتش فى سكن
ما بتلاحظ و تنبسط الا لافتة للاجار
و لما تكون جعان بتشتهى اكلات عجيبة
و لما تكون مفلس بتحلم
فى الحالات الاولى لمان تتحقق رغبتك بتزهد فيهو
بس حالة الثراء دى ما جربناها
و طبعا ما بنحكم على شئ غائب
موفق دائما
| |
|
|
|
|
|
|
| |
الطيب بشير
KOSTA
سجيمان
Elmosley
lana mahdi
nadus2000
Rawia
ودقاسم
Raja
essam&amal
Osman Hamad
إيمان أحمد
Ehab Eltayeb
فتحي الصديق
منوت
عشة بت فاطنة
فتحي البحيري
osly2
WaD OmI
hanouf56
ملكة سبأ
haneena
Haydar Badawi Sadig
Mahadi
nile1
خالد الأيوبي
نصار
فيس بوك
تويتر
انستقرام
يوتيوب
بنتيريست