حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين..

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-11-2018, 02:42 AM الصفحة الرئيسية

مكتبة الطيب بشير الطيب آل خلف الله(الطيب بشير)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
30-04-2006, 10:35 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين..

    .
    اعتكف محمبكآ
    و عاد متورّدآ
    حبيبنا شيخ عبدالله عقيد (راجل النصيحة)
    مرحبتين
    و
    طـوّل بالك
    .
                   |Articles |News |مقالات |بيانات

30-04-2006, 01:54 PM

الجيلى أحمد
<aالجيلى أحمد
تاريخ التسجيل: 27-03-2006
مجموع المشاركات: 3236

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)

    سلامت يامولانا..

    حبابو مرحب شيخ عقيد..
    زولآ كريمآ بشوش..
    كان من أول المرحبين بى هنا..
    بطيب حديثه وحلو أمنياته,,
    له أمثالها أضعافآ,
    وود بود ومحبة بأكثر منها...

    مخرج:
    أطلعت على مداخلات عديدة لشيخ عقيد هنا,
    ويبدو أننا سنختلف حول بعض الأمور لاحقآ..
    مرحبآ بالإختلاف مع شيخ عقيد,
    وله المحبه
                   |Articles |News |مقالات |بيانات

30-04-2006, 02:45 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الجيلى أحمد)

    .
    مرحبتين يا شيخ الجيلي
    أصبحــت طيّـب؟
    و كيف أخبار حلّـة هاشـم كرّار؟
    و صحة الأهـل..و العسل صوفيا؟
    يا حبيب أدخل على عبدالله عقيد ببطينك الأيمن و لا تخشى
    هو رجل نبيل..مثلك
    فقط أنت تقف على يسار الحق و هو على يمينه
    لكنكما متفقان في الوطن ..
    و أهمية أن يتكافأ شرف الوسـيلة مع نبل الغاية
    أما بعــد..
    فلتختلف الطّـرق..
    فالقادرية و السمانية و النقشبندية تتباين أورادهم لكن حب المصطفى يقارب بين طرقعات مسابحهم
    لا أخشى عليكما من النقاش
    بل..
    عدمــه
    ود عقيد..
    يعجبني ما تيسّـر من شخصيته..
    تعال نحرقه ليفوح عطره الجميل في هذا المنبر
    أنا موافق، إنابة عنه، على صهر ذهبه فلا تبتئس..
    شكرآ لترحيبك بعودته..

    .
                   |Articles |News |مقالات |بيانات

30-04-2006, 02:15 PM

sumah
<asumah
تاريخ التسجيل: 27-08-2002
مجموع المشاركات: 1737

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)

    **********

    الطيب الطيب
    انا سعيد جدا ..
    بانك دائما ما تعطينا درسآ في خوة الكاب..
    والتى فاتت الباب ..
    وتعدت الحدود ..
    فها انت دائمآ فاتح صدرك تسقبل هواء نقيا ..
    فاذا ما سرت النشوة فيا ..
    اتداعى واغنى ..
    محل النجمة عصفورة .. تحلق جنب نافورة ..





    ***********
                   |Articles |News |مقالات |بيانات

30-04-2006, 04:02 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: sumah)

    .

    حبيبنا المخرج الرائع اسماعيل محمد الحسن..سمعة
    شكرآ لمرورك من هنا و تحية الإخـاء الذي يجمعني بالعزيز عبدالله عقيد
    و هي خوة كاب و فكر و فن و دوبيت و كثير مما تبديه الأيام
    Quote: محل النجمة عصفورة .. تحلق جنب نافورة ..

    و للمرّة التانية جنّنـت الصـورة جـن
    و الببغاء حـطّ على مكان النجمة بمزاج
    لا أعرف ان كان مكان الطلقة سيسـع توقيع الإتفاق بدارفور أم لا
    لكنني أحلم للأهل بصـيف آمــن
    تحياتي ليك...
    .
                   |Articles |News |مقالات |بيانات

30-04-2006, 02:38 PM

الجيلى أحمد
<aالجيلى أحمد
تاريخ التسجيل: 27-03-2006
مجموع المشاركات: 3236

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)

    بالمناسبة يامولانا
    عنوانك أضحكنى جدآ..
    (شيخ عبد الله عقيد راجل النصيحه)..

    فى قريتنا كانت هناك إمراة مشهورة بالدجل ولها طرائف
    وعمائل عجيبه,
    الزولة دى إسمها النصيحة
                   |Articles |News |مقالات |بيانات

30-04-2006, 04:05 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الجيلى أحمد)

    .
    Quote: (شيخ عبد الله عقيد راجل النصيحه)..

    فى قريتنا كانت هناك إمراة مشهورة بالدجل ولها طرائف
    وعمائل عجيبه,
    الزولة دى إسمها النصيحة

    يا الجيلي انت يلقوك للمضـرّة..
    عاوز تجيب لينا مشاكل مع ميسـز عقيد ولاّ شـنو؟
    طيب بلاش راجل النصيحه ..نخليها مباشرة زول نصيحة
    الكارثة الجيلي؟..آوت..
    .
                   |Articles |News |مقالات |بيانات

30-04-2006, 04:47 PM

Khalid S Yosif

تاريخ التسجيل: 08-12-2005
مجموع المشاركات: 221

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)

    مرحبتين حباب ود عقيد
                   |Articles |News |مقالات |بيانات

30-04-2006, 09:28 PM

sumah
<asumah
تاريخ التسجيل: 27-08-2002
مجموع المشاركات: 1737

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)

    ****

    الودود ... الرهيف ...العفيف ..
    الترقية جاياك ..جاياك ..
    كما تقول ست الودع .. محمداك ..
    دعنا نعلم الحقيقة علشان مايفطوك في الترقية ..
    يعنى هل عبداللة عقيد ...
    ولاالعقيد عبداللة ...



    **********
                   |Articles |News |مقالات |بيانات

01-05-2006, 03:50 AM

بكري اسماعيل

تاريخ التسجيل: 29-12-2005
مجموع المشاركات: 1040

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: sumah)

    ود البشير حبابك وحباب الأرباب ود عقيد
    وين الزول دة مسجل غياب ؟

    عل المانع خير ،،

    دوما بألف خير
                   |Articles |News |مقالات |بيانات

01-05-2006, 06:21 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: بكري اسماعيل)

    .
    العزيز بكري اسماعيل
    مراحب و هــلا
    و الله مولانا عقيد دة استأذن و غاب
    عيلا البارح شفت ليهو رد هنا و لاّ ردّين
    فقلت أكابسوا ع شان يعلن نهاية العطلة
    الزي العقيد دة عطلتو ما مفروض تطول
    نتمنى رجعتو
    شكرآ ليك

    .
                   |Articles |News |مقالات |بيانات

01-05-2006, 06:14 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: sumah)

    .
    يا سمعة يا الحبيب
    مولانا عبدالله دة (حبيب مدني).. دي زي (نجيب زيادة)..عبدالله دة عقيد خيل
    أنا مهتم بيهو ع شان بريدو ساي
    لا أقدمية له ترعبني و لا هو عقيد جيش فلا يرعبك الإسم
    انما هو مثل (مقدّم القوم) في الطريقة لازم يمشي الخدمة الإلزامية لو كان شاب!
    عبدالله عقيد اسم ..زي الطيب مثلآ..يعني أنا ما أشاكل زول؟
    لووووول
    منتظرين الترقيات منك يا جميل.

    .
                   |Articles |News |مقالات |بيانات

01-05-2006, 07:00 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)

    الطيب
    شيخي الـ للرباعة مهيل..
    الزول
    السمح بلحيل

    شفت يا ابو البشير الغناي دا اختصر موضوعنا كيف؟

    الرباعة معناها الرفاق والأصحاب والاخوان.. صاح؟
    ومع ذكل وصفه بأنه (مهيل).. يعني واسع البال
    له قدرة على تحملهم..
    إذا، صحبة الرباعة وتحملهم ليس أمرا سهلا.. ليس
    إلا لاختلاف مشارب التفكير وطريقة قياس الأمور..

    ادخلني نداءك في امرا ضيق..
    زي ما بقولو (دخلت في ضفوري)
    أستحي عندما أطرب
    وأطرب مثل غيري لحسن التذكر والثناء
    وأطرب لهذا الشعور من رجل مثلك..

    هذا
    وقد رأيت شيخ الجيلي يتحفز
    طالبا منازلة
    أتحراها كما تتحراها نبيلة
    فحباب شيخ الجيلي
    ويقيني أن نصف رأيي عنده
    وعندك
    وعند الأخ سمعة الذي
    ذكرني قوله ((فاذا ما سرت النشوة فيا ..))
    بأبيات لصلاح
    وصلاح قال:
    يا ذكي العود بالمطرقة الشماء والفأس تشظى
    وبنيران لها ألف لسان قد تلظى..
    وأنت قلت:
    "تعال نحرقه ليفوح عطره الجميل في هذا المنبر
    أنا موافق، إنابة عنه، على صهر ذهبه فلا تبتئس.."
    وهو مقام إطراء وإن صحبته نار هي (برد وسلام)
    على ود عقيد.

    الشكر للجيلي وسمعةوخالد يوسف وبكري اسماعيل
    والشكر لك اخي الطيب
    "شيخي السمح زوقو
    شيخي العالي منطوقو
    الطير في السما ميت علي شوقو
    والحوت في البحر سالك الطريق فوقو"

    ولكم خالص تقديري
                   |Articles |News |مقالات |بيانات

01-05-2006, 07:20 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: عبد الله عقيد)

    .

    Quote: "شيخي السمح زوقو
    شيخي العالي منطوقو
    الطير في السما ميت علي شوقو
    والحوت في البحر سالك الطريق فوقو"


    لووووول..اللهم انفعنا بي جاهو
    و ارض عنّـو
    و عنّـا

    و يبقى بياضنا جيتك صـاد
    و صاحبي الجيلي بالمرصاد
    تفرض سـين.. هو يفرض صاد
    و تبقى الندوة أحلى حصاد

    ..

    تسـتاهـل كل خير يا مولانا

    شكرآ لحسـن ظنك بأخـيك

    و الله يقدّرنا على الرباعة

    و نشــوفـك..

    .
                   |Articles |News |مقالات |بيانات

01-05-2006, 08:44 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)


    ابو البشير
    حياك الله


    أضحكتني حكاية (راجل النصيحة)

    وراجل النصيحة يا سمعة
    اخير من راجل المجنونة
    ولا شنو؟ يا بتاع
    كاتب الطاحونة؟


    بالمناسبة
    انت الجيلي دا
    من جماعة محمود ولّا شيوعي ساكت؟؟
                   |Articles |News |مقالات |بيانات

01-05-2006, 09:09 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: عبد الله عقيد)

    .
    مولانا العقيد
    بديت اللعب الخشـن؟
    Quote: وراجل النصيحة يا سمعة
    اخير من راجل المجنونة
    ولا شنو؟ يا بتاع
    كاتب الطاحونة؟

    زي بعضـو برضـو
    تمّ حفظ البلاغ لحداثة خروج المتهم من سجن الدنيا بالعودة لرحاب البورد
    كوووو..محكمة..
    Quote: بالمناسبة
    انت الجيلي دا
    من جماعة محمود ولّا شيوعي ساكت؟؟

    أنا بخلّـي الجيلي يرد عليك برااااهو
    لكن ..أنا عارف انو جنى صوفية و قاري قرآن في سـغرتو
    أصابته فلادفستك بالطرطـشـة و المسخة و شيء من سـفـه قليل..(لا أضمن السلامة لمن يردّد ما قلت)
    الباشمهندس الجيلي أخطر من أن يتبع محمودآ أو نقد..لكنه قاريء فوق الجيد..ينتهي الى شنو..آآآبعرفو


    .
                   |Articles |News |مقالات |بيانات

01-05-2006, 09:52 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)

    ابو البشير
    لك التحية

    كاتب الطاحونة أعجبتني جدا
    وظللت أتابع الردود عليها
    ولكني لم أدخل في معمعتها
    لأنى أخشى الدخول في متاهات النقد
    سلبا وإيجابا
    ولكنها حفزتني إلى العودة إلى تناول (القصة)
    القصيرة..
    كنت مولعا بالقصة القصيرة
    لفترة من الزمن اقنعت نفسي بأني كاتب قصة
    ثم داهمتني شرور (الواقع) والكون (المكعوج)
    الذي لن تعدله قصة ولا قصيدة
    واكتفيت بعوس العصيدة
    الخشنة وغليدة

    تعرف
    في أيام (وقفتي) دي..
    عندي موقع إلكتروني مكعكع كدي قلت أصلحو
    وحاولت ادخل فيهو بعض (القصائد)..
    ما لقيت غير بعض القصائد التي (نجرتها)
    هنا في المنبر..
    الباقي كلو راح .. ما بعرفو راح وين..
    مفروض اقدم ليك دعوة لزيارة الموقع
    بس بخاف..
    ما يكون قدر المقام
    خليهو شوية يمكن يتصلح
    ونديك عنوانو

    شيخ الجيلي ..
    سؤالي مقتبس من نكتة قديمة..
    حيث يروون أن أحدهم سأل الرجل عن اللون السياسي لولده..
    فقال:
    "يا زول دا ولد جبهجي من جماعة محمود محمد طه شيوعي ساكت".
    هي مجرد مزحة

    لك وله التقدير
                   |Articles |News |مقالات |بيانات

01-05-2006, 12:46 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: عبد الله عقيد)

    .

    حبيبنا العقيد
    سلام تاني
    Quote: كاتب الطاحونة أعجبتني جدا
    وظللت أتابع الردود عليها

    ألف شكر ليك على اللطف
    و نواصل في الطواحين
    يا ريت تدينا عنوان الموقع
    لا تخش شيئآ
    نحن ندخلك بإعجاب مسبق فلا تبتئس
    يلا سلام

    .
                   |Articles |News |مقالات |بيانات

01-05-2006, 01:30 PM

الجيلى أحمد
<aالجيلى أحمد
تاريخ التسجيل: 27-03-2006
مجموع المشاركات: 3236

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)

    سلامات يامولانا

    Quote: و كيف أخبار حلّـة هاشـم كرّار؟
    و صحة الأهـل..و العسل صوفيا؟


    ياجنابو دى حلة عجيبة..تعرف أنا إلا أجيك فى ميامى وأشدها ليك عشان تأمين, طبعآ الحقوق محفوظة لى هاشم والشكر للباش الجميل كريم..
    صوفيا بخير وجميعهم يقرؤنك السلام والمحبة,
    ولاذالت فرحة بكل الهدايا التى تلقتها فى عيد ميلادها بعد أن أكملت ثلاثة أعوام من الفوضى (ووجع الراس) والجمال..

    ومرحبتين تانى بشيخ عقيد..ونقول ليهو,
    ياشيخ منور ,

    Quote: سؤالي مقتبس من نكتة قديمة..
    حيث يروون أن أحدهم سأل الرجل عن اللون السياسي لولده..
    فقال:
    "يا زول دا ولد جبهجي من جماعة محمود محمد طه شيوعي ساكت".


    والله الواحد لسه ماحصل المرحلة دى,
    لكن قطع شك كان حصلتها بطفشكم كلكم من المكان دا..
                   |Articles |News |مقالات |بيانات

01-05-2006, 02:03 PM

عبد المنعم عمر عثمان

تاريخ التسجيل: 06-12-2005
مجموع المشاركات: 786

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)

    Quote: تمّ حفظ البلاغ لحداثة خروج المتهم من سجن الدنيا بالعودة لرحاب البورد

    حلوة الجملة يامرهف أضحكتنى كثيرا
    التحية لك ولودعقيد
                   |Articles |News |مقالات |بيانات

01-05-2006, 04:47 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: عبد المنعم عمر عثمان)

    .
    أخي الكريم عبد المنعم عمر عثمان
    مرحب بيك و أهـلآ
    Quote: حلوة الجملة يامرهف أضحكتنى كثيرا
    التحية لك ولودعقيد

    و أنا سـعيد انك مبسـوط
    ان شا الله تسـلم
    مرحب بالعائد عائد..ود عقيد
    .
                   |Articles |News |مقالات |بيانات

02-05-2006, 10:02 AM

عبد الله عقيد
<aعبد الله عقيد
تاريخ التسجيل: 20-09-2005
مجموع المشاركات: 3728

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: الطيب بشير)

    التحية لك أخي الطيب
    والتحية للباشمهندس عبد المنعم ود حبوبة
    Quote: أضحكتنى كثيرا

    الطيب زول سمِح يا عبد المنعم..
    والبيجي منو كلو سمِح
    ويزداد سماحة كلما أسعد الآخرين
    إلى درحة (إضحاكهم كثيرا).

    أضحك الله سنك
    وزادك سعادة



    بالمناسبة يا الطيب
    لقد صدق حدسي، واتضح أن غيبتي كانت صائبة
    وسببها وجيه..
    فقد ذقت مرارة (الحذف) لأول مرة اليوم
    حيث تم حذف البوست الوحيد الذي كتبته بعد العودة
    وهذا ما كنت أخشاه.. وقررت بسببه التوقف.
    فتلاطم الأحداث وهيجانها هذه الأيام يؤثر ويؤدي إلى التوتر
    الذي قد يؤدي إلى فقدان بوصلة الاعتدال والتروي.
    فإما الانحساب، أو التغاضي عما يحدث
    وأحمد لك أنك لا زلت تحتفظ بقدرة على التوازن
    فقد قرأت لك عدة (معالجات) لأخطاء في عدة بوستات
    كفتني شر التدخل، وهدأت من روعي..
    أرجو أن نخرج بالسلامة من هذه الموجة العاتية
    وألا تؤدي بي (الشتارة) إلى ما لا أريد

    ولك مودتي
                   |Articles |News |مقالات |بيانات

02-05-2006, 11:04 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5681

للتواصل معنا

FaceBook
تويتر Twitter
YouTube


Re: حبيبنا شيخ عبدالله عقيد (راجل النصيحة) ألـف أهـلآ بك ثانيآ في سودانيز أون لاين.. (Re: عبد الله عقيد)

    .
    حبيبنا ود عقيد
    حبابك
    شفت ولدك في الخور
    و عـزّ علي
    كثيرآ..
    لعلمي بحسـن نواياك فوق البنفسجـية
    تعال نواصــل المحاولات
    وحده لا يفشل ذاك الذي لا يحاول..
    فلا تدع رغبة السلامة تصبح دافعآ للخمول
    أنا سعيد أنك رأيت (معالجات) مني ترضيك..
    لكن هناك شتارات تمّ شطبها أيضآ
    و هكذا الدنيا
    خليتك طيّب
    .
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de