تاريخ مواضع السفـة...ما بـين ..أسفـل الـلسـان..جانـب الفـك..و..باطـن الشفـة

شرح مفصل و معلومات للتقديم للوتري 2020
فتحي الضو في أستراليا
التحالف الديمقراطي بمنطقة ديلمارفا يدعوكم لحضور احتفاله بالذكري 54 لثورة اكتوبر
Etihad Airways APAC
منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 15-10-2018, 02:20 PM الصفحة الرئيسية

مكتبة الطيب بشير الطيب آل خلف الله(الطيب بشير)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
13-02-2004, 06:36 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


تاريخ مواضع السفـة...ما بـين ..أسفـل الـلسـان..جانـب الفـك..و..باطـن الشفـة

    لم تفلح القيادات النسوية السودانية من أقصى اليمين إلى أقصى اليسار في إيجاد موقف موحد للمرأة السودانية من أي شيء مثلما نجح التمباك في ذلك!
    قد يكون إسمه الأصلي تنباك و تم قلب النون ميمآ لوقوعها قبل الباء كما يقول علماء التجويد, و إسمه الثاني {الصعود} بفتح الصاد و هو منتج دارفوري في الغالب و قد يتأثر تدفقه للمستهلك بسبب الأوضاع هناك هذه الأيام.
    كان آباؤنا الأولون من المسففين يضعونها تحت اللسان و بكمية كبيرة مما يؤدي لصعوبة في متابعة الحديث إن كان السافي كثير الكلام أو مندمجآ في قصة مثيرة و كان مفهوم الديكور كريمآ معهم فحالما إنتهى زمن السفة يتخلص منها غالبآ حيث يجلس و يتبعها ببصقتين تعتبران شرط صحة للتخلص من ذرات متخفية و متبقية و قد يهتم بمواراة سوءتها إن كان ضيفآ فيتولى دفنها بحذائه. كانوا يضعون التمباك في {حقة} كبيرة إما فضية ذات شكل أسطواني كانت بالأصل حاوية حبوب و إما علبة كريم نيفيا الذي قيل إنه يحمي و يعتني, يقوم الحاج بفتح العلبة بيمناه و يضع ما يتيسر من الصعود في اليسرى بمقدار سفة و إن رأى أن يزيد فغالبآ ما يستخدم غطاء العلبة الحقة في {كرش} مزيد من التمباك و يقوم من ثم بإيداع السفة أسفل لسانه أو في باطن الشفة السفلى أو مخرج الباء حسب علماء النطق.
    كانوا رجالآ لا يخشون في {الحقة} لومة لائمة و كانوا يعلنون عن سفتهم بحركات إبداعية تبدأ بطق المرفق و تمر بالرسغ و تنهي بالهامة و ما كان لنسائهم {رأي} في الصعود و لم يك مفهوم الرجولة يسمح بمراجعة موقفهم المزاجي كما أن كلمة أنيق كانت تتوافق مع بعض من يشكون في فحولتهم.
    التطور التاريخي لا يدلل على إقلاع الأجيال اللاحقة عن التمباك بقدر ما تفرض ظروف ومستجدات الحياة العصرية بعض التغييرات فلما تراجع الجلباب مع إزدياد أعداد الأفندية لم يعد البنطال مخبأ مناسبآ لصاحبة الفخامة الحقة فلجأت إدارات البحوث و خدمات الزبون لحيلة الكيس و لا بأس من مساعدة الكيس بورقة تضمن عدم {سيلان} الماء المعطرن إلى البنطال و لكن وضع السفة في باطن الشفة السفلى لم يعد يناسب الشباب ذلك أنهم في الغالب يخفونها من البنات و هذا كان أول مدخل للتفريط في مطلق السيادة الرجولية المتوارثة إذ صار للبنات موقف جمعي مناويء للصعود, هنا بادر الشباب للمواقع البديلة و هي الشفة العليا و على جانب الفك الأسفل غالبآ مع وجود بعض مستعملي الصنف الذين يفضلون الفك الأعلى.
    يعتبر باطن الشفة السفلى هو الموضع الأشهر و يسمى {الدقار} تشبيهآ بخشبة تسمى أيضآ {الكتلة} و هي بحجم ثلث لوح ثلج جامد جدآ يستعين بها صاحب البص/اللوري الذي لا يعول على {إستارتر} سيارته لإدارة محركها بعد إبطاله فيعلي مؤخرتها في مكان مرتفع و يقوم الصبي المساعد بوضع {الدقار} لئلا تتدحرج العربة, هذه السفة الدقار إندثرت أو كادت و صار الشباب {يدردمون} كمية محدودة من المنتج ليتأكدوا من عدم وجود سائل بها ثم يودعونها المخبأ السري و يهدهد الواحد منهم مرقدها بإصبعين فقط بدلآ عن الصفقة المدوية عند الأوائل فقد صار لازمآ إخفاء السفة في ظل سيادة النساء و كم كنا نتساخف على التمباكة بالجامعة حين نسألهم سفة و هم برفقة حسناوات مما يثير حفيظتهم جدآ, و قد يضطر المسفف بالسر أن يشرب البارد و الساخن عليها إذ لا يعقل أن يستأذن للذهاب للحمام فجأة أو يخرجها أمام الحلوة.
    يبقى إحترامي في الختام للجميع بدء بتجار الصنف و مرورآ بمستعمليه وإنتهاء بنساء بلدنا الحبيب و شعارهن
    و يا أنا يا الصعود؟
                   |Articles |News |مقالات |بيانات

13-02-2004, 08:13 AM

سارة منصور


للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الطيب بشير ازيك .. وولدنا الحبيب بشير..
    واللة انا اول واحدة عائزة اعمل حملة علي (التمباك) ..
    و بفكر اعمل لي جمعية نسائية لمحاربة هذا العدو الذي اقتحم بيوتنا
    (وقدا جيوب ازواجنا) يعني ميتة و خراب ديار .....

    ولك مننا عاطر التحايا من روشيستر الحبيبة و تقبل سلام عاصم والاولاد
    وسلامي لام بشير ..

    (عدل بواسطة سارة منصور on 13-02-2004, 08:27 AM)

                   |Articles |News |مقالات |بيانات

13-02-2004, 09:19 AM

Abureesh

تاريخ التسجيل: 22-09-2003
مجموع المشاركات: 19467

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: سارة منصور)

    الطيب،
    وصـف دقيق جـدا للصعــوط..
    حضرتنى نكتـة هنا حبيت أشـركم فيهـا..
    فى أوائل السبعينات، حصلت ســرقات عربات غامضـة فى ميناء بورتســودان.. والبوليس ما عرف كلو كلو العـربات دى بتطلع من المينا كيف.. لكن فى النهـايـة قبضـوا العصـابـة، وإكتشفــوا أنو كانوا فى أفراد من البوليس نفسـه متورطين فيهـا.. بوليس الميناء.. الحرس.
    المهـم طبعـا العتـالـة لمن يجـو طالعين من المينا فى نهايـة اليـوم، فى حتـة فى الرصيف فيهـا كشك بوليس، يفتشهــم.. فمرة فى واحـد من أهلنا الهـدنـدوة البشتغلـوا فى المينـا، عنـدو حقـة، علبـة الصفيـح المدورة.. لافيهـا مرتين تلاتـة على بطنـو ورا التكــة، ومنـزل عليهـا قميصــو.. أها لمن جا دورو فى التفتيش، البوليس ضـرب محل الحقـة بأصبعـو، كدا عمل صوت العلبـة الشبـه فاضيـة طبعا.. قال ليه يا زول دا شنـو دا؟
    الهدنـدوى الســاخر قال ليـه: والله يا جنابـو شــوف، يمكن تايوتا.
                   |Articles |News |مقالات |بيانات

13-02-2004, 06:09 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: Abureesh)

    أبو الريش يا حبوب
    تسلم يا أخي
    هم الهدندوة برضو حاضري القطامة زي ال........؟
    طريفة جدآ يا أبا الريش
                   |Articles |News |مقالات |بيانات

13-02-2004, 06:05 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: سارة منصور)

    السيدة سارة منصور
    تحياتي
    كتبت
    Quote: واللة انا اول واحدة عائزة اعمل حملة علي (التمباك) ..

    سبقك على الحملة الإمام محمد أحمد المهدي بفتوى تحريم و تجريم لكنها لم تمنع المستمخين من إدمان التمبكة.
                   |Articles |News |مقالات |بيانات

16-02-2004, 09:33 AM

abumoram22


للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: سارة منصور)

    الأخوة الأفاضل
    السلام عليكم ورحمة الله وبركاته
    أراكم قد تشعبتم وتجولتم في الموضوع وتناولتموه من جوانب كثيرة ولكنني لم أجد في جل المشاركات اشارة الي الأسباب التي أدت الي انتشار هذه العادة التي لا يحتلف اثنان في ضررهاولا كيفية الحد من انتشارها أو القضاء عليها. ومن هذا المنطلق استميح الأخ الطيب بشير عذرا أن أطلب من جميع أصحاب الإختصاص وأهل الخبرة التكرم ببيان أضرار التمباك والوسائل التي تساعد على الخلاص من هذه العادة لأنني وبصراحة حاولت كثيرا التخلص منها ولكن كل محاولاتي باءت بالفشل ومازلت أحاول ولكنني أضعف أعينونا أعانكم الله

    (عدل بواسطة abumoram22 on 16-02-2004, 09:35 AM)

                   |Articles |News |مقالات |بيانات

13-02-2004, 06:39 PM

Ridhaa
<aRidhaa
تاريخ التسجيل: 05-02-2002
مجموع المشاركات: 10057

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)


    الاخ الطيب بشير
    سلام

    مارائك في سفة الأنف
                   |Articles |News |مقالات |بيانات

13-02-2004, 06:58 PM

خالد الحاج

تاريخ التسجيل: 21-12-2003
مجموع المشاركات: 0

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: Ridhaa)

    الطيب بشير..
    سلام...
    Quote: كم كنا نتساخف على التمباكة بالجامعة حين نسألهم سفة و هم برفقة حسناوات مما يثير حفيظتهم جدآ, و قد يضطر المسفف بالسر أن يشرب البارد و الساخن عليها إذ لا يعقل أن يستأذن للذهاب للحمام فجأة أو يخرجها أمام الحلوة.


    الحركة دي إسمها كوبري يا الطيب ولا يجيدها إلا المتمكنون..طبعا لو لاحظت صورة أخوك في البروفايل
    ودققت النظر تري الشفة اليمني قليلة الإرتفاع (ده ما أب عديلات) دي سفة
    وبالمناسبة فكرة أن ود عماري والسودانيين هم مبتدعو التمباك تحتاج لتأكيد..حين ضربنا الشتات
    وكان البحث عن البدايل قبل إبتداع التجارة الطائرة إكتشفنا أن للسويديين تمباكهم ويجهزون السفة في تعبئة فاخرة تشبه شاي الأكياس وصغيرة الحجم..البلجيك لهم تمباكهم وهو شبيه بالسوداني ولكنهم يستعيضون ببعض الكيماويات عن العطرون..
    بعد إعلان عدم التدخين في الأماكن العامة والذي بدأ تطبيقه منذ 01/01/2004 يصير التمباك هو الأفضل وموعود بأيام مجيدة في أوروبا الغربية ولي زميل ألماني بالمناسبة صار يشحد أكتر من ما يشتري وعادة شحدة بلغة مركبة هولندية عربية(ماخ إك سفة) وتعني أديني سفة.
    له بعض المميزات التي تميزه عن رصيفه التدخين إذ ينحصر تأثيره فقط علي مستخدمه
    عكس الأول الذي ينتقل للأخرين بواسطة التدخين السلبي. وتبقي لوازم الحنكشة من ألد أعداء التمباك..
    وكدي يا الطيب أدينا سفة.
                   |Articles |News |مقالات |بيانات

13-02-2004, 07:48 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: خالد الحاج)

    العزيز كثيرآ خالد الحاج
    إنت خطير يا بتاع الكوبري يا متمكن.
    الصعوط الخواجاتي دة زي كوبنهاجن و ما إليه منتشر هنا أيضآ و لكنه لا يجاري الأصلي , لكن حقيقي البيسف أظرف من المدخن لأنو ما بيزعج الغير.
    الميزة الأكبر للصعوط -في السودان- هو ثمنه مقارنة بالسيجاير الذي أورد الناس موارد القمشة و لف التوباكو الرخيص.
                   |Articles |News |مقالات |بيانات

13-02-2004, 07:36 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: Ridhaa)

    الأخ Ridhaa
    دي ما ادونا ليها
    لكن ما بيعطس؟
    و دة بصراحة لما يجي يطلع سفتو إن شاالله ما نحضر.
                   |Articles |News |مقالات |بيانات

13-02-2004, 06:50 PM

samo
<asamo
تاريخ التسجيل: 04-09-2002
مجموع المشاركات: 862

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    سلا يا الطيب ..

    طبعا فى ما يخص مواضع السفه ...عندها كم موضع غير اقلتهم د

    انا شاهدت ناس بيختوها فى سقف الفم ..وبعضهم اسفل اللسان ..

    وبعضهم جوار الضرس من اعلى وبعضهم من الاسفل ..
    غير الناس اليختوها خلف الاضان ..زى القلم (شاهدت واحد سافي كده وشغال بي كل همه فى لخ الطين (طلب) بضم الطاء ..

    وفى الناس البيقرفو منها وبيسفوها النوع البيلفها بي منديل ورق ويختها ..

    قالو يا الطيب فى واحده اتقدم لي واحد ورفضتو .. اها امها ماعجبا الكلام ..وعصرت ليك البت (هو مالو ما زول ابن ناس وعندو قروش .. وجزار قدر الدنيا الحله كلها تاكل منو ).. بس قولى لى مالك ابيتيهو ... البت قالت لى امها .ياخ يا امى الزول ده ما اجتماعى ... امها قالت ..ما اجتماعى شنو يا بتى .. صعوط هو ..؟؟
                   |Articles |News |مقالات |بيانات

13-02-2004, 08:00 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: samo)

    أهلآ حباب samo
    السفة فوق للضرس دي بنية {إقتران} المزاج و العلاج! زي حلا و حمار.
    أمادة
    Quote: غير الناس اليختوها خلف الاضان ..

    أخطر واحد ..و ياربي دة بيحسها كيف؟
    و بعدين نكتة الولية هايلة
    دايرة تكلفت البنية للجزار عشان تضمن الملح المجهبز
                   |Articles |News |مقالات |بيانات

13-02-2004, 07:13 PM

Rawia

تاريخ التسجيل: 23-11-2002
مجموع المشاركات: 8396

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    صراحه انا شايفه البوست قايلاك بتتكلم عن (السفه) يعنى الكلام الوحش واستغربت انه عندو مواضع خروج زي( الفاولز لتر والديقرام بتاعه)vowles letters and their diagram الشكله مثلث داك

    (عدل بواسطة Rawia on 13-02-2004, 07:14 PM)

                   |Articles |News |مقالات |بيانات

13-02-2004, 07:41 PM

KOSTA
<aKOSTA
تاريخ التسجيل: 05-02-2002
مجموع المشاركات: 3138

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: Rawia)

    الطيب بشير

    شكرآ على هذا الموضوع الاجتماعى " الخطير " ..... و لقد تناولته بطريقة ادبية ساخرة و محببة .
    ان كان للموضوع من جوانب ايجابية فهى بلا شك اننا نتعرف على " التمبكجية " الفحول ..بدءآ بكاتب المقال و انتهاءآ باخينا خالد الحاج و الذى يبدو ان له " باع " و " خروف " طويل فى فن " التنبكة " لا يجاريه فيه الا صاحبه الالمانى الذى يحبذ " الشحدة " للسفه اكثر من شرائها .

    يقال ان اكثر اماكن بيع " الفرح المعلب فى الاكياس " او " عجوة الفقراء " شعبية هى : ( مرسى الفاشر ) بالخرطوم .... و ( الوطنية ) ببحرى .

    لما كنا بالجامعة كان لنا صديقنا مصطفى ناصر و هو من " السفيفة " الحريفة و كان من المدمنين على التنباك .... له صديق آخر احمد تملى ...كنا نتفأجأ بهذا المصطفى فى ساعات السحر و هو يوقظ صاحبه احمد تملى من النوم خاصة فى ايام البرد القارس ..فنوبخه على ذلك و نسأله لماذا يوقظ الرجل فى مثل هذه الساعات التى يحلو فيها النوم ؟؟
    هل ليتذاكر دروسه ؟؟؟
    يجيب مصطفى : لا .
    طيب لكى يصلى الفجر ؟؟؟؟
    يجيب : لا .
    اذن لماذا توقظه فى مثل هذا الوقت ؟؟؟
    يجيب مصطفى : لكى يسف !!!!!!!!!
                   |Articles |News |مقالات |بيانات

13-02-2004, 08:16 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: KOSTA)

    الحبيب المميز كوستا
    شكرآ للمداخلة الحلوة و رغم لطفك لكنك تشبه القاضي لا أدري لم؟
    و بحضرة القاضي يطيب الإعتراف
    أنا ما جربت التمباك يا مولانا و أعتذر لو دردقت المسففين, لما نقول لزميل في الجامعة جيب سفة في قدام البنية بنكون قاصدين نفرتق خلطتو أكتر من إننا خرمانين, لكن يا مولانا-على طريقة الكاشف أخوي- أنا دخنت البرنجي و خمستو و شحدتو و إشتريتو و أستجررتو من الدكان الجنبنا و لي معه حكايات لا تنتهي و برغم كدة خليتو في أول زيارة للنبي الكريم عليه الصلاة و التسليم.
                   |Articles |News |مقالات |بيانات

13-02-2004, 08:05 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: Rawia)

    راوية العباسي
    تبري إنتي شخصيآ و يسلم نظرك
    ماأخدت بالك من نقاط التاء المربوطة؟
    لكن للسفه بالهاء أوقات أكثر من كونها مواقع, ألا تذكري:
    و للحلم أوقات و للجهل مثلها......ولكن أيامي إلى الحلم أقرب
                   |Articles |News |مقالات |بيانات

13-02-2004, 07:41 PM

ودقاسم
<aودقاسم
تاريخ التسجيل: 07-07-2003
مجموع المشاركات: 11129

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الطيب السمح وعديل
    لك التحية
    اتعلمنا التدخين في سن باكر ، ولما كان السجائر مرتفع التكلفة فقد انتقلنا للسفة ، وكان صديقي السنهوري يأتينا بكميات من ود عماري من مدني حيث يبيع بعض أهله التمباك ، ولم يكن الزميل كريما في إعطاء السفة ، لكنه كان صديقا مقربا لي فكان يخصص لي كيسا أو كيسا ، وإذا خلصت عليهم فهو يرفض إعطائي ولو سفة واحدة ، حتى يأتي بالدفعة الجديدة من مدني ،، وكانت غرفة الأستاذ المشرف على الداخلية في حنتوب ، كانت قريبة من غرفتنا ، لكنا ما كنا نتصور أنه يسمعنا حين أقول لزميلي سفة بالله ، فيرد علي : ما في
    يا أخي سفة واحدة بس
    مافي
    يا أخي تاني لو شحدتك ما تديني
    يا ود قاسم شوف والله الكيس ده إن نضم ما أديك سفة ..
    ثم أصبحت ( إن نضم ) هي الرد ،
    فتساءل الأستاذ :
    سنهوري وودقاسم من الصباح يقوموا إن نضم إن نضم ، ده شنو البينضم ده ؟
    وكانت تلك أيام جميلة ..
                   |Articles |News |مقالات |بيانات

13-02-2004, 08:26 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: ودقاسم)

    العزيز ود قاسم سمح إنت و ........آآآآآآي
    لا أريد أن أهبط بفهمك للسمح لكن دة غنا الزمن المهبب.
    الملاحظ أن معظم المحبين الحنان للسيد الصعوط جاؤوه {بلجوء إقتصادي}
    لأن فنكهة التدخين مكلفة جدآ في السودان, أنا برضو دخنت بدري لكن كنت {بشيل} من أبوي و أخوي الكبير بدون علمهم يعني ما داير أقول سرقة, بعدين لا أدري ما أجرأني عليك لأني لم أذكر ذلك للقاضي كوستاضمن إعترافاتي بعاليه.
                   |Articles |News |مقالات |بيانات

13-02-2004, 08:51 PM

KOSTA
<aKOSTA
تاريخ التسجيل: 05-02-2002
مجموع المشاركات: 3138

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الطيب


    يا اخى شكرآ على حسن ظنكم بنا
    قاضى مرة واحدة !!!!!
    و اين نحن من القضاة العادلين

    لا اظن اننى اشبه اؤلئك الافذاذ
    و لكنه حسن ظنك باخيك ... لك الفأل الحسن

    لا ادرى زمااان كانت الحبوبات و الخالات و العمات بيسفن و بمزاج و باحترافية عالية ..... كيف الآباء و الاجداد سمحوا لهن بذلك لا ادرى ؟؟؟
    مع العلم بان " تدخين " النساء كان مستهجنآ من كل قطاعات المجتمع و كان يعد نوع من " السفه " الذى تقصده راوية
    الآن اصبحت بنات حواء يتعاطين حتى " الشيشة " ... و على عينك يا تاجر ..
    ترى هل تغير الزمن ؟؟
    ام هل تغير " الرجال " ؟؟؟
                   |Articles |News |مقالات |بيانات

13-02-2004, 09:02 PM

خالد الحاج

تاريخ التسجيل: 21-12-2003
مجموع المشاركات: 0

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: KOSTA)

    يا كوستا يا أخوي كانن بيسفن لكن يتلفن بالتوب ويقبلن علي الحيطة
    ولامن تتكلم مع واحدة فوقهن تقول ليك أممممممم ولو كترت الحجة- بكسر الحاء- تلحقك بي (برطوش)
    أسه السجاير بقي في طرمبة البنزين عينك يا تاجر ويا أخوي الزمن إتغيير أسة قالوا التمباك بقي موضة عند الجندريات-البجيبو الله كلو خير- الموضوع ده بجيب لي الهوا
                   |Articles |News |مقالات |بيانات

13-02-2004, 10:15 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: خالد الحاج)

    يجازي محنك يا خالد
    Quote: ولامن تتكلم مع واحدة فوقهن تقول ليك أممممممم

    ضحكتني لمن صحيت أم بشير, ياخي {الفتنة} نائمة مالك موقظها؟ هسا اللعنة علي و لا عليك؟
                   |Articles |News |مقالات |بيانات

16-02-2004, 00:47 AM

ست البنات
<aست البنات
تاريخ التسجيل: 02-10-2002
مجموع المشاركات: 3639

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: خالد الحاج)

    الأعزاء الأخوات والأخوة ,اشتاق اليكم جميعآ !!! وطبعآ فى ناس حبايبى لكن لسه ما عرفونى , فحال مغيرة اسمى !!! الله يقلع العكومة دى !!!
    بمناسبة الصعوط , ونحنا الشايقية نسميه كدا ,
    عندنا حبوبتنا سفتها كبيرة وحقتها دائمآ عمرانة , وماب تصلى , ولدها قال ليها يا أمى لازم تصلى والصلاة تنور القبر !! قالت ليه منوراهو لى شنو ؟ جايى أكوس حقتى ؟؟؟؟
    ****
    فى راجل شايقى عجوز عندو ديكيكين فى الحلة وكلما يمشى للمحلات الكبيرة فى السوق يلقى مكتوب ممنوع التدخين , ممنوع الوقوف أمام المحل , ففكر يعمل زيهم , وهو عندو رويكيبة قدام الدكان , كتب فيها ممنوع رمى السفة فى الراكوبة !!!
    ***********
    يا ناس خالد وتماضر ومحمد نقد ورجاء وعشة بت فاطنة وخالد العبيد ورقية وراق وكل المشتاقة ليكم تحياتى ....
    ست البنات .
                   |Articles |News |مقالات |بيانات

16-02-2004, 02:25 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: ست البنات)

    الأخت ست البنات
    حبابك بكل الأسماء طالما أنت ستهن لي حدهن
    أرد النكتة بأخرى
    سواق الشيخ مفتاحو وقع, دنقر يشيلو قامت حقة الجن إتدردقت ترررررر تررررر و لمن جات جنب رجلين الشيخ عملت الحركة بتاعة نهاية الرحلة و لفت حول نفسها مرتين تلاتة ترررب رب رب و تكومت تمامآ قدام رجول الشيخ.
    ‘إمتلأ الجو حرجآ و تكهرب
    فبادر السائق بسؤال الشيخ:
    إنت يا شيخنا الصعوط دة -مشيرآ للحقة- حرام و لا حلال؟
    قال الشيخ: و الله العلما إختلوا و ........
    هنا قفز السائق المسكين خاطفآ الحقة و قال مقاطعآ الفتوى:
    أنا بسف لمن يتفقوا.
                   |Articles |News |مقالات |بيانات

13-02-2004, 10:09 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: KOSTA)

    مولانا كوستا
    هو ما يسميه أهلنا {السمت} و هو وصف أدق من مجرد الشبه أو الملمح
    فيك سمت القضاة
    الحبوبات كانن بدخنن و بيسفن حين ينقطع منهن الأرب و غالبآ تكون الواحدة مستقلة إقتصاديآ يعني بي حواشتها و و المفحضة ذات الثلاث طوابق مملوءة بالكاش الكشكاش و ما عندها شغلة في الراجل.
    لكن شيشة النسواندي أنا ما حضرتها و لما زارني الوالد المرة الفاتت ذكرها لي و لا أستطيع حتى تخيل ذلك.
    Quote: ترى هل تغير الزمن ؟؟
    ام هل تغير " الرجال " ؟؟؟

    نزار قباني هو؟
    العطر عطرك و المكان هو المكان
    لكنني ما عدت أشعر في ربوعك بالأمان
    شيء تبعثر بيننا
    لا أنت....أنت
    و لا الزمان هو الزمان
                   |Articles |News |مقالات |بيانات

13-02-2004, 08:46 PM

Osman Hamad
<aOsman Hamad
تاريخ التسجيل: 19-11-2003
مجموع المشاركات: 476

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    والله ياطيب انت سوما ضحكتونى...بالله ماعرفتو سفة الاضان دى....دى ياجماعة ماسفة...دى بكون الزول شاحدها وعاوز يسفها بعد مايطلع الاولى الفى خشمه...او بكون عندو سفة واحدة بسفها لمدة قصيرة ويطلعها ...ويخدها فى اضانو وتانى بعد مايخرم يرجع يشيلها من اضانو ويسفها...ذى الناس البختو السجارة فى اضانهم عشان مايدخنوها لاحقاً.

    بالرغم من ذلك انا ما باسف ... لكن بارينا الشِفوت البسفو.
    لكن السجارة(العادية) بينى وبينها غرام.
                   |Articles |News |مقالات |بيانات

13-02-2004, 10:21 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: Osman Hamad)

    العزيز عثمان حمد ود الناظر
    كيف حالك و المرارة و الرحم؟
    قلت لي كيف
    Quote: بالله ماعرفتو سفة الاضان دى....دى ياجماعة ماسفة...دى بكون الزول شاحدها وعاوز يسفها بعد مايطلع الاولى الفى خشمه...او بكون عندو سفة واحدة بسفها لمدة قصيرة ويطلعها ..

    نحن زمنكم دة ما حضرنا محنو
    السفة ذاااتها فيها إقتصاد؟
    دي جديدة و حاة خوتك
    واعمل حسابك من غرام السجاير و أسأل مجرب
                   |Articles |News |مقالات |بيانات

13-02-2004, 10:27 PM

ali othman

تاريخ التسجيل: 02-12-2003
مجموع المشاركات: 919

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    أولاً حبوباتنا كانن بسفن وبشربن سجائر كمان ( ماعلى إستمرار لكمن لما تجيها الخرمة تقول ليك عندي ظار )
    أما سفة الشفة العليا دي أول ما أبتدعت كان في أوائل الثمانينات وسميت بالشنقة أو سفة الطلبة ، ولم تكن خوفا من البنوت بل لكي يستطيع الطالب السف داخل الفصل دون أن يلحظه الأستاذ.
    وهنا يستحضرني سؤال للجندر ليه البنت لما تخيرها بين السجائر والصعوط تقول ليك إنه أخير السجائر لأنه إجتماعي علما بأن الصعوط أخف الأضرار .
                   |Articles |News |مقالات |بيانات

13-02-2004, 11:49 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: ali othman)

    كتب ali othman
    Quote: أما سفة الشفة العليا دي أول ما أبتدعت كان في أوائل الثمانينات وسميت بالشنقة أو سفة الطلبة ، ولم تكن خوفا من البنوت بل لكي يستطيع الطالب السف داخل الفصل دون أن يلحظه الأستاذ.

    جميل جدآ إضافة لفظ الشنقة هذا لأنو السفة المسكينة فعلآ بتكون مشنوقة, كذلك لم يتطرق المقال الأصلي للزوغة من المدرسين مع إنها مهمة جدآ لكون بدايات التمبكة بتكون في سن المدرسة.
    شكرآ لكل الإضافات الثقافية لفن التسفيف.
                   |Articles |News |مقالات |بيانات

14-02-2004, 10:16 PM

انور الطيب
<aانور الطيب
تاريخ التسجيل: 11-10-2003
مجموع المشاركات: 1968

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الأخ الطيب بشير وجميع الأخوة المتداخلين لكم خالص تحياتي والطفها ؛ وكثيرا ما كنا نتناقش أيهم أفضل التمباك ولا السجاير وما زالت الاجابة متروكة لهوى القارئ لكن أكاد أوافق الأخ خالد بأن التمباك ضرره في الغالب ينحصر في مستخدمه هذا ان كان المستخدم حريفا ولا يؤذي من بقربه لحظة التخلص من السفة ولكن ان لم يكن كذلك فلا فرق عندي بين الاثنين؟

    وعلى ضوء السفة قيل أن أحد البسطاء سال تمساحا كبيرا من تماسيح الخرطوم التلقى جيب جلابيتو مترين فقال ليه بكل بساطة بتسف يا الأخو فرد عليه هذا التمساح وقال له : لا ببلع !

    كذلك لا يخفى عليكم قصة الشايقية " فليعذرني أهلي الشايقية على ادراج اسم قبيلتهم هنا" التي كانت تجلس بالقرب من الشباك في أحد البصات السفرية فطلب منها شاب ان تتركه يجلس مكانها وهي تجلس مكانه فقالت له في شان شنو فقال ليها أنا بسف فردت عليه بكل قوة ومال دي شوكولاته وهي تشير الى سفة كبيرة ترقد بين شفتيها.

    رغم كل هذا أطالب بتطوير كيس الصعود وذلك باجراء بعض التعديلات
    1- اضافة الى كتابة المنتج الرئيسي أطالب بكتابة تحذير طبي يحذر من خطورة استخدامه.
    2-أطالب هيئة المواصفات السودانية باعتماد مواصفات محددة للصعود ولابد من اعتماد اسم واحد اما صعود أو تمباك وليكن ذلك بواسطة لجنة أكثر أعضائها من المناطق المنتجة.
    3- ضرورة احكام أغلاق الكيس بسستة أو أي شئ مناسب يمنع تسربه المباشر الى الملابس والا سوف يتعرض المنتج للمساءلة القانونية.
    4- في الختام أطالب باعتماد أوزان قياسية معتمدة من هيئة المواصفات لأنو العملية مزاج وليست خمج.

    في الختام أسأل الله أن يعافي المبتلى بهذه الآفة كما أنني لن أرد على السؤال الذي يقول أنك بتسف والله لا لكن على كل أنا ما ببلع!

    ولكم خالص ودي وتقديري
    __________________________________________________________

    أخي الطيب أنا تربطني علاقة بأهل طابت وخصوصا من كان منهم بالحلفاية وأخص بالذكر عمك العبيد وأولاده ناس دكتور الطاهر وغيرهم وكذلك ابراهيم خلف الله وأولاده صلاح والبقية وكذلك مدني وعماد أحمد الطيب و القائمة تطول لكن لا تسعفني الذاكرة الآن
    كذلك لدي محبة خاصة لجميع شعراء طابت السادة المتصوفة أولاد الشيخ عبد المحمود.

    وتجدني أميل بصورة خاصة للشاعر القمة الفاتح محي الدين

    ولك خالص شكري وتقديري
                   |Articles |News |مقالات |بيانات

15-02-2004, 00:40 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: انور الطيب)

    الأخ الكريم أنور الطيب
    تحياتي لك و أنت تشابه إسم صديقي أنور الطيب {ود السرة}
    و كل من ذكرتهم من ناس طابت في الحلفاية هم أهلي و أقرب الناس لي
    و لودخلت صفحة ناس طابت www.tabatpeople.com
    و تمشي منبر الحوار
    ستجد مقالآ كتبته بالأمس عن بروفيسور عثمان العبيد أخو د/ الطاهر ود/محمد أحمد و صديق العبيد’ و الجماعة ديل -ما عشان أهلي- لكن ناس فاضلين جدآ أمسك فيهم قوي بيشبهوا الخير الفيك.
    Quote: أطالب باعتماد أوزان قياسية معتمدة من هيئة المواصفات لأنو العملية مزاج وليست خمج.

    هل تعلم أن ود عماري بتاع السوق الشعبي كان بيسوي بنج مع العطرون؟ أنا سمعت كمان إنو بنج حصين لكن معرفتي بالتخدير لا تقل عن درايتي بالهيروغليفية لذا أقول بنج فقط و الفكرة إنو السفيفة يلقوهو قوي و كارب و بالتالي ينافس.
    تقول لي مواصفات!
                   |Articles |News |مقالات |بيانات

14-02-2004, 10:22 AM

abumoram22


للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: ali othman)

    أولا أنا مدمن تنباك ومن فريق يحذر الداخل اليه ما يطلع حقته في المجلس لأنها ببساطة ترجع اليه فاضيةيعني بتاخد ليها لفة كاملة وبالرغم من ذلك فهو عادة قبيحة غير اجتماعية وتدخل الواحد في حرج شديد وكتير ما تضيق بيك الوسيعة وانت داير تتخلص منها بعد أن عدلت المزاج وأحرج اللحظات في السفر الطويل بالمواصلات العامة. شوية الأيام دي مناديل الورق ريحت شويةوالبنات ليهن حق وألف حق فهو من ناحية الريحه كريه ومن ناحية المنظر قبيح ومن ناحية النظافة حدث ولا حرج. اسأل الله العلي القدير أن يتوب علينا منه جميعا
                   |Articles |News |مقالات |بيانات

14-02-2004, 12:27 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: abumoram22)

    الأخ abumoram22
    إن وافقتك في فكرة الإقلاع عن الصعوط لكونه عادة ضارة فلن أوافقك في أنه كريه و محرج, فكم جلست مع تمباكة و كم كنت {حامله} لأجلهم و لم أشعر بضيق إطلاقآ حتى و أنا أرقب عملية عويج الخشم التي تصاحب لحظات إخراج السفة, لا يثير ذلك إشمئزازي أبدآ بل فضولي.
                   |Articles |News |مقالات |بيانات

14-02-2004, 00:33 AM

سارة منصور


للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الاستاذ الطيب بشير ..
    ازيك تاني و ثالث ..


    انالكن قلت ليك ( حملة نسائية .. يعني بقيادة واحدة ست..)
    وعلي حسب خبراتنا الستاتية مايجيبها الا نسوانها.و تسلم ياابو البشير...
                   |Articles |News |مقالات |بيانات

14-02-2004, 02:32 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: سارة منصور)

    السيدة سارة
    عليك السلام تاااني
    جربي الحملة النسائية و بالتوفيق
    قلت لي:
    Quote: يعني ميتة و خراب ديار

    في حملتك لازم تبدي إصلاح الخراب دة من بيتك في الأول‍‍‍‍‍‍!
    بتقدري؟
                   |Articles |News |مقالات |بيانات

14-02-2004, 05:58 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    ذكر العزيز كوستا
    Quote: اماكن بيع " الفرح المعلب فى الاكياس " او " عجوة الفقراء "

    أسماء الدلع للصعوط كثيرة و تعبئة الفرح في أكياس ساخرة و معبرة في ذات الآن أما لقب العجوة للتمباك فيذكرني بالأخت ........, فقد كانت تشتري الصعوط لخطيبها-آنذاك- وكانت تسميه عجوة و تفسر ذلك بأن خطيبها ممتحن و مشغول فهي تأتيه بالسندوتشات و القهوة و الصعوط!
    كان هذا الموقف المتصالح جدآ مع الصعوط غريبآ على البنات و على مجتمعنا لا سيما منتصف الثمانينات لكنها كانت تقف خلف الرجال في أشهر محل ود عماري في السوق العربي بين سوق الصاغة و عمارة البنك الصناعي, و كان البائع قد إعتاد عليها فتسمعه يهديء الشباب بقوله:
    دقيقة يا جماعة النمشي الأستاذة
    و يجتهد في لف الكيس بورقة و يناولها له
    و قد تلحظ الأستاذة النظرات الشذرة لكن لا يهمها فالمهم أن ذاك الممتحن المحظوظ يسف في مواعيدو صعوطآ حديث التمطير و قد إحترمتها كثيرآ لهذا الموقف برغم أنها جديرة بالإحترام لشخصها بالأساس لكن النظرة المتفهمة أفضل من حكاية
    يا أنا يا الصعوط

    (عدل بواسطة الطيب بشير on 14-02-2004, 06:04 AM)

                   |Articles |News |مقالات |بيانات

14-02-2004, 07:22 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    *
                   |Articles |News |مقالات |بيانات

14-02-2004, 08:18 PM

KOSTA
<aKOSTA
تاريخ التسجيل: 05-02-2002
مجموع المشاركات: 3138

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الطيب


    كان لى اقربائى من " مدمنى " التنباك .
    كانوا فى نهاية الاسبوع يذهبون من الكلاكلة ( و الزمن داك البنزين معدوم ... فى سوق الخرطوم ) الى عمارى " الوطنية " ببحرى ...( و يقصد بالوطنية : سينما الوطنية بحرى ) حيث كان هذا المحل ملاصقآ او مجاورآ لسينما الوطنية بحرى .

    و الشاهد انهما كانا يشتريا الصعوط بكميات " تجارية " ...يعنى ربعين تلاته!!! و مع هذه الكميات التجارية كان صاحب العمارى يعطيهم كمية " تجارية ايضآ " من الاكياس الصغيرة " رقشات " بحيث يستطيعا ان يتعاطيا " الربع " على مراحل بالاخذ منه كلما انتهى الكيس الاول ... علمآ بان الربع يظل " و بكل كبرياء " قابعآ فى ركن قصى من الثلاجة ... و فى رواية لو الكهرباء قطعت ( و طبعآ ذاك امر شايع فى ذاك الوقت من منتصف الثمانينات و حتى اواخرها ) يتم وضع الربع ( النبيل ) فى الفريزر حتى ينعم ب" الترطيبة " اللازمة لكى يحافظ على " لزوجته " الكيفيه ( من الكيف ) .

    اما ان اصبح الربع " خاليا " فهذا يعنى ان " التمبكجية " غير محترفين ... و الا لغادروا " المتردم " و يمموا شطر " الوطنية " قبل ان يصبح " الربع " و " الفم " و الفؤاد " خاليين الوفاض !!!
                   |Articles |News |مقالات |بيانات

14-02-2004, 09:48 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: KOSTA)

    يا كوستا يا اخوي قاضي شنو دة البتحاوم في بوست الصعوط كتيييير كدة؟
    شوهد القاضي كوستا في {مواضع} شبهة تنال من {سمته} و قد تولى الردود غير مرة مما يؤكد سبق المعرفة بسيء الذكر الصعوط و الذي تولى كبره منهم المدعو الطيب بشير و بالمناسبة يا كوستا أطلع ليك من الموضوع حبة هل تعلم أن معرفتي كانت جرمآ تمت بسببه مساءلة صديق في منتصف التسعينات؟ أي و الله!
    عليك الله دي مش حالة أخير منها التمباك؟
    لكن قول لي , يعني الكميات الكبيرة دي كلها ما نابك منها شيء؟؟
    و لا سفة بي منديل ورق؟

    (عدل بواسطة الطيب بشير on 14-02-2004, 09:52 PM)

                   |Articles |News |مقالات |بيانات

15-02-2004, 03:36 AM

Ehab Eltayeb
<aEhab Eltayeb
تاريخ التسجيل: 25-11-2003
مجموع المشاركات: 2850

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الحبيب ابو بشير:
    عاطر التحايا بالفلنتاين..
    ونضم صوتنا ..
    ولكن نخشي عليك من حملة تجار ومستهلكى الصعود..
    وفي نكتة انو استاذ براقب في طلبة في امتحان وعندو مشكلة وهي قلب الشين سين وبالعكس(بالعكس دي تذكرك شنو??)..
    لقي طالب بنقل من جاره قال ليه انت بتسف?
    الطالب طلع كيس الصعود فقال الاستاذ:
    وكمان بتشف!!!
                   |Articles |News |مقالات |بيانات

16-02-2004, 00:10 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: Ehab Eltayeb)

    العزيز الباشمهندس إيهاب
    تحياتي لك و الأخ أمين
    هل يوجد بالدار حريف؟
    يعني زول بيشف؟
    شكرآ للطرفة
                   |Articles |News |مقالات |بيانات

15-02-2004, 05:49 AM

خالد الأيوبي
<aخالد الأيوبي
تاريخ التسجيل: 17-01-2004
مجموع المشاركات: 751

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    Quote: كانوا رجالآ لا يخشون في {الحقة} لومة لائمة و كانوا يعلنون عن سفتهم بحركات إبداعية تبدأ بطق المرفق و تمر بالرسغ و تنهي بالهامة

    الحركة دي يا الطيب الجيل الجديد ناس سفة "الشنقة" ديل ، ما شافوها و لا حيقدروا يتخيلوها...



    اما ان اصبح الربع " خاليا " فهذا يعنى ان " التمبكجية " غير محترفين ...

    يا الطيب صاحبك كوستا طلع محامي و ليس قاضي ....
    قال عندي أقربائي من مدمني الصعوط ..
    ديل لو طلعوا مدمني "مخدرات" عديل يا كوســتا بأسلوبك الظريف ده حتطلعهم براءة.

    أما نكتة إيهاب الضيف ، فظريفة رغم إنه لا بسف ولا بشجر . تحيِِــــاتي لكم
                   |Articles |News |مقالات |بيانات

16-02-2004, 00:15 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: خالد الأيوبي)

    تعرف يا أيوبي
    أهلكم العمانيين بيسفوا برضو, أذكر إنو صاحبي العماني قال إنو عندهم في صلالة صعوط قلت ليهو ما يكون القات بتاع اليمن العجيب داك لكن قال لي صعوط عديل’ قلت و الله الناس العاملين عمايمهم زي كرفتات الجزلي ديل ما هينين.
                   |Articles |News |مقالات |بيانات

15-02-2004, 07:28 AM

aboalkonfod
<aaboalkonfod
تاريخ التسجيل: 04-05-2003
مجموع المشاركات: 534

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)


    الأخ / الطيب بشير وضويفك الكرام ،،، سلام

    شكراً لموضوعك الظريف والجميل ..
    كنا متابعين موضوعك من على البعد .. وعزفنا
    عن المشاركة مخافة الشبهة .. أو البينة الدامغة

    وأضيف ...
    أخي لا تنسى البعد الاجتماعي للتمباك .. وما يخلقه من
    إلفة وترابط بين "التمبكجية " ، أو كما كان يطلق عليهم
    "العربجية" في سالف الأيام .. فمثلاً عندما تجلس في الحافلة
    أو البص وترى جارك أخرج كيسه "الزي كيلوة الخروف" ينتابك
    شعور بالحميمية "وتشحدو" سفة .. ودي بداية ونسة ودخول في
    الرجل.
    وهو أي "التمباك" يقرب بين "الفرد" والأصحاب خاصة في أوساط
    الطلبة الجامعيين، ويمنحهم مزيد من الثقة في المقدرة على
    "الجكسنة" و "الشنغنة" في آنٍ واحد.
    وللتمباك أبجدياتة وأدبياته وبروتكولاته التي يحذقها الجهابزة
    وكبار الكيفيين .. التي يتقنونها ولا يحيدون عنها أبداً.
    وشحدة التمباك لا ترد .. وإن لم يبقى في الكيس أو الحقة إلا
    "سفة" مصداقاً لقول الشاعر
    ترى اللحز الشحيح إذا أمرت عليه .. لماله فيها مهينا

    أما عن أوضاع السفة ومواضعها الأساسية والفرعية وآخر
    الابتكارات .. فهذا موضوع قد يتشعب.

    أبو مدلج
                   |Articles |News |مقالات |بيانات

15-02-2004, 08:57 AM

abumoram22


للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: aboalkonfod)

    الأخ الطيب سلام مربع
    قالو اسأل مجرب وكان زنقتك سفة وانت في البص ولا في اجتماع مع أغراب كنت عرفت أن السيد التمباك محرج كيف والحمد لله ربنا ما ابتلاك بيه الكلام القالو أخونا أبو القنفد صحيح فاكرم الناس التمبكجية لايرد السائل أبدا لان القريفة مارة عليه وكما قالو البدي السفة راجل وال.................
                   |Articles |News |مقالات |بيانات

15-02-2004, 10:52 AM

ازرق

تاريخ التسجيل: 22-09-2002
مجموع المشاركات: 0

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: abumoram22)

    الطيب بشير

    سلامات

    اشرت الى منع الامام المهدى لمسالة تعاطى التمباك وقد تناهى الى سمعى ورسخ فى ذهنى مثل سودانى يقال هو من فترة المهدية وله علاقة مباشرة بالتمباك وهو:

    ( البدى السفة راجل , والختر ما اتقفا راجل , والبسوقن ضفة راجل )

    أامل من المداخلين التطرق للامثال التى تحتوى على ذكر التمباك , هذا ان وجدت اصلا .


    مع تحياتى وودى
                   |Articles |News |مقالات |بيانات

16-02-2004, 00:38 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: ازرق)

    العزيز أزرق كيف حالك؟
    شاكر إضافتك المقدرة
    Quote: ( البدى السفة راجل , والختر ما اتقفا راجل , والبسوقن ضفة راجل )

    ( البدى السفة راجل, دي واضحة.
    , والختر ما اتقفا راجل , و دة أظنو بداية فكرة الهجرة من أجل وضع أفضل بحيث يبعد الراجل حتى لا يقتفي أثره أحد و أظنها مهما بعدت لا تقاس ب{صقط لقط} بتاعتنا دي.
    والبسوقن ضفة راجل, أما هذه فلا أرى لها إلا الهمبتة أي سواقة بهايم البخيل حمرة عين لكن ما عرفت الضفة دي بمعنى شنو؟ ضفة النهر؟ و لا بالنهار يعني؟ و لا ضفة معناها كلهن؟ آآآ بعرفو )
                   |Articles |News |مقالات |بيانات

16-02-2004, 09:33 AM

ازرق

تاريخ التسجيل: 22-09-2002
مجموع المشاركات: 0

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الطيب بشير


    سلامات


    والله انت صاح (البسوقن ضفة) اشارة للهمباتة الذين يشبهون الى حد ما صعاليك العرب الذين جابوا الصحراء آنذاك.


    مع تحياتى وودى
                   |Articles |News |مقالات |بيانات

16-02-2004, 07:59 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: ازرق)

    الأخ أزرق
    جميل تشبيه الهمباتة بصعاليك العرب بجامع رفض القانون السائد عند كليهما لكن أظن أن ناسنا أحسن شوية لأنو قيم صعاليك العرب بقيت داخل النسق القيمي العربي
    و أغض طرفي إن بدت لي جارتي.......حتى يواري جارتي مأواها
    لكن
    الهمباتة كسروا حاجز قوي حين أباحوا السرقة من البخيل نهارآ جهارآ ليس ليستمتعوا بجمع المال بل ليعطوه للمحروم
    ماني الطقطقة العر البقول سويت
    و يشهد خالقي كان يوم السؤال قريت
    إن بردن نقود مال البخيل كشيت
    وان حرن بكار ماهن صفايح زيت
    واضح
    هنا أنه يستبيح مال البخيل فقط, أما صفايح الزيت فتعريضآ بزميله في الحبس لصآ سرق صفايح زيت و ليس همباتآ يقود البكار !
                   |Articles |News |مقالات |بيانات

16-02-2004, 00:30 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: abumoram22)

    الأخ abumoram22
    مرحبآ بك متمبكآ هاديء البال
    أعجبني إيراد الأخ أبو القنفد للبعد الإجتماعي للصعوط بفكرة مدخل الونسة و كدة أما كرم التمباكة فهذا مثل سيجارة الكليوباترا في مصر ليس مقياس دقيق.
                   |Articles |News |مقالات |بيانات

16-02-2004, 00:25 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: aboalkonfod)

    العزيز أبو مدلج aboalkonfod
    تحياتي و مرحب بيك في بوست ود عماري و أنا سعيد إنو أعجبك و لا تخشى الشبهة عندنا قاضي واحد هنا هو الأخ كوستا و صار زولنا من كترة مشاركاتو في التمباك أون لاين, ما تقوم تطلع إنت برضو قاضي؟
    Quote: وشحدة التمباك لا ترد .. وإن لم يبقى في الكيس أو الحقة إلا
    "سفة"

    يبدو يا حبوب أن الأمر به إستثناء!
    ألم تقرأ
    Quote: إن نضم
    و قال ود قاسم هي إختصار لرفض إعطاء السفة حتى لو الكيس ذاتو تكلم أو نضم, و هي على أية حال سابقة يمكن القياس عليها برغم كونها بينة ظرفية تشير لتكرار الشحدة من العزيز ود قاسم.
    Quote: إن نضم
                   |Articles |News |مقالات |بيانات

15-02-2004, 07:57 PM

شريف محمد ادوم

تاريخ التسجيل: 13-12-2003
مجموع المشاركات: 0

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الاستاذ الطيب بشير لك كل الود


    لقد اغرقتني في موجة من الضحك وعدة بي الي زكريات الطفولة الاولي حيث كانت لي مع الصعود زكريات مرة اذكر انني في الاجازة كنت اعمل في ورشة جدي عبد عمر بي السوق الصغير وبي الطبع كانت طبيعة عملي هي تلبية طلبات الاسطوات النجارين في الورشة وكانت من الاشياء المحببه الي النفس هي مشاوير الذهاب لي احضار التمباك من دكان الجد مصطفي حامد حيث كنت بحرفني اقوم بوضع جزء صغير في شفتي وقبل وصولي الي الورشة اقوم بي التخلص منه كنت اشعر بنوع غامر من السعادة ولكن في مرة من ذات المرات قمت بزيادة الكمية وشعرت بان الدنيا تدور ولكني تمالكت نفسي ولكن بعد رجوعي الي الورشة بفترة قليلة انفجر صراع عنيف بداخل امعائ كان نتيجته الاستفراغ ولقد اعطية اجازة وهكذا رجعت الي المنزل وفي المنزل تم استدعائ الممرض احمد يوسف الذي قام بي اعطائ حقنة ملاريا طبعا اذعنت ولم انبث بي بنت شفة والكارثة انني اضطرارت علي الصبر خمسة ايام اخري حيث كان يتم حقني بحقن الملاريا ومن ديك لم احاول اعادة السف تحت اللسان لكني في ذات يوم اكتشفت في الاندية انه يمكن ان تسيف بواسطة النخرة وذلك حين رايت واحد من اهلنا الجنوبيين يدخل التمباك داخل نخرته عجبتي الفكرة واستحوذة علي تفكيري وهكذا صرت مرات مرات كدا اجربها وحين صرت شاب خاصة حين اطشم استمتع غاية الاستمتاع بوضع التمباك داخل نخرتي لكن ومنذ 5 سنوات لم افعل ذلك لعلي في اول زيارة الي السودان سوف اعيد تلك التجربة
                   |Articles |News |مقالات |بيانات

16-02-2004, 00:46 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: شريف محمد ادوم)

    العزيز شريف محمد ادم
    حبابك و أهلا بيك يا شليق
    خمسة حقن ملاريا؟ ياخي دي سفة مكلفة جدآ.
    لكن كمان
    Quote: استمتع غاية الاستمتاع بوضع التمباك داخل نخرتي

    ياها دي المكلفة
    وزي ما قلت في مداخلة سابقة ما بتجيك عطسة؟
    أو السفة نفسها ما بتقع؟
    و لما تجي تمرقا كيف؟
    تعمل جيييييط نجنجنيييط
    لالا لالالا دي حتمآ بعيد عن البنيات
                   |Articles |News |مقالات |بيانات

16-02-2004, 05:23 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الأخ الكريم أبو مرام
    صباحك هائل البهاء و قد تكون عندكم بي في الليل ف مساءك حلو الأرج
    أولآ بالتبادي أنا تعبت جدآ عشان ألقى ردك دة! طبعآ إفترضت إنو آخر واحد ح يكون في النهاية يلا و بقيت أبحت, لذلك إقتبست جزء كبير للرد
    Quote: . استميح الأخ الطيب بشير عذرا أن أطلب من جميع أصحاب الإختصاص وأهل الخبرة التكرم ببيان أضرار التمباك والوسائل التي تساعد على الخلاص من هذه العادة لأنني وبصراحة حاولت كثيرا التخلص منها ولكن كل محاولاتي باءت بالفشل ومازلت أحاول ولكنني أضعف أعينونا أعانكم الله

    أولآ الصعوط من سلالة سيك سيك معلق فيك و هي لا تعني إستحالة الفكاك بقدر ما تشير لصعوبة الإقلاع فلا تيأس.
    ثانيآأضرار التمباك_ثقافة سماعية_ بسوي رجفة و بيبرط الشلوفة أها نخلي الدكاترة يقولو الأمراض نسعل اللهو السلامة.
    ثالثآ و أخيرآ الصعوط أيضآ علاج من {فئة} الكمدة بالرمدة و هو يشفي وجع الضرس و يسبب بالطبع وجع العادة فأيهما أيسر؟
    نسمع المختصين.
                   |Articles |News |مقالات |بيانات

16-02-2004, 10:55 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    جاءني تعليق بالإيميل على قصة التمباك من أخت لا تملك عضوية المنبر
    سأكتفي بنشر جزء منه و لها التحية.
    Quote: السعوط أيضا متعب عند النظافة المنزلية و بنلقى باقي السفة في طرف حوض اليدين في الحمام حالة صعبة.
    و لما نكنس الحوش بنعطس كتير ليه كدا يعني
    السجائر أحسن في النظافة و الآتنين كعبات
    و دمت في حفظ المولى

    دمت إتي ذاتك ياختي
    و كلميهم يراعو أسس النظافة معاك.
                   |Articles |News |مقالات |بيانات

17-02-2004, 00:24 AM

esam gabralla

تاريخ التسجيل: 03-05-2003
مجموع المشاركات: 6116

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    الاخ الطيب الراقى
    سلامات ياخى
    ياخى لكن الحكو ما عندك,تعرف من وصفك قلت الزول ده "زميل" درجه اولى ..حالتك ده بالشوف والسمع بس بالغت عديل
    تصدق جهجهتنى الاسبوع الفات ده اتاوق للبوست بتاعك ده وامشي واجى راجع,لان الونسه عن العمارى لا تقل روعه عن تعاطيه..الواحد اطمأن انو لسه فى كييفه و مخلصين لهذه العاده العجيبه
    التمباك ريحته كريهه و طريقة سفه وبصقه اكره,نتفق مع الرجال والنساء البقولو كده ومتعب فى النضافه وضار صحيآ جدآ لانو بيأثر على الشهيه وبسبب سرطان اللثه والشفاه والله شفت صور اس عندهم سرطان قررت فى نفس اللحظه اقيف..الكلام الفات ده كلو صاح لكن انحنا الكييفه بدخل بالاضان دى وبطلع بالتانيه..و لا شنو يا اخوان؟؟؟
    من حكاوى ومحن التمباك:
    نسيبآ لى يبدو انو قبل العرس جرجروهو للاقلاع عن التمباك,والراجل كان كييف وبسف تحت تحت وكنت اساعدو فى ذلك,مره اتزرا وقطع وعد والتزام انو ما يسف,لكن واصل بالدس...مره شغال فى مكتبو ومكوم السف ممتازه اذا بالباب يفتح وتدخل زوجته صاحبنا بكل الخلعه الممكنه فى الدنيا قال ليها"انتى ابوكى فكى ,المرتين الاسف فيهم تجى داخله!!!!!"
    فى الجامعه وكنا حينها نتصور ان مظهر الانسان "الثورى او اليسارى او الشيوعى" مفروض يكون مبهدل او مبشتن,الفكره دى جات من وين انا ما عارف وده موضوع تانى ربما نتحدث عنه فى وقت تانى,المهم جزء من البهدله دى انو السفه تكون "علنيه" وفوق كبيره ومخالفه وكنا انحنا مجموعه من اعضاء الجبهه الديمقراطيه معروفين بالقصه دى ونتندر على زملائنا الداسين حكاية انهم بسفوا دى او المابسفو نهائ , المهم وانا فى البرلم ومكوم السفه فى نص النشاط جات على واحده زميلتنا و بغضب شديد "ده شنو ده القرف ده" وهى زوله رقيقه و راقيه شكل و روح واتوقعت محاضره عن التمباك فقالت لى "امشى لفلان خلى يعلمك السفه الظريفه البدسوها فوق" واحترمت فيها تفهمها للكيف و انو القصه ابعاد جماليه فقط...
    حبوبتى الحرم كانت بتسف,ورغم انو اى زول كان عارف الحكايه دى الا انها كانت معتقده 100% انها داسه من الناس كلهم ,تنادينا وانحنا صغار "تعال يا ولد .. امشي اشترى لى المعلوم" وهى كلمة السر التى كان الجميع على علم بها..وانحنا نجيب المعلوم فى غمضه عين ونقف فى انتظار ما تجود به محفضتها ...
    احد الناس الظريفين معانا هنا متزوج سويسريه , قال لى قصة ثقافه بمعناها الواسع ده ما سمع بيها الا فى بلاد بره,المهم الراجل كييف و داسي من الخواجيه, يوم ضربت لى الزوجه منزعجه جدآ قالت اخونا طلع من البيت زعلان وما رجع وهى حاسه انها اهانتو و جرحتو وما احترمتو ...الخ,لميت فى الراجل اها الحصل شنو,قال هى لقتو سافى وشالت التمباك شمتو قربت تستفرغ, كشحتو فى الوسخ وقالت لى كيف تخت حاجه عفنه زى دى فى خشمك المهم جوطه شديده قال لى حسيت انو الموضوع حيفلت من يدى وكلو الا الصعوط,اتذكرت قصة الثقافه ودورت فيها:انتى ما بتحترمى ثقافتى وانتى الخ,وطلع زعلان من البيت...زولك هسه عادى يسف ويكوم فى البيت
    وعاشت الثقافه التمباكيه
    تشكر يا الطيب واديناك عضوية الشرف
                   |Articles |News |مقالات |بيانات

17-02-2004, 05:28 AM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: esam gabralla)

    السفيف الحريف esam gabralla
    كيفك يا حبوب
    و الله أنا سعيد جدآ بالعضوية و ممكن أسف كيتن في أم بشير و إثباتآ لكوني غير مهزوم{داخليآ}.
    طلعت إنت سيد الحكايين و قصصك مع التمباك كتيرة و لذيذة و لما وصفت منظر الشيوعيين المبشتنين ذكرتني عدد من الأصدقاء كأنك كنت تتحدث عنهم منهم من {إنفزر} و منهم من ينتظر و أنا أحيي فيهم إعلان السفة و أحيي فيك المشاركة.
    لك مودتي
                   |Articles |News |مقالات |بيانات

17-02-2004, 05:10 PM

omer ibrahim

تاريخ التسجيل: 30-07-2003
مجموع المشاركات: 528

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    كمبس
    سلامات كنت داير انظر شوية في موضوع التمباك, التنباك, التبغ, التباك أو كيفما اتفق.
    لكن بيني و بينك الموضوع دا دمو خفيف و ما بستحمل تنظير علمي.
    اكثر ما يعجبني في مسألة التنباك دي وسائل الدعاية يعني مثلا تلقي في نص شمبات تلقي محل تمباك لم تبلغ شهرته الجمري ولا الوطنية و المستوي الرفيع دا من الشهرة .. تلقي مكتوب فيه (سفة تذكرك الماضي). أو الانترنت للعماري الممتاز تلقي مكتوب فيه (نحن نعرف كيف نربطك بشبكة الكيف)
    ياخ دي لغة رفيعة جدا .. ولا شنو؟




    عمر عبد العزيز الطيب
    صديق اتحاد اصدقاء التنبكجية و السفيفين
                   |Articles |News |مقالات |بيانات

17-02-2004, 05:33 PM

omer ibrahim

تاريخ التسجيل: 30-07-2003
مجموع المشاركات: 528

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: omer ibrahim)

    فوق في الشلوفة العليا الي اليمين قليلا
                   |Articles |News |مقالات |بيانات

17-02-2004, 06:59 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    يا عمر يا عريس
    أنا حالتي دي قلت عموري دة ما بيعرف أي شيء عن الصعوط
    Quote: .. تلقي مكتوب فيه (سفة تذكرك الماضي). أو الانترنت للعماري الممتاز تلقي مكتوب فيه (نحن نعرف كيف نربطك بشبكة الكيف)

    لكن طلع عندك إلمام ب{مواقع} الصعوط في الشبكة! دبليو دبليودبليو دوت تمباك دوت أوع.
                   |Articles |News |مقالات |بيانات

17-02-2004, 11:53 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    كتبت الأخت ندى علي
    ردآ على فكرة أسبوع بالمنبر عن الصعوط
    Quote: الطيب بشير،
    حرام عليكم هو من غير اسبوع انا بقيت لما اجى البورد بتجينى كحة
    اما البوست بتاعك حاولت مرة اقراه و افتكرت نفسى مريت باكشاك بيع الصعوط فى السوق الشعبى فاضطررت للهرب و بسرعة علشان عندى حساسية.

    يا ندوية -وهو لقب صغرى شقيقاتي- دة ذاتو الكلام!
    جنس حنكشة عليك
    يا عزيزة في بوردابي هنا قال بسفها بي أنفو و إنت تكحي لمجرد المرور!
    لا عليك الصعوط أصلآ عدو المرأة زي جلال صاحبي.
    و كما ورد في البداية
    Quote: لم تفلح القيادات النسوية السودانية من أقصى اليمين إلى أقصى اليسار في إيجاد موقف موحد للمرأة السودانية من أي شيء مثلما نجح التمباك في ذلك!

    (عدل بواسطة الطيب بشير on 17-02-2004, 11:56 PM)

                   |Articles |News |مقالات |بيانات

18-02-2004, 01:25 AM

أحمد أمين
<aأحمد أمين
تاريخ التسجيل: 27-07-2002
مجموع المشاركات: 3366

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    طبع يا ود البشير أنا من المتخاذلين الذين تخلوا عن هذه العادة
    لكن بوستك ده والله شهاني ليها
    والله يكضب الشينة
                   |Articles |News |مقالات |بيانات

18-02-2004, 05:08 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: أحمد أمين)

    العزيز أحمد أمين
    مبروووك إنك خليت الصعوط
    وأنا ما عاوزك ترجع, بالعكس هي محاولة لتسليط الضوء على موضوع واقعي و{مهم} لا ينفي ذلك رأي الكثيرين المخالف له.
                   |Articles |News |مقالات |بيانات

18-02-2004, 11:23 AM

الجندرية
<aالجندرية
تاريخ التسجيل: 02-10-2002
مجموع المشاركات: 9450

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الطيب بشير)

    هسي نخش البوست دا كيف مع الشلاييف دي ؟
    ياخي التمباك دا فظيع بصراحة
    لكن لو بسفوه ما ياذونا بشوفة القدوم الممدود
    وطريقة مرقته البايخة ديك
    ويغسلوا الحوض بعد ما يطلعوه فيه
    ما عندنا شغلة ان شاء الله يندفنوا في حقه عديل كدا

    بعدين انتو ما بتخافوا من السرطان ؟
                   |Articles |News |مقالات |بيانات

18-02-2004, 05:23 PM

الطيب بشير
<aالطيب بشير
تاريخ التسجيل: 06-12-2003
مجموع المشاركات: 5680

للتواصل معنا

FaceBook
تويتر Twitter
YouTube


Re: تاريخ مواضع السفـة...ما بـين ..أسفـل الـلسـان..جانـب الفـك..و..باطـن ال (Re: الجندرية)

    العزيزة جندرية
    حبابك بتنا
    البوست دة زي ما قالت الأخت ندى يسوي الكحة و خصوصآ للبنيات’ ما عايز أقول الآنسات زي الراجل البسيط فاكر كلمة آنسة زي معناها {زولة محترمة} أو كدة , قابلني أنا و أم بشير بنتمشى عشان هي حامل على ولادة و جا سلم علينا بمودة و يا سلام التوب و الجلابية أنا طولت منهم و انتو أهلي, قلنا حباب الأهل و يشيل و يكيل لي أم بشير يا آنسة و يا آنسة و هي كرشتها قدامها زي سفة الزهجان.
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de