دعواتكم لزميلنا المفكر د.الباقر العفيف بالشفاء العاجل
|
|
 Sudaneseonline Biggest Loser
|
Coming Up September 1,2011
ان شاء الله اول سبتمبر حابدا برنامج مكثف للرياضة و تخفيض الوزن ...
حاشترك فى جيمناستك يوميا من الساعة 10 صباحا حتى 11 صباحا ....
بدلت مواعيد شغلى مخصوص عشان الغرض ده
لن اتراجع ابدا ابدا ......
لو فى اى زول داير يشترك فى المنافسة دى مرحب بيهو
وخلال تلاته شهور سنعلن اكبر زول ناقص وخاسر وفاقد ...
|
|
 
|
|
|
|
|
|
|
 Re: Sudaneseonline Biggest Loser (Re: النصرى أمين)
|
النصري رمضان كريم
جبت لروحك المشاكل معاى ساااى.
اول حاجه ان ح أعين روحي حكم في مسابقتك دي، حتى لو بقيت انت المشترك الوحيد ؛(
اتفقنا؟
ايوه اتفقنا.
طيب عشان نبدأ علي بينة، لازم تورينا الان عمرك كم ، وزنك كم، و طولك كم. و يكون كويس لو نزلت لينا صورتك. ممكن ما تظهر الوجه. و السبب في الصورة عشان لما تجينا تقول نزلت 20 كيلو و ما نصدقك تقوم تورينا الصورة الجديدة. اتفقنا؟
بالمناسبة اكيد المدينة اللى انت فيها ( او مدينة قريبة منها) فيها ماراثون سنوي. بالمناسبة 26 ميل ما كتيرة او هي كتيرة لكن بتتجري ما محتاج تكون رياضي محترف عشان تقدر عليها، محتاج تمارين طويلة بس. ح تحس بشعور جميل جداً لما تتمه. او حاول ابدا بنص او ربع مارثون في السنة الاولي و السنة الجاية حاوله كله.
-----------------------------
و ما تقول لي شاركا معانا. أنا ما ناوية انزل وزني قريب.
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
واللييييييييلة برك جبتو لنفسك
عايزين صور تكون طازة من الفرن وسيبك من صور زمان دي من ايام الخنفس.
غايتو دايما اتخيلتك زول طويل ونحيف لكن مادام حتغير لينا التصور ده فعليك بالصورة الطازة وماتنسى تختها في تويتر برضو.
اها قعدنا للمسابقة
سلام يا اسمارت
| |
|
|
|
|
|
|
|
|
|
Re: Sudaneseonline Biggest Loser (Re: كمال ادريس)
|
اهلالللللن سمارت
مرحب بيك الحكم الوحيد للمنافسة التى غالبا حاخوضها وحدى..
نحن السودانيين بطبعنا بنفترض انو الوزن الزايد عيب كبير غير
مسموح الافصاح به وممنوع التعليق على من قبل الاخرين ..
انا وكاول سودانيزى out of the closet واقول للباقيين مافى عيب فى
الحاجة دى ....مواجهتها والتعامل معها خير الف مرة من الغتغتة والدسديس ....
طبعا ما شرط الزول يكون وزنه زائد عشان يمشى الجيمنازيوم...
الرياضة وخاصة المشى مطلوب لجميع الاعمار والاوزان ....
بالنسبة لى فى نهاية الاربعينات ..
الطول 5 قدم و 10 بوصات (ماشاء الله)
الوزن (طولت ما وزنت لكن غالبا فوق الى 200 رطل بكتير)
بالنسبة للصورة ...
للاسف ما حاقدر انزل صورة حديثة (لانو الحالة اتاخرت شديد مؤخرا)
لكن هاك دى احسن صورة لى فى السنوات الاخيرة(عندى صور كتيرة فى المنبر لكن كلها معشكبة)
<>
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
سلام كمال
رمضان كريم
الغريبة قبل شوية وبعد الفطور كنت راقد فى الكنبة مدروخ
وبحضر فى التلفزيون ...
اتخيل الخبر الرئيسى فى التلفزيون الكندى كان شنو ؟
مجموعة من الباحثين الكنديين طلعو نتيجة لدراسة طبية مفادها
ان الناس obese (الوزنهم زايد) ما بالضرورة يكونو عرضة للامراض
اكثر من الناس النحيفين .......
الخبر ده خلانى افكر انسحب من المنافسة قبل ان تبدا just kidding....
على كل تعال شارك وشجعنا ....
اتمشى كل يوم 2 او 3 او 4 كيلومتر
ووقف السكر والحلويات والمعجنات....
لو طلعت بنتائج ايجابية ممكن تكون محفز و inspiring
للاخرين ......
انا عندى انطباع عن ال life style للسودانيين فى مختلف بقاع العالم
لكن خايف يستفز البعض ......
مثلا معدلات obesity فى الخليج اعلى من امريكا الشمالية بسبب طبيعة المناخ
والتوظيف ....والنسبة بتزيد وسط النساء لان نسبة التوظيف فى امريكا الشمالية
اعلى بكتير من الخليج... (فى تقديرى ان 95% من النساء السودانيات يعملن فى امريكا وكندا)
| |
|
|
|
|
|
|
|
|
|
Re: Sudaneseonline Biggest Loser (Re: فيصل محمد خليل)
|
سلام فيصل
رمضان كريم
شفت الفيديو وما اظن محتاج ترجمة....
نحن عندنا قاعدة اساسية وهى تجنب الدكاترة ما امكن ....
الجماعة فى الفيديو ديل دايرين يربطو ليهم حزام فى معدة الزول...
هو الغبيان البمشى ليهم منو؟ لول
غايتو الا يلقوها عند الغافل ....
فى زيارة للسودان لاحظت انو كتير من اعمامنا وخلانا صحتهم ممتازة جدا جدا(بالرغم من مظاهر
العجز الباينة).
استغربت جدا للحاجة دى ..
اكتشفت بعدها ان كثير منهم فقد كل شئ ولا يملك سيارة ويمشى كدارى للشغل (السوق)
ويقضى معظم احتياجته بالمشى.....
هذه الرياضة الاجبارية نفعت الناس ديل اكتر من ثرواتهم المفقودة ....
| |
|
|
|
|
|
|
|
|
|
Re: Sudaneseonline Biggest Loser (Re: خالد العبيد)
|
يازول ابعد من الرغيف والسكر ( و مشتقاتهم طبعا )
لمدة 3 شهور بس واتمشي 10 دقائق يوميا بخطوات سريعة
يعني لا جكة ولا مشي
وتعال ورينا
_________________________
you will loose at least 25 pounds
| |
|
|
|
|
|
|
|
|
|
Re: Sudaneseonline Biggest Loser (Re: خالد العبيد)
|
اخونا المتباري النصري
الرشاقة (نعمة) والله
اشترشقوا رحمكم الله
اهم حاجة انك توازن برنامج الاكل
يعني الدهون و الفاست فود و المشروبات الغازية و ...
دي كلها توقفها.
عليك بي صدور الدجاج المشوية و السلطه يا عمك.
امنياتنا لك بالتوفيق و الثبات.
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
سلام احمد عبدالله
سنة 1998 ذهبت امريكا فى زيارة واشتريت حزام جلد اصلى وماركة معروفة ...
الحزام ده لليوم معاى والبسه يوميا ....
الحزام مصمم للناس ال big .....
اظن فيهو 7 فتحات ...
اول يوم جيت البسو اضطريت اعمل فتحة جديدة لانى كنت انحف من كل الفتحات الموجودة
بعد كم سنة استعملت اول فتحة فى الحزام ...
وبعدها مشيت للفتحة التانية (الشغلانة شكلها كانت ماشة غلط)
رحلت من المدينة ديك ....
رجعت تانى للفتحة الاولى ...
الان والحمدلله رجعت للفتحة الصناعية بتاعت 1998
وده معناتها استقرار فى الوزن لاكثر من 13 سنة .....
الان المشكلة ما الوزن ...
المشكلة كيف اصبح رياضى ورشيق اؤدى اعمال بدنية شاقة ....
افتكر الحل الوحيد انقاص الوزن ..
لو فى طريقة تانية ..ادينا ليها ....
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
سلامات يا النصري
كويس انك عارف ان هدفك ما نقصان الوزن لكن الهدف انك عاوز تعمل لياقة كويسه.
و ده هدف مهم جداً. التمارين اليومية مهمة جداً للقلب و الصحة. و احسن حاجه للstress
موضوع الجري بالمناسبة ما صعب كلو كلو. اهم حاجه انك تجيب ليك جزمة كويسة للجري لانه من غير جزمة كويسه ممكن تتعب ركبتك.
انا بديت أجرى و ظهر لي ألم شديد جداً في منتصف الساق. مشيت لمحل جزم رياضية قالوا ان رجولى فلات جداً و محتاجه نوع معين من الجزم. و قالوا لي حاولي اجري في الأسفلت او تراب او مكنة جري treadmill
بعد شهر بقيت أجرى 3 اميال متواصلات.
المعلومات اللى كتبتها مفيده. و ممكن نعمل منها baseline و نشوف النتائج ح تكون كيف. اهم حاجه انك تخت اهداف لتحقيقها. لو عاوز تنزل وزنك قول عاوز تنزل كم؟ لو عاوز لياقة قول عاوز لياقة عشان تجري قدر شنو او تتطلع كم عتبة سلم و كده.
بالتوفيق.
------------------------------------------------
و بالمناسبة الجري ذي الإدمان. لو بديت تجري ما ح تخليه تاني. أظن ان الاندريالين اللى بفرزه الجسم اثناء الجرى بيخليك تشعر بشعور جميل جداً
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
سلام ناصر
رمضان كريم..
انا بالنسبة لى الاكل ما مشكلة..فوزنى تقريبا ثابت
فى منطقة واحدة منذ سنين طويلة جدا ..بنزل وبطلع فقط
حسب النشاط الجسدى البمارسو...
مرات بكون فى شغل كتير وحركة دائبة طوالى الوزن بنزل
حتى لو استمريت فى برنامجى الغذائئ (الغير صحى)
انا مقتنع انو الزول ممكن ياكل اى حاجة نفسه فيها على شرط
يتريض ..
وبختلف مع الناس الما بتريضو وعاملين ريجيم ....
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
والله يا اسمارت انا بصراحة داير لياقة اشتغل بيها ..
لكن انا عارف اللياقة ما بتجى براها ..بتجى package
دائما بتكون مصحوبة بنقصان فى الوزن ...
هم دائما مع بعض ( اللياقة والوزن ,,,خاصة فى حالتى دى)
كلما نزلت رطل فى الوزن .. لياقتى زادت شوية ....
ولانو اللياقة ما عندنا لينا مقياس فممكن نعمل نقصان الوزن هو الهدف,,,,
يعنى باختصار دايرين لياقة نقدر نقيسها ولانها ما بتتقاس فحنستخدم
نقصان الوزن كبديل مقياسى ...
i think i confuse myself
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
عندنا فى الشغل يا اسمارت غرف كاملة مجهزة بكل معدات الرياضة الحديثة
اخر انواع ال treadmill وحاجات كده زى العجلات ورفع الاثقال.....
مش كده وبس.. امام كل جهاز يوجد تلفزيون 42 بوصة .HD ..
قالك ايه !! المخدم employer خايف على صحة العاملين ....فطبيعة الشغل مافيها اى نشاط بدنى...
اها الغرف دى ما بخشها الا اكون داير اتفرج فى التلفزيون ......
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
انا قلت ليك انى ح ابريك ....صح???
Quote: ولانو اللياقة ما عندنا لينا مقياس فممكن نعمل نقصان الوزن هو الهدف,,,,
يعنى باختصار دايرين لياقة نقدر نقيسها ولانها ما بتتقاس فحنستخدم
نقصان الوزن كبديل مقياسى ... |
ما ضرورى يكون مع اللياقة نقصان وزن. ناس كتار بتكون محتاجة تزيد وزنها عشا ترفع لياقتها
اللياقة ممكن قياسها بمقدرتك على المشي السريع المتواصل (بسرعة معينة و لزمن معين) . او الجرى برضو بسرعة معينة و لزمن معين.
Quote: قالك ايه !! المخدم employer خايف على صحة العاملين ....فطبيعة الشغل مافيها اى نشاط بدنى...
اها الغرف دى ما بخشها الا اكون داير اتفرج فى التلفزيون ...... |
و الله يا السودانيين....حالتكم صعبة
كلام المخدم بتاعكم صحيح. طبعا هو ما خايف على سواد عيونكم.
الفكرة ان الناس البتتريض بتكون اقل عرضه للتعرض للامراض و مقاومتها احسن. بالتالى ما بيمرضوا و يغيبوا من الشغل كتير. ده غير ان تكلفة التامين الصحى ليهم بتكون اقل لانهم بيمرضوا اقل و بالتالى بيمشوا الدكتور اقل
make sense
| |
|
|
|
|
|
|
|
|
|
Re: Sudaneseonline Biggest Loser (Re: كمال ادريس)
|
يا نصري الكرش وال...... عرفناها تحاول ولن تنجح بالريجيم
ماذا عن صلعتك يا عزيزي
النصري يا سمين
صوم شهر بعد رمضان يمكن تنقص ربع كيلو
تخيل يا النصري تذكرت في هذه اللحظة يوم ذهبنا كلنا من المعهد لنشرب الموية معاكم
كانت المنقة حاجة روعة
ولازلت اذكر حبوباتك الخمسين وكل واحدة في عنقريب عجيب
ايام يا نصري
رمضان كريم
ويا جماعة لا تتعبوا النصري سيظل كما هو في الصورة اعلاه
| |
|
|
|
|
|
|
|
|
|
Re: Sudaneseonline Biggest Loser (Re: فخرالدين عوض حسن)
|
يا اسمارت الكلام ده كيف
| Quote: ما ضرورى يكون مع اللياقة نقصان وزن. ناس كتار بتكون محتاجة تزيد وزنها عشا ترفع لياقتها |
لو صحت المعلومة دى انا حافرتك المنافسة ...لول
بس حتى لو كانت صحيحة ما اظنها بتكون صحيحة فى حالتى انا ...
انا عارف روحى كويس .....لمن لياقتى ترتفع طوالى الوزن بنزل ...
طبعا النقصان البتكلم عن ده دائما بكون فى حدود 10 الى20 رطل ...
بطلع وبنزل فى ال range ده بصورة مستمرة ...
اصلا ما نزلت 30 او 40 رطل ..
بس النزول والطلوع ده سريع جدا والطريقة البعرفو بيها ما من الميزان..
من البنطلون المالص
واستخدام فتحات مختلفة فى الحزام ....
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
اكيد ما مقصود انت يا النصري يا اخى. انت من ناحية محتاج تنزل ....محتاج تنزل.
لكن برضوا... انت محتاج تحول ال fat ل muscles . و لان العضلات وزنها اعلى من الfat ممكن وزنك يزيد. و يكون مقاس البنطلون نفسه.
فى كتير من الرياضين بيكونوا عاوزين وزنهم يزيد لانه زيادة وزنهم معناها عضلات اكتر معناه لياقة اكبر. بس ده لحد معين. اكتر من الحد ده بيكون زيادة الوزن بيتخلى الزول محتاج لطاقة اكتر عشان تحريك جسمه كله....
اوف.....الموضوع معقد. خلاص اتريض و خلاص
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
فخرالدين المنتهى ..
حبوباتى الاتنين الله يرحمهم
التومة وزهراء بنات عبدالله وهو جعليات مشلخات عكس بقية اهلنا الدناقلة(بديرية دهمشية)
التومة هى والدة امى وزوجها المرحوم بدوى سليمان كركساوى
وزهراء هى شقيقتها وخالة امى ....
زمن يا فخرالدين ...
طبعا لحسى اموت فى المنقة المركزة فى رمضان فهى مشروبى الاول ...
هاك الصورة دى فى قصرى المنيف امام حمامات السباحة
شايف النحافة والجسم الرشيق ده
<>
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
النصري سلامات ورمضانك كريم
تخيل كنت شغوف أشوف صورتك بعد المداخلة اللي طلبت منك صورة !!!
يعني بحساب الزمن ... من نهايات الثمانينات وإلى اليوم مافي فرق كبير
بس شوية الشعيرات الكانن على جانب الراس اختفن ... وكان من زمان شكلك مرشح لزيادة
الوزن ... وقتها نحن كنا برالمة وبنعاين ليكم من بعيد لبعيد كده ... وشايفنك
زول مااااكن ... تحياتي لأسرتك الكريمة ...
اندهشت من عدم ممارستك للرياضة في البلد اللي تقريباً كل الناس فيها جارية ... خاصة
في الأجواء الباردة معظم شهور السنة!!!
نصيحتي لك بجانب ممارسة الرياضة ...
ما تجيب في بيتك لا سباك ولا جنايني ولا كهربائي ولا دهان ... إلا عند الضرورة القصوى جداً
وحاول أداء هذه الأعمال بنفسك وبمعاونة العيال وأمهم ... حتى لو اضطريت تجيب كتالوجات
وما تستنى الحاجات لحد ما تخرب ... حاول براك كده دخل إضافات وتحسينات .. خاصة بالنسبة
للحديقة والدهان .... طبعاً في البداية ح تبوظ الدنيا لكن شوية شوية ح تتعلم ...
اقتن دراجة أنت والعيال وأمهم وحاول تكون نزهاتكم وتسوقكم القريب بالدراجة ...
الرياضة داخل البيت بتكون بديل كويس في البرد الشديد وعند الكسل من الخروج .. جيب ليك
دراجات رياضية ثابتة وختها قدام التليفزيون .. أو اسمع معاها أغاني وموسيقى .. وحاول
أعمل منافسات بينك وبين الأولاد ...
الصيام في الشتاء مناسب عندكم ولكن فقط لإنقاص الوزن وليس لاكتساب اللياقة ..
بالنسبة للأكل لازم تتجنب السكريات العالية والدهون لأنها بتتعبك إذا لم تمارس معها رياضة
عنيفة ...
كلمني بعد شهر عن النتائج ... مع خالص ودي
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
سلام عبدالباقى..
اول حاجة تعال فى الفيس بووك وانضم لمجموعة اسمها Khartoum polytechnic
http://www.facebook.com/#!/groups/khartoumpolytechnic
طبعا نصائحك كلها سليمة وصحيحة لكن المشكلة البقنع الديك منو؟
نحن الرياضة بنعملها حسب متطلبات الحياة....
يعنى اذا العربية باظت بنتمشى ونتمشى ....
وما بنتمشى الا فى حالة انعدام البدائل ...
واذا ظروف العمل اتطلبت اعمال بدنية شاقة ومرهقة بنعملمها بصدر رحب ..
لكن بينى وبينك فى قوة دافعة بداخلى انى اسعى للاعمال البدنية الصعبة دى..
عندى الفرصة انو نهائي ما اعمل اى نشاط بدنى ....لكن لسبب ما اجد نفسى دائما
اسعىى لتلتلة روحى وعذابها ..
ربما السبب هو الشعور باللذة عقب كل عمل شاق ..او الشعور بالرضا والانجاز....
طبعا يا عبدالباقى انا عندى نظرية انو القوة البدنية ليست هى بدنية بالكامل..
بل هى قوة عقلية و ذهنية ...... انا مثلى متاكد لياقتى البدنية الحقيقية 1% لكن لمن
اريد قضاء بعض الحوائج الصعبة ...ترتفع النسبة دى ل 90% وهى لياقة Virtual وغير حقيقة
تشبه لحد كبير النشاط البدنى بعد شراب القوة والمنشطات ....
السر هو مقدرتى البدنية العالية(الوهم) هو ال mindset وقناعات داخلية اننى استطيع
انجاز هذه العمليات البدنية الشاقة....الحقيقة المرة اننى وبحسابات المنطق مفروض ما اقدر عليها.....
انا اريد لياقة بدنية حقيقية وليست مزيفة من صنع الخيال وحرارة القلب ....
اللياقة البدنية وزى ماقالت اختنا اسمارت ممكن تتقاس
لياقتى البدنية المزيفة ال Virtual لايمكن قياسها لانها غير موجودة اصلا .....
على كل اتبقت لينا 4 ايام لبداية المنافسة (الحدخلها براى) ولو نجحت فى تحقيق
الهدف فاننى ساضيف ذلك الى قائمة افضال سودانيزانلاين علينا ....
يكفى ان هناك عشرات (ربما مئات) يتابعون المنافسة ذات المتنافس الوحيد عبر الموقع
وربما كان ذلك سبب فى تحقيق المستحيل .......
هل تزكر الفيلم الامريكى الوثائقى Super size me
انا اقوم بنفس الفكرة مع اختلاف الاهداف و المشاهدين ال audience
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
يا صاحبي وجاري الذي كان....
بشهد الله الشوق ليكم مطر. اما كلامك فقد اصابني بقشعريرة. مرة جريت من بيتي اللي بتعرفو
حتى المدرسة (Grapeview) فانتهيت لشارع (Queenstone) بإسعاف ووجدت جاري الموسيقار بشير عباس
وبرضو حدثني بأنه حاول أن يزورني فطلب الإسعاف وطبعا كما تعرف بين بيتي وبيته بيت مولا نا جلال
المصري.. ههههههه
عيد مبارك ليك وللأسرة الكريمة...
أخوك السمين...
| |
|
|
|
|
|
|
|
|
|
Re: Sudaneseonline Biggest Loser (Re: عبدالأله زمراوي)
|
النصري...بقيت منظراتى....Just kidding
| Quote: اريد قضاء بعض الحوائج الصعبة ...ترتفع النسبة دى ل 90% وهى لياقة Virtual وغير حقيقة |
اللى انت بتقول عليها فيرشوال لياقة ...(اظن) انها موجوده بس Not sustainable ...يعنى الجسم البشري بيدخل فى كمية من العمليات الكيميائية المعقدة و يحرق fat بصورة سريعة جدا و يفرز كمية من الانزيمات عشان يخليك تعمل حاجه معينة ذى انك run for your life اذا سكاك اسد ...بس الجسم ما بيقدر يعمل الحاجه دى لفترة طويلة او بدون خوف حقيقي منك على حياتك او رغبة حقيقية منك لتنجز العمل المعين.
يعنى هى موجوده بس لفترات صغيرة جدا. عشان تعمل لياقة مستدامة لازم تتريض.
اثناء الرياضة الشاقة برضو الجسم بيفرز endorphins اللى هو واحد من انزيمات عدل المزاج و فى ناس بتصيبهم حالة من ال euphoria عديل كده. و اظن انا منهم...بعد ما اجرى بكون سعيدة بصورة ما طبيعية
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
انا كنت وااااااااااضحه.. باااااااااكل البيتزا والبيرجر والشاورما... لكن بعمل رياضة.. عشااااان الحتة بتاعت الغش دي... انا طبعا عايزه to loose baby weight.... معاكم بكره بالتأكيد.. حأستخدم الelliptical trainer... ما عندي طريقة أطلع اتمشّى الايام دي.. حأستخدمها لمدة نص ساعة في اليوم، تلاته مرّات في الاسبوع لمدة شهر.. بعدها حأضيف عليها نص ساعة يوجا، مرتّين في الاسبوع...
حنتفق على حاجة يا judge... انا وزني = z حالياً... وحأوريكم نقصته كم (او زدته خخخخ) كل شهر... كويس معاكم كده؟
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
أنا معاكم ياجماعة ..........
ما عاوز اضعف لاني اساساً ما سمين ...
بس في شوية (كريشة) صغييرة ما كرش عدييل كده 
والحاجة التانية شاعر اني دائماً مرهق وجسمي زي المربط كده ....
عندي تاريخ كويس مع الرياضة والنشاط جري وسباحة وكورة ... الخ لكن
حقيقة طولت جداً من الحكاية دي وكل مرة اقول ابداء تمارين اكسل ...
لكن ان شاء الله إعتباراً من اليوم 1 - 9 - 2011م ابداء ولو بالقليل ...
| |
|
|
|
|
|
|
|
|
|
Re: Sudaneseonline Biggest Loser (Re: omer osman)
|
اهلا وسهلا مريم
اول حاجة حمدلله على سلامة العودة
تانية حاجة مبروك المولود
تالت حاجة مرحب بيك كثانى متنافس فى المسابقة
المشكلة دلوقت انو الحكم الوحيد حيكون متحيز ليك .....
تعرفى يا مريم انا حاولت اتمرن واتريض زى مليون مرة ..وكل مرة ازهج
وافرتق الشغلانة ....
المرة ومع الالتزام الادبى امام عدد مقدر من قراء الموقع الواحد مضطر يواصل وما
يتراجع ...
بالنسبة لى وبعد ان وصلت عدد المطالعات للبوست اكثر من الف ليس امامى من خيار
الا مواصلة المسيرة واكمال المسابقة فى تلاته ..اربع شهور (حسب توجيهات الحكم)
ساقوم بنشر تقرير يومى تفصيلى للنشاط بتاعى والوزن الحقيقى اول باول
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
تعرف ياعبداله!!
سانت كاثرينز دى اسمها شنو؟
donuts city
اكتر مدينة فى كندا فيها قهاوى وDonuts..
فى كل شارع وكل كورنر فى محل قهوة...
انا شخصيا بكون شربت لى زى 4 مليون كباية قهوة
و 44 الف Donuts فى الفترة العشت هناك ,,,,
تعال ياعبداله واشترك معاك
اكتب التزام هنا بانك ستتمشى كل يوم 5 كيلو مثلا وستجد نفسك مجبر للالتزام به ..
وكده تلقى نفسك مجبر تواصل على الرياضة ....
اكتب كل يوم ماذا فعلت ..
هل تمشيت؟
كم كيلو متر؟
يوم بعد يوم ستتابع ويتابع معك القراء التقدم الذى تحرزه كل يوم ....
ياريت لو شارك معاك بشير عباس (خاصة بعد الركبتين الجديدات لنج)
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
كل سنة وإنت طيب أخي النصري
وأتمنى أن يكون هذا البوست حافز لي
للبدء في تمارين رياضية
وزني الحالي 83 كيلو (183 رطل)
الكرش هي أكثر ما يقلقني
العمر 47 سنة والحمد لله
رياضة = صفر كبير
لياقة بدنية = متدنية جدا
شكرا على البوست مقدما
ومن المتابعين على أقل تقدير لو ما بقينا منافسسين عديل
| |
|
|
|
|
|
|
|
|
|
Re: Sudaneseonline Biggest Loser (Re: جعفر محي الدين)
|
انا طبعا زي ما قلت برنامج حيكون رياضة بس.. انا متعودة على انه يكون عندي نشاط رياضي من اي نوع... وبالميت، بعمل تمارين يوجا.. اليوجا رياضة جميلة جداً... وبتهدّي الاعصاب ده غير فوائدها الكبيرة بالنسبة للياقة والمرونة.. امس ما اتريضته، لكن الليلة ناوية... وزي ما قلت، نص ساعه في العجله..
أقول قولي هذا، وجنبي صحن في تشكيلة من المنين وبسكويت المكنه، مع شويه بيتيفورات وكباية شاي مكرّب...
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
طيب.....عندنا 4 متنافسين حتى الان:
1- النصرى أمين:
العمر:47
الطول: 5 قدم و 10 بوصات
لوزن: 200 رطل
2- مريم بنت الحسين
العمر: ???
الطول:????
لوزن: Z
3-omer osman
العمر:???
الطول:??
الوزن:???
4-جعفر محي الدين
العمر: 47 سنة
الطول:??
الوزن: كيلو (183 رطل)
كل واحد فيكم يجى يورينا يوم 1 سبتمبر و يوم 2 سبتمبر عمل شنو
اول مهمة ليكم ان كل واحد فيكم يحسب ال BMI بتاعه من الموقع ده و يشوف روحه فى اى مجموعة
http://www.bmi-calculator.net/
BMI Classification
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
سمارت ازيك
طولي 163 سم... ولو انا غشيمه، حأكتب ليك الBMI حقي... عشان تطلعي z.. لكن ويييين ليك ... خخخخخخ...
انا بقيس وزني كل سبت، وابشّركم انه في ثبات في الوزن رغم الجوطه الحاصله خالص خالص..
يوم 1 سبتمبر يا جماعة كانت عندنا مناسبة.. ما عملت رياضة واكلت توووو متش... يوم 2 سبتمبر الناس جونا يعيّدوا علينا.. لو بتعتبروا خدمة البيت والنضافة رياضة، فاتريضتتتتته... :D... على اي حال انا على التزامي باني اتريض تلاته مرات خلال الاسبوع.. حتى لو ما بديت لسه... بعد شويه طالعين، فحأتمشّى كويس.. وبحاول لما ارجع اعمل رياضة في البيت...
والله اكبر، والعزّة للسودان
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
نواصل يا اخوانا والنفسيات فى السماء فقد وضعت السماعة قبل قليل
بعد مكالمة مع صديق عزيز سمعت منه اخبار سعيدة ومفرحة ..
واقفين وين؟
الكرش ....
طبعا الفضول طبيعة مغروسة فى كل البشر وبسبب الفضول اتطورت الانسانية وتقدمت
بالنسبة لى عندى نوعين من الفضول اوليهم بعض الاهتمام,,
الاول معتقدات الناس وتعلقهم بقناعاتهم (وده موضوع داير بوست براهو)
الفضول التانى (لب البوست ده) هو الكرش اصلها وفصلها ....
بحكم عملى ..اقابل اعداد كبيرة جدا من الناس كل يوم ..
بيض وسود وحمر وخدر وبنفسجى وخاتف لونين..
السعيد والتعيس و المتوتر والمدروخ ....
كل ده ما بهمنى ...
اول حاجة بنتبه ليها كريشة كل واحد (وبعدها حذاءه)
اصبحت خبير فى تصنيف الكروش ومسبباتها ....
واليكم خلاصة التجربة:-
كرش البيرة : دى من اسهل انواع الكروش فى الكشف ...
يمكننى اكتشافها من اول نظرة .... العامل الاساسى وراء سهولة التصنيف هو
عيون صاحب الكريشة فى الصباح ....
نظرة على الكرش واخرى على عيون صاحب الكرش والنتيجة تظهر طوالى
الكرش نتيجة لشرب البيرة ...
معظم اصحاب هذه الكروش غير سمان ....
النوع التانى:-
كرش ال fast food و المياه الغازية
ودى بتختلف عن كرش البيرة بانو صاحبها بكون مترهل فى كل اجزاء جسمه
النوع التالت
كرش الراحة ... تظهر عند المرتاحين (طبيعة عملهم وال life style) وراء الكريشة
الرابع
كرش الرغيف ودى معظم السودانيين بقعو فى التصنيف ده
انا شخصيا لا استطيع ان اكل بدون رغيف ..حتى المكرونه بالرغيف
الخامس
كرش الموية......الزول لا يستطيع ان يتوقف عن شرب الموية البارده طوال اليوم ......
كرش الخنزير
دى للناس الباكلو لحم الخنزير بكثرة (مثال native people او هنود الحمر بلغتنا)
دى الانواع الرئيسية ..برضو فى انواع كتيرة تانية
انواع وراثية انواع بسبب النفسيات
ونوع سببه سودانيزانلاين
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
سلام يا جعفر
كيفك؟
طبعا اول حل لاى مشكلة انو الزول يعترف بوجودها ويقلق من استمرارها
واخيرا يسعى للتخلص منها....
نحن الغرض الاساسى هنا انو الناس تعترف انو فى مشكلة..تعترف بيها..
تحاول حلها عبر الالتزام الادبى (حيث لا مخارجة)
بالرغم من فارق الوزن بيننا الا ان لياقتى البدنية (الافتراضية) افضل منك بكتير...
اكتر شئ بجهجنى هو طلوع السلالم ...بالرغم من انو الركب حديد الا الشغلانة دائما تكشف
الحالة المزرية الوصلت ليها ..
عدا السلالم يمكننى القيام باى اعمال شاقة ومرهقة ولساعات طويلة(لكن غالبا احتاج لاسبرو بعدها)
برضو انا ما من عشاق المشى ..بتجنبه قدر المستطاع ..السبب هو الملل....
على كل عقب اجازة عيد العمال(اليوم الاثنين 5 سبتمبر) حابدا الالتزام الرسمى بالبرنامج
اتمنى انك تخش المنافسه فمن الراجح جدا تفوز
يااسمارت معليش للتاخير ...حانزل كل بياناتى حتى تستطيعى قياس التحسن (او التدهور)
اول باول
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
طقّتني نزلة السواد الليلة.. والله شايفه عجلتي طشاش طشاش.. لكن برضه وراها... القصة اني اكتشفته حاجه جديدة.. الاندويسية الكانت معاي (شدّة).. مشت أهلها.. اها بقيت جاريه في نظافة البيت اليوم كله... والله قضيت ساعتين ونص ما بين قش، ومسح وغسيل عدة وطبيخ غدا ... ده غير الجري والمحاحاه مع الاولاد... يعني اكون في اول البيت، اسمع البيبي بكت، اشيلها اجي بي جاي مع محمود... المهم.. متريييييييضه والله... بس عايزه اليوجا بعد ده خخخخ.. كدي يوم السبت نشوف الامور كيف بعد النزله تروح... ومحمود ينزل مدرسة... اظن حيكون عندي وقت اكتر (اتمنى ذلك!)...
أمس مشينا أيكيا... لفيناها كلللللللللها، وكنت شايله البيبي بي شيّاله زي دي
طبعا دي براها ميزة... لانه وزن البيبي بدي قيمة أكبر للمشيه.... صحي أكلته لي ساندوتشين هوت دوغ قبلها خخخخخخخخ....
المهم ملتزمون بالتفوّق والله!
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
الوزن 251 رطل
العمر 49
الطول 5 قدم و 11 بوصة (قول 6 قدم)
اللياقة البدنية الحقيقية 23%
اللياقة البدنية الوهمية 89%
العمل 35 ساعة عمل اسبوعية مافيها اى نشاط رياضى
20 ساعة فى الاسبوع اعمال شغالة ومتعبة ....
المشى فى اليوم : زى عشرين متر..
النظام الغذائئ : مبهول ...غير اننى لا احب السكر الكتير ولا اكل ملح اطلاقاا)
الحالة الصحية بصورة عامة خالى من السكرى والضغط وامراض الكبر ....
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
Quote: 3-omer osman
العمر:???
الطول:??
الوزن:??? |
العمر = 44 سنة
الطول = 180 cm
الوزن = 79 kg
| Quote: كل واحد فيكم يجى يورينا يوم 1 سبتمبر و يوم 2 سبتمبر عمل شنو |
شخصياً عملت نااااااايم
لكن من بداية الاسبوع بكرة ان شاء الله .....
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
طيب.....عندنا 4 متنافسين حتى الان:
1- النصرى أمين:
الوزن: 251 رطل
العمر 49:
الطول: 5 قدم و 11 بوصة (قول 6 قدم)
2- مريم بنت الحسين
العمر: ???
الطول: 163 سم
لوزن: Z
3-omer osman
العمر = 44 سنة
الطول = 180 cm
الوزن = 79 kg
4-جعفر محي الدين
العمر: 47 سنة
الطول:??
الوزن: كيلو (183 رطل)
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
| Quote: انتو دي مسابقة رياضة ولا مسابقة اعذار لوووووووووول |
دي بالغتى فيها يا مريم
***********************************************************
اها يا ناس مسابقة الاعذار. غدا ح يكون عشرة يوم من بداية المسابقة.
كل واحد فيكم يجى يقول عمل شنو فى العشرة يوم دى و يورينا وزنه الجديد. الوزن ما مهم جدا بقدر (الان) بقدر ما عاوزه اعرف عملتو شنو????
مريوم كانت واضحة وقالت ح تتريض فى ال elliptical
اها :
النصرى أمين:
omer osman:
-جعفر محي الدين:
برنامجكم شنو??? اى واحد فيكم عندو لحدى بكرة عشان يورينى ح يتريض كيف. بكرة ذى المواعيد دى لو ما لقيت الplan ح اخت ليكم انا Plan ...و ح تكونوا ملزمين بيها. و احتمال تكون قاسسسسية
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
وحاتك يا سمارت الشباب شكلهم هربوا خلّوني براي اتشالق... لكن ما حأشتغل بيهم....
وزنته نفسي الليلة الصباح كالعادة كل سبت... بقينا z-0.6... بالمناسبة z دي تقاس بالكيلو ما بالرطل... يعني 0.6 دي تكافي 1.3 رطل.... هيع!
الشي العملته زياده.. انه بقت نظافة البيت كلها فوق راسي.. يومي كله شغاله زي الماكوك... والله مستمتعه بالدور ده بشكل.. وزي ما قلنا شغاله في لخبطتي بتاعت الاكل.. اعتقد الطريقة دي حتنفع لكم اسبوع كده.. بعداك لازم اضيف نشاط رياضي حقيقي في يومي... ناوية لما محمود يبدا المدرسة... ولولو تحترم روحها وتخليني انوم، اضيف النص ساعة بتاعت elliptical track....
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
| Quote: بكرة ذى المواعيد دى لو ما لقيت الplan ح اخت ليكم انا Plan ...و ح تكونوا ملزمين بيها. و احتمال تكون قاسسسسية |
يا اسمارات نحن ناس عساكر والواحد بدون (بلان) ما بشتغل
بالجد أنا شايف احسن حاجة تختي لينا (بلان) ومهما تكون قاسية ما مشكلة بالجد كده ...
| |
|
|
|
|
|
|
|
|
|
Re: Sudaneseonline Biggest Loser (Re: omer osman)
|
سلام يا شباب
و كل عام و انتم بخير
و الله انا ماشي كويس في حكاية الرياضة دي ولي زي 4 سنوات ما بوقف مشي 5 مرات اسبوعي مسافة 4 كيلومتر يومي و لي قريب سنة ساكن في الدور التالت و ما عندي اسنسير و كتا ماشي كويس في حكاية الاكل و العصاير لكن خشى علينا رمضان دا براهو لقيت نفسي مستهلك اربعة كيلو سكر براي في البيت دا غير استهلاك 24 يوم عزومة عائلية فيها كمية سكر و محمرات اسه لقيت روحي زايد 2 كيلو من قبل رمضان و اصلا عندي اتنين تانية عايز اشيلها من فترة الشهرين الاتكسرت فيها رجلي فحاخش المسابقة معاكم لو في طريقة قبول متاخر على انقاص اربعة خمسة كيلو بالكتير
الوزن 88 كيلو
الطول 182 سم
العمر 38
البتاع الختتو اسمارت دا ( You have a BMI of 26.31. ) اعلى من المعدل العادي
| |
|
|
|
|
|
|
|
|
|
Re: Sudaneseonline Biggest Loser (Re: حمد فتح الرحمن)
|
أبو وعد ياخ والله بغّرتنا عديل كده.. ما شاء الله تبارك الله وعيني بارده والله... عايزه تديني فكره عن برنامجك بتاع المشي... بتتمشى وين لما يكون في رطوبة والجو حر... طبعا عشان احنا عارفين البلد هنا عامله كيف.. والله اتكيفته لبرنامجك ده كيف.. !
| Quote: 24 يوم عزومة عائلية فيها كمية سكر و محمرات اسه لقيت روحي زايد 2 كيلو |
عشان كده العزومة رقم 25 ما جيتها! يازول منتظرينك لسه احنا... ولازم تجي.. طبعا احنا معتمدين على انك زول بتقدّر وكده.. رغم اننا متلومين لوم السواد معاك... وبنزوركم كل سنتين نص مرّة...
جنابو عمر... قلت لي عساكر... سمارت دي صعبة والله.. ما تديها رقبتك... اخير ليك اقعد اعمل بلانك براك...
يا اخوانا سيد البوست ده وينو؟
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
إزيكم أيها الخاسرون الكبار
أولا نخت ليكم البي إم أي بتاع سمارت دي
Quote: BMI is between 25 and 29.9 (Overweight)
People falling in this BMI range are considered overweight and would benefit from finding healthy ways to lower their weight, such as diet and exercise. Individuals who fall in this range are at increased risk for a variety of ilnesses. If your BMI is 27-29.99 your risk of health problems becomes higher. In a recent study an increased rate of blood pressure, diabetes and heart disease was recorded at 27.3 for women and 27.8 for men. It may be a good idea to check your Waist Circumference and compare it with the recommended limits. |
يعني كفارة لي أنا
والطول اكتبيه يا سمارت 5 قدم و6 بوصات (أنا لو كنت عارف المعلومة دي كنت دخلتاالشرطة مع ناس عمر عثمان ديل)
حتى الآن ما عملت شيء مرة واحدة لفيت الحديقة العند البيت 4 مرات
معاي ضيف حاتعذر بيهم لحدي ما يسافروا
بعدين نجي نشوف البلان بتاعت أختنا اسمارت الله يديها العافية
| |
|
|
|
|
|
|
|
|
|
Re: Sudaneseonline Biggest Loser (Re: جعفر محي الدين)
|
ام محمود كيف احوالك
و احوال الصغيرة
عزومتكم مدخرنها لما بعد الرجوع للوزن العادي :)
بالنسبة لي مكان المشي الفترة دي كلها ما غيرت المحل من المضمار بتاع الخبر على البحر حتى و لو كان الرطوبة 100/100 ، بس انا في رايي انه الواحدما يرتبط مع زول في برنامج المشي يعني يوم تكوني متشجعة يجيك نادر يحبطك و اليوم التاني نادر عنده رغبة مشي انتي عندك مشوار سوق :) صراحة المشي اكتر من كونو رياضة شئ ممتع لحد لا يتصور و الواحد برتاح نفسيا و بصفى خالص بعد المشوار
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
| Quote: بالنسبة لي مكان المشي الفترة دي كلها ما غيرت المحل من المضمار بتاع الخبر على البحر حتى و لو كان الرطوبة 100/100 ، بس انا في رايي انه الواحدما يرتبط مع زول في برنامج المشي يعني يوم تكوني متشجعة يجيك نادر يحبطك و اليوم التاني نادر عنده رغبة مشي انتي عندك مشوار سوق :) صراحة المشي اكتر من كونو رياضة شئ ممتع لحد لا يتصور و الواحد برتاح نفسيا و بصفى خالص بعد المشوار |
ما شاء الله والله... thumbs up
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
اولاً :الاسبوع ده الفائز من ناحية الالتزام و نقصان الوزن مريم
ثانياً ... ازيكم يا بتاعين الاعذار...بعدين اعذاركم لذيذة....شىء بطنى طمت.... و شيء معانا ضيوف.... و شىء عملت نايم......و شىء شايفه عجلتي طشاش طشاش. Just kidding. خلاص نبدا بالجد
مرحب حمد فتح الرحمن
طيب.....عندنا 5 متنافسين حتى الان: (عندنا متسابق جديد)
1- النصرى أمين:
الوزن: 251 رطل
العمر 49:
الطول: 5 قدم و 11 بوصة (قول 6 قدم)
2- مريم بنت الحسين
العمر: ???
الطول: 163 سم
لوزن: Z
3-omer osman
العمر = 44 سنة
الطول = 180 cm
الوزن = 79 kg
4-جعفر محي الدين
العمر: 47 سنة
الطول:5 قدم و6 بوصات
الوزن: كيلو (183 رطل)
5-حمد فتح الرحمن
الوزن: 88 كيلو
الطول :182 سم
العمر: 38
BMI: 26.31
مريوم و حمد فتح الرحمن عندهم plans و ملتزمين بيها
نجى لجنابو و ناس الضيوف و ناس ما عندى هدوم رياضة. دى plan لمدة اسبوع. يوم الاتنين الجاى بشوفكم عملتو شنو
:Tuesday:Run half mile, walk quarter mile, run half mile, walk 3/4 mile.
Wednesday:Rest
Thursday:Run half mile, walk quarter mile, run half mile, walk 3/4 mile.
Friday:Run half mile, walk quarter mile, run half mile, walk 3/4 mile.
Saturday:Rest
Sunday:Run half mile, walk quarter mile, run half mile, walk 3/4 mile.
Monday:Rest
يعنى:
الاربعاء و السبت و الاتنين: اجازة.
التلاتاء و الخميس و الجمعة و الاحد:
ح نبدا بجرى نص ميل.
مشي ربع ميل (عشان ترتاح من غير ما تفقيف تماما).
ثم جرى نص ميل ...
مشي تلاتة ارباع ميل
من الاسبوع الجاى ح اخت شوية تمارين رجلين و الجزء الاعلى من الجسم.
اثناء الجرى مهم جدا الزول يتنفس كويس...انفاس عميقة
| |
|
|
|
|
|
|
|
|
 Re: Sudaneseonline Biggest Loser (Re: النصرى أمين)
|
طلعته في العجله، باركوا لي... عملتها فيها ربع ساعة... نفسي اتقطع! اتاري اللياقة بالسالب الايام دي!! زمان بطلع فيها زمن حتى احسن بي شي... يا حليلي!
كنت ناويه اتم نص ساعه، البيبي بكت... قلت بسسسسسسسس ده عذرك خخخخخخ
لكن خلال اليوم كله لافه نظافة في البيت... لما يجي السبت ونشوف الوضع كيف..
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
انتهيت من الدوام الاول ..
مشيت لصالة الالعاب ..
اكتشفت اننى نسيت الكيس الفيهو هدوم الرياضة..
وحسب قوانين الجمنازيوم لابد من استخدام رياضية (تحسبا من الاصابة)
قلت ازوق ..
لكن اتزكرت اسمارت ..حتاكل لحمى .....
قلت خلاص نتوكل ونتريض بهدوم الشغل...
12 دقيقة من الجرى بسرعة تترواح بين 4 و 12 ميل فى الشاعة
الحمدلله جريت ميل كامل ....
نزل منى عرق السنين ....
<>
<>
<>
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
Quote: كرش الموية......الزول لا يستطيع ان يتوقف عن شرب الموية البارده طوال اليوم ......
|
تحية للجميع
keep it up
بخصوص الموية الباردة وما ادراك ما الموية الباردة :-
Quote: Losing Weight By Drinking Cold Water
Here's another look at how drinking water can help you lose weight, but this time it is cold water. Drinking cold water for weight loss isn't without its logic. The logic is that the body requires extra energy to warm up the cold water that you drink up to normal body temperature when it is absorbed into the bloodstream. That is the reason why you are feeling cold when you drink cold water. Your body is trying to burn extra calories to keep up your body's temperature. In fact, numerous studies have found that the stomach absorbs cold water faster when compared to warm water, thus cold water enters the bloodstream even faster, thereby contributing further to the cold feelings that you get when you drinking a big glass of cold water.
|
http://gorgeously.hubpages.com/hub/drinking-w...lose-weight-ice-cold
| |
|
|
|
|
|
|
|
|
|
Re: Sudaneseonline Biggest Loser (Re: عرفة محمد سعيد)
|
عرفه ازيك وفعلا كلامك صح... مروان اخوي بالطريقة دي، بالأضافه لتغيير نظام اكله (السيء جدا) والحركة، نقص قريب 40 كيلو
وبقى ماشاء الله، مودل بس! حسي بنحنس فيه يسمن شويه، حساده طبعا... لكن لحق نفسه بعد ما ظهر ليه ضغط لما كان عمره 17..
النصري، شكلك تعبان تعب لووووول... المره الاولى دي صعبة خلاص! انا صحيت حسي كل ضلعة فيني بتكورك .... لكن الشي الكويس انه الليله اجازه
وب علي، يا دوب لاحظته أني ما كاتبه عمري!!! 31 وافتخر... الزول مع ناس 38 و48 ديل يحس روحه صغير ما فاضل ليه الا يلعب بي الطين.. سمارت بالله اكتبي عمري ده
ويا سمارت، اكتبي لينا عن تجربتك كيف نقصتي البيبي ويت، وخلال كم ونقصتي كم، وقدرتي تجري كم وفي خلال كم..
ناوية اجيب ليكم قائمة الاغاني البسمعها اثناء الرياضة لانها من الحاجات البتحفّز وبتشغل الزول... بس لما اكتب من الكومبيوتر وافضى...
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
انجاز عظيم والفضل لكم المشاركين والقراء وطاقم التحكيم
لليوم التانى على التوالى مشيت صالة الجمباز...
للاسف لقيت العربية (Treadmill) بتاعت الجرى طالعها فيها واحدة ست
طلعت فى العجلة bike ..
سقتها وجريت بيها 1 ميل والعجلة قالت لى حرقت 24 وحده دهنية calories
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
| Quote: 12 دقيقة من الجرى بسرعة تترواح بين 4 و 12 ميل فى الشاعة |
ما شاء الله يا النصري اتناشر ميل في الساعة دي يعني قريب العثرين كيلو في الساعة. لكن بكلامك الفوق دا متوسط سرعتك حوالي خمسة ميل في الساعة اللهي تمنية كيلو في الساعة و دي برضه سرعة ممتازة جدا. إذا بتقدر تواصل على كدا طبعا كويس. لكن الأفضل الواحد يعمل مسافات أطول و لو بسرعات أقل. طبعا أعجبك في التنظير لكن الالتزام ببرنامج رياضي غلبني كله كله مع حاجتي الشديدة لإنقاص وزني.
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
 يا جماعة تحية كبيرة للنصري و هو بيتحدى كل الصعاب و بيتريض. و الله يا النصري انجاز يا اخى.
بس عاوزه اقول ليك حاول امشي بسرعة 4.5حوالى ميل فى الساعة و اجرى (الان ) بسرعة 6 فى الساعة.
لما تكون ماشي السرعة المناسبة هى السرعة اللى بتقدر تتكلم بيها بارتياح. يعنى تكون ماشي و بتتكلم من غير ما نفسك ينقطع. بس كلام...لكن ما غنى. يعنى لو بتقدر تغنى" ظلمونى الناس"...معناها مفروض تمشي اسرع شوية
حاول برضوا ما تجهد روحك شديد من البداية عشان ما تصاب ب injury فى العضلات. و لما يوم تحس ان عضلات رجولك واجعاك من الجرى....فى اليوم التانى ريض عضلات يدينك و جزء الاعلى من الجسم....او امشي بس من غير جرى.
| Quote: سقتها وجريت بيها 1 ميل والعجلة قالت لى حرقت 24 وحده دهنية calories |
ال calories وحدات حرارية. و الوحدات الدهنية fat براها. اغلب المكنات بتدى الرقمين. لكن اظن ان الرقم اعلاه وحدات الدهنية. فى ميل كامل بالعجلة بتكون حرقت calories اكتر من كده.
ما تنسوا برضوا يا جماعة انكم تشربوا مويه كفاية....دى حاجه مهمة جدا. احا السودانيين ما بنشرب موية كفاية.
و صفقة قوية و تحية لمريوم....مريم الهذر الوحيد المسموح بيه ان لولو تبكى...اى عذر تانى ما مقبول
| Quote: وب علي، يا دوب لاحظته أني ما كاتبه عمري!!! 31 وافتخر... الزول مع ناس 38 و48 ديل يحس روحه صغير ما فاضل ليه الا يلعب بي الطين.. سمارت بالله اكتبي عمري ده |
مريوم...لاحظت فعلا ان الجماعة ديل ديناصورات ... jsut kidding يا جماعة
| Quote: ويا سمارت، اكتبي لينا عن تجربتك كيف نقصتي البيبي ويت، وخلال كم ونقصتي كم، وقدرتي تجري كم وفي خلال كم.. |
موضوع البيبى ويت ده صعب شديد خلاص...خاصة فى المرة الاولى ...لان الواحده ما بتكون متخيلة ان وزنها ممكن يزيد بالبساطة دى. بعد ما البيبى جاء اتكلمت مع الدكتورة بتاعتى. قالت لى ممكن تتمشي (حول البيت بس) من اليوم التانى او التالت. بعد اسبوع ممكن ابدا تمارين بطن خفيفة (طبعا اذا الولادة ما قيصرية). بعد 6 اسابيع ممكن تبدى تجرى. بس براحة و بهدوم رياضية مريحة....براحة لان عظام الحوض بتكون لسه مفرتقه و اظنها بترجع لوضعها الطبيعى بعد 6 شهور او سنة. الاطباء عموما بيقولوا الام مفروض تنقص الوزن فى خلال 9 شهور ل سنة. لانه ده الزمن اللى ختت فيه الوزن الزيادة. النقصان بمعدل اسرع من كده بياثر فى البيبى (اتكلمنا قريب فى موضوع السموم و ما ادراك ما السموم...المهم). انا شخصيا نقصت الوزن فى سنة و شهر او اتنين. وبديت بالبرنامج الفوق ده ...فى النهاية كنت بقدر اجرى حوالى 3 ميل متواصلات من غير مشي فى النص. بعد ما وزنى رجع بقيت كمان بقدر اجرى احسن. و دى المشكلة فى الجرى. عشان تضعفى ...احسن رياضة هى الجرى...و الجرى بيكون صعب شديد مع الوزن الزايد. it is Catch-22
الباقين????الحاصل???انتوا ماعارفين انى بشيل الحس و باكل اللحم!!!!!
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
برافو والله يا النصري... انا الليلة أووف.. برنامجي الماشه بيهو يوم أيوه يوم لأ... ده مخليني محمّسه لبكره ان شاء الله... ما شاعره اني بكامل قوّتي .. لكن بعد كم اسبوع كده، حأقوم أعمل التمارين دي في يوم الoff... كنت بعملها زمان...اسمها 8 minutes abs...
http://www.youtube.com/watch?v=sWjTnBmCHTY
يكفي انه الشافوها 10 مليون زول.. بالجد تمارين عجيبة.. وما ساهله.. لكن المهم المحاولة
بالنسبة لقائمة الأغاني بتاعتي...
We are golden - Mika
Let's get lound- J LO
Waving flag- K'naan
Waka Waka- Shakira
Please Don't stop the music- Rihanna
la la la- Cheb bouaa ft lydia
الموقع ده ممكن تنزّلوا منّه اي واحده من الاغاني دي وغيرها بصيغة mp3...
www.4shared.com
الاغاني ممكن تكون اي شي.. بس شي يحفّزكم على الجري ويصبّركم عليه...
من الحاجات الكويسه برضه.. انه الواحد على الريق يشرب مويه دافيه مع ليمون.. دي عن تجربة بتصغّر البطن... طبعا الليمون اصلا فيه antioxidant .. وبزيد عملية هضم الطعام وحرقه في الجسم ####bolism.. كمان الحركة دي بتساعد على طرد الغازات من الجسم، ودي من الحاجات البتخلي البطن شويه تكون طالعه....
غدا الجري ...
| |
|
|
|
|
|
|
|
|
|
Re: Sudaneseonline Biggest Loser (Re: smart_ana2001)
|
والله ياجماعة بغرتونى عديل
اهلنا بقولوا البغر بطول الشعر وانا دايرا يضعفنى
اها انا وزنى
80 Kg
وطولى
160 Cm
وعمرى
34 سنه
بديت الرياضة الاسبو ع الفات
يوم السبت مشى نص ساعة
يوم الاتنين مشى فى المشيين 3miles
يوم الاربعاء zumba class
يوم الاربعاء كان رهيب وممتع شديد
المشكلة انى بقت شرفانة ولهاطة بعد بديت الرياضة نفسى اتفتحت للاكل شديد غايتو بس البركة فى اللياقة
| |
|
|
|
|
|
|
|
|
|
Re: Sudaneseonline Biggest Loser (Re: EBTIHAL OSMAN)
|
يا اخوانا احتمال اكون اديتكم معلومات غلط
الجهاز الاشتغلت بيهو اول يوم وبرضو صباح اليوم
شكله زى الصورة التحت
يعنى زى العجلة عشان كده الميل الواحد بنتهى بسرعة...
اظن واحد ميل ما كتيرة (مع انى تعبت وداير اجيب الاسعاف)
صباح اليوم عملت واحد ميل وحرقت حوالى 125 وحدة حرارية دهنية
واخدت معاى حوالى 13 دقيقة...
الجهاز التانى البخاف منه
عندنا لكن خايف ازلق فى السير ونبقى فى بوستات النصرى طريح الفراش
دعواتكم له بالشفاء
اما الجهاز الزى العجلة الاشتغلت بيهو تانى يوم(امبارح) فزى الصورة التحت
على كل التلات يوم الفاتو عملت 1 ميل يوميا
ودى فى حد ذاتها معجزة
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
اليوم الجمعة 16 سبتمبر 2011 انجاز واعجاز مبالغ فيهو..
مشيت على الصالة زعلان وكلى تصميم على تحقيق المستحيل
طوالى مشيت على الماكنه بتاعت السير
..طلعت فيها وظبطت السرعة
على 2 ميل فى الساعة ...بعد دقائق بديت ازيدها لغاية ما وصلتها
4.5 ميل فى الساعة .
بقيت جارى بسرعة لا ازكر اخر مرة جريت مثلها ..
العرق بدا ينزل شلالات..
الهدف بتاعى واحد ميل ....
لمن وصلت ربع ميل ...خلاص كرعينى نملو وجسمى كلو بينتح ...
لكن لازم استمر واخلص الميل ....
لحسن الحظ ....واحد معانا فى الشغل طلع فى الماكينة بجوارى...
عمل السرعة 7 ميل طوالى وبدا يجرى جرى شديد جدا ..
وانا مستغرب ....
قلت ليهو ونفسى قائم وانا جارى "عمرك كم؟
قال لى تدينى كم ؟
قلت ليهو 35 سنة
ضحك ...
قلت ليهو 40 او 45 سنة ....
قال لى 51 سنة ...
والله العظيم الزول ده جارى كان عمره 25 سنة
مبالغة ...
المهم شغلنى عن الماكينة بتاعتى والتفكير فى المسافة الباقية
لقيت روحى قريب ال 8. من الميل ...
نفسياتى طلعت السماء...
زدت السرعة وعملتها 5 ميل فى الساعة ..
وبقيت جارى زى صاحبى لغاية ما خلصت الميل الاول المستحيل
تقريبا الزمن حوالى 15 دقيقة ....
الحمدلله ...
الشكر لكم جميعا
السبت والاحد اجازة .. ساعاود الماكينة يوم الاثنين
| |
|
|
|
|
|
|
|
|
 Re: Sudaneseonline Biggest Loser (Re: مريم بنت الحسين)
|
الدايم الله غايته... دي الحلقة لما الناس كلها تتخلع انه اكتر زول بتريض ومتوقعينه يخرتهم كلهم، يطلع زايد ليه باوندين تلاته! لقيته روحي زايده 0.4! والميزان جربته تلاته مرات كل مره يديني رقم.. لكن حوالين الرقم ده.. مره طلعني زايده 0.6، مره 0.4، مره 0.3 ما فهمته زاتو قصدو شنو! المهم أني ما حاشتغل بيهو لأني عارفه انه الرقم ما بفرق كتير، وانا حاسه بي روحي ناقصة في ملابسي وكده... وما تخاف، بطل ما يموت (دي نكته بحكيها ليكم يوم)...
عشان كده يا سمارت ختي وزني الجديد z-0.2... لانه الرقم ده ظهر لي مرتين..
حامشي أخد لي نومه، واجيكم بعدين... الليله يوم العجله عندي... ويومي كعب خلاص، لكن اصلي ما بخليها...
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
والله يامريم يابت امى الحال من بعضو ,الايام الفاتت دى كل ما أطلع فى الميزان انزل مخلوعة ومنططه عيونى الوزن ماشغال لابى الجوع لابى الرياضة
لكن الليلة وامبارح دورت ليك فى ال machines بتاعات النصرى الفوق دى وانا اناهد واقول لنفسى كلامك (والله الوزن ماينقص ماحشتغل بيهو كتير وعنو مانقص) لكن اليومين الفاتو ديل الحمد لله لقيت الميزان هرش منى ونقصت 2.2باوند اظنها كيلو تقريبا والله داير اطير من الفرح الحمد لله ..اهاانتى جديدك شنو
انتى الناس ديل خلو المنافسة ولاشنو
| |
|
|
|
|
|
|
|
|
|
Re: Sudaneseonline Biggest Loser (Re: EBTIHAL OSMAN)
|
| Quote: على كل التلات يوم الفاتو عملت 1 ميل يوميا |
انت يا النصري الميل بتاعك ده محطة ؟؟
ما خلاص كفاك، من الأسبوع الجاي وبعد يومينك الراحة ديل حاول تزيدو بعد كده
ميلك ده في الأنا شايفو ما بأكلك عيش يا أخوي
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
يا مريم
| Quote: عليك الله دي قالها ليك بالانجليزي كيف |
المشكلة كانت مش هو يقولا كيف ..المشكلة انا اقولا كيف وانا نفسى
قايم وحالتى متاخرة...
كل حرف يطلع منى كان بصعوبة شديدة ....
غايتو الكلام اثناء الجرى انا امنت بيهو عديل
ياخ ده مستحيل
wha u think
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
الهادى المحبط وغير الخاسر
| Quote: ميلك ده في الأنا شايفو ما بأكلك عيش يا أخوي |
اقول ليك حاجة 90% من اعضاء وقراء البورد ما بقدرو يجرو الميل بتاعى ده
(خاصة الناس فوق الاربعين)
اعتبر ده تحدى رسمى منى لكل القراء ...
اى زول يجرى واحد ميل ويكتب عن تجربته
اميلى
[email protected]
انت واحد ميل قايلو ساهل ؟
تقريبا زى الجريت ليك ميدان كرة قدم 4 او 5 مرات
انت ذاتك اجري واحد ميل وتعال احكى لينا عن صعوبته
زكرتنى الزول النزل المعاش وعمل ليهو 10 ازيار جنب باب البيت
كل مرة زول يجى يشرب من الازيار دى يقول ليهو
اشرب من ده ..
لا اشرب من دااااااك..
لا لا ما تشرب من داااااك
اشرب من ده ...
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
اهلين عبدالكريم
مرحب بك خاسرا كبيرا....
والله وبصراحة كدة انتو ناس الدوحة فى خطر شديد
البلد لذيذة والاكل طاعم و دسم والناس كلها شغلها
ما فيهو اى مجهود بدنى .....
كل زياراتى للدوحة ما شفت اى زول بمشى ليهو 50 متر فى اليوم .....
ناس منجيييغة ديك نفسهم بقوم لمن يطلعو من العربية...
عادل سالم بقى خردة عديل ...
كمال سالم ...منتهى من يومه...
بعدين الحرف "سين "" فى كلمتك سنطبق غير مطمئن...
ادينا مواعيد متين .
بكرة ..الاسبوع الجاى ..الشهر الجاى ..السنة الجاية
دايرين نعرف
حتى نطاردك كخاسر كبير
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
معليش يا جماعة أنا الايام دي في إجازة ( ما فاضية) من فندق لفندق. و اكل مطاعم ساااي.
مرحب دكتورة نجاة. و ح تنضم لينا برضوا دكتورة Amy
لما ارجع بخت التفاصيل.
ربنا يعينك يا مريم. اصلها الشهور الاولي دي كده. ما تشيلي هم. كلو بيبقي تمام.
النصري و الله بقيت خطر عديل. ما تهتم بالأعداء، انت الرابح في النهاية. :)
في حاجه تانية لازم تهتم بيها، هي انك stretch قبل ما تجري و برضوا ما تخلص من الجري برضوا و صدقني ح تحس بالفرق.
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
مريم
والله انا حاسة بيك ..
العيال فى الفترة الاولى دى بكونو متعبين شديد وعدم النوم الكفاية مشكلة مع الرياضة ربنا يكون فى عونك
عملت بنصيحتك بقيس بالهدوم والموضوع ظابط الحمدلله وماشة كويس بس ببطء شديد
النصرى
واللهgood job الناس قايلة الميل دا ساهل والله تحنا عيننا بتطلع فيهو لكن شوية شوية حتلاقى نفسك دخلت فى التانى والتالت من غير ماتحس بالذات لو لقيت زول يمشى معاك بشجعك فى الجيم
دكتورة نجاة
العافية درجات اول يوم لفتين ماكعبة انا اول يوم بديت الرياضة بعد خمسة دقائق نفسى اتقطع بعد داك الامور ظبطت موضوع البرنامج الغذائى دا انا ذاتى كايساهو لولقيت بديك خبر
سمارت
يعنى راجنك تنظمى لينا الموضوع تجى تبوظى لينا اعصابنا باكل المطاعم انا بضعف قدام الكلام دا ياخ طفسة بعيد عنك....وتقولى للنصرى انت الرابح الاكبر يعنى نحنا تعبانين ساكت احبطتينا ياخ ههههههههههههه
مسعولين من الخير باقى المتسابقين الرواد مشو وين مايكونوا بتريضو اليوم كلوا واحنا ماجايبين ليهم خبر
| |
|
|
|
|
|
|
|
|
|
Re: Sudaneseonline Biggest Loser (Re: EBTIHAL OSMAN)
|
د.نجاة.. أحيّك ياخ... ومرحب بيك معانا...
النصري... سير سير يا البشير..
سمارت... استممممممممممممتعي.. واككككككككلي... لينا وليك... وللفي بالي..
ابتهال... والله قصة الملابس دي بترفع المعنويات خالص... انا بس اعدّي فترة اللخبطة دي، بواصل... اتمنى بكره اكون اقوى.. واتريّض...
Go guys
| |
|
|
|
|
|
|
|
|
|
Re: Sudaneseonline Biggest Loser (Re: مريم بنت الحسين)
|
شكرا يا حبيبات على التشجيع
يلا انا عايشة في فشس سيركل انا عندي ازمة دائمة تقريبا يعني كان ما بخيت البخاخة ما بقدر
اطلع من البيت
لغاية ما ولدت اولادي كولهم وزني ما فات 65..
اسع بقيت احس بتعب شديد الدكتور طوالي بقولي الوزن
بعدين انا ما اكالة ولا اشتهي الطعام ولا استمتع به
بعد دا كلو وزني ماشي زائد اها طلع عندي غدة شلتا الغدة قبل 5 سنوت
واخذ ثايروكسين يوميا الحاجة المدهشة وزني زاد من بعد العملية
لو في دكتور مرة بجاي ما بناباه والله..
عايزة انزل 20 كيلو عشاناقدر اتحرك بدون ضيق نفس
.ووجع ركب
على قول صاحبتي اني شايلة لي طفل عمرو اربعة سنة ونالزلة وطالعة بيه
بلا سمارتي حاعتمد عليك كترينار ربنا يديك العافية يارب
اليوم لو مافي مطر حابدا بالذهاب الى الحديقة
| |
|
|
|
|
|
|
|
|
|
Re: Sudaneseonline Biggest Loser (Re: د.نجاة محمود)
|
يا اخوانا والله العظيم انا حماقة منى واستجابة لاستفذاذ الهادى
جريت 1.3 ميل (واحد ميل و3 من عشرة من الميل)
بصراحة ندمت وقلت الروب ....خاصة التلت الاخير زدت السرعة الى 6 ميل فى الساعة....
من بكرة حارجع للميل بتاعى ومن خلى عادته قلت سعادته
| |
|
|
|
|
|
|
|
|
|
Re: Sudaneseonline Biggest Loser (Re: النصرى أمين)
|
السلام عليكم
سأدخل معكم فى هذا الأمر
القياس بالرطل أم الكيلو .. المهم ..
أنا فى المرحلة الثالثة ..
المرحلة الاولى من ( 277 رطل) نزلت الى ( 220رطل )
المرحلة الثانية
رجعت الى (252 - والآن 214) ..
المرحلة الثالثة الحالية
214 رطل
الهدف ..( إن شاء الله ) 200 رطل حتى 15/10/2011
المرحلة الرابعة .. ( إن شاء الله ) ..
بعد الاجازة والعودة من السودان .. فى 15/12/2011
الهدف الوصول الى 180 رطل .. ( 80 كيلو ) اقل من كدا ما داير مناقشة ..
سارجع بنظام الغذاء والرياضة إن شاء الله
| |
|
|
|
|
|
|
| |
smart_ana2001
كمال ادريس
فيصل محمد خليل
خالد العبيد
Ahmed Abdallah
ناصر احمد الامين
فخرالدين عوض حسن
عبد الباقي الجيلي
مريم بنت الحسين
omer osman
جعفر محي الدين
حمد فتح الرحمن
عرفة محمد سعيد
Elawad
Elhadi
عبدالكريم الامين احمد
معتصم الطاهر
فيس بوك
تويتر
انستقرام
يوتيوب
بنتيريست