|
|
 صور صلاة العيد (كالقرى, البرتا, كندا)
|
حاجزين طوبتنا من حسى
*******
بعد الهزيمة الساحقة التى تعرض لها منتخب مدينتنا
فى ديربى صور افطار رمضان .. وعدم مقدرة الفريق
على المنافسة والانسحاب مبكرا ..
قررت انا شراء كاميرا ديجتال 12 ميغابيكسل
والذهاب مبكرا لصلاة العيد وتصوير كل واردة وشاردة..
حتى ذلك الحين اليكم صور معبرة من مدينتنا الجميلة
صورة لداون تاون كالقرى
------------------------------
2"-
صورة من الجو
-----------------------------
3":-
صورة من الجانب الشرقى
------------------------------
4:-
دى حالة دى
--------------------------
5:-
ده الراجينا
------------------------
6 :-
حلاتا
----------------------
7:-
جامعة كالقرى ,من افضل الجامعات الكندية خاصة فى مجال صناعة النفط
-------------------------
8:-
معهد جنوب البرتا للعلوم التكنلوجية sait
زى معهد الكليات زمان ..شغلك مضمون بعد التخرج..
معهد لا يتخرج منه افندية ..بل يتخرج منه كوادر مؤهلة تعرف كيف تؤدى واجباتها
الوظيفية..كثير من العاملين فى مجال النفط فى السودان تتدربو فى هذا المعهد(الكلية)
-------------------------------
9:-
مستشفى الاطفال التخصصى ..
اى مواطن من حقو ياخد طفله هناك للعلاج ..لا تعريفه لا قرش ..
اخدت طفلى مرة ليهو ..حرم امنت عديل ...
--------------------------
10:-
صالة المغادرين بمطار كالغرى
هذا الجزء من الصالة مخصص للمسافرين للولايات المتحدة
واذا كنت كثير الاسفار لهناك يمكنك الحصول على بطاقة تسهل
عليك اجراءت الامن المشدده
-------------------------------
11:-
قلب المدينة ويظهر القطار الخفيف ويلقبونه ب Ctrain
-------------------------------
12:-
واحدة من مشاكل المدينة المستعصية المشردين خاصة بعد "الزلعة" الاقتصادية الاخيرة
---------------------------------
13:-
مظاهرة مناهضة للعنصرية فى محطة مالربورو فى شمال شرق المدينة
----------------------------
14:-
اللون الاحمر هو لون فريق الهوكى Flames وايضا كرة القدم Stampeders
الطاقية بتاعت كاوبويات حيث ان الاقليم اشتهر بتربية الابقار ...
------------------------
15:-
صورة حقيقية بعد مقتل احد افراد عصابات المخدرات على يد منافسيه..
الجرائم وحوادث القتل بين العصابات المتنافسه على السوق ادى لمقتل
العديد منهم فى الشوارع واماكن التجمعات العامة ...
وموعدنا صور صلاة العيد
جميع الصور من فليكر ووقووقل
|
|
 
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
Quote: قررت انا شراء كاميرا ديجتال 12 ميغابيكسل
والذهاب مبكرا لصلاة العيد وتصوير كل واردة وشاردة..
|
الاخ النصرى ..
الى ذلك الحين ارجو ان اهديك صلاة العيد فى قريتنا التكينة بالجزيرة ...
شوف الصورة دى عشان تبكى و تجر تحجز تلحق صلاة العيد فى حلتكم ...
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: انور التكينة)
|
العزيز النصري
ده شغل نضيف ... لك الف تحية
نساندكم ... و ح نكون جاهزين يوم العيد
كمان عاوزين نشوف اهلنا المشتتين في انحاء العالم
عيدهم كيف ... و ياريت كستاوي يظهر هنا و يختار لينا
احلي صورة
الشي الاجمل انو ح نقابلك في العيد و ياريت بعد الصلاة كمان
لمناقشة كثير من القضايا ...
تحايا عطرة للاسرة الكريمة
و الي اللقاء يا صديقي المختفي
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
Quote: كوستاوي
عاوزين مسابقة لصور العيد طبعاً القصد مش الفوز
لكن البعد الاجتماعي عشان نشوف بعض في العيد و كيف معيدين
في دول الشتات و ايضاً فرصة للاهل يشوفو ابناءهم في مختلف دول
العالم ... و ح يشتمل البوست ايضاً علي تهاني بالعيد ...
طبعاً شجعتني كاميرا النصري امين ...
لك و لضيوفك في هذا البوست الف تحية |
النصري نزلت هذا الاقتباس في بوست كوستاوي
لو الكاميرا بتاعتك دي طَلَعَتْ زي زيارتك الوعدتني بيها
الرماد كال حَمَادْ
لكن ثقتنا فيك كبيرة
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
رد كوستاوي علي المداخلة السابقه و كان رده كالآتي
Quote:
فكرة جميلة جدا
يا
الصاوي
ممكن تكون تحت عنوان
"كيف يحتفل السودانيون بعيد الفطر المبارك في مدن العالم المختلفة-- توجد صور" |
عاوزين شوية تنسيق
طبعاً إنت انشط بورداب كالقري
في انتظارك
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
يا حامد
منصور شنو؟ شين عرفو بالكاميرات والتكنلوجيا
ياخى ده الجوال بجهجهو ..
don't worry
we won't let u down
gotta stop by bestbuy and grab one
also i gotta go and get a nice outfit
i don't wanna look naive
? how about Tuxedo
stay tune
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
الاخ الفاضل انور التكينة
شكرا على الصورة المعبرة...
العيد فى السودان ليهو طعم خاص
طعم افتقدناه طوال ال 19 سنة الفائتة..
نصلى الان وسط الاعراب والباكستانيين والافارقه
وغيرهم من المسلمين وعقب كل خطبة نغادر المصلى
باعتبار ان العيد قد انتهى بنهاية الصلاة...
كل الود
نتمنى مطالعة البوست عقب الصلاة اذا
ربنا كتب لينا عمر
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
قبل حوالى سنتين بدا العمل فى اطول ناطحة سحاب
فى كندا (غرب مدينة تورنتو) بتكلفة اكثر من بليون
دولار ..المبنى يتكون من عمارتين تصل احداها الى 58 طابق
الثانية اقصر شوية..
قبل حوالى 6 شهور اعلنت الشركة المالكة(عملاق صناعة البترول encana )
ان البناء فى العمارة الثانية سيتوقف نتيجة للضائقة المالية
التى يمر بها العالم .. كان العمل وقتها فى مرحلة بناء الاساس .مما جعل
كثير من الناس يفكرون وانا منهم ماذا سيفعلون بخصوص تلك الحفرة العملاقة!!
فهى حفرة فى حجم مربع كامل وبعمق عشرات الامتار ..
صورة حديثة للمبنى تحت التشييد
والشى المجننى فى البناية دى (وانا امر بها عدة مرات فى اليوم)
انو ولا كيلو بتاع اسمنت واحد ما استعملوه
حديد فى حديد ..
بركبو الحديد ده كيف!! شئ يجنن عديل كده
ومنظر العمارة بعد انتهاء العمل
مبنى شاهق اخر فى eigtht Ave/Five Stree
اسمه eight ave place
صورته الان
وصورته بعد انتهاء العمل
غايتو الزول لو قدر ياجر فيهو دكيكين صغيرونى بغنى عديل
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
يا النصرى انت تلفوناتك اتغيرت ولا انا قاعد اضرب وين؟ ولا لقيت الرسالة وعامل مجنون ؟ اعمل لى ميس كول اذا اعصابك بايظة فى موضوع مهم .. وما كشف والله ما تخاف ما فى دفع..{وجه ضاحك} وبعدين الرقم اللوكال لو روحتو 4036688511
ماترحكاكم ماتيللا..
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Ali Sirelkhatim)
|
Quote: منصور شنو؟ شين عرفو بالكاميرات والتكنلوجيا
ياخى ده الجوال بجهجهو |
دي بالغت فيها عديل كدة
جوال شنو ال بجهجهو
ياخي في رمضان ده انا حاضر ليهو موقف
هو جهجه الجوال مش الجوال جهجهو
اديتو نمرة اخونا ابراهيم 3 مرات عشان يحفظها
و صاحبك يطبظ ... اخر النهاية قال لي الجوال ده
فيهو مشكلة
قلت في سري:(( المشكلة فيك انت يا منصور))
اخيراً قال لي الحمد لله اتحفظت
قلت الحمد لله
اها تاني يوم ضرب لي تلفون و قال لي
حامد ياخي ما بلقي عندك تلفون ابراهيم؟؟؟؟؟؟
ـ
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Abdelmuhsin Said)
|
Quote: دى الخايف منها زاتها
نشوف ناس منصور المفتاح يلحقنا |
ســــــــــــــــــــلام...
يا جماعة في الحالات الزي دي
عليكم الله بس تختونا منصور
المفتاح ده. علي اليمين تمسكو
الشغلانية دي عفاريت ما تلمو
فيها...
أرقدوا عآفية، إن شاء الله أنا
في الطريق اليكم...
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: الطيب رحمه قريمان)
|
الاخ الفاضل الطيب رحمه قريمان
رمضان كريم
حقيقة.. دخلت البوست حين صدوره قبل اسابيع..
لكن للاسف لم اسمع بالاسم "احمد ضوالبيت" اطلاقا..
رغم وجودى فى كندا منذ 1992 (19 عام) الا ان علاقاتى
الاجتماعية محدودة جدا جدا .. ولا اعرف السودانيين الذين
يسكنون فى نفس الشارع ..لكثرتهم فى هذه المدينه..
حاجة تانية ..وارجو تقبلها بصدر رحب ..فالغرض المساعدة لاغير..
حسب المعطيات فى البوست فان المختفى احمد ضو البيت ربما(يمر او مر)
بضغوط نفسية..هذه الضغوط (اذا صدقت) سوف تتفاقم وتنتهى بالانسان فى احدى
المصحات النفسيه او الملاجى ....(اقول هذا وقد مرت بى اكثر من 3 تجارب لقوم
فقدوا المقدرة على مقاومة الضغوط الهائلة التى نتعرض لها جميعنا دون استثناء
واظن ان هذا تمن الغربه والعيش فى هذه البلاد الجميلة ...
هناك بصيص امل ..
كتابة اسمه الخماسى ..ومحاولة الحث فى كل الاحتمالات ..فربما ترك اثرا خلفه
مثل اشتراك فى منظمة او تلفون جوال او خبر صغير فى نشرة اخبار محلية ..
كلو جايز ..
كل عام وانتم بخير
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
| Quote: مع الحاله الاقتصاديه العندكم دى اله تبيع فيه تمباك |
الاخ الحبيب عبدالمحسن
ليك على اجهز ليك ليه يافطة لمّن يآمن
صاروخ الكيف للعمارى الجيد رقم واحد{كلهم رقم واحد هم اصلو ما لاقانى نمرة اتنين} لصاحبه النصرى امين.
وحا نخليه يتنافس مع ناس سوق الجلود اسفيريا..مع مرعاة فرق العملة
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Ali Sirelkhatim)
|
| Quote: مظاهرة مناهضة للعنصرية فى محطة مالربورو فى شمال شرق المدينة |
و ماهو الجوال ، يا مولاي؟
صديقي النصري..حبابك
كل سنة و انت طيب ياخ..
ساعدنا يالترجمة يا حبوب..!!
واحد قريبك شاف البوست ده..و اتكيف..و قال لي: اسمع صاحبكم ده بجيب الإتجاهات دي من وين؟.. قلت ليهو ..ده النورث ايست ياخ..!!..عمك قال لي: و الله بالعربي معقدة خلاص..كلها شينات..شفت محن الشعب السوداني ده كيف؟
المهم.. اهم حاجة فكرة الصلاة (خصوصا قصة الشوط الأول و التاني في الصلاة..كن ما جا كستاوي و قال ليك الشرع رأيو شنو في الصلاة ام شوطين)..
آزول ها..ديجتال شنو ..و جوال شنو؟..على بالحلال الإ كن نساعدك بالوصف الكتير..نقة و بس..!
كل سنة و انت طيب..
كبر
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Kabar)
|
سلام يا كبر
من ديك وعيييك..
اها داير تساعدنى نفرز بورداب المدينة
انا بعرف الاتى :-
1-الاديب منصور المفتاح
2-الشاعر يحى بن عوف
3-الدكتور طلعت الطيب
4-الباشمهندس حامد الصاوى
5-الاستاذة سهير الشيخ
6-الشاعر معاوية المدير
7-الاديب محمد كبر
8-الاستاذ النصرى امين
9-الاستاذ (الغائب) واللابت محمد السر (قابلته مرة بالصدفه فى محل
جوبا للتحويلات ,مشيت اجيب دولار امريكى ..جيت راجع لقيتو طشا)
ديل البعرفهم معرفة شخصية
عددهم تسعة
انا متاكد ان هناك المزيد ولكن للاسف لم اقابلهم ولا اعرفهم
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
بعدين بالمناسبة يا على السر وعبدالمحسن
العمارة دى فيها مليون قدم مربع..
القدم المربع ايجاره الشهر بالميت 20 دولار ..وربما يصل 100 دولار
يعنى العمارة دى ايجارها الشهرى 20 مليون دولار ..
يعنى شنو لو اجرو لى 100 قدم مربع اعمل فيها محل
صغيرونى ابيع فيهو لستك بتاع احزية...
بس مشكلتى راس المال
والكلام ليك يا المنطط عينيك
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Kabar)
|
| Quote: يا جنابو اليافطه ملحوق عليها عله بس انت مشكلتك شنو مع مسقط راسى شلعوهاالخوالده وانا بدور استفسر منك . |
انت الظاهر عليك ما قريت التعديل والله يستر كمان مايطلع لينا زول من ام صفقا عراض. وبعدين هو ذاتو ما فى حتة فى السودان اسمها شلعوها الخوالدة ..
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Ali Sirelkhatim)
|
النصري..حبابك
ياخي ، محمد السر ده زي الكبريت الأحمر..او عمك مذنب هالي..زول مدارات ساكت..!
اخونا الحبوب عبد المنعم خير الله
اخونا عبد العظيم كودي..
اخونا عبد المنعم الرزوقي..
اخونا امير مساعد
اخونا الناير حسن (كن ما اخاف الكضب)
اخونا بكري اللحمر..
اها منتخب عدييل يعوضنا الكورة..
نحن الشعب الوحيد وسط البورداب هنا ما قاعدين نقدم طلبات لعضوية جديدة..و لدعم فريقنا ارشح:
محمد عثمان..
الباشمهندس احمد بشير..
ياخي ديل المنبر ده فاهمينو ليك من ام طرقا عراض لغاية الواق واق ذاتها..بس شكلهم متواضعين بصورة مزعجة للغاية..
كبر
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Ali Sirelkhatim)
|
Quote:
انت الظاهر عليك ما قريت التعديل والله يستر كمان مايطلع لينا زول من ام
صفقا عراض. وبعدين هو ذاتو ما فى حتة فى السودان اسمها شلعوها الخوالدة .. |
دا كلام شنو يا على يعنى نكرتها عديل كدا . والله اخير لك .
الكلام دا اعوج تب وعشان اخوى النصرى دا انا بديك فرصه اخيره تتراجع و تعتزر من السجم الكتبتو دا
(دحين يالنصرى انا قصرته ) وبكلمك من هسع اذا ما اعتزرته اغشا معاك الجنوبى جيب لك شوية بمبان وتعال لى
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Ali Sirelkhatim)
|
لا حولا يا كبر
امانة انا ما اتلومت عديل
الناس ديل كلهم اصحابى ورقم تلفوناتهم
مسجلة عندى فى الموبايل..
الناير ..كنت معاهو بالتلفون قبل كم يوم
امير مساعد ..صحبة قديمة من ايام سانت كاثرينز وكنت فى زيارته
بمناسبة المولودة الجديدة زينب
عبدالعظيم كودى ..تلفونه كان رايح وما رد على رسالتى
احمد بشير صحبة قديمة من ايام سانت كاثرينز
بكرى الاحمر ..تقريبا بشوفه كل يوم ولا يومين (وهو ما شايفنى)
عامل عربيته المافيها ابواب دى ..وعندى معاها مواضيع معلقة
بالنسبة للاخوان عبد المنعم خير الله و عبد المنعم الرزوقي فلم
اتشرف بلماقاتهم بعد ..
بالنسبة للاخ محمد عثمان فهو رجل هادئ بصورة عجيبة
قابلته عدة مرات (فى بيت الرشيد مرة..
فى بيت اسامة مرة...
ومرة فى بيت الاحمر )
وفى كل مرة يزداد هدوءا على هدوءه
الف مرحب بيهم مقدما ..ممكن اثنى طلبه .. اصلى انا طولت ما رشحت زول لبكرى
يا على السر
الهكات بتاكلها على اللباد
المشكلة الجقدى
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
Quote: أرقدوا عآفية، إن شاء الله أنا
في الطريق اليكم... |
في الانتظار يا معاوية
كَبَر اقتراحك وجيه و نثني اضافة
الاستاذ محمد عثمان و المهندس أحمد بشير
فهم كما تفضلت قراء منتظمين و عندهم اراء جريئة
و تجربة ناضجه علي الاقل بدل ما يجهجهوني انا براي
يجهجهو المنبر كله
Quote: لا حولا يا كبر
امانة انا ما اتلومت عديل
الناس ديل كلهم اصحابى ورقم تلفوناتهم
مسجلة عندى فى الموبايل.. |
النصري ياداب اكتشفت انك اتلومت؟؟؟
عبد المحسن حقك علينا و نعتذر ليك نيابه عن صاحب البوست
و سعدنا بمعرفتك انت و علي سر الختم
شكراً للنصري الذي جعل هذا ممكن
كل عام و انتم بخير
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
أخى الفاضل النصرى
كل عام وأنتم بخير
اتفق معك فيما ذهبت اليه , أعرف جيدا ظروف هذه البلد و أنها مثل كرش الفيل كما يقولون
Quote:
هناك بصيص امل ..
كتابة اسمه الخماسى ..ومحاولة الحث فى كل الاحتمالات ..فربما ترك اثرا خلفه
مثل اشتراك فى منظمة او تلفون جوال او خبر صغير فى نشرة اخبار محلية ..
كلو جايز ..
|
لعل الناس تعيش على بصيص الامل هذا او ذاك الاثر الذى ربما يكون تركه وراه
لك شكرى و قديرى و كل سنة و انت طيب .
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: الطيب رحمه قريمان)
|
تعرف يا امير..
دونما شك ..ان الزحف الخرفى بدات اثاره تظهر على الزول ..
ياخى نسيت ليك جمال ابايزيد( بتاع كوكرين) ..مع انو كلو يوم بضرب ليهو
تلفونه كايس مساعدته فى مشكلة استارتر فى اللورى بتاعى ..
امبارح ضرب لى وقال:_
"يا معف* ..تانى اصلو ما تجينى تقول لى عندى مشكلة فى العربية"
نسيانه ده كلفنى الاف الدولارات من الاستشارات المجانية...
حسى لسه خايف اكون ناسى زول تانى ..
الله يستر ما نتلوم تانى ..
اقتراح ..
احتفال بورداب كالقرى بالعيد
المكان : احدى المطاعم وارشح مطعم علاء الدين فى كانيون ميدوز) الساعه 6 مساء
الزمان : الاحد اول ايام العيد (باقي الايام الناس كلها شغالة)
الرسوم 25 دولار ..
هى فقط اقتراحات to get things started
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
الاخ عبدالمحسن
ياخى اخونا على السر يحب المزاح والضحك وما بكون
قاصد حاجة..ولمن اتونس معاهو بقرق على كل حاجه حتى حاجاتو الشخصية
وهو زول مسالم ..من النوع البمشى تحت الحيطه..
سعدنا لتداخلك معنا فى البوست ونتمنى ان تعاود المرور عند
صدور الصور مساء اول ايام العيد ان شاء الله
الاخ الفاضل
الطيب رحمة
كل عام وأنتم بخير
وربنا يحقق كل الامانى الطيبة
وينجح مساعكم بخصوص الغائب احمد ضو البيت
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Abdelmuhsin Said)
|
سلام يا عبدالمحسن
تاريخ المدينة عند منصور المفتاح فهو من اوائل
السودانيين فيها 1992
نحن ناس الساحل الشرقى ويادوب رحلنا لكالقرى
بحثا عن دراهم بترول الرمال..
الاخوة البورداب
اذا العيد طلع يوم الاثنين . فاقتراحى افطار
جماعى يوم الاحد اخر ايام رمضان فى نفس المكان
والزمان ..
رائكم ..عشان نبدا نجهز
ونتصل على الغائبين
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
اقترح الاحد ال بعده
عشان العيد فيه زيارات و مجاملات
و الاطفال عاوزين زمن مافي داعي
نحرمهم منه.
كمان بعد الصلاة الناس بتنتظر حتي الساعة
واحدة عشان تتقابل و بعد داك بتتفرق في
مجموعات للغداء و ما اظن الوقت ب يساعد
الاقتراح يجد الترحيب و التأييد من جانبي
و ممكن نتناقش فيه بعد صلاة العيد بوجود عدد
كبير من البورداب و الكاميرا
مرحب بعودة امير مساعد للبورد بعد تهكيرة دامت
اكثر من ثلاثة سنوات
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
سلام يا حامد
التاخيير طبعا افضل من ناحية تنظيمية..
بس المشكلة انو الناس كلها شغالة واليومين
الوحيدين فى السنة كلها الناس تكون ماخدة
اجازة هى
اول ايام العيد
ويوم الكريسماس ..
باقى ايام السنة لن تتحصل على نصف المدعويين
بسبب ظروف العمل ..
اما اذا كانت الدعوة السبت فلن يحضر ربع المدعوييين
ودى المشكلة..
كدى نتفاكر بعد الصلاة..
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: معاوية المدير)
|
بعد دراسة استمرت ليومين كاملين
وقع اختيارى على كاميرا سونى 12 ميغابيغسل
من محله اسمه vision هنا فى كالغرى
سعر الكاميرا التشجيعى 175 دولار فقط..
ذهبت مساء اليوم للمحل ولكن للاسف وجدته مغلق (اليوم سبت)
ذهبت الى المحل المنافس له واسمه futureshop
وجدت نفس الكاميرا تباع 199 دولار ,,
تحدثت مع احد مناديب المبيعات وقلت له ان نفس الكاميرا تباع فى
المحل الاخر ب 175 دولار ..
قال اثبت ذلك ..قلت له عندك انترنت
قال لى نعم ..
قلت له امشى لموقع المحل المنافس وستجد كل المعلومات
وفعلا ..
عرض على المندوب 169 سعر للكاميرا كعرض تشجيعى لى بدلا من الشراء
من المحل
طوالى اشتريتها ..
هنا موقع المحل المنافس
visions
وهنا موقع المحل الذى اشتريت منه
futureshop
هذا درس صغير للجميع بدراسة السوق قبل الشراء
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: النصرى أمين)
|
الحبيب النصرى سلامات والعيد مبارك على الاخوة والاحباب بكالقارى وفى اى بقعة من بقاع الارض
وكتر الف خيرك على هذا التوثيق الجيد
وكترت صور اخونا بكرى الاحمر ( شنو الحزب الشيوعى طارحو مرشح بدل نقد المرة دى ولا شنو)
وبعدين اخونا كبر ده ما وصلتو ولا شنو كنا بنتمنى نسمع صوتو معاكم هنا (وتدوهو عضة فى المايكرفون الحرمتونا منو ده)
المهم العيد مبروك مبروك ..مبروك
عبدالمنعم خيرالله
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: عبدالمنعم خيرالله)
|
عبد المنعم
معليش انا خاشي شمال
و قبال ما اشوت عاوز اعرف منك شرح لي كلامك ده
| Quote: وبعدين اخونا كبر ده ما وصلتو ولا شنو كنا بنتمنى نسمع صوتو معاكم هنا (وتدوهو عضة فى المايكرفون الحرمتونا منو ده) |
كَبَر في العين و الراس و واصِل بدون وصله
لان الناس معادن , أقصد (مواقف)
كل سنة و انت طيب و عيد سعيد
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
اخونا حامد عيدك مبارك والله وكل سنة اونت طيب ياخى
ما جابت لها شوت يا حبيب ولا شرح الكلام فى ابسط معانيهو اخدو (مزحة) مع اخونا النصرى وصديقنا بكرى الاحمر ما فيها اى مقاصد اخرى , ولو الكلام ليهو اى وجهة تانية الزول ممكن يستشفها او بتهبش اى زول او تسيئ له والله لكم اعتزارى الشديد وببركة هذا العيد السعيد الناس ما تحمل الكلام اكثر مما يحتمل .
اخوك عبدالمنعم خيرالله
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: عبدالمنعم خيرالله)
|
سلام يا عبدالمنعم
كيفنك..
لو كان فى تنسيق معقول كنا صورنا كل او معظم تجمعات
السودانيين فى المدينة والتى يصل عددهم لعشرات الالاف..
التجمع الفى الفيديو ده حاجة بسيطة جدا وواحدة من المئات من امثاله ..
حظى وحظ البوست انى كنت موجود فيهو وبكاميرتى الجديدة..
لو كنت مثلا موجود مع ناس جمال(الخاينين) لكان الفيديو من تلك
الجلسة التى يظهر فيها جمال.. ونفس الشئ لو كنت فى جلسة مشابهة يظهر
فيها عبدالمنعم خيرالله ..
برضو ..
فى ناس كتار جدا ما شفتهم بعد الصلاة من ضمنهم كبر وطلعت الطيب ومعاوية المدير
وامير مساعد والناير وغيرهم..عرفت انهم كانو موجودين لكن الزحمة كانت شديدة
والجو بارد وممطر مما شجع الناس على "المخارجة" بدرى بدرى..
اتمنى من الجميع الحضور والمشاركة فى اليوم المفتوح يوم السبت 26 سبتمبر فى
صالة عمكم دفع الله .. وانا جاهز بكاميرتى والبطارية الاضافية الاحتياطية..
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
اصدقائي هنا..حبابكم جميعا..
كل سنة و انتو بخير و عافية ..و اصدق الأمنيات بدوام الصحة و العافية..
كتر خيركم..
حامد الصاوي.. ليك تحية يا شاب..و الويك اند عندي ليك نقة دقاقة.. تحياتي للأسرة..
منعم خير الله.. ربنا يتم ليك و نفرح بجديدك يا عم..
اخونا معاوية.ز مرحب بيك..و كل الأمنيات الصادقات..
منصور.. كل سنة و انت طيب.. يا اخوي بخصوص المعافرة.. بطل مكابرة..و خلي الأستاذ يشوف شغلو..ولا انت حاقر بالعيال؟..ياعمي ده زمن جاري سريع خلاص..و المواكبة بأيتها طريقة واجبة..
اخونا النصري..كل سنة و انت طيب و الأسرة..و يا ريت تلحق البوست ما يتأرشف..ياخي خلعتني.. قايلك ح ترجع الكاميرا فعلا..
اها عشاء البورداب ده الحصل فيهو شنو؟..يعني قايم في الويك الجاي؟قصدي بعدحفلة العيد؟
التحية لكل زوار البوست و قرائه من أي مكان كان..
كبر
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
الاخ النصري أمين
الاخوة بورداب كالقري
الاخوة والاخوات أعضاء سودانييزاون لاين
الاخوة والاخوات زوار وقراء سودانييزاون لاين
إلي كل الشعب السوداني والعربي والاسلامي في مشارق الارض ومغاربها
كل عام وانتم بخير وعيد سعيد ومبارك أعاده الله علينا وعليكم بالخير
واليمن والبركات
الاخ النصري أتشرف بمعرفتك ولم يمنعنا إلا الشديد القوي من الحضور
والايام قادمات إن شاء الله
عبدالمنعم الرزوقي
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Sidgi mattar)
|
الحبيب حامج الصاوى تحياتى
وليك كل الود والاحترام ومافى حساسية والله وناسف لسوء الفهم وانشاء الله نتقابل , وكل سنة وانت طيب
النصرى اخوى كتر الف خيرك يا حبيب ولنا لقاء
الاخ كبر حباب الطلة البهية ونشوفك
سين سؤال قالوا بكرى الاحمر عندو اشتراك هنا , الحكاية شنو لا بعيد على الناس (وزى ما بقولوا لابيدخل القش لا بقول كش) امرق يازول خلينا نشوفك صوت وصورة (مش معلقين لينا ستين صورة فقط للفرجة)
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Egbal Elmardi)
|
سلام يا كبر
كل عام والجميع بخير..
دايرك تجهز لى مواد لفيديو قصير من 5 دقائق..
ولك ان تختار مواده ..شعر .نثر..قصة..تراث اى حاجة..
انا على التصوير والاخراج والانتاج والمونتاج والاعداد والتسويق..
انا فاضى الاسبوع ده من 9 صباحا لغاية 12 ضهرا ..
وكل نهاية الاسبوع (السبت والاحد)
لو جيتنى اكون مكسب ..ولو دايرنى اجيك برضو كويس ..
و يا يحى ابنعوف جهز شعورك من حسى ..
وبعدك طلعت الطيب ..
والفورة الف ..
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Hamid Elsawi)
|
Quote: سلام يا كبر
كل عام والجميع بخير..
دايرك تجهز لى مواد لفيديو قصير من 5 دقائق..
ولك ان تختار مواده ..شعر .نثر..قصة..تراث اى حاجة..
انا على التصوير والاخراج والانتاج والمونتاج والاعداد والتسويق..
انا فاضى الاسبوع ده من 9 صباحا لغاية 12 ضهرا ..
وكل نهاية الاسبوع (السبت والاحد)
لو جيتنى اكون مكسب ..ولو دايرنى اجيك برضو كويس ..
و يا يحى ابنعوف جهز شعورك من حسى ..
وبعدك طلعت الطيب ..
والفورة الف .. |
النصري..حبابك يا صديق
كتر خيرك على الدعوة..و الموضوع و الله كان في خاطري من أمس.زباقي عندي حاجات كتيرة داير اسويها مسموعة.ز لكن العين بصيرة و اليد قصيرة..و ح ناخد منك استشارة في التصوير التلفازي و ضبط الصوت..
بالنسبة للإقتراح الحالي ..ما عندك مشكلة..و انا في الويك اند كن ربنا حيانا عندي فرقة..و ممكن ننسق..
بس المهم لمة البورداب.. عشان نسوي لينا دوداب مع جمهورية سودانيز اونلاين..
كتر خيرك..و نشوفك
كبر
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Kabar)
|
التحية لأخونا الشاب ابراهيم عثمان..و بنقول ليهو كل سنة و انت طيب..و هو احد بورداب كالقري..و يا ابراهيم ياخي العتب على الشيخوخة..انت ما الزول البتنسي.. ياخي يكفي انك.. بتعزف غنى الهادي الجبل على جيتارك المكسيكي الفاره..سلام ليك من تاني..
و ناس كالقري ، اخونا ابراهيم عثمان هو من علمنا كيف نخط شريط الفيديو في المنتدي.ز لأنو كانت فكرة صعبة خلاص في زمنها..بس شكلو مستغرق في وتر سادس في جيتار ما..!
عبد المنعم خير الله و حامد الصاوي.. شنو يعني مستغربين ؟..و يا بكري اللحمر اخير تظهر ..قبال ما صاحبك الكابلي يدور في منعم و حامد بعكازو..!!!
البطارية وين؟
كبر
| |
|
|
|
|
|
|
|
|
|
Re: صور صلاة العيد (كالقرى, البرتا, كندا) (Re: Kabar)
|
Quote: الاخوة والاخوات
نحب ان ننوه ان الاحتفال المزمع عقده يوم
السبت 26 سبتمبر بصالة عم دفع الله , تم تاجيله
بسبب ظروف قاهرة و خارجة عن ارادة القائمين عليه..
سنوافييكم بالمواعيد الجديدة حالما يتم الاتفاق على
التفاصيل .. |
نتمنى أن تزول الظروف في اسرع وقت.ز لأنو ناس كتيرة مجهزة روحها لأن تتنفس شوية من الصيام الإجتماعي..
كبر
| |
|
|
|
|
|
|
| |
انور التكينة
Hamid Elsawi
Ali Sirelkhatim
Abdelmuhsin Said
معاوية المدير
الطيب رحمه قريمان
Kabar
فاروق أبوحوه
عبدالمنعم خيرالله
عبد المنعم سيد احمد
munswor almophtah
عبدالمنعم الرزوقي
Sidgi mattar
Egbal Elmardi
jini
فيس بوك
تويتر
انستقرام
يوتيوب
بنتيريست