دعواتكم لزميلنا المفكر د.الباقر العفيف بالشفاء العاجل
|
|
 صورة المليونير الهندى قبل استلام بقشيشى بدقائق
|
قبل عدة اسابيع توقفت امام احدى طلمبات البنزين التى
تبيع غاز البروبين بسعر رخيص ..
طلبت من العامل وهو رجل هندى عجوز(ربما تجاوز السبعين) يمشى بعرجه واضحه..
طلبت منه ان يعبى لى غاز بروبين بعشرين دولار ..
فاجانى بقوله : fill up بمعنى املى التانك
رددت عليه me poor, no money
رد على : fill up, cheap propane (بمعنى املا التانك ,بروبين رخيص)
قلت ليهو : ok fill up
بعدما انتهى من التعبئه اعطيت الرجل دولار كبقشيش (البقشيش ليس
سلوك اجتماعى متعارف عليه لطرمبات البنزين فى هذه المدينة ..ما عارف السبب شنو)
صرت كل مرة اذهب لتلك الطلمبة اجد عمك العجوز الهندى اعبى التنك
واديهو دولار او خمسين قرش (حتى كادت ان تنهكنى هذه العاده)
مرة جيت ..لقيت عمك ما شغال
سالت العامل الاخر عنه , قال لى ان عمك بعدما يخلص شغله فى الطرمبه
الساعه الرابعه مساءا يذهب مباشرة لعمله الثانى كعامل نظافه فى احدى
ناطحات السحاب فى الداون تاون ...
قلت ليهو : الراجل العجوز ده بشتغل كم ساعه فى اليوم؟
قال لى ببدا شغل فى الطلمبه الساعه تمانيه صباحا ويخلص شغل
حوالى منتصف الليل وربما اكتفى بخمسة ساعات نوم فى اليوم ..
يالله ..
بالله شوف ده ما ياهو زاتو بطل الفيلم slum dog millionare
قررت ازيد البقشيش فى زياراتى المستقبليه ولكن واصل عامل الطرمبه حديثه
ان عمك العجوز ما محتاج وان لديه اسطول من towing trucks
يشاركه فيها ابنه الذى يعيش حياة ترف متنقلا بين جزر الكاريبى ولاس فيغاس
|
|
 
|
|
|
|
|
|
|
 Re: صورة المليونير الهندى قبل استلام بقشيشى بدقائق (Re: النصرى أمين)
|
Quote: áÇ íÝæÊ Úáì ÝØäÉ ÇáÞÇÑÆ ÇáßÑíã Çääì áã ÇÎÐ ÇáÇÐä ÈÇáÊÕæíÑ..
ÚÔÇä ßÏå ÊÚãÏÊ Çä áÇ íÙåÑ æÌåå ÇáæÌå Ýì ÇáÕæÑÉ
ÇáÔÆ ÇáÈÑÊÞÇáì Ýì ÇáÕæÑå åæ åÇíáæßÓ FORD F250 1996
ãÇÔÇÁ Çááå ÍãÇÑ ÔÛá ..
áÇ Èßá áÇ Èãá æáÇ ÈÎÓÑ |
انت مش قبل شهر غيرت الدينمو
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
Quote:
السؤال ليه انا اصغر من الهندى بعشرات السنين(ربما فى عمر حفيده)
اشتغل سته ساعات فى اليوم.. واخر اليوم اجى اشكى
الضهر ..الركبه..المخروكه ... |
يديك العافية طول ما الجدادة حافية يا النصري...
اها قول إنت زدت لك ساعتين فوق الستة حقاتك ديل.
صاحبك عمر بيقدر؟؟؟
سلام للوليدات يا حبيب. وارفع لعمك البقشيش شوية
النسبة دي ضعيفة شديد...
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
سلام معاوية """الوكيل""""
البقشيش هو سلوك جماعى ...
لو طلبت بتزا توصيل لمنزلى انا مضطر ادفع بقشيش لسائق عربية التوصيل
السبب ..
انو انا ماداير اكون اقل من باقى الجماعه ..وما داير ابقى دنى..
لو توقف كل الناس عن دفع البقشيس لعامل التوصيل
حتما ساتوقف انا كذلك ..
فى ولاية البرتا لاحظت ان كل او معظم الناس لا يدفعون بقشيش لعامل
طلمبات الوقود ..فى البداية لقيت الحكاية صعبه شويه لكن بمرور
الزمن بقيت واحد من القطيع .... اشترى البزين واتخارج ولا يرجف لى جفن
ولا اشعر باننى صغيرونى ...
لسبب ما الناس صارت تعتقد ان الخدمات التى يحصول عليها فى طلمبات
الوقود ليست مدعاة للسعادة والفرح بسبب الاسعار الخيالية المفروضه
عليهم ..
قبل عده سنوات ..كنت اعمل فى احدى الشركات الماليه فى اونتاريو المتخصصه
فى اصدار كروت الائتمان ..سالنا مدير القسم لماذا لم يتم اختيار البرتا كاحدى
الولايات لتجربة احدى الكروت الجديده الخاصه بتشجيع الناس بشراء الوقود من طلمبات
الشركه نظير حوافز مالية وعينيه ..
اجاب بان سوق الوقود مفتوح فى البرتا وكل الطلمبات تتنافس على المستهلكين
بطريقه شرسه مما يجعل السوق مفتوح والمنافسه صعبه ..
النسبه العالميه شبه المتفق عليها فى البقشيش هى 10 الى 15 فى المائه
لكنها لا تنطبق على الوقود (على الاقل هنا فى البرتا)
انت وين دربك؟
معانا ولا مع الخيانا ؟
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
الاخ محمد شمس الدين
اولا شكرا على الفيديو الظريف
حدثنى احد الاصدقاء بان البقشيش ممنوع فى الصين
وانو بعتبر جريمة يعاقب عليها القانون ..
الواحد تانى يمشى الصين مخصوص عشان يطلب بتزا..
مرة كنت بعمل دليفرى كى افى سى لسيده مسنة ب 18 دولار
ادتنى 200 دولار وقالت لى شيل الباقى..كانت اسعد ثانيتين
فى حياتى لانو بعدها سالت العجوز كم اعطتنى ..قالت 20 دولار
قلت ليها يا حاجه انت اديتينى ورقتين ابان 100 وليس اب 10
مرة عملت دلفرى لمصنع بتاع كور الهوكى hockey puck
ادونى صندوق فيهو 12 كورة
تفتكر عملت بيهم شنو؟
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
940 قارئ للبوست وهو رقم كبير جدا يسبب لى قلق شديد..
مشكله كبيرة
لانو لو دخلت الاغلبيه بسبب العنوان المثير ولم تجد ما يستحق
الاثاره فدى مشكلة كبيرة لانو تانى لو كتبت اى عنوان مثير ما يخشو
ويقولو النمر النمر هجم النمر ..لغاية ماياكلنى وينتهى منى..
ولو دخلو ووجدوا ما يستحق العنوان فدى مشكلة اكبر ..لانو
الواحد لقدام لازم يكون قدر العشم وما يشيل ويلطخ فى البوستات
-------------------------------------
نرجع لموضوع البوست ...
عند سؤالى احد الخبراء الهنود(سواق تاكسى) عن سر الاعداد الكبيرة من المسنين
التى تعمل ساعات طويلة خاصه فى مجال نظافه المكاتب
قال .. ان قوانين العمل والمعاش الكندى تحسب نسبة المعاش على حسب
دخل الفرد قبل التقاعد وان العملية الحسابية تاخد فى الحسبان نسبة الدخل فى الخمس
سنين الاخيره...
مثلا ..لو بدا المهاجر الكندى الهندى المسن الخدمه فى كندا وهو على
اعتاب الستينيات ..عليه العمل الشاق لمده خمس سنوات فقط ..بعدها ينزل
المعاش ويقبض مبلغ مدنكل نهاية كل شهر ...
ناس شفوت وتفتيحه
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
Quote: مثلا ..لو بدا المهاجر الكندى الهندى المسن الخدمه فى كندا وهو على
اعتاب الستينيات ..عليه العمل الشاق لمده خمس سنوات فقط ..بعدها ينزل
المعاش ويقبض مبلغ مدنكل نهاية كل شهر ...
ناس شفوت وتفتيحه |
أستاذ النصري ...
هم لو ما مفتحين ...
عندك فكرة انو الهندي لو داير يشتغل في اليو ان بيعمل شنو ؟؟؟؟
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
هل هو تأثير الطبيعة النباتية لطعام الهنود ؟؟؟ حيث تجد أن الكثير من الهنود يمنعون أنفسهم من تناول اللحوم تماما وتحت أي ظرف .......
كما يمتلكون القدرة على الاكتفاء بأقل قدر من النوم ...
خلال وجودنا في مدينة بونا ... شاهدنا كيف أن الطالب الهندي يذاكر طوال الليل ويكتفي بالنوم لمدة ساعتين أو ثلاثة على الأكثر كل يوم !!!!!
كما شاهدنا عمالا هنود يقومون بأعمال خرافية - فتجدهم يقومون يدويا بأعمال كثيرة تستلزم وجود آليات كثيرة في أي مكان آخر ....
مثلاُ عند رصف الطرق : القيام بعمليات تكسير الصخور ومندلة الأرض وتسخين القار ورصف الطريق يدوياً بدون تدخل أي آلة ...
اما عندما تشاهد آلة تعمل في الطريق فذلك يعني أن هذه الآلة ستنجز ما تنجزه عشرون آلة في دولة أخرى. ....
أتحسر عندما أرى الآلات الكثيرة التي تعمل في رصف الطرق القومية في السودان ... وأقول ... لو سلفونا مليون هندي ... بس نكمل بيهم الطرق ونرجعهم !!!
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: Hani Arabi Mohamed)
|
الاخ هانى
بالتاكيد النظام الغذائئ ليهو دور رئيسى فى مقدرة الشعب الهندى
على العمل الطويل (بالاضافه لعوامل كتيرة تانيه)
انا شخصيا بعنقد ان الشغلانه mental وليست قوه جسديه ..
قبل تلاثه سنوات التحقت انا و صديق سودانى للعمل فى احدى الجهات,,
كنا نتونس قبل فترة ..قال لى هل تزكر فلان الفلانى(هندى) وقد بدا العمل
بعدنا ..قلت ليهو :مالو ؟
قال اشترى بيت ودفع قرابة ال 100 الف دولار مقدم ..
قلت لا حولا ..عملا كيف ..؟
قال لى ليهو اكتر من سنه شغال 7 يوم فى الاسبوع بدون توقف..
هو شغال ..المرة شغالة والام شغاله والاب شغال والجد شغال والاخوان شغالين
البيت كلو شغال وساكنين فى بيت واحد ..نصيب الفرد من الفواتير ملاليم ..
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
الأخ النصري
تحياتي لك و لكل أهل ألبرتا
أعتقد برضو في عامل مهم و هو عامل المنافسة... لاحظت إنو الناس البجو من بلدان عدد سكانها كبير زي الهند و الصين و مصر بكون عندهم روح منافسة قوية و دا أعتقد بسبب إنو إذا عايز تعيش في بلاد زي دي ما عندك خيار غير إنك تكون الأفضل و الأكثر قدرة على العمل الشاق... يعني تكون مقدرتك على العمل هي الأفضل كما و نوعا... الأيام دي ناس الCBC عندهم برنامج وثائقي اسمه (India Reborn) لو لقيت طريقة تشوفو حاتعرف الناس دي عايشة كيف في بلدها... في ناس ممكن تصرف آلاف الدولارات في جزء من ليلة في نادي و الأغلبية بكون محظوظ فيهم البلقى ليه شغل دخله في اليوم حوالي دولار و خمسة و تلاتين سنت.
لكن في ناحية تانية بتلفت نظري في بعض الناس البشتغلوا بصورة مبالغة ديل... الواحد محتاج يستمتع و لو بجزء من ثمرة شغلوا و يقضي وقت مع أولادو.... بتلقى كتيرين منهم بشتغلوا و يشتغلوا و يلموا قروش لغاية ما الواحد يبقى ما قادر على الشغل لكن في نفس الوقت البيت فضى من الأولاد و ما في نفس و لا طاقة للاستمتاع... الحكاية دي بصراحة دايرة شي من التوازن.
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: Amin Mahmoud Zorba)
|
اها يا أستاذ النصري ...
زي ما انت عارف انو كلو دولة عندها كونة معينة بتاعت وظائف في اليو ان عشان كدا المنافسة بتكون عالية ....
و الهنود عندهم كوتة كويسة .. لكن بما انهم كتار فبالتالي المنافسة بتكون مولعة .. الهندي بيقوم بيمشي على واحدة من جزر المحيط الهادي ... الدول الصغيرونة ديك ...... بيدفع ليهو حكاية بتاعت 15-20 الف دولار و يشتري الجنسية و الجواز .. ويجي يقدم في اليون ان و هاك يا أحلى شغلانة ...
* العهدة على الراوي .....
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: sari_alail)
|
يا شباب
الهنود ديل أحسن ناس عندهم networking و هذه تساعدهم فى الحصول على العمل بسهولة...
زميلة هندية أخذت منها أوراق ... بالخطأ أعطتنى من ضمن الآوراق كلام مكتوب بخط يدها عن كيف تتعامل مع الزملاء فى العمل... و لإذا وجدت إثنين يتكلمون فى شخص ثالث ماذا تفعل و إذا سئلت بماذا تجاوب ...دراسة متكاملة لجوء العمل....واضح أن شخص ما أملاها هذه الأشياء...أنا شخصيا قلما قابلنى هندى شعرت بأنه ذكى و لماح .....عكس شعوب أخرى كالإيرانيين مثلا - على الأقل الموجودين منهم بامريكا - مستوى ذكاؤهم مرتفع ...
الفرق بيننا و بينهم هم يعرفون ما يريدون تماما ... و نحن غنم الله فى بلد الله الواحد فينا لافي صينة خمسة سنة ..... networking صفر .....لا نساعد بعضنا .....
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
سلام يا ياسر كيفكم فى الولاية الخضراء عاصمة انتاج العدس فى العالم
المنافسه الشديدة و محدودية المصادر وغريزة البقاء كلها اسباب
بتخلى الانسان صبور و motivated و agressive ,البلاد الزكرتها دى فعلا
شعوبها مشهورة بقوة التحمل والصبر والعمل الشاق..
نحن على الصعيد الاخر ..الخير تحت ارجلنا وحولنا ووراءنا..لا نعرف المنافسه
لان الموجود يكفى الجميع (ما عدا الصراع الدائر فى مناطق الرعى) عشان كده
نحن وبصوره عامه ralaxed and lay back (الكلام ده اتناقش فى بوست لى مشابهه)
الهنود ديل بالرغم من عملهم الطويل معظم ساعات اليوم لكن دائما بتوفقو فى تعليم
اولاد احسن تعليم ويتحصلوا على وظائف جيده بعد تخرجهم
اكيد اكيد وصلو لمعادلة او formula توازن بين العمل الطويل وتربية وتعليم
الاطفال ...
اما الاستمتاع بالحياة فالعمل عندهم متعه والدليل صاحبى ده عامل الطرمبه
14 او 15 ساعه فى اليوم شغل
اكيد مستمتع ولاقى نفسه فى الطريقه دى من الحياة
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
الاخ امين محمود
كيفنك؟
| Quote: انتو امريكا دي فيها محطات بنزين فيها عمال..... غريبة |
نحن ما فى امريكا ..
نحن فى الضهارى بتاعتها ..
فى كندا
الحال واحد والفروقات بين البلدين ليست كبيرة..
كثير من محطات الوقود ما زالت full service ... زى السودان بالضبط..
ما عارف السبب شنو!!!
لكن غالبا بسبب الفعالية بسبب وجود العامل وسرعه الاداء
وبرضو الجانب الامنى والسلامه ..برضو كتير من الزبائن(المسنين
واصحاب الاحتياجات الخاصه) يفضلون ان يقوم العامل بخدمتهم بدلا
عن خدمة انفسهم بانفسهم
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
سلام يا سارى الليل
عالم تفاتيح ..
برضو اخواننا اليمنييين فى امريكا ..الواحد قبلما يصل بكتب
فى الاوراق ان لديه 10 او 15 ابن فى اليمن ..
يصل امريكا ويبدا يشتغل وبعد سنوات يبدا فى استحضار الاولاد ديل (اسامى فقط)
الاسم (سمعنا) بتباع ب 15 الى 20 الف دولار ..
""السلطات اليمنية"" تساعدهم فى استخراج الشهادات الثبوتيه المطلوبه
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
سلام شمس الدين
عندنا هنا فى البرتا "مخدم" employer يضع امتحان صعب جدا فى المعاينات
لقبول العاملين الجدد .. كثير من الناس تفشل فى عبور ذلك الامتحان الطويل و ال tricky
اخوانا الهنود عاملين مدرسه لتدريس المتقدمين للوظائف دى
فى دار الجالية بتاعتهم ..كورس عديل يكشف الامتحان ويوريهم كيف يجاوبو على كل سؤال.
الواحد يكون جاى من الهند ..مافارز كوعه من بوعه ..
يخش الامتحان وينجح
وناس تانييين مقددينها هنا ويسقطو
هم فعلا بساعدو بعض ..ولو دخل هندى واحد موسسه او شركه بعد كم سنه
حيتضاعف العدد مرات ومرات ...
بس يدخلو رجلهم والباقى هين ..
نحن فى الشغل يمثل العاملين من اصل هندى قرابة النصف..
نحنا ...خلى ساكت
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: سيف النصر محي الدين محمد أحمد)
|
نصرى
حمدلله سلامة العودة
قرأت هذا الخبر قبل قليل عن إكتشاف الجين المسئول عن النوم.
الخبر:
----
اكتشاف الجين المرتبط بساعات النوم
التوصل للتحول الجيني المسؤول عن النوم (الفرنسية-أرشيف)
قد يتمكن العلماء الآن من تفسير سبب كون بعض الناس مبرمجين وراثيا بحيث يحتاجون إلى مدة نوم أقل من غيرهم.
ففي بحث جديد نشرته التايمز البريطانية تمكن علماء لأول مرة من تحديد تحول جيني مرتبط بالقدر الذي يحتاجه الناس من النوم.
وأوضح أن أولئك الذين لديهم هذا التحول ينامون في المتوسط ساعتين أو أقل ليلا، ومع ذلك يؤدون عملهم على أكمل وجه ممكن.
ومع أن هذا التحول ربما يكون نادرا، فإنه يقدم أقوى دليل حتى الآن على الدور الذي تقوم به الجينات في حاجتنا للنوم.
وتفتح هذه النتائج، التي خرج بها فريق من جامعة كاليفورنيا بولاية سان فرانسيسكو الأميركية، أفقا جديدا في بيولوجية احتياجات النوم عند الإنسان.
فبينما تؤدي قلة النوم عادة إلى نشاط أقل للمخ وضعف في الصحة البدنية والنفسية، لا يعاني بعض الذين ينامون مدة قصيرة من أي من هذه الأعراض الجانبية بل قد يكونون في غاية النشاط والقوة والعافية.
وبفهم السبب البيولوجي لذلك يأمل العلماء أن يتمكنوا في النهاية من تطوير عقاقير تساعد الناس على البقاء مستيقظين لمدة أطول دون الإضرار بصحتهم.
وقال العلماء إن مناقشة "السؤال كم عدد ساعات النوم التي نحتاجها فعلا؟ّ ليس ذا أهمية عملية لأسباب مجتمعية واضحة فقط، ولكنه مهم أيضا لفهم وظيفة النوم ذاتها".
وأشارت الصحيفة إلى بعض التأملات في أحوال بعض عظماء العصر الحديث مع النوم:
فقد كان الفنان سلفادور دالي الرسام الإسباني الشهير، يغفو على كرسيه ممسكا بملعقة وعندما ينام تسقط الملعقة وتوقظه قعقعتها. وهذا الغفوات القصيرة استمرت معه سنوات كثيرة، لكنها قد تفسر الجانب الهلوسي لكثير من أعماله الفنية الغريبة
وكان ألبرت أينشتاين ينام عشر ساعات، وإذا كان منهكا ينام 11 ساعة. وكان يعتقد أن الأحلام تمنحه القدرة على التفكير بوضوح أكثر.
وقال ويليام غلادستون، رئيس وزراء بريطانيا في القرن الثامن عشر، إنه كان يقدر على النوم متى شاء. وهذه الهبة تمتع بها نابليون أيضا. أما رئيس الوزراء البريطاني الحالي غوردون براون فإنه يشتهر بين زملائه بالعمل إلى وقت متأخر ولا يكاد ينام.
المصدر:
الجزيرة.نت
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: ombadda)
|
سلام يا سيف النصر..
هناك جماعه واحده او ملة واحده محيرانى جدا وماقادر افهمهم
كويس .. هذه الجماعه او الملة من اصل هندى ,,هاجروا قبل مئات
السنين من الهند الى افريقيا واستقرو فى وسطها ودول الساحل الشرقى,,
فى السبيعينيات طردهم عيدى امين من يوغندا وصادر ممتلكاتهم
لحسن حظهم استضافتهم الدول الغربية ومنحتهم جوازاتها ...
هؤلاء القوم اعدادهم كبيرة جدا فى مدينة كالغرى الكندى(فى الشغل
عندنا اعدادهم تصل الى 400 او خمسمائة )
الناس ديل مادبين جدا وهاديين ويبدو عليهم الذكاء الشديد والشطاره
لا يعملون اعمال شاقه مثلهم مثل البيض
they make money the easy way not the hard way
like the rest of us
الناس دبل يقولو عن نفسهم انهم مسلمين ويطلقون على انفسهم اسماعيلية..
فى الاول افتكرهم صوفيه تبع الطريقه الاسماعيلية العندنا فى السودان...
اتضح لى اننى غلطان ..
اظن انهم spin off من الشيعه وقد حاولت دردقدهم فى الكلام لمعرفة
تفاصيل ديانتهم ولكنهم يزيقو من الموضوع بذكاء شديد...
لغاية دلوقت ما عارف الناس ديل موضوعهم شنو
لو عندك توضيح نكون شاكرين
ولو واحد من اخوانا الشيعه شرح لينا من هم الاسماعيلية يكون مكسب
(حتى مستر قوووقل لم يساعدنى كثيرا فى فك شفرة الناس دى)
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
سلام يا دكتور امبده
الناس ديل متعبين روحهم ساى فى الابحاث والدراسات
سبب رئيسى للنوم هو الفول ..
لا يختلف اثنين انو اى زول ياكل فول نص النهار ودرجه الحرارة
الف ..ثم يلقى ليهو ضل بارد و كوز موية ..وما ينعس ...
المشكلة انو الجينات زاتها بعد سنين وسنين من "ضرب" الفول مرتين
فى اليوم تفقد مقدرتها على مقاومة مفعوله ...
والله انا جادى جدا وما بهظر ...
هل تزكر الحصه الثالثه فى الاوليه(او الابتدائيه) وهى دائما تعقب
فسحة الفطور؟ كل الطلبه فى الفصل مدروخين ومعسلين
من شنو ؟
من الفول ....
برضو
| Quote: وكان ألبرت أينشتاين ينام عشر ساعات، وإذا كان منهكا ينام 11 ساعة |
الله يطمنك ...وانا حالتى بتساءل ليه لمن انوم ساعات طويلة .. اصحى بافكار جديده
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
سلام
لو كان زولك دا شال بدل (الويخة) دي تمر مش كان أفضل ليو
أنا أظن الحكى ليك دا جادي لآن الويكة مسافرة مع كل سوداني وسودانية
فهي عزيزة جدا في الغربة
يا سيدي حكى أحدهم أن (الأوفيس بوي ) لديهم يتقاضى مايتقاضاه دون أن يصرف منه فلساً
ويقوم بأعمال هامشية يقتات منها
أرسله ذات مرة ليجلب له فطور ولم يكن يملك الا ورقة ذات( 500RS )
شهق العامل وحاول جاهداً أن يثنية عن صرف هذة الورقة وأخبره انه يفضل أن يعمل ليكسب بضع ريالات
ليأكل بها على صرف هذه الورقة المالية ( الضخمة ) من وجهة نظرو
ودمت أخي الفاضل
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: وجن)
|
Quote: انت وين دربك؟
معانا ولا مع الخيانا ؟ |
مع الخيانة يا الحبيب...
بطل النضم الكتير, وزيد لعمك التبتبوني,
الظاهر عليهو مزنوق, ما شايفو بيكابس كيف؟؟؟؟
نحاول نظهر في العيد لو في طريقة, نحن زاتنا
خرقنا العادة وبقينا زي عمك الهندي شغالين
بإيدينا وكرعينا, ولو
زول شات لينا تباية بنلحسها برضو...
الوصية بالمهلة: ما تقصر مع عمك...
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: معاوية المدير)
|
Quote: الناس دبل يقولو عن نفسهم انهم مسلمين ويطلقون على انفسهم اسماعيلية..
فى الاول افتكرهم صوفيه تبع الطريقه الاسماعيلية العندنا فى السودان...
اتضح لى اننى غلطان ..
اظن انهم spin off من الشيعه وقد حاولت دردقدهم فى الكلام لمعرفة
تفاصيل ديانتهم ولكنهم يزيقو من الموضوع بذكاء شديد...
لغاية دلوقت ما عارف الناس ديل موضوعهم شنو
لو عندك توضيح نكون شاكرين
ولو واحد من اخوانا الشيعه شرح لينا من هم الاسماعيلية يكون مكسب
(حتى مستر قوووقل لم يساعدنى كثيرا فى فك شفرة الناس دى) |
سلامات تاني يا نصري
الاسماعيلية موجودين في السعودية برضو في منطقة نجران جنوبي المملكة و بشكل اساسي ينتمون
لقبيلة "يام" و هم فرقة من الشيعة يختلفون عن الاثنا عشرية في اعتقادهم بامامة اسماعيل بن جعفر
خلفا للامام جعفر الصادق بدلا عن موسى الكاظم لدى الاثنا عشرية..
اعتقد أن عدم رغبتهم في مناقشة تفاصيل عقيدتهم علنا يرجع إلى أنهم لا زالوا فرقة باطنية يحتفظون
باسرارهم و لا يحبذون الكلام عنها امام الغرباء..و ينسب للاسماعيلية طائفة الحشاشين الذين نشطوا
ايام العباسيين و هم الذين اخترعوا الاغتيال السياسي كوسيلة لاسكات و تصفية الخصوم الى درجة
اشتقاق كلمة اغتيال في الانجليزية من اسمهم "Assassination "و "Assassin " .
لهؤلآ الناس زعامة يؤدون لها الخمس من اموالهم و اظن أن زعامتهم توجد في اسرة الاغا خان.
هذا و الله و رسوله اعلم.
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: سيف النصر محي الدين محمد أحمد)
|
سلام يا وجن
برضو واحدة من مشاكلنا اننا بصورة عامه مانعرف التوفير وما شديدين عليهو..
يعنى انا اول من مما اقبض المرتب ال bi-weeklyl اجر على الدكاكين ..هاك
انتهى منو والتفت بعد داك (والله شنو يا مفتاح ؟)
الغريب نظام "الختة" او الصندوق نبرع فيهو جدا ولكن مشكلتو انو
قصير المدى .. وغالبا الغرض منو حل مشكلة معينه
الواحد يصرف وطووووووووالى تزاكر للسودان ...
سلام يا معاويه
عمك حاظبطه ليك ب 2 دولارين فى زيارتى الجاية للطلمبه(واخد الصورة)
رمضان كريم من حسى..
عارفك تكون فرحان بيهو من حسى
| |
|
|
|
|
|
|
|
|
|
Re: صورة المليونير الهندى قبل استلام بقشيشى بدقائق (Re: النصرى أمين)
|
سلام يا سيف
معقولة الاسماعيلية البعرفهم ديل ليهم اى علاقه بالحشاشين والاساسنة؟
ياخى ديل ناس مسالمين لمن غلط..
بعدين اكيد سبب هجرتهم من شبه القاره الهندية الى افريقيا بهذه
الاعداد الكبيرة انهم مسالمين ولا يحبذبون المواهجه مع اعدائهم(وبصراحه
ما عارف اعدائهم زاتهم منو.. ولماذا وكيف اضطروا للهجرة الجماعيه)
الناس ديل عيدى امين فعل فيهم ما فعل ..
لا رصاصه طلعت منهم..
و لا مقاومه..
لا مظاهرات ..
ولا احتجاج..
ولا كلمة زائدة...
شالو شنطهم وباقى كرورهم واتخارجو .وكان شى لم يكن ..
ناس زى ديل ممكن يشاركو الحشاشين والاساسنه فى المعتقدات !!!
الله اعلم ...
قبل فترة وصل زعيمهم اغا خان الى كندا
تمت معاملته معاملة الرؤساء وقد استمعت له فى
نشرة الاخبار ..
خواجه عديل ..
| |
|
|
|
|
|
|
| |
Gamal Abayazid
معاوية المدير
Mohamad Shamseldin
sari_alail
Hani Arabi Mohamed
وجن
Elawad
Amin Mahmoud Zorba
ombadda
munswor almophtah
فيس بوك
تويتر
انستقرام
يوتيوب
بنتيريست