|
|
 شعب "قلبه ميت"
|
قبل كده قلنا عليهو "عينو مكسوره"
الان نزيد عليه اعراض مستفحله وهى
موات القلب ...
وعدم الاكتراث ...
الغريبه الاعراض دى بتختفى فجاة عند حدوث ماساة فى فلسطين او العراق ..
شئ مظاهرات ..
شئ تنديد ..
هيجانات وغضب وانفعالات حقيقيه (الواحد يستغرب انها طالعه من نفس الزول الكان
قلبو ميت قبل شويه)
اما ائمة المساجد ديل ..خليهم ساكت ..
|
|
 
|
|
|
|
|
|
|
|
Re: شعب "قلبه ميت" (Re: النصرى أمين)
|
الاخ النصري امين
تحياتي
شعب قلبه ميت ، او عينه مكسورة!!!
اطلاق مثل هذه الاحكام القاسية بيحتاج انه في الاول نقيم وندرس الحصل للشعب السوداني خلال كل السنوات الفاتت وتراكماتها
الشعب السوداني اخي الكريم قبل ان نطلق عليه اي احكام قاسية علينا ان نعيش واقعه الحقيقي جوه السودان ونشوف الناس عايشة كيف
منذ مجيء الانقاذ للسلطة واعتقد بل اكاد اجزم انه لم تمر في تاريخ الحكومات السودانية حكومة مارست على الشعب السوداني ما مارسته الانقاذ
فمنذ مجيء الانقاذ ، بهتت الناس بكمية من الممارسات القاتلة ( اعدامات ، اعتقالات ، بيوت اشباح ، احالات للصالح العام بكميات وفيرة ، قطع الارزاق بسهولة ويسر ، اهمال لقيمة الانسان السوداني في كل ما يحتاجه من مقومات الحياة العادية البسيطة من رعاية صحية ، الجري ورا لقمة العيش اللي اصبحت متعبة ومنهكة للمواطن السوداني تشتت الشعب السوداني في بقاع الارض و..و الخ ) من كل هذه الاشياء التي تنوء الجبال بحملها ناهيك عن الانسان البسيط الذي تكالبت عليه الظروف وسياسات الحكومات المتعاقبة ، يعني اصبح كالانسان المنهك ومريض بالملارياالذي تتعاقبه نوبات الملاريا الواحدة تلو الاخرى
هل لك ان تتخيل الحصل للانسان السوداني على مر كل هذه السنوات ؟؟ الانسان السوداني اللي جعلته الحكومة يلف حول نفسه طول اليوم للبحث عن لقمة تسد جوعه وجوع اولاده ، وياريت بعد ده لو بلقا رعاية صحية لو مرض او تعب ، بيقع دون اي سند في بلد ما عندها كبير
حكومة جعلته لا يفكر حتى في كمية الاكسجين البتنفسه ، شغلته وعذبته وانهكته
اخي النصري قبل ان نلقي اللوم على المواطن الغلبان ونتهمه بموت القلب وكسرة العين علينا ان نبحث ونقدر ما يعانيه هذا المواطن جوه بلده
الناس مش اصبحت عينها مكسورة او قلبها ميت لكن المعاناة اكبر من اي كلام
هذا المواطن بيحتاج لمن يسنده ويقيف معاهو فهو بحق مغلوب على امره
اما الحديث عن هتيفة مظاهرات فلسطين وائمة الجوامع فهؤلاء معروفين الى اي جهة ينتمون وعلينا ان نفرق بينه وبين الشعب السوداني
فهم احد وسائل جلادي هذا الشعب المسكين المغلوب على امره
وعذرا للاطالة
| |
|
|
|
|
|
|
|
|
|
Re: شعب "قلبه ميت" (Re: abzahana)
|
الاخت مايا
رمضان كريم
متفق معاك فى كل كلمة كتبتيها ..ماعدا النقطه دى
| Quote: هذا المواطن بيحتاج لمن يسنده ويقيف معاهو فهو بحق مغلوب على امره |
مافى اى جهه تقدر تسانده فى محنته دى ...
هو البقدر يقوم وينتفض ..
ولهذا نقول له "-
"قوم ...قلبك الميت ده .."
عله يغضب للاستفذاذ و يثور وينتفض ..
شكرا على المرور
| |
|
|
|
|
|
|
| |
فيس بوك
تويتر
انستقرام
يوتيوب
بنتيريست