Clifford Olson يقتل 11 طفلا تترواح اعمارهم بين 9 و 18 عام ... تم اعتقاله والحكم عليه عام 1981 ب 11 حكم بمدى الحياة(11 مضروبة فى 25 سنة)
عند بلوغه سن المعاش (65 عام) قدم طلب لوزارة الضرائب وتمت الموافقة له بمبلغ 1100 دولار فى الشهر وقد تم الدفع له باثر رجعى (7 الف دولار)
تكلفة حفظ امثال كليفورد اولسن فى السجون الفيدراليةالكندية قرابة 110 الف دولار فى السنة...
تحيا العدالة... القانون لا يميز بين افراد الشعب .... كل المواطنين متساوون فى الحقوق والواجبات .. هذا Clifford Olson بالنسبة لكمبيوتر وزارة الضرائب عبارة عن رقم social insurance number (فى امريكا اسمه socail securtiy number)
طالما استوفى هذا الرقم التساعى الشروط فمن حقه ان تنطبق عليه لوائح المعاشين حتى لو كان كتال كتلة ...
الغريب فى قصة Clifford Olson انو عمل اتفاق مع البوليس الفيدرالى انو يدلهم على مكان جثث ضحاياه مقابلة 10 الف دولار للجثة الواحدة .. قبض عندها 100 الف دولار ...
04-26-2010, 02:32 AM
mustafa mudathir mustafa mudathir
تاريخ التسجيل: 10-11-2002
مجموع المشاركات: 3553
حرام عليك يا نصري الاشتراكية مالها ووين هنا؟ سمعت بي زول قتل طفل او إغتصب امرأة في كل عشرات سنين الاشتراكية البنعرفها؟ انت قايل راسمالية كندا البغيضة دي ولو حتى يوم واحد بتشبه الاشتراكية في شيئ؟ ولا حتى في احسن حالاتها بتشبه اشتراكية شرق اوربا اللي مافي نظام بيلحقا. ياخي ديل علموا آلاف الناس وادوهم بيرسري قروش جيب اثناء دراستهم ولعشرات السنين. هسع تعال شوف ملاحقات الجامعات لأولادنا بالمصاريف والتهديدات ليهم هنا في كندا الماشة في انحطاط من ما دخلناها. الاشتراكية ما حاجة الزول بيسخر منها. حاجة حصلت وح تحصل تاني في العالم دا. إنت بتسخر من المستقبل؟ حقك راح!
سلام يا دكتور انا طبعا ما قصدت الاشتراكية الماركة المسجلة لدول شرق اوربا... انا قصدت الاشتراكية بمعناها العام ... ووضحت اكتر شوية بجملة
Quote: كل المواطنين متساوون فى الحقوق والواجبات
..
برضو الحاجة الدفعتى لاستخدام الكلمة الموقف المهزوز لحزب الديمقراطيون الجدد (NDP) من القضية ... وهو حزب (للناس الماعارفة) يمثل يسار الوسط وال socialists.
بالنسبة لحكاية
Quote: حتى في احسن حالاتها بتشبه اشتراكية شرق اوربا اللي مافي نظام بيلحقا. ياخي ديل علموا آلاف الناس وادوهم بيرسري قروش جيب اثناء دراستهم ولعشرات السنين
لو كنت انا محل "محمد احمد" البولندى او الروسى المواطن المسكين لكان لى الف راى فى حكاية صرف حكومتى على مئات الالاف من طلبة العالم الثالث ...ليه؟ مصلحتو شنو هذا المواطن البسيط؟ تصدير ايدلوجيات؟؟
(حرام عليك يا نصري الاشتراكية مالها ووين هنا؟ سمعت بي زول قتل طفل او إغتصب امرأة في كل عشرات سنين الاشتراكية البنعرفها؟ انت قايل راسمالية كندا البغيضة دي ولو حتى يوم واحد بتشبه الاشتراكية في شيئ؟ ولا حتى في احسن حالاتها بتشبه اشتراكية شرق اوربا اللي مافي نظام بيلحقا. ياخي ديل علموا آلاف الناس وادوهم بيرسري قروش جيب اثناء دراستهم ولعشرات السنين. هسع تعال شوف ملاحقات الجامعات لأولادنا بالمصاريف والتهديدات ليهم هنا في كندا الماشة في انحطاط من ما دخلناها. الاشتراكية ما حاجة الزول بيسخر منها. حاجة حصلت وح تحصل تاني في العالم دا. إنت بتسخر من المستقبل؟ حقك راح!)
فى نفس الوقت ..(on the other side of the coin) اذا وضعنا نفسنا محل كمبيوتر الوزارة ..ربما نتساءل .. اذا تم استثناء القتلة امثال Clifford Olson من التمتع بحقوقهم المعاشية..
ماذا عن بقية المجرمين الذين يقبعون فى السجون؟
هل سيكون هناك تمييز بين مجرم كويس ومجرم ما كويس .! بتاع المخدرات يقبض وبتاع تجارة السلاح مايقبض..
مجرم يتمتع بكل حقوقه كمواطن .. ومجرم تسلب عنه حقوقه وامتيازاته ..
ربما تصل الشغلانة فى المستقبل لكل الفئات المغضوب عليها من الاغلبية ...مثلييين ..سود....الخ ..
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
mustafa mudathir
فيس بوك
تويتر
انستقرام
يوتيوب
بنتيريست