|
دعواتكم لزميلنا المفكر د.الباقر العفيف بالشفاء العاجل
|
|
 Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
الطريقة
افراغ العلبة بكل محتوياتها فى حلة متوسطة ووضعها فى نار شديدة(جهنم بس)
وتقليبها بصورة مستمرة حتى تتبخر معظم موية الفول الى ان تصبح لزجة القوام.
قبل ذلك تقطيع الطماطماية فى صحن واضافة الجبنة وخلطهم جيدا مع بعض.
اضافة صحن الطماطم والجبنة الى حلة الفول وحلب نصف الليمونة والملح والشمار والشطة(مهممة جدا).
ضع المحتويات فى نار هادئة لمدة تلاته او اربع دقائق ...
الطريقة دى تمت تجربتها معمليا وحظيت على موافقه
FDA
good night
| |
 
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
Quote: افراغ العلبة بكل محتوياتها فى حلة متوسطة ووضعها فى نار شديدة(جهنم بس)
وتقليبها بصورة مستمرة حتى تتبخر معظم موية الفول الى ان تصبح لزجة القوام.
قبل ذلك تقطيع الطماطماية فى صحن واضافة الجبنة وخلطهم جيدا مع بعض.
اضافة صحن الطماطم والجبنة الى حلة الفول وحلب نصف الليمونة والملح والشمار والشطة(مهممة جدا). |
سلام النصرى ورمضان كريم..
كلام زى دا تانى تكتبو بعد المغرب، لأنو قرايتو بالنهار تجرح الصيام.
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: Abureesh)
|
سلام يا اسمارت
رمضان كريم ..
موضوع السجك طرشق طرشقه شديدة وتعبنا داك كلو راح شمار فى مرقة ...
بشتريهو من واحد مصرى ..
ما بطال ..
بتبلع للمنهلع .....
صدقينى انا كنت بجهز لمداخلة طويلة وسيرة تاريخية لمسيرتنا مع فول العلب ...
الفول بالسردين جربتو اثناء وجودى فى ادمنتون عن طريق اخونا الفاضل عماد عباس ..
كنت مهووووس بيهو (كلمة مستلفة من بوست مجاور) لفترة من الزمن لكن بعد فترة
زهجت منو واصبحت ريحة الساردين تضايقنى جدا ( خايف اقول الشوك بتاعو برضو بس ما
تتهمونى بالحنكشة) لو ما مصدقة ...افتح العلب و تمعنى فى السارديناية وسترى
الشوك ..... احتمال بكون بفتش لسبب ..لكنى الشوك ده فعلا غياظ ..
يجعلك تشعر بانك monster
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
و كان أضفت كمان علبة ساردين نوع ( FISH STAKES WITH LUISIANA SAUCE )..
و كمان زودت الشطة و الليمون حبتين كدى + SESAME OIL ... تكون الحكاية تمت ...
و يا حبذا لو كان عينة الفول ماركة كاليفورنيا شنو كدى ما عارف ...
الساعه عندنا الآن 3:05 EST بالضهر و الشمس فى كبد السماء لكنها ممطرة ( جو فول ! )
و الباقى 5 ( خمسه ! ) ساعات بالتمام و الكمال من الإفطار ..
...........
كسرة :
و الله أناقلت بلاى الخبره فى جنس الفول ده ..
.........
كل عام و أنتم بخير و بالهنا أستاذ النصرى أمين ...
إظهر نحن فى نفس ال TIME ZONE
عبدالماجد
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: munswor almophtah)
|
النصري ينعاد عليك وفي رواية أخرى رمضان كريم
الطريقة الخطيرة في عمل الفول والفطيرة تتمثل في الآتي:
علبه فول زي ما قلت إنت
ليمونه
طماطمايه وفي رواية أخري بندوره
شمار ، ملح زيت زيتون أو زيت سمسم (بشرط ما يكون قديم ومعتت)
جبنه بيضه واحده مسلوقه ولا بأس بملعقة طحينه صغيرة بالإضافة إلى (2) قرن شنطه هندي أخضر
الطريقة:
تقوم تفتح العلبة وتكبها تووش في مصفى زيها وزي أى مكرونه مسلوقة وتفتح فيها ماسورة لمن تقوم بإزالة كل المواد الحافظة الموجودة في الفول تخت الفول في حله وتضع نص كباية شاي موية ومعلقة صغيرة زيت نباتي وتطلق النار تحت الحلة أها أثناء عملية التسخين دي تقوم تخت قرنين الشطة الخضراء بي صمتهم دون تقطيع وبعدين تقوم تقطع الطماطم دقاقه وتبشر الجبنه بالمبشرة وتقطع البيضه المسلوقة إلى أجزاء صغيرة وتدغدغ الليمونه في التربيزة قبل أن تقسمها نصفين ومن ثم تقوم بإضافة كل ما ورد أعلاه إلى الفول وتحرك الخليط أها تقوم تضرضر الشمار فوق الفول وتديهو كشحة زيت
وفي هذه الأثناء تقوم بتزيين السفرة بوضع ربطة جرجير كاملة في صحن مجاور وتديها نص ليمونة ولا تنسي الرغيف البلدي الحار وبالهنا والشفا
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
سلام يا راوية
رمضان كريم ..
الدراسة قامت على مبدأ اساسى واحد هو عمل ال main frame
والهيكل الرئيسى لفول العلب ..
بعد داك يمكن اضافة محتويات جديدة حسب رغبة كل شخص ...
بالتجارب الطويلة اكتشفت انو البصل لا يتفاعل كيماويا مع الفول
ويعمل ك "شريك مشاغب" اذا اجتمعو فى حلة واحدة ..لذا يفضل الفصل
بينهما على المائدة ..
اما البيض المسلوق مع الفول له نفس مفعول الطحنية مع الفول ..
البيض المحمر ؟ احتمال ...
لكن برضو قد لا يروق ل اغلبية المستهلكين...
اما الاومليت فده شعرا ما عندنا ليهو رغبة..
نحن يادوب فى مرحلة الفول ..
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
النصري يا غالي..
سلامات ورمضانك وأحبابك كريم وعامر..
Quote: بالتجارب الطويلة اكتشفت انو البصل لا يتفاعل كيماويا مع الفول
ويعمل ك "شريك مشاغب" اذا اجتمعو فى حلة واحدة ..لذا يفضل الفصل
بينهما على المائدة .. |
منو القال الكلام ده.. إستنى شوف وصفتي التالية (حلوة التالية دي)..
أحلى فول بتاع علب هو (أمريكانا) بلا منافس.. طبعا ده خبرة 5 سنين متواصلة..
فول بالبصل:
المقادير:
- واحد علبة فول أمريكانا (حباية كبيرة).
- واحد بصلة كبيرة (يفضل البصل الأبيض).
- زيت عافية (للناس البتخاف من الكوليسترول وكده) أو زبدة.
- فلفل، ملح وشطة حمراء حسب الطلب.
الطريقة:
- تجيب حلة (مطرقعة) أديتها معاش من زي سنتين كده..ههههه.. وتخت فيها زيت (مااهل - بمزاج يعني) لأن الفول كل ما تخت ليهو زيت بيطلع قشطة (مممم).. تقطع البصلة متوسط (لا كبير لا ناعم يعني) وتضيفها في الزيت. أول ما يبدأ لونها يبقى اصفر وتصبح (ترانسبيرنت) تقوم تضيف الفول وتديها تقليبة بالراحة بس عشان تتلخبط البصلة مع الفول. حاسب ع الفول ما يتهرس. وتضيف الملح والفلفل (برضو زيدو شويتين) ولو داير الشطة كمان..
خلي الحلة في النار لمدة 5 - 7 دقايق.. وحاول في المدة دي (تترقش الغطا) يعني تغطي الحلة وتخلي جزء بسيط فاتح عشان يعمل الوش والسحر.. وبالهنا
غايتو بعد ما إنتهيت من وصفتي دي. إستغفرت الله.. ريقي جرى (Yummy)
إحنا فطورنا فضل ليهو أربع ساعات و15 دقيقة :)
ورمضان كريم
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: سيف اليزل برعي البدوي)
|
النصري أمين،
رمضان كريم وتصوموا وتفطروا على خير.
عارف يا النصري أخوي أنسى موضوع فول العلب دا خالص..
ياخي إنتو عندكم أحسن فول مدمس كندي لكن ما جايبين خبرو ساكت.
أمشي على بقالة عربية وإشتري كيس فول مدمس ناشف (وغطسو في الموية) overnight
وفي الصباح ضع الفول المبلول على حلة بريستو (لو ما عندك إشتري ليك واحدة
وخليها خاصة بالفول) وأضيف ليهو الموية بكمية معقولة أو بما يعادل كمية
الفول بحوالي مرة ونصف ثم أضف حوالي ربع ملعقة شاي كربونات
وأقفل الحلة أو القدر وضعها على نار هادئة لمدة 45 دقيقة.
(حيطلع ليك فول ذي الورد).
أغرف كمشة أو كمشتين فول (حسب الجوعة) وضعهما على صحن (سرويس)
وأضف بصل وشوية ليمون مع الشمار والملح والجبن الفرنسي وزيت السمسم بدون
ما تكسر الفول.
جرب الفول دا بالطريقة دي وتعال قول لي رأيك.
صدقني حتكره فول العلب وتاني ما حتقربو أبدا.
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
يا منصور
حسى ختيت السماعة ..كنت بتكلم من احد زملائك فى الخلوة فى بداية
الخمسينيات ...
عشان تانى تقول انك دفعتى !!
بالنسبة لل noodles ياخى ده اكل ناس مقطعين ساكت ..
خليتها زمان ....
اما العيش الفرنسى والعربى فالفرق بينهما فرق السماء من الارض
واحد تمضغه و كان بلاستيك والتانى زى الشوكلاته ..
شوف الفرق فى الصورة التحت دى
<>
اما العزائم فدى history
الحمدلله ربنا كفانا شرها ..
لا بنعزم ولا بننعزم ..
تلتلته وعذاب وشقاء (وتكلفة)
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: Abureesh)
|
النصري
حول قطع فيه بصلة
لكل علبة
وحمر البصلة وما تخليها تبقي حمراء شديد
وجيب ليك فصين توم
وطشها علي البصلة
مع تقطيع قرنين شطة قبانيت
ونفس طماطمايتك ختها معاهم علي النار
وبعد داك صفي العلبة من الموية
وتحت الماسورة عشان الكيميكال والمواد الحافظة تتخارج
وكب الفول في الخلطة
وأديها ملغقة طحينة أو دكوة في حالة العدم
وما تنسي تمصر ليمونتك بعد اطفاء النار
لازم تمصر الليمونة بعد اطفاء النار عشان ما يمرر اي يصبح مر
واكشح في راس الامير الضريرة
وما تنسي زيت السمسم البكر
وبالهناء
سيف
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: abubakr salih)
|
سلام الملا عمر
طريقتك واضح انها بتاعت زول يده طاعمه ....
لكن الجزئية دى بختلف معاك فيها
| Quote: وتفتح فيها ماسورة لمن تقوم بإزالة كل المواد الحافظة الموجودة |
يا زول المواد الحافظة دى موية الماسورة ما بتشيلها بره...
المواد الحافظة مستوطنة جوة حبات الفول ولا يمكن التخلص منها بالغسيل ...
احتمال بنار البوتجاز الشديدة تتخلص بجزء كبير منها ...
بعدين من البداية اذا كان فى concern بتاع مواد حافظة اخير الزول يشد
حلتو فى البيت ....
البتبلبل بعوم ......
زمان كنت بشترى الغداء من دكان واحد صاحبنا فى روشيستر نيويورك ..
10 اجنحة دجاج buffalo style واشترى معاهو قزازة بتاعت Diet Pepsi ..
صاحبى كان بضحك على ويقول لى ياخى بتضرب 10 اجنحة ..فى داعى لل diet ده
حسى انتو تفتحو علب الفول الحديدية(المصدية من برة) وخايفين من المواد الحافظة .....
الاتساق يا ملا الاتساق .....
رمضان كريم وصورتك رهيبة
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
سلام يا رجا
رمضان كريم ..
ياخى طريقتك دى ناقصاها الصلصة ويبقى فول مطبوخ ....
الفول المطبوخ واحد من الوصفات الاساسية الثمانية....
1-فول بالساردين
2-فول بالدكوة والبصل والطماطم
3-فول سادة بالشمار
4-فول بالطريقة المصرية(تحمير الثوم بالزيت واضافة الفول للقدحة)
5-فول القطر قام(اضافة كل ما تقع عليه عيناك ..
6-فول بالمش وزيت السمسم
7-وفول بالطحينة ...
لكن طريقتك لانها وقفت فى منتصف الطريق... وتنعدم فيها الصلصة ..
علينا تجربتهاوساقوم برفع تقرير للمفوضية (الكلمة دى الانقاذ جننتها جن)
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
سلام يا ابوبكر
لسنوات طويلة كنت اقوم بغسل الفول قبله طبخه ...
بعد فترة قعدت افكر ....طالما انا بغسله معناه فى شئ
مضر بداخل العلبة ....
وان الغسيل لن يتخلص من الاشياء المضرة دى ....
وبقيت امام امرين ...
واضح اى خيار اخترت بينهم.
بعدين فى مليون نوع من المعلبات وكلها فيها مواد حافظه...
ليه ما قاعدين نغسلها ؟
الفواكه مثال .....بنضربها من علبها وبدون نار ....
ياخى افتح علبة بتاعت كومثرى وشوف بعينك المواد الحافظه تسبح بكرعينها..
الساردين ..مثال اخر ..
كلها فيها مواد حافظة ....
بقت على الفول المسكين ده!!
ياخى ده انا بديهو نار مبالغ فيها وشبهتها بنار جهنم
من شدتها ......
رمضان كريم
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
يا دبس ياخ ارتكبت خطا شنيع ولا يغتفر
كيف تقول "ادم" بدون لقب دكتور قبل اسمه ....
دكتور ادم تعلمنا على فوله عادة "ختيف" الاكل ...
الختيف .(للاجيال الجديدة) عاده غذائية سيئة تظهر حينما يكون
الطعام جيد وربما لا يكفى الجميع ....
عندما نطلب 4 او 5 فول من دكتور ادم ونبدا فى الاكل .. يفكر
كل واحد منا حول ساعة الصفر .....
اذا كان توقيتك سئ فلن تخرج الا بلقة واحدة فقط ... واذا كنت محظوظ
فنصف صحن البوش فى يدك اليمنى ...
الختيف ربما يصل لمراحل فظيعة مثل ان "يتفتف" احدهم على الصحن حتى
يمنع المنافسه ...
رمضان كريم يا دبس
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
Quote: الطريقة:
- تجيب حلة (مطرقعة) أديتها معاش من زي سنتين كده..ههههه.. وتخت فيها زيت (مااهل - بمزاج يعني) لأن الفول كل ما تخت ليهو زيت بيطلع قشطة (مممم).. تقطع البصلة متوسط (لا كبير لا ناعم يعني) وتضيفها في الزيت. أول ما يبدأ لونها يبقى اصفر وتصبح (ترانسبيرنت) تقوم تضيف الفول وتديها تقليبة بالراحة بس عشان تتلخبط البصلة مع الفول. حاسب ع الفول ما يتهرس. وتضيف الملح والفلفل (برضو زيدو شويتين) ولو داير الشطة كمان..
خلي الحلة في النار لمدة 5 - 7 دقايق.. وحاول في المدة دي (تترقش الغطا) يعني تغطي الحلة وتخلي جزء بسيط فاتح عشان يعمل الوش والسحر.. وبالهنا
|
النصري ورجاء...رمضان كريم
الطريقة دي يا رجاء مفروض يعملوها مع اي فول داخل وخارج السودام
ما عدا فول عبدالوهاب..الفي الخرطوم تلاتة...
اي فول علب لازم يتعالج بالطريقة دي او حا يكون فول بالاسبرو
مع احترامي للاسبرو...لأنو قبل كده في ابوظبي...اكلت فول علب
غير مطبوخ كان طعمو فول بالكينين
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
سلام يا محجوب
Quote: بجيب الفول الحبوب ... تختو في موية بالليل و صباح اليوم التاني تغليهو
... تربطو في اكياس صغيرة (كيس عند اللزوم) و تضعه في الفريزر...
يا مان ... تاني ما بترجع للفول المعلب... |
صدقنى جربت الحاجة دى ..وهى فعلا فكرة كويسة ...
المشكلة انو الواحد ما عارف متين حتجيهو fool attack ..ممكن فى اخر
لحظة تقرر تفطر فول ...
طيب الفول مفرزن فى الاكياس ....
لو فكيتو بالمايكرويف ....مشكلة ..
ولو رميتو فى موية حارة حيتعولق ...
ولو حاولت تطبخو من حالته المفرزنه طوالى حيطلع طعمه و
شكلو غريب جدا .....
الفول المفرزن محتاج كم ساعة عشان يفك thaw
فكرة الاكياس دى تنفع مع زول عارف حياكل شنو ليومه كلو..
نحن ربنا حبانا بالقلق الطعامى ....
بعدين الفول مزاج ....
والمزاج ممكن strike فى اى لحظة ..
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
سلامات تانى اخونا النصرى
و الله لايقتك دى ما لاقتنى الا عندى انا....
ذيك كده بمسك فى موضوع لحدى ما يتظبط (او يفشل تماما) و بعد كده بشوف لى موضوع تانى.
الايام دى -يا محاسن الصدف- قايمة فى حكاية الزراعة فى الحوش
| Quote: المشروع التالى هو كيفية زراعة الملوخية فى ال back yard |
I am in
لكن اول حاجه مفروض نعرفها اسمها بالانجليزى او اللاتينى. و اذا كانت بتتزرعل من بزور او شتول؟
انا فى ولاية ما مسموح بدخول بزور اى حاجه. يعنى لو البزور ما متوفرة فى المحلات معناها ما فى اى طريقة.
_____________________________________________
اخر مشروع ناجح عندى كان وبريشن "باسطة" او baklava و انتهى على سلام
الان شغالة فى وبريشن slow cooker (بالاضافة للزراعة فى الحوش)...و شكلو ح ينجح كويس برضو
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: smart_ana2001)
|
| Quote: المشروع التالى هو كيفية زراعة الملوخية فى ال back yard |
فكرة جميلة
أثني عشان مشوار البحث عن الملوخية دا يلقى حل
| Quote: لكن اول حاجه مفروض نعرفها اسمها بالانجليزى او اللاتينى. |
Quote: الملوخية (بالإنجليزية: Corchorus) هي جنس من النباتات الزهرية تضم من 40 إلى 100 صنف. تتفاوت أطوال سيقانها وتزرع من أجل أوراقها التي تستخدم في عمل طبق الملوخية. لها أزهار صفراء صغيرة تنتج عددا من البذور.والملوخية من الأطباق التي تختص بها أكثر من بلد من بينها مصر والسودان وبلاد الشام وتونس. ولكن تعتبر أكلة الملوخية من الأكلات المصرية القديمة، وانتقلت إلى البلدان العربية تباعا.
لمحة تاريخية
ذكر بلينوس (Pline) الذي عاش في القرن الأول بعد الميلاد أن الملوخية كانت تؤكل في زمانه في الإسكندرية. ويقول البعض انها منذ عهد الفراعنة (الاسر القديمة) حيث كان الفراعنة يظنون انها نبات سام وعندما احتلت مصر من قبل الهكسوس اجبروا المصرين على تناولها لإخافتهم واذلالهم وعندما تناولوها أعجبهم طعمها وظلت حتى الآن. وقد منعها الفاطميون على أساس أنها كانت أكلة مفضلة بالنسبة لمعاوية. ويُعتقد أن اسم ملوخية آت من اسم ملوكية، حيث كانت مفضلة لدى معاوية.
|
http://ar.wikipedia.org/wiki/%D9%85%D9%84%D9%88%D8%AE%D9%8A%D8%A9
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: smart_ana2001)
|
يا اسمارت
Quote: انا فى ولاية ما مسموح بدخول بزور اى حاجه. يعنى لو البزور
ما متوفرة فى المحلات معناها ما فى اى طريقة |
ياخى انا لمن جيت من السودان شايل معاى 5 كيلو حبوب كزبرة ومليون نوع
من انواع الحبوب الاخرى ....لمن جيت المطار ..بتاع الجمارك سالنى معاك food قلت
ليهو معاى spices
خلانى اخش بدون تفتيش ....
محتاجين رطل واحد حبوب ..نزرعها ونولد منها حبوب زيادة ....
قبل سنوات الصديق التواتى الاصيل السفير فاروق مصطفى زرع كميات منها فى الباك يارد
قام بتوزيعها لجيرانه من السودانيين ....
لكن اظن انو الملوخية ما بتجى حبوب ...اظن انها بتكون فى شكل فروع صغيرة
والله اعلم ....
والله يا اسمارت انا مهوووس جنس هوس بالملوكية دى ...
Obsession عديل ..
Molokia freak
اى زول ماشى السودان اقول ليهو جيب لى معاك خدرة مفرومة ....
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
النصري رفيق أفوال الباقير سابقا رمضان كريم
ياخي فول العلب ما بتشكر زي الراكوبة في الخريف
لوخليتو بي مويتو طعم المواد الحافظة يكرهك في الفول ولو مشيت غسلتو يبقي لا طعم ولا نكهة إلا شكل الفول
أنا عدو فول العلب ونظريتي تجيب فول الأكياس وارد لبنان عبوة كيلو تغسل الفول و تنقعو في موية أوفر نايت وصباحا بدري تديهو معلقتين عدس وبي مويتو علي نار هادية حتي يستوي وأذا مويتو نقصت تديهو مويه من الغلاية إياك تديهو موية بارده وطبعا زيت السمسم والشمار وارد السودان وبالهناء والشفاء
تحياتي للمدام والوليدات
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: أسامة عبد الجليل)
|
وصفك شهي لدرجو وخاصة نحن من محبي الفول بذات الوصف وبالطريقة السوء دانية ....
بس بنخاف السرطان ... أرقام مخيفة ... وصل في بعض الدول العربية لسبعون الف حالة في العام ولا يخلو بلدنا من تنامي الاصابات ...
Quote:
http://mo4om.com/vb/t19364.html
المعلبات مصدر للتلوث الجسم بالرصاص وللتأكد قم بقتح علبة من المعلبات الغدائية المعدنية كا علبة فاصولياء او نحوها وبعد الفتح قم بتمرير منديل على حواف العلبة المفتوحة سوف ترى لون أسود انه الرصاص وقد ترى ايضاً نشارة دقيقة من المعدن يمكنك ان تراها بوضوح بواسطة المجهر او عدسة مكبرة عندما تفرغ محتويات العلبة سوف يكون الرصاص والمعدن في وجبتك وادا تريد مثال اةضح افتح جبنة ابو صقر من الجهتين اوأخرج الجبنة سوف ترها ملوثة بالرصاص .. التجربة جداً بسيطة للي يحب ان يتأكد
وهدا موضوع ارجوا مراجعته يبين خطورة الرصاص على الجسم وخاصة الاطفال
حذر بحث اجراه فريق من اعضاء هيئة التدريس بوحدة امراض التخاطب بكلية طب عين شمس وقسم الكمياء بكلية التربية في مصر على خطورة التلوث بالمعادن الثقيلة التي تعتبر من اخطر التلوث البيئي وخاصة على الاطفال. وقال البروفيسور محمد بركة رئيس الاقسام بجامعة عين شمس والزائر للمستشفى السعودي الالماني حاليا ان معدن الرصاص من اخطر المعادن لانه لا يدخل في فسيولوجيا جسم الانسان ووجوده في جسم الانسان بمعدلات اعلى من المسموح به يعتبر نذير خطر، ويؤثر الرصاص على الكبار والصغار، لكن تأثيره على الاطفال اكبر لسهولة امتصاصه، وبطء اخراجه والتخلص منه، وحساسية الجهاز العصبي المركزي الشديدة لهذا النوع من التلوث في اثناء نموه وتطوره خاصة في الخمس سنوات الاولى من عمر الطفل.
واضاف بركة ان خطورة التلوث بالرصاص ليس فقط على الجهاز العصبي المركزي فقط بل ايضا على الجهاز المناعي والدم، وخاصة ان تأثير التعرض للرصاص قد يظهر بعد التوقف عن التعرض له. واوضح بركة ان البحث تم باختيار 30 طفلا من بيئة بها احتمال التعرض للرصاص من مناطق المصانع، والحرف اليدوية التي يستخدم فيها الرصاص واستخدام اواني الطعام المطلية بالرصاص، وعوادم السيارات، وتم اختيار 30 طفلا من بيئة بعيدة عن هذه الملوثات، وكان متوسط العمر في المجموعتين ست سنوات وخمسة اشهر. |
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: othman mohmmadien)
|
والله انا افتكرت انو خلاص قرشنا والبوست فقد اهتمام القراء
لكن يبدو موضوع الفول لمس وتر حساس فى وجدان الناس ...
يا اسمارت
للاسف الشركة الاسترالية اعتذرت عن شحن الحبوب لكندا..
الله كريم
نشوف طريقة تانية ...
<>
سلام يا اسامة الباقير
معقولة تشبه فول العنب بالراكوبة فى الخريف ,,,
ياخ ده طعامنا الاساسى لعشرات السنين ...
اما موضوع المواد الحافظة ده فالواحد لازم يبقى
organic زى واحد صاحبنا عشان يحل المشكلة من جزورها
يا رواية واسامه
يا اخوانا موضوع البصل اتحسم من اول 12 سنة ولا يمكن
الرجوع عنه ...
البصل زى الفجل ...مستحيل يتلائم مع الفول .....
استرحامكم مرفوض
ولا يمكن استئناف قرار اللجنة العليا المنظمة ...
سلام عثمان
رمضان كريم
ياخى مالك داير تخوفنا زى الايميلات البتصلنا عن خطورة
البيبسى والكولا والمايكرويف وال كى اف سى وغيرها ...
ربنا يحفظ الناس
الدنيا بقت مليانة مصائب ...
| |
|
|
|
|
|
|
|
|
|
Re: بعد عشرين سنة من الابحاث والدراسات والتجارب توصلت لوصفه مثالية لفول العلب (Re: النصرى أمين)
|
سلام يا النصري،
ياخي فول شنو البعمل غازات.. يازول الله
يرضى عليك إشتري الفول الناشف وأطبخو في
البيت وضعه على أكياس نايلون صغيرة وأدخلو
في الفريزر أنسى فول العلب وأبعد عن مسألة
المواد الحافظة.
أخوك برضو بحب الملوخية المفروكة موت..
متقريف شديد للكسرة.. لكن نسوي شنو
بناكلها بالإنجيرا وطعمها برضو لذيذ.
لو فتشت محلات البقالات الصينية عندكم في
تورنتو ستجد الملوخية مع الخضروات المعروضة.
هنا في هيوستن ماعندنا مشكلة في الحصول على
الملوخية وبتظهر عندنا دائما في الصيف طازجة
وبنشتريها من البقالات العربية والصينية..
وحتى البقالات العربية بتبيع ملوخية مثلجة
بتجي من مصر وموجود منها ملوخية صفق ومفرومة
أيضا ممتازة جدا.
جماعة أصحابي سودانيين إثنين بيأتوا ببذور
الملوخية من السودان وبيزرعوها في الباك يارد
وبتنمو بسرعة وبكثرة وطاعمه.
| |
|
|
|
|
|
|
| |
عزالدين محمد عثمان
smart_ana2001
Abureesh
Rawia
عمار عبدالله عبدالرحمن
munswor almophtah
almulaomar
عمار يس النور
Raja
سيف اليزل برعي البدوي
عزيز عيسى
abubakr salih
دبس
Mahjob Abdalla
nazar hussien
قلقو
Frankly
أسامة البلال
أسامة عبد الجليل
othman mohmmadien
خالد فهمي
فيس بوك
تويتر
انستقرام
يوتيوب
بنتيريست