دعواتكم لزميلنا المفكر د.الباقر العفيف بالشفاء العاجل
|
|
 انا و فطاحلة الانقاذ والنظرية العظمى
|
نظرية تبنتها الانقاذ وهى ""ثورة"" وليدة...
هى نظرية جديده "قديمة" ظلت حبيسة الكتب لسنين طويلة الا ان
تمكن العبد لله فك شفرتها ... ونشرها هنا لاول مرة فى موقع سودانييزانلاين..
تقول النظرية القنبلة
ان الشعوب والامم يتم حكمها فى الغالب الاعم بحكومات مطابقة ومشابهه لهذه الشعوب والامم..
وان الحكومات صورة "بزقة" لشعوبها..
مثلا الصين لن يستطيع ان يحكمها غير الحزب الشيوعى الصينى
العراق وتاريخها الغنى بالتقلبات والغزوات يناسبها صدام حسين.
السعودية ..ياها الاسرة المالكه..
دول الخليج ..شبهينا واتلاقينا..
الدول الافريقيه.. حكوماتها.. مناسبة تماما لحكم شعوب ينتشر بينها الفقر والجهل والمرض...
مصر ..غير حسنى مبارك منو؟ رئيس فى السلك..
كندا ..حكومة شفافه لمن غلط لشعب شفاف ..
وهكذا
كل دولة حكومتها حسب "البوكسنق" بتاع شعبها ..
البوكسنغ كفاية لكلية الطب .. الحكومه كلية الطب
البوكسنغ كفاية لكلية الهندسة .. الحكومة كلية الهندسة
لمن الانقاذ جات لقت الشعب السودانى فيهو شوية رقشة ..
ومازال محتفظ بكثير من القيم والمبادئى النبيله ومعانى الفضيلة والتدين
الطبيعى ..
فى نفس الوقت الانقاذ كانت عبارة عن """ثلة""" من اللصوص والارتزاقية...
واجه منظرى الانقاذ معضله كبيرة لتحديد اى الاتجاهات ستسير فيها
الثوره لتستمر فى الحكم ..
الخيار الاول
تنظف نفسها من اللصوص وترتفع لمستوى الشعب
الخيار الثانى
ان ينزل الشعب لمستوى الانقاذ
بالطبع اختار المنظرون الخيار الثانى
وبدات عملية التحطيم
20 عام من التكسير المتعمد والتمكين
فساد ورشاوى وانهيار كامل
فى المعاملات بين الافراد
انهيار التعليم العام والعالى
الخدمة المدنية اتلحست
|
|
 
|
|
|
|
|
|
|
|
Re: انا و فطاحلة الانقاذ والنظرية العظمى (Re: Amin Mohamed Suliman)
|
الاخ امين محمد سليمان
| Quote: (بوست محفز للتفكير ) |
اخيرا وبعد اكثر من 5 سنين من وجودنا هنا فى سودانيزانلاين
كتبنا شئ يحفز الناس على التفكير
شكرا على الكلمات المشجعه وساجتهد فى فى فك المزيد من طلاسم السياسة لسودانيه
بمعدل طلسمة كل اسبوع ...
ا
فى انتظارك عودتك
وللحديث بقية مقرون بالادلة والبراهين والاثباتات العلمية
| |
|
|
|
|
|
|
|
|
|
Re: انا و فطاحلة الانقاذ والنظرية العظمى (Re: النصرى أمين)
|
النصري بركة الجيت بركة الجيت
يا زول انت كتابتك دايما دايما مفكرة هي ذاتها في رقبتا دي
بحرص علي قرايتك و التداخل اذا وجدت ما اقوله
حقيقي الانقاذ تعمدت انها تضرب المورال بتاع الشعب
علشان تفقده اهم عناصر قوته الممكن تخليهو يقول ليها لها
و يتبع القول بالعمل.. و انشأوا وزارة التخطيط الاجتماعي
=لاحظ الاسم= و ادوها لعلي عثمان شخصيا عشان يبدا التشويه
يا النصري القدروا عملوهوا دا مظهر كارثة
يعني العناصر الاستجابت للتخطيط الممنهج دا بصورة مباشرة
رفعت فاحتلت الواجهة
يضاف ليهم الاستجابوا بدون وعي
اي انهم ابناء الواقع المركب دا
لكن يبقي اصل الانسان السوداني عصي علي التخريب
و بكرة نشوف
| |
|
|
|
|
|
|
|
|
|
Re: انا و فطاحلة الانقاذ والنظرية العظمى (Re: نصار)
|
سلام يا نصار
شكرا على الكلمات المشجعه..
مقولتك دى
Quote: و انشأوا وزارة التخطيط الاجتماعي
=لاحظ الاسم= و ادوها لعلي عثمان شخصيا |
تعضد تماما من صحة النظرية العظمى ..
الشئ الحصل فى العشرين سنة الفاتت دى مخطط ومدبر
ومتعمد .. وليس نتائج طبيعية لسياسيات اقتصادية
او تنموية .....
خليك قريب
الكلام ما كمل
| |
|
|
|
|
|
|
|
|
|
Re: انا و فطاحلة الانقاذ والنظرية العظمى (Re: النصرى أمين)
|
اود ان الفت انتباه الساده/السيدات ان هناك فرق بين
النظرية العظمى و نظرية المؤامرة Conspiracy theory
احدى الفروقات الاساسية بين الاثنتين ان الاولى مدعومة بالاثباتات
والادلة والبراهين مع توفر الاحساس والشعور بين اغلبية الشعب ان التغييرات
الاجتماعيه والاقتصادية والسلوكيه التى حدثت وتحدث عمل منظم و مقصود من جهات رسمية
لا تنقصها الاموال و لا الرجال
| |
|
|
|
|
|
|
|
|
|
Re: انا و فطاحلة الانقاذ والنظرية العظمى (Re: النصرى أمين)
|
الرجاء الترحم على روح عمتى كلتوم على النصرى
والدة حسن مبارك كركساوى
وسيف الدين مبارك كركساوى بجدة
وفوزية ونائلة واعتماد ورجاء ونجاه
والمرحومة امال مبارك كركساوى
المرحومة شقيقة يسن النصرى بالقاهرة
والمرحوم امين و المرحومة بنت وهب
رحمها الله رحمة واسعة وأدخلها فسيح جنّاته وغفر لها
ولجميع أموات المسلمين آمـــيـــن
انا لله وانا اليه راجعون
| |
|
|
|
|
|
|
|
|
|
Re: انا و فطاحلة الانقاذ والنظرية العظمى (Re: munswor almophtah)
|
شكرا اخى منصور
وجعلها الله اخر الاحزان
___________________________________________________
نواصل عملية التفكيك ( التفكيك كلمة اذدهرت فى المنبر قبل عدة سنوات ,استعملها بعضا من مثقفينا هنا
وارتبطت بزول كده اسمه دريدا .. طلعنا نحن من الموضوع كيت بعد مجابدات بين البوستات)
المهم ... نرجع للموضوع
عندما قرر الاستراتجيون الانقاذيون تحديد مسار الانقاذ و "دحرجة" الشعب وقيمه مبادئه الى اسفل السافلين
ارتكزوا على عمودين
العمود الاول :-
المؤمن القوى خير من المؤمن الضعيف ..والمقصود بالمؤمن هنا ناس الانقاذ ومؤيديهم
العمود الثانى :-
التطبيع والمالوفيه .. كل رشوة وفساد ومحسوبية وسرقه واختلاس وشراء ذمم وغيرها من السلوكيات
السلبية , اشياء عادية طبيعية ومالوفه يمارسها قطاع كبير جدا من المواطنين .. ومن لا يمارسها يصبح خارج الشبكة
| |
|
|
|
|
|
|
|
|
|
Re: انا و فطاحلة الانقاذ والنظرية العظمى (Re: النصرى أمين)
|
تطبيع الشعب السودانى على مشاهدة الفساد وعدم
الاكتراث به احتاج عشرين سنة انقاذية..
السنة الانقاذية عاده اقصر من السنة الميلادية..
ربما بسبب انو الناس بقت ما بتحسب الانقاذ جات
متين وحتمشى متين ..على بلدا ما بلدك ..جر فيهو الشوك
وجلدا ما جلدك امشى فيهو عريان ....وشهر ما عندك فيهو نفقة
ما تعد ايامو ....
بعد عشرين سنة انقاذية كلمات مثل الفساد صارت بلا معنى
ولا طعم لا رائحه (والدليل مكتبة الفساد العملها اخونا بكرى ابوبكر
مافى زول شغال بيها الشغلة)..
اذا وصفت ليك مسئول بانه فاسد وقلتها ليهو فى وشو عديل ..غالبا
حيبتسم فى وشك ويهز راسه يمين شمال ببطء شديد ولسان حاله يقول
"بالله شوف الزول العوير ده"
القيح و الصديد والعفن والدمل والتلف بدائل مناسبة لتحل
محل كلمة فساد التى اصبحت لا بتودى لا بتجيب
| |
|
|
|
|
|
|
|
|
|
Re: انا و فطاحلة الانقاذ والنظرية العظمى (Re: النصرى أمين)
|
برغم الحذر من استخدام كلمة انحطاط
الا انو الواحد ممكن يقوى قلبه ويوصف
الدولة السودانيه بانها تعيش عهد انحطاط
رغم الكبارى المعلقه والسدود التى يتبوبر بيها
الانقاذيون (تقول دافعين تمنها من جيوبهم) الا ان مقياس تقدم القدم
يقاس بانسانها..
صحته وعافيته وسعادته ورضاءه ورفاهيته وشعوره بالطمانينه والامان
وتقدمه الفكرى والادبى والثقافى الخ ..
واهم شئ حريته ...
كل الحاجات دى ما متوفره فكيف اذن نصف الدوله السودانيه
بالاذدهار والتقدم ...
| |
|
|
|
|
|
|
|
|
|
Re: انا و فطاحلة الانقاذ والنظرية العظمى (Re: النصرى أمين)
|
رئيسنا المفدى يقول فى افتتاح جسر العكد - أم الطيور بولاية نهر النيل،
""""إنّ الرد على محاولات تضييق الخناق سيكون المزيد من المفاجآت التنموية""""
انتهى التصريح
يعنى الحكومه حتفاجئ الشعب والعالم بمشروعات تنموية...
عندو فيها رائ..
ما عندو فيها
مش مهم ..
المهم عنصر المفاجاة..
فلو بنت الانقاذ كبرى ..ليس على الشعب ان يعرف
كم تكلفته!!
وماهى الجهات والشركات التى فازت بعطاءات التمويل والامداد
وغيرها من الاسئله الاساسيه
وطبعا لاننسى دراسة الجدول واهميتها الاقتصاديه...
السودان كما قال البشير يوما سيقوم بحل مشاكل العالم
كيف ؟
بالمفاجات ..
| |
|
|
|
|
|
|
|
|
|
Re: انا و فطاحلة الانقاذ والنظرية العظمى (Re: النصرى أمين)
|
الشئ الما وصلت ليهو انا (مع اننى فى حالة تفكير عميق معظم ساعات يومى)
انو بعدما الانقاذ والانقاذيين يتستفو قروش ويدمروا تماما البنية الاجتماعية
لدولة السودان ويحكموهو زى ما دايرين ... فى النهايه
(قد تكون بعد سنوات او عشرات السنوات ) دايرين شنو؟
دايرين شنو؟
يا النصرى امين
دايرين شنو؟
والله خائف بعد ده كلو يكون مبتغاهم الجنة...
| |
|
|
|
|
|
|
| |
Amin Mohamed Suliman
نصار
munswor almophtah
فيس بوك
تويتر
انستقرام
يوتيوب
بنتيريست