|
دعواتكم لزميلنا المفكر د.الباقر العفيف بالشفاء العاجل
|
|
 Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
الدولار خليناهو بتمانية جنيه دلوقت بتمانية الف جنيه:::
ياتو دولة فى العالم بتتبجح بانها دولة ناجحة وعملتها تتضاءل الف مرة
فى عشرين سنة.....
الجنيه المصرى يادوب اتضاعف مرة او مرتين فى تجاه الدولار خلال العشرين سنة الماضية....
الف مرة يا مفترين .........
وكمان 40 بليون دولار دولار ديون على البلد .......
| |
 
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: فايزودالقاضي)
|
Quote: ناصر ...سلامات
سنة 1990م اشتريت بيت مبني في كسلا 400 متر مربع بــ 600.000 جنيه هسه الــ 600.000 جنيه مابتجيب شوال اسمنت بسعر امس ..
|
ما شاء الله سنة 1990 كان عندك 600.000 جنيه سوداني نحن الوقت داك كنا بننتظر المصاريف من الوالد
بعدين الدنيا رمضان وما في داعي للتهويلQuote: هسه الــ 600.000 جنيه مابتجيب شوال اسمنت بسعر امس ..
|
الطن الطن العديل دا ممكن يكون وصل 600 جنيه سوداني خلي الشوال الواحد
استغفرتك يا مالك روحي
| |
|
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
Quote: لو شلت المرتب ابو الف وميتين جنيه ده ومشيت وراء عمارة اراك بشترى 150 دولار امريكى
دولار ينطح دولار .... |
النصري أمين كل عام وأنت بخير
رمضان كريم
سنة 1990 : 1200 جنيه سوداني يساوي 150 دولار أمريكي
سنة 2012: 800 جنيه سوداني يساوي 150 دولار أمريكي
الشمعة ب600 جنيه(بالقديم) يساوي 6 قروش بالجديد: 1200 جنيه = 20 ألف شمعة
| |
|
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
سلام فرانكلى
ورمضان كريم...
ممكن تشوفو لى طريقة ترجعونا للحته الانقذتونا منها ...
ايام صفوف البنزين وصفوف الرغيف ......ايام المعاناة ديك والله اشتقنا ليها....
والله فى رمضان ما كان فى سكر وكنا بنستعمل المولاص نطعم بيهو الابرى .....
كنا بنبيت فى الطلمبة عشان جالونين بنزين .....
الرغيف كان فيهو مشكلة ...كنا بنستورد اغذية بسبعين مليون دولار فى السنة ...
دلوقت بنستورد باكثر من 2 مليار دولار ....
يالها من ايام جميلة .....
وسهلة .......
| |
|
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
سلام سيف
الواحد لازم يعترف انو الدولار اخد ليهو فترة استقر
وثبت فى منطقة واحدة ....لكن الفترة تلك لاتزيد من
ثلث عمر الانقاذ....
7 سنين استقرار و 14 سنة من جنون البقر ....
السبعة سنين ديل لو الحكومة كانت رشيدة كانت استفادت منها
للسبع العجاف ......
اها نحن يادوب فى بداية السنة الاولى من السبع العجاف
اتخيل معاى المنظر حيكون كيف بعد سنة او سنتين...
ولو داير تجن حاول اتخيل المنظر بعد 7 سنوات والانقاذ لسه فى الحكم .....
اقول كلام ....ولا نمشى بعيد
الاسبوع الجاى حيكون فيهو تغيير للاسوا
والاسبوع البعده اكعب ...
والبعده اضل...
والبعده العن ...
والبعده امرض ....
وكل يوم وكل ساعة وكل ثانية والبلد راجعة لوراء
وقائد الامة لايزال يرقص ويتراقص و كانه لا يرى المصيبة حوله .....
| |
|
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
يا فرانكلى
الجنيه ياهو الجنيه .....
الانقاذ غيرت الاسم لدينار ومعرفش ايه ..
وعومته ....
وغسلته.....
وشرته فى حبل الغسيل ....
فى النهاية هو نفس الجنيه الانقاذ لو ماجات كان حيبقى 25 للدولار الواحد.....
بدلا عن ذلك صار اليوم5 الى 8 الف جنيه للدولار....
الجنيه المصرى هو نفسه الجنيه المصرى ولو قسمنا على 5 الف مرة لصار قيمته اليوم 2 مليم للدولار....
| |
|
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
النصري وجميع المتداخلين كل عام وانتم بخير
وهل تصدق انني خلال هذه الفترة سافرت من الخرطوم للقاهرة
ومن القاهرة الى بغداد
عارف بي كم { بي { عجورة }
آآآآآآآآآآآآآآآي العجورة الواحدة دي
رحلتي كلها كانت بالف جنيه
وفيها فندق وثلاثة وجبات بالفندق في القاهرة
وترحيل مجاني من المطار للفندق وبالعكس
ووجبات رائعة بالطائرة
والسنة الفاتت العجورة { قدّر ظروفك } في ملجة الحصاحيصا بـ 1000 جنيه
ماعارف السنة دي كم ؟؟؟
هسي كلما اشتري عجورة بتذكر الرحلة دي ؟؟؟
الغريب كنا بنضحك على الروبية الهندية
والتاكا البنغلاديشية !!!!
عليكم يا أمين وصحبه الكرام عليكم بالاستغفار عشان ننزل الدولار 00 أو كما قال !!!!
| |
|
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
Quote: يا فرانكلى
الجنيه ياهو الجنيه .....
الانقاذ غيرت الاسم لدينار ومعرفش ايه ..
وعومته ....
وغسلته.....
وشرته فى حبل الغسيل ....
فى النهاية هو نفس الجنيه الانقاذ لو ماجات كان حيبقى 25 للدولار الواحد.....
بدلا عن ذلك صار اليوم5 الى 8 الف جنيه للدولار....
الجنيه المصرى هو نفسه الجنيه المصرى ولو قسمنا على 5 الف مرة لصار قيمته اليوم 2 مليم للدولار.... |
ابداً يا النصري الجنيه بالقديم ما ياهو الجنيه بالجديد
أنا كتبت 800 جنيه سوداني = 150 دولار اليوم و800 جنيه هو متوسط دخل الفرد في الشهر يعني متوسط الدخل اليوم بيجيب بالدولار أكتر من 1200 سنة 1990
لو عايز تحسب بالقديم خلي حسابك كله بالقديم
ويبقى متوسط دخل الفرد اليوم 800000 جنيه واحسب عليه
ويبقى ال1200 جنيه بتاعتك دي بتاع الرقشة بدخّل 5 اضعافها في "فردة" واحدة
والبغسّل العربية بدخل في نصف ساعة لغسيل عربيتك 3 اضعافها وقس على ذلك
| |
|
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: محمد مصطفي مجذوب)
|
سلام يا ابوحراز...
بالرغم من محاولات التغييب التى تمارسها الانقاذ الا ان الشعب
لم ينسى جنيهه القديم....بالرغم من مرور سنوات عديدة على وفاة
سئ الذكر الدينار والولادة القيصرية المؤلمة لجنيه الانقاذ الجديد
الا ان الناس ما زالت تتعامل مع عملتها الحقيقية .....
فتقول الف جنيه قاصدة الجنيه الانقاذى.......
انا متاكد انو الانقاذ مستعدة تدفع كل ما تبقى لها من ثروة لينسى
الناس جنيهم القديم ويقبلو طواعية بجنيها الخلاقة .....
لم تنجح محاولات اعادة صياغة الانسان السودانى
كذلك لم تنجح اعادة صياغة الجنيه السودانى......
انا ما متزكر كويس لكن اظن اشتريت تزكرة الخرطوم نيروبى امستردام نيويورك
بكيلو طماطم ..... الغريبة اننى لم استخدم الكيلو كله .. الباقى اديته لواحد اخونا كان راجع
الخرطوم مشى زنك الخضار واستلم 5 طماطمايات .....
| |
|
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
الفرق يا احسان فى الامتيازات...نحن بناخد المرتب ونتخارج...
اتو بدلات ساكت ...فى نهاية الشهر تلقى روحك استلمتى نص دستة شمع ...
اعترف ...لانه المصنع كان فى الباقير فالمصنع كان موفر لينا سكن مجانى بداخله...
اذا لم نرغب فى السكن به فالترحيل المجانى متوفر يوميا من والى امدرمان....
كنا منقنقين بالشمعتين ديل ...
جات الانقاذ فاجتهدت لتكسيرر احد اميز مصانع الغزل والنسيج فى السودان
وتشريد الاف العاملين خاصة من القرى المجاورة للباقير من جهة الجزيرة..
بعد سنة او سنتين من سفرى علمت ان المصنع اغلق ابوابه للابد
كان من اوائل ضحايا شعارات نلبس مما نصنع .....
وبعده لحقته باقى مصانع الغزل والنسيج حتى وصل الانتاج لصفر....
| |
|
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
سلام يا مرتاح......
قبل كم يوم مشينا المطعم اياهو وصرفت ليها زى 30 دولار,,
هل تتخيل جانى احساس بالذنب ....
لو اكلت لى فول ووفرت التلتيناية دى للسودان مش كان احسن....
الناس هناك معصورة عصر الزيت يا معاوية.....
الاغلبية حياتهم بقت جحيم عديل كده .....
اللهم الطف بهم بحق هذا الشهر المبارك
| |
|
|
|
|
|
|
|
|
|
Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
سلام محمد
رمضان كريم....
مرة وانا فى المكتب فى مصنع الباقير ...استطعت شراء مكعبات سكر معدودة (اظن الدستة كانو
بجنيه او خمسين قرش مامتزكر )
اخر مكعبين عملت بيهم كباية شاى بمزاج ...فجاة دخل على ضيف ...بكل براءة عرضت عليه
كباية الشاى والله لمن شالت الكباية خلى خشمى ملح ملح ....الناس دى ما بتعرف الكشكرة....
عندنا هنا فى شموع غالية جدا جدا ..الشمع معمول بعطر من النوع الفاخر ....
مرتبى غالبا كان بساوى بخة او بختين من الشمع ده ...
| |
|
|
|
|
|
|
|
|
 Re: الشمعة ب600 جنيه..مرتبى كان شمعتين بس سنة 1990 (Re: النصرى أمين)
|
Quote: اخر مكعبين عملت بيهم كباية شاى بمزاج ...فجاة دخل على ضيف ...بكل براءة عرضت عليه
كباية الشاى والله لمن شالت الكباية خلى خشمى ملح ملح ....الناس دى ما بتعرف الكشكرة....
عندنا هنا فى شموع غالية جدا جدا ..الشمع معمول بعطر من النوع الفاخر ....
مرتبى غالبا كان بساوى بخة او بختين من الشمع ده . |
يا راجل
ضيف.......
شالت.........
عطر فاخر
وبرضو تقول (بكل ....براءة )
ممممممم ....
عموما ... الدنيا رمضان
وإن بعض الظن اثم
وانت طبعا تبت .. من الكشكره الماجايبه تمنها دي
ما ياهو
| |
|
|
|
|
|
|
| |
PLAYER
فايزودالقاضي
Frankly
saif massad ali
ابوحراز
معاوية المدير
محمد مصطفي مجذوب
فيس بوك
تويتر
انستقرام
يوتيوب
بنتيريست