دعواتكم لزميلنا المفكر د.الباقر العفيف بالشفاء العاجل
|
|
 التقديم للهجره لكندا اصبح امرا سهلا
|
للكفاءات واصحاب الخبرات
.........
Simplified Application Process
اجراءات جديده تُسهل عمليه التقديم ...
بدا مفعولها من شهر سبتمبر الماضى....
كل الذى تحتاجونه تعبئة فورم بسيط جدا جدا
من ثلاثه اقسام ..
معلومات شخصيه ...
العمل والتعليم...
واﻻسره
ودفع رسوم 550دوﻻر كندى (للفرد) عند التقديم (ﻻ تسترد)
واﻻنتظار بضعة اشهر
بعد التقديم يقوم مكتب اﻻستقدام بدراسة الطلبات واﻻتصال بمن يستوفى الشروط
للمعاينه وابراز الشهادات اﻻصليه...
شوف صوره من الفورم
http://www.cic.gc.ca/english/pdf/kits/forms/imm0008e_SW.pdf
مزيد من التفاصيل فى الوصله ادناه
http://www.cic.gc.ca/english/applications/guides/ESapTOC.html
قبل يومين قامت الوزاره بتسهيل اجراءات استخدام العماليه اﻻجنبيه المؤقته بواسطه
الشركات الكنديه ..
كل ذلك بسبب النقص الحاد فى العماله الماهره الذى تعانى منه كندا خاصه فى
وﻻية البرتا ...
|
|
 
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
اﻻخ محمد عثمان
طبعا اول واحد ناقم اخونا عزالدين محمد عثمان من ناس سانت كاثرينز ...
كان شغال فى الطيران المدنى ومن ما وصل هنا ما شايف غير الشلهته والعذاب..
لكن والله برغم السجم الفيها برضو فيها حاجات كتيره كويسه ..
على اﻻقل احسن شويه من الهجره للبلدان العربيه واﻻفريقيه ...
اهو فى لسه فى ناس عندها الرغبه للهجره ..علينا نحن نساعدهم
بالمعلومه وبعد داك ياكلو نارهم
كل الود
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
يا محمد عثمان لازم تعرف ان الناس يسمون كندا جنة الله فى الارض .. وفعلا هى جنة الله فى الارض ..هل هناك اى دولة فى العالم لمن تمشى الاجزخانة تشيل الدواء _وانا بقول تشيل مش تشترى_ لان العلاج والدواء مجانا لكل المواطنين الكنديين_ الصيدلى يقول ليك انت امشى البيت وحنجيب ليك الدواء فى البيت.. وبعدين فى حقيقة ثانية ان ولاية البرتا الكندية اصبحت اغنى ولاية فى امريكا الشمالية( يعنى بما فيها ال51 ولاية امريكية- واعلنت حكومة البرتا ان اى واحد مرتبه يقل عن 4 الف دولار شهريا بيعتبر عائش تحت خط الفقر وعنده حق يشحد من الحكومة .. وحاجة ثالثة ان كندا بالنسبة لامريكا فعلا جنة لان الجرائم التى نراها فى امريكا وخاصة فى نيويورك عند الكنديين بيشوفوها فقط فى الافلام .. وعشان كده قررنا نحن العائشين فى جهنم -فى نيويورك نتوجه الى البرتا فى كندا-جنه الله فى الارض
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
اﻻخ السر
يازول جنة شنو؟؟؟
يمكن مقارنةً بنيويورك وهارلم وكوينز.. تكون فعلا جنه ...
كلامك فيهو بعض الحقائق مثل العلاج فهو مجانى فى كثير من الوﻻيات مثل اونتاريو
لكن فى البرتا يدفع الفرد 44 دوﻻر فى الشهر للكرت للصحى ,اما الدواء فهو
بقروش (كتيره) اﻻ لغير المستطيعين
بالنسبه لوﻻيه البرتا فهى فعلا اغنى وﻻيه فى امريكا الشماليه ...العنوان
الرئيسى للصحف المحليه امس كان يقول ان اﻻحتياطى من النفط فى الوﻻيه
يفوق اﻻرقام الرسميه بكثير ....
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
اها يالنصرى غير المستطيعين ديل هم المرتباتهم بتقل عن مستوى تحت خط الفقر .. وبعدين انت ما جربت تعيش فى نيويورك ولا شنو .. والله الحياة هنا توتر نفسى 24 ساعة و ممكن تفقد حياتك عشان واحد عاوز يجرب المسدس بتاعه ويقوم يديك طلقة فى راسك بدون سبب. ولازم تتذكر انه فى كل ثانية فى زى 20 شخص بيتلوا فى هارلم وبروكلين .. وبرضه تقول كندا ما جنة الله فى الارض .. وبعدين معاملة السلطات الامريكية للاجانب بعد مصيبة 11 سبتمبر بقت معاملة ......عينيك ما تشوف الا النور!!
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
عثمان حسن
اشطر زول فى مدرستنا ...
معقول معانا بجاى ..
ان شاء الله تكون خليت الجن بتاعك داك ......
الف دشليون مرحب بيك ياحبيب فى البورد
----------------------
السر اخوى
| Quote: وبعدين انت ما جربت تعيش فى نيويورك ولا شنو |
ياخى انا مره وانا جديد لنج فى فلاتبش بروكلين نيويورك صاحبى مرتضى اشترى ليهو
عربيه قديمه ومكسره
وانا فرحان برخصه السواقه الجديده بتاعتى طلبت منو مفتاح العربيه ..
اها عربيتو دى شفتها مره واحده فى حياتى..
والعربات كلها تتشابه عندى وقتها ...
مشيت لشلاقتى اعافر المفتاح فى عربيه تانيه ...
يا زول حرم اخدت لى دقه عمرى ما اخدتها فى حياتى وبعد مجهود وتدخل اوﻻد
الحلال خلونى وعرفو انه ده كان خطا غير مقصود .....
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: Haytham Abdulaziz)
|
يا عزيزى محمد عثمان .. حكاية البرد دى بقت حكاية عادية جدا جدا ..وفى ولايات فى نيويورك البرد يدخل العضم .. وبعدين ماتنسى انه البرد احسن من السخانة لانك فى السخانة اخلاقك تكون فى نخرتك .. اما فى البرد فمزاجك يكون رائق .. اما فى ولاية البرتا البترولية فانت ما بتحس بالبرد الا لفترة دقائق من خروجك من البيت وحتى دخولك العربية ومن العربية لداخل البيت لان الاماكن كلها مجهزة بالتدفئة .. والكلام ده كله من شهر نوفمبر وحتى شهر مارس وباقى الشهور الجو ربيع .. ياخوى ما تتغشا بكلام النصرى وتعال جارى سريع وما حتندم وفعلا حتحس انك عائش فى جنة الله فى الارض .. وخاصة اذا انت عائش فى امريكا السجم والرماد..بلد الرعب والخوف.. المهم نحن قاعدين نعد العدة وبنستف العفش للهجرة لولاية البرتا البترولية ..لان اعلانات الشركات الكندية فى هذه الولاية وصلت هنا فى الصحف الامريكية وفيها اغراءات تسيل لها اللعاب .. ما تتاخر يا محمد وتعال سريع قبل ناس النصرى ما يكملوا بلايين البرتا
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
الاخت الكريمه دوما
اسف جدا للخطا الطباعى غير المقصود...
الغريب فى الامر اننى قمت بتعديله بعد دقائق لكن يبدو
اننى نسيت ان اضغط على زر الارسال ...
اعرف انك من قدامى الاعضاء فى المنبر ..
واعرف ان لكِ كثير من المواقف المشرفه....
لك الود والاحترام
الاخ هيثم عبدالعزيز
شكرا على المرور..
بالنسبه لسؤالك عن اللغه ...
المطلوب اثبات انك "بتطقتِك" الانجليزى..
لاحظ الكلمه "اثبات"
هذا الاثبات يمكن يكون فى المعاينه ولايحتاج لشهادات...
سلام يا ابوريش
كنت كل يوم برجع البيت حوالى الساعه 3-4 صباحا فى
واحده من اخطر الاماكن فى نيويورك ...و غالبا بمر بجماعات بلعبو قمار فى الشارع...
لو شافنى اى زول اصلو ما حيفتكرنى عندى اكثر من 200-250دولار فى جيبى
طريقه اللبس والمشى واشوت العلب الفاضيه فى الشارع بطريقه
هستيريه ...اخرج اصوات غريبه...اتوقف عن المشى فجاه ..انظر للسماء
لعدة ثوانى ...مرات امشى لوراء ..ومرات امشى بالحنبا ..
باختصار بعمل مجنون ومفلس كمان .. لغاية ما اصل البيت ....
الحمد لله اكثر من سنه ولا حادثه واحده فى طريق العوده
السر اخوى
Quote: لان اعلانات الشركات الكندية فى هذه الولاية وصلت هنا فى الصحف الامريكية
وفيها اغراءات تسيل لها اللعاب |
لو انت لحّام مكرب تعال الليله قبل بكره ..
ولو كنت بتعرف تركب مواسير البترول اركب الطياره حسى ..
| |
|
|
|
|
|
|
|
|
 Re: التقديم للهجره لكندا اصبح امرا سهلا (Re: النصرى أمين)
|
Quote: الاخ هيثم عبدالعزيز
شكرا على المرور..
بالنسبه لسؤالك عن اللغه ...
المطلوب اثبات انك "بتطقتِك" الانجليزى..
لاحظ الكلمه "اثبات"
هذا الاثبات يمكن يكون فى المعاينه ولايحتاج لشهادات... |
الأخ النصري كيف الحال...
كما عُلمت بأنه لازم تكون هنالك شهادة IELTS و هو إمتحان القدرة على التخاطب بالإنجليزية و هنا في الخليج كثيرُ من المعاهـد التي تعمل كورسات و من ثم التقديم للإمتحان سوى كان في المجلس البريطاني او جامعة كامبريدج .. و هنالك نسبة لازم تنجح فيها بالنسبة للهجرة العامة و ليس الأكاديمية و على ما أعتقد هي 7 OverallScore
هذا خلاف الإمتحان بالنسبة للطلبة في المساق الأكاديمي. و عليه أرجو الإفادة بخصوص هذا الموضوع.... و شكــراً
هيثـــم....
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
أحب أن أضيف لما أورده أخي النصري بخصوص اختيار المنطقة المثلى للاستقرار في كندا تجربتي الخاصة في هذا المجال ـ فقد اخترت مقاطعة كولومبيا البريطانية لأنها أدفأ الأماكن في كندا وبالفعل حين نزلت في مدينة فانكوفر وجدتها واحدة من أجمل الأماكن التي رأيتها: مدينة تشرف عليها جبال تكللها الثلوج و غابات دائمة الخضرة ذات أشجار بأحجام هائلة لدرجة لا تصدق وجو رائع جدا. لكن المشكلة أنني فوجئت بأن أغلب سكان الحي الذي نزلت فيه وقد كان ريتشموند هم من الصينيين بل إن جزء كبير منهم لا يجيد الانجليزية ويتكلمونها بلهجة عسيرة الفهم وبدا لي أن أغلب سكان الولاية هم من الصينيين. بحثت عن سودانيين فلم أجد أحدا وبدا لي أن العثور على عمل مستحيل مالم تكن تجيد اللغة الصينية التي تنقسم إلى لغتين هما الكانتونيز والماندارين و لايفهمون بعضهم بعضا وشكا لي جاري الصيني الواصل حديثا أنه غير قادر على العثور على عمل لأنه يتكلم لغة الماندارين ولا يتكلم اللغة الأخرى المطلوبة أكثر أو العكس لا أذكر بالضبط! فما كان مني إلا أن حزمت حقائبي وحضرت إلى تورنتو وكانت خيبة أملي عظيمة فقد وجدت نفسي في مدينة تكاد تكون جميع بيوتها مبنية على الطراز الفكتوري القديم الذي يكسوه الطوب الأحمر وهي كعلب الكبريت متشابهة بحيث كان يصعب علي تمييز البيت الذي أسكن فيه ـ بالمقارنه بمنازل ريتشموند التي كل منها له طراز معماري مختلف وألوان مختلفة وحديقة كبيرة رائعة فقد بدت تورنتو قبيحة جدا في نظري J مدينة صناعية بحته بالمقارنه بفانكوفر السياحية.
ولازلت أحلم بالعودة إلى فانكوفر!
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: محمد عثمان الحاج)
|
أخي الفاضل النصري.. شكرا على هذا البوست الخدمي.
أرجو الإفادة في إجابة مفصلة: ما الفرق بين التقديم المباشر والتقديم عن طريق المكاتب المتخصصة في الهجرة إلى كندا؟ هل تقدم المكاتب ضمانات وفرصا أكبر للنجاح مقابل مبلغ الـ3500 دولار التي تأخذها (في الإمارات تطلب هذه المكاتب مبلغ إجمالي قدره 5500 دولار)؟
ولك ولزوار البوست كل التقدير والاحترام.
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
| Quote: واعلنت حكومة البرتا ان اى واحد مرتبه يقل عن 4 الف دولار شهريا بيعتبر عائش تحت خط الفقر وعنده حق يشحد من الحكومة .. |
البرتا دا اسم مسجل رسمي عندنا لقبيلة...
بلاي بي قروشهم الكتيرة دي اي برتاوي
يمشي يتسلبط فيهم...
واذا عندنا مليون برتاوي...وكل برتاوي يعيشوه معاهم في خط الفقر...
معناها دي مليارات شهرية كاش...وكان كل برتاوي جانا اجازة من البرد
حا نخرج نحن من خط الفقر.
ولله في قروشه شئون.
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: السر عبدالله)
|
Quote: ونحن مغادرين نيويورك الاسبوع القادم متوجهين لولاية البرتا الكندية عشان نلحق ناس النصرى ونكنس الدولارات كنس معاهم
|
يا ربي بجي زمن الكنديين ديل يكون عندهم بكري وعندو بورد في السودان
ويقولوا
I am leaving this night to Al-Barkal, the living standard there is very high compare to
where I am staying,I have seen the place on
Sudania TV show, The whole programme is here ====
Once I settle there I will give you
a cell call.
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: nazar hussien)
|
والله يا نزار ممكن .. طبعا فعلا اذا كان مستوى المعيشة فى البركل فعلا بقى زى مستوى المعيشة فى مدينة فانكوفر الكندية والتى اثبتت الاستفاءات العديدة التى اجرتها الصحف والمجلات الامريكية بانها احسن مدينة فى العالم من حيث الامن والنظافة ومستوى المعيشة .. وطبعا يترول السودان البسمع عنه ممكن يحول السودان الى دولة اخرى اذا كانت هناك ادارة حكيمة ونزيهة
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: السر عبدالله)
|
| Quote: ونحن مغادرين نيويورك الاسبوع القادم متوجهين لولاية البرتا الكندية عشان نلحق ناس النصرى ونكنس الدولارات كنس معاهم |
يا أخي السر استهدى بالله وما تفارق يورك الجديدة.. خليك مع ترليونات الوول ستريت! وكترة الحوامة ما كويسة 
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: محمد الأمين موسى)
|
والله يا محمد دى ما يورك الجديدة دى يورك القديمة الاقدم من الكسرة .. وبعدين العيشة فى نيويورك كلها قلق وتوتر نفسى .. ونحن بنفتش للراحة النفسية قبل الفلوس .. وما تصدق نحن جارين لكندا عشان القروش بس .. كندا فيها امان واستقرار ولقينا نيويورك دى اشاعة ساكت الخارج منها مولود والداخل اليها مفقود
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
اﻻخ محمد اﻻمين موسى
اجابة اﻻخ السر على سؤالك ضافيه ووافيه جدا جدا ...
هذه المكاتب تستفيد من "رهبه" الناس من التقديم
وتقوم بملء اﻻورنيك بدﻻ عنهم ..
هذا كل ما فى اﻻمر ...
اﻻن يمكن ﻻى شخص القيام بهذه المهمه البسيطه
بدون الحوجه لطرف ثالث ....
الشئ المهم جدا (فاتنى ان ازكره فى بداية البوست)
ان مقدم الطلب يمكنه ان يعين ممثل له Representative..
هذه الممثل يمكنه اﻻتصال بالوزاره و معرفه موقف الطلب
وانواع الممثل
مدفوع اﻻجر :-
وﻻ بد انه مسجل للوزاره وعضو باحدى الجمعيات المتخصصه
وغير مدفوع اﻻجر:-
وقد يكون صديق قريب الخ
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
اﻻخ محمد عثمان
شكرا على المرور
انا عشت فى فانكوفر فى منتصف التسعينيات
اصلو ما نفعت معاى ...
جمال وخضار وجبال....
مناظر خلابه وكبارى معلقه فى الوديان ...
ومناخ ساحر ....
ومنظر الحيتان كيف كيف وانت ماشى للجزيره العجيبه ديك ..
والطيور الملونه والفراشات....
ده كلو ما عجبنى ..
نحن ناس بتاعين واحد زائد واحد بساوى اتنين
ياخى نحنا الشعر ما بنقراهو عشان الرومانسيات دى
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
اﻻخت دوما
فعلا معظم اﻻغنياء لمن ينزلو المعاش بشترو بيت فى فانكوفر
ويعيشو حياه هادئه ومريحه بعيدا عن الثلوج ...
اﻻخ نزار حسين
شكرا على المرور
ما تسمع لى كلام السر اخوى ده
ده كلام خارم بارم ساكت
يازول كالغرى دى فى كميه من homeless ﻻ تخطر على بال
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
السر
ضيفنا الدائم
| Quote: احب اقول ليك ان تورنتو هى اسوا مدينة فى كندا |
من ناحيه الجريمه
واسلوب الحياه يا ها نيويورك زاتها ..
مافى فرق .....
مدينه كبيره كرش فيل فيها كل حاجه ...
تنفع للزول حديث غربه ﻻنو ما بشعر انو وحدانى
فى مجتمع جديد ..
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: khalid abuahmed)
|
يا نزار الHomeless البتكلم عنهم النصرى ديل الحكومة بتديهم مرتبات شهرية قدر مرتب وزير الخارجية فى السودان .. دحين يل خوى اذا انت عندك طريقة تعال سريع قبل ما ناس النصرى يكملوا دولارات البرتا .. واذا انت قاعد فى امريكا ما تنتظر دقيقة ولمن تجى هنا حتشوف الفرق بين النار والجنة
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: السر عبدالله)
|
أفيدونا يا أحبابنا "السوكنديين" (سودانيي كندا!): هل هناك فرص استثمارية لمن له مدخرات بحيث يستثمرها وفي الوقت نفسه يتفرغ للدراسة؟ وإن وجدت مثل هذه الفرص، ما الحد الأدنى لرأس المال المطلوب؟
أهدافي الرئيسة للهجرة إلى كندا، أهداف معرفية (دراسات فوق الدكتوراه وغيرها).
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: محمد الأمين موسى)
|
| Quote: هل هناك فرص استثمارية لمن له مدخرات |
| Quote: أهدافي الرئيسة للهجرة إلى كندا، أهداف معرفية (دراسات فوق الدكتوراه وغيرها |
ولد دا !
الهجرة عندكم وتقيف...
نحنا غايتو كان لقينا طريقة لكندا دي..دايرين نشتغل
ونصرف قروشنا هناك محل ماجبناها..نعيش شبابنا ونشوف لينا
يومين حلوين في الدنيا الفانية دي..اها ورونا آخر الشمارات..؟
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
النصري و ضيوفه,
والله بوست لذيذ جدا و مفيد,
خاصة حوار( تجارب نيويورك)..
أها يالسر عبد الله أنا متاااابعك و حاسي بيك !
و أنا أقول ليك مع أبو الريش:
| Quote: مافى حاجـة واصل نومك.. دا ضـرب رصاص! |
دحين إنت سيبك من تكون وين في كندا
المهم إتخارج من البلد العجيبة ديك
حكاوي النصري و أبو الريش كلنا مرينا بيها
و أنا بختصر حكاوي بأني اكتشفت في نيويورك أني شخص بي سبعة أرواح
كندا عموما من أأمن بلدان العالم الغربي.. ! if i'm right here
خدمات ممتازة لكل من هو مقيم بي صورة قانونية, فرص جيدة للأسر و طلاب التحصيل بأنواعه, علوم.. حرف و كل أنواع الرغبات المتعلقة بالإبداع و الموهبة,
البرد ما فيهو خيار و فقوس كتير خاصة في أماكن تركز السودانيين .. أها الجاي كندا يهئ نفسه للتصالح مع البرد أي كان و يركز علي الهدف من الهجرة ليها!.. الكوتات و الجوونتات و الفازلين و التدفئة راقدة بس جيبو معاكم شوية ودق و بخور تيمان,
الهجرة نفسها تتعد طرق التقديم و الدخول ليها, أي كندا, بحسب المكان القادم منه الشخص و بحسب نوع تطلعاته و إمكانياته سوى المعرفية أو المادية , أسهل و ضع هو للقادمين من أمريكا, ممكن يتلبو بالحيطة و بعداك الحكي هين !, جماعة الإستثمار و الدرجات العلمية العالية أخير ليهم الدرب العديل(أقرب سفارة كندية) تسبقها شوية مذاكرة في الإنترنت لزوم ضرورات التعاطي مع القوانين و التعامل مع المسؤولين و كده,
بالنسبة لي ألبرتا الناس ممكن تتابع مع ناس النصري و الراجل شيخ بلد كان ألبرتا كان غيرها, التركيز يكون علي دخول كندا أولا بعد داك حكاية الواحد يقبل علي وين هينة,
محمد الأمين 100,000 دولار minimum بتكرب ليك مشاريعك, إستثمار و تحصيل,
عجبني سؤال أبو الريش لي doma:
doma:Quote: يعني ماكون جايين البلد
السجم علينا نحن الراجنكم تغيروا الحال |
Abureesh:Quote: دومـة سـلام..
راجينهـم وين؟!! |
دحين يا doma إنتي مش مارقاها في بلاد الواغ الواغ !
تخريمة:
إنتو دحين البلد ديك ما ناوية تقلع الكيزان و تستعدل?.. هو بترول ولا شربوت?..
و زي ما قال نزار حسين القاعد للناس في حلقها | Quote: هنايا ربي بجي زمن الكنديين ديل يكون عندهم بكري وعندو بورد في السودان |
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: Elmuez)
|
يا محمد الامين .. يادوب انت لقيت مرادك.. اذا انت جاى تستثمر تكون اختصرت مراحل كثيرة جدا من خطوات الحصول على الاقامة الدائمة .. لانك وبمجرد اتصالك بالسفارة الكندية وتقول ليهم انا عندى 100000 دولار كندى وعاوز احولهم كندا للاستثمار حيدوك اورنيك تملاه وتجيب ليهم ما يؤكد انك حولت المبلغ لبنك كندى وفى الحال يمنحوك تاشيرة لكندا وفى مطار تورنتو حتقابل موظف هجرة لطيف جدا ومبتسم(مش زى موظفى الهجرة الامريكان الذين يعتبروك ارهابيا بمجرد رؤيتك)ويقول مرحب فى وطنك الثانى كندا ولغاية ما تاحد الجنسية ونقول ليك كندا وطنك الاول ويسلمك الاقامة الدائمة فى المطار ويقول ليك يا محمد الامين عشان انت جاى مستثمر انت ممنوع تاخد اعانة من الحكومة لمدة سنة وبعد سنة اذا فلست تعال لينا نساعدك!!
بس يا محمد الامين المبلغ المطلوب من ادارة الهجرة كشرط للحصول على الاقامة الدائمة فى كندا انا ما متاكد منو.. احتمال 100000
دولار واحتمال 150000 دولار( ولازم تعرف ان الفرق بين الدولار الكندى والامريكى 6 سنت فقط وشهر يناير القادم حيكون دولار بدولار) لكن اخونا النصرى بيكون عنده الخبر الاكيد بالمبلغ المطلوب .. لكن اذا انت قدرت تدخل كندا بالنقاط وتحصل على 67 نقطة فان مبلغ 50000 دولار كافى عشان تبدا بيزنس معقول
بس تعال سريع ما تتاخر وانا يوم الجمعة القادم حاكون فى ادمنتون ومفارقين نيويورك للابد
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
باشمهندس النصري سلام
ليك وحشه والله..
انا داير اأكد على كلامك
انه كندا أفضل مكان للعيش
وصدقني انا ببوس يدي وش وظهر
على النعمه النحنا فيها والحمد لله
وانا احرض الجميع على التيمم شطر
كندا .. ولكن إختلافي كان في ان
نعطي الناس الحقيقه في موضوع ان
يجد الشخص عمل في مجال تخصصه فهذه
دونها خرق القتاد(حلوه دي؟)
اما ماعدا ذلك فهي جنة الله في الأرض
وفيها الضمان الاجتماعي يوفراشياء
كثيره لذوي الدخل المحدود مثل
بيوت الحكومه ذات الإيجار المدعوم
الدواء..كسوة الشتاء للأولاد..الرجوع للمدرسه
بعد الإجازه..وحتى علاج الأسنان للأطفال
وماشابهها..وبقول ليكم كلما هو سوداني موجود
في كندا حتى الصعوط ..
اتمنى ان أشوفكم كلكم بي هنا في سانت كاثرينز
المدينه الحنينه..ومن هسه معزومين قراصه بي
دمعه وكسره بي ملاح لايوق احمر..
ولكم مودتي
كسره
يالنصري تحياتي لعماد والأسره
وياريت لو اديتني تلفونهم
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
اﻻخ محمد اﻻمين
الحقيقه انا ما عندى فكره كبيره فى هجره رجال اﻻعمال ولكن موقع الوزاره يلخص الشروط فى
اﻻتى:-
المستثمرين وراس المال المطلوب $800,000
رجال اﻻعمال وراس المال المطلوب $300,000
واعمال حره self employed او وﻻيحتاج ﻻى راس مال ويشمل الفنانين والرسامين
والرياضيين (طبعا على مستوى عالمى وليس محلى)
الوصله دى فيها تفاصيل اكتر
http://www.cic.gc.ca/english/business/index.html
احد اﻻصدقاء متخصص فى هذا النوع من الهجره ,ساعلمه باﻻمر
اﻻخت رشا
| Quote: نعيش شبابنا ونشوف لينا يومين حلوين في الدنيا الفانية دي |
غايتو نحنا لينا 15 سنه ما عشنا اليومين الحلوين ديل
شغل شغل شغل .....دوامه ﻻ عندها بدايه وﻻ نهايه
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
سلام يامعز
شكرا للمداخله الدسمه
| Quote: المهم إتخارج من البلد العجيبة ديك |
غايتو يا معز اخونا السر عبدالله ده شكلو حيتهور ويجينا بجاى ..
نحملك المسئوليه عن اى احباطات يمر بيها
يا السر
طالما نويت وستفت الشنط وناوى تجى تكنس الدوﻻرات معانا ابقى اتصل تلفونيا
وناس ادمنتون بتلقى النمره عندهم ...
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
شكرا يا النصرى ساتصل بك بمجرد وصولى لادمنتون
ويا محمد الامين .. اها قبيل كلمتك عن الاستثمار وما ادراك ما الاستثمار .. وهسع اسمع عن غرضك الثانى .. القراية والمعرفة__ كندا هى بلد القراية والمعرفة والدراسات العليا على قفا من يشيل .. والجامعات تشاكل فيك شكل وفى هنا جامعات بتنافس هارفارد واكسفورد والسوربون ومنها جامعة ماك قيل فى مونتريال وجامعة ماك ماستر فى هاميلتون وجامعة تورنتو العتيدة فى تورنتو وجامعة ادمنتون والكان بيدرس فيها الدكتور الشوش .. وطبعا لمن تقدم للدراسات العليا وتملا اورنيك التقديم لازم الشهادة الجامعية بتاعتك ترسل مباشرة من الجامعة التى درست بها مباشرة الى الجامعة الكندية فى ظرف مختوم بالشمع الاحمر .. وبعد كدة تقدم ل-Loan وفى مكتب داخل الجامعة بيختص بالسلفيات دى واسمها مكتب الاوساب ويدفعوا قروش الدراسات العليا على داير المليم ومعاها قروش السكن والاكل واللبس ويقولوا ليك بعدما ما تتخرج وتشتغل ابقى سدد لينا القروش دى على راحتك وحنديك فترة سماح بعد التخرج فترتها 6 اشهر وبعدها تبدا التسديد .. وبعد داك اذا ما عندك القروش اطلب فترة سماح ثانية .. والتقسيط 90 دولار شهريا... بالله يا محمد فى ناس اطيب من الناس ديل ؟؟
كده امشى حاول تقدم دراسات عليا فى امريكا عشان تشوف الويل .. طبعا انا جربت اقدم فى جامعة سان جونز فى نيويورك وعينيك ما تشوف الا النور .. اولا اسئلة منكر ونكير عن هويتك وفصلك ودينك وهل انت ارهابى ام لا ووضعك القانونى فى امريكا وشغال شنو وهل بتقدر تدفع رسوم الدراسة وحتجيب القروش دى من وين .. وبعد ده كله وبعد شهرين من المماطلة يرسلوا ليك جواب بيبدا بكلمةunfortunately ويقولوا ليك ما حنقبلك لانه وضعك المالى لا يؤهلك للدراسة.. طبعا انا كنت مفتكر يقولو مستواك العلمى .. لكن لا .. القروش دى اهم حاجة وبعدين ما تنسى انو اسمك بيمشى لخمسين جهة امنية عشان يتاكدوا انك ما ارهابى.. اما فى كندا فانك تقبل معزز مكرم وبدون وجع دماغ
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
سلام يا عزالدين
فعلا .....شغل الناس فى مجال تخصصهم مشكله كبيره جدا
خاصه للناس البتلقى صعوبه فى مزاوله حرف جديده لم يالفوها ....
احكى ليك قصه
ابن اختى هو اﻻن صيدلى بدرجة مدير فى احدى اكبر الشركات
فى بريتش كولومبيا ...
ﻻ تتخيل كمية المعاناه التى عاناها لغاية ما ياخد الشهاده
بممارسة الصيدله ...
من اطرف اﻻشغال التى اشتغلها اثناء التحضير للامتحانات
العمل فى احدى المزارع المتخصصه فى زراعة "الصارقيل"....
يقوم العمال بتعبئة الصارقيل فى برطومانيات و يباع فى السوبرمات
مع اﻻجبان و اﻻيسكريم ...
فتره من الفترات كنت مرضان صيد سمك ..
بمشى اشتريه من السوبرماركت بدوﻻرين ونص..
ولمن افتح برطمانية الصارقيل القاهو ليك يتلوى
فى الطين سمين ومدغلب
شكرا ياعزيزى على المرور
ما عندى تلفون عماد لكن عندى تلفون خالد سابعثه لك بالماسنجر
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
سلام يا اخ النصرى
والله البوست بتاعك دا فتح شهيتنا لى الهجرة الى كندا
بس عندى بعض الاسئلة ارجو الرد عليها:
ال 550 دولار كندى بتعادل كم دولار امريكى؟
واحسن اقليم او مدينة لى ناس الزراعة حملة الدكتوراة فى مجال Plant Molecular Breeding (Particularly, in the area of molecular breeding of drought tolerance in Spring wheat)؟
اخر سؤال الشغلة دى بتاخ كم شهر عشان تعرف النتيجة؟
مع تحياتى
سيف الدين
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: Seifeldin Ibrahim)
|
الشكر الجزيل لكل الأحبة الذين سعوا لتقديم إجابات عن تساؤلاتي.. في الواقع أنا لا أنوي الهجرة إلى كندا كمستثمر (وليست لدي الإمكانيات لذلك)، بل أسعى للهجرة ضمن أصحاب الكفاءات - إذا لم تخنا كفاؤتنا - ولكني عوض أن أصرف كل مدخراتي في تحصيل المزيد من الدراسات فوق الجامعية، قلت لما لا أبحث عن طريقة تجعلني استثمر مدخراتي في مشروع يدر أرباح مناسبة تمكنني في تغطية نفقات الدراسة والنفقات الأسرية، دون أضطر للعمل لساعات طويلة قد تأثر على تحصيلي المعرفي.
ولكني فرحت جدا عندما أوردتم معلومة مفادها أن هناك تسهيلات كبيرة في مجال تمويل الدراسات العليا وهذا أمر مشجع.
للمعلومية:
لقد قدمت للهجرة في بداية هذا القرن وخضت لمقابلة بعد ثلاثة أشهر من أحداث 11 سبتمبر. حصلت على 63 نقطة بالرغم من أنني منحت 0 درجة على الوظيفة، لأني قدمت كصحفي، وفي الوقت الذي كنت أعمل مخرجا صحفيا ومحاضرا جامعيا متعاونا، ولم يكن لدي دليل يثبت ممارستي لمهنة الصحافة كمحرر لفترة كافية.
أقول لأخي السر عبدالله
أما كفتك دموع يورك الجديدة.. وأنت مصصم على هجرانك! لا تفارق .. ولا تترك الدفء النيويوركي(حتى وإن خرج من أفواه المسدسات المتعطشة لحرية التعبير) لتحتمى بالبرد الكندي!
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: محمد الأمين موسى)
|
يا محمد الامين احب اقول ليك ان البرد الكندى احسن وافضل الف مرة من رعب نيويورك والقتل بدون سبب .. وهسع انا بكتب ليك البوست ده وانا وصلت داخل الحدود الكندية وبالتحديد فى مونتريال وفى الاسبوع القادم ساتجه الى ولاية البرتا.. وقد تنفست الصعداء بعد ان اعلن سائق البص باننا داخل الحدود الكندية واننا قد غادرنا ولاية نيويورك ... وزال الخوف والرعب ... وشتان ما بين الجنة والنار .. وسوف احكى لك المزيد عندما اصل الولاية الغنية المسمى البرتا .. ويا النصرى هوى .. انا جيتكم وساصل ادمنتون الاسبوع القادم وساتصل بك تلفونيا بمجرد وصولى .. طبعا انا محضر معاى الشوالات الفاضية عشان نخم الدولارات خم
ويا محمد اذا انت تحصلت على 63 نقطة تكون خلاص قربت لان المطلوب 67 نقطة فقط .. يعنى اذا زدت سنوات الخبرة حتحصل ال67 بكل سهولة .. يلا شد حيلك
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
اﻻخ سيف الدين ابراهيم
Quote: Plant Molecular Breeding (Particularly, in the area
of molecular breeding of drought tolerance in Spring wheat |
)؟
ياخى ده كلام كبار خلاص ....
الناس ديل حسب علمى بموتو فى ناس البحوث Research
احسن الجامعات الزراعيه اعتقد انها فى مدينه Guelph فى مقاطعة انتاريو وتبعد
من تورنتو حوالى ساعه ...
اقترح انك تقدم ولن يطول انتظارك ...
بالنسبه للدوﻻر الكندى فهو يعادل حوالى 87 سنت من الدوﻻر امريكى ..
معنى كده رسوم التقديم بالدوﻻر اﻻمريكى حوالى 478 ...
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
غايتو يا النصرى اذا كان سيف ده وصل كندا بالتخصص الزراعى الكبير بتاعه ده ممكن يلحق بيل غيتس فى سنتين وخاصة اذا مشى ولاية ساسكاتشوان الزراعية .. وطبعا التخصص بتاعه ده ما فهمنا منه حاجة لكن قرينا كلمة plant وكلمةwheat وزى ما انت عارف المزارع فى كندا قدر شنو؟؟ ولا انت نسيت مزارع نياجرا اون ذا ليك وجوردان وزارع التفاح والكمثرى وطبعا اذا سيف عنده التخصص النادر ده ممكن يدوه مزرعة 500 وفدان والاراضى فى كندا على قفا من يشيل .. وانا سمعت ان وزارة الزراعة الكندية بتدى المزارع مجانا للمؤهلين والعندهم خبرة وراسمال معقول .. المهم يا سيف حصل !!!!
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: محمد الأمين موسى)
|
يا محمد الامين ان شاء الله انا حاصل البرتا يوم الاثنين بعد غد الساعة عشرة بالليل وناوى انزل الشغل الساعة 11 بالليل يعنى بعد ساعة من وصولى .. ولازم تعرف بانه انا ما شفت البرتا قبل كده وعلى ما سمعنا بن الشغل متوفر لدرجة انه الواحد يلقى شغل بعد ساعة من وصوله .. وبعدين اول شوال دولارات حنرسله ليك عن طريق سواكن لانك قلت طريق بوؤتسودان بيتاخر ... ويا سيف الدين .. دعواتنا معاك ,,, قدم اوراقك وما حتندم واذا عاوز اى مساعدة او قالوا ليك عاوزين عنوان هنا او Reference قول عوك ونحن تحت الخدمة
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: السر عبدالله)
|
السلام عليكم
الاخ سيف وريني استقريت علي اختيار ياتو ولاية عشان اشف منك اصلي التخصص واحد تقريبا
في الفورم دا في سؤال عن القروش في فقرة 25 تحويلك لكندا الحد الادني كم؟ يعني لو عندنا
مئات الدولارات مارقين لشنو؟؟؟ رشا الايام الحلوة في السودان راقدة بس من غير قروش
ما بتبقي حلوة اصل الناس هنا معاك علي قدر قروشك .....
سؤال تاني عن بقية الاجراءات يعني الفورم يرسل لسفارة القاهرة و القروش تحول ليهم
ولا كيف؟؟؟
احسن ولاية من ناحية مناخ جيد ومريح شنو؟
سلام
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: السر عبدالله)
|
| Quote: احسن ولاية من ناحية المناخ ولاية اونتاريو |
الآخ السر... أترقب بتوجس وصولك إلى ألبرتا وإنشاء الله تجدها كما تتوقع ـ المقالب عندنا هنا كثيرة !!!
الأخت سودانية ـ من ناحية الجو أحسن ولاية هي بريتيش كولومبيا حيث أن الجليد لا ينزل في مدنها الساحلية التي مناخها شبيه بمناخ البحر الأبيض المتوسط ودائمة الخضرة ـ أما أونتاريو فمناخها بارد ويكسوها الثلج لعدة أشهر. الغريبة في الأيام الماضية نزلت الثلوج في فانكوفر في بريتيش كولومبيا وهو أمر نادر الحدوث مما جعل الصحف تتحدث عنه ـ ونزلت أمطار شديدة في تورونتو بدلا من الثلج وكأنما حصل تبادل في الأجواء بين المدينتين ـ فانكوفر تشتهر بكثرة الأمطار.
وتحذير للإخوة أصحاب المهن التخصصية ـ عليكم بمراجعة شروط العمل في مجال مهنتكم في الولاية التي تختارونها وزيارة مواقع الهيئات التي تنظم ممارسة المهنة في الولاية. وبصفة عامة ما لم يكن لدى الانسان خبرة كندية في مجال تخصصه فلايمكن الحصول على الرخصة ولا يمكن الحصول على عمل ما لم تكن لدى الشخص خبرة كندية وهذه غلوتية يصعب حلها! وفي الفترة السابقة للحصول على الرخصة يجب على الانسان أن يجهز نفسه للعمل في أعمال شاقة!
| |
|
|
|
|
|
|
|
|
|
Re: التقديم للهجره لكندا اصبح امرا سهلا (Re: النصرى أمين)
|
الاخ هيثم
المطلوب اثبات انك تجيد اللغه الانجليزيه(او الفرنسيه) تحدثا وقراءه وسمع ..
يقول موقع الوزاره ان احسن طريقه لاثبات اجادتك للغه عن طريق المعاهد(الشهادات)
المزكوره فى مداخلتك اعلاه ..
لكن ده ما بيمنع اى زول انو يثبت اجادته للغه من خلال تعليمه الجامعى
وطبيعة عمله التى تتطلب اجاده للغه الانجليزيه ....مثلا الذين يعملون فى
شركات امريكيه وكنديه فى الخليح يمكنهم بسهوله اثبات انهم يستعملون
اللغه الانجليزيه فى نشاطهم اليومى .....
موظف الهجره بيحدد كم من النقاط يستحق مقدم الطلب ....
مثلا مهندس بترول يذهب مؤتمرات خارجيه او سمنارات حيصل على نقاط
اكثر من محاسب يعمل فى احدى الشركات المحليه ولا يستخدم اللغه
الانجليزيه بنفس درجه مهندس البترول ..
المهم ..
فى النهايه الامر متروك ليك اذا شايف محتاج لشهاده معهد اللغه ام لا
| |
|
|
|
|
|
|
| |
السر عبدالله
doma
مكي المغربي
Haytham Abdulaziz
Abureesh
عزيز عيسى
محمد الأمين موسى
nazar hussien
khalid abuahmed
رشا سالم
عزالدين محمد عثمان
فيس بوك
تويتر
انستقرام
يوتيوب
بنتيريست