|
|
|
 Re: بـــــلــــــــــد (Re: عبدالماجد فرح يوسف)
|
عبد الماجد فرح يوسف
Quote: سلام مربّع للبــــلد يا ناجي أمانة في عنقك
أكتب الآتي في ورقة وأرميها في النيل
إني أعشق ترابك يابلد... عبدالماجد |
رايك شنو ....لو اجيب ليك النيل عندك ....
صورة رقم (1) غروب الشمس من مشرع مروى
| |
 
|
|
|
|
|
|
|
|
Re: بـــــلــــــــــد (Re: ناجى الزبير الملك)
|
وتانيها....
صورة رقم (2)
....
عليك الله دى بلد
صورة رقم (3)
دى مناظر ....
صورة رقم (4)
...
وردى بغنى على نيل بلادنا سلام....
صورة رقم (5)
....
ونخيل بلادنا سلام
صورة رقم (6)
يا ....
صورة رقم (7)
وجبل البركل
صورة رقم (
ويا نيل ويا ليل ....
صورة رقم (9)
صورة رقم (10)
......
ممنوع النسخ .....
| |
|
|
|
|
|
|
|
|
|
Re: بـــــلــــــــــد (Re: Ibrahim Algrefwi)
|
ناجي الزبير
لماذا لا نمارس أفتراع دروب وليدة تقودنا صراخاتها الي مخاض
الوطن وطفولة التراب!!!
قد يطول بحثنا و تتعفـّر خطانا برهق الترحال ولكن لا مناص من
الوطن... هل تراك تتعشّق هذه الخريطة ووجع المليون عشم مربع
وتضعها وديعة مستحيلة جواك مثلي؟؟
لا أشكّ في الأجابة فهي واضحة في نفَسك المريح القلق وانت تكتب
حرفين عن بلدي .. فتدمي أقلامنا شجنـاً ونكاد نحتار في ماهية
الحنين الذي يجتاحنا بين الفينة والأخري ونحن نجترّ الزمن الفسيح!!
أتفقّ معك في أثنتين
نمرة تلاتة شوق أضنينك لي حس النيل الحاضن النخلة
سبعة... الزاكرة المحشوّة عمداً بفرح المراكب ساعة المغريبة
و تختلف معي في حاجة واحدة....
1/ انا مسكون بيك
2/ جواي هبباي وخريف
3/ شايل وجعين ونزيف
4/أظنك عرفت
5/ ببكيك بي دمعتين تمرق ضحكة تفر سن الزمن بالفال
6/ عزابي معاك بريدك قبل ما تديني بطاقة العضوية في نادي الشوق
7/ عشان أهلك بخليك... و أشيل حسّي و أنده للوطن
8/بلد الخير أفريقيا زماني انا أفريقي انا السودان انا ام درمان
9/ يا بلد يا نييييييييييييل تعال ما تبتعد قرررررب تعااااااااال
10/أحبك حقيقة و أحبك ملاذ.....
ناجي الزبير
في حضرة جلالك يطيب الجلوس
ولكن العودة حتمية
أذن...!!!!
| |
|
|
|
|
|
|
|
|
|
Re: بـــــلــــــــــد (Re: AnwarKing)
|
| Quote: صقرين بطوبة (على وزن عصفورين بحجر).. |
انور السماااااااااااااااااااااااااحى على وزن زينهم السماحى 
......مشتاقين ......يا
وانت بالف خير يا انور ....
السنة الجاية ....زى ما انت داير وانا داير وحبيب نورة داير ....
لوووووووووووووووووول
| |
|
|
|
|
|
|
|
|
|
Re: بـــــلــــــــــد (Re: حبيب نورة)
|
حبيب نورة
...سؤال ...يؤرقنى ..دايما
(هل حقاً نحن نرث مليون ميل مربع )
لــــــــــــــكننا
ُنصِر دوما ...على أن نتنازع على حفنة من التراب تسوى ...
(ميل واحد) ....
ونترك ....
| |
|
|
|
|
|
|
|
|
|
Re: بـــــلــــــــــد (Re: ناجى الزبير الملك)
|
وانا يا ناجي
بقول ليك في ظل تراجيدية الأجابات السؤال
يعني بناور و ألولب شوية وأطعن ضل الفكرة
مع تنامي خوفنا مننا!! ومن الحقيقة الحضور
هل نحن حقاّ ورثة المستقبل!!؟؟
ام ترانا أسري لواقعنا المريض؟؟
| |
|
|
|
|
|
|
|
|
|
Re: بـــــلــــــــــد (Re: حبيب نورة)
|
لا فيضاُ يفوت الحد ....
.....
عقب يا نيل تكون ياكا ونكون أهل البلد بالجد
.....
حبيب انت عارف الشعراء ديل
عندهم حق ....
مصاقرين ....
النيل والنخيل والصحراء ......
وسليقة الجاو
| |
|
|
|
|
|
|
|
|
|
Re: بـــــلــــــــــد (Re: ناجى الزبير الملك)
|
يامراكبـي عدينا..
ناجي الحركة السمحة العاجباك دي
والمناظر دي ، تصدق انها كانت حياتنا قبال نتوه في مدن الرماد !!
الفلوكة او البنطون برنامج يومي لمدة ثلاثة سنة (المدرسة الثانوية)
الشمس وهى تطل جزلة من بين قمم النخيل ثم هى تحني رأسها مودعة من على قمم الجبال
ووو
الله يديك العافية ياناجي
وكان جبت الصورة دي من قريب كان وريتك ديل منو
كدى ارجع اتفرج واجى
| |
|
|
|
|
|
|
|
|
|
Re: بـــــلــــــــــد (Re: ملكة سبأ)
|
ملكة سبأ
بجيب ليك صورة من قريب ....لكن البرنامج عجبنى ....
بقيت اعدى بالشرق .....
وارجع فى المركب زاتا ....
والله عمرى ما أنسى النومة الأخدتها تحت ضل النخيلات ....والهواء وريحة الموية والطين ................
يالله
.....
حاجيك راجع ومعاى باقى الصور
| |
|
|
|
|
|
|
|
|
|
Re: بـــــلــــــــــد (Re: ناجى الزبير الملك)
|
......
أنا يا بلد .....مختار دفع الله
أنا يا بلد
مرسوم على خاطر الزمان والإندهاش
وأنا شلت احزان الفراش
لما الرشاش حرم الخدار ريحة الدعاش
يا بلد
ساعة الشمس بى نورا
تفقع فى الجروف
يتلاشى من عمقى الكلام
ويتوهو فى داخلى الحروف
شلت الضياع تيبان غتا
احزانى كيفن أكبتا
وأنا يا بلد
قلبى الولوف
لو جرحه داك فى يوم صحا
وعّدت سنين الفرحة
وصبحت بعيدة مروحة
يكتب مناحة على الزمن
أيامى فاتن روحن
واقف على باب الحزّن
والشوق مسافر يا بلد
وزاده فى سفره الطويل
أنّة وجع
وأنا خاطرى
لو فى يوم رجع
وحمامنا بى لحن السنين
دندن سجع
طرفى المساهر يا بلد
فى النوم هجع
بكتب على كل البيوت
أحرف غناى
وأرسم على كل الدروب
لهفة خطاى....واضحك براى
انا زى بلد
هام فوق ترابك
يابلد
مليون
حبابك
يا بلد وانا يا بلد
رغم الجراح
رغم النواح
لابس تياب العز وشاح
فى قولى كم بسمت
ورود
طلاها بعد الليل صباح
وأنا بيه كم خليت قلوب
عاشت على أمل السماح
وانا يا بلد
رغم المشاوير والخطى
الدايرة فى فلك الرتابة
شلت من عمرى الفرح
وقسمته للناس الغلابة
غنيتو بى صوتى الحنين
عطرة أنفاس الربابة
ولمحت صورتك فى الجداول
يوم تبالغ فى انسيابه
وهتفت فى كل الغيوم
الراحلة فى ارضك صبابة
وكتبت فيك يا السمحة
لامن فيكى كملت الكتااااااااااااااااااااااااااااااااااااابة
,,...و د ا ع اً الى لقاء
| |
|
|
|
|
|
|
| |
bayan
عبير خيرى
شمهروش
HOPEFUL
عبدالماجد فرح يوسف
Dia eldin khalil
Ibrahim Algrefwi
حبيب نورة
AnwarKing
ملكة سبأ
فيس بوك
تويتر
انستقرام
يوتيوب
بنتيريست