منتدى الأحباب (وقعوا معنا)

Quote: الأخ الملك تحية أوقع بعدها على أن هذا البوست متميز بحق حبره متميز و الروح التي يصدر عنها تعوم في بحيرة من النقاء الملائكي

Quote: الأخ الملك لا أعرفك حتى أعاديك جمع الأسماء هذا الفضاء الغامض ولاشيء أكثر من فضاء إذا لم يعجبك الإطراء ساسحبه مكتفياً بالتحية والتحية ليست عنوان عداء

حتى اننا قد قررنا عدم تمديد أجازته حتى لا نصاب الذهول لفراقه
....
....
هذا كل ما قصدت بكلامى ...وعفوا طيباًإذا أمكن
ولك رد التحية بأطيب منها

Quote: انا معااااكم ,,, بس ان شاءالله تقبلوني !!! قالو اصعب دمعتين : دمعة سجين مظلوم ,,,, ودمعة انسان من حضور الرحله النيليه واللمات بتاعتكم محروووم .....

Quote: بصورة مفاجئة وصل الخرطوم عصر اليوم الزميل معتز تروتسكي قادما من الصين مرورا بأبو ظبي , وقد صادف وصوله إحتفال منتدى الدكتور معز عمر بخيت والذي كان به عدد من بورداب سودانيز أون لا ين مجتمعبن به أيضا ..

Quote: وقد احدث وجوده الغير متوقع بالخرطوم بلبلة بين الأعضاء و (برلمة) للكثيرين منهم والذين لم يسبق لهم رؤية معتز على الطبيعة . وطبعا كمية من المواقف المضحكة

Quote: فمعتز لسه ما شبعنا منو مع انه عارف انك ليك 3يوم مانمت

Quote: جاء تروتسكي متخفيا بعد ان طلب مني ألا أخبر احدا لأنه يريد مفاجاة الجميع وبعد حضوره خارجا تصافحنا وتسالمنا سلاما أشبه بالدواس أدهش كل من كان مارا بالشارع ومن ثم دلفنا سويا داخل المنتدى وانا اعرفه على الجميع بصفته أبن عمي حسين

لم تروا شيئاً

بعد

Quote: الغريبة أنني وأنا أسلم على محمد ابو القاسم أخبرني أن تروتسكي قد يصل الخرطوم في أي لحظة وانا أغالطه وأقول له انه لن يحضر مع انه في ذلك الوقت كان تروتسكي بجوارنا وهو يبتسم صامتا

Quote: بعد ان فلت الصبر من معتز وكان بجوارنا ناجي الملك وعادل إبراهيم والحفل يوشك غلى نهايته قلت لهم سلموا على صديقنا تروتسكي ... فما كان من ناجي وعادل إلا ان نظرا إلى تروتسكي في ذهول وفجاة وجه ناجي لكمة قوية إلى بطن معتز كادت ان تطرشه كل الاكل الصيني الذي تناوله

ااااااااااه بس لو ذدتها شوية

Quote: اللكمة تلك كانت ترحيب بمعتز وايضا تعبير عبره ناجي للبرلمة التي وقع فيها فإستلم عادل طرف اللكمة وإنهالا الإثنان ضربا على معتز المسكين)؟؟؟؟؟ وهو يصرخ ويضحك ويبكي في أن واحد وبعد ذلك تعانق الجميع في ود وترحاب ولزمن طويل جدا ..

....
....
قدرنا نسوى شنو

Quote: . أهلين بالرجل الخلوق المضياف .. الحبوب .. الحنين المشاكش .. الرقيق .. زى كدا لقد ضج المنتدي صخباً وضوضاء داخله وخارجه بل خرج سكان زقاق مركز الخرطوم جنوب .. لهؤلاء الذين يمارسون الضحك الفاحش فى أزقتهم الساكنة والمظلمة .. أندهش الكثيرون وأنبهر أخرون بهذا الأنفلات وتلك الأريحية وذاك الفتي الكريم .. بصراحة فى ناس بكوا عديل وقالو الرووب بس عشان ما يسوقهم يبيتو معاهو .. وفى ناس وصلو مجاناً من العمارات الى أمبدات .. معليش يا مهند تروتسكي أن جعلك شقيقك معتز سائق خاصاً لكل راجلاً .. طبعاً يا معتز وبدون مجاملات الأخ والعزيز والصديق نقول الف مرحب بيك والله البلد نورت بالجد .. بس لقيت اخوك كيف ؟؟ طبعاً اخوك الوحيد ما اتبرلم لاسباب لا يعلمها صاحب الكاب المشنقل وعامل فيحها تفتيحها .. وبكره لمن نقابل بكري أنا متأكد ناس الأطلنطي موقفهم بكون فى خطر وكمان الأراضي المنخفضة .. وكدا خت الرحمن وأرتاح والناس دى ما راجعة الصين .. طيب

Quote: .. . أنت يا ناذر.. قلت لى معتز عمل فلم .. ياتو أنا ما متذكر من شاي اللبن وشمارات الملك بس تعال نقول ليك حدوته صغيرة .. هل ممكن تتخيل زول يرووووح من بيتهم ؟؟ عارف فى واحد صاحبنا عزم اصحابو شاي المغرب آها اللذيذة هو راكب معاهم سرج واحد .. قصدي سيارة واحدة اوووووبس عربية واحدة .. ووين عبير خيري .. آها جماعتك لمن وصلو حلتهم بدوا يسالوهو .. يازول ندخل بوين ؟؟ صمت رهيب .. وشكلو بيوحي انو هو ما عارف .. شارعكم وينو ؟؟ لحظة الكبري الصغير وين ؟؟ كبري شنو فى البلد الضلام دي .. ارجعو جنب النخيل فى كبري هناك يازول انت متأكد ..!! دقيقة النشوف البيت الأبيض دا بيتنا ؟؟ انت بيتكم دور ولا دورين ؟؟ كدى نضرب لاخوي الصغير .. يا أنت وقف دقيقة .. ما نطلع فى بلدا طرقها عراض ..( دا اخوك طبعاً) يا جماعة الصبر أنا بلقي البيت حسي .. يا انت ( لاخوه الصغيروني ) اسمع بيتنا بوين ؟؟ ههههههاي ( قهقهة من الشلة وبعدها دهشة حقيقة ) .. أنت وين مقبل شرق ولا غرب .. هو أنا كن عارف بسألك .. وبعد وقفه فى العراء .. الجماعة عرفوا بيتهم صاحبهم براهم الغريبة سكينا عربية طلعت ماشة البيت دقري .. ووصلوا بالسلامة بعد الساعة 10 وكمان اشتكوهو لابوه واخوه الصغير .. عليك الله دا تقول فيهو شنو ؟؟

إنــــــــــــــــت لسه شوفتا حاجة

(السينما والصيف)عند هالة سرحان

قلبت هنا عندنا

(الخريف ومعتز)

Quote: اولا معتز هبل بينا جد جدا تاني حاجة معتز ضرب الساعة 7:30 دقيقة صباحا لسة زمنوا صيني ما عدلوا بالمحلي جنس دا اقولوا ليهوا شنو

Quote: وانا اتصفح المنبر كعادتى منذ شهرين علمت بوصول اخى تروتسكى اتصل بى ممازحا فالرجل لم اراه منذ مجيئى لهذا العالم و لكنى احسه كما احس زاتى خانه حدسه اعتقد بانى قد لا اتعرف عليه و لكن ألجمته المفاجأة حتن تعرفت عليه .. من غير ان يعرفنى بنفسه المهم ... لاول مره التقى ببوردابى فكان تروتسكى التقيته نهارا ثم ليلا سبحانك ربى .. هو كما توقعت

Quote: أولاً أوقع ثالثاً وده الاهم إنت ما تقول إنوالولد معتز وقف سوقك وبـــــــــــــث

ورابعاً هو لم يوقف سوقى

فقط

هو ينطنط فى ميادينى الكروية

Quote: الغالي الملك ،،، تحياتي من على البعد،،، مــا اروعـكم ... بالمناسبة شمهروش (خارج نطاق الخدمة) ولا (بره الشبكة) ؟؟ ما سامع ليه صوت !! ... عزيزي حالت ظروف قاهرة دوني و وداعكم قبل الرحيل ،أتمنى أن التقيك قريبا ..

Quote: اما امر معتز(الصينى) اقترح بمنحه فرصه على ان لاتزيد عن 48 ساعه

Quote: صباح الخير بالصيني

Quote: شــوف يا ملك .. أنا شخصياً أوقع بالعشرة ،،، لعودة تروتسكي للصين .. وأحمد حنين لفلسطين ..

وبث

Quote: الملك موقع بس فى انتظار اول جلسة تحياتى

ونحن أيضاً فى إنتظار ما ستسفر عليه الأقدار

Quote: العزيز الملك حل تروتسكي بيننا.. والتقيته بالامس.. وكنت لفرض انتشائي به سابقاً اعتقد جازماً بانه محض روح محلقة تنثر علينا فتافيت وجدها.. لكنني التقيته.. نحيلاً حد الخيلاء.. مهندماً حد الاهمال.. ترى قلبه في عينيه فهما اكثر صفاء من نسمات مضمخة بالدعاش بعد اندلاق المطر.. احتضنته بمودة وحميمية وانا لا أكاد اصدق انه هو.. وكأنني عشته حلماً رائعاً قبل أن ألتقيه.. فلما التقيته ازداد عندي روعة فآثرت الصحو.. دعه اخي الملك يبقنا ببعض من طيبه.. ودع رئتيه تمتلأن بدعاشنا وكتاحتنا التي احسبه قد افتقدهما كثيراً وهو الصين.. وانا اوقع معك على ان نحبسه هنا فلا يغادر أبداً..

عزيزى نشأت الإمام

....
....

أصبحنا نخاف من المجهول

ويوماتى نصاب بالذهول

Quote: الملك يا حبيب شوقتنا نشوف هذا معتز التروتسكي والله أنا جلي مني بي حتة لكن الجايات أكتر من الرايحات.

والجرى والتلفونات

Quote: ود الزبير ياملك لك التحاياوللمرة الثانية ،،،، ( ما تفتح لينا اكتر من كدة ) نوقع معك ومع الملك لا يخسر احد ،، وما تكملوا البرامج نحن جايين بعد اسبوعين ، وحاجيب خروف ابو ساندرا معاى تحياتى للجميع معاوية الطيب

لم أتبين الصورة جيداً ...(دى علامات الكبر)

...
...
جايين دى معناها معاك أبو ساندرا
ودى حتبقى مصيبة
أبو ساندرا
أحمد حنين
معتز تورتسكى
....
....

ناقصة إسماعيل التاج ونخلى الخرطوم

Quote: برغم إنو صحبي من زمان .. لكن معتز دا نظام شنو .. إنك تكون معاهو في المنبر دا بس لكن برة برة وعلى الحقيقة تختاهو بي الله واحد

Quote: ياخي معقول حرمان السنين الكان فيها في الصين دي داير يكملا كلها في إسبوع !!!!

لووووووووووووووول
ده كلام الد اصدقائه ولكم الحكم

Quote: الحمد لله إنو أمبارح ربنا ستر علينا ان وتبلدينا وما حصل أي منظر كدة لمن مشينا نوصلو وانا زاتي كنت محتاط للشغلانة دي ومجهز راسي كويس لي أي مفاجأت لكن ربنا ستر المهم بس إنو تروتسكي دا شخصية أوتومسفيرية ساي وأخدت لي درس تاني إصلو ما انساهو خلاصتو الحذر من الشخصيات الأوتوسفيرية زي دي عليه أوقع وأبصم بالعشرين لعودته إلى الصين

....
....

فوراً الى الصين

Quote: يازول يارائع ستبقى دوما ملكا متوجا لما وعدك بالدخول في هذا البوست عقب المنتدى الجميل الذب أتحفنا فيه البوف معز والرائع الكتيابي.. ما قايل إنو الناس ديل كلهم ح يسبقوني عليك عموما يا الملك أنا باصم بالعشرة.

Quote: حين ُُِِاتصلت علىّ بيان قائلة أنها فى الخرطوم كنت حينها فى قلب الجزيرة .. قلت لها أنى حريص جدا أن أقابل هذا الملك .. أعرف أن ملاسى سيدلنى إليك .. لكننى غادرت السودان دون لقاء ملاسى أو رؤية الملك .. و هكذا خرجت من المولد بلا حمص

على الأقل كنت تميت لى حكاية الفولكسواجن
....
....
نحن من مواليد برج ( النــــــــحـــــــــس )

والبوست ده أكبر دليل
لكن إن كتب فى العمر بقية سنلتقى

Quote: سلام يا ناذر ،،، أنت صاحي ولا نايم ولا طرفك من طبعو نعسان ... عارف أيام الدراسة مشينا رحلة المغرب .. آها طبعاً طلاب المغرب زى بتاعين مصر وغيرهم .. نوع بتاع رندوك ونوع بتاع مندوك ونوع تالت توصيلي فى المغرب بسموهم ( التكاســه ) .. شغلتهم التوصيل من الإتحادات لبيوت الطالبات .. للبنوك لصرف الشيكات .. السوق لشراء الإحتياجات .. وأيام الأجازات للمطارات ..

Quote: أوقع وبالأحمر كمان

Quote: الملك الجميل استأذنك الدخوووووووووووووووووول.... عندما تجتاح مشاعرنا حمى التواصل نفكر فى الامس ويبقى الغد شاهد ..... علي روعة المكان .. لك عبق التحايا.. مجدى الماحى .