دعواتكم لزميلنا المفكر د.الباقر العفيف بالشفاء العاجل
|
|
 صور وفيديو رحلة بورداب الخرطوم بقيادة اسماعيل التاج وابو ساندرا...
|
...يوم الجمعة 11/2
....
يوم سيجد متسع فى الذاكرة لسنوات ....عدة
....
على ضفاف النيل الازرق
....
حيث الخضرة والماء ......والوجه الحسن ...والهواء الطاعم 
....
بدعوة من مولانا إسماعيل التاج ....وابو ساندرا
....
....
يوم رائع بوجود الروائع وووو
....
شعر وغناء وطرب
....
يكفى لأشهر من الزمان ....
....
الصور ....لا تكفى هذه المرة لتتحدث
....
عشان كده حنزل فيديو ....
....
وووووراجعين بعد الفاصل....والفاتتوا حيندم 
....
|
|
 
|
|
|
|
|
|
|
|
Re: صور وفيديو رحلة بورداب الخرطوم بقيادة اسماعيل التاج وابو ساندرا... (Re: عبود احمد النصيح)
|
| Quote: ياخى حرام عليك انت بترتكب جرايم قتل عن ترصد يعنى في داعى لنشر موضوع الرحلات النيلية وصورها احتمال ربنا يغفر لك لو ما عارف انو في ناس ليها 15(20) سنة بالتمام والكمال من السودان وناسو ونيلوا فارجو منك الرأفة المستقبلية فى مشاعر اصلا هى مضغضغة من البعاد والله يغفرلك |
عبود احمد النصيح .....مافضل الا تكفرنى بعد ده
.....
لووووووووووووول
انت كان شفتا باقى الصور تقول شنو ؟؟؟؟
.....
استغفر الله
| |
|
|
|
|
|
|
|
|
|
Re: صور وفيديو رحلة بورداب الخرطوم بقيادة اسماعيل التاج وابو ساندرا... (Re: الملك)
|
ملاحظات سريعة على رحلة بديعة:
-نقطة التجمع كانت في بيتنا والوقت المحدد الثامنة صباحآ ، فقط غادة نصر إلتزمت بالمواعيد وتلتها عبير خيري التي حضرت في الثامنة والنصف ، وتحركنا بعدالعاشرة
- المسافة كانت بعيدة { البشاقرة} ولكن روعة وجمال المكان أزالت وعثاء الطريق وخاصة من غادة الحانقة التي توعدت إسماعيل التاج بالعقاب ونكصت بعدما طاب لها المقام
0- الخروفان إتلحسن في شية الفطور والسبب ناس قرمبوز والحزين والفاضلابي ، إستعملوا مشهيات سائلة
- تجلى عاصم الحزين في إدارة البرنامج خاصة فرصة التعارف التي إستثمرها في الوقوف على إبداعات معظم المشاركين ، ةوكذلك تجلى عاصم كعادته في قرآة متقنة لقصيدة في منتهى الروعة حازت أعجاب الجميع الذين انحبست أنفاسهم مع الإلقاء الجميل
- من ضمن مفاجآت المساهمات ، قصيدة إسماعيل ميرغني المهداة إلى عبير خيري والتي قرأها بعد تمنع وبضغط وتهديد من عاصم ، ولقد إنتقم إسماعيل من عاصم ، بتحريض من رشيدة، وجلده جلدة تاريخية ، وقدم مهند قرآة رائعة وأعقبها بأغنية في الضواحي وضبطنا غادة نصر وهي تلحظ حركة قدم مهند عند القرآة ، كانت طريقته أشبه بالكبريته في يد ابوداوؤد في حفظ الزمن ، ولم يفوت إسلام عبدالرحمن فرصة تعذينا بقصيدته التي بانت عبرتها في حشرجة صوت بعض البنات
- لم يخذلنا قرشي منصور صاحب الصوت العذب والكلمات المنتقاة وغنى من القلب إلى قلوبنا مباشرة
، وشاركه بالبعزف والغناء أيضآ وليد عمر {الخال} الذي فاجأني باداء متمكن لمشرع الحلم الفسيح ، وكانت الرخلة خير وداع لوليد الذي غادرنا في نفس المساء إلى الإمارات ليعمل هناك ويجهز نفسو ويجيب الشيلة
- رشيدة كانت نجمة ا لمطبخ ، عاونتها حجة زوجة شقيقي وصديقتها ، ولا ننسى مساهمات جمال ومهند في تقطيع اللحم ، ورشيدة أظهرت تحرشها بعاصم الحزين عندما تكت البطيخة وكبرت ونحرتها وقالت ده عاصم ،ثم فعلت نفس الحركة في البطيخة التانية وقالت ده المهندس الذي لم يكف عن الحوامة حولها مرة عايز شاي ومرة عندو صداع عايز خبوب ومرة عندو سكري عايز سندة ، وشرعت في نحر الثالثة لكن الجماعة أوقفوها بأن البطيخ والشهداء كافي ، وسالتها واخدة خبيثة : ده منو الانقذوهو ده ، قالت ليها ده ود بركات كنت عايزه أضبحو عشان جكس الرحلة كلها إلا أنا
- أجمل الفقرات كانت في النهر ، تراشق المياه التي دفعت ثمنها غاليآ كل من غادة التي البستها قميصي العاجبني ، وعبير خيري التي دخلت الموية في أضانه
- أفضل شخصية في الرحلة بأجماع كل الحضور هي منال محمد علي التي أبدعت في الرقص الشايقي والشرقي { هدندوة } إضافة التي تعاونها مع الجميع في المطبخ وفي الصفقة وفي تراشق المياه
-سمريه ورانيا بابكر التوم قدمن مشاركات رائعة ، أما ملكة سبأ فلم تقدم ما كان منتظرآ منها خاصة وانها وعدت في بوست سابق ان ترقص وتغني
- سارا بركات إكتشاف جديد يسجل لصالح عاصم الخزين الذي ورطها بان قدمها في قرآة و أنقذها دكتور عوض الله عندما دخل في حوار معها باللغة الروسية ، أما تومتها سولارا فقد كانت متفرغة للبحر ، وساندرا ضبطنها مجكسة مرتين ،مرة مع وليدالخال والثانية مع مهند ولقد أهدرت دم كل منهما ، أما ماهيتاب فعلى غير عادتها لم تنشط في الرحلة إلا قليلآ في بعض الفقرات
-شذى بله / ايزابيلا فاجأتني بعقل مرتب وقدرة مدهشة على التحاور وعرض فكرها وبلغة رشيقة ، كما فاجأت الجميع عندما نزلت البحر وهي حاسرة كما فعلت بلقيس الأولى عندما شمرت فستانهاحتى لا يبتل فالتفت السوق الملفوفة
- قرمبوز كانت بايتة معاهو أغنية بنات سمعها مع امه من إذاعة مانجو 96 غناها في الرحلة فادهش الحاضرين الذين شاركوا معه في غناء جماعي جميل وحينها عرفت أثر أغاني البنات في الجميع
- ناجي الملك كانت فاكهة الرحلة الشتوية رقص رجالي وحريمي وأطلق الزغاريد وتمرد على القوالب الجامدة
-محمد احمد محمود من سودانيات وقرمبوز وإسماعيل ميرغني وعبير ومهند ومحسن الطشمان وابويسرا شاركوا في الغناء الجماعي البيودي السجن
-المهندس وإسماعيل التاج ممنوعين من المشاركة في رحلتين جايات
-تحية لعم التوم صاخب المزرعة ولدكتور عوض الله الذي شارك في تنظيف المكان وإعادته كما كان قبل وصولنا
- وتحية لود بركات الذي بذل مجهود كبير حتى لا يقع حادث غرق مأساوي وكذلك لقيادته كورال الحمر ولإحتماله مؤامرات اسماعيل التاج ومشاكسات المهندس وطشمة فلان
- أعتذر للعزيز اسامة معاوية الطيب الذي غاب بسببي حيث نبهتني ماهيتاب مرتين للإتصال به ولكن لم أوفق في الحصول على رقمه ، وإعتذار كلك بورداب الخرطوم الذين لم يشاركوا لأسباب مختلفة وأخص بالذكر دريمز و ودعقلب وقرشو وابو سلام البخيري ، وأنا بت النيل
لا يفوتني ان انوه لدعوة كريمة من مولانا تيتا التي أبت إلا ان تكرمنا في دارها العامرة في حلفاية الملوك بعد مغرب الجمعة القادمة ، وهناك سننسج مؤامرة رحلة أخرى والمؤامرة عامة
تنبه أخير
يا ناجي وأسماعيل لا تعرضوا صورة فلانه لمن رشوها بالموية ولا صورة رشيدة التي التقطت لها من الخلف ولا صورة هناية عند القيف والهدام
| |
|
|
|
|
|
|
|
|
|
Re: صور وفيديو رحلة بورداب الخرطوم بقيادة اسماعيل التاج وابو ساندرا... (Re: صديق الموج)
|
كتب صديق الموج:
Quote:
Quote: الخروفان إتلحسن في شية الفطور والسبب ناس قرمبوز والحزين والفاضلابي ، إستعملوا مشهيات سائلة
صديقى ابوساندرا..نصيحتا تخدرك انت ياالصادق ما قلت ليك يا ناجى
موية النيل ما بغمدوا منها كده..وبعدين لمزيد من (الكموفلاج)
خاتنها فى (MUG) جنس شدة،،،، |
صديق، الحبيب
ليك وحشة وفقدناك في كم حاجة كدة عملوها الجماعة (سمرية، عبير، المهندس وناجي).
بـعـدين إستعمال المق (MUG)، عشان فيهو فيلتر  .
كل الأشواق
مع الأمنيات بعودة سعيدة للوطن.
إسـمـعـيـل
| |
|
|
|
|
|
|
|
|
|
Re: صور وفيديو رحلة بورداب الخرطوم بقيادة اسماعيل التاج وابو ساندرا... (Re: Rawia)
|
يا حليلكم يا بورداب الخرطوم يا حلوين ، اتمنى ليكم من كل قلبى كل سعادة وهناء وحبور وأنتم تسرحون وتمرحون فى ضفاف النيل وبين ربوع سوداننا العظيم ، وزى ما قالوا أهلنا الحى بيلاقى ، فنسأل الله ان يجمعنا بكم قريبا ونعيد جميل الذكريات
ملحوظة:
الشعب السودانى يحب الذكريات ويغنى لها ، ويصورها ، فهو شعب مرهف ومهذب ورقيق فليحيا شعبنا وليحيا أبنائه فى فجر الحرية والديمقراطية القادم
وتسلموا يا أحبة
| |
|
|
|
|
|
|
|
|
|
Re: صور وفيديو رحلة بورداب الخرطوم بقيادة اسماعيل التاج وابو ساندرا... (Re: الملك)
|
لم تكتمل الملاحظات:
- إسماعيل حميم وبت أختو ، ورانيا بابكر وخالها ، كانوا في تمام الحضور ،رانيا أرشحها مذيعة في قناة النيل الأزرق لتعدل اللغة والصورة ، وحميم أنتخب لنا من ديوان العرب شعر مقفى وأبوضلفتين ولكنه آسر
- في رقصة الحمامة التي أداها ناجي الملك ، في الصورة ظهرن ثلاث شيطانات ،ا لفاتحة خشمها زي المطبقة وفرحانه بسنيناته دي من بنات ابوساندرا شخصيآ ، أما المصورة من ظهرها فهذه سماح بت أبو ساندرا بالتبني ، والمرأة التي لا تخجل الواقفة خلف ظهر ناجي دي السيدة حرمنا المصون وكانت بتغني لناجي وتحمس فيهو : أيوه ، كده ، ستو !! وناجي الداقس ما كسر ليها سنيناته ، وكانت هي السبب في المعركة التي نشبت بين عاصم الحزين وإسماعيل ميرغني ، عجوبة الخربت سوبا ، تاني يوم عرفت إنها كانت داسه ليها جيركانة شربوت ولحستها براها ، يعني لا تواخذوها الولية كانت طشمانة وحقتها مليانة .
راوية
والله المدعو عبدالرحمن بركات ده مستني ليك من سنة 93 في سلم دار الإتحاديين ، ومازال
بورداب الخرطوم:
أكرر توضيحي بان اي واحد ماوصلته الدعوة كان السبب في ذلك إسماعيل التاج والمهندس ، ماعدا أسامة معاوية السبب من عندنا ، خفنا يجي شاهرآ وسامته ومرتديآ قصائدة ويقلع مننا النحل ، نحن في حتات زي دي بنسوق المحروقين ، جماعة الهامش زي ناس وليد والحزين والمهندس
| |
|
|
|
|
|
|
|
|
 Re: صور وفيديو رحلة بورداب الخرطوم بقيادة اسماعيل التاج وابو ساندرا... (Re: الملك)
|
الأحباب بورداب الخرطوم كوووووولهم..
كل سنة وانتو طيبين.. وهنيالكم الرحلة الجميلة دي..
وزي ما عشة قالت انحنا بعد كم شهر كده كلنا راجعين ليكم ونبقى من بورداب الخرطوم.. واول شئ لازم نعمل رحلة زي دي بالضبط..
ابو ساندرا واخواتها ورشيدة: منوًرين بجد..
مولانا اسمعيل: اتاريك مختفي وما عارفينك في البلد..
الناس الحلوة الفي الصور والمافي الصور: حظكم وحظنا بي فرحتكم دي..
ودي..
| |
|
|
|
|
|
|
|
|
|
Re: صور وفيديو رحلة بورداب الخرطوم بقيادة اسماعيل التاج وابو ساندرا... (Re: الملك)
|
أبو ساندرا
يا أخي ما خليت لينا حاجة ،،، إن شاء الله ما ينفعك ،،،
بورداب الخرطوم أنتم تمثلون سببا رئيسا لعودتي النهائية ،،،
بنات أبوساندرا ديل محجوزات لأولادي ياشباب ، ما في زول يتكلم فيهن ،،،
رشيدة : واضح إنك زولة رايقة وهادئة ، بس كيف احتملتي عبد الرحمن ؟
كنت أتصور أن تكون ساندرا أكبر وأسمن مما بدت لي هنا ، ربنا يدك العافية ويحرسك من عين أبوك ..
ماهي : طابق واقعك خيالي ،، ربنا يزيدك .
في ناس أنا عايز أشوفهم ، لو ما راضين صورهم تنزل هنا رسلهم لي في الإي ميل يا عبدو ..
البشاقرة قريبة جدا من القلقالة بلد معتصم وشتات ، مالكم ما مشيتوا ؟
بعدين كفاية كده ، ارجع الدوحة ، عشان تشوف شغلك ..
| |
|
|
|
|
|
|
| |
الملك
عبير خيرى
waleedi399
سجيمان
رانيا بابكر
صديق الموج
ودالعباسية
إسماعيل التاج
قرشـــو
zola123
lana mahdi
أبو ساندرا
willeim andrea
Rawia
يازولyazoalيازول
Soumeta
ملكة سبأ
Agab
الزنجي
ابو يسرا
عشة بت فاطنة
Raja
ودقاسم
فيس بوك
تويتر
انستقرام
يوتيوب
بنتيريست