|
دعواتكم لزميلنا المفكر د.الباقر العفيف بالشفاء العاجل
|
|
 Re: صوت ..... (Re: إسماعيل حميم)
|
Quote: نـاجي يا جميـــل
يا من تفوق محبتي لك
محبة الكروان ابو داؤد
سلمت |
حميم يا ودود
تسلم على الزيارة بدون إخطار مسبق
....
....
ويسلم أبو داؤد
....
....
| |
 
|
|
|
|
|
|
|
|
Re: صوت ..... (Re: الملك)
|
ياملك ...
خلاص قررت نبدأ مع السودانيين ديل ال "حامد ابسبح "...
هل أعُلنت الحرب يارفيق...
لكن أنا لسه ما مااتعلمت ارفع الغُني ...
تمام يا فندم...
سر وعين الله ترعاك ، حامد دة ما دائر ليه جهود .
بس باقي ليك يا ناجي اخوي اسه بوست واحد بكفي ...
...
...
ملحوظة :
الغُنية دي طبعاً اسمها عودة قلب ، من ايات "الناس في بلدي يصنعون الحُب "...
عمرها ثلاثة حكومات وشهرين ... كُتبت لتعيش لتحيا.
ملحوظة أولي :
حامد ابو سبح :
طالب بكلية الهندسة المدنية ، جامعة الخرطوم السنة الاخيرة
مغني ،الي الان قد يندرج في قائمة الهواة ، باعتباره لا ياخذ درهماً
ولا يقبل الهدايا ، ولكن للعلم فاي أغنية يغنيها ،بقدرة قادر تصبح
عمل خاص ، يحمي الاغنيات الجميلة ويبعث فيها شئ أجمل...
شهاب : يعزف الجيتار"وجيتاره "نورمل" مع اغنيات حامد ابسبح ، احياناً
مجاهد يلعب العود كما في الغنية "ديت" وهناك عاطف العزاف جداً...
...
...
ياناس:
في هذا البوست صوت مطروح...
| |
|
|
|
|
|
|
|
|
|
اغمض عينيك واسمع ابسبح... (Re: الملك)
|
"الحمد لله الذي احضرنا عصر حامد أبو سبح"
الاشارة أعلاه معدلة عن أُستاذنا الوناس الاعظم بروفسير :علي المك، في
تقديمه لكتاب أحمد المططفي . وعنده الف حق في تباهيهً بمنجز فني وثقافي
عظيم أسمه عبدالعزيز محمد داؤود، والمعروف عن علي اعجابه العميق بصوت
المغني ابوداؤد ،وأهتمامه بالتوثيق والتسجيل للأغاني الناشئة في زمانها ...
زمان:
تحالفت المُعطيات السياسية والثقافية والتاريخية لدعم حركة الاغنية الجديدة "لنج" ،
فيما اصطلح العقل السلفي علي تسميته بمسيات رنانة كالعصر الذهبي وخلافه .
والحقُ يقال ان ابهي وانضر مافي بلادنا من اغنيات ، صارت بفعل زمانهم .
المُغنيين مثلاً ابو داوؤد "الذي لايموت" ،الكاشف ، عطية ، برعي ،والشفيع والتاج ، الفلاتية وأحمد المُصطفي ، نورا، ابو عفان (مع مراعات فروق الوقت ) وكل قادة الفصائل الحفلات القديمة لهم بصمتهم قوية ،كنحت علي جبل ، ومن خلفهم شعراء كجيوش النحل.
نحتوا باصواتهم في ذاكرة الناس نحتاً ملوناً، خلقوا للبلاد حنينها
الخاص وجمالها الموازي لمصيرها المأسوف ، خلقوها من شئ يذكر
صاروا أجمل من نهرها اليتيم ...
ثُم ان في وقتها ، كان رسم هذا الأفندي النوبي هذا
يشابه أماني وطموحات الكُل...
زمانهم زمان يمشي في الدنيا بايطلاء ظبي...
المفاجاءة:
صدرت تحت عنوان حامد ابو سبح...
حامد ابو سبح ، حسبما ما يغُني ، هو المفاجأة التي اعدها زماننا لزمانهم ...
ابوداؤد والكاشف فالعطبراوي والاخرين الذين صنعوا من "الفسيخ شربات "...
مفاجاة كبيرة ...
صوت لا يوصف باللغة ، شئ عجيب، مَحنة مدسوسة فيه بحنان ملموس ، هدهدة ،
همس مُلحن ، الرحمة يأمي الرحمة ، واصل ،ويليق بذائقة الكُل ، الجميع .
وملكة تطريب وغناء لا يشبه الا الغُناء الجميل ، يستهدف الروح فيصيبها في طرب ولولاي ...
يغني حامد كُل شئ يمكن ان يكون ، يتعامل من كل موروث الاغاني في البلاد كموروث شخصي .
ياخذها -الاغنية- أخذالقوي المقتدر ، ينقذ حياتها ، وان كانت ميتة ،ينفح فيها الروح ، فتعود كعروس مُجهزة ...
قُمرية معاها عود وجيتار ...
ثم ان في صوته حلاوة ، حلاوة القديم المبعوث ،الغائب العائد، في طريقته
أهداء ومعذرة ، قد يصنف حامد علي انه هاوي ، وهو يعلم الله يهوي الغناء
والتطريب هوي متصوف للجُب . حالاته سماويةمن الفعل سمو .
لم يحدث ان هبش وروحي وذائقتي من بعد عميري سوي هذا "الحامدابو سبح" ،
فيه من عميري نداوة ووسامة شفيفة غصن من ذات الشجرة ، بلادي خصوب ...
باختصار ياناس وكما تقول الاعراب حامد ده غناي غُني الجن والجمبو
وسيشهد الزمان علي زمان حامد ...
...
...
ملحوظة ثانية:
الجميع موعود بصوت يلامسه
| |
|
|
|
|
|
|
|
|
|
Re: صوت ..... (Re: الملك)
|
تشكر يا ناجي يا ملك
نحن طبعا عندنا ابو داوود هو الكل في الكل
ومن يأتينا بنفحة من ابو داوود (من المغنين)
نشكر له المحاولة.. والذكرى.. وندعو له بالبركة
أما (أبو سبح) فهو صوت جميل بالفعل
ولك التقدير
| |
|
|
|
|
|
|
|
|
|
Re: صوت ..... (Re: عبد الله عقيد)
|
| Quote: أما (أبو سبح) فهو صوت جميل بالفعل |
ودعقيد
حامد ابوسبج منك واليك فهو من أحفاد الشيخ حامد ابعصا ينحدر من قبيلة العمراب بقرية الصفر غرب شندي والده الدكتور عبدالرحيم حامد ابوسبح
| |
|
|
|
|
|
|
|
|
|
Re: صوت ..... (Re: توما)
|
توما
بى هنا
....
....
انا ما حاديك اللنك وبس
بس حانزل أغنية تانية
....
....
عشان يا ريت حقتك دى
حانزل ليك يا ريت
وتسلمى
| |
|
|
|
|
|
|
|
|
|
Re: صوت ..... (Re: alin)
|
حامد ابو سبح??
صـوته جميـل جـدا..ولا اقول حسـه جميـل?
سـمعت هـذا الشـرح لكلمة حسـه جـميـل وصـوته جميل مـن الفنان القدير صـلاح السـعدني في مسـلسل الأصـدقـاء..
'الحس اشمـل واكـثر تعبيرا لأن الصـوت يحمـل معه الاجسـاس'
لك تحياتي وشـكـرا يا مـلك ياجميـل
مـني
| |
|
|
|
|
|
|
|
|
|
Re: صوت ..... (Re: Muna Khugali)
|
منى عوض خوجلى
...
...
التحية والاشواق
ليكـــ
حامد اب سبح
صاحب صوت عميق واجمل ما يقال فيه أنه يغنى من الداخل
....
....
والى الداخل
| |
|
|
|
|
|
|
|
|
|
Re: صوت ..... (Re: الملك)
|
mon 7'ogeli izzayek
alsana al jia zai ma daira
absiba7 7isoo gameel jidan akter min ma tit9awari
..........
Dia
| |
|
|
|
|
|
|
|
|
|
Re: صوت ..... (Re: Dia eldin khalil)
|
خـلاص يـاضـياء لمـا أجـي الخـرطـوم لازم اشـوفه واسـمعه معاكـم ..
ـارف صـوته طـالع مـنو بهـدوء وسـهـولة شـديدة..
انت عامـل كيف في شـجرتـك? (الهـجـليج)
سـلام ليك وليه وللجـميع..
مـني
| |
|
|
|
|
|
|
|
|
|
Re: صوت ..... (Re: الملك)
|
من زمن مستني عوده قلبي راحل
كنت بكتب ليه دمى الرسائل
قلت فيها اشعاري واتعذب ضميري..
كل كلمه حنان يفيد تغمر سطوري
وكل حرف كتبته من اعماق شعوري..
افتكرته يرد رسالتي يطمءني في خطابه..
ما خطر في بالي يأسرني بعتابه..
ونسي اول مره اغراني بشبابه..
وكل ما ادلل بزيد اعجابي بيه..
حبيبي كل ما ادلل بزيد اعجابي بيه..
كنت شايف الجنة في نظرات عينيهو،،
و كل أسباب السعادة الكنت بتمناها ليهو
كان جميل من قلبو ده لو يرحم عذابي
و الدليل أنا شايفو عايش في خطابي
و كل أيام عمرو و لحظاتو الهنية،،
حاول يخفي شعورو و يتدلل عليّ
...
...
لنك الحفظ
| |
|
|
|
|
|
|
|
|
|
Re: صوت ..... (Re: Ibrahim Algrefwi)
|
نجو ...
قٌلت ليك ...
في مُشكلة تقنية . لامن تفتح البوست بشتغلوا ليك
الغُنيتين في وقت واحد ذي ماقالت مريم بت ياسر " سوا بعض"...
فاتصرف !
بعدين كنت عائز أقترح عليك ، انو تواصل
في غني ابوداؤد بتاع حامد دة...
يعني مثلاً:
نزل : كيف الحياة غير ليمك ، بتاعة المُلازمين .
والفي بيت ناس ضياء "المن غير عود ديك"...
بعدين ، عروس الروض ، وداخل روضة غني ...
وهكذا ...
...
...
ياسلام يا ناجي ياخ
والله سودانيز اون لاين بقي سمح عديل ...
| |
|
|
|
|
|
|
|
|
|
Re: صوت ..... (Re: Ibrahim Algrefwi)
|
قرمبوز
مافى اى حل تقنى الا تقوم توقف أغنية وتشغل التانية
لكن عارف حاجة
انا حصلت الحاجة دى فى كم بوست
لكن عاجبنى التداخل فى البوست ده
بحسسك زى حامد ده بغنى
من كم جهة كده (حاجة غريبة)
بخدرك
ـــــــــــــــ
انا حأنزل كل البقدر عليهو سودانييز اون لاين تعبت معاى شديد
إنتقال من صفة المصور الى منزل الأغانى
....
....
(بالمناسبة نجو دى جيبتها من وين الليلة)
| |
|
|
|
|
|
|
|
|
|
Re: صوت ..... (Re: الملك)
|
حامد موهبه,صوت يا ابراهيم (وعن جد) مميز,
الجامعه بيهم(شبكه وحامد) بهيه.
سلم عليهو,
والملك,ادينا قدر ما الله اداك.
وسلمت ياابراهيم ياقرمبوز
| |
|
|
|
|
|
|
|
|
|
Re: صوت ..... (Re: عمرو احمد)
|
Quote: حامد موهبه,صوت يا ابراهيم (وعن جد) مميز,
الجامعه بيهم(شبكه وحامد) بهيه.
سلم عليهو,
والملك,ادينا قدر ما الله اداك.
وسلمت ياابراهيم ياقرمبوز
|
...
...
صدقنى ما حاقصر
| |
|
|
|
|
|
|
|
|
|
Re: صوت ..... (Re: الملك)
|
dairen
........
e7trami elaik
...........
a7rimoni wala ta7rimoni
.................
loo sama7ta ya nagi
..................
Dia
| |
|
|
|
|
|
|
|
|
|
Re: صوت ..... (Re: Dia eldin khalil)
|
ضياء الوغد
....
....
ياخى مافى طريقة تكتب عربى
جننتنا انت بقيت مغترب
....
....
حانزلها صبرك لحدى الليل ما يجى
ـــــــــــــ
اسمع انا عندى نمرة تلفون ما تكون نسيت ده كمان
| |
|
|
|
|
|
|
|
|
|
Re: صوت ..... (Re: الملك)
|
ناجي...
ما ممكن نجي نلقي مافقي أي "كيف الحياة غير ليمك"...
أنا عندي واحد بلدينا اسمو شوقي دائر اقتاله ...
أرح
...
...
عمرو ، فينك ياحلو ، اتوحشنالك؟
شبكة ده كوم براو براو ...
اصبر علينا شوية ...
اصلو نحن ناوين "بعون الله" نحطم الاغنية السودانية "كلو كلو".
| |
|
|
|
|
|
|
|
|
|
Re: صوت ..... (Re: الملك)
|
salam to all
.....
finally i get off shore in the sea
.....
i miss u all
.....
absiba7 songs give me stringth every day in this sea
........
go on nagi with new songs
dia
| |
|
|
|
|
|
|
|
|
|
Re: صوت ..... (Re: الملك)
|
ضياء
اشتقت ليك ...
ياناجي اسه الغنية دي ما سمحة ولا حاجة ، الفرقة ذاتها
ما قسمة ونصيب ولا شتين، غايتو حامد
اجتهد معاها لكن السواها "فرفور" رقدت...
ضياء ...
اشتقت
للبسمة البتسرق عُمري كلو تجيبو ليك
| |
|
|
|
|
|
|
|
|
|
Re: صوت ..... (Re: الملك)
|
العزيز ناجى
لك التحية ..
Quote:
حامد اب سبح
صاحب صوت عميق واجمل ما يقال فيه أنه يغنى من الداخل |
كان نفسى اسمع الاغنية الاولى ابت ماتشتغل معاى وكذلك باقى الاغانى
لكن الاولى خصوصا
| |
|
|
|
|
|
|
|
|
|
Re: صوت ..... (Re: نجود حسن عبد الرحمن)
|
Quote: كان نفسى اسمع الاغنية الاولى ابت ماتشتغل معاى وكذلك باقى الاغانى
لكن الاولى خصوصا |
...
...
طيب امشى لنك الحفظ
واعملى حفظ للاغنية فى جهازك
واسمعيها وقت ما تحبى
ـــــــــــ
بالمناسبة مشتاقين
| |
|
|
|
|
|
|
|
|
|
Re: صوت ..... (Re: الملك)
|
| Quote: من زمن مستنى عودة قلبى راحل |
جلالة .. الملك
اسم على مسمى
عشان نزلت لينا الاغانى السمحة دى
Quote: طيب امشى لنك الحفظ
واعملى حفظ للاغنية فى جهازك
واسمعيها وقت ما تحبى
|
والاغنية المزكورة اعلاة بموووووووووت فيها وابت ماتشتغل معاى ومافيها اى لنك للحفظ
فياريت تتنازل وتتواضع وتعمل ليها انك حفظ زى رفيقاتة
عشان اسمعه وقت ما احب
| |
|
|
|
|
|
|
|
|
|
Re: صوت ..... (Re: الملك)
|
تعرف
أنا غنية "الفطقة" الوسيم دي بتعمل معاي شغل جامد جداً
الغنية دي فنانة فن
نفس التسجيل ده "ذاتو" بسمعوا
صباح ومسي ، "شئ مابتنسي"
علي قول السيدة فيروز...
...
عليك ياناجي عائن حامد ده ، غناي كيف!
...
...
بحكمة وروية
في قامته الروية
اتأمل شوية ، وقول ليه التحية
ولو سألوك علي؟
قول ليه: منامه قلة
اصلوا شكايته عِلة...
بالحُب ليس الا...
| |
|
|
|
|
|
|
|
|
|
Re: صوت ..... (Re: Ibrahim Algrefwi)
|
Quote:
بحكمة وروية
في قامته الروية
اتأمل شوية ، وقول ليه التحية
ولو سألوك علي؟
قول ليه: منامه قلة
اصلوا شكايته عِلة...
بالحُب ليس الا... |
...
...
ما قلت ليك الحمى وصلتك؟؟؟
| |
|
|
|
|
|
|
|
|
|
Re: صوت ..... (Re: Ibrahim Algrefwi)
|
Quote: ياناجي اسه الغنية دي ما سمحة ولا حاجة ، الفرقة ذاتها
ما قسمة ونصيب ولا شتين، غايتو حامد
اجتهد معاها لكن السواها "فرفور" رقدت...
|
عارف يا قرمبوز
حسيت بيك بقيت حنين
....
....
ده كلوا من الغنى
واللا فى سر يستدعى حضورى ليك
....
....
اقسم المسافة بين الخرطوم وبحرى
ونتلاقى فى الكوبرى
ـــــــــــــــــ
بعدين الاغنية سمحة وفوق عينك
(مقولة إماراتية وصلتنى للتو)
| |
|
|
|
|
|
|
|
|
|
Re: صوت ..... (Re: الملك)
|
| Quote: "ينصح بسماعها بواسطه ال Headset" |
فعلا سمعتها بهيد ست .. و عملت عمايلا
الاغنية دي بالزات (بالزات هنا ما جمع بزة) يا ناجي ما عارف اشكرك عليها كيف
| |
|
|
|
|
|
|
|
|
|
Re: صوت ..... (Re: Hafiz Bashir)
|
Quote: فعلا سمعتها بهيد ست .. و عملت عمايلا
الاغنية دي بالزات (بالزات هنا ما جمع بزة) يا ناجي ما عارف اشكرك عليها كيف |
تشكرنا أكتر من زيارتك
...
...
تسلم
| |
|
|
|
|
|
|
|
|
|
Re: صوت ..... (Re: الملك)
|
hi to all lovely guys
i miss u all so much
grmboz ya zool an mushtag laik shoog shadiid 7'ala9
nagi alshoog ka3ab 3adeel kida
...
inta ya nagi yeni malk ma bitnazil lain al3'ona al dairenio
ana 3'aito kan 3ali al 6awali basma3 fio
lakin alsha3b alsodani alfadal da ma dair isma3 ma3ak
...........
btw
dair ahdi o3'niat e7rami elaik alfi bitna deek
lai tamador shai7 aldeen rad allaho 3'orbataha
kalima 3alik alla ya grmboz wa nagi
lanha he alwaratni ser al3'onia di wa ga 7amed katani biha 3adeel kida
...........
slamii
| |
|
|
|
|
|
|
|
|
|
Re: صوت ..... (Re: محمد ابو القاسم)
|
Quote: ناجي
الصديق
الوفي
ان الصوت الغريب الذي اطل من داخل هذا البوسط ادهشني جدا جدا جدا
مبالغة لدية حنجرة ذهبية
ولي عودة
مع ودي وسلامي |
....
....
ده حامد ابو سبح
حاول تمر علينا برضو كل مرة
زيارتك بالدنيا
صديقى
| |
|
|
|
|
|
|
|
|
|
Re: صوت ..... (Re: Dia eldin khalil)
|
يا "ضياء" الروح يا مُدامة ، ويا عواطفنا النبيلة
شُفت حامد بقول ضياء الروح دي كيف؟
أسمع ..
لما ترجع بالسلامة ...
حوريك سًر الاسرار ...
...
والريده كُلها حقتك ، براك وحدك...
| |
|
|
|
|
|
|
|
|
|
Re: صوت ..... (Re: Dia eldin khalil)
|
Quote:
inta ya nagi yeni malk ma bitnazil lain al3'ona al dairenio
ana 3'aito kan 3ali al 6awali basma3 fio
lakin alsha3b alsodani alfadal da ma dair isma3 ma3ak |
ضياء ياخى مشتاقين
...
...
ولما ترجع بالسلامة جاياك فى الدرب
....
....
| |
|
|
|
|
|
|
|
|
|
Re: صوت ..... (Re: الملك)
|
الفطن الوسيم قرمبوز
واعلم ان هذا البوست ملك الملك (لكن يا الملك قرمبوز دا ملك يميني ) وهذا بما اقتضاة الوجد وهذه لعنة الاصدقاء ( عينك في اب سبح تطعن في صاحبك )
قدر لنا ابو داود وصحبه ( ونعم الاقدار ) واحسب ان هذا لشئ في حسن السياق و واقصد السياق الذي انتج ابو داوود وعشه الفلاتيه تاريخ بعيد عن الاختناق البيئي لذا اتسعت رئتهم للغناء وضقنا نحن بما خسرنا وهذا سر ( الاستلاف ) لذا ياصديق سوف نقبض علي طعم الغناء اوابو سبح الي ان ( تقضي الدنيا قرضا )
فشكرا حذينا ابو سبح علي شنو؟ هذا ماهو بينا ( يعني بالغه الجرايد والمقالات ) ونواصل
| |
|
|
|
|
|
|
|
|
|
Re: صوت ..... (Re: معاويه بشري)
|
بعيداً عن ابوسبح وداخل الوجد المنثور هنا :
مداخلة لأجل صاحبي ومشتهي نُفسي ، وغربتي وشوقي
"ماو" اللذيذ القبل الشاطئ بيتهُ، سلامات يا "عريس" الارض وما عليها
Quote: واقصد السياق الذي انتج ابو داوود وعشه الفلاتيه
تاريخ بعيد عن الاختناق البيئي لذا اتسعت رئتهم للغناء وضقنا
نحن بما خسرنا وهذا سر ( الاستلاف ) |
الماركسية دي ياماو ريحتها واضحة ، عرق فلاتة ، ما بتفك...
تصدق ، اشتقت ليك شوق ضكر ياكوميرت ، الله يقطع الحرب ويقطع سنينها.
ما خطر في بالي ياثرني غيابك يوماً ما، ويقطع سوالفي في السكة والسكة سوالف.
نسو شنو ،" شوفوا العجائب ام جزيمة جوزولها شائب"
بس عائزك ما تنسي موضوع "الضُرس" وان تبعث بسلامي حين
ينام الناس الي حكاياك الودودة ...
ماو ،
ستغني قلوبنا وكل الشوارع ، سنملؤها باللقاءت والسهر والاصدقاء
خلاصه القلب يا ماو ياودامنة "أحب دينك ولو فرقت سطر أو صفحة من البياض".
| |
|
|
|
|
|
|
|
|
|
Re: صوت ..... (Re: معاويه بشري)
|
Quote: واعلم ان هذا البوست ملك الملك (لكن يا الملك قرمبوز دا ملك يميني ) وهذا بما اقتضاة الوجد وهذه لعنة الاصدقاء ( عينك في اب سبح تطعن في صاحبك )
قدر لنا ابو داود وصحبه ( ونعم الاقدار ) واحسب ان هذا لشئ في حسن السياق و واقصد السياق الذي انتج ابو داوود وعشه الفلاتيه تاريخ بعيد عن الاختناق البيئي لذا اتسعت رئتهم للغناء وضقنا نحن بما خسرنا وهذا سر ( الاستلاف ) لذا ياصديق سوف نقبض علي طعم الغناء اوابو سبح الي ان ( تقضي الدنيا قرضا )
فشكرا حذينا ابو سبح علي شنو؟ هذا ماهو بينا ( يعني بالغه الجرايد والمقالات ) ونواصل |
عارف ماو
قريت الاسم قلت معاوية بشرى ده منو ؟؟؟
وصلت بالسلامة
....
....
طيب حمد لله على السلامة
راجيك نضمك سمح
| |
|
|
|
|
|
|
|
|
|
Re: صوت ..... (Re: الملك)
|
salamt
grmaboz la7awlaaaaa
....
bitabali3' ma3ana wallahi
.....
nagi mushtageen ya zool
malak ma dair tanazil lai al3'ona aldairooo
ya nagi 69 inta
........
i7tari elaik
i7tari elaik
i7tari elaik
i7tari elaik
i7tari elaik
| |
|
|
|
|
|
|
|
|
|
Re: صوت ..... (Re: Dia eldin khalil)
|
صباح الخير...
عارف يا ناجى...مررت بهذا الدرب عدة مرات
لو كنت اعلم انك تدس صوت أبسبح هنا...
لجئتك مهرولة...
....
وفى شتاءات الخرطوم الباردة...لا بد من مثل هذا يا قرمبوز..
..................
ماو...الضو
...
تشبهون هذا الصوت...تشبهونه جدا
-ماشة وجاية
.....
| |
|
|
|
|
|
|
|
|
|
Re: صوت ..... (Re: Ali Alhalawi)
|
Quote: نــاجـى .. الملك
سلام و أشواق .. و شــكر
دا "صوت" أسطورى |
تسلم
بس لينا زمن لم نقرأ لك أى حكاوى
...
..
.
اعانك الله على الزكريات
| |
|
|
|
|
|
|
|
|
|
Re: صوت ..... (Re: Ali Alhalawi)
|
Quote: نــاجـى .. الملك
سلام و أشواق .. و شــكر
دا "صوت" أسطورى
سلملى على الواد قرمبوز |
علي وما طالبني حليفة والله تلاتة انا مُعجب بي وجودك جداً
وحااوريك ليه .؟
| |
|
|
|
|
|
|
|
|
|
Re: صوت ..... (Re: Dia eldin khalil)
|
Quote: i7tari elaik
i7tari elaik
i7tari elaik
i7tari elaik
i7tari elaik |
ضياء يا حبيبى
احترامى اليك نازلة ليها تلاتة ايام بضواحيها
....
....
بعد أغنية الفطن الوسيم
(ينصح سامعاها بالسمعات)
ــــــــــ
| |
|
|
|
|
|
|
|
|
 Re: صوت ..... (Re: الملك)
|
ازيك يا ملك
ابو سبح ( ربي ينفعنا بجاه )
سمعتو ليك لما جيت السودان قبل كم شهر
والبركة في عربية ضياء غايتو عملت الما عملتو الاذاعة السودانية ولا قناة النيل الأزرق ولا وسائط الاعلام التانية .
لكن هسي قول لي بوستك دا مالو؟!!!
ما قدرت اسمع غير ( الفطن الوسيم ، وفي شخصك بحترم اشخاص ) طبعاً حفظتهم
لكن كان ما شفتو لي حل للتانيات شديتكم فوق ابو سبح
| |
|
|
|
|
|
|
|
|
|
Re: صوت ..... (Re: الجندرية)
|
Quote: ازيك يا ملك
ابو سبح ( ربي ينفعنا بجاه )
سمعتو ليك لما جيت السودان قبل كم شهر
والبركة في عربية ضياء غايتو عملت الما عملتو الاذاعة السودانية ولا قناة النيل الأزرق ولا وسائط الاعلام التانية .
لكن هسي قول لي بوستك دا مالو؟!!!
ما قدرت اسمع غير ( الفطن الوسيم ، وفي شخصك بحترم اشخاص ) طبعاً حفظتهم
لكن كان ما شفتو لي حل للتانيات شديتكم فوق ابو سبح |
الجندرية شوقنا بحر
بركة اب سبح الجابت لينا
...
...
باقى الاغانى انا منزل اللنكات بتاعت الحفظ
....
....
لكن وعد منى فى اخر البوست حانزل كل اللنكات
بس الود قرمبوز يقوم بالسلامة
| |
|
|
|
|
|
|
|
|
|
Re: صوت ..... (Re: الملك)
|
nagi izzayek
awla 7aga 9a7bi grmboz malo
shaifak bitgool lil gandaria laman yegoom bel salma
hoi ya zoool
ana grmbooz da salmtak laiho tagfeel al sharika
argook 7'ali lai kida laman ageee
..........
al3aziza jidan amani
wallahiii
walla agool laik a7'er akteb laik al kalm fi 7ita barak
.......
| |
|
|
|
|
|
|
|
|
|
Re: صوت ..... (Re: الملك)
|
salam ya siti amani
...walahi mushtagen jidan jidan jidan
kaif al7ia ma3ak
barak alla fi absiba7 al jabik lina
fatik
al3'ona alsami7
lakin barak alla fi nagi 96
albiwa9il a9watna lai nas a9an3a
(3ala gamb)
salimi lai 3al hboia jidan wa 3osman torath wa ysaar wa7omodi al7ilwen
Dia
| |
|
|
|
|
|
|
|
|
|
Re: صوت ..... (Re: Dia eldin khalil)
|
ضياء
...
...
العرس او الحنة
حتنفعنى ممكن تسأل
كوبرا,قرمبوز,عثمان, ...الخ
عارف ليه
لانى كنت مع حوتة وانت بالضرورة حتفهم
(الحووووووووووووووت لا يموووووووووووت)
| |
|
|
|
|
|
|
|
|
|
Re: صوت ..... (Re: الملك)
|
الملك:
كالعادة ماسمعت أي حاجة ، لكن زولكم ده لو ياهو ذاتو السمعني ليهو { ضياع الدين } خليل بيكون فنان قاطع ومتمكن ، سمعني ليهو ضياء بسماعة تلفون وكنت حينها سليق { ري } وبرضو رايق ري وخاصة غنية الضخم الفخم أبوداؤد
بس عبت عليهو في ذلك الإستماع العجول الذي لايؤهلني لإبداء الرأي ما إعتبره قرمبوز ميزة وهي يجعل من غنية أي زول أغنية خاصة به ، يضفي عليها طابعه الخاص
الحكاية دي عادة بتعجبني وكنت افضل سماع { في سكون الليل } من مصطفى سيد أحمد وليس من أحمد المصطفى ، لكن اليوم داك ماعجبتني لما غنى فيما أظنه { حامد أبوسبح } أغنية البلابل { ليل الشجن } إمكن لأنني منحاز جدآ لأداء البلابل مع الموصلي للأغنية التي أهديها لكم جميعآ في بوست أخر هنا
المهم مافاتتني المتعة فالولد الحريف إبراهيم الجريفاوي المسمى بقرمبوز وفر لي كثير منها هنا بمداخلاته الجميلة ، آيات من الكتابة الماتعة أتابعها بشغف حرف حرف وأذهب إلى حدود المتعة ، إلى نهايتها ، وأصعد فوق سقفها خاصة مواجدته مع الرفيق { ماو } تحياتي لهما.
ضياء خليل:
لو فاتتك صينية السمك بتاعت غداء اليوم لا تلوم إلا ظروفك وشروط العقد ، السمك خليط من الهامور والكنعد الفيلية وأي بهار يخطر على بالك والبقدونس وقمرالدين مخلوط مع زنجبيل / جنزبيل ماعارف الصاح شنو ومشتت عليها فول مدمس مكسر ومضاف عليها صلصة محار إيطالية
شفت كيف
أما البت صاحبة العيون المتسائلة فقد أدلت لي بأجمل تعليق أسمعه في الألفية الثانية
مررت لي رقم تلفونكم المميز ولمن قلت لها هذا رقم رائع
قالت لي : وجادعنو في البحر
سلم لي على الأسماك والحيتان
اللفي البحر
واللفي اللاندمارك
| |
|
|
|
|
|
|
|
|
|
Re: صوت ..... (Re: أبو ساندرا)
|
| Quote: السمك خليط من الهامور والكنعد الفيلية وأي بهار يخطر على بالك والبقدونس وقمرالدين مخلوط مع زنجبيل / جنزبيل ماعارف الصاح شنو ومشتت عليها فول مدمس مكسر ومضاف عليها صلصة محار إيطالية |
هل سقط الزبيب جهلاً ام سهواً!
| |
|
|
|
|
|
|
|
|
|
Re: صوت ..... (Re: أبو ساندرا)
|
Quote: كالعادة ماسمعت أي حاجة ، لكن زولكم ده لو ياهو ذاتو السمعني ليهو { ضياع الدين } خليل بيكون فنان قاطع ومتمكن ، سمعني ليهو ضياء بسماعة تلفون وكنت حينها سليق { ري } وبرضو رايق ري وخاصة غنية الضخم الفخم أبوداؤد
بس عبت عليهو في ذلك الإستماع العجول الذي لايؤهلني لإبداء الرأي ما إعتبره قرمبوز ميزة وهي يجعل من غنية أي زول أغنية خاصة به ، يضفي عليها طابعه الخاص
الحكاية دي عادة بتعجبني وكنت افضل سماع { في سكون الليل } من مصطفى سيد أحمد وليس من أحمد المصطفى ، لكن اليوم داك ماعجبتني لما غنى فيما أظنه { حامد أبوسبح } أغنية البلابل { ليل الشجن } إمكن لأنني منحاز جدآ لأداء البلابل مع الموصلي للأغنية التي أهديها لكم جميعآ في بوست أخر هنا
المهم مافاتتني المتعة فالولد الحريف إبراهيم الجريفاوي المسمى بقرمبوز وفر لي كثير منها هنا بمداخلاته الجميلة ، آيات من الكتابة الماتعة أتابعها بشغف حرف حرف وأذهب إلى حدود المتعة ، إلى نهايتها ، وأصعد فوق سقفها خاصة مواجدته مع الرفيق { ماو } تحياتي لهما. |
ابو ساندرا
انا حاولت انزل بى اكتر من طريقة للتنزيل عشان بس لو فى احتمالية لتشغيل الاغنية بعدة برامج لكن مافى مشكلة موعودين باستماع فى حضرتك فى اول زيارة (ابو ماهى) بما أن الود ضياء معكم الأن ...فليس من العدل ارساله الى السودان قريباً على قول احدهم (دى وصية)
....
....
حاحاول انزل كم مرة وانت معنا
| |
|
|
|
|
|
|
|
|
|
Re: صوت ..... (Re: الملك)
|
يحكي ان الخليل فرح بدري (خاذن الغناء ) ذلك الافندي المضاد علي تعبير عبد الله علي ابراهيم ,كان يسمع شعره وفنه في مجلس (منضوم ورايق ) بالخرطوم ان لم تخني الذاكره صالون لاحد نساء الخرطوم تدعي الشول بت حلوه ويسمي المنزل( بدار فوز)وهذا منطق اقتضاه الحال الغناء في ذلك الزمان حين كان الفنانون الامدرمانيين يولوون وجوههم شطر ( جورج مشرقي و قبله دكان عنبر الحلاق ) كان للخليل ذلك الصالون.. وان لابوسبح رائحه ذاك المكان وتلك السيره (شفت كيف يا كوميرت ) ,لذا عندماا سمع لهذا اب سبح اتحسس طربوشي (الخليل -ابو داوود) كل الاولياء لهم صوت واحد , نستولوجيا مش ( نستولوجيا مضمونه ولا حاضر مجهجه) كما جا في الاثر ,يا الملك الذي في ام درمان اناقلت ليهم الولد دا عندو صوت ذي ( نقاع الزير ) فلا تدع الفرصه تفوتك
ونلتقي .. لان للشبكه احوال كما للشوق احوال اخري ( شفت المصيبه دي يا صاحب الواحد اصبح في عالم تحكمه الشبكه (ياقبضت ياجلت ) زمن.. بخت القمري
| |
|
|
|
|
|
|
|
|
|
Re: صوت ..... (Re: الملك)
|
salamat
abosandra...seed al3ida
alsalmo 3alikom
ma kafatkom 3idatom ,,,dairen tashelo 3idatna
raga tark kl alsmak alba7ria wal landmark 7'arig alle3eb
into alwa7ed ma yewarekom 7aga ella tamrogoha laina 3ala alshabaka al3ankabotia diii
nas nanagi wa grmboz dail ma ga3deen wa rageen al biga3 minana da
.......
7sain malasi salmat ya7' wain min dek wa 3eek
shoft abosandra da be3mal laina fi shno
3alik 3alla ma 7'ati 3ali
???
bas mu7'alino 3ashan seed al3ida
.......
nagi alzbair
3alik alla nazil laina lma targa3 belsalma al3indana
wa wareha kadi lai abosandra 3ashan yeshoof
ba3daim ya nagi ma golta laik nazil laina e7trami elaik albel gutar bas wa kalim lina tamadur
aw rasil lai al e.mail bita3a wana bakalima
...................
maw afandi boshra
alwad gad gad zai naga3 alzer
mushtagen wallahi ya maw
..........................
Grmboz
malk ya zool 7'alitni
mushtagen wallahiDia
| |
|
|
|
|
|
|
|
|
|
Re: صوت ..... (Re: الملك)
|
ملاسي:
يا معلم صلصة المحار الإيطالية تقوم مقام الزبيب وأفضل عشان فيها حاجة دراشة كده ، بعدين إت شن خبرك بالأسماك وأهل الأناضول كل خبراتهم في الفطائر والبقلاوة ، حتى التركش كوفي الأحباش أخير منهم
سلم لي على أوردكان
أبوالنج :
تشكر على مجوهداتك
التي سوف تؤدي بعمر الجندرية
غاوية المغنى الجميل
ضياع :
عذبتني بالهيروغلوفية الجديدة
وعذبتني أكثر بنجلاء العينين
البت شاهقة الحس والحضور
شلباية نيل تائهة في الخليج تحاصرها الحيتان
التي هي في عرض البحر وإلى حين نراه قريبا
| |
|
|
|
|
|
|
| |
الملك
إسماعيل حميم
Ibrahim Algrefwi
عبد الله عقيد
Ahmed Abdallah
توما
Dia eldin khalil
Muna Khugali
saadeldin abdelrahman
Soumeta
Hafiz Bashir
محمد ابو القاسم
أيزابيلا
الجندرية
أبو ساندرا
Hussein Mallasi
فيس بوك
تويتر
انستقرام
يوتيوب
بنتيريست