|
|
 أمطار هذا العام,,,جاءت فجأة
|
على حسب تصريح ذلك المسئول الرفيع,,,
والذى يلبس أحلى بدلة من الصباح,,,
ويقف على الشارع الأسفلتى,,,مكففاً ,,
بنطلونه النظيف جداً,,,
ومتكلاً على سيارة بوكسى 2008 دبل كابينه,,,
وينظر إلى البيوت التى تنهار ,,,
فجأة
|
|
 
|
|
|
|
|
|
|
 Re: أمطار هذا العام,,,جاءت فجأة (Re: esam gabralla)
|
عصام
لو قريت جرايد شهر مايو وابريل,,,
وسمعت الأرقام الماكوكية
ما بفضل ليك الا تقول على قول جارتنا,,,
الحيطتا وقعت
لينا الله,,, وليكم الميزانية يا ناس الحكومة
اقرأ عليك لله
,,,,,
,,,,,
لن تغرق العاصمة هــذه المـرة
إذا كان الخريف عند أهل السودان قاطبة يعني النماء والخصوبة فهو عند اهل العاصمة المعاناة كلها .. فهو البرك الآسنة وهو الوحل وصعوبة المواصلات ، وظلت الخرطوم طيلة حقبها التاريخية تغرق في شبر ميّة... في هذه المساحة تقف الصحافة على الجهود لحصار المعاناة ... المعاناة الحولية .. فهل نحلم بخريف تنساب مياه امطاره في يسر وسهولة نحو النهر.. أم يتواصل النهج القديم؟
استطلاع : رجاء كامل
المعتمد: استعدادنا تمام
حكمات حسن سيد أحمد معتمد الخرطوم اكدت ان المحلية اكملت كافة الاستعدادات لاستقبال خريف هذا العام خاصة ما يلي صحة البيئة حيث اكملت المحلية اجراءات التنسيق مع الشركات لتنظيف المصارف من الاوساخ والنفايات كما يجري تأهيل مصارف الخرطوم الوسيطة والفرعية ، واشارت معتمد الخرطوم للتعاون المشترك مع مشروع نظافة الخرطوم من جمع النفايات والتخلص منها ، منوهة لاهمية الجهد الشعبي في حماية البيئة خلال فصل الخريف.
لا مكان للمعاناة
مهندس عوض حامد مدير التنمية بمحلية الخرطوم قال ان المحلية قامت عبر مكتب الشؤون الهندسية بتجديد حفر المصارف الواقعة بالمحلية و وقعت «3» عقودات مع شركات للعمل في مجال تشييد وتطهير وتغطية قرابة «237» كيلو متر اضافة لتوريد «15» الف متر مكعب من الخرصانة الترابية لردم الاماكن المنخفضة.
ويضيف المهندس عوض في افادته للصحافة ان المحلية قسمت لثلاثة قطاعات هي قطاعات الخرطوم وسط والقطاع الجنوبي وقطاع الخرطوم شرق، وان هنالك لجنة فنية قوامها المكتب الهندسي وادارة التنمية والاستثمار بالمحلية تقوم بالطواف المتواصل على القطاعات للاشراف والمتابعة وذلك منذ بدء العمل قبل اسبوعين بشارع بيويو كوان ، وان اعمال الردميات مازالت متواصلة ، مشيراً لمساهمات وزارة الشؤون الهندسية بالولاية التي عملت على توفير وصيانة آلات الشفط حتى تكون جاهزة عند الطوارئ مما يؤكد ان خريف هذا العام سيأتي خاليا من المظاهر السالبة في السنوات الماضية.
وبالنسبة لمنطقة الخرطوم شرق فقد قامت المحلية بالتعاقد مع احدي الشركات المتخصصة في تشييد المصارف وصيانتها.
2،2 مليار للمصارف
وفي منطقة السوق العربي اوضح مدير ادارة التنمية والاستثمار بالمحلية انه تم تأهيل وتطهير عدد من المصارف كما تجري المعالجات لاصلاح بعض المصارف التي يشوبها خلل هندسي وتقوم احدى الشركات بصيانة مصارف الخرطوم شمال ووسط اضافة للعمل المتواصل في احياء الصحافات والجريف والمعمورة وقد ساهم في انفاذ كل هذه العمليات قيام المحلية بتخصيص مبلغ «2.2» مليار جنيه استلمت منها الشركات 30% مما يؤكد بان استعدادات الخرطوم للخريف هذا العام غير مسبوقة وسيكون نتيجتها خلو وسط الخرطوم من البرك تماماً.
شرق النيل ترفع التمام
بمنطقة شرق النيل التقت الصحافة د. محمد زين مدير ادارة التخطيط بالمحلية الذي اكد في افادته للصحافة ان المحلية بدأت استعداداتها لخريف هذا العام منذ مارس الماضي حيث تم تقسيم المحلية الي ثلاث مناطق لتسهيل اعمال التشييد وحتى تأتي شاملة للاحياء وتتضمن الاستعدادات حفر المصارف الترابية بطول «68» كيلو متر وتشييد «24» كبري خرصاني اضافة لتوفير عبارات من المواسير بقطر 50 سم وقد بلغت الحفريات 25 كيلو من الطول المستهدف مع التجهيز الكامل للجداول.
وقال مدير ادارة التخطيط والزراعة بمحلية شرق النيل ان المحلية رصدت 40 مليون دينار للمصارف والكباري ، مطالبا وزارة الشؤون الهندسية بتوفير احتياجات ادارة التخطيط بالمحلية والتي تتمثل في توفير 5 وابورات شفط مقاس 4 بوصات وتراكتورات اضافة الى 10 الاف جوال خيش وحفار.
ولضمان توفر بيئة صحية مثلي تراعي مخاطر الخريف فقد قامت محلية شرق النيل بالقضاء على ظاهرة انتشار الابقار وسط الاحياء السكنية حيث تم تخصيص اماكن بعيدة عن الاحياء السكنية تفاديا للاضرار التي تسببها الابقار.
وتعد ادارة التنمية والزراعة اهالي شرق النيل بابعاد كل الابقار عن الاحياء السكنية قبل بداية فصل الخريف.
نزع الأراضي الزراعية
المهندس الشيخ محمد توم ادارة مصارف الامطار والسدود بوزارة التخطيط العمراني ، اوضح ان حجم المصارف المشيدة بالولاية تقدر بحوالي «855.91» كلم و «588.359» كلم مصارف غير مشيدة ويحتاج العمل فيها لميزانية ضخمة لبنائها وتغطيتها بصورة حضارية.
اما فيما يختص بحماية الولاية من اخطار السيول والفيضانات اوضح انه تم تنفيذ تصميم المصرف والجسر الواقي في منطقة امدرمان لتوجيه مياه السيل الى خور ابوعنجة لتصبح كل المنطقة محمية من خطر السيول.
اضافة الى بدء العمل في تشييد سد المنصوراب جنوب غرب امدرمان للاستفادة من المياه المتدفقة في استقرار الرحل وتنمية الثروة الحيوانية في المنصوراب .
ومنطقة شرق النيل، ايضا بدأ العمل في تنفيذ سد الكنجر لحجز حوالي 6 ملايين متر مكعب من مياه الامطار.
وطالب بزيادة الاعتمادات المالية المخصصة لاعمال المصارف ونزع كل الاراضي الزراعية التي تعترض مسار المصارف مع التنسيق بين ادارة الطرق و التخطيط العمراني مع ادارة المصارف عند توسعة الطرق وتخطيط الاراضي تفاديا لدفن المصارف وتخطيط القطع السكنية في اماكن المصارف.
المصارف الترابية عديمة الفاعلية
البروفيسور احمد عبد الرحمن العاقب مدير مجموعة العاقب الاستشارية الهندسية، قال ان اكثر من 70% من مصارف ولاية الخرطوم ترابية ولا تؤدي دورها بالصورة المطلوبة بل تسبب مشكلة بتراكم النفايات المنزلية والاوساخ تكون معبرا للمياه التالفة لذا يجب اتباع الاسلوب الحديث لتصريف المياه في ذلك عبر تشييد المصارف السطحية الدائرية التي تعمل على توفير 40% من قيمة تكاليف المصارف التقليدية.
واشار البروفيسور العاقب لتصميم المجموعة لمشروع تصريف مياه الامطار لمنطقة الخرطوم شمال السكة حديد في يوليو 2000م بطريقة علمية بحيث تضمن تصريف المياه تجاه المصرف الرئيسي وتم تنفيذ 10% من المشروع كما ان هنالك مشروعا للتصريف السطحي لمنطقة ام ضريوة السكنية باسلوب هندسي خاص بالمناطق الحديثة.
المطلوب موازنة اقتصادية
د. شرف الدين بانقا وزير الشؤون الهندسية السابق بولاية الخرطوم اعتبر تصريف مياه الامطار في المدن التي لا تتمتع بطيبوغرافية مساعدة اغلى من حيث التكلفة مقارنة بالمرافق الاخرى مطالباً باجراء موازنة اقتصادية بين تكلفة منشآت شبكات تصريف مياه الامطار وتكلفة الاضرار المباشرة وغير المباشرة الناتجة من مخاطر السيول ورسم خريطة لكل وادي او خور بحيث يتم تحديد المستجمع المائي مع توضيح كمية المياه المتدفقة بالاضافة لاختيار موقع لحجز أكبر قدر من المياه المتدفقة ، موضحا ان توفير المنشآت والتجهيزات المبكرة للشبكات يقلل من التكلفة.
تزامن الخريف مع الفيضانات
ويشير د. بابكر ابراهيم بريس جامعة الخرطوم لتميز طبيعة الخرطوم بقلة انحدار الاراضي مع وجود تربة غير مسامية خاصة في المنطقة التي تقع جنوب السكة حديد والطائف والصحافات والازهري مما يؤدي لصعوبة تصريف مياه الامطار والفيضانات ، وقال ان من اخطر المشاكل التي تواجه الولاية في فصل الخريف تزامن موسم الامطار مع فيضانات النيل وفروعه لذا يجب توفير مضخات لتصريف مياه الامطار الى النيل لان غالبية مضخات مصارف كل من شارع النيل والموردة وابوروف لا تعمل بالصورة المطلوبة.
ويري د. بريس ان اهم اسباب تراكم مياه السيول هو توزيع الخطط السكنية داخل مجاري الاودية و السيول وان قل حجمها فان لها تأثيرات سالبة كبيرة والحل يكمن في اقامة عدد من السدود للاستفادة من المياه اقتصاديا واجتماعياً وتحسين مستوي المعيشة للمجتمعات الرعوية التي تحيط بالمدن وذلك عبر حجز المياه بالاضافة لتخفيض احجام السيول المتدفقة نحو المناطق السكنية لتقليل الاضرار وزراعة احزمة من الغابات لاحتواء اثار التعرية والجفاف والتصحر.
الاعداد المبكر
د. عبد الله خيار خبير الارصاد الجوي يقول ان موقع السودان الجغرافي يعرضه لتعقيدات مناخية تصاحبها كوارث تضر بالانسان واقتصاده لذا يجب التحوط مبكرا لكل طارئ على مناخ البلاد لتميزه بالتذبذب خاصة ولاية الخرطوم فنجد مثلا ان امطار عام 88 قد سجلت اعلى معدل «5.415» ملم وسجلت في نفس العام في يوم واحد «205» ملم بما يعادل 170% من المعدل المناخي للامطار مما يدعونا للتحسب دائماً بهطول كميات كبيرة من الامطار في يوم واحد او حتى ساعات ونجد ان الخريف في ولاية الخرطوم يبدأ عادة في العشرة الايام الاولى من شهر مايو وينتهي في العاشر من نوفمبر.
وقال د. خيار انه عند تصميم المصارف يجب مراعاة كثافة معدل الهطول العالي للامطار بالولاية مع الاستعداد لموسم الامطار قبل شهر مايو الذي يمثل بداية الموسم وعلى ولاية الخرطوم المساهمة في تطوير ونشر اجهزة الرصد الخاصة بالامطار.
كان من المفترض ان تكون هنالك افادة لمحلية امدرمان لكن لبيروقراطية المكاتب لم تسمح بذلك حيث ذهبنا اكثر من مرة للقاء المسؤول في هذا الشأن إلا ان كل محاولاتنا باءت بالفشل.
http://www.alsahafa.info/index.php?type=3&id=2147489468
(عدل بواسطة الملك on 08-26-2009, 04:50 PM)
| |
|
|
|
|
|
|
|
|
|
Re: أمطار هذا العام,,,جاءت فجأة (Re: الملك)
|
الإستعدادات لمؤسم الخريف,,,
كما سبق وقد قرانا
Quote: د. الخضر يؤكد حرص الولاية على توفير خدمات المياه واستعدادات فصل الخريف
2009-07-15 14:31:55 د. الخضر يؤكد حرص الولاية على توفير خدمات المياه واستعدادات فصل الخريف
اكد د. عبدالرحمن الخضر والي ولاية الخرطوم حرص الولاية علي معالجة قضية توفير خدمات المياه للمواطنين ووضعها في سلم اولويات حكومته . وقال / لسونا/ لقد اجرينا تعديلات ادارية وجوهرية في هيئة مياه الخرطوم وقمنا باعداد خطة اسعافية ارتفعت تقديراتها هذا الاسبوع الي 70 مليون جنيه مقابل 54 مليون جنيه الشهر الماضي تم التصديق عليها بالكامل لمعالجة توفير مصادر امداد مائي الى حين اكتمال العمل في المحطات الكبري علي النيل واحلال الشبكات القديمة بحديثة .
واضاف د. الخضر لدينا خطة نستطيع من خلالها في ثلاثة اشهر من احلال حوالي 1260 كلم من الشبكة بجانب توفير مصادر كهربائية للمحطات لضمان استمرار خدمات المياه عند انقطاع التيار الكهربائي، الي ذلك اكد والي الخرطوم استعدادات الولاية لموسم الخريف هذا العام واضاف ان هنالك عمل كبير تتمثل ملامحه في تكليف عدد من المقاولين والشركات بفتح المصارف والزامها بازالة الانقاض والمخلفات واستحداث وسائل جديدة لسحب المياه وللتشغيل الذاتي لبعض الطلمبات وتوفير مضخات متحركة للتخلص من المياه المتجمعة في بعض المواقع فضلا عن فتح المصارف وتوفير مستلزمات الدفاع المدني تفاديا لحدوث أي كوارث بجانب تكليف لجنة مسئولة عن ذلك وتشكيل غرفة عمليات برئاسة الولاية. . |
مصدر
| |
|
|
|
|
|
|
|
|
|
Re: أمطار هذا العام,,,جاءت فجأة (Re: الملك)
|
إقتراح بتحويل ميدان الكورة,,,
بحلتنا إلى مسبح للسادة المسؤليين
وتمت تلخيص الفكرة كالأتى من قِبل إحدى الاخوات الكريمات,,,فى صفحات الفيسبوك
فكرة الميدان حوض سباحة، حقو تتعمل عقوبة زي دي، قبل السباحة يتم ملء الميدان بدودة البلهارسيا ثم يعوم المسئول، يخرج رطبا قبل أن يجف ليتم وضعه في غرفة رطبة أرضيتها بسيراميك الاسبايروجايرا وموسيقى القعونج الناعمة ومساج أنثى الأنوفلس المختار بعناية،ثم لتنشيط الأرجل وتمشية الدورة الدموية لازم يشيل الأطفال في راسه يقطعهم الطريق ،ما أظن كفاه لگن أفكاري انتهت -للوقت الراهن- . اخخ حاسة اني فشيت غبينتي ،شكرا ياخ
| |
|
|
|
|
|
|
|
|
|
Re: أمطار هذا العام,,,جاءت فجأة (Re: الملك)
|
مفاجاءه مره واحد كيدا يا الملك...!!
انا قبل فتره ليس بالقصير فتحت بوست هنا
بس ما عارف البوست راح وين في الارشيف السابق
وكنا نبهنا فيهو بهذه الاخطار...
الله يكون في العون.
ورمضانكريم.
__
ديل مسؤولين شنوا أعوذ بالله منهم..
| |
|
|
|
|
|
|
|
|
|
Re: أمطار هذا العام,,,جاءت فجأة (Re: عبدالكريم الامين احمد)
|
فاجئنا خريف هذا العام
عباره نسمعها كل عام ولا يمل ولاتنا من ترديدها
سؤ تصريف واخطاء هندسيه لا يقع في اصغر طالب هندسه او قل صبي بناي علي قول طارق جبريل
موقف السكه حديد الجديد خير مثال للاخطاء الهندسيه الفادحه
اصبح الموقف - من جهة مواصلات ام ردمان - عباره بركه او ترعه من تجمع المياه وعدم تصريفها
رمضان كريم يا ملك
| |
|
|
|
|
|
|
|
|
|
Re: أمطار هذا العام,,,جاءت فجأة (Re: نوفل عبد الرحيم حسن)
|
Quote: موقف السكه حديد الجديد خير مثال للاخطاء الهندسيه الفادحه
اصبح الموقف - من جهة مواصلات ام ردمان - عباره بركه او ترعه من تجمع المياه وعدم تصريفها
رمضان كريم يا ملك |
نحن بس لو طبقنا,,,النظام الإقترحو ناس حلتنا
بانو الميدان دا بى طريقتو دى يتحول لى مسبح
لمسؤليين الولاية,,,,
تانى المطرة دى لو نقطت بغرفوها هم
كل سنة وانتا طيب ,,,السنة الجاية الله يغرفهم ,,,,ياخ
| |
|
|
|
|
|
|
|
|
|
Re: أمطار هذا العام,,,جاءت فجأة (Re: عبدالكريم الامين احمد)
|
| Quote: ابو الزفت انعل ابو الهندسة زااااتو ياخي اللقطة دي فضيحة وبتوري انو الجسر ده دفاعو التصريفي اخير منو دفاع المريخ |
نحكى ليك القصة اللطيفة دى اها لمن وقفنا وقعدنا نتفرج وفجأة جاء "أحدهم" من خلفنا وسمعنا بتكلم عن التصريف والحكومة والغلطــ ما كان به الا وان صاح ياخ الوالى بى جلالو كان هنا ووقف على تصريف المياه ,,,!! وبعد نقاش طويل وبايخ,, حول عدم وجود "ماكينة رفع مياه" بنفق زى دا ,,,,قال لى مافى ماكينة "ضخ" بترفع اكتر من ستة امتار فى العالم ... وسالنى أنتا شنو رديت عليهو بى مهندس اتبكم ومسك تلفونو ,,,وضرب رقم وقال :- والله يا سعادتك لسه بنفتش فى الناس الصورت المصيبة دى لكن ما لقيناهم
,,,
بتصدق
الحمد لله إنو كان جنبى شاهد
| |
|
|
|
|
|
|
|
|
|
Re: أمطار هذا العام,,,جاءت فجأة (Re: الملك)
|
هلا يا الملك
وفعلا حكاية تحرق الفشفاش ياخي..
بلد بالامكانيات والكفاات والمقدرات دي يغلبنا تصريف موية
والبيوت تقع علي الناس روسينا ويجي افندي كضاب وما عندو حاجة ويقول ليك فجاة
| |
|
|
|
|
|
|
|
|
|
Re: أمطار هذا العام,,,جاءت فجأة (Re: عبدالكريم الامين احمد)
|
Quote: هلا يا الملك
وفعلا حكاية تحرق الفشفاش ياخي..
بلد بالامكانيات والكفاات والمقدرات دي يغلبنا تصريف موية
والبيوت تقع علي الناس روسينا ويجي افندي كضاب وما عندو حاجة ويقول ليك فجا |
عبدو ياخ البلد,,,دى
الإمكانيات موضوعة لخدمة أهل النظام
الكفاءات معظمها تم نقلها للصالح العام ,,, ككل الإدارات الخدمية والمهنية ,,,, ما عدا المباحث 
خلى البيوت تقع
كان جات انتخابات,,,,
بتكون الرؤية اوضح,,,
| |
|
|
|
|
|
|
|
|
|
Re: أمطار هذا العام,,,جاءت فجأة (Re: مزمل خيرى)
|
Quote: بلد بالامكانيات والكفاات والمقدرات دي يغلبنا تصريف موية
|
هلا كيكي
تشييد الطرق والجسور لا يتم بواسطة مهندسين انما بمهندسين واسطه
وشركات تفتقر لكل شي ... مش شركاتهم ؟ وشغالين علي كيفهم في اموال الشعب دا ؟
| |
|
|
|
|
|
|
|
|
|
Re: أمطار هذا العام,,,جاءت فجأة (Re: نوفل عبد الرحيم حسن)
|
Quote: تشييد الطرق والجسور لا يتم بواسطة مهندسين انما بمهندسين واسطه
وشركات تفتقر لكل شي ... مش شركاتهم ؟ وشغالين علي كيفهم في اموال الشعب دا ؟ |
النفق ...
دا على ما أظن نفذتو شركة صينية,,,
اغلبية الأنفاق دى بتكون فيها "مضخة رافعة"
بترفع فى حالة وصول اى كمية من المياه لها,,,
والغريبة المضخات دى فى شارع الحرية ,,,موجودة بكثرة
يعنى المشوار كان بعيد عليهم
| |
|
|
|
|
|
|
|
|
|
Re: أمطار هذا العام,,,جاءت فجأة (Re: نوفل عبد الرحيم حسن)
|
Quote: تشييد الطرق والجسور لا يتم بواسطة مهندسين انما بمهندسين واسطه
وشركات تفتقر لكل شي ... مش شركاتهم ؟ وشغالين علي كيفهم في اموال الشعب دا ؟ |
هلا يا نوفل
ورمضان كريم ياخي
وياخي دي حكاية محزنة والشعب الفضل ده ليهو الله وعيشة السوق
غرق موية المطر ...
تصريق ومجاري الخرطوم وحكاية الامطار فيها ده موضوع قديم وفيهو اسهامات وافكار بالجد نيرة وسهلة
وقابلة للتنفيذ باقل الامكانيات لكن نقول شنو مع الغول والناس السلعلع ديل
| |
|
|
|
|
|
|
|
|
|
Re: أمطار هذا العام,,,جاءت فجأة (Re: الملك)
|
Quote: والله لو شفتا البدلة اللابسا
التقول جائ عـــــــــــرس,,,,
أأأأأأأأأأأأاحى انا يا بلد |
يا ملك....بالله لو مشيت شفت مكاتبهم...بكون فيها اثاثات و أهمها كرسي جلد كبييييير, وكمبيوتر زينة لا يعمل, وشكل المكاتب حيكون أجمل بكتير من نظائرها في الدول ألأوروبية الغنية...بس مكاتب مافيها زول بعرف طظ من سبحان الله....غايتو بتلقى عندهم "غٌرة" من أثر فقع مرارة العباد..و ربهم زااااتو......شيل الصبر يازول ناس حيكومتكم ديل حيرت السماء.....ظاااااتة!!
بالله الملك التاني ما ليهو حق يسميهم بنى كجة :)
(عدل بواسطة Adil Isaac on 08-26-2009, 05:37 PM)
| |
|
|
|
|
|
|
|
|
|
Re: أمطار هذا العام,,,جاءت فجأة (Re: Adil Isaac)
|
والله يا عادل
انا لمن اقرأ كلامهم فى الجرايد دى بضحك
Quote:
شرق النيل ترفع التمام
بمنطقة شرق النيل التقت الصحافة د. محمد زين مدير ادارة التخطيط بالمحلية الذي اكد في افادته للصحافة ان المحلية بدأت استعداداتها لخريف هذا العام منذ مارس الماضي حيث تم تقسيم المحلية الي ثلاث مناطق لتسهيل اعمال التشييد وحتى تأتي شاملة للاحياء وتتضمن الاستعدادات حفر المصارف الترابية بطول «68» كيلو متر وتشييد «24» كبري خرصاني اضافة لتوفير عبارات من المواسير بقطر 50 سم وقد بلغت الحفريات 25 كيلو من الطول المستهدف مع التجهيز الكامل للجداول. |
يعنى انا ساكن وين ؟؟!!!
ما انا ساكن شرق النيل,,,او الأحرى الايام دى
جوة النيل ذاااااااااااااتو
| |
|
|
|
|
|
|
|
|
|
Re: أمطار هذا العام,,,جاءت فجأة (Re: Adil Isaac)
|
ناجي سلام شنو الله يضمنك الحاج يوسف مالا ياخي ؟
غايتو بيتنا محاصر الدكان الا بمركب قالو ..
كيكي يا هندسة والله انت بقيت ذي ناس المعارضة المريخ ده
طوالي مشلتو الله يسامحك يا كيكي ...
| |
|
|
|
|
|
|
|
|
|
Re: أمطار هذا العام,,,جاءت فجأة (Re: معتصم ود الجمام)
|
Quote: ناجي سلام شنو الله يضمنك الحاج يوسف مالا ياخي ؟
غايتو بيتنا محاصر الدكان الا بمركب قالو .. |
عارف انحنا صحينا على صوت الإسعاف وهو بنقل,,,
فى شنو ما عارف
ومطافئ ,,,
والسيد المسئول,,
والبودى قاردات
عرس بس
المصيبة مانعين التصوير,,,
لو شافوكــ بى كاميرا
الا تجرى
...
غايتو الا نصور بالليل دا
صور الموبايل,,,ما بتدى الحقيقة المُرة
,,,
يا رب ما
يقطعو الكهرباء كمان,,!!
تانى
| |
|
|
|
|
|
|
|
|
|
Re: أمطار هذا العام,,,جاءت فجأة (Re: معتصم ود الجمام)
|
Quote: كيكي يا هندسة والله انت بقيت ذي ناس المعارضة المريخ ده
طوالي مشلتو الله يسامحك يا كيكي ... |
هلا يا معتصم
ورمضان كريم ياخي
يا معتصم غايظاني النقطة وجات صورة نفق عفراء مول الجابها الملك دي
وحرقت فشفاشي زيادة
| |
|
|
|
|
|
|
|
|
|
Re: أمطار هذا العام,,,جاءت فجأة (Re: عبدالكريم الامين احمد)
|
ناجى هوى رمضان كريم
ما تعمل لى فيها بطنك فيها مغسة؟؟؟ موضوع بحصل كل سنة و ح يستمر
ونحن زاتنا لو عملو لينا تصريف ح نحرد الخريف ؟؟؟
بقى المزاج اننا نخوض
شوف شغلتك وورينى امانى دربها وين ووين اللمه
وزوغتك من رسال الصور فى الايميل شينه عديل كده
خلينا بالله فى التسالى والونسات
قال النفق قال مش تحمدو ربكم عملو ليكم نفق
عالم لا بتحمد لا بتشكر
بعدين الحكومة ترقص والا تشوف ليكم فارغاتكم دى هسه
قوم لترتيب موعد للونسه ورسل الصور هداك الله
| |
|
|
|
|
|
|
|
|
|
Re: أمطار هذا العام,,,جاءت فجأة (Re: Siham Elmugammar)
|
سهام
| Quote: شوف شغلتك وورينى امانى دربها وين ووين اللمه |
أمانى رجعت ومافى حد لاقاها,,,
وكسفت خاطرنا معاها,,,
Quote:
قال النفق قال مش تحمدو ربكم عملو ليكم نفق
عالم لا بتحمد لا بتشكر
بعدين الحكومة ترقص والا تشوف ليكم فارغاتكم دى هسه
|
او تسبح
غايتو الموقف الجديد تحول بقدرة قادر
إلى أكبر حوض سباحة,,,
ـــــــــ
صورك حتصلك فى الايميل مُعززة مكرمة
| |
|
|
|
|
|
|
|
|
|
Re: أمطار هذا العام,,,جاءت فجأة (Re: الملك)
|
نقلا عن صحيفة الرائد
بسبب الأمطار الغزيرة في الخرطوم - مصرع 3 مواطنين وهدم مئات المنازل وإغلاق المدارس
بسبب الامطار الغزيرة ولاية الخرطوم تقر بأخطاء هندسية صاحبت تنفيذ الطرق
أمطار غير مسبوقة تضرب الولاية واستنفار للمنظمات
ولاية الخرطوم تقر بأخطاء هندسية صاحبت تنفيذ الطرق
الخرطوم: على داؤود: سوسن محجوب
شهدت الخرطوم خلال الساعات الأولى من صباح أمس هطول أمطار غزيرة وسيول غير مسبوقة استمرت لنحو (5) ساعات ادت الى (شل) الحياة تماما بكافة محليات الولاية السبع، أحدثت خسائر مادية فادحة حيث صرع ثلاثة واصيب آخرين من بينهم امرأة بمنطقة الحلفايا تدعى "سمية عثمان حاج حمد" اثر سقوطها داخل بئر "سايفون"، وطالبة جامعية تدعى إيمان عبد الرحمن بسقوط سقف المنزل بمنطقة الحاج يوسف، واخرى بحي عِد بابكر جراء انهيار منزلهم، وتسببت الأمطار التي قدرت نسبتها بأكثر من 50 مليمتر فى انهيار المئات من المنازل (كلياً وجزئياً) خاصة فى منطقة شرق النيل، ونبهت هيئة الإرصاد الجوي إلى أمطار أخرى مماثلة متوقعة خلال الأسبوع الجاري. وتوالت البلاغات على غرف الطواريء المركزية والتي كانت فى حال من الاستنفار الدائم طوال يوم امس (الاربعاء). فيما يستمع مجلس الوزراء الاتحادي برئاسة رئيس الجمهورية المشير عمر حسن أحمد البشير اليوم (الخميس) إلى تقرير مفصل من وزارة الري حول موقف الفيضانات والخريف للعام الحالي يقدمه المهندس كمال علي محمد وزير الري والموارد المائية . وقام وزير الداخلية المهندس ابراهيم محمود حامد يرافقه والي الخرطوم باستطلاع جوي عبر طائرة عمودية إلى منطقة جنوب الخرطوم التي تضررت كثيرا وقال الوزير أن الوضع تحت السيطرة. وذكر وزير البنية التحتية ورئيس غرفة الطواريء بولاية الخرطوم حسن عبدالله فضل المولى أن عدد المنازل التي انهارت بمنطقتي شرق النيل والأزهري والسلمة حوالي (80) منزلا ويجري حصر بقية المنازل المتضررة بجانب تأثر الطريق الداخلي الذي يربط الخرطوم الجيلي بالإضافة لتأثر طرق أخرى بالولاية , واعتقد إن المشاكل التي تواجه الغرفة هي إغلاق بعض المواطنين للمصارف مما يتسبب في سوء التصريف. وأقر في ذات الوقت بوجود أخطاء هندسية في تصميم بعض الطرق بالولاية وطالب بتفعيل قوانين رادعة لضمان عدم تعدي المواطنين على الطرق والمصارف. وهرع وزير الدولة بالشئون د. عبد الباقي الجيلاني بصحبة حرم رئيس الجمهورية رئيس مجلس إدارة مؤسسة سند الخيرية وداد بابكر، وبعض المنظمات الإنسانية بزيارة بعض المناطق المتأثرة وتقديم واجب العزاء فى فقيدة الحاج يوسف, وسارع مجلس وزراء ولاية الخرطوم برئاسة والي الولاية د. عبد الرحمن الخضر الى عقد جلسة خاصة امس وقف خلالها على حجم الخسائر ووجَّه بتسخير كافة الإمكانيات لمعالجة آثار السيول والأمطار وإغاثة المتضررين. فى غضون ذلك اعلنت وزارة التربية والتعليم بالولاية امس تعليق الدراسة بكافة مدارس محلياتها لمدة يومين بعد أن أغرقت الأمطار كافة الطرق خاصة داخل ولاية الخرطوم التى شهدت اختناقات مرورية حادة فى وقت توقفت محطة الخرطوم الجديدة للمياه بسوبا بسبب الأمطار نتيجة تعطل عدد من المركبات داخل الشوارع الكبرى التى خلت من رجال المرور بينما شهدت مناطق واسعة من أحياء الخرطوم، أم درمان، والخرطوم بحري، توقف الإمداد الكهربائي نتيجة وقوع عدد من اسلاك الكهرباء واعلن مدير الدفاع المدني بولاية الخرطوم اللواء عبدالله عمر الحسن أن إدارته لجأت إلى استخدام أكثر من (50) طلمبة لشفط وسحب المياه من أمام بعض المرافق الحكومية والمدارس والطرقات وبعض الاحياء السكنية مع تجهيز خيام وايواءات للمتضررين وتقديم كل المعينات اللازمة. واعلن عدد من معتمدي المحليات عن خسائر فادحة فى الممتلكات يجري حصرها. حيث حاصرت السيول منطقة شرق النيل وألحقت بها أضرارا فادحة في المنازل وقطعت الطريق المؤدي للحاج يوسف التعويضات، عِد بابكر كما حاصرت منطقة الوادي الأخضر، وتسببت في قطع الطريق المؤدي إلى مدينة الصحافيين وتوقفت الرحلات لعدة ساعات على خطوط المواصلات من والى الخرطوم لعدة ساعات مما أضطر المواطنون السير على الأقدام. ونبَّه معتمد محلية أمبدة محمد حسن بخطورة الوضع بالمحلية حيث تحاصر السيول بعض الاحياء خاصة من الناحية الغربية فى الحارات 36 و38 و14 و17 أبوزيد إضافة لمياه الأمطار واضاف ان المياه المنهمرة ادت لاغراق مقابر حمد النيل والراشدين بجانب انهيار عدد من المنازل بالمحلية. من جانبه قام معتمد محلية شرق النيل محمد يوسف آدم بجولة تفقدية إلى المنطقة شملت احياء دار السلام، عِد بابكر وقرية الغار ووادي سوبا شمال والكرياب وأحياء سوبا شرق والعيلفون تم خلالها إجراء العديد ونبَّه مدير التخطيط العمراني بمحلية شرق النيل المهندس ابوالقاسم عبد الله أبوراس إلى آثار صحية خطيرة خلفتها الامطار المنهمرة وانهيار المراحيض على الوضع الصحي.
وفى الولاية الشمالية وجهت السلطات بإخلاء مجرى السيول تفادياً للخسائر فيما اجتاحت السيول أجزاء من مدينة مروي بعد مداهمتها لمنطقة أبو دوم مساء الاثنين دون إيقاع خسائر في الأرواح
| |
|
|
|
|
|
|
|
|
|
Re: أمطار هذا العام,,,جاءت فجأة (Re: صلاح شعيب)
|
| Quote: حيث صرع ثلاثة واصيب آخرين من بينهم امرأة بمنطقة الحلفايا تدعى "سمية عثمان حاج حمد" اثر سقوطها داخل بئر "سايفون"، وطالبة جامعية تدعى إيمان عبد الرحمن بسقوط سقف المنزل بمنطقة الحاج يوسف، واخرى بحي عِد بابكر جراء انهيار منزلهم |
وراحت ارواح الناس هدر,,,!!
| Quote: وقام وزير الداخلية المهندس ابراهيم محمود حامد يرافقه والي الخرطوم باستطلاع جوي عبر طائرة عمودية إلى منطقة جنوب الخرطوم التي تضررت كثيرا وقال الوزير أن الوضع تحت السيطرة. |
| Quote: بسبب الامطار الغزيرة ولاية الخرطوم تقر بأخطاء هندسية صاحبت تنفيذ الطرق |
إلى يوم القيامة,,, إذن
صلاح شعيب شكراً على الخبر
(عدل بواسطة الملك on 08-27-2009, 01:27 AM)
| |
|
|
|
|
|
|
|
|
|
Re: أمطار هذا العام,,,جاءت فجأة (Re: الملك)
|
| Quote: وقام وزير الداخلية المهندس ابراهيم محمود حامد يرافقه والي الخرطوم باستطلاع جوي عبر طائرة عمودية إلى منطقة جنوب الخرطوم التي تضررت كثيرا وقال الوزير أن الوضع تحت السيطرة. |
يا معتصم ناس جنوب الخرطوم ديل نحنا ولا غيرنا ولا الحاصل شنو ؟
غايتو كان الاوضاع تحت السيطرة ماعارف
قال تحت السيطرة قال
الاوضاع تحت المطرة سعادتك
| |
|
|
|
|
|
|
|
|
|
Re: أمطار هذا العام,,,جاءت فجأة (Re: حبيب نورة)
|
صدقونى حتى نهاية فصل الخريف ح يكون انجازات المسؤلين هى زيارات المناطق المتضررة
وتقديم واجب العزاء للمفقودين- والوعود التى تنتهى بنهاية مراسم الدفن او الزيارة
ولا تنسى ملاحقة المسؤلين لصرف بدلات الزيارة للمناطق المتضررة- واستعجال الصرافين فى التحصيل
وتدور دورة حياة الذبابة المنزلية
وتجف المياة بعد تاخد قعدتها(علي مهلتا ) والناس تنسى والمات مات (من لم يمت تحت الانقاض فالملاريا له بالمرصاد
مساكين
يارب من وين ح يدبروا حق كشف الملاريا وحق الحقن
دة لو وقفت بس على الملاريا
واحتمال تمرض مرضة خفيفة تروح فيها بدواء مغشوش
او حقنة ملوثة الخ
-
والفقير يموت ولحم الضان تاكله الكلاب
-
انهم لا يخافون الله
| |
|
|
|
|
|
|
|
|
|
Re: أمطار هذا العام,,,جاءت فجأة (Re: Ahmed Osman)
|
ناجى ....
يا ريتك تاخد ليك (قدلة) فى ربى (أركويت والمعمورة) ..
ساعتها لا تحسبن نفسك فى فينسيا (المدينة العائمة) فى إيطاليا
والتى عرفت تاريخيا (بالبندقية) ... فأنت فى الخرطوم .. أو
الخرطوم (العائمة) (ونايمة) ... والله المستعان
عبد الرحمن قوى
| |
|
|
|
|
|
|
|
|
|
Re: أمطار هذا العام,,,جاءت فجأة (Re: شول اشوانق دينق)
|
| Quote: هرع وزير الدولة بالشئون د. عبد الباقي الجيلاني بصحبة حرم رئيس الجمهورية رئيس مجلس إدارة مؤسسة سند الخيرية وداد بابكر، |
هرع قال هرع، إلهي يهرع بك الى أسفل سافلين أنت ومن معك من الكاذبين....
رمضان كريم الملك...
ياااخي الناس ديل عذّبوا خلق بالكذب والنفاق والكذب والكذب. انظر مرة
واحدة لنشرة إخبارية وشوف الكذب، كشاكلة تم حفر 423 بئرا في دارفور
وتمت زراعة 712و900 فدانا في حوض السليم. والله عذبونا عذاب الهدهد، لعنة
الله على المعذبين الظالمين. لك الله يا اهل الخرطوم واهل القرى والبوادي والذين
يعيشون في مدن القرون الوسطى، بينما السُرّاق ينعمون بصحبة حرم رئيس الجمهورية
ويهرعون....
هرع قال الكاذب الأشر!
وبرضو رمضان كريم...
| |
|
|
|
|
|
|
|
|
|
Re: أمطار هذا العام,,,جاءت فجأة (Re: شول اشوانق دينق)
|
يا ملك
والله العظيم البوست بتاعك دا كنت مستنيهو أمس الصباح . واتذكرتك انت تحديدا لأنو فى ناس
هنا صوروا لينا السماء وشبكونا الخرطوم جوها جميل ..
تصور يا ملك تكون اليوم كلو مستنى المطرة تقيف لمدة خمسة دقائق عشان تقعد انت والشفع تغرف الموية
من البيت للشارع العالى . بت عمرها اربعة سنوات وولد عمر ستة سنوات يتربو على غرف الموية ؟ وين منظمات الدفاع عن الشفع وكدا
وتجى بى قدرة قادر للشغل تفتح النت المتاح تبع الشغل تلقى زول قال الخرطوم رهيبة
باللله ديل مش أخير منهم الوزير العريس ؟؟؟
شكرا ليك يا راجل يا ملك ولو فى طريقة مدنى بكاميرا وعلمنى اصور كيف وليك على اصور ليك اى حتة غير حكومية جوة عينهم اصلنا بعد دا ما عندنا حاجة نخسرها
| Quote: والتي تتمثل في توفير 5 وابورات شفط مقاس 4 بوصات وتراكتورات اضافة الى 10 الاف جوال خيش وحفار |
جوالات خيش ؟؟ زولك دا ملخبط بين الفيضان والمطرة .. كان دى احتياجاتو الله يدينا الصبر
Quote:
بعدين الحكومة ترقص والا تشوف ليكم فارغاتكم دى هسه
|
طيب يعنى ما سمعتوا بفرحى خلق الله واتنى ؟؟ يعنى الحكومة دى ما تفرح خلق وبعد داك تتنى عشان تكون فعلا شبه القمرا
| |
|
|
|
|
|
|
|
|
|
Re: أمطار هذا العام,,,جاءت فجأة (Re: شول اشوانق دينق)
|
Quote: وتجى بى قدرة قادر للشغل تفتح النت المتاح تبع الشغل تلقى زول قال الخرطوم رهيبة
باللله ديل مش أخير منهم الوزير العريس ؟؟؟
|
والله كان رهيبة ما عارف!!!
الرهبنة وين ...في كهربتا؟
في بعوضتا؟...في ضبابينا؟
في شوارعها..داخل الاحياء...البتكسر ركبة شاحنة...
في سخانتا...وزهج ناسها...وين الرهبنة دي ...ما لاقتني!!!
تاني النسمع انور التكينة يقول الجو رهيب...ويلصق لينا
صورة رزاز موية...وناس خايدين..
| |
|
|
|
|
|
|
|
|
|
Re: أمطار هذا العام,,,جاءت فجأة (Re: شول اشوانق دينق)
|
الأخ الملك تحياتى
ورمضان كريم
وقال المسئول
| Quote: واعتقد إن المشاكل التي تواجه الغرفة هي إغلاق بعض المواطنين للمصارف مما يتسبب في سوء التصريف |
وماهو العلاج لذلك ؟! أجاب عَجِلاً
| Quote: وطالب بتفعيل قوانين رادعة لضمان عدم تعدي المواطنين على الطرق والمصارف |
وثم ماذا
| Quote: وأقر في ذات الوقت بوجود أخطاء هندسية في تصميم بعض الطرق بالولاية |
؟؟؟؟؟!!!!
وهنا تناسى او نسى العلاج ...
| |
|
|
|
|
|
|
|
|
 Re: أمطار هذا العام,,,جاءت فجأة (Re: أميرة فاروق عبد العال)
|
عادي جداً ..
المطرة دي كل سنة بتجي الجد شنو ..
البيوت بتقع والشوارع بتتملي مويه والمدارس بتقفل ..
يا ناجي معاك الشباب شيل ليك كوريك وطورية وعلى الشوارع والبيوت الإضررت ..
وخلي ناس البدل والوجاهات ديل يظهروا في الشاشة ويقعدوا في مكاتبهم ..
السنة الجاية برضو الخريف بجي والمشكلة ح تظل قائمة ونفس الناس ح تظهر وتصرح نفس التصريحات ..
والساقية لسه مدورة ..
رمضان كريم يا ناجي ومشتاقين عديل كده ..
وزعلان منك عشان ما مشيت العزومة بتاعت عمر وصورته ..
| |
|
|
|
|
|
|
|
|
|
Re: أمطار هذا العام,,,جاءت فجأة (Re: معتصم دفع الله)
|
| Quote: صورك حتصلك فى الايميل مُعززة مكرمة |
ايوة كده ركز معاى
بلا مطرة بلا خريف بلا سباحة
قومو الى شجرتكم رحمكم الله
____________________________
يعنى التقول المغسة العلينا هينة؟!!!!
تخريمة:
يا ناجى وصيت ليك امجد
اتمنى تكون الوصية وصلتك اصلو الولد ده
مطرطش انا ذاتى ما عارفة اديناهو بتنا دى
كيف؟؟؟ غايتو دقسنا :)
| |
|
|
|
|
|
|
|
|
|
Re: أمطار هذا العام,,,جاءت فجأة (Re: Siham Elmugammar)
|
Quote:
تخريمة:
يا ناجى وصيت ليك امجد
اتمنى تكون الوصية وصلتك اصلو الولد ده
مطرطش انا ذاتى ما عارفة اديناهو بتنا دى
كيف؟؟؟ غايتو دقسنا :) |
اتى بتوصى لى أمجد...
ياخ مافى داعى يا خالتو
الزول دا لو إتشبكــ معاى
الا أخلى البلد
| |
|
|
|
|
|
|
|
|
|
Re: أمطار هذا العام,,,جاءت فجأة (Re: معتصم دفع الله)
|
Quote: رمضان كريم يا ناجي ومشتاقين عديل كده ..
وزعلان منك عشان ما مشيت العزومة بتاعت عمر وصورته . |
...
العزومة والناس ماشة على هناك
إفتكرونى,,,
تصدق
:)
لكن لو حيينا بصورو ليكــــــ يا معتصم
عقبال ما تجيب أختو
| |
|
|
|
|
|
|
|
|
|
Re: أمطار هذا العام,,,جاءت فجأة (Re: ود العجمى)
|
Quote:
والله العظيم البوست بتاعك دا كنت مستنيهو أمس الصباح . واتذكرتك انت تحديدا لأنو فى ناس
هنا صوروا لينا السماء وشبكونا الخرطوم جوها جميل .. |
بالله كان تجيبو لينا الحاج يوسف
او رسلو لى خضر فى الكلاكلة
بالله الجو جميل قاليكـــ
| |
|
|
|
|
|
|
|
|
|
Re: أمطار هذا العام,,,جاءت فجأة (Re: شمائل النور)
|
تصدق وتآمن بالله يا ناجي يا ملك
أمبارح بالليل
بعد ما وصلت بيتنا (خائجاً) لحدي ركبتي في (موية) المطرة ..
قلت أزيل آثار (الموية المالية الشارع) بي حمام مؤسس كده
الساعة الـ (شخر) لي الدش 
..
يعني نمشي نستحم هنا؟
ولا كيف؟
| |
|
|
|
|
|
|
|
|
|
Re: أمطار هذا العام,,,جاءت فجأة (Re: طارق مصطفى)
|
ناجي ازيييييك ومشتاقون قدر موية المطره الخازنة في خور عفراء وميدان المولد وشوارع الحاج يوسف والدروشاب والازهري
بعدين تعال هنا
حصل شفته ليك مسئول في البلد دي من الاستقلال ولي هسه استقال بسبب التقصير؟
والا حصل شفته ليك مسئول سألوهو وزرزرهو والا الرئيس اقاله؟
عارف ده ليه؟
لانه بصراحه نحن شعب ثقيل وما بحس ... ايوه والله
نحن معذبين الناس ديل وباقين ليهم في رقبتهم ...
يعني هم فاضين للمويات والامطار والكلام الفارغ ده؟
يعني شنو كان غرقت الحاج يوسف والا مايو والا الواغ الواغ
الناس دي عندها حاجات اهمه منكم
ده شنو الشعب الممل ده
معليش يا سيادتو ناجي ده ما تاخذوهو اصلو ود راسه ناشف وقدر ما نصحناه انه المطره فاجاتكم وانكم لو كنتو عارفنها كده كان الاستعدادات حتكون افضل
لكن تقول شنو ؟؟ شقي الولد ده شقي
| |
|
|
|
|
|
|
|
|
|
Re: أمطار هذا العام,,,جاءت فجأة (Re: طارق مصطفى)
|
| Quote: ,,,,قال لى مافى ماكينة "ضخ" بترفع اكتر من ستة امتار فى العالم |
طيب يا سعادتك وكت ما في طلمبة ترفع اكتر من ستة متر عاملين النفق اكتر مقدرة المضخات ليه
جهل مطبق وادعاءات جوفاء وهو بفتكر انو الناس الحوالينو كلهم ما بفهمو حاجة
ده مهندس من المحلية ولمن لقاك انت برضو مهندس عمل فيه هو بتاع امن
| |
|
|
|
|
|
|
|
|
|
Re: أمطار هذا العام,,,جاءت فجأة (Re: الملك)
|
الأردنيين عندهم موية الشرب، بالقطّارة... لا عندهم منفذ بحري.. لا عندهم انهار.. وعندهم بحر كده، اخير عدمه.. بعتمدوا اعتماد كامل على الآبار والمياه الجوفية، البتغذيها الامطار.. عشان كده لما يجي موسم الشتاء ده.. الناس بتفرح بالموية.. ويعمل الله ويشهد، عشت فيها ثمانية سنين، ما حصل فتحت الماسوره لقيتها قاطعة.. رغم اني عشت سبعة سنين في قرية في أقصى شمال الاردن.. الناس تزرع الزيتون وينتظروا المطره.. ويزرعوا الورود .. وحاجات جميلة كتيرة.. المطره في كل حته في الدنيا، خير كبير.. الناس دي بتفرح بيها فرح شديد.. ويستبشروا بيها! احنا المطره البتجينا بتكون وبال.. احنا عندنا النيل في زمن الاحتباس الحراري.. الدنيا كلها تضاير في الموية، واحنا خير زي ده.. يمشي السايفونات.. ! ويغرق البيوت.. !
مافي امل...
عندي صاحبتي عملت مجموعة في facebook.. لتشجير الخرطوم... اسمها Green Khartoumاتمنى اننا نتبنى حلول ايجابية زي دي ..
تحية يا الملك، وكل عام وانت بخير
| |
|
|
|
|
|
|
| |
الملك
mayada kamal
احمد محمد بشير
عبدالكريم الامين احمد
نوفل عبد الرحيم حسن
مزمل خيرى
Adil Isaac
معتصم ود الجمام
Siham Elmugammar
صلاح شعيب
خضر حسين خليل
حبيب نورة
Giwey
شول اشوانق دينق
ود العجمى
nazar hussien
معتصم دفع الله
محمد عبد الماجد الصايم
شمائل النور
Faisal Elrasheed
محمد عكاشة
محمد إبراهيم علي
حمد فتح الرحمن
توما
مريم بنت الحسين
فيس بوك
تويتر
انستقرام
يوتيوب
بنتيريست