|
|
 رسالة مفتوحة الي أسعد ابراهيم .....
|
العزيز أسعد
تحية طيبة
وبعد
طوال الاسبوع الماضي وانا افكر في كيفية الرد عليك وفكرت في ارسال هذه الرسالة عبر بريدك الخاص ولكني خشيت أن يتم تأويلها ولذلك دعنا هنا في الهواء الطلق أمام الله و أمامك وأمام الجميع ... مصداقية للكلمة والحوار ...
أنا هنا يمكنك البدء بسؤالي عن اسم حبيبتي ... واي سؤال آخر ولكن قبل ذلك كله استميحك عذرا في ان تواصل قراء الرسالة الي النهاية ...
اولا يا سيدي انا آسف علي عدم ردي عليك ... وليس الأمر هروبا من الحوار فانا لا اهرب مطلقا .. ولست خائفا من اي شيئ فانا لا اخاف الا الله ولم اكذب في شيئ لاني لا اتعامل بمفهوم الانتصار/الهزيمة وانني يجب ان اصرع الخصم وارميه ارضا ولا اؤمن بالفشل ولا افهمه ولا يعني هذا انني لم افشل ... فشلت كثيرا وآخر ما فشلت فيه هو ان اجعلك تدرك وتستوعب عن طريق الصمت لانه كان ابلغ رد لكني فشلت وفشلت كثيرا في حياتي لكني لا اتعب ولا ايأس وعلي استعداد لان اواصل الحوار طوال عمري فالحوار وحده هو الذي يوضح الرؤية ... ويجعلنا ندرك الاخرين ...
فيما يخص الاخوان الساحر والسنجك .. أظل علي رأيي بانهم عضوية في حزب البعث العربي والاشتراكي ... ويمكنهم اقامة حد القذف علي ان ارادوا
او الذهاب الي محكمة لاهاي .. ولك ان تصدق من تريد تصديقه ومن تظن انه يمتلك ( القداسة ) ولا يأتيه الباطل من خلفه ولا امامه .. صدق من تريد وكذب
من تريد ... لكن عليك تحمل تبعات ذلك .. وأقول لك يا عزيزي يمكنني دحض الراي الذي يخالفني في مسألة الأخوان ... ولكن هنالك اشياء كثيرة أخري
لا يمكن استيعابها بهذه البساطة ... وهنالك نموذج وهو مداخلة الدكتورة نجاة اذا كنت متابعا ستفهم ما أرمي اليه ... وانا لست قلقا من هذا الأمر بل هو
لا يشكل عندي ادني او اقل اهتمام ... مرة أخري لم يأتي عدم ردي عليك تقليلا من شأنك .. فأنا لا اقلل من شأن احد .. ولا أخفيك اعجابي بك ويأتي هذا
الاعجاب من شيئ واحد فقط ... يمكنني رؤيته من اول حرف تنطق به يمكنني رؤيته عميقا بداخلك وهو انك ... نظيف لم تتلوث قبلا
( باستراتيجية وتكتيك ومفاهيم الحوار ودحض وتدمير الاخرين فكريا ومعنويا واقصد الحوار السياسي بل اكاد اجزم يا عزيزي أسعد انها المرة الأولي بالنسبة
لك لتكون مشاركا في حوار مفتوح علي العالم بهذه الطريقة ... عموما ما يعجبني هو تلقائيتك ووضوحك في الحوار ...
هذا جانب ومن جانب آخر يا عزيزي ... انا لا اكذب ولا اهرب لسبب آخر كفيل وحده أن يجعلني افعل ذلك ...
وهو يا عزيزي انني حينما تحدث هنا في هذا المنبر لا امثل نفسي ... بل امثل قطاعا كبيرا من الناس سواء هنا او حينما كنت بالجامعة ...
وبالتالي فانا اخضع لمجاسبة صارمة قبل ان احاسب نفسي
... وهذا لوحده كفيل بأن يجعلني لا اهرب ابدا ولا اكذب ....
عزيزي أسعد
لم نتقابل سوي في هذا المنبر ولا تعرفني ولكن هنالك رسالة أتمني ان تصلك جيدا .... وتستطيع استيعابها
ان ما نحمله من أفكار ومن رسالة لا تجعل لنا وقتا لكل المماطلات الدائرة في البورد ولكن احيانا ما يتطلبه الحوار هو المقدرة علي حفظ التوازن في داخل البورد
حتي لا يظن الخصم ان هنالك ( نقطة ضعف كما تعتقد أنت ) انا لست الها ولست كاملا وانا خطاء ولكني احاول دائما ان تكون نسبة الخطأ في حديثي أقل
ما يمكن وذلك لا يأتي الا بالحوار الجاد والموضوعي وبرغم أنني أجنح في كثير من الأحيان لكن تاكد ان ذلك ما يتطلبه اعادة الحوار الي الطريق المرسوم له
.... وأقول لك يا عزيزي انا لا ادخل حوارا ولا ابدا حوارا بلا هدف ... كل حوار دخلته هنا كان له هدف ( ليس خفيا ولا اتعمد اخفاءه )
.. ومتي يا عزيزي ما شعرت بأن الهدف قد تم تحقيقه كما حدث في بوست السنجك والساحر او ان الحوار يسير في اتجاه مفارق انسحب ببساطة ...
لان هنالك ما هو أكثر أهمية من ذلك ... ولا تعتقد ان اقناع من هم في البورد او هزيمتهم جزء من تفكيري ... لا ليس في نيتي هزيمة أحد أو ارهاب
أحد او تلفيق اية تهم لأحد ... وأقول لك مرة أخري ان هنالك بعض الامور الهامشية في الحوار لا تقدم ولا تؤخر من جوهر الحوار .. انها لا تستوقفني أبدا
ولا اعيرها اهتماما وتأكد متي ما كان تركيزك علي جوهر الحوار وأسقاط بقية الاشياء كلما كان الحوار أكثر نضجا وفهما ... ولكن الوقوف عند تلك الصخور والصغائر
هو ما يضيع وقتنا في ( القيل والقال وانا وأنت وهم وهن ويصبح الأمر خارج الحوار ) ... الذي نريد له ان يكون حوارا ناضجا ...
فيا عزيزي هنالك مليون ميل مربع بانتظارنا وهنالك الملايين من السودانيين بانتظارنا ... فلا اعتقد ان لدي او لديك وقتا في كل هذه الضجة والفوضي ...
أرجو عزيزي أسعد ان كنت حتي الان لم تفهم هدف حواري مع الأخوان السنجك والساحر ارجو ان ترجع له مرة أخري ... ولكن لفهم كل ما يدور عليك ان ترجع من أعلي
لان احدي مشاكلك انك تبدا دائما من أسفل ( وعذرا اذا اعتبرتها مهاترة ) ولكنها حقيقة ... ارجع للموضوع من الأول وتابعه نقطة بنقطة وحاول ان تفهم جيدا
ما هو الهدف الأساسي للحوار و تتبع ان يقف الحوار او ينقطع أو يجنح الي اللاموضوعية فان وجدت انني تعمدت اللا موضوعية والسخرية من أحد وانني ادرت الحوار في اتجاه
غير مرغوب لك العتبي حتي ترضي .. ولكن اذا نظرت بقلب وعقل مفتوح ستجد ان الحوار في البورد يجبرك علي الجنوح بعض الشيئ لاستعادة الحوار ولكن حينما تجد الا
مفر من اللاموضوعية هنا يجب ان يتم حسم الحوار فورا بكل ما تملك من قوة ( لا تشمل الكذب والتلفيق ) ولكن عن طريقة الحوار ... واخيرا اذا استعصي عليك الأمر
راجع بوست الأخ هشام ( يازول ) بخصوص تماضر الخنساء واقرأ ما جاء فيه من مداخلات وحاول الربط بين الموضوعين حقا ستفهم
ختاما عزيزي أسعد أقول لك ( ولست ملزما بتصديقي ) انني لا احمل لك ولا للسنجك ولا للساحر ولا لملاسي اية ضغينة بل بالعكس فبالحوار فقط نستطيع الحركة الي الامام وليس لدي شئ شخصي ضدهم وصدقني اختلافي في الحوار مع اية شخص لا يدوم سوي الوقت الذي استوعب فيه جيدا مقصده .. لا اكثر من ذلك .. ولا اتتبعه ولا ارصده الا في حالات نادرة ليس للرصد ولكن لمواصلة الحوار والرجوع الي الطريق السليم
وأقول لك مرة اخري يا عزيزي أسعد ... اذا لم تفهم ما اقوله هنا .... لديك خيار آخر ... وهو ([email protected]) يمكنك اضافتي الي
ماسنجرك وانا علي استعداد للجلوس معك طوال حياتي لانك شخص مقروء ومفهوم وواضح بالنسبة لي ولكني اقول أن هنالك كثير من الامور التي يجب ان نتحاور فيها ...
فنحن هنا لنتحاور لا لنتشاجر ... ولا لنهزم بعضنا بعضا ...نحن هنا للحوار....
وأقول لك عزيزي انا هنا وفي بوست جديد لنني لا اريد لحوار تم اشتهلاكه وانتهي هدفي منه ( ايجابيا ) ان يتم اعادته ... دعنا نبدأ من هنا .. وأخيرا عزيزي أسعد
ان كنت لا تزال تظن بأنني غير جدير بات تتعب نفسك من أجلي عبر الماسنجر احترم وأقدر ذلك ... وأنا هنا أمامك وجها لوجه ( من وراء حجاب البورد ) وانا مستعد
لكل الاسئلة الموجهة الي حتي يا أسعد لو بدات بسؤالي عن اسم حبيبتي ... واذا دخلت في ادق تفاصيل حياتي سوف اجيب عنها ناهيك عن الاجابة علي سؤالك السابق
والذي لاحقتني فيه أكثر مما يلاحق الامريكان ( اسامة بن لادن ) ... انا مستعد يا اسعد للاجابة عليه اذا رأيت ان هذا هو جوهر الحوار وهذا ما نريده حقا
ختاما يا عزيزي
لكل من لم يفهم حقا مقاصد الحوار لك ولابوحسين وللجميع تمنياتي الطيبة بعيد استقلال سعيد ومجيد
ولك كل الحب والتقدير
أبو آمنة
|
|
 
|
|
|
|
|
|
|
 Re: رسالة مفتوحة الي أسعد ابراهيم ..... (Re: Abo Amna)
|
الاخ ابو امنة
ساعود لك غدا باذن الله وعموما كلامك مقبول وسوف نتحاور عبر كل السبل المتاحة لكلينا
ما ازعجني هذا الصباح هو في ردك علي بوست الاخ مجدي شبندر واشارتك الي علاقات غريبة واسماء مشبوهة رحبت به واعتبر نفسي معني بهكذا كلام. ارجو ان لا تزيله حتي يحضر الاخ مجدي للتوضيح لك.
مع الشكر
اخوك اسعد
| |
|
|
|
|
|
|
|
|
|
Re: رسالة مفتوحة الي أسعد ابراهيم ..... (Re: ASAAD IBRAHIM)
|
عارف يا أسعد
واضح انك ما قريت الكلام ده كويس
انا ما حصل طوال مشاركتي في البورد كتبت حاجة ومسحتها لاني دايما في حدود اللياقة مهما جنحت ... وما قاعد اتراجع من كلام قلته حتي ولو كان غلط بخليهو في مكانه عشان كل مرة اشوفه اتذكر انو ما أغلط تاني
بعدين مع مجدي شبندر والله ( ان كنت تصدق القسم ) لم أري اسمك ولا اتذكر حتي الان من هم المشاركين ولم أعنيك ولكنه ( حواري مع شبندر علي الدوام ) وأقول ليك ... يا اسعد حاول تفهم كويس كيف تتعامل معاي ... انا لو عايز اقول ليك حاجة ما بقولها بالطريقة دي بقول للشيطان انت اعور في عينه ولو قصدتها صدقني كان ذكرته ليهو العلاقات المشبوهة واسماء الناس لكن ... ما عندك مشكلة اعتبر انو الكلام موجه ليك لحدي ما يفصل فيهو مجدي بعدين الموضوع قبل مجدي في واحد تاني اسمو عربي ... برضه جاييك وحايفصل ليك ...
وانا قااااااااااااااااااااااااااااااااااااااااااااااااعد ما ماشي ايي حته لانو انا لما فكرت اكتب الكلام الفوق ده ... عارف انو بيصل لي وين وانا معاك يا سيدي ... وقدر كلمتي .. بس ارجو انك ما تنفعل مع كل كلمة انا بكتبها وتفتكرها موجهة ليك واقرا الكلام الفوق ده مرة تانية واعيده ليك ..................... خصوماتي ما قاعد تمرق من باب النمتكب خليها تقعد لليوم التاني ولا في بوست تاني .... مع أي زول في الدنيا لانو فاهم طبيعة الحوار الهنا والمحصلة
مع تحياتي
أبو آمنة
| |
|
|
|
|
|
|
|
|
|
Re: رسالة مفتوحة الي أسعد ابراهيم ..... (Re: Abo Amna)
|
الاخ العزيز ابو امنة
السلام عليكم ورحمة الله وبركاته...
اخي الكريم ابدأ معك اولا من موضوع اخونا مجدي شبندر، مجدي ممكن يكون صاحبنا واخونا كلنا وكذلك الاخ الكريم العربي ابراهيم العربي.
انت كتبت لمجدي كلام اعتبرته انا موجه الي ولو جزئيا يعني بالله عليك تكتب ليهو ايه الاسماء الغريبة والعلاقات المريبة وتكون حتي لم تقرأ اسماء من رحبوا به قبلك؟؟؟
دة كلام يا ابومنة، وانت في نفس الوقت موجه لي رسالة مفتوحة لا اري لها داعيا ولا اظن ان شخصي الضعيف يستحق رسائل مفتوحة او مغلقة عبر المسنجر.
كل مل في الامر انا سالتك سؤال محدد في بسوتك عن الاخوين الساحر والسنجك وكان ممكن تجاوب بسهولة وانتهي الامر ولكنك اخترت ان تحول الامر الي مبارزة كلامية مطولة لا اسعي لها ، ولو عاوز راي بصراحة بوستك للساحر والسنجك ابتديت فيهو انت بلغة هادئة، واعتقد انها كانت محاولة للجرجرة، واخيرا ظهرت نواياك الحقيقية للبوست، في هجوم سافر عليهما.
هل تحاول هذا الان معي ، عموما اذا كان هذا مقصدك لن يتحقق واؤكد لك ذلك.
ونرجع الي الرسالة المفتوحة واليك ردي:
ذكرت انك طوال اسبوع كامل كنت تفكر في كيفية الرد، لا يحتاج الموضوع لاسبوع او حتي ساعةواحدة سؤال واجابة اذا كان عندك الاجابة والا فانت لست مضطرا للاجابة.
حاشي الله ان اسالك عن اسم حبيبتك او ان اتدخل في خصوصياتك، هو يا اخي انا اعرف اسمك انت حتي اسالك عن حبيتك ؟؟؟ تكلمت عن حوار في الهواء الطلق وامام الناس وما الي ذلك، صراحة لا اعرف من انت سوي ابو امنة واذا اردت الهواء الطلق كما تقول اظهر وبان ونعرفك انت منو وبدها ممكن يكون حوار في الهواء الطلق؟؟ الا تري انها معادلة غير متكافئة ان نتحاور معكم باسمائنا وعنوانيننا وحتي صورنا وانتم تختفون وراء اسماء حركية ليس لها ما يبررها وكلامي موجه ليك والسنجك والساحر وكل من له اسم حركي.
*تقول انك لم تهرب من الحوار، هو الهروب دة كيف؟؟ لم ترد علس سؤالي ورددت علي برسالة مفتوحة مطولة والي الان لم اسمع ردك .
فيما يخص الاخوان السنجك والساحر انا في راي انهم احرار يكونوا بعثيين او انصار سنة هذه خيارهم الخاص واي فرد يستغل هذا الخيار لارهابهم او محاولة اسكاتهم لانهم مثلا موجودين في دولة لا تقبل البعثيين في ارضها هذه محاولة جبانة ورخيصة وتحريض وارهاب واذا لم يكن هذا هدفك اسالك للمورة المليون ما هو هدفك من نعتهم بانهم بعثيين؟؟؟؟
اشكرك علي وصفي بانني نظيف لم اتلوث ولكن لم اعرف نظيف ممن ؟ لان النظافة والتلوث عندها الف مفهوم وياريت تشرح لي عشان علي الاقل اعرف مقياس النظافة والتلوث عندك.
تجزم بانها المرة الاولي لي ان اكون مشاركا بحوار مفتوح علي العالم؟ من وين جبت الكلام دة يا ابو امنة؟؟؟
قولك انك تحمل رسالة وهي لا تترك لك وقتا للمماطلات الدائرة بالبورد،من الذي يماطل ؟
وهل جزء من رسالتك النبيلة هذه رمي الناس بالاتهامات؟؟؟
بالنسبة لموضوع الماسنجر ما يهمك انا الان اضفتك وربنا يسهل وحتي التلفون ما عندك مشكلة.
ختاما اخي ابو امنة:
انا انسان حر لا تقيدني استراتيجية او اتفاقات من وراء الكواليس او قيد حزبي او طائفي يملئ علي ان اري القبيح جميلا او الاعوج مستقيما لذلك لا يصح عندي الا الصحيح، ولا احارب معركة احد ولست اداة في يد احد.
ارجو ان تكون قد فهمتني ولا احمل لك اخي الا الحب والتقدير.
مع التحية.
اخوك اسعد محي الدين ابراهيم.
| |
|
|
|
|
|
|
|
|
|
Re: رسالة مفتوحة الي أسعد ابراهيم ..... (Re: ASAAD IBRAHIM)
|
عزيزي
أسعد
قلت لكم مرارا .....
ان الطوابير التي تمر في استعراض عيد الفطر والجلاء ...
( فتهتف النساء في النوافذ انبهارا ) ...
لا تصنع انتصارا ....
قلت لك مرارا
ليس في سيرتي أو سيرة بلدي ما يخجل ....
هانا الآن أمامك عار من كل ما يسترني ...
ووعدتك ذات يوم أنني سوف اجيب علي كل اسئلتك ...
وليتك سألتني عن اسم حبيبتي .. فقد كان الأمر أكثر سهولة ....
طوال الشهر الماضي وانا احاول عبثا ان امسح ضوئيا الصورة واكمل بقية معلوماتي لتعرف من أنا ... ووعدتك ان لو طال الزمن أو قصر سوف أوفي بوعدي فهانذا كاملا أمامك...
اسمي
جعفر بشير محمد عمر
ميلادي
1971-1972 وما تستغرب لانو عندي تاريخين ميلاد بس لانو الوالدة لحدي هسي شغالة غلات مع ناس الاحصاء ... هم مصرين انو انا مولود في 72 وهي مصرة انو انا مولود في 71 .. لكن بيني وبينك كدة ... هي مرة قالت لي انها نست تاريخ ميلادي والغريبة حافظة الباقيين كلهم .... تقول شنو في جنس الفرز ده .... قلت ليها طيب طيب الغلات شنو مع ناس الاحصاء .... ادتني ليك عين لمن فهمت ليك .... كويس انو هي بتحب المعارك الجانبية ......... يعني يا خوي بالوراثة شايلين عكاكيزنا ... تجي تقول لي هارب من الحوار ....
لكن هي طبعا حكيمة جدا وما حسمت الموضوع عشان يا ابو السعود اكون مطالبك بي هديتين كل سنة واحدة في 5/10/1971 وواحدة في 5/3 /1972 .... عشان عيد ميلادي الماحصل احتفلت بيهو ولا عارف بعملوا فيهو شنو غير الشمعة البنفخوها دي ....
اتخرجت من جامعة الخرطوم 1996 – 1997 برضة ما مفهومة لكن برضو الفرز حاصل ما بين تاريخ التخرج وتاريخ استلام الشهادة .... وما عارف مسالة فريز الكيمان دي متابعاني وين .... اصبر بس تاني جاياك ...
كنت يا سيدي كادر خطابي لمؤتمر الطلاب المستقلين ... بالجامعة ..
انا من أهل العوض من الجزيرة من قرية اسمها فداسي الحليماب .... وسط بين مدني والحصاحيصا .... بس شفت يا سيدي هيثم الرشيد بتاع المريخ ده ولدنا ... هيثم منو رئيس التادي زاتو ولدنا واخوك مما ولدو شايل ( الخرقة الصفراء بي أحمر ) ... والمريخ ده يا خوي بنضارب فيهو عديل كدة ووالله تطلع هلالابي خلاص بعد كدة العجاجة حدها السماء ... هي اصلها قايمة ... بلا هلال بلا لمة ... معاك ...
اها تاني في شنو
ايوة
الاقامة الحالية في مدينة الرياض الجميلة ... واوعك تسمع لي كلام ناس ود شاموق وابوقوته ديل ... ديل اصلهم سوداويين لكن كان شفته الرياض بي عيوني حاتشوفها اجمل مدينة في العالم .. رياض تمبس وبنبن وصلاح غريبة واحمد ساطور وود قاسم واحمد سعيد ومحمد الشيخ والفقر ديل ناس ودشاموق وابو قوتة واشرف ادريس ... والاخوان الساحر والسنجك ... اها رايك شنو في جمال اكتر من كدة ... وبس اوقف ليك لحدي هنا عشان ما تمدد ليك اكتر تقوم تخلي .. اسمها شنو مدينتك دي ... المهم تخلي امريكا وتقول جايينا تعمل لينا ضيق هنا .... لكن ناس ود شاموق وابو قوتة ديل براهم بهابشو عشان كدة شايفنها ليك زي نهاية التاريخ .... بالمنسبة دي نظرية فوكوياما ولو عايز تتعرف علي الشخصية دي كويس قناة الجزيرة كانت عاملة معاهو لقاء قبل فترة مع يسري فودة ... احتمال يكونوا هسي نزلولهو علي الموقع بتاع القناة ... حوار جميل جدا ويستحق انو الواحد يقراهو عشرين مرة ..
الشغل الحالي ... مع شركة اسمها Horizon مدير قسم تقينايت الانترنت .... يادوب اسبوع لكن بيني وبينك شكلي باقي معاهم ... خلاص تعبنا من المساسقة والهتاف .... معقولة بس زول في ظرف سنتين يشتغل في 10 شركات ..... معقولة
في شنو تاني
الحالة المادية : والله دي زول بعرفها ليك مافي انا زاتي ما بعرفها
الحالة الاجتماعية : Single نحمد الله علي نعمو .....
الحالة العاطفية : عشرة علاقات فاشلة ...وواحدة ناجحة مع البت البتغني ليك دي بس راجي لي فرصة ومليان بالامل بعد ده كله .... اخوك صنديد .... اكان ربك هون. .... اهي علاقة من طرف واحد لكن بتمشي الحال لحدي ما ربك يسترها معانا ....ولحدي هنا نقيف يا خوي ... اها قولك شنو .... اقدر قول حاجة ...
تاني في شنو كمان انا عايز اكملو ليك كلو عشان تاني ما تسالني ... ياخي كرهتني الرياض والمدن المجاورة تقول كاتل لي روح ..... ملاحقني كدة .... والله الامريكان ديل غلتانين غلت كبير مفروض بس يدوك فرقة البحث عن بن لادن و صدام حتي بعد ما قبضوهو ... كان كفيتهم شر الجبال والوهاد وبرد افغانستان ده .... بالمناسبة كيف البرد عندكم ......
اها وبالله عليك الله اختار لي واحدة من الصور دي عشان اعلقها ليك في البروفايل واكمل ليك الباقي ....
وكان الله مغضبها عليك اقدر أسالني تاتي .... والله كان يفرزونا بال ... ولا خليها لمن الاقيك
خلاص انتهينا
ولك هذه القصيدة ( استغلال طبعا عشان امرر الاسبوع عبر بوستاتك ) ... وانا قلت ما بشارك في حاجة مافيها شعر ولا غنا اها قلنا اخونا اسعد ده ما نغلت عليهو لكن برضو ندخله في الاسبوع بتاعنا ....
قصرت معاك
اما اذا كان هنالك ما تبقي من اسئلة ارجو اعفائي مؤقتا لانني قررت الصيام عن الحديث في مثل هذا الاسبوع
واهدي اليك القصيدة
يتبع
| |
|
|
|
|
|
|
|
|
|
Re: رسالة مفتوحة الي أسعد ابراهيم ..... (Re: Abo Amna)
|
حبيبي جعفر بشير ( ابو امنةسابقا)
اشكرك علي انك استننت سنة حسنة باعلانك عن نفسك وبهذه الطريقة الرائعة
وعلي كدة الواحد يقدر يناقشك علي موية بيضاء لانك الان في نظري فعلا لك شخصية اعتبارية نقدر نمسكك من رقبتك اذا اتلومت معانا.
بعدين يا اخو نسيت حاجة مهمة هو انو البوست دة اصلا حقك وانت الكتبتوا مش انا وان كان موجه لشخصي الضعيف، فاكتب فيه علي راحتك شعر ونثر وغني ومدايح وبمناسبة المدايح دي ليه ما ضمنتها ضمن اسبوع الفنون المقترح منك ولا عايزنا نلم الجماعة ونعمل هجوم كاسح ، شوف ضروري المدايح ضمن فعاليات الاسبوع.
بالمناسبة كل ما ذكرته عارفو لانك لما اتاخرت في الرد جربت دروب تانية واهو الحمد لله
اثبتت لي مصداقيتها
شفت WEB SITE حق تماضر والله جميل جدا .
علي العموم اخي الكريم انشاء تكون تبت من توجيه رسائل مفتوحة المرة الجاية خليها
رسالة مغلقة عشان ما تحصل المساككة.
بعدين سؤال اخير انت من الجزيرة شنو حكاية ابو امنة دي؟؟؟؟؟؟
ونتلاقي اخي في الرملة الدقاقة
وان عدتم عدنا
مع حبي
| |
|
|
|
|
|
|
|
|
|
Re: رسالة مفتوحة الي أسعد ابراهيم ..... (Re: ASAAD IBRAHIM)
|
[B]سميح القاسم
بطاقات معايدة إلى الجهات الست
أُسْوَةً بالملائكةِ الخائفينَ على غيمةٍ خائفهْ
في مَدى العاصفهْ
أُسْوَةً بالأباطرةِ الغابرينْ
والقياصرةِ الغاربينْ
في صدى المدنِ الغاربَهْ
وبوقتٍ يسيرُ على ساعتي الواقفَهْ
أُسْوَةً بالصعاليكِ والهومْلِسّ
بين أنقاضِ مانهاتن الكاذبَهْ
أُسْوَةً بالمساكينِ في تورا بورا،
وإخوتِهم، تحت ما ظلَّ من لعنةِ التوأمينِ،
ونارِ جهنَّمها اللاهبَهْ
أُسْوَةً بالجياعِ ونارِ الإطاراتِ في بوينس إيريسْ،
وبالشرطةِ الغاضبَهْ
أُسْوَةً بالرجالِ السكارى الوحيدين تحت المصابيحِ،
في لندنَ السائبَهْ
أُسْوَةً بالمغاربةِ الهائمينَ على أوجه الذلِّ والموتِ ،
في ليلِ مِلِّيلَةَ الخائبَهْ
أُسْوَةً بالمصلّينَ في يأسهم
والمقيمينَ ، أسرى بيوتِ الصفيح العتيقْ
أُسْوَةً بالصديقِ الذي باعَهُ مُخبرٌ ،
كانَ أمسِ الصديقَ الصديقْ
أُسْوَةً بالرهائن في قبضةِ الخاطفينْ
أُسْوَةً برفاقِ الطريقْ
أُسْوَةً بالجنودِ الصِّغار على حربِ أسيادهم ،
وعلى حفنةٍ من طحينْ
أُسْوَةً بالمساجين ظنّاً ،
على ذمّةِ البحثِ عن تهمةٍ لائقَهْ
أُسْوَةً بالقراصنةِ الميّتينْ
بضحايا الأعاصيرِ والسفنِ الغارقَهْ
بالرعاةِ الذين أتى القحطُ عاماً فعاماً
على جُلِّ إيمانهمْ
وعلى كُلِّ قُطعانهمْ
أُسْوَةً بالشبابِ المهاجرِ سرّاً ،
إلى لقمةٍ ممكنَهْ
خارجَ الجوعِ في وطنِ الفاقةِ المزمنَهْ
أُسْوَةً بالفدائيِّ أَوقَعَهُ خائنٌ في كمينْ
أُسْوَةً بالنواصي التي جزَّها النزقُ الجاهليّ
والرقابِ التي حزَّها الهَوَسُ الهائجُ المائجُ الفوضويّ
أُسْوَةً بالمذيعِ الحزينْ
مُعلناً ذَبْحَ سبعينَ شخصاً من العُزَّلِ الآمنينْ
باسم ربِّ السماءِ الغفورِ الرحيمْ
والرسولِ العظيمْ
والكتابِ الكريمْ
وصراط الهدى المستقيمْ
أُسْوَةً باليتامى الصغارْ
بالمسنّينَ في عزلةِ الزمنِ المستعارْ
بينَ نارٍ وماءٍ.. وماءٍ ونارْ
أُسْوَةً بالجرار التي انكسرتْ ،
قبلَ أن تبلغَ الماءَ ،
في واحةٍ تشتهيها القفارْ
أُسْوَةً بالمياهِ التي أُهرقتْ في الرمالِ ،
ولم تستطعْها الجرارْ
أُسْوَةً بالعبيد الذينْ
أَعتقتْهم سيولُ الدماءْ
ثمَّ عادوا إلى رِبْقَةِ السادةِ المترفينْ
في سبيلِ الدواءْ
وبقايا بقايا غذاءْ
أُسْوَةً بالقوانين ، تقهرها ظاهرَهْ
بالبحارِ التي تدَّعيها سفينَهْ
بالجهاتِ التي اختصرتْها مدينَهْ
بالزمانِ المقيمِ على اللحظةِ العابرَهْ
أُسْوَةً برجالِ الفضاءِ وحربِ النجومِ اللعينَهْ
أُسْوَةً بضحايا الحوادثِ في الطرقِ المتعَبَهْ
وضحايا السلامْ
وضحايا الحروبِ وأسرارِها المرعبَهْ
وضحايا الكلامْ
وضحايا السكوتِ عن القائلينَ بحُكم الظلامْ
وبفوضى النظامْ
أُسْوَةً بالمياهِ التي انحسرتْ ،
عن رمادِ الجفافْ
والجذوعِ التي انكسرتْ ،
واستحالَ القطافْ
أُسْوَةً بالشعوبِ التي أوشكتْ أن تبيدْ
واللغات التي أوشكتْ أن تبيدْ
في كهوفِ النظامِ الجديدْ
أُسْوَةً بضحايا البطالَهْ
يبحثونَ عن القوتِ في حاوياتِ الزبالَهْ
أُسْوَةً بالطيورِ التي هاجرتْ
ثم عادتْ إلى حقلِهَا الموسميّ
في الشمالِ القَصِيّ
لم تجدْ أيَّ حقلٍ.. ولا شيءَ غير المطارْ
والفراشاتُ ظلُّ الفراشاتِ في المشهد المعدنيّ
ظِلُّ نفاثةٍ قابعَهْ
خلفَ نفّاثةٍ طالعَهْ
بعدَ نفّاثةٍ ضائعَهْ
خلفَ نفّاثةٍ راجعَهْ
لم تجدْ غير دوّامةٍ من دُوارْ
أُسْوَةً بغيومِ الشتاءِ على موتها مُطبِقَهْ
بالبراكينِ في آخرِ العمرِ.. مُرهَقةً مُرهِقَهْ
بالرياحِ التي نصبتْ نفسها مشنقَهْ
وتدلَّتْ إلى قبرِهَا
بين قيعانِ وديانها الضيّقَهْ
أُسْوَةً بالشعوبِ التي فقدتْ أرضَها
بضحايا الزلازلِ والإيدز والجوعِ والأوبئَهْ
أُسْوَةً بالبلادِ التي خسرتْ عِرضَها
ومواعيدَ تاريخها المُرجأهْ
في سُدى هيئةِ الأُمم المطفَأَهْ
أُسْوَةً بي أنا
نازفاً جارحا
غامضاً واضِحا
غاضباً جامحا
أُسْوَةً بي أنا
مؤمناً كافراً
كافراً مؤمِنا
أُسْوَةً بي أنا
أرتدي كفني
صارخاً: آخ يا جبلي المُنحني
آخ يا وطني
آخ يا وطني
آخ يا وطني !
(26/12/2001)
*****
الخفافيش
الخفافيش على نافذتي،
تمتصّ صوتي
الخفافيش على مدخل بيتي
والخفافيش وراء الصّحف
في بعض الزوايا
تتقصّى خطواتي
والتفاتي
والخفافيشُ على المقعد،
في الشارع خلفي..
وعلى واجهة الكُتب وسيقان الصّبايا،
كيف دارت نظراتي!
.......................
الخفافيشُ على شرفة جاري
والخفافيش جهازٌ ما، خبّيءٌ في جدار.
والخفافيشُ على وشك انتحار.
......................
إنّني أحفرُ درباً للنهار!
****
تعالي لنرسم معا قوس قزح
نازلاً كنت : على سلم أحزان الهزيمة
نازلاً .. يمتصني موت بطيء
صارخاً في وجه أحزاني القديمة :
أحرقيني ! أحرقيني .. لأضيء !
لم أكن وحدي ،
ووحدي كنت ، في العتمة وحدي
راكعاً .. أبكي ، أصلي ، أتطهر
جبهتي قطعة شمع فوق زندي
وفمي .. ناي مكسّر ..
كان صدري ردهة ،
كانت ملايين مئه
سجداً في ردهتي ..
كانت عيوناً مطفأه !
واستوى المارق والقديس
في الجرح الجديد
واستوى المارق والقديس
في العار الجديد
واستوى المارق والقديس
يا أرض .. فميدي
واغفري لي ، نازلاً يمتصني الموت البطيء
واغفري لي صرختي للنار في ذل سجودي :
أحرقيني .. أحرقيني لأضيء
نازلاً كنت ،
وكان الحزن مرساتي الوحيدة
يوم ناديت من الشط البعيد
يوم ضمدت جبيني بقصيدة
عن مزاميري وأسواق العبيد
من تكونين ؟
أأختاً نسيتها
ليلة الهجرة أمي ، في السرير
ثم باعوها لريح ، حملتها
عبر باب الليل .. للمنفى الكبير ؟
من تكونين ؟
أجيبيني .. أجيبي !
أي أخت ، بين آلاف السبايا
عرفت وجهي ، ونادت : يا حبيبي !
فتلقتها يدايا ؟
أغمضي عينيك من عار الهزيمة
أغمضى عينيك .. وابكي ، واحضنيني
ودعيني أشرب الدمع .. دعيني
يبست حنجرتي ريح الهزيمة
وكأنا منذ عشرين التقينا
وكأنا ما افترقنا
وكأنا ما احترقنا
شبك الحب يديه بيدينا ..
وتحدثنا عن الغربة والسجن الكبير
عن أغانينا لفجر في الزمن
وانحسار الليل عن وجه الوطن
وتحدثنا عن الكوخ الصغير
بين احراج الجبل ..
وستأتين بطفلة
ونسميها " طلل "
وستأتيني بدوريّ وفلـّه
وبديوان غزل !
قلت لي - أذكر -
من أي قرار
صوتك مشحون حزناً وغضب
قلت يا حبي ، من زحف التتار
وانكسارات العرب !
قلت لي : في أي أرض حجرية
بذرتك الريح من عشرين عام
قلت : في ظل دواليك السبيه
وعلى أنقاض أبراج الحمام !
قلت : في صوتك نار وثنية
قلت : حتى تلد الريح الغمام
جعلوا جرحي دواة ، ولذا
فأنا أكتب شعري بشظية
وأغني للسلام !
وبكينا
مثل طفلين غريبين ، بكينا
الحمام الزاجل الناطر في الأقفاص ، يبكي ..
والحمام الزاجل العائد في الأقفاص
... يبكي
ارفعي عينيك !
أحزان الهزيمة
غيمه تنثرها هبة الريح
ارفعي عينيك ، فالأم الرحيمة
لم تزل تنجب ، والأفق فسيح
ارفعي عينيك ،
من عشرين عام
وأنا أرسم عينيك ، على جدران سجني
وإذا حال الظلام
بين عيني وعينيك ،
على جدران سجني
يتراءى وجهك المعبود
في وهمي ،
فأبكي .. وأغني
نحن يا غاليتي من واديين
كل واد يتبناه شبح
فتعالي . . لنحيل الشبحين
غيمه يشربها قوس قزح !
وسآتيك بطفلة
ونسميها " طلل "
وسآتيك بدوريّ وفلـّه
وبديوان غزل !!
| |
|
|
|
|
|
|
| |
Abo Amna
ASAAD IBRAHIM
فيس بوك
تويتر
انستقرام
يوتيوب
بنتيريست