دعواتكم لزميلنا المفكر د.الباقر العفيف بالشفاء العاجل
|
|
 انتصارا للعلاقات الجامعية ( كلية الهندسة جامعة الخرطوم ) مبروك نهلة
|
الاخوة الاعزاء عموما والاخت يمني قوتة بصورة خاصة
استقبلت هذا الخبر السعيد بزواج الاخت نهلة والاخ بكري .. كلية الهندسة جامعة الخرطوم ... وكانت احدي العلاقات ال 1% التي تنجح في الجامعة ... عموما مبروك نهلة وبكري ...
رائحة اللوز المر تذكرني بمصير غرامياتي ... (ماركيز)
المحصلة خلال الجامعة 3علاقات فاشلة وواحدة مامعروف مصيرها ... الاسباب التي اذكرها ..
1. الرغبة في قيام العلاقة اكثر من الرغبة في استمرارها ..
اتمني ان يدور نقاش حول العلاقات الجامعية واسباب فشلها ونجاحها من واقع تجربة كل فرد
مع تحياتي
|
|
 
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: smart_ana2001)
|
الاخ Abo amna
الاخت smart_ana2001
التحيات الطيبات
مع انى ما عرفتكم أنتو منو بالضبط لكن اكيد بأكون فطرت معاكم بى بوش فى السوق الشعبى و لا شربت معاكم شاى عند خالتى خديجة فى زراعية
و حليل ايام الجامعة و حليل ناس الهندسة
كنت باتكلم مع نهلة فى التلفون ووصلت ليها احر التهانى بى مناسبة انتصار العلاقات الجامعية
التهنئة موصولة عبركم لكل ناس هندسة و العرسوا و اللسة واقفين فى الصف و الف مبروك لى نهلة عوض و بكرى حماد
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: hala guta)
|
سلام يا جماعـة الخيـر.. إعتبرونا ضيوف ساكت.. إللا جينا نسـأل عن حكايـة فطـوركم فى الســوق الشعبى دى.. حيـرتـونا والله. كنت سـاكنين فى مدنى واللا شنـو!!
وبعـدين بتحصـلو اللكاشــر كيف كنتو هناك.. بهلكوبتـر شـطـل؟
غايتـو دى إلا كان شـفــرة تعـرفو حلهـا براكـم.. ياخى أنا بعرف ناس من تهراقـا مرات ما بقـدرو يحصلــو.. مع إنـو الواحـد فيهـم لو تلب من أوضتـو كان نزل فى الـ "كاف" واللا فى لاب سميــر!
تحياتى،
أرو الريش
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: Abureesh)
|
الاستاذ ابو الريش
معقوله بس؟ انت شرفتنا
والله ضحكتنى ربنا يديك العافيه
السوق الشعبى دى كافاتيريا فى جامعه الخرطوم مجمع الوسط امام الميدان الغربى
و ما ح اقدر القى وصف احسن من انها بالضبط ذى السوق الشعبى زحمة زحمه زحمه و ضيقه ذى خرم الابره بس للمه فيها مباااالغة
اى زول ما تلقاه فى الجامعه اكيد ح تلاقيه فى السوق الشعبى
و الله عملتوا لى نفسيات وزكرتونى الايام الحلوة
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: smart_ana2001)
|
الاخوة الاعـــزاء
شباب هندسة الحلوين
كلو سنة وانتو طيبين
Smart انا ما جديد يعني ممكن تقولي 1997 يعني ناس شهاب ديل اظنهم كانوا في البرليم لمن اتخرجنا لكن في الخمس سنوات دي ( اقصد ستة سنوات ) .. عدد العلاقاقت الما مرقت من بوابة المين ملايين .. اعرف ان هنالك انتصارات لكن الهزائم اكبر من رصدها ... طبعا اظن ذكر الاسماء ما فيهو حاجة ما دام ذكرناهم بالخير ولا قصدك انو ده (شمار) عموما اذا جات الاسماء في سياق الحديث ( بدون رصد) ما فيها مشكلة ..
العزيزة يمني
تحية طيبة
انتي قالوا ليك نحن هندسة قريناها وين ... ما في السوق الشعبي وكلها عديناها شراب شاي لحدت ما واحد من اساتذة School زعل وجاب ليهو امتحان لا في السماء ولا في الارض ولمن سالوهو لي ناس school امتحانهم ساهل قال ليهم انتو في المحاضرات بتجيبوا لي ( مناديب ) ما طلبة ...
عموما انا ما دفعتكم لكن مربوط بيها .. وبالشلة دي ( حدتو ونهلة توسل ) بس في اسم ناقص من ميكانيكا وما بتنسي لو عرفتيهو تكوني وصلتيني ( ما ج.د) ... وانتي قريتي هندسة يللا شطارتك ... ولا برضو من السوق الشعبي ....
ونحن واقفين في الصف لكن ما كتير ...
ومرة تانية مبروك ليهم
الاخ اكرم
برضو السوق الشعبي وكمان زراعية عموما ايام هندسة من اجمل الأيام ..
هالة قوتة
ما عارفك خريجة كم لكن شكلك كدة دفعة
عموما يمني حاتديك باقي المعلومات ... لكن انا ما عارف كيف في زمنك الموضوع متغير لا كان عمرك 120 سنة لانو علاقات الجامعة دي الواحدة البتنجح اصلا بكون عندهم عشرين علاقة سابقة فاشلة .. او دي الحاجة الموجودة عموما في الجامعات وبالجد حاجة محزنة لكن اتمني انو الجيل الجديد يكون احسن ( وما اظن ) ...
ابوالريش
تحية طيبة ... معليش لي الكود بتاع هندسة اصلهم عايزين ليهم Dictionary عشان مصطلحاتهم الغريبة دي واظن هسي انا ذاتي بكون عايز واحد عموما مرحب بيك .. وشرفتنا
وامنياتي بالتوفيق لل المهندسين والمهندسات المتزوجين والمتزوجات والفي الطريق ...
مع تحياتي
أبو آمنة
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: الجندرية)
|
Smart
تحياتي
يعني ال Trace (الترس) برضو ما خليتيهو لازم يعني طيب اقول ليك اسم وبعد ده لو ما عرفتيهو اسألي يمني قوتة .... نضال حسن حسين .. اتمني انو اعرفك لكن عموما في ماسنجر وفي ايميل لانو اكيد شربنا الشاي مع بعض ...
مع تحياتي
أبو آمنة
الجندرية
تحياتي
زواجك جزء من الانتصار لكن لما ذكرت 1% رغم انها صيغة مبالغة لكن صدقيني ما بعيدة من النسبة وعموما احتمال انت بتحسبي العلاقات الناجحة لكن ما اظنك حسبتي الفاشلة ...
عموما مزيد من الانتصارات للعلاقات الجامعية
مع تحياتي
أبو آمنة
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: Abo Amna)
|
الظرفاء والظريفات
ابو امنة واسمارت اناو يمنى و هالة و العجوز ابو الريش
اولا التهنئة لنهلة و بكرى حماد و عقبال كل المكيسين و المنتظرين فك التسجيلات مع بداية السنة الجديدة,
اها حتقبلو ناس من بيزنس يشاركوكم فى البوست ده ولا تمنعونا دخول السوق الشعبى و نمنعكم الليمون و الجيبس (سندويتشات البطاطا)
البوست ده اشعرنى بحنين عظيم للمين رود و الاكستنشن بتاع هندسة و بنشات هندسة و لكافتريا علوم وغبار الاركان و هوس الكيزان ومعارك السيخ
لكم حبى
بكرى الجاك
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: smart_ana2001)
|
العزيز بكري
تحية طيبة ...
مرحب بي كل ناس Bussines وآداب وصحة في سوقنا الشعبي ... طبعا لازم اتملقك عشان نحن ما بنقدر نخلي ليمون بزنس والجيبس لانهم بخلونا جايين ماشيين قدام كلية الاداب ... نقدر نحن نخليهو ...
عارف كلمة حنين دي انسب كلمة للبوست ده لانه بالجد حتي انا لما كتبته ما كنت فاهم انو حارتبط بيهو بالطريقة دي ويا حليل زمن الاركان والكيزان و ( طردة عمر البشير ) ... بالمناسبة قالوا التجاني المشرف ( بتحاوم في البورد بي جاي ما عارفة شايل ليهو سيخة ولا مشروع حضاري ) .. ومطلوب مننا نرحب بيهو زي الحصل خير وعفا الله عما سلف لكن اظن عدم ترحيب الناس بيهو كان اجمل رد ... في واحد غايتو كف العين ... وما اظنو دخل بالغلط ...
عموما يا عزيزي فرصة جيدة انو نتقابل تاني وثالث وبصورة افضل من كده ( ده وعد ) ..
ولك حبي
Smart Ana حيرتيني عديل كدة انا ذاتي بقيت داير اعرف دي منو دي البتعرف الكلام ده كلو ... وبعد المعلومات دي كلها ما قادرة تصل عموما انا حاوصلك لانو واضح انو المسألة ما ( ترس ) بس برضو عايزةAttendance ...
مع تحياتي
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: Abo Amna)
|
الحضور هنا جميعا
تحية مرة اخري
يا اسمارت انت
اها انا بعرف نضال حسن حسين و بعرف توسل و بعرق رانيا صديق و بعرق فخر الدين ووليد(ميكانيكا) ناس قدام لكن بقو دفعتكم يكون وبعرق رشا فى معمار ولو واصلت الباندوث حيخلص
وفعلا مرات كنت بمشى مع محمد فاروق وهو صديق و رفيق درب بس لمن امشى هندسة بكون ما داير امشى معاهو. اها عرفتينى ولا لس ؟؟؟؟
ابو امنة
تعريف الكوز او الجبهة الاسلامية هس اختلف فى الادبيات السياسية , فالكوز ليس هو العضو المنظم فى تنظيمات الكيزان الماعندها اول ولا اخر, الكوز هو عبارة عن كل من يحمل رؤي مفادها الحفاظ على هيكل الدولة السودانية بشكلها الراهن الذى هو سبب كل الكوارث و مشروع السودان الجديد طبعا يهدف الى تفكيك هذه الدولة بجميع بنياتها و اعادة بنائها بما يخدم مصلحة جميع السودانيين, فالتجانى مشرف لو جا داخل البورد وشايل سيخة تكون بسيطة لانو ده بيعنى انو ما زال فى هوسه القديم لكن المصيبة انو يجى شايل ليه مشروع كذبة جديدة للشعب السودانى زي البسوق فيها الحربائى الترابى واحتمال يقولو انهم مع مشروع السودان الجديد عديل كدة , و عموما مرحب بيه مهما كان يحمل من افكار او سيخ.
بكرى الجاك
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: Abo Amna)
|
الى كل المشاركين في هذا البوست الرائع لكم تحياتي
طبعا لا انفي صفة التحيز الى ام الجامعات وطبعا هي جامعتي فانا بحي كل خريجي هذه الجامعه الفتيه
وبعدين يا ابو امنه كونه الواحد يخش في نسبة واحد في المية اتخيل لي دي حكاية ما هينه  انا طبعا من اداب يعني جيرانكم يا ناس هندسه لكن انتوا عملتو في الواحد عمايل غريبة اول شئ ما خليتو سوق شعبي ولا بيزنس وليمونه الرهيب والاهم من ده كلو زكرتونا ايام الحب والهيام حقيقي انا عشت اجمل ايام حياتي في الجامعه مع زوجتي الي كانت زميلتي وحقيقه كنا بنتصنف من ضمن العلاقات البين بين الا الناس الكانوا قريبين مننا وعارفين مدى جديتنا في علاقتنا
فمبروك لى كل عروسين ومبروك لي عرسان هندسة على وجه الخصوص وبتمنى انو علاقات الجامعات بالذات تكون الثقة هي الاساس بتاعه
قوته وبكري وسمارت مشاركاتكم حلوه وضحكتني حكاية السوق الشعبي البتفطروا فيه ده يا ازهري
مع تحياتي
ــــــ......ـــــــ......ــــــ
يا حبيبي ظمئت روحي وحنت للتلاقي
وهفا قلبي الى الماضي وناداني اشتياقي
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: عادل فقاد)
|
عادل فقادالاروع
تحياتي لك ولزوجتك التي اتمني ان تشرفنا في البورد ... اذا ما كانت موجودة ...
طبعا بدون كلية الاداب كانوا زمان قفلوا الهندسة ... عارف انو الواحد دايما بينفي عنصريته تجاه الاخرين لكن الموضوع لما يجي لي جامعة الخرطوم .. زي كانوا لا قرينا ولا فهمنا ولا اتعلمنا الواحد ما بشوف حاجة غيرها .. واظن المسألة مربوطة بالايام الجميلة العشناها فيها ...
بعدين ياخي كدي النسألك .. نحن شفنا نوع من العلاقات الغريبة جدا .. يعني واحد يكون من اداب مكيس من اقتصاد و 24 ساعة مع بعض محاضرات ذاتها ما عارفين مواعيدها ديل نوع الناس البجي في الامتحان يقول للمراقب نادي لي استاذ المادة ( ويكون ما عارف المراقب هو ذاته الاستاذ ) ... وعلاقتهم ما بشكك في جديتها زول ... فجأة يقول خلاص الموضوع انتهي بي بساطة الولد ما عارف كان عنده بت عمه ناسيها من زمان طلعت ليهو هسة ولا البت ما عارف جاها ود خال من وين اتزوجها ... بالبساطة .. تجي تقول لي انو علاقتكم البين بين دي انتهت بالزواج .. والله ده انجاز تاريخي رغم انو ناس اداب ديل معروفين انو بدو شواكيش طوالي شايفة معلقة هناك في الميدان الشرقي شواكيش بالكوم الناس قايلنهامساطر هندسة الطويلة Tsquire ما عارف كده صاح ولا غلط .. وطبعا Smart_ana برضو واحدة من انجازات هندسة ... وزي ما قال بكري التحية لكل المتزوجين والمكيسين والمنتظرين فك التسجيلات ...
وبنتمني انو كل العلاقات تنجح لانو يفترض انو العلاقة الجامعية بين اعمار متقاربة اكثر نضجا واقوي احتمالا ( في حالة عدم الردة نحو بت الخال ولا العم الصغيرونة ) ...
مع تحياتي مرة اخري لي ناس ادآب ( الجرسونا كتير - طبعا ما في الكورة )
مع تحياتي
أبو آمنة
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: Abo Amna)
|
عزيزي ابو امنه لك الود
توضيح بسيط ....انا لما قلته علاقتنا كانت بين البين الكلام ده كان في نظر كتير من الزملاء والزميلات الي كانوا بيشوفوا انو صعب تطوير علاقة حب بي اتنين زملاء الى الزواج وكانوا بيعددوا اسباب كتيره فيهم البقول عامل السن وفيهم البقول متين اكون نفسي واكون جاهز للزواج وهل البنت حتنتظر وحتواجه اهلها اذا افترضنا انو اتقدم ليها عريس جاهز كل هذه الاسباب وغيره كتير كانت دافع الكثيرين عشان يشكوا في استمرارية العلاقة وختمها بالزواج
فعشان كده انا قلته الناس الي كانوا قريبين مننا كانوا عارفين من صدق علاقتنا وجديته والحمد لله ربنا وفقنا وكملنا المشوار
بعدين حكاية الناس تمشي تجكس في اقتصاد دي ياربي تكون من باب التغريب لووووووول انا غايتو كان عندي صاحبي ده كمان عمله ظاهره غرب لحدي ما بالغ زاتو من اداب الخرطوم مرقه في الاهلية وبرضو كانت علاقة موفقه وانكتب ليها النجاح والان متزوجين وبي عيالهم
فحقيقي انا بتفق مع الرأي البيقول انه معظم العلاقات بتقوم وتنشأ على اساس وجود العلاقه مش على اساس استمراريته وده اتخيل لي سبب فشل كتير من العلاقات
بعدين يا ابو امنه كمان كورة اداب فيها كلام دي الكوره كلها في اداب اما من ناحية الجكس فانت براك اعترفته الجرس حاصله ونخليها مستوره كده
رغيت كتير مش كده بس ده لانه الواحد بيجد نفسه في هذا البورد العملاق فلكم العتبى
تحياتي
ــــــ......ــــــ......ــــــ
نعم انت الرحيق لنا وانت النور والعطر
وانت السحر مقتدرا وهل غير الهوى سحر
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: عادل فقاد)
|
الاخوة الاعزاء
وردتني هذه الرسالة عبر الايمل ولجمالها ورغبة صاحبها المكبوتة اوردها كماهي: وحيث ان الاخ علي لا يملك اسم مسجل بالبورد فيمكنني نشر الردود التي يود نشرها الي ان يستطيع الاخ بكري السماح بفتح التسجيل مرة اخري
Quote: From : ali othman
Sent : Tuesday, December 2, 2003 11:53 AM
To : [email protected]
Subject : منتسب للجامعة من طريق آخر
| | Inbox
الأخ العزيز ابو امنة
تحية طيبة وكل سنة وانت طيب
لست من منسوبي البورد وان حاولت من قبل التسجيل ولكنه مغلق فصر زائراً مستديماً ، لقد اطلعت على البوست بتاعك وهيج فيني اشجان تعاودني في كل لحظة ، حقيقة لست من طلاب الجامعة ولكني كنت اعمل بالمكتبة المين وعملت لفترة وجيزة بمكتبة الهندسة . ولقد عشت في الجامعة اجمل ايام حياتي ونسبة لتقارب عمري مع الطلبة رغم اني اكبرهم بقليل نشأت صداقات عديدة بيننا ، ومن الطرائف التي حدثت لنا في الجامعة انا ومعي 17 من زملائي بالمكتبة تعيّنا في وقت واحد عام 1990 وقد كانت اعمارنا متقاربة وكنا قد دخلنا في العقد الثاني من العمر حديثا ، وقد صادف تعييننا احداث 90 فأجزم الطلبة بأننا من الأمن وعندما كنا نمر امام داخلية البنات كنا نشتم بأقبح الصفات حتى ان اح اصدقائي ويدعى عصام محمد الحسن وكان يدرس بكلية الهندسة - معمار والذي لاذمني منذ الطفولة تشكك في انتمائي للأمن .
وكما اسلفت لك بأن من الصداقات الكثيرة التي اعتز بها هشام حسن عثمان - كهرباء ، عزة علي - كيميائية ، سوسن ( قرض ) - كيميائية وكثر منهم وكذلك شقيقتي هند محمد عثمان درست كيميائية .
علماً بأنني حينما انزل السودان في اجازة اقضي كل ايامي ماعدا يوم جهاز المغتربين في الجامعة .
والله يسامحك في العذاب الهيجتو علينا .
|
بالمناسبة انا دفعة سوسن ( قرض ) يعني اكيد اتقابلنا بس المكتبة المين دي ناس هندسة ما بجوها الا عشان يشرحوا لي برلومات علوم ...
اما موضوع ناسالامن اسمح لي سوف اعلقعليه لاحقا لانو موضوع ما بسيط ..
مع تحياتي
ابو آمنة
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: Abo Amna)
|
بكرى الجالك ازيك
انا ما قلت انى ما بعرفك . انت اللى ما ح تعرفنى . انا كنت بحب الاركان عشان كده بعرفك .
يعنى لما تمشى هندسة كنت بتنكر محمد فاروق و بتعرف بس الجكس النظيف ناس رشا و نضال و رانيا
و الله الناس ديل بالذات وحشونى كميات
و الله يا عادل فاقد ما شاء الله و ربنا يحفظكم و يوفقكم
ابو امنة سلامااات
سلم على على عثمان لو ممكن تسالو ا عن عصام محمد الحسن و ين الان؟ و اخباروا شنو ؟
عصام درسنى فى كورس بتاع رابطة طلاب بحرى فى جامعه الخرطوم هو و مجموعه من طلاب الجامه ( انا كنت فى اولى ثانوى ). و لا انكر ابدا انهم كانوا السبب فى تشجيعتا على الدراسة و الاصرار على دخول الجامعه و ساعدونا على ان نعرف اهتماماتنا و رغباتنا الحقيقيه. فقط فى ذلك الوقت انا عرفت الفرق بين معمار و مدنيه و مكانيا شنو بالضبط
و نفسى الان الاقيهم و اشكرهم واحد واحد
و ربنا يديكم العافية
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: smart_ana2001)
|
في البداية تحية للخ بكري الذي استجاب لمعاناة الاخ علي عثمان الذي اصبح بامكانه الدخول الي المنبر والحوامة زي ما عايز ... ومرحب بيك علي في البورد ... ويمكنك الرد مباشرة علي تساؤلات Smart
العزيز عادل
| Quote: بعدين يا ابو امنه كمان كورة اداب فيها كلام دي الكوره كلها في اداب اما من ناحية الجكس فانت براك اعترفته الجرس حاصله ونخليها مستوره كده |
والله الجكس ده جرسنا عديييييييييييييييل كدة لمن رجعنل لي هندسة تاني وده معناها يا خوي ما عندي حاجة خايف عليها يعني كان فتحنا باب الكورة وكوم التراب بنغلبك هنا في البورد ده وبعدين المنتخب بتاعنا يا زول يجرس عديل كده .. فيهو سمارت ويمني وهالة واكرم جودة .. وبعدين الجندرية وبو الريش ديل بتاعننا غايتو الا تحاول تحنس بكري الجاك ده ... يلعب معاكم ..
ويا سيدي ارغي ذي ما عايز نحنا لينا زمن من الميدان الشرقي وضهر التور ونجيلة معمار ... البيت بيتك ...
وقول لي صاحبك دة .... ظااااااااااااااااااااااااااهرة وربنا يوفقه ....
نعم انت الرحيق لنا وانت النور والعطر
وانت السحر مقتدرا وهل غير الهوى سحر
Smart شايفك غايبة ليك يومين كدة المهم اهو الاخ علي عنده Account وممكن يرد علي اسئلتك مباشرة ...
مع تحياتي
أبو آمنة
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: Abo Amna)
|
الأخ العزيز ابوآمنة
لك التحية
كم انا سعيد بأن يكون بداية تواصلي معكم من خلال البوست بتاعك .
ومن عبرك أود ان اهنئي الاخ بكري والأخت نهلة بالزواج الذي كان قدمه خيراً علي واتمنى ان يكون عليهم كذلك طوال حياتهم المديدة انشاء الله
واشكر الاخ بكري ابوبكر على قبوله لي .
الاخت سمارت انا .. وعليك السلام ورحمته تعالى وبركاته ، بخصوص الاخ عصام محمد الحسن ( او ديفيد شارل سمحون كم اطلقتن عليه ) فلي فترة ليست بالقصيرة انقطعت عني اخباره وانا الملام على ذلك .
واردت ان اسالك عن ذلك الكورس اليس الذي كان ختامه في كازينو النيل الأزرق بسيد خليفة يرحمه الله في 25 مايو ؟
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: Abo Amna)
|
ازيكم
مرحب اخى على عثمان
الحقيقه الكورس يومه الختامى كان فى المدرسة وكان عباره عن كورال و اسكتشات مثلوها طلاب المتوسط فى الكوس
اتخيل اكون شافعه مفعوصه فى اولى ثانوى واقول لاهلى ماشه حفله فى حادئق مايو؟؟؟
لما دخلنا الجامعه كان فيصل فى مكتبه هندسه مصاحب الطلبه جدا بس واحنا فى ثالثه اتنقل لى مكتبة اسكول
اتمنى ليك اقامه طيبه فى البورد
سلام
| |
|
|
|
|
|
|
|
|
|
Re: انتصارا للعلاقات الجامعية ( كلية الهندسة جامعة الخرطوم ) مبروك نهلة (Re: Abo Amna)
|
الأخ ابو آمنة والأخت سمارت شكراً ليكم .
بخصوص الكورس البقصدو انا ختامه فعلاً كان في المدرسة ( مدرسة الشعب ) وانا كنت مشرف المسرح بتاع متوسط وكان مديرالكورس هشام حسن - هندسة وكان الكورال ( يلا نمد ايدينا الخضرة ) ..
بخصوص فيصل مازال في اسكول وعمك بلال حسه نقلوهو طب والناس الفيها كلهم جدد .
اما ياابو آمنة بخصوص كورة هندسة فدي مابيختلف فيها اثنين فقمة الكورة اقتصاد ( ايام حاتم معني وبعده انتهت ) وهندسة وطب اما البقية فمارتعت الا في سنين ايقاف هندسة - لكني مامعاك في روعة الميدان الشرقي لأنه مصلع وكله ضريسة .
| |
|
|
|
|
|
|
| |
Abo Amna
smart_ana2001
yumna guta
Abureesh
الجندرية
Bakry Eljack
فيس بوك
تويتر
انستقرام
يوتيوب
بنتيريست