تحية طيبة وكل سنة وانت طيب. اظن لما كان في شيئ مهم اتصلت عليك تلفونيا ويمكنك فعل ذلك فلن يكلف الكثير او فقط رسالة او اتصل واقفل الخط.اما مسالة ان تكتب في اي مكان حتي ولو لم يكن هنالك علاقة غير مقبول.
اتمني فعلا الا يحدث للمرة الثالثة. اما بقية الحديث فله وقته ومكانه.
11-11-2005, 03:54 AM
ahmed haneen ahmed haneen
تاريخ التسجيل: 11-19-2003
مجموع المشاركات: 7982
الاخ جعفر .. اتخيل لي انا بتكلم عن موضوع مطروح في المنبر .. ما يتم نقاشه هنا .. لا يتواصل بالتلفون .. ومن وراء حجاب .. سياسة اكتب ثم اتصل بتحت اعتذر .. ما بتنفع معاي .. ذي ما ابتدأ الحوار هنا .. ينتهي هنا ..
Quote: ويمكنك فعل ذلك فلن يكلف الكثير او فقط رسالة او اتصل واقفل الخط
فعلا الدقيقة قالوا بأقل من ربع ريال .. وتحسب شركة الإتصالات مدة المكالمة بالثانية .. وهناك تخفيض 20% يوم الخميس والجمعة والعطلات الرسمية .. وبالنسبة للرسائل تكلف الرسالة الداخلية حوالي 25 هللة .. اما أن اتصل واقفل الخط .. برضو فكرة كويسة ..
بس رغم دا كلو .. منو البيستاهل .. سؤال صعب مش كدا .. اتخيل ننتظر تخفيضات شركة الاتصالات للعام الهجري الجديد .. أمكن .. خلي عندك أمل بس ..
Quote: مسالة ان تكتب في اي مكان حتي ولو لم يكن هنالك علاقة غير مقبول
يمكن يا عزيزي .. ان تضرب رأسك في أقرب حيطة .. ما داير اقول ليك اشرب من البحر .. لانه هنا ما في بحر .. بس ممكن اقول ليك بالسعودي .. قِم بس قِم ..
Quote: اتمني فعلا الا يحدث للمرة الثالثة.
وانا لا اتمنى ..!! لقيتني كيف عليك الله ..
11-12-2005, 00:29 AM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
في محادثة جميلة بين وبين صديقة افتقدها بشدة، أطلقت صديقتي هذه الصفة على ردة فعل شخص ما في موقف معين. انتزعت مني ضحكات من الأعماق ووجدت فيها كما هائلا من السخرية الجادة! استطردت صديقتي تشرح لي معنى هذه الجملة وقالت بأن هناك الكثيرون من الأشخاص الذين يعانون من حالة (التخلع اللاإرادي) وهي حالة تنتاب أولئك الذين يجنحون للعدوانية ولديهم ردود أفعال بحسب مزاجهم اليومي. يبدؤون أولا بالهياج اللامبرر يتلوه حالة من الصمم المتعمد ويسدل الستار على الحالة بأن تصبح هي شهيدة الموقف والضحايا الحقيقيون هم الجناة.... وبعدها بثوان معدودة ينهضون ويواصلون حياتهم كأن شيئا لم يكن! هي حالة أقرب للصرع ولكنها تحدث بسبق الإصرار والترصد .
تحليل صديقتي للحالة هو أن هؤلاء المتخلعون يبحثون عن الإثارة في حياتهم ولكنهم يفتقدون لسمات الشخصية المثيرة أو العميقة لأنهم غالبا رماديون ولا طعم لهم ولا لون. إذا الحل الأمثل لكسر رتبة شخصياتهم هو أن يخلقوا دراما من كل موقف بسيط خاصة لو كان خصمهم يتحلى بصفات يفتقدون إليها. يبرعون في لوي عنق الحقائق وتضخيم الأمور و لتتسلط عليهم الأضواء وينعموا بقليل من دفء الانتباه. تسعدهم رؤية تعابير الدهشة والصدمة على وجوه ضحاياهم ويتلذوون أكثر بالمجارة لهم مما يجعلهم يتمادون أكثر في تخلعهم.
طريقة المثلى للتعامل مع مصاب (التخلع اللا إرادي) ينصح المجربون وضحايا هؤلاء النوع من الأشخاص بتجاهلهم وعدم الالتفات إليهم. أي حركة منك تدل على التجاوب سواء بالسلب أو الإيجاب ستجعلهم يتمادون أكثر ويتخلعوا فيك أكثر لجذب الانتباه اكثر ... فقط أسقطهم من حسابك !
11-12-2005, 01:57 AM
humida humida
تاريخ التسجيل: 11-06-2003
مجموع المشاركات: 9806
يا عزيز هذا الخواء يحتاج الي موضوع لملئ هذا الفراغ العريض حتي ولو كان ملؤه بالفراغ والخواء (اعراض التخلع اللاارادي) ... وبالمناسبة انا غلطان ما خليتك في اجتماع بورداب الرياض تواصل لكن الجايات كتير.
عموما غياب امثال سارة عيسي يخلق مثل هذا الغثاء واتمني ان تعود مرة اخري هي ومن معها
11-12-2005, 08:29 AM
محمد أبوجودة محمد أبوجودة
تاريخ التسجيل: 08-10-2004
مجموع المشاركات: 5265
Quote: نتمني ان تعود مرة اخري بكامل فعاليتها للمزيد من الكتابات المسئوولة والهادفة.
انتشار، نعم كثافة في الانتاج، نعم
أما كتابة (مسؤولة وهادفة) فهي عمرها لم تكتب حرفا مسؤولا ولا هادفا.. إلا إذا كانت المسؤولية هي الالتزام بخط الخلط والتشويش وتجهيل القراء إلا إذا كان الهدف هو تحطيم الشخصيات والاغتيال المعنوي وتكريس العنصرية وطرح المزيد مما يدمر السودان ويساعد على تفكيك لحمة المجتمع السوداني.
11-12-2005, 08:40 AM
ابراهيم بقال سراج ابراهيم بقال سراج
تاريخ التسجيل: 10-12-2005
مجموع المشاركات: 10842
افتقدناك يا سارة عيسي صاحبة القلم الذهبي , اين انتي ؟؟ ما ظاهرة لا في المنتدي لا في قسم الاقلام الحرة لا في المواقع الاخري اظهري عليكي الله ؟؟ عشان نتمئن علي صحتك
تابعت كثيرا اختلافك مع الاخت سارة عيسي وفي رايي انه اختلاف طبيعي لطالما كان موجودا في البورد بين وجهتي نظر مختلفتين جذريا وهو يشبه بالنسبة لي اختلافي مع الاخت اماني السني في احدي الفترات في البورد بل وهو اصلا سبب وجودنا هنا... قد اتفق مع اي منكم الي درجة محددة واختلف في درجة اخري ليست هذه مشكلة ابدا وليست ايضا في اختلافكم مع بعض ولكن المشكلة فعليا حول طبيعة الامور التي يدور حولها الصراع نفسه. فمن خلال قراءتي اظن ان كل الحوار والصراع دار حول ما تكتبه سارة عيسي وما تكتبه انت وليس لاسباب اخري وفي النهاية كان لكل منكم الحدود التي يعرف كيفية الالتزام بها كشخص مسئول (بغض النظر عن الراي الذي يكتبه ودرجة الاختلاف والاتفاق) ولم يتحول الامر الي مطاردات والعاب طفولية وتغطية الشعور بالنقص وتصفيات هنا وهناك مثلما يطفح به المنبر من وقت لاخر.
اذن كما اتمني عودة اماني السني وانا في اقصي درجات الاختلاف معها اتمني عودة سارة عيسي وليدور الحوار ولتكن سارة عنصرية ولتسعي الي تغبيش الوعي حسب رايك وكذلك كان رايي في اماني السني الا انه في النهاية حوار هادف من قبل الجميع ويتحدث حول قضايا لها اهميتها واظن ان وجودك يمكن ان يكشف هذا التغبيش الذي الذي تري ان سارة عيسي تنشره.
اذن يا عزيزي ليست المسالة في من هو صحيح ومن هو خطا. ولكن في طبيعة المواضيع التي تناقش نفسها.
واظنك تتفق معي انه طوال فترة الجدال الدائر بينك وبينها كان الامر في قضايا حقيقية وليس مجرد هراء او مشاكل شخصية او تصفية حساب.
فهل نفضل ان يكون الاختلاف حول العنصرية وحول تغبيش الوعي ... والاختلاف حول قضايا حقيقية ام هذا الخواء والفراغ العريض.
11-12-2005, 10:01 AM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: افتقدناك يا سارة عيسي صاحبة القلم الذهبي , اين انت ؟؟ ما ظاهرة لا في المنتدي لا في قسم الاقلام الحرة لا في المواقع الاخري اظهري عليكي الله ؟؟ عشان نتمئن علي صحتك
الاخ ابراهيم تحياتي وكل عام وانت بخير
اتمني ان تظهر سارة علي الاقل الاطمئنان علي صحتها يعطينا شعورا جيدا بدلا عن هذا الغياب المفاجئ من كل مكان ...
11-12-2005, 10:23 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
Quote: انا غلطان ما خليتك في اجتماع بورداب الرياض تواصل لكن الجايات كتير
يواصل .. شنو .. وما تواصل انت .. بدل ماالمواضيع معلقة كدا .. بالواضح يا جعفر بشير .. ما تتوهم ليك طواحين هواء .. مطلبي ليك .. أنك تواصل ما انقطع من حديث .. ماتكون زول جبان .. ترمي الكلام وتجري .. اتمني أن تتحلى بالشجاعة الاديتك فيها درس قبل كدا .. وتطعن في الفيل عديل .. وما تقعد تلف وتدور .. بتكون كدا الحاجات واضحة .. وبنضع الامور في نصابها .. سياسة الكلام الكبار كبار .. واللف والدوران .. ممكن تحل بيها اشكالية ثقافية ولا اتومسفيرية .. ولا حتي حجوة .. بس في الامور الحساسة والعلاقات الشخصية .. لازم يكون كلامك واضح .. ومقنع .. ومحدد .. يا أبيض يا أسود .. قلت ليك ستين مرة .. برر لي زج اسمك من قبل تراجي في بوست تمبس وللأسف الشديد تبريراتك كلها زادتك اتهام في نظري .. ولو ما كان لي تجرية في الامر .. ولحدي هسع ما عرفت الفاعل منو .. كان عديت الموضوع .. بس الي حين معرفة ذلك .. داير منك تبرير .. عشان ما داير اغلط معاك .. رغم اني مدي نفسي هامش كبير للخطأ .. والموضوع اصبح شخصي بحت .. وممكن اصل فيهو لحتات ما تتخيلها .. وطز في المنبر وبورداب الرياض .. اذا كان الاخلاقيات بالانحطاط دا ..
وما تقعد تلف وتدور كتير ..
11-12-2005, 11:56 PM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
حتي الان انا اتعاملت بكل ما يمكن من احترام مش عشانك ... لكن احتراما لمن هم في المنبر عشان الواحد ما يتجر لاي كلام فارغ .لكن الافضل تحترم نفسك وتلزم حدودك ...
انت بتفتكر شوية الكلام الفارغ المشحون بيهو ده بوقف ليهو اي زول ولا انت حالف انك تخرب اي موضوع واتعودت انو الناس تسكت ... وفعلا انا غلطان وقفت منك احمد حنين لما اتهتمو قبل كدة انو قال لي كوستاوي انك عاطل عن العمل ... لانو اديتك فرصة عشان تعمل لي نفسك اهمية وكان فعليا مفروض يصل معاك لحد النهاية عشان تعرف تحترم نفسك كويس.والغريب ف حسب كلامك انك شغال في العالمية ؟؟؟؟؟ عالمية شنو
وشكلك مريض ومهووس بفكرة انك مهم وانو كل العالم ده ما عندو شغلة غير حميدة ... ولا بتمثل حاجة عشان احمد حنين ولا جعفر بشير يخلو حياتهم كلها ويهتموا بي حميدة .. انت مابتمثل اي شيئ غير نموذج للطفولة المتاخرة ... وعايز تجي وتكرر نفس السيناريو مرة تانية ونافش ريشك .. ولا قاعد تحارب بالنيابة ؟؟
عموما اشكالك دي اتعاملت مع الاسوا منها واي مدي عايز تصلوا حاوصلو معاك لكن حاتكتشف انك في النهاية مجرد مغفل نافع ... واسال ناس الجبهة الديموقراطية يعني شنو مغفل نافع.
وسياسة اكتب ثم اتصل بتحت اعتذر .. ما بتنفع معاي .. وذي ما ابتدأ الحوار هنا .. ينتهي هنا .. اصلا منو انت الاتكلم معاك ولا فتح عنك موضوع ... عامل لي نفسك اهمية فارغة جدا وجوفاء ومنفوخ في الفاضي وصدقت عزاز شامي لما كتبت حول مرضي التخلع اللا ارادي ... اهو ده نموذج لاقصي درجات السطحية وانعدام اللون والتخلع من اي حاجة فارغة عايز يعمل ليهو موضوع عشان عندو شعور غريب جدا انو مهم ولازم كل الناس تهتم بيهو تعرف اخبارو وتعمل مؤامرات وتتقصي عن سيره اليومية وحميدة اكل شنو وشرب شنو ... عارف ده اسمو شنو في علم النفس .ياخي اذا عندك مركب نقص امشي المستشفي اتعالج.
وبعدين قدر ما حاولت اتجاوز اللغة المنحطة الانت بتتكلم بيها دي:
وطز في المنبر وبورداب الرياض قِم بس قِم .. جراب الحاوي مليان بلاوي ..
لكن من الواضح جدا انو دي تربيتك فارغ ومليان فراغ ويا ريت كوستاوي يجي ماري من هنا طالما عامل ليك هلع عشان يعرف تربية شوارع السعودية وبعدين امشي شوف ليك زول تاني قول ليهو انت رسلت معلوماتي لي فلان ولا علان.
طلبت منك بكل ادب اذا في حاجة مهمة ممكن تتصل .. نفشت ريشك وعملت فيها ابوعرام ... وانا اسف جدا نسيت انك عاطل عن العمل؟؟؟
وبعدين شنو قصة سالتك وكلامك مقنع وما مقنع وتجاوب علي كلام تراجي ... اتفلق ياخي اذا ما فهمت دي ما ماروضة اطفال عشان افهمك حرف حرف.افهم العايز تفهموا والباقي ارميهو البحر .. الشغال بيك منو اقتنعت ولا ما اقتنعت.
اما قصة التهديد الفارغ ده يا حميدة نحنا الاتنين في الرياض واذا ما عارف انا شغال في البنك الزراعي بتلقاني من الساعة 8 لحد الساعة 3 موجود ... وساكن في شارع الضباب مع محمد الشيخ وتلفوني معاك والتلفون الثابت 4123701.وكل يوم حانتظرك
اها يا الامير حميدة بن عبدالعزيز آل سعود. اتفضل انا في انتظارك ... النشوف اخر العمر المحرش بكاتل.النشوف شجاعتك دي .. وبالمناسبة كانت قلة ادب ما شجاعة ... لكن ما كل الناس بتفهم ولو في حاجة اتعلمتها انو كان مفروض اخلي احمد ينتهي من قلة الادب دي. وصحيح العلب الفارغة صوتها اكثر ضجيجا
(عدل بواسطة Gafar Bashir on 11-13-2005, 00:09 AM) (عدل بواسطة Gafar Bashir on 11-13-2005, 00:27 AM)
11-13-2005, 00:38 AM
humida humida
تاريخ التسجيل: 11-06-2003
مجموع المشاركات: 9806
اها يا جعفر بشير .. نططت كويس .. وبعد داك .. داير تجاوبني ولا تلف وتدور .. وبعدين عزاز شامي الدخلها في الموضوع شنو .. ما تخلي الخباثة بتاعتك دي .. ما تحشر ناس ما ليها دخل بالموضوع .. لانه دي الحركات الخلتنا نصل للدرجة دي في الحوار ..
وبرضو أحمد حنين .. مالو ليهو وجود هنا .. ما تحاول تتاجر بأسماء الناس .. موقفي من أحمد كان واضح مع شهادة عشرين راجل ..
خارج نفسك يا زول .. وخليك من فرفرة الميت البتعمل فيها دي قول لي دا انا .. وما بسألك .. وعد رجال .. !!
11-13-2005, 00:44 AM
humida humida
تاريخ التسجيل: 11-06-2003
مجموع المشاركات: 9806
ومرة تانية ما تدخل اسم زول ما ليهو علاقة بالموضوع .. الخباثة ما كويسة يا مستنير .. مشكلتك معاي .. انا ما تجي تقول فلان وعلان .. وبتاع .. ابقي راجل .. وأركز في الارض وبطل الفرفرة .. !!
11-13-2005, 01:26 AM
Gafar Bashir Gafar Bashir
تاريخ التسجيل: 05-02-2005
مجموع المشاركات: 7220
أهلا بالاستاذ/ عبد الله العقيد ومبروك العمامة ، والحقيقة ان ربطة العنق كانت لا تليق بك ، واخشي ان تجلب عليك العمامة ما جلبته لابو دلامة من أوصاف عالجها بالمرح والظرف .. وعقبال (شماغ البسام) سوف اعود قريبا فلا تجزع واحفظ الدمع الهطول ليوم الحاجة ..فانت لست من الذين نالهم قلمي بسمومه . دع المكارم لا ترحل لبغيتها فاقعد فأنك الطاعم الكاسي
11-19-2005, 12:09 PM
عبد الله عقيد عبد الله عقيد
تاريخ التسجيل: 09-20-2005
مجموع المشاركات: 3728
علمت أنك ستعودين ليس استجابة لنداء (احبابك) وإنما للرد على عبد الله عقيد (سمك القدر غداك) ابو دلامة.. شاعر عربي هجى نفسه والحطيئة شاعر عربي (سلح) حين قال ما قلته ولا بأس أن يصلنا رشاش (سلحك).. فما لديك غيره من سلاح.. ولو تفرغ قلمك بسمومه لينالني أنا فقط فليست هناك مشكلة.. أنا مستعد لأفدي (المساكين الذين تقتلهم سمومك) ولست بالعابئ بك .. بل كلي استعداد لأسقيك هذه السموم التي تتوعديني بها.. ولو لم تكوني امرأة.. لأطلقت لساني لك..
11-13-2005, 09:36 AM
Abdelfatah Saeed Arman Abdelfatah Saeed Arman
تاريخ التسجيل: 07-13-2005
مجموع المشاركات: 595
hi all dear friends i am well and fine , very soon i will join the forum we will go together on the line of freedom and democracy . i am well confident the vision of the new sudan will come true no tyranny.. no oppression.. we will say good bye and so long to our miserable days sara
11-19-2005, 02:21 PM
ناذر محمد الخليفة ناذر محمد الخليفة
تاريخ التسجيل: 01-28-2005
مجموع المشاركات: 29251
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
humida
ahmed haneen
محمد أبوجودة
عبد الله عقيد
ابراهيم بقال سراج
Tragie Mustafa
Abdelfatah Saeed Arman
ناذر محمد الخليفة
فيس بوك
تويتر
انستقرام
يوتيوب
بنتيريست