|
|
 بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال والمجد
|
قبل كورة الاهلي استعار مسئولوا الهلال ماكينة قص النجيل الحديثة من استاد المريخ ..وتسببت الماكينة فى ظهور النجيل يومها بشكل جيد
كما تمت الاستعانة ايضا بشباك المرميين ( لم يتم استرجاعهاواعتبرت مكرمة)
واليوم فى كورة المج السورى والهلال راينا لوحة تغيير اللاعبين الخاصة باستاد المريخ بشحمها ولحمها تظهر فى الزريبة
وبعد السؤال علمنا ان الجماعة اتوا بعد المغرب مباشرة لاستاد المريخ وعادوا باللوحة
الناس دى قايلين فى حاجة بتندسة
عليكم الله شوفوا قوة العين دي .. شحادين على عينك يا تاجر
فريق زي الهلال دة ما عندو ماكينة قص نجيل ولا شباك مرمي ولا لوحة استبدال ؟؟
طيب ما كان تجوا تلعبوا كوركم عندنا احسن ما تختشوا
قالو الزول الجا شال الحاجات دي من استاد المريخ عاين للوحة الالكترونية والاذاعة الداخلية وقال لمدير الاستاد "ديل مافي ليهم طريقة "
|
|
 
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: abas)
|
طيب ومالو؟ نحن ناس فقرانين وما عندنا أي حاجة غير إننا .... نفوز
تعرف المسألة دي بتذكرني بالميلودراما البتلقاها في الأفلام الهندية والمصرية حيث غالباً ما تدور القصة حول الولد الفقير والمكافح البيشق طريقه بنجاح، مقارنة مع الولد الغني الدلوع البتتوفر ليه كل حاجة لكنه مع ذلك ما قادر يعرف كوعه من بوعه. نفس الشيئ ينطبق على البنات، فالبطل الوسيم يفضل الارتباط بالبنت الفقيرة بينما بنت الأغنياء تتميز غيظاً رغم إنه الفقيرة دي أبوها شغال جنايني ولا سواق مع "الأرباب" أبوها.
يا زول باختصار كدة أدونا أي حاجة، ح نشكركم عليها، لكن في الميدان، وزي ما قال الموصلي: في الحب ما بنجامل
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: sheba)
|
يا شيبا :راعي حرمة الشهر وكذب ما معانا في رمضان ..
زمااااان حبوباتنا قالوا الكضب حرام بيقطع الأضان من ورا وقدام ..
هاك الكضبة دي:
| Quote: كما تمت الاستعانة ايضا بشباك المرميين ( لم يتم استرجاعهاواعتبرت مكرمة) |
لأ وإنت الصادق فقد تم تبادل شباك المرميين بين الهلال والمريخ ..
سألت نفسك سؤال يا شيبا؟؟؟
شباك المرميين في مباراة كوارا بإستاد المريخ من أين جاء الشبك ؟؟؟
راجع مباريات المريخ قبل هذه المباراة وشوف لون الشبك كان كيف؟؟
الحصل إنو الهلال يمتلك شباك (مخططة باللون الأحمر) لذا لم يتم تركيبه وتم الإحتفاظ به في المخازن ..
المريخ لديه شبك باللون الأبيض الكامل ..
تمت عملية مبادلة (التجارة البكماء كان قريت تاريخ وجغرافيا أجدادنا القدماء) والمريخ شال شبكة الهلال والهلال شال شبكة المريخ ..
عليه وبي كلامك ده فالمريخاب كمان شحاتين ولحدي أسة ما رجعوا لينا شبكتنا !!!
شبك شبكنا شبك شبكنا انحن الليلة فرحنا فرحنا..
يقدر شبكم يشبك شبكنا زي ما شبكنا شبك شبكم ؟؟؟
بالنسبة لي موضوع عربية النجيلة فالهلال يملك واحدة جديييييييييدة "كرت كرتونة" تم إرسالها من السعودية ومن قبل تم إنزال موضوع بهذا الخصوص مصحوب بي صور..
بالنسبة لي شاشة تغير اللاعبين فأنا ما شفت المباراة لكن لدي خلفية مسبقة إنو الهلال بصدد شراء شاشة تغيير جديدة ربما يتم إرسالها بواسطة روابط الهلال أو عن طريق المجلس وفي الغاااااااااالب دي اللوحة المقصودة ..
قلت لي شبكتكم ؟؟؟
كدي رجعوا لينا شبكتنا وبعدين نشوف الشبكة ..
والشبككم فينا يحلكم ..
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: sheba)
|
يا عمر الفاروق ما تكابر ساكت
اتحدث اليك بصدق .. والامر جاد جدا
مكنة قص النجيل تم استلافها قبل مباراة الاهلي بخمسة ايام وتعطلت هناك فى استاد الهلال قبل يومين من المباراة
واللوحة عندما شككت بالامر اتصلت باحد معارفي داخل الاستاد للتاكيد ... فاكد لى بان ناس الهلال اتوا بعد صلاة المغرب مباشرة واخذوا اللوحة
ويمكن ان ادلك على هاتف مدير الاستاد كمال دحية لتتاكد بنفسك
الهلال نادي كبير وهذه الاشياء بسيطة وثمنها ليس غاليا ولا يشرفنا او يشرف الهلال كل شوية يجوا ناطين يقولوا دايرين حاجة
بالمناسبة ريكاردو فى مباراة جزيرة الفيل قال ارية الملعب سئية
وعاد بعد مباراة المجد وكرر ان ارضية الملعب ردئية للغاية
غايتو دي لو النجيلة بتاعتنا بتتشال تعالو شيلوها زاتها
والتعب شنو ...تعالو العبو عندنا وريحوا نفسكم
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: sheba)
|
الأخ شيبا:
Quote: مكنة قص النجيل تم استلافها قبل مباراة الاهلي بخمسة ايام وتعطلت هناك فى استاد الهلال قبل يومين من المباراة
واللوحة عندما شككت بالامر اتصلت باحد معارفي داخل الاستاد للتاكيد ... فاكد لى بان ناس الهلال اتوا بعد صلاة المغرب مباشرة واخذوا اللوحة |
أجمل ما في ردك إنك أمّنت على موضوع الشبكة وهو الموضوع محل الخلاف ..
يعني كلامي طلع صاح ..
ودي حاجة كويسة منك إنك ما كابرت فيها ..
بالنسبة لعربة النجيل نعم إستلف الهلال عربة النجيل يوم مباراة الأهلي ودي كلنا عارفنها لكن الهلال حالياً يملك ماكينة قص نجيل تم شراءها مباشرة بعد مباراة الأهلي أو فالنقل بعد الصراع الصحفي الذي حدث بسسب إستلاف الماكينة ..
فما كان من الأخوان في جدة بالمملكة العربية السعودية تقريباً إلا وقاموا بشراء الماكينة ..
بالمناسبة الماكينة لونها أحمر وعاملة مشكلة وتققر ن يتم تغطيتها بقطعة قماش بعد أن إعتذرت الشركة عن توفير لون أبيض أو أزرق بحكم أن اللون الأحمر هو شعار الشركة ..
أما بالنسبة لسوء الأرضية فيد حقيقة ما عايزة إتنين تلاتة وملعب ونجيل الإستاد لا يرقى لمستوى وقوة الهلال المالية ..
بالمناسبة نجيل المريخ ما فيهو كلام لكن أرضية المريخ سيئة وكلها حفر..
عاملة زي الزول البيكون شعرو أسود وسمح لكن لمن يحلق صلعة تلقى الراس كلو حفر وطفيج ..
تحياتي..
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: sheba)
|
عمر الفاروق
حتى موضوع شباك المرميين الهلال كان هو المستفيد الاول
نحنا بنركب عندنا اى شبك باي لون ما فارقة ابيض اصفر احمر اخضر
واذا الهلال رفض الشبك باللون الاحمر واذا نحنا ما بدلناهو كان حا تودوهو وين ؟؟
يعني عملية الاستبدال جاءت فى مصلحة الهلال المستفيد الاول .. وليس المريخ
اراك طنشت موضوع لوحة استبدال اللاعبين
المرة الجاية حا نكتب فيها المريخ ونخت فيها نجمة كبيرة .. عشان لمن تجو تستلفوها يوم كورة النجم الساحلي والحكم الرابع يرفعها .. تكون فضيحتكم بجلاجل
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: sheba)
|
| Quote: نحنا بنركب عندنا اى شبك باي لون ما فارقة ابيض اصفر احمر اخضر |
طيب ياخ ما تشوفو بالمرة موضوع المسجد بتاعكم ده الدنيا خريف والصواعق ما مضمونة المثلث ده ما بيحلكم ..
يرسل نور ملوّن ..أبيض أصفر أحمر أخضر يا سمارة ..
حبيبي اه وقلبي تاه في يوم الزيارة ..
تخريمة :
أرجع بالزمن مرة وإتزكر حكايتي معاك ..
تلاقي القصة جد مرة وهل راعيت شعور مضناك ..
اللحن مهدي لجمهور المريخ والأخ شيبا لو رجعوا لي ورا وإتزكروا أيام إستادهم كان كشافاتو صفراء فاقع لونها والنجيلة كما القمح والمدرجات تستخدم للتبول ..
صدقني المريخ بيرد في الدين يا شيبة ..
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: اسامه هاشم)
|
قبل اعوام قليله كان اثاث نادي المريخ عرضة للبيع في المزاد العلني بع فشل ذلك الوهم المسمى مليار لاعمار الدار..الذي لا يستطيع اعلام المريخ ..الخوض في هذا الامر..
قبل اعوام قليله ..لم يكن جمال الوالي ..سوى الذراع اليمين لصلاح ادريس..مدير اعماله..
قبل اعوام ..لم يكن بالمريخ ...الدقير ..وابو الجاز وسبدرات..واموال المؤتمر الوطني أو الاموال ..الخاصه...
قبل اعوام ..كانت العربات الاتوس ..بالشيكات تسدد بها مستحقات لاعبي المريخ ..قبل حكاية بابانويل والشوالات ..
قبل اعوام كان استاد المريخ حفرة كبيرة ..ورغما عن انفي صار مفخرة
ليس معنى هذا أن هذا هو تاريخ المريخ الحقيقي ...
أو ان ليس للمريخ من حادبين عليه..انهم مبتعدون لعدم وجود الاماكن الشاغرة ..في وجود القديس ورهطه ...وجملة الكتاي مدفوعي الثمن..
هذا قليل ..من ما يمكن أن يكون الحقيقة
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: sheba)
|
يا شيبا :
| Quote: ومدينة المريخ الرياضية |
ياخ إستاد المريخ أبسط مقومات الإستاد ما فيها ناهيك عن إنو يكون مدينة !!!
ممكن أسألك سؤال؟
هل إستاد المريخ أو ملعب المريخ به مضمار أو ما يسمونه الTrack؟؟؟
الإجابة وااااااضحة وزي الشمس ..
لا..
المعمول حول الملعب ده منظر جمالي ليس أكثر لتكملة الشكل..
إستاد الهلال المعولق ده يصلح أن يكون به مضمار أكثر من إستاد المريخ لأنه أوسع في الجوانب والخلف ..
إستاد المريخ هل به ملعب ملحق تجرى في التمارين ؟؟؟
الإجابة لأ..
إستاد المريخ به صالة جمانزيوم وحوض سباحة ورشاقة وتمارين متكااااااملة ؟؟
الإجابة لأ ..
والله يا شيبا إلا تكون قاصد "مدينة" الأزهري!!!
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: اساسي)
|
شـنو يا شـيبا في داعي للفضائح
قدر الزعيم أن يهتم بتطوير مناطق
الشدة والهامش ..
والمجموعات الأقل نموا زي أهلنا في زريبة
العيش ..
فبالرغم من المحاولات الجادة لرئيس المؤتمر
الوطني بولاية الجزيرة وتسخيره كل أموال الولاية
للنادي الذي كان يرأسه فقد فشلت الأموال أن تنجز
تنمية حقيقية ..
لذا كان لابد لخلايا التخطيط الاستراتيجي الشامل
في قصر الزعيم أن تتولى الأمر ..
أمر الرعايا والرعية ..
فالزعيم مسؤول من رعيته يا شيبة ..
والزريبة مليانة رعية !!!
حبي ..
أعملوا حسابكم ما يستلفوا ليهم
كأس يعرضوا لمصطفى أغا !!!
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: sheba)
|
ابو السيم ... رمضان معام كيف الليلة اسبوع
وبعدين سؤال ...
مسعول من الخير انت اسدك دة ماشي لى وين ؟؟
والله شكلو دة زي الهلال ماشي وماشي من سنة 30 ما معروف لىمتين ؟ والله شكلو كدة عمرو ما حا يوصل
يا عمر الفاروق قت بطولة العالم للاندية .. دى اسمها احلام اليقظة
الواحد يمد رجلينو على قدر لحافو لانو الاحلام الكبيرة دى بتودي الاخرة
تعرف يوم 6/10 دة بكون مرحلة الصحيان من الحلم ... لانو يوم 30/9 بتكون فى سورية وتتعشوا بى 2 سندويتش شارومة.. بعديها فى تونس تاخذو من النجم نفس عدد اليوم .. هي المباراة ملعوبة يوم كم .. الله 5 اكتوبر .. كارثة كان تلعبوها يوم 1/10
ويوم 6/10 تجو راجعين تاني للدورى الممتاز يا حبة عيني بخفي حنين
هسة اوريك العناوين بتاعة الايام ديك :
عشان كدة .. ما مستخسرين عليكم الحلم .. هو كفاية عليكم .. كمان بطولات مافي وما تحلموا بيها حتي ..
انتو احلمو بالبطولات ونحنا بنجيبها ليكم
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: sheba)
|
ياشيبا
صباح الخير
Quote: قبل كورة الاهلي استعار مسئولوا الهلال ماكينة قص النجيل الحديثة من استاد المريخ ..وتسببت الماكينة فى ظهور النجيل يومها بشكل جيد
كما تمت الاستعانة ايضا بشباك المرميين ( لم يتم استرجاعهاواعتبرت مكرمة)
واليوم فى كورة المجد السورى والهلال راينا لوحة تغيير اللاعبين الخاصة باستاد المريخ بشحمها ولحمها تظهر فى الزريبة |
هم اكان بعترفوا مالوا والمصيبة عمك الرئيس ذاتو عامل ليك فيها انا الارباب وانا ماعارف اوناسيس واصرف علي الهلال مليارات ... كلام ساكت يااخي لوحة تغيير لاعبين بي 40 ريال ماقادرين تجيبوها ... دائما كاسفننا... لكن مادام الزعيم موجود ماتشيلوا اي هم .... رقبتنا سدادة .... اصلنا مجبورين عليكم وعلي البلد كلها مانحنا سياده .
هارون دياب
| |
|
|
|
|
|
|
|
|
|
Re: بعد استعارة ماكينة النجيل وشباك المرمي ظهور لوحة تبديل لاعبي استاد المريخ فى كورة الهلال وا (Re: sheba)
|
| Quote: انتو احلمو بالبطولات ونحنا بنجيبها ليكم |
غايتو يا شيبا البيقرا كلامك الفوق ده يقول إنتو سنة 2006 شلتو كاس السوبر الأفريقي وسنة 2005 شلتو الليبرتادورس وفي 2004 شلتو البوندس ليقا وفي 2003 شلتو سيريا A وفي 2003 لعبتو نهائي الأندية الأوروبية وفي 2001 شلتو كأس دورة هونداي بالدنمارك وفي 2000 لعبتو نهائي بطولة مانشستر يونايتد الإعدادية أما في الفترة بين 99-94 فهي العهد الذهبي لمن شلتو بطولة الأندية الأفريقية خمسة مرات متتالية ..
يا شيبا يا اخوي هو فرد "كويس" جبتوهو قبل 20 سنة وده البيعرفو الإتحاد الإفريقي ..
الله يرضى عليك ما تجي ترص لي كاسات التكريم البتشتروها من محلات الرياضة ديك ..
تخريمة :
إنت قايل سنة 89 دي قريبة ؟؟؟؟ نحن في القرن ال22 يا حبوب..ولا ال21
| |
|
|
|
|
|
|
| |
sheba
abas
hassan bashir
عمر الفاروق
اساسي
haroon diyab
فيس بوك
تويتر
انستقرام
يوتيوب
بنتيريست