الصوفية عند الغالبية قشرة ..يا سلااااام الزول ده صوفي!!

مرحبا Guest
اخر زيارك لك: 03-29-2024, 07:22 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
09-01-2007, 09:42 AM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
sssss
الصوفية عند الغالبية قشرة ..يا سلااااام الزول ده صوفي!!

    الفنّان تلقاهو الليل كلّو يسكر ويغنّي ويجبجب ولمن تعمل معاهو لقاء يقول ليك :
    تشبّعت بروح الصفوية ومعظم ألحاني مستمدّ من ترتيل المصحف وانا صوفي بالميلاد..
    الرسّام تلقاهو اليوم كلّو يتكلم عن ماركس وعن الشيوعية وعن الإشتراكية يقوم يعمل ليهو معرض لوحات يقوم المزيع يقول ليهو لاحظنا إنو معظم لوحاتك يكسوها اللون الأحمر والأخضر ؟ توووووشك زولنا يقول ليهو طبعاً ده نتاج طبيعي لأني نشأت في بيئة صوفية فغلبت على معظم لوحاتي ألوان الصوفية الأحمر والأخضر والصوفية علّمتنا دراسة الطبيعة والتمعن في معانيها وأسرارها وأبونا الشيخ الله يرحمو كان بيقول لينا ونحن صغار اااااااا ولد الدنيا فانيا والحي الله ..
    الشاعر لا يخلّي ليهو خصر لا يخلّي ليهو ردف لا يخلّي ليهو نهد لا يترك رقبة ولا عيون لا خدود لا شفايف ويجو الجماعة يقولوا ليك شاعرنا تشبّع بروح الصفوية وتربية الخلاوي وكتابة اللوح وحتّى مفرادته يختارها بعناية من سور القرءان الكريم ..
    في الحِلّة تلاقي أبو الشباب مسطول للكتاش وجنّو بنقو والنهارية كلّها ما بين الند وبخور التيمان ودخان الفيل وبالليل يدرع السبحة ويلبس الجلّابية ويا حمد النيل جاك زول وسبحان الله الشكل ده بيترك إنطباع ممتاز في نفوس الأخرين يصل حد الإحترام ويقولوا ليك يا سلاااااااام فلان بالرغم من إنو بتاع بنقو لكن زول متصوّف ..
    المديح الأيامات دي طالع موضة الفنان بالنهار يمدح وبالليل يغني ولمن تسألوا يقول ليك حب النبي مزروع فينا والمديح نقاء ونحن إخترناهو عن قناعة وتهذيب للنفوس ..
    الشباب تلقاهو جنو مشاغلات وتتكيل في الشجر وجكس لأبعد الحدود ولمن يجيبو مدحة في التلفزيون يقول ليك يا سلااااااااااااام حيييييييييييي بنحبك يا رسول الله ومدد يا شيخي مدد حييييييييييييييييييي وحدوووووووووووووووه..
    صراحة تصرف زي ده بيترك إنطباع كويس جداً في نفوس الأخرين لأنو نحن بي طبعنا محبين لي رسول الله بي الفطرة لكن يبدو إنو أخرين ضربو في الوتر الحساس ده وبقو عاملنو زي إستايل كده ..
    وحدووووووووووووووووووووووووووووووووووووووووووووووووووووووه
                  

09-01-2007, 09:55 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الصوفية عند الغالبية قشرة ..يا سلااااام الزول ده صوفي!! (Re: عمر الفاروق)

    Quote: في الحِلّة تلاقي أبو الشباب مسطول للكتاش وجنّو بنقو والنهارية كلّها ما بين الند وبخور التيمان ودخان الفيل وبالليل يدرع السبحة ويلبس الجلّابية ويا حمد النيل جاك زول
    ..
    يا عمر .. دخــان الند .. وبخــور التيمان ديل ما الغماس بالسحلي زاتو..
    تعرف انا محيراني حاجتين:
    1- حلة البليلة بتاعت عبد العظيم العجلاتي يوم الجمعة .. البتاكل منها الموردة كلها..
    2- وبراميل الموية البارده بالتلج .. البيشربو منها الناس كلهم في الشيخ حمد النيل وبرضو من إخراج عبد العظيم العجلاتي ..
    الزول البقشر ده واضح جدا..
    والعندو الحاجة دي جواهو .. برضو واضح..
                  

09-01-2007, 09:56 AM

Abomihyar
<aAbomihyar
تاريخ التسجيل: 03-19-2002
مجموع المشاركات: 2405

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الصوفية عند الغالبية قشرة ..يا سلااااام الزول ده صوفي!! (Re: عمر الفاروق)

    يا عمر الفاراوق تحياتي

    الغالبية دي كتيرة.

    بتكون مطالب باحصاءات ونتائج بحث

    خليك من الصوفية خلي بحثك في المسلمين

    وأدينا النتيجة.

    أنا مهتم بالأسلام في أمريكا هل هو دين أم ثقافة؟
                  

09-01-2007, 10:23 AM

محمد أبوجودة
<aمحمد أبوجودة
تاريخ التسجيل: 08-10-2004
مجموع المشاركات: 5265

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الصوفية عند الغالبية قشرة ..يا سلااااام الزول ده صوفي!! (Re: عمر الفاروق)

    Quote: ضربو في الوتر الحساس ده وبقو عاملنو زي إستايل كده ..
    وحدووووووووووووووووووووووووووووووووووووووووووووووووووووووه


    لا إله إلا الله ..

    ازايك يا عمر .. ووين الحي بيك ؟


    أنت عارف ، توقـّعتك تطلـّع لينا زيتنا بأنّ الهلالاب كلهم صـوفية وَ دِقنية! أو أو أقلـّه بأنهم من بني صوفة ! وديل بيعتمد عليهم واحد من تعريفات الصوفية من زمن روّادها الأوائل، حيث نُسِبت تسمية التصوّف لهم ! اضافة لأهل الصـّفا وديل قطع شك ما ممكن يكونو[ رشاشات ] والإحالة الثالثة مصدريا لأُس تسمية التصوف تعريفيا وقعتْ بسبب لبسهم صوف الغنم ..

    لكنك ، يا فاروق ، تحاشيت الهلال ، فصـحّ حديثك

    وبيني وبينك [والأيام] ملافحة الناس بالتصوف في زماننا البجبر على التصوف ده ما ها مسـألة ساي كدا! وما ذا كالتصـوّف من " لافتة " يغتـّس فيها الناس حجر الحقائق! وتلوين وجوههم ولبس القناع التنكّري حتى يغطـّوا [ الما بتغطـّى!] من الجبجب والتُّلـُّب والكُرُكُب وكم في الخط ؟ ويفاعة الانتظار لمردودٍ مجـّاني تجاه تغامزهم وتلامزهم في زمان فشـو الظِّنّة وكتل المحنـّة ! واهو خلـّونا نستمع للمدحة ديك ! واللهِ شيك بشكل !


    وبعدين ، تعال هنا يا عمر ، مين قاليك مدّعي التصـوّف في سودانا الوسيع من مبدأ زمانهم في طبقات ود ضيف الله ، بعيدين عن السكسكة وترقيص الصبايا وقرطعة الممنوع وتكفين الميتات ، واكل الزيارات ، وكواسة الشـّر بات! ولمـّا يهجم الكبير ، أو يلاحظ الصغير ، فردودهم جاهزة : غرقانين ساي والله ، والقلب نضيف !


    حتى لانتورّط أكتر ، نمشي ونجيكم من الغرقة الوقعنا فيها بكلامكم ده !



    -------
    مع عاطر التحايا
                  

09-01-2007, 03:47 PM

عمر الفاروق
<aعمر الفاروق
تاريخ التسجيل: 10-10-2005
مجموع المشاركات: 9669

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: الصوفية عند الغالبية قشرة ..يا سلااااام الزول ده صوفي!! (Re: عمر الفاروق)

    Quote: تعرف انا محيراني حاجتين:
    1- حلة البليلة بتاعت عبد العظيم العجلاتي يوم الجمعة .. البتاكل منها الموردة كلها..
    2- وبراميل الموية البارده بالتلج .. البيشربو منها الناس كلهم في الشيخ حمد النيل وبرضو من إخراج عبد العظيم العجلاتي ..


    تعرف يا تمبس :
    فيفي عبده عندها أكبر خيمة رمضانية لإفطار المساكين ..
    وفي لقاء تلفزيوني فيفي عبده قالت قبل ما تدخل الكاباري بتدعو إنو ربنا يوفقها والغريبة بتقول ليك :
    " الحمد لله ربنا وفأني وعملتلي رأصة ما حصلتش"..
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de