اضحكني جدا ان اعرف ان فرانكلي مريخابي فتذكرت ان دينق ايضا مريخابي!! وكوستاوي مريخابي!! ود.عبد الماجد عبد الماجد مريخابي!!ايضا!! وهم عاملين اكثر من الاخوة الاعداء من ناحيه سياسيه.
من ناحيه آخرى احمد الريح هلالابي!! وخالد الطيب هلالابي!! والادهى وامر اعتقد انه تمبس ايضا هلالابي!! وسامحني يا خلودي حشرت سمك بين المطرقه و السندنان
اها يا د.ابوبكر احمد فتش لينا نادي معتز قريش وابو ساندرا فمادام ما بتلاقوا في السياسه ممكن يتلاقوا في الكوره وياريت شروق على فضل وعلى الزين البعاعيت برضوا يشجعوا مع هنادي فضل وبيان نفس التيم عشان نخلص.
فضل اعرف انا خالد كودي بشجع منو؟؟؟ احتمال اهجر الكوره ذاته عشان ما اتلما معاها في فريق واحد.
ويا خالد كودي ده بوست على وزن البوست بتاع شنبات الاخوة عبد الله فابعد عنه لانه شعرا ماعندك ليه رقبه وخليك في النكد بتاعك
08-05-2007, 05:50 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: اها يا د.ابوبكر احمد فتش لينا نادي معتز قريش وابو ساندرا فمادام ما بتلاقوا في السياسه ممكن يتلاقوا في الكوره وياريت شروق على فضل وعلى الزين البعاعيت برضوا يشجعوا مع هنادي فضل وبيان نفس التيم عشان نخلص
بالغتي في دي عديل ياتراجي
08-05-2007, 06:04 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: عايزه اعرف ليه بحتفلوا بتأبين قرنق في استاد المريخ؟؟ هل في زول عنده فكره؟؟؟ ولا ده زكاء من جمال الوالي وركوب لموجة الحركه الشعبيه الجارفه الآن؟؟؟
يااستاذة دائما العظماء والخالدين يكرمون في الاماكن العالية والخالدة والمريخ ده العظمة كلها . بس خائف في النهائة تطلعي من جماعة الازرق التعيس خائب الرجاء . هارون دياب
08-05-2007, 05:57 PM
lana mahdi lana mahdi
تاريخ التسجيل: 05-07-2003
مجموع المشاركات: 16049
تراجي انتي ما سمعتي بسياسة البنغ بونغ التي أعادت العلاقات الدبلوماسية بين الصين و امريكا بعد قطيعة دامت سنين؟؟؟ انتي قالو ليك حبنا للرياضة ده من شوية؟؟
Quote: فضل بس نعرف بيان بتشجع منو؟؟
Quote: فتش لينا نادي معتز قريش وابو ساندرا فمادام ما بتلاقوا في السياسه ممكن يتلاقوا في الكوره وياريت شروق على فضل وعلى الزين البعاعيت برضوا يشجعوا مع هنادي فضل وبيان نفس التيم عشان نخلص.
Quote: فضل اعرف انا خالد كودي بشجع منو؟؟؟
يا خالتو أي سوداني تحتاري فيهو فهو هلالابي حتي يثبت العكس( السوداني هلالابي باي ديفولت) لأنو الهلال تيم الفطرة فكما قلت لك سابقا السوداني يولد هلالابيا بس قاتل الله الزعل وانا أأكد ليك : بيان هلالابية وهنادي هلالابية أبوساندرا هلالابي معتز خلف الله القريش هلالابي هنادي هلالابية حالد كودي هلالابي
لانهم حلوييين وطيبين والخلافات السياسية لا تفسد للأخوة في الهلال ( الوطن)قضية
08-05-2007, 08:02 PM
رأفت ميلاد رأفت ميلاد
تاريخ التسجيل: 04-03-2006
مجموع المشاركات: 7655
Quote: أي سوداني تحتاري فيهو فهو هلالابي حتي يثبت العكس( السوداني هلالابي باي ديفولت) لأنو الهلال تيم الفطرة فكما قلت لك سابقا السوداني يولد هلالابيا
ال ALGARADABI إزيك إنت بى صحك !!! إنت عارف الهلال إنشق من المريخ عملاء إنجليز ??!! يا سيدى أديك فكرة صغيرونة . بس ما ينـط لينا متولى مالك . هو عاف الحقيقة بس رشاشة . ياسيدى المريخ كان إسمو فريق عباس وقام فى المسالمة ومن يومو سيد الأتيام . إشترى الإنجليز منهم لعيبة تحت رعايتم وسموه الهلال . تيم عباس غير إسمو عشان عشان كان رفعت راسك فى السما المريخ فوق الهلال وفضل طوالى فوق
قال السوداني يولد هلالابيا .. شوف الرشاشة
ودى
08-05-2007, 07:44 PM
awad okasha awad okasha
تاريخ التسجيل: 07-15-2007
مجموع المشاركات: 3876
تراجي سلام.، عندما كنت أدخل ستاد الكرة منذ الحادية عشر صباحاً إنتظاراً لمباراة سوف تبدأ السابعة والربع مساء، كنت وقتها أرى أن السودااني إن لم يكن هلالابي فهو لم يشجع كرة، بل كنت أعتقد جازماً بأنني سوف أقبل الإختلافات السياسية - يعني لو أخوي طلع كوز عديل كده ما عندي مشكلة - لكن يكون مريخابي دي أم المشاكل ذاتها. المهم.. راحت العصبية في خبر كان، لأن الكرة السودانية ما جايبه تمنها.. وللجميع حق الإنتماء.. لكن بيني وبينك الما شجع الهلال وأنتمى لمدرسة الهلال ما شجع فريق.. دا إسمه نادي الهلال للتربية البدنية.. مش نادي الهلال الرياضي.. التربية قبل كل شئ.. الله يرحمك ياالريس الطيب عبد الله.. كنت أهم من رئيس الجمهورية.
08-08-2007, 07:58 AM
ALGARADABI ALGARADABI
تاريخ التسجيل: 12-30-2004
مجموع المشاركات: 5236
إحنا في الدويم هلالاب بالفطرة و خاصة جيلنا لاننا فتح عيونا و وجدنا نظام مايو قدامنا و ناس الدويم كانو اكثر المعارضين لنظام مايو حتى إن الدكتاتور نميري "المريخابي" كان يتحاشى زيارة الدويم و كان عندو إعتقاد إنو حكمه سوف ينتهي بزياره الدويم و فعلا بعد ما زارها في ديسمبر 1984 للإحتفال بالويبيل الذهبي لبخت الرضا قامت قيامتو.
كان والدي عليه رحمة الله يقول أسو شئ في الدنيا ، أن تكون مايوابي و مريخابي ، و فنانك سيد خليفه و بتحب عمر الجزلي و لو لاحظتي كلهم من سدنة نظام مايو بما فيهم المريخ.
تحياتي و إحترامي
عمار يس النور عاشق بخت الرضا عاشق هلال الملايين
08-08-2007, 09:48 AM
الصادق خليفة الصادق خليفة
تاريخ التسجيل: 12-13-2003
مجموع المشاركات: 2351
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Tragie Mustafa
haroon diyab
lana mahdi
غباشي
.... 
شهاب الفاتح عثمان
ALGARADABI
رأفت ميلاد
awad okasha
محمد عبدالرحمن
Rakoba
عبدالكريم الامين احمد
إسماعيل وراق
عمار يس النور
الصادق خليفة
طارق جبريل
فيس بوك
تويتر
انستقرام
يوتيوب
بنتيريست