يمتازوا بشوارب كثيفه هذا البوست ممازحه لاخونا صلاح عبد الله بمناسة (النيو لوك) وصورة البروفايل الجديده.
وطبعا يا صلاح بتشبور في ممازحتك دون اخوك الكشر داك لانه خاتيها معاي قرض. وغشتنا تماضر وشبكتنا لك باي غصنا تكتب يا عماد عبد الله طلع بيكتب بغصن الحكسنيت وكلانا لك شراء
07-28-2007, 09:46 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
عنوان بوستيك ده ينفع اسم لفيلم من (الغرب الامريكي) فيهو حصين وبارات وابواب قصيرة بتتفتح (داخل مارق) وجزمة جلد (بوت) فيها (ترس) بي ورا.. تصدقي الشنب الفي الصورة دي ما شنبي الحقيقي الحقيقي (أكبر) بس لأنو كان عندي اجتماع هام فقمت (خففتو) عشان الجماعة ما يركزوا في الشنب ويخلو الاجتماع (شمارات) وبعدين بصراحة أنا حافظ بيهو التوازن بتاعي ، يعني لو حلقتو أو خففتو أكتر من اللازم ، ح أقع على وشي .. تااااااااخ
ح أنزل صور ارشيفية، تحكي قصة مسيرة شنبات آل كابوني ، أقصد عبدالله.
دقة سريعة : بالجد هذا البوست وبعيداً عن شنبات الإخوة عبدالله ، له أهمية بالغة.. كيف ؟ ح أقول ليك .
07-28-2007, 10:15 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
الصور ح أنزلها بس محتاجة وكت أما أهمية البوست فهو إنك (بتروحي ) عن نفسك فيهو ، ودي حاجة مهمة جداً وممكن نعتبرها (استراحة محارب) صدقيني يا تراجي الحياة كلها ما ساس يسوس ، لأنو مباراتها الكتيرة (بتقصر العمر) لازم نرتاح شوية ، ونبدأ معاركنا ، أو نواصلها ، وممكن نكون (سايقين) لينا أكتر من حاجة (بوست/قضية) في وكت واحد.. عبدالرحمن بركات (زميلي القديم) المهموم أيضاً مثلك ومثل الجميع بقضايا هامة ، فاتح بوست ظريف جداً عن ثنائي العاصمة ، وانتي هسع فاتحة بوست بعيداً عن السياسة الزول البعمل كده ده (في نظري) هو الزول الطبيعي ، البحزن ، ويفرح ، ويشاكل ، ويخاصم ، ويصالح ، ويغني ، ويكتب ، ويزور ، وينوم ، ويقوم ، ويشتغل ، ثم يمشي في الأسواق .. كتيرين ح يشوفو صورة تراجي الطبيعية في البوست ده ، لأنو نادراً ما تفتحي بوست (للونسة) (وقريتك) وعرفت إنك (مكجنة) بوستات الونسة والتهاني ، والمجاملات كتيرين قايلين تراجي حياتها تدور في فلك القضايا السياسية الهامة (فقط) وهذا الى حد كبير صحيح ، وفقاً لما نقرأه لك هنا ، كما أنه واجب (وفرض عين) على كل مستطيع ولكن ماذا عن الجانب الآخر من تراجي ؟؟ هذا البوست هو الجانب الآخر لتراجي ، الممكن تتونس ، وتنكت ، وتناقر ، وتعمل الحاجات العادية حقت الله والرسول دي البيعملوها البشر .. عرفتي البوست ده (في نظري) مهم ليه ؟؟؟
07-28-2007, 10:13 PM
معاوية كرفس معاوية كرفس
تاريخ التسجيل: 03-19-2004
مجموع المشاركات: 1340
Quote: اها ما قلت لي علاقتكم شنو بحسنين ومحمدين الصعايده
شفتي !!! ما بتبقي تراجي أم لسان إن ما جبتي سيرة العنصرية و الهامش .. أها طلعتينا صعايدة كمان .. !! عافي منك .. الله يستر ما يجي بشاشا يفكها فينا .. و يطلعنا مستعلواتية عروبجية مشنبين .
كلو من أبوي يا كرفس .. جاب لينا الكلام . لكن بالنسبة ليك إنت .. كلو من منو ؟؟؟ قول : من تراجي .
07-28-2007, 10:46 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
صلاح عبدالله في عرسو ( زماااااااااااااان ) قال لأخواتي يغنوا ليهو : صلاح التش مالو ما جا .. شنبو حش مالو ما جا .. ( صديق الموج غنوا ليهو في عرسو : " الموزة حلاتا " , و الكلام ده موثق في متحف السودان القومي ) المهم .. البنات غنن لصلاح غنيتو ديك .. في واحدة قريبتنا جاية من البلد للعرس , اللغة العربية هي بالنسبة ليها كلام الطير في الباقير .. غايتو ماسكاها أم فريحانة غنت مع البنات , و لسوء الحظ الماكرفون كان جنب خشمها هي بالذات .. لما شفنا شريط العرس طلعت الغنية بصوت قريبتنا ديك : صلاح الطش مالو ما جا .. شنبو قش مالو ما جا .
خذوا اول قصه عن الشنبات في واحد نسيبنا عنده شنبا عاجبه وعامل فيه عميل زي ناس عماد عبد الله ديل اها الزول ده كان طالب طب في مصر وفي سنة التخرج ومع زنقة الامتحانات الشفويه وصحبك ظابط بدله وكرفته تمام مش بمقشاشته ....عفوا..اقصد شنبه الدمتور المصري حليق الشنب وطبعا المصرين الواحد فيهم لما يتنجر او ينضف زي ما بقولوا او يتحنكش زي ما بنقول نحن يقوم يعمل خواجا ويبدأ بحلاقة شنبو. اها ال\كتور قال له ايه الشنب ده؟؟؟مش ده وساخه يابني؟؟؟ قريبنا اتحمق وقام قاليه وعايزني اعمل ليه شنو؟ قال له تحلقوا يا ابني؟؟؟بلهجه استعلائيه قال السوداني قال ليه احلق شنبي؟؟؟باستغراب!! قال اه تحلقوا.. السوداني قال ليه انت عارف نحن في السودان البيحلقوا شنباتهم ديل بنقول عليهم شنو؟؟؟ قال المصري ليه بتقولوا ايه؟؟؟ السوداني بغضب بنقول لعيهم رجال باطلين!!
وهنا عينك ما تشوف الا النور كوالي الدكتور قطلع الامتحان وقال له ابقى تعالالي السنه الجايه لما تبقى راجل باطل!! وبكده تم ترسيب صديقنا المسكين ابو شنب.الذي جرح مشاعر دكتوره دون قصد.
وحلك لما اتخرج ثاني منه.
07-29-2007, 00:37 AM
معاوية كرفس معاوية كرفس
تاريخ التسجيل: 03-19-2004
مجموع المشاركات: 1340
غايتو أكان إستعانت بي كصديق بتتورط يا عمدة بيوقفوك بتهمة الحفر
يجازيك ويجازي لسانك
الأخوة عبدالله ، ياتراجي ببذلوا مجهود كبير في الإعتناء بأشنابهم وللأشناب حكايات عند بني يشوع وعند الديامة المشايعة متأسين بستالين والديامة متأسين بالمشايعة والمسألة عندهم لاتخلو من إظهار المرجلة وإستعراض الرجولة
ياتراجي في الديم في حي إسمو وسط الديامة ، موسكو الحي محصور بين الساحة الشعبية شرقآ وميدان الهلال غربآ والشارع الفاصل بين الديم الأغبش والديم النضيف حيث حي الزهور الحي ده متاخم لحي أولاد عبدالله ، بل معظم صداقاتهم مع شباب موسكو ناس عبدالرحمن بربر وشقيقه محمد خير حربش والأخوة شبو وكلهم أصحاب أشناب مجيدة أما أسامة حسن فشنبه بيرك فيه الصقر
أها ياتراجي لو إستعنتي بي صديقآ فإن عماد عبدالله لن تمرقه ساقيه
للإعزاء عماد وصلاح الحب الصافي
ولك الحب كله
07-29-2007, 06:50 AM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
وجانا ابو ساندرا بشنباته ودقنه كمان بس احنا يا ابوساندرا عشان نستبعد ملاسي وناس ثانين اعلنا انه الدقون ما معانا فمعليش لاننا نسينا انه ابو ساندرا صاحب اشهر دقن في المنبر ده.
Quote: داقر عماد عبدالله ،، تراجي قائلآ أو ناصحآ :
Quote: أو تستعيني بصديق
غايتو أكان إستعانت بي كصديق بتتورط يا عمدة بيوقفوك بتهمة الحفر
يجازيك ويجازي لسانك
الأخوة عبدالله ، ياتراجي ببذلوا مجهود كبير في الإعتناء بأشنابهم وللأشناب حكايات عند بني يشوع وعند الديامة المشايعة متأسين بستالين والديامة متأسين بالمشايعة والمسألة عندهم لاتخلو من إظهار المرجلة وإستعراض الرجولة
ياتراجي في الديم في حي إسمو وسط الديامة ، موسكو الحي محصور بين الساحة الشعبية شرقآ وميدان الهلال غربآ والشارع الفاصل بين الديم الأغبش والديم النضيف حيث حي الزهور الحي ده متاخم لحي أولاد عبدالله ، بل معظم صداقاتهم مع شباب موسكو ناس عبدالرحمن بربر وشقيقه محمد خير حربش والأخوة شبو وكلهم أصحاب أشناب مجيدة أما أسامة حسن فشنبه بيرك فيه الصقر
أها ياتراجي لو إستعنتي بي صديقآ فإن عماد عبدالله لن تمرقه ساقيه
للإعزاء عماد وصلاح الحب الصافي
ولك الحب كله
لكن الشنبات ما عندك م يا الديامه
07-29-2007, 06:15 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
Quote: صلاح عبدالله في عرسو ( زماااااااااااااان ) قال لأخواتي يغنوا ليهو : صلاح التش مالو ما جا .. شنبو حش مالو ما جا .. ( صديق الموج غنوا ليهو في عرسو : " الموزة حلاتا " , و الكلام ده موثق في متحف السودان القومي ) المهم .. البنات غنن لصلاح غنيتو ديك .. في واحدة قريبتنا جاية من البلد للعرس , اللغة العربية هي بالنسبة ليها كلام الطير في الباقير .. غايتو ماسكاها أم فريحانة غنت مع البنات , و لسوء الحظ الماكرفون كان جنب خشمها هي بالذات .. لما شفنا شريط العرس طلعت الغنية بصوت قريبتنا ديك : صلاح الطش مالو ما جا .. شنبو قش مالو ما جا .
صلاح قطع منها المصاريف من اليوم داك .
شوفوا الزول ده بالله ، عايز يكبرني ، وهو عارف انو أمي الله يدها العافية جابت لي (عدة الحلاقة) وأنا عمري اتناشر سنة!! طيب يا تراجي تعالي النحدثك عن صاحبنا ده ، ونوادرو مع الشنب والدقن ما بتخلص .. مرة أيام دراسته بكلية الفنون ، كان ما بيلبس غير الجينز ، وطبعاً (ناس الفنون) معظمهم مظهرهم (معروف)!! صاحبنا كانت دقنو (مبالغة) فيوم الظاهر كان عندو مواعيد (مهمة) فقام قشر واتقيف ، وخلع عن نفسه (لبس الفنون) وتصادف أن مواعيد صلاة المغرب قد دخلت عند وصوله الى مقر الشركة ، وتوسم من في الشركة في أخينا (الصلاح) نظراً للدقن الكثيفة ، وأصروا أن يؤمهم!!!! فاضطر صاحبنا (مجبراً) على إمامتهم ، فبدأها سراً (فسبحوا له) فجهرها، وعند السجود ، قام صاحبنا بالراحة والجماعة ساجدين ، خطف نعلاتو ، واتخارج ، والجماعة لي يومك ده راجينو يرفعهم من السجود ..
قولي ( واحد ) والباقي جايي.. ويا عماد أنا برسل لي صديق الموج وبخليه يجي يرد عليك هنا (تجري وين؟؟) .. - - - - - - - يا تراجي عندي مداخلة فوق شكلك ما قريتها ..
معتز قريش نسيبي ابو الطبيظ انت حتعقل ميتن؟؟ الفكره هي ببساطه هنا
Quote: السؤال : شنبات الاخوه ...(عبد الله)... والاجابه كانت المغالطهم فيها منو؟؟؟؟
ممكن افهم وين الغزل هنا؟؟؟ يازول انت...تفكير العربان و المتخلف في علاقة النسوان ماناوي تطلع منه ولا شنو؟؟؟ شوف الظلامين ديل عايزننا لا نضحك لا نتونس بس نكون ديسين على البنزين طوالي؟؟؟؟ نسيبتي تراجي الكلام دا ما عيب منك ؟؟؟
Quote: بدل ما تتغزلي في شُنُبّة اولاد عبد الله
ما كان الواجب تتغزلي في دقن نسيبك
ما كفاية مداقرننا في حلاوة الكلام
والعجب حلاوة الغنا ــــ ووووب
كمان يداقرونا في حلاوة المنظر
شديتكم في اللا نام ولا أكل الطعام
يا أولاد عبد الله
ولا يهمك جيب مهلب اخوك يخت صورته ولو طلعت دقنه زي دقنك نكتب لكم بوست اسمه دقون اولاد قريش المغالطهم فيها منو؟؟ ولا حد احسن من حد كده خلاص رضيت عننا يا شيخنا غايتو جنس حساده حسه انت حسدته اولاج عبد الهل على حتت البوست ده
بعدين يا ود القريش انت قصتك قصه ثلاثه نسوان حلالم بلالك يتغزلن فيك ما مكفياتنك ولسه تقابض في المنابر كمان؟؟؟يا راجل اتقي الله؟؟
07-29-2007, 10:04 PM
بدر الدين الأمير بدر الدين الأمير
تاريخ التسجيل: 09-28-2005
مجموع المشاركات: 22958
هسع شنبك المتصور بيهو مع الراحل مصطفى سيدأحمد ده بيشبه شنبك الهسع ده ؟؟ غايتو لبنان ما سوّت فينا خير أبداً !!! والله أنا خايف بعد ما تمشي بيروت تاني عشان تستلم كتابك تجينا بدون (حواجب) زاتو ، مش شنب ..
Quote: عارفين اكثر شيئا يا جماعه كان بيغظني في الجمهورين هو حلاقتهم لشنباتهم ولم اتقبل هذا الامر معنويا اطلاقا.
الاستاذة تراجي
الاستاذ صلاح واحد من اصدقاءنا الجمهوريين (الناس الجميليين) كان حليق الشارب املسه والحكاية دي زيك كده كانت غايظه زميل تاني ..في يوم بتناقشو فقال الاخ ابو شنب للاستاذ صلاح
- انا جني وجن الراجل البدون شنب..
رد عليهو صلاح وبسرعة
- وانا جني وجن الشنب البدون راجل
ولك التحية
وبالمناسبة ارشح الاخ الصديق عماد خليفة لاقتحام موسوعتكم الشنوبية
07-30-2007, 04:29 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
يا سلام عليك يا صلاح عبد الله يازول يا فاهم بالله شوف انت فهمته كيف وتعال شوف خالد كودي عايز يستغله وين
Quote: سلام
الصور ح أنزلها بس محتاجة وكت أما أهمية البوست فهو إنك (بتروحي ) عن نفسك فيهو ، ودي حاجة مهمة جداً وممكن نعتبرها (استراحة محارب) صدقيني يا تراجي الحياة كلها ما ساس يسوس ، لأنو مباراتها الكتيرة (بتقصر العمر) لازم نرتاح شوية ، ونبدأ معاركنا ، أو نواصلها ، وممكن نكون (سايقين) لينا أكتر من حاجة (بوست/قضية) في وكت واحد.. عبدالرحمن بركات (زميلي القديم) المهموم أيضاً مثلك ومثل الجميع بقضايا هامة ، فاتح بوست ظريف جداً عن ثنائي العاصمة ، وانتي هسع فاتحة بوست بعيداً عن السياسة الزول البعمل كده ده (في نظري) هو الزول الطبيعي ، البحزن ، ويفرح ، ويشاكل ، ويخاصم ، ويصالح ، ويغني ، ويكتب ، ويزور ، وينوم ، ويقوم ، ويشتغل ، ثم يمشي في الأسواق .. كتيرين ح يشوفو صورة تراجي الطبيعية في البوست ده ، لأنو نادراً ما تفتحي بوست (للونسة) (وقريتك) وعرفت إنك (مكجنة) بوستات الونسة والتهاني ، والمجاملات كتيرين قايلين تراجي حياتها تدور في فلك القضايا السياسية الهامة (فقط) وهذا الى حد كبير صحيح ، وفقاً لما نقرأه لك هنا ، كما أنه واجب (وفرض عين) على كل مستطيع ولكن ماذا عن الجانب الآخر من تراجي ؟؟ هذا البوست هو الجانب الآخر لتراجي ، الممكن تتونس ، وتنكت ، وتناقر ، وتعمل الحاجات العادية حقت الله والرسول دي البيعملوها البشر .. عرفتي البوست ده (في نظري) مهم ليه ؟؟؟
يا صلاح يا غالي وحياتة خوتك عندي مرات حاجات زي دي كثيره لكن لا ينتبه لها البعض الا اذا تقاطعت مع اهتماماته. وعشان تكيزي على السياسه جاين الطير ديل يعملوا مندهشين انه ممكن اكون مهتمه بقضايا الجندر؟؟ وبكره يندهشوا لما يعرفوا اسهاماتي في مجالات ثانيه,فتحت البوست وعلى بساطه وكنت متوقعه هواء كثير كالعاده كل زول يجيك ببقج غبائنه على قولة بشاشا. لكني لم اهتم لثقتي ان هنالك من يفهم مثلك. التحيه لك يا ملك وخلينا في بوستنا ده . ومنتظرنك بالمزيد.
07-30-2007, 05:07 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
والله بفتش لى صورة كنت خاتيها فى البروفايل بالشنب ما لامى فيها
مرة ماشين الخرطوم من أمدرمان وعايزين لينا تاكسى ، وبدت المفاوضات فى السعر بين التكاسى وزوجتى ، لا ده كتير دة شوية ، فى النهاية التكاسى قال عشان خاطر ابوشنب ده بوديكم بالسعر ده ، وفى اللحظة دييك عرفت إنى ابو شنب
وأرقدوا عافية
07-30-2007, 05:31 PM
Tragie Mustafa Tragie Mustafa
تاريخ التسجيل: 03-29-2005
مجموع المشاركات: 49964
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
Tragie Mustafa
Emad Abdulla
معاوية كرفس
بدر الدين الأمير
Al-Shaygi
أبو ساندرا
معتز القريش
mohmed khalail
ترهاقا
فيس بوك
تويتر
انستقرام
يوتيوب
بنتيريست