|
|
 جـــاخ يا محــاســن ( الجزء الثاني من المسلسل السوداني المكسيكي وتفرق...)
|
لمن فاته الاستمتاع بالجزء الاول عليه ان يعفص هنا Re: وتفرق دينه على القبائل
بدات الاموال تتدفق على حساب محمد حسن ولكن الايام ما دايما باسطة
في احد العطاءات في المصلحة اياها واجه معركة شرسة مع احد المتنفذين درجة اولى كادت ان تطير بالمدير العام للمصلحة لولا انه ( من الجماعة) ومسنود للاخر وكانت حجته انتظامية محمد حسن وجودة مواده والتزاماته تجاه الدولة والحزب . وخرج محمد حسن ظافرا بالعطاء وبعداء المتنفز
طبيحة احد الايام تدخل السكرتيرة الحسناء الى محمد حسن
- في اتنين برة عايزين سيادتك
- منو ديل
- والله ما عارفة ، قالوا لي عايزين سيد محمد حسن لامر ضروري ، شكلهم كدة نا امن والا حاجة
- خليهم يدخلوا
دخل شابن لابسين سفاري سوت ومقطبين الجبين لاظهار الجدية القاسية رغم ااستقبال محمد حسن لهم بابتسامة ودودة
- السلام عليك
- وعليكم السلام
- معاك عاصم حسين عبد المجيد من الضرائب ، وده وده يحي حسن عبد المجديد نقيب في الامن الاقتصادي
- مرحب بيكم ان شاء الله خير
- خير ، ومد له ظرف مختوم
- ده شنو ؟
- دي ضريبتك المفروضة عليك السنة دي
- بس انا كمستثمر عندي اعفاء خمسة سنوات بالاضافة لانو انا نشاطى لسة ما تم سنة
- هاها خمسة سنين ليه تكية ؟!
يفتح محمد حسن المظروف
- 250 مليون ؟!!!!!! ليه بشتغل مخدرات
هنا يتدخل النقيب
- يا زول اتكلم بي ادب دي الضريبة عايز تدفع والا عندك راي؟
- عندي راي
- عندك فرصة يومين تجي الادارة تدفع النص وبعدين تستانف
- ادفع النص؟
- ايوة ، ونحن ما فاضين ليك مع السلامة
وهم في طريقهم الى الباب
- مع السلامة وجاخ
يتسمر الاثنان اما م الباب
عاصم يخاطب النقيب
- زولك قال جاخ انا خايف زولك ده يكون دقسنا
- والله هو ما اداني تفاصيل بس قال لي في واحد اسمه محمد حسن عامل غاغة وعايزك تفورو
- انا خايف الزول ده يكون مسنود شديد وبعدين نحن نتلحس
التفت عاصم الى محمد حسن وقال له وهو يتصنع ابتسامة
- واياك
غادر الاثنان وتركا محمد حسن ىضرب اخماسه في اسداسه
استدعى السكرتيرة وطلب منها عقد تاسيس الشركة وكل الاولاراق من ادارة الاستثمار واتلتي تخص الاعفاء من الضرائب والجمارك الخ
بعد ان درس كل الاوراق
فتح الجوال وبدا يبحث في الدليل ، لقى الرقم المطلوب اتصل عليه
- الو
- اهلين محمد ، غريبة مطرة والا هبوب؟
- والله لا مطرة لا هبوب ازيك يا محاسن
- انا كويسة الحمدلله ، انت كيف طولنا ما سمعنا صوتك
|
|
 
|
|
|
|
|
|
|
|
Re: جـــاخ يا محــاســن ( الجزء الثاني من المسلسل السوداني المكسيكي وتفرق...) (Re: د.محمد حسن)
|
- مشغوليات يا محاسن ما اكتر لكن الحمدلله كويس
- الحمدلله
- بالمناسبة عايزك في موضوع شغلني شديد بس خجلان منك
- خير ، وبعدين تخجل ليه ن هو نحن بينا؟
- ابدا بس الواحد حاسي انه بيرهقك بي همومه الشخصية
- يا سيدي ولا يهمك
- طيب ممكن نتلاقى لو مافيها ازعاج بالنسبة ليك
- متين
- ممكن بكرة الساعة 10 نمشي نفطر مع بعض
- اوكي لما توصل اديني جرس انا بجيك
صباح اليوم التالي وفي تمام العاشرة كان محمد حسن اما بوابة المصلحة ، عمل جرس بعد 5 دقايق جات محاسن ، فتحت بابا العربية ، غمرت الكابينة راحة عطر فواح يدل على انوثة جميلة ، احس محمد بشئ ولكن تجاهله ن بدات التحيات المعهودة والسلام واسؤال عن الاحوال كانت السيارة قدو صللت لممطعم اياه
جلسا في طاولة ركنية ، ابتدر محمد الحديث
- والله يا محاسن امس جوني ناس الضرايب ، ولدين شباب كدة ، الضريبة اكتر من راسمالي
- وانت عملت شنو
- ما عملت حاجة لسة ‘ علما بانو كمستثمر عندي اعفاء خمسة سنين
- يا سيدي بسيطة ولا يهمك
واخرجت محاسن جوالها المحمول ، بدات تبحث ثم ضغطت على اسم ، بعد اقل من 30 ثانية
- ازيك يا فريدة
-
- كويسين وفي احسن حال ومام كويسة وكنا جاينم\كم امس لكن انا انشغلت ، ابوكم كيف
-
- اسمعي يا فريدة ن انا عايزاك في موضوع مهم جدا جدا وحيجيك شخص بيهمني شديييد عنده مشكلة بسيطة تحليها ليه ، وبالمناسبة عضو كبير في الحزب
-
لا ما زي الفي بالك ( وتضحك محاسن) بس عينك ما تزوغ هههه
-
- يلا باي بتصل عليك بعدين ن يجيك بكرة الصباح ختي اسمه في الباب
-
- محمد حسن
-
- شكرا ليك حبيبتي
-
وتغلق محاسن الخط وتتحدث الى محمد حسن
- دي بت خالتي وفردتي ومنصبها كبير جدا في الضرايب ن وحزبية كبيرة وواصلة بكرة امشي ليها وحتنهي ليك موضوعك ان شاء الله
- والله يا محاسن الواحد ما عارف يقول ليك شنو
ونواصل بعد فاصل اعلاني
| |
|
|
|
|
|
|
| |
د.محمد حسن
شهاب الفاتح عثمان
فيس بوك
تويتر
انستقرام
يوتيوب
بنتيريست