قال ليك ( كــب ليهو شطـة ) يا تمبس؟؟

مرحبا Guest
اخر زيارك لك: 03-28-2024, 10:07 AM الصفحة الرئيسية

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات    مدخل أرشيف اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مدخل أرشيف الربع الثالث للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
07-22-2007, 05:11 AM

خالد الطيب أحمد

تاريخ التسجيل: 03-13-2007
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
sssss
قال ليك ( كــب ليهو شطـة ) يا تمبس؟؟

    والله بالجد مأساة..
    وتعذيب أليم جدا لإنسان..والكارثة إنه كان بطله تمبس..مدعي حب الفن والجمال والحنية والعصافير..

    قبل ما نشرح ..

    الكلام التحت ده كتبوا تمبس..في رد هنا:

    Re: خالد الطيب / عصام أحمد .. وكل الشرفــاء



    Quote: تعرف:
    لما كنت في الثانوي وممتحن للجامعة كنت بذاكر بالليل خالص .. يادوبك قفلت النور وبديت انوم فجأة حسيت بي كركبة بره .. وصوت ( تلللبك ) بتاع زول تلب .. قايل عملت شنــو ..؟
    طوالي فتحت الدولاب وطلعت ( الطبنجــة ) فتحت باب الغرفة براحة كدا وطلعته .. لقيت واحد ( زيك كدا ) حرامي ولص وهكرز وقذر .. لقتيو حايم في الحوش وشايل ليهو سكين طوله متر ونص .. والغاظني شنــو إنت قايل ..؟ ( بنطلون الجينز الاسود ) بتاعي كان معلق في الحبــل .. قام عمل الحالة واحدة وشالو ..
    تعرف ؟؟:
    أنا البشيل بنطلون الجينز بتاعي .. ( والله اقطعــو واشرك بيهو للسمك ) ... فتحت الباب خلعت ليك الحرامي الزيك ده .. وقلت ليهو ارمي ( الجقدي ) الشايلو ده وأرفع يدينك فوق والزم الصمت واي كلمة ح تقوله ح تستعمل ضدك .. عايز يعمل فيها شفت وطبعا ما كان شايف الطبنجة .. لحقتو ليك بي طلقتين ( تسعة ملم ) تحت كرعينو .. ( الطبنجة B9S ) .. تعرف الزول العامل زيك ده عمل شنــو ..؟:
    وحيات ( خوتك ) الزي خوة البواليص بتاعين المباحث دي .. صاحبك .. عمل ( بوليستر ) ( بال ) عديل كدا في هدومو .. قلت ليهو والله لو تعمل ( بوخاريست ) ويتلم فيك الضبان .. أنا ما بخليك الليلة .. اها إنت ذاتك يا بتاع ( الجداد ) طريقة ليك مافي واركز بس وما تبقى زي صاحبك الحرامي ده .. وتقوم تعمله..
    قمت ( كتفت ) ليك الحرامي ده .. وربطتـو ( حداي ) في كراع السرير وقلت ليهو لحدي بكره الصباح الفورة الف قعد يتمحرك وعلمت ليهو بيان بالعمل .. لحقتو بي طلقتين تاني تحت كرعينو .. ونفخت ماسورة الطبنجة واديته نومه ..
    الصباح بدري الحرامي ده جبت ليهو شاي سادة بي ( قرقوش ) .. وديتو الشارع بره وعلت ليهو ( فرش متاع ) .. علشان الناس ما تنسى الناس .. ( السكين ) بتاعتو دي وحيات غلاوتك يا حرامي .. حلقت ليهو بيها صلعة .. عندي اخوي الصغير قلت ليهو جيب ( الساكس فون ) من جــوه .. واعزف لي مقاطع من ( سمفونية القدر ) لـ بت هوفــن .. يعني صاحبك ده حلقت ليهو بالمزيــكا .. والناس دي كلها بتشوف الغريبة في واحد كان مصر جدا .. قال لي ( كــب ليهو شطـة ) تتخيل؟؟ .. اجرت البوكس بتاع جارنا الزنكلوني .. لمدة ساعة ونص .. ربطت زميلك الحرامي ده من رجلينو في التصادم الورانية بتاعت البوكس التمنية وسبعين .. وجريتو بطن وضهر الحلة كلها بتشوف .. آخــر حاجة وديتو ( البوليص ) وضربت ليهم بوري قدام المركز وقلت ليهم تعالو شيلو ( الزبالة ) ده .. وطبعا كان ( راقد خيط ) .. تعرف الشاويش لما طلع بره .. ( صفق ) لي عديل كدا .. يعني تفتكر زي زميلك التافه ده .. جاي متلب ليهو في بيت ناس وشايل بنطلون الجينز بتاعهم وشايل ليهو ليهو سكين متر ونص عايزنا كان نخبز ليهو ..؟



    والله غايتونقول بس:
    يا حليل أولاد أمدرمان..يا حليلم والله..
    ويا خسارة أمدرمان في الزيك..
    دي قصة واحد من أولاد أمدرمان زمااان ..
    والقصة حقيقية من (حكاوي أمدرمان للأستاذ شوقي بدري)..
    وقارنوها بقصة ولدنا العيان ده..العامل فيها مفتح ده..
    واحد من أولاد أمدرمان زماااااااااانك نط عليهو حرامي !
    فجأة صحي من النوم ..ولما شاف الحرامي قال ليهو: أسمع يا
    أخينا ..شايف البنطلون الرمادي المعلق في الحبل داك؟
    رد الحرامي بحذر: ايوه شايفو مالو؟
    صاحبنا قام قال ليهو : بتلقي فيهو 3 جنيه.. شيل منها 2 ..
    وخلي لي الجنيه... وأتكل علي الله ..الله يصلحك يا ود الحلال.
    وقام فعلا الحرامي شال الجنيهين وإتكل علي الله..وتم صاحبنا
    نومتو في اليوم داك.....ومرت الايام..
    وبعد فترة طويلة كان صاحبنا بيتعشي في مطعم مع أصحابوا ,
    فلما عاوزين يدفعو حق العشا..قام صاحب المطعم كلمهم إنو
    الزول القاعد هناك داك دفع ليهم!..فقام صاحبنا مشي عليهو..
    وقال ليهو (بعد السلام) : شكرا ليك لكن..لكن ما عرفتك..إنت منو؟
    فرد الشخص بصوت منخفض: انا الحرامي الزمان ..القلت لي شيل جنيهين
    وخلي لي جنيه!!والحمد لله تبت من اليوم داك..وده رد الجميل.
    فصرخ صاحبنامن الدهشة بأعلي صوته: لا حولااا الحرامي الزمااااان!!!!
    فرد الحرامي بصوت منخفض وبخوف: يعني في داعي للفضايح!!!



    شوفوا الفرق يا أهلنا..بين أولاد أمدرمان (الجد جد) زمااانك..

    وبين أولاد أمدرمان الليلة(المجرم عديم الإنسانية تمبس )!!!

    والعاوز يعمل فيها بطل بي جريمة إرتكبها بيدو..

    ياخي منو القال ليك البطولة كده!!

    أنت لو ماعارف إنك -وكل الزيك- مرضي بي مليون مرض ..
    وكارهين ذاتم..حقو تعرفوا الحاجة دي..
    والكلام الكتبتوا الفوق ده دليل إدانة ضدك..
    ولو إفترضنا إنك مدافع عن نفسك وتهجم عليك جوه البيت ..
    طيب بعد ما ربطتوا ليه تعمل فيهو كده؟؟لو ما أصلك زول متخلف
    وجاهل!
    وبعد ما جردتوا من سلاحوا يا مريض يا عديم الإنسانية.. ليه تجروا بالعربية؟؟

    وبعدين في حتة مهمة جدا:

    Quote: الغريبة في واحد كان مصر جدا .. قال لي ( كــب ليهو شطـة ) تتخيل؟؟


    ليه ما أتخيل..!!
    وكيف يا ربي ما أتخيل الحاجة دي..!!ما إنت عملت السبعة وزمتها في الزول المسكين ده.بيغلبك تكب ليهو الشطة
    إنت والمجرمين المعاك؟ وبعدين ماكنت تكمل وين حتكب ليهو الشطة ؟؟؟

    ما قدامنا أهي كل عباراتك متخلفة ..ولا ترقي لمستوي الحوار..

    هسه ده بالله كلام!!!أقرأ وشوف!!
    Quote: عمل ( بوليستر ) ( بال ) عديل كدا في هدومو


    Quote: .. قلت ليهو والله لو تعمل ( بوخاريست ) ويتلم فيك الضبان


    ياعديم الإنسانية ..

    والله مش بتقول عني حرامي.. وسارق باسووردات ..

    أنا أفضل لي أسرق مليون باسورد ولا أعمل جريمتك البتفتخر بيها دي!!

    ياخي كل مصائب السودان طلعت من نوع عقليتك المتخلفة دي..

    وقال فنان..ياخي إنت مريض ومجرم وعديم إنسانية ..كيف تكون فنان؟؟

                  

07-22-2007, 05:28 AM

خالد الطيب أحمد

تاريخ التسجيل: 03-13-2007
مجموع المشاركات: 0

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليك ( كــب ليهو شطـة ) يا تمبس؟؟ (Re: خالد الطيب أحمد)

    والله إنت وعدد كبير جدا من أمثالك مكانكم المصحة..
    تتعالجوا أول من تشوهاتكم الما ليها
    أول ولا آخر دي..!!
    وبعدها يمكن الحوار معكم..

    قال كب ليهو شطة!!!!!
    شطة في عينك..

    راجع نفسك..وإنسانيتك يا متخلف..ياجاهل..
    وأعتذر عن جريمتك دي..وقول أنا غلطان وتاني ما حا أكررها..
    ومافي زول حيعمل ليك حاجة في جريمتك دي ولا حيطاردك بيها..أو بي الشطة بتاعتك دي..
    يا بتاع الشطة إنت..
    عارف ليه؟؟

    لأنو في مليون واحد متخلف زيك بيعملوها لحدي الليلة ومش بيكبوا شطة وبس..لا..في ناس بتقتل روح
    بدون اي رحمة ولا شفقة..
    راجع نفسك..وأعتذر لإنسانيتك أول..أو أمشي لحبيبتك (الملاك)..الخلتك تعتذر المرة الفاتت..
    لأنها ملاك فعلا..وأحكي ليهاقول ليها أنا عملت المصيبة دي..وأنا متأكد إنها حتقنعك..ده لو لسه فيك باقي إنسانية!!

                  

07-22-2007, 06:12 AM

الطاهر عثمان
<aالطاهر عثمان
تاريخ التسجيل: 03-09-2007
مجموع المشاركات: 141

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليك ( كــب ليهو شطـة ) يا تمبس؟؟ (Re: خالد الطيب أحمد)

    خالد تحياتي

    بغض النظر عن ما بينك وبين تمبس فان القصة تبدو خيالية "أدبية" وذلك من سياق القصة ومن طريقة الحكي وعن مكان القصة نفسه..

    القصة بتديك إحساس انو الكلام ده ولو حصل ما ممكن يحصل في السودان
    اعتقد طبنجه 9 مل تضرب منها اربعة طلقات اتنين تحت قدم الحرامي لحدي ما عمل بوليستر واتنين تاني وتمشي ترقد تنوم - دي إستحالة في السودان-
    وجبت ليهو الشاي بقرقوش وحلقته ليهو علي انغام بيتهوفن
    إتخيل ده كلو في الحلة دي
    وبعداك جاريهو بعربية 78 وسط الحلة

    القصة دي والله اظن تكساس ما تحصل فيها خليك من امدرمان

    ولك وله تحياتي مجددا
                  

07-22-2007, 09:21 AM

tmbis
<atmbis
تاريخ التسجيل: 10-19-2002
مجموع المشاركات: 24862

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليك ( كــب ليهو شطـة ) يا تمبس؟؟ (Re: الطاهر عثمان)

    Quote: والله إنت وعدد كبير جدا من أمثالك مكانكم المصحة..
    تتعالجوا أول من تشوهاتكم الما ليها
    أول ولا آخر دي..!!
    وبعدها يمكن الحوار معكم..

    قال كب ليهو شطة!!!!!
    شطة في عينك..

    راجع نفسك..وإنسانيتك يا متخلف..ياجاهل..
    وأعتذر عن جريمتك دي..وقول أنا غلطان وتاني ما حا أكررها..
    ومافي زول حيعمل ليك حاجة في جريمتك دي ولا حيطاردك بيها..أو بي الشطة بتاعتك دي..
    يا بتاع الشطة إنت..
    عارف ليه؟؟

    لأنو في مليون واحد متخلف زيك بيعملوها لحدي الليلة ومش بيكبوا شطة وبس..لا..في ناس بتقتل روح
    بدون اي رحمة ولا شفقة..
    Quote: راجع نفسك..وأعتذر لإنسانيتك أول..أو أمشي لحبيبتك (الملاك)..الخلتك تعتذر المرة الفاتت..
    لأنها ملاك فعلا..وأحكي ليهاقول ليها أنا عملت المصيبة دي..وأنا متأكد إنها حتقنعك..ده لو لسه فيك باقي إنسانية!!

    أنا مش قلت ليكي المرة الفاتت أنو الزول ده معفن الحسنة ما بتنفع فيهو ما صدقتي كلامي ..
    المرة الفاتت دخلتيني في حتة ضيقة ساكت وحلفتي إلا اعتذر ليهو ..
    اها خمي وصري حسع قاعد يعايرني بيك وبيقول لي امشي لي حبيبتك .. خليها تكلمك تاني علشان تعتذر لي عاجبك كدا يعني ؟
    لو عاجبك أنو الحرامي ده يجيب سيرتك كل مرة على لسانو انا ما عاجبني ..
    طيب إنت ما كان تعمل ليك اشتراك في سودانيز وتجي تقولي ليهو اعتذر لي بكري .. مش قال ليهو حرامي قبل كدا ..؟

    أقول ليك حاجة...؟ زي نوعيتك المثالية دي .. بتخرب لينا طبع الناس دي ..
    ياخي إنت العصافير لو ما شافتك الصباح ما بتعرف تغني ..
    ياتو زهرة في الدنيا دي لو ما صبحت عليك بتقدر تفتح ..؟
    ياخي إنت مالك ومال الحرامية..؟
    إنت اتكلمي بس عن صوت الساكسفون الساعة اطناشر ونص بالليل .. اتكلمي لي عن كونشيرتو الكلارنيت .. مع ضوء الشموع الخافت وستاير الستان لما يحركه صوتك .. لما يجي داخل من الشباك ..
    أنا بتكلم معاك جد .. إنت فاكراني بهظر..
    ياخي إنت مالك ومال الحرامية..؟
    الواحد يسرق ويجي يقش خشمو
    يعني حسع الحرامي ده لو قام كتلني ليك اليوم داك بالليل .. تاني بتلقي ليك زول وين يحبك اكتر مني في الدنيا دي ..؟
    ياخي إنت ما عارفاني بحبك قدر كيف ، عايزه تكتليني ..؟
    ياخي أقول ليك حاجة ..؟
    إنت طالق .. يا حبي
                  

07-22-2007, 09:37 AM

Ahmed Abdallah
<aAhmed Abdallah
تاريخ التسجيل: 08-12-2005
مجموع المشاركات: 5193

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليك ( كــب ليهو شطـة ) يا تمبس؟؟ (Re: tmbis)

    هسه يا خالد الطيب كلام تمبس ده كلو
    ما عجبك فيه الى كب الشطة ده ...

    طيب زمااااان تراجي صاحبتك و مثلك الاعلى
    و العياذ بالله مش قالت لواحد زميلنا هنا
    انه حاتحلب ليه فيها ليمونة .. كنت وين انت
    يا شاطر ... اهو يا حبيب ليمون علي شطة ...
    الباقي الدكوة ....
                  

07-22-2007, 10:16 AM

أيمن الطيب
<aأيمن الطيب
تاريخ التسجيل: 09-19-2003
مجموع المشاركات: 5845

للتواصل معنا

FaceBook
تويتر Twitter
YouTube

20 عاما من العطاء و الصمود
مكتبة سودانيزاونلاين
Re: قال ليك ( كــب ليهو شطـة ) يا تمبس؟؟ (Re: خالد الطيب أحمد)

    كونك ترى عيوبا فى أحدهم وإحتهدت فى تفسير وتفكيك تلك الشخصية,
    وكانت المحصلة وجود بعض الشروخ والندوب فى رأيك وبعض ما يستوجب
    العلاج والوقوف عنده قليلا ومراجعة النفس والمواقف,,,,,,,يظل هذا
    الرأى والخلاصة والمنظور!!!!!!!أحادى المصدر وشخصى المنشأ ومسألة
    قابلة للتقييم والإختلاف حولها,,,,,أوالإتفاق!!!

    ويظل الأمر والموضوع يدور حول الشخصى والخاص!!!!!!!!!!!!!!!


    يا شباب!!!!!!!

    حاولو ترتقوا لمستوى المواقف وراجعوا أنفسكم قبل كتابة مواضيعكم
    وبعد كتابتها أيضا الرجاء مراجعتها مرة أخرى وتقييم الموقف ومن
    نفس تلك الزاوية الشخصية الضيقة الرجاء النظر إلينا نحن الأعضاء
    فى هذا المكان ومحاولة تحديد ما إذا كان ما سيكتب سيفيدنا أم لا
    لا مانع ألا يفيدنا !!!!!!لكن ان يفعل ما هو عكس ذلك فعفوا ياإخوة!!!

    خالد وتمبس !!!!!!!!!!!

    سلامات يا شباب!!!!!

    إذا مصرين مواصلة أم المعارك بتاعتكم دى!!!!!!!!!!!

    الخلا ما بعيد وممكن إذا الخلا صعب وماكم ناس خلا أوبعبارة أخرى فيكم زولا ما هو زول

    خلا تتموها مسنجرات!!!عشان كل واحد يقول الفي نفسه بدون خوف وخجل ووجل ومضاراة ورا

    الكلمات!!!

    ودمتم ودامت المعارك العظيمة.
                  


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات



فيس بوك تويتر انستقرام يوتيوب بنتيريست
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de