|
|
 المريخ × الأشانتي كوتوكو الغاني .. ودياً
|
تبدأ بعد قليل مباراة المريخ والأشانتي كوتوكو الغاني الودية، والتي يستعد من خلالها المريخ لملاقاة الإسماعيلي المصري في افتتاح مباريات مرحلة المجموعات للبطولة الكونفيدرالية الأفريقية.
وكانت المباراة قد تأجلت من الأمس نسبة لهطول الأمطار بغزارة على مدينة أمدرمان.
وسوف تتابع شبكة السودان الإخبارية، المباراة تباعاً.. فكونوا معنا.
|
|
 
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: Rakoba)
|
الدقيقة 15
بدأ المريخ المباراة باستحواذ كامل على الكرة، ساعده في ذلك الكثافة الكبيرة في منطقة الوسط، ومساندة لاعب الدفاع تانا في قطع الكرات من منتصف الملعب.
كما سدد اللاعب موسى الزومة كرة قوية مرت على يسار حارس الأشانتي الذي حولها إلى ركنية، كما كادت رأسية مجاهد أن تلج شباك الضيوف إلا أنها هزت الشباك الخارجية للفريق الضيف.
يعتمد المريخ على الجهة اليمني في بناء هجماته، الجهة التي ينشط فيها قلق وباولينو، إلا أن تماسك الطرف الأيسر للأشانتي حد من خطورة تلك الهجمات المريخية.
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: Rakoba)
|
انتهى الشوط الاول بتقدم المريخ العظيم بهدفين مقابل لا شئ
بدأ التراخي غير الحميد من اللاعبين بعد احراز الهدفين
وعلى الرغم من أن المباراة ودية واعدادية
ولكن الجميع مطالب بالجدية حتى في مثل هذه المباريات
أتمنى أن يواصل المريخ العظيم عرضة الجميل الذي ابتدر به اللقاء
والذي أحرز بموجبه أهدافة العالمية
نتمنى أن نشاهد شوطاً ثانياً حافل بالابداع المريخي
جمال
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: Rakoba)
|
اخونا المريخى الوفى راكوبا
تحياتى و شكرا على مجهداتك فى نقل مباراة الاشانتى و المريخ
التحية لمجلس ادارة المريخ وهو يبذل الجهد و يدفع المال من اجل استقدام فريق قوى للمباريات التجريبية
كنت واثقا من فوز المريخ بهه المباراة لان مستوى المريخ فى تقدم و الاشانت ليس هو الاشانتى الذى نعرفه فقد تدهر مستواه كثيرا فى هذه الآونة و لست بصدد تخيس فوز المريخ عليه و لكن ماود ان اقوله هنا ان المجلس لم يوفق رغم حسن نيته فى احضار الفريق المناسب للتبارى معه لسببين رئيسيين:
1- ضعف الفريق الذى تم احضاره كما ذكرت عاليه
2- عدم مشابهة طريقة لعب فريق الاشانتى لطريقة لعب كرة القدم المصرية. كان الاجدى احضار فريق مصرى مثل انبى او المصرى البورسعيدى و كانت التجربة ستكون حقيقية ومقيدة لفريق المريخ.
ارجو ان لا تسبب الانتصارات التى سوف يحققها فريق المريخ على الاشانتى فى تراخى الناحية المعنوية للفريق وعلى الجهاز الفنى الانتباه لذلك فالاسماعيلى احد اعمدة الكرة المصرية وهو الممون الرئيسى للاعبين لكل من الاهلى و الزمالك و تخطيه فى الاسماعيلية لن يكون سهلا.
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: هشام المجمر)
|
شكرا استاذ هشام
إدارة المريخ سعت بكل قوة لمواجهة الترجي، لكن الفريق التونسي اعتذر لإرتباطه بمباريات في أخرى، حتى وأن المريخ رصد مبلغ كبير جداً للفريق التونسي.
ولكن هذا ما جرى، وإن شاء الله تؤتي هذه الخطوة أوكلها في مباراة الإسماعيلي، خاصة وأن الفريق بعيد منذ فترة عن اللعب التنافسي.
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: Rakoba)
|
شاهدت " المباراة " وكانت عبارة عن دافوري في غاية السوء ليس إلا ...
شابكننا الطفرة الرياضية الطفرة الرياضية لمن قربنا نصدق وين الطفرة دي ؟؟؟
المريخ أسوأ من زمان بكتيييييييييير ... مستحيل ده يكون فريق كورة قدم ده
ولن أستغرب لو انهزم المريخ 25/ صفر من الإسماعيلي في مصر و 15/صفر في أمدرمان
لاعبين من المريخ على الأقل استحقوا الطرد بهاء الدين وبدر الدين قلق ومعاهم حكم الدافوري ...
لا يوجد أي أحد في المريخ يمكن أن يطلق عليه لاعب كرة قدم .. باستثناء النيجيرييين الاتنين..
الباقيين كلللللللللللللهم من بهاء الدين إلى فيصل العجب يشوفوا ليهم شغلة تانية غير الكورة ولا
حا تكون فضيحتهم بجلاجل ... ديل ما لعيبة كورة ديل...
انتو يا ناس نصيحين ؟؟
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: NAZIM IBRAHIM ALI)
|
يا جماعة المريخ ليهو مدة من المباريات، والعافية درجات، خاصة مع إلغاء معسكر سوريا بسبب تعنت الاتحاد العام بضرورة خوض المريخ لمباراة جزيرة الفيل، ليس هناك مفر من أداء مباريات تجريبية مع فرق زائرة أو حتى محلية يمكن أن تفيد المريخ.
والراحة السلبية لها أثرها على لاعبي كرة القدم، وإن شاء الله بروفة الجمعة القادمة أمام الأشانتي ومباراة الأفيال الدورية يكون فيها الأداء أفضل.
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: Rakoba)
|
Quote: يا جماعة المريخ ليهو مدة من المباريات، والعافية درجات، خاصة مع إلغاء معسكر سوريا بسبب تعنت الاتحاد العام بضرورة خوض المريخ لمباراة جزيرة الفيل، ليس هناك مفر من أداء مباريات تجريبية مع فرق زائرة أو حتى محلية يمكن أن تفيد المريخ.
والراحة السلبية لها أثرها على لاعبي كرة القدم، وإن شاء الله بروفة الجمعة القادمة أمام الأشانتي ومباراة الأفيال الدورية يكون فيها الأداء أفضل. |
راكوبة انت بتغش في نفسك ولا عاوز تغش علينا ؟؟
عافية شنو وراحة شنو يا راكوبة ...
الشفناهم الليلة ديل ما بعرفوا أبسط أبجديات كرة القدم حتى ...خليك من راحة وعافية ومعسكر سوريا وبتاع دي ناس ما بتعرف تلعب كورة حتى ..
قال هيثم طمبل قال بالله في ذمتك ده لاعب ده ؟؟؟ زول ما بعرف حتى يستلم الكورة كيف .. ولا بعرف يمرر ولا بيعرف وين يقيف ...
والعجوز التاني عمك فيصل العجب ... ده شنو ده ياراكوبة ؟؟ ياخي ده ما ممكن يكون لاعب كورة ده
أنت مقتنع بالقصة القدامك دي يازول؟؟
| |
|
|
|
|
|
|
|
|
 Re: المريخ × الأشانتي كوتوكو الغاني .. ودياً (Re: tmbis)
|
غايتو سفاري ده .. حقــو تعملو ليهو أورنيك ( تمنيــة )
إحتمال يكون ( كســر يايــات ) ..
يحليلك يا إبراهيـم عطـــا .. كان كنت في .. كان ( كنكشته ) فيهو ( كنكيش ) العدو
يلقطو لينا في الحمام الميت .. ويقولو ليك الفريق ليهو فترة ما لعب .. والتاني يقول ليك مريخنـا فوق ..
ياخي فوق وين .. ؟
في راس البيت يعني جمب السبلوقــة؟؟
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: Rakoba)
|
| Quote: الأشانتي يقلص الفارق عن طريق أموفا بعدما تلاعب بدفاع المريخ وأودع الكرة بطريقة فنية على يمين بهاء الدين، في لقطة جميلة صفقت له جماهير المريخ |
.. إنت ما تقول عديل كدا عمل لي ( موية في ضهــرو ) .. داسيها مالك .. ؟
تقول الزول ده عمل لي سفاري ( موية في ضهـرو ) وتجيب لينا الفيديو ..
مش تجيب القونين بتاعين المريخ .. وتسردب بي القون بتاع الضيوف
ويقولو ليك
ياخي زول عديل كدا عملو لي ( موية في ضهــرو ) .. تقول لي
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: Rakoba)
|
.
كما توقعت يا راكوبة
أصبت بحالة احباط
والآن في انتظار مباراة الأرجنتين ..يا رب نجتاز المكسيك العكاليت
عشان نديكم درس لا ينسى في النهائي ..
مبروك الانتصار الهزيل ، انا غايتو في الشوط الأول قلت الجماعة ديل يكونوا جابو مريخ جوبا وقالوا لينا ده الأشانتي كوتوكو
.
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: hatim ibrahim)
|
والله ياحاتم الجماعة ديل بشلتو شلاليت! الحالة دافعين ليهم قروش كمان؟
غايتو ربنا مرقهم أنو باولينو مرق البرازيلي ده تحت تحت قالوا كانوا جايبنوا لفريق الدفاع عن النفس وبلعب كورة كمان
هيثم مصطفى ظاطو شرد منو وبقى يجري للحكم في هلال مريخ الفاتت
والله محن
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: Rakoba)
|
.
Quote: لبرازيلي ده تحت تحت قالوا كانوا جايبنوا لفريق الدفاع عن النفس وبلعب كورة كمان[/QUOTE
الزول ده إما جواز سفرو مزور ، أو كان بيلعب حاجة تانية في البرازيل غير كرة القدم
Quote: قال هيثم طمبل قال بالله في ذمتك ده لاعب ده ؟؟؟ زول ما بعرف حتى يستلم الكورة كيف .. ولا بعرف يمرر ولا بيعرف وين يقيف ...
|
في دي بختلف معاك يا الهادي
صراحة - كعاشق للهلال - متحسر شديد انو الفنان ده فقدناه من صفوفنا
واكتر من كده - من وجهة نظري - بصنفو ( أخطر ) مهاجم ( سوداني ) موجود في الساحة حاليا
أما العجيب ( العجب )
أنا متأكد انو ( جمال الولي ) لو دخل الميدان حيلعب أحسن منو
.
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: Nasser Mousa)
|
تساءل كوستاوى
| Quote: و طيب, أيه الظيطةدي? |
والظيطه دى يا كوستاوى يا اخوى
انو ناس الهلال ناموا وصحوا ولقوا الاشانتى كوتوكو فى امدرمان وبيلاعب المريخ
وهم طبعا حساده كدا كانوا بيفتكروا بعد امطار اول امس فى امدرمان انو استاد
المريخ ما ح يستقبل مباراه الا بعد شهر
وطبعا اتفاجئوا وانصدموا انو الاستاد ظهر فى اجمل حله ويرتدى سندس اخضر
وعالمى بحق وحقيقه .. حدث هذا وهم يستصحبون فى زاكرتهم مباراتهم قبل ايام
اما الترجى وكيف كان مظهر استادهم الذى كانوا يظنونه بانه سيظهر باجمل من
الردكاسل ولكن خاب فألهم
حدث كل هذا وهم يستعدون للترجى بامبده ولو كان الترجى فى 30% من مستواه المعروف
كان لحقهم ليك امات طه خاصه وان مظهرهم امامه كان اكثر من سئ وحتى الترجى التعبان
جعل ادوية الضغط والسكر تنفد من صيدليات السودان
اها يا سيدى الحكايه حساده بس .. والان الهلالاب بيعتبرون انفسهم من اهل الهامش
| |
|
|
|
|
|
|
|
|
|
Re: المريخ × الأشانتي كوتوكو الغاني .. ودياً (Re: Rakoba)
|
.
Quote: وطبعا اتفاجئوا وانصدموا انو الاستاد ظهر فى اجمل حله ويرتدى سندس اخضر
وعالمى بحق وحقيقه |
ايوة بالله يا أبو علوة خليكم ماسكين قوي في حكاية الاستاد والسندس الأخضر
لانو لو جيتو تتكلمو في الكورة ما بتقدرو تجاروا الهلال .. شتاااااان ما بينكم وبين الزعيم
الهلال بيمتعك لو لعب في ملعب برشلونة او لعب في ميدان عقرب
انتو امبارح السندس الأخضر ده عملتو جواهو شنو .. ؟؟
| |
|
|
|
|
|
|
|
| |
Rakoba
HOPEFUL
شهاب الفاتح عثمان
عبدالكريم الامين احمد
طارق جبريل
هشام المجمر
غباشي
Elhadi
NAZIM IBRAHIM ALI
Kostawi
tmbis
محمد عادل
على محمد على بشير
abuguta
فيس بوك
تويتر
انستقرام
يوتيوب
بنتيريست