|
دعواتكم لزميلنا المفكر د.الباقر العفيف بالشفاء العاجل
|
|
 Re: كيس نايلو ... والراجل شايلو (Re: د.محمد حسن)
|
| Quote: علما بان نفس الشخص الكباب لما يمشي الدكان ( وهو صاحي 100%) ويشتري زيت السمسم عشان الفول لمل يفتحو نصو يتدفق في الارض .. ولله في خلقه شئون |
يا محمد ما ديك ( إذا مسها حجر مسته سراء )
ولا شنو !!
| |
 
|
|
|
|
|
|
|
|
Re: كيس نايلو ... والراجل شايلو (Re: اسعد الريفى)
|
د. محمد
صباحك ( مكيَس ) بالورد و الياسمين ..
Quote: والغريبة لما يجو يفضو رحيق الذرة او العيش في القارورة نقطة واحدة بتتكب في ا########## ما في
علما بان نفس الشخص الكباب لما يمشي الدكان ( وهو صاحي 100%) ويشتري زيت السمسم عشان الول لمل يفتحو نصو يتدفق في الارض .. ولله في خلقه شئون |
رحيق الذرة و العيش مرتبط بإرتعاشات العصب السادس في جسم حامل الكيس .. لذا عند دلقه للسائل الكريستالي في الزجاجة فإنه يدلقه معتمداً على الكيف الذي سيحدث عند كل قطرة مندلقة في الزجاجة .. لذا يكون حريصا كل الحرص و يتزن و تصبح أعصابه حديد ثم يرتخي بعد ذلك متنفسا الصعداء.
أما زيت السمسم فإن مقادير حلة الملاح غير دقيقة للغاية في ما يخص الزيت .. فإذا إندلقت نقطة أو مقدار ملعقة خارج الكيس فلا ضرر في ذلك ... يمكن للزوجة أن تمسحها بباطن يدها و تدعك بها فروة رأسها ..
و بتعداد مآثر كيس النايلو .. وجب على الشعراء و الأدباء أن ينثروا و ينظموا فيه حروفا تخلد ذكراه لأنه إلى ذمة التاريخ لا محالة سيذهب ..
و بتواضع شديد أقول فيه :
كيس النايلو
بيبقى مهم .. منو ال قايلو ؟
كيس النايلو يا كيس النايلو
أحب كيفي المدردم شايلو
أحب المزاج المرجرج شايلو
حالك بعد الحال صِبِح نايلو
***
فوق دربك
| |
|
|
|
|
|
|
|
|
|
Re: كيس نايلو ... والراجل شايلو (Re: ابو جهينة)
|
Quote: و بتعداد مآثر كيس النايلو .. وجب على الشعراء و الأدباء أن ينثروا و ينظموا فيه حروفا تخلد ذكراه لأنه إلى ذمة التاريخ لا محالة سيذهب ..
و بتواضع شديد أقول فيه :
كيس النايلو
بيبقى مهم .. منو ال قايلو ؟
كيس النايلو يا كيس النايلو
أحب كيفي المدردم شايلو
أحب المزاج المرجرج شايلو
حالك بعد الحال صِبِح نايلو
|
او كماقال المغني :
كيس وكيسك
الخرمانين مالقو
كيسي فوث القماير
دبل لي النلحقوا
او ذلك الشاعر الجهبذ الذي
قال
كيس باية حال عدت يا كيس
بما ما مضي ام لامر فيك تدليس
اما الزبالة والاكواش مجتمعة
يؤمها جيش من الاغنام والتيس
او ذلك المتكيس العرقي:
كيسني حاول حس بي كيسني خت الكاس علي
| |
|
|
|
|
|
|
|
|
|
Re: كيس نايلو ... والراجل شايلو (Re: اسعد الريفى)
|
تعرف يا اسعد
كنت مرة جالس مع جماعة اصحابي
يتعاطون حلو الكلام
ومر الشراب
وفجأة وقعت القزازة على البلاط
قلت بكل عفوية انكسر الشر
ولمفاجأتي القزازة سليمة شق ما فيها
صاحبي قالي
الشر ده ما بنكسر
| |
|
|
|
|
|
|
|
|
|
Re: كيس نايلو ... والراجل شايلو (Re: مشتاق)
|
Quote: انت قايلني جيت ساكي كيس ,ولا جيت في لوري شطه
. |
وايضا ممكن يكوم الامثال
الكيس الابيض للتمباك الاسود
والكيس الاسود للعرقي الابيض
وكيس بلدنا ولا سامسونايت الخليج
وهلم جرجرة
| |
|
|
|
|
|
|
|
|
|
Re: كيس نايلو ... والراجل شايلو (Re: ابو جهينة)
|
والله يا دكتور انا اشك انك بتشرب البنقو عندك بوستات بتشبه بوستات صاحبى حبيب نوره .
وحبيب نوره ما بشرب البنقو لكن زى كده بحب يقعد معاهم وبريد كلامهم الكلو سياسه وحكم.. وفيه الاحلى نكته وحاجات زى بوستك ده .
مشقول ماقاعد ادخل النت كتير اليومين ديل.... مريت على صديق لقيتو فاتح المنبر انشغل شويه.. لقيتا فرصه ارد على البوست . شكرا....
| |
|
|
|
|
|
|
|
|
|
Re: كيس نايلو ... والراجل شايلو (Re: خالد المحرب)
|
دكتورنا الحبيب ،،،
بقدر ما استرعانى طرافة عنوان البوست ، بقدر ما وجدت أن المضمون موزون ،،،
وجاد كمان ،،،
حقيقى كيس النايلون أصبح اليوم يقارع أجعص الاختراعات ،،،
من منا اليوم لا يتعاطى مع هذا الكيس ؟؟
تصوروا كيف يكون الحال لولا وجوده !!!
بينى وبينك أول شخص فكر يصنعه يستحق وسام الخدمة الممتازة !!!
| |
|
|
|
|
|
|
|
|
|
Re: كيس نايلو ... والراجل شايلو (Re: الفاتح الجنيد)
|
حبيب الكل وابو التومات , تخيل في إجازتي دي سمعت بكلمة كايس نايلو والهواء
شايلو وكنت مرات بردد فيها الجماعة قالوا لي انتا عارف معني الكلام ده شنو ؟؟
قلت اكيد مقصود بيهو زول كحيان ضعيف ما قادر يمشي والهواء شايلو زي الكيس .
ضحكوا علي وقالوا لي لا يا ظريف معناها ( الزول لمن يكون فارغ ويتدخل في اي
حاجة بدون ما يكون عارف الموضوع شنو بيقولوا عليهو كده ) بلغة السعودية نحنا
بنقول ( ملقوف ) . شكراً
| |
|
|
|
|
|
|
|
|
|
Re: كيس نايلو ... والراجل شايلو (Re: هاشم أحمد خلف الله)
|
عزيزي، د. محمد حسن..
صباحك منور، وملئ بالاغاني..
انت عارف، لغة الراندوك دي مليانة جناس، وكناية، (أصلها قائمة على الخوف)، انها شريحة مشردة، تنكر لها الواقع، فصاغت لقتها، اقرب للرمز، والكناية والهمز، كي تتدوال بيهم، وبين الناص، دون ان يفطن لها الناس..
عندنا زميلتنا علمت دراسة عنها، وكنا كثيري النقاش فيها، واتمنى من له دراية انزال ما طاب منها، زي (قادة عربي)، وهي للفتاة ذات الارجل النحيفة، وهي تقال للفتاة الجميلة، ولكن ارجلها نحيفة (ياخسارة قادة عربي)...
وجركانة في مكانة... دايما دي تذكرني اغنية عقد الجلاد (دنيا تتغير، ودنيا ادمت عشق الثوابت)، وزي جد الراوي في موسم الهجرة (نقطة ثابتة، في محيط متحرك)..
والله الواحد داير اتفقع من الضحك مع كيس نايلو والراجل شايلو..
المحبة والسلام
| |
|
|
|
|
|
|
|
|
|
Re: كيس نايلو ... والراجل شايلو (Re: عبدالغني كرم الله بشير)
|
Quote: وجركانة في مكانة... دايما دي تذكرني اغنية عقد الجلاد (دنيا تتغير، ودنيا ادمت عشق الثوابت)، وزي جد الراوي في موسم الهجرة (نقطة ثابتة، في محيط متحرك)..
B] |
الاديب الجراح كرم الله
حينما نلجأ للسخرية المرة فهذا دليل انكفاء المجتمع بكلياته حاكمين ومحكومين في مستنقع الاحباط
اسعدتني مشاركتك
| |
|
|
|
|
|
|
|
|
|
Re: كيس نايلو ... والراجل شايلو (Re: الفاتح الجنيد)
|
تعرف أنت شكلك في النقابة ... طبعا ما نقابة أكياس النايلون !!!
كيس نايلو والراجل شايلو
ثلاثة حلفاويين قاعدين بسكروا وبحششو تحت حيطة الجامع في القرية ... بعد الصلاة انتهت الإمام جا ماري بي جمبهم وقال أعوذ بالله ... واحد منهم اتلفت قال ليه .. أعوذ بالله ورحمة الله وبركاته
أمير
| |
|
|
|
|
|
|
|
|
|
Re: كيس نايلو ... والراجل شايلو (Re: Ammir Mohamed)
|
Quote: ثلاثة حلفاويين قاعدين بسكروا وبحششو تحت حيطة الجامع في القرية ... بعد الصلاة انتهت الإمام جا ماري بي جمبهم وقال أعوذ بالله ... واحد منهم اتلفت قال ليه .. أعوذ بالله ورحمة الله وبركاته
|
نقابةالكيس والمتكيسين
الحلفاويين عندك
ابهجت يومي ايها النقيب
| |
|
|
|
|
|
|
|
|
|
Re: كيس نايلو ... والراجل شايلو (Re: عبدالله داش)
|
| Quote: عليك الله واصل أنت |
طيب يا عبدالله اواصل انا
طبعا دي على وزن مسكين انا 
المهم المسالة بعدكة بتدخل في رحلة الاكياس مع المتزوجين ودي يا عبدالله تبكي بس وتقش الدمعة بالدس
ونحن مهشر المتزوجين نبكي عدييل ونقول
حليل زمن الصبا الماضي
وحليل كيس الهوا الفاضي
لكن عشان خاطرك وانت رجل تعاني الاغلبين العزوبية والمطارق الهوائية اليك هذه المعاناة الكيسية
انتقلت صناعة الدندرمة ( الايسكريم) من التعبئة في بسكويت الى التعبئة في اكياس
سالت مراهقة شيخ مستضاف على الهواء في برنامج فتاوى قالت ليه :
انا وود جيرانا بنمص الايسكريم سوا هل فيها شئ
اجابها
لوكلن الايسكريم من المشتقات النباتية مثل الكركديه
العرديب
او حتى ( القوتقليز) فلا تثريب عليك
اما اذا كان من مشتقات الحليب
فيصير اخوك بالرضاعة
انتهى كلام الحافر بن حفر
| |
|
|
|
|
|
|
|
|
|
Re: كيس نايلو ... والراجل شايلو (Re: د.محمد حسن)
|
د.محمد
| Quote: انا وود جيرانا بنمص الايسكريم سوا هل فيها شئ |
سؤال هذه الفتاة ذو عدة وجوه .. فلماذا لم تذكر هل من كيس واحد أم كيسين مختلفين ؟
ما علينا .. تعددتْ الأكياس و المص واحد.
Quote: اجابها
لوكان الايسكريم من المشتقات النباتية مثل الكركديه
العرديب
او حتى ( القوتقليز) فلا تثريب عليك |
Quote: اما اذا كان من مشتقات الحليب
فيصير اخوك بالرضاعة |
الظاهر الشيخ دة ماصي داندرمة كتير مع بنات و حسع داير يستثمر خوته بالرضاع.
| Quote: انتهى كلام الحافر بن حفر |
مش تقول إسمو من الأول
| |
|
|
|
|
|
|
|
|
|
Re: كيس نايلو ... والراجل شايلو (Re: ابو جهينة)
|
تعرف يا دكتور ايام الجامعه جبنا البتاع في كيس النايلو وكان مقصر كالعاده
واحد اخوناعض بالنواجذ علي البتاع الاخير
اها قام اخونا بتاع الهندسه داك البعزف الكمان إطقش الكبايه ويكشح البتاع الاخير ويقول لاحونا إإنكشح الشر
فكان رد اخونا سريع والله الشر إنت
ودابكدوك
| |
|
|
|
|
|
|
|
|
|
Re: كيس نايلو ... والراجل شايلو (Re: Nader Abu Kadouk)
|
اول مرة سافرنا لبغداد فى نهاية التمانينات
مجموعة من المسرحيين كنا
اول ملاحظة قالا زميلنا جمال عبد الرحمن
ـ ياسلام ياخ ولا كيس نايلون معلق فى شجرة مافى ولافى زول شايل ليهو كيس نايلو
اجمل كيس نايلو سمعت عنه
شقيقى محمد المعتصم كان عنده زميل دراسة
مشى الخليج بعد ما انتهى من دراسته فى الجامعة
قعد زمن طويل وما لقى شغل
قام فكر يشترى اكياس نايلو من صاحب دكان
لكن بتاع الدكان قال ليهو بدل ما تشترى كمية بسيطة امشى المصنع
واشترى كمية محترمة
قام الزول مشى المصنع
ناس المصنع ماقصرو معاهو ادوه كميات كبيرة بسعر ولا عليك بيهو
جا راجع السودان
باع الاكياس بقى مليونير لانه الوكت داك الكيس كان عزيز
فى التمانيات الكلام دا
هسى لو الزول فكر فى فكرة زى ما ببقى اى حاجة
لانه كيس النايلو بقى اى كلام
اقعد عافية وكل سنه وانت طيب وشايل كيسك وداخل البيت
كيس مليان حب وامل مايفضى ابدا
| |
|
|
|
|
|
|
|
|
|
Re: كيس نايلو ... والراجل شايلو (Re: سلمى الشيخ سلامة)
|
بسم الله الرحمن الرحيم
د. محمد حسن
سلام ورمضان كريم
إستفزني العنوان لمطالعة البوست ... ذكرني هذا البوست بعنوان كتاب لقصص الأطفال بعنوان رحلة كيس النايلون .. وكانت رحلته عبارة عن مغامرات مشوقة وممتعة يخوضها كيس النايلون في أثناء تجواله في القرية والصحراء والمدينة حيث يواجه كثيراً من المخاطر. لكنه في نهاية المطاف ينجح في تخطيها والتعرف إلى ولد سيساعده على أن يتحول من عنصر ضار بالبيئة إلى صديق لها.
ولكن دكتور محمد حسن رحلة كيسه داخل البيوت والجيوب .. بفهم أعمق من فهم إصحاح البيئة ..
شكراَ
وصال عالم
| |
|
|
|
|
|
|
|
|
|
Re: كيس نايلو ... والراجل شايلو (Re: وصال عالم)
|
سلام يادكتور
والله ما قصرت مع كيس النايلون الما قصر معانا والله
ثلاثة مواقف لكيس النايلون
يوم فى الحافلة واحد محترم جلابية وعمة سيف قعد على الكيس فى جيبو وإنفقع متخيل؟
فى الحلة كان عندنا غنماية كحت لامن ماتت قالوا إمكن ماكلة ليها كيس نايلون
كان عندنا واحد فى السعودية فارقا معاه . من النوع البقرا إسمو فى شقتو عشان يتأكد قبل ما يدور المفتاح . الصباح مرتو ناولتو كيس الزبالة جدع الشنطة فى الكوشة ومشى المكتب بالكيس
يا حليلو كيس النايلون خدمنا كتير
| |
|
|
|
|
|
|
| |
د.محمد حسن
اسعد الريفى
ابو جهينة
مشتاق
خالد المحرب
الفاتح الجنيد
هاشم أحمد خلف الله
عبدالغني كرم الله بشير
محمد المرتضى حامد
ادريس خليفة علم الهدي
Nader Abu Kadouk
سلمى الشيخ سلامة
وصال عالم
رأفت ميلاد
فيس بوك
تويتر
انستقرام
يوتيوب
بنتيريست