وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-04-2016, 10:29 PM الصفحة الرئيسية

مدخل أرشيف الربع الثالث للعام 2007م
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

كوميديا الهوية و تراجيديا الابعاد

07-24-2007, 05:12 AM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
كوميديا الهوية و تراجيديا الابعاد

    نحنا نعشق مضغ المسطلحات و الوران حول نقاط متخيلة كنار المجوس.. من ما طفحت كلمة هوية دي علي سطح الخطاب المتداول دورت رحاها لي يومي و يومك دا.. لدرجة انك تظن اننا لا نود الولوج للبها و كشف كنهها و وضع التدابير البتخلينا نحسم امرها او قول نحسم امرنا حولها و نشوف غيرها.. تسمع كلام زي : ياخي نحنا لسع ما حسمنا هويتنا عشان كدا البلد ما ممكن تتقدم،، طيب يا اخي كدي وريني هويات البلاد الامورها ظابطة و ناسها بياكلوا جاتو ماريا انطوانيت،، هي زات الشي دي شنيها و عاملة كيف لاني و الله عشت في كمين دولة منها البترتر لي ورا و البقدل لي قدام لكن ما سمعتهم بتصايحوا زي كماسرة المحطة الوسطي، الهوية الهوية الهوية،، و لا شفتها مرسومة و لا منحوتة و لا مزروعة و لا مطلوع و لا طالعة ليهم زي القدر المستعجل.. حقيقي في خلط مخل و مخجل في الشغلانة دي و للاسف المتسببين فيه و وحلانين فيه و موحلين البلد هم المتعلمين،، لانه يشهد الله ما سمعت حبوبتي و لا جدي و لا جيرانا جابوا الكلمة دي او ما يدل عليها في لسانهم ولا نص مرة.
    فهل يعقل مثلاَ زول زي د. عبدالله علي ابراهيم انه يعتقد جده العباس انجبه هو و خريطة السودان عشان يجي يقول انه لاهل السودان الحق في نسبة انفسهم لمن يريدون حتي و ان كذبوا في ذلك لان اليونانين برضو فكو دليبة كبيرة و زوروا نسبهم علشان يبقوا هيلينيين،، و خلي بالك السيد الدكتور فك دقشة الهيلينية دي كدلالة علي عمقة الفكري و سعة معارفه،، زمن الحركات دي ولي مع عصر المعلوماتية فاي زول بعرف الفرق بين القندول و الواو الضكر ممكن يرفح ايتها كلمة و يلسقا في محرك بحث او دائرة معارف الكترونية تطلع ليهو هيلين و معاها حصان طروادة زاتو.. زمان كانوا لاعبي اكروبات المعرفة و الثقافة يدشوك بوابل من الغرائبيات و الكلمات الزي عروس البحر نصها اجنبي و نصة بلسان نعرفة و دا زاتو يدوهو ليك مسحة لبنانية يخلوك مقهي تلاتة يوم،، الزمن دا زمن الابداع و الابتكار لانه المعلومة اصبحت مشاعة روكة للغاشي و الماشي.
    يا جماعة القضية الوطنية هي قضية حقوق سياسية، عدالة و تنمية و رفاه فيهو نتساوي، ما حكاية اننا نلبس البلد جلابية ولا سربادوق ولا لاوا و البني ادم المفروض يعمرها و ينعم بي خيرها ماشي ام فكو و مظلوم و مهمش و بايت القوي و محروح من الحد الادني من حاجياته الحياتية الملحة. السودان لا هو عربي و لا هو افريقي و لا مصطفي سعيد، انسان السودان هو الفيهو الكذا و الكذا و الكذا. كل كذا خليهو يكون في كذاته يمسك فيها قوي لكن كمان ما يكون لاوي ايدي غيرو و ممسكوا في مصيبته دي باي دعوة كانت..
    بغيظني جداَ لمان يتكرر في تلفزيون السودان اللهو رغم انه الانغاذ ناشلاهو لكن ياهو تلفزيون البلد، يغيظني و يفقع مرارتي هدوء البال بالقرر بيهو اي مذيع او ضيف حلقة خلوص عروبة السودان اي و الله عروبة قوحة كدا مرة واحدة .. دا يسموهوا شنو،، مرض، غرض، غباء، تبلد حس، عمي بصيرة، فقدان الحس الانساني لدرجة الغاء الغير،، يا صديقي فالتكن انت ذو الاصبع العدواني ولا كنعان بن عدنان مافي اي مشكلة لكن انت البلد؟. لا و الله ما انت الا فرد و ما المجموعة التي تنتمي لها الا خلية في جسد كبير، دي ما اظن بنختلف فيها، طيب الباقين ديل ضيوف في مضاربك العربية؟..
    شوفتوا الحكاية وعرة كيف؟.. و دا زقاق اصلاَ ما كان في داعي نحشر نفسن و بلدنا فيهو.. لانه تخلف و ما ليهو داعي و لا تجري من وراءه فايدة.. بالمناسبة كل التعقيدات دي هي تراكم لردود الفعل لو ما كان في فعل اخرج و بليد و غير مسؤول ما كانت حصلت.. عشية الاستقلال الاحزاب الجنوبية ثبتت خصوصية وضع الاقاليم الجنوبية و اتت بمطالب سياسية و ادارية تمثل في المطالبة بالفدرالية، الاحزاب الشمالية وعدتهم خير و بعد كسبوا تأييدهم للاستقلال من داخل البرلمان تنكروا لوعدهم بدعوي انه الفدرالية مدخل للانفصال!!! نجي الان بعد عقود نتسابق في تبنيها و التأكيد علي انها الحل السحري للمشكل السياسي السوداني.. الان حزمت العروبة مع الدين و قسمت القداسة بينهما بالتساوي و بكدا الدولة المدنية في السودان ح يستحدث ليها تعريف لنج يحدد علاقتها بالدين و العروبة و العصبيات المستحثة حالياَ من قبيلة و عشيرة و فخوذ و اوراك و كوراك زاتو ههههههههه. شر البلية.
    و سوف نتابع بقية البلية..
    ارقدوا علي الجمبة البتريحكم
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2007, 05:27 AM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    حكاية العروبة دي
    مرهقة و محرجة لكل الاطراف
    لعروبي السودان
    و افارقتهم
    و سوداناوييهم
    و القوميات الاخري صاحبة المواطنة الاصيلة

    نفصل لي قدام
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2007, 08:19 AM

ibrahim fadlalla
<aibrahim fadlalla
تاريخ التسجيل: 06-09-2007
مجموع المشاركات: 2578

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    Quote: كمين دولة منها البترتر لي ورا و البقدل لي قدام لكن ما سمعتهم بتصايحوا زي كماسرة المحطة الوسطي، الهوية الهوية الهوية،،


    بس يا أخوي يا نصار..كتلتها كتل..ما في أحسن من تعبيرك ده..لوصف العكة
    المدورة في المنبر ده وفي غيرو من ساحات أمهات المعارك..حول الهوية المهرية
    هري...
    كنت أتمني..من السادة أساطين التنظير ..أن يبدأو بالتعريفات العلمية ..للهوية
    ولمكوناتها..ولخصائصها..ولما يؤثر عليها..وهل الهوية ثابت أو متغير..أو ممكن
    تكون هي ثابتة ..ونحن المتغير...أو العكس...
    الله يكون في عوننا..ما أصعب العيش في إمبراطورية الجداد...العفنة براها ..تكتلك...
    خليك من مناقرة الديوك...
    ودي لك وتقديري...
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2007, 09:11 PM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    العزيز ابراهيم عبدالله

    تسعدني مداخلتك الاولي معي و الف مرحب بيك بيننا
    مرة سمعت المدرب امين زكي في لقاء اذاعي اتكلم فيه عن احادية النظرة بتاعتنا و تعلقنا برؤية واحدة. قال المدرب بكون بفكر في تحسين داء الفريق واضع في اعتباره كل الخطوط و الجمهور معلق في مناداة المدرب لغيير لعيبة النص (النص يا كوتش) كأنه النص دا ياهو الخط الوحيد في الفريق... اسع قضية الهوية اتخطتها الاحداث بحمل السلام و فرض بفوة البندقية.. الحلول الكانت مطلوبة سياسية و الان اصبح سياسية بعنف...
    تشكرات
    و نواصل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2007, 09:14 PM

Ishraga Mustafa
<aIshraga Mustafa
تاريخ التسجيل: 09-05-2002
مجموع المشاركات: 11882

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    Quote: ارقدوا علي الجمبة البتريحكم


    كيف البنية يانصار؟
    بعدين نجى لكوميديا الهوية وتراجيديا الارق... اقصد الابعاد
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-24-2007, 09:25 PM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    العزيزة ام واصل

    البنية في امان الله و غادرت هي و امها المستشفي اليوم
    بحمد الله
    و اس داحلين في مفاوضات شاقة مع الخطاب علشان نحدد هوية
    من بدري ههههههههه

    يسأل من الخير يا شقيقة
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-25-2007, 02:42 AM

عبدالغفار محمد سعيد
<aعبدالغفار محمد سعيد
تاريخ التسجيل: 04-17-2006
مجموع المشاركات: 9951

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    سلام نصار
    ومبروك الاموره، وحمدلله على سلامة المدام.

    هل تشمل هذه الكوميديا اطول حرب اهلية فى تاريخ العالم (بين الشمال و الجنوب)؟
    هل سؤال الهوية فى السودان سؤال عبثى لاضرورة له، ولايوجد مايبرره؟

    لى عوده لواستطعت




                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-25-2007, 11:03 AM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: عبدالغفار محمد سعيد)

    العزيز عبدالغفار محمد سعيد



    بورك لك و بك و فيك وسلمت من كل شر



    هي الحرب و البشتنة و المآسي نتاج لكوميدا العبسية دي
    و هي بالطبع تراجيديا مأساوية
    النقد هنا يا صديقي للعقلية الجامدة و الغير مبدعة و لا مواكبة
    طالا ما اتحدث عن سؤال الهوية عاوزك تقول لي نصه الحرفي شنو?
    و هل الامم هي وحدات سياسية ولا بتقوم علي شروط مكونات الهوية كحالة الافراد?

    انا اسع بكتب بطريقة عجيبة
    بتمهل في الموضوع لما القي مهلة الكتابة
    الف شكر و تحية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-26-2007, 10:21 PM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    مازلت لا اتوفر علي طريقة مريحة للكتاب
    لذا قد اطر لقول ما عند عبر التسجيل الصوتي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-27-2007, 01:40 AM

sultan
<asultan
تاريخ التسجيل: 02-04-2002
مجموع المشاركات: 1398

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    Quote: يا جماعة القضية الوطنية هي قضية حقوق سياسية، عدالة و تنمية و رفاه فيهو نتساوي، ما حكاية اننا نلبس البلد جلابية ولا سربادوق ولا لاوا و البني ادم المفروض يعمرها و ينعم بي خيرها ماشي ام فكو و مظلوم و مهمش و بايت القوي و محروح من الحد الادني من حاجياته الحياتية الملحة. السودان لا هو عربي و لا هو افريقي و لا مصطفي سعيد، انسان السودان هو الفيهو الكذا و الكذا و الكذا. كل كذا خليهو يكون في كذاته يمسك فيها قوي لكن كمان ما يكون لاوي ايدي غيرو و ممسكوا في مصيبته دي باي دعوة كانت..




    ألف شكر أخ نصار!!!



    = = = = = == =
    السودان لكل السودانيين
    المجد لشعب السودان ... المجد لأمة السودان
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-27-2007, 05:59 AM

malamih

تاريخ التسجيل: 01-28-2003
مجموع المشاركات: 2781

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: sultan)



    العزيز الغالي نصار..

    يبدو أن الكيل قد طفح بك وأنت ترى الأوطان تتوزع بين الهام و الهام.!
    وأنى أعرفك أحد المنادين بالهوية القومية للسودان حيث كانت مثل تلك الأفكار العنصرية تجابه بالقضاء العادل الصلب.. والقضاء العادل لا يأتى إلا من صلب حكومات قوية و عادلة.. لا مثل ما يحدث الآن في السودان..
    التهنئة لك بقدوم المولودة و أعلمك بأن هويتها سودانية سودانية وكذب
    من قال غير ذلك..

                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-27-2007, 11:01 AM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: malamih)

    العزيز ملامح

    نعم بلغت الروح الحلقوم
    بارك الله فيك وجايك راجع
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-27-2007, 10:59 AM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: sultan)

    العزيز سلطان

    و كذا الشكر لك و للحديث بقية
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-28-2007, 06:13 AM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    الناس المؤمنة بعروبة السودان طبعاَ هم بقلصوا البلد في انفسهم دي حقارة و تبلد حس و الغاء لاخوته في المواطنة الهم اصلاَ ما عرب و لا مدعين الانتساب للعروبة،، الحكمة شنو من تقل الدمة دا الحشرنا في زقاق ضيق حدثت فيه ماسي انسانية توجع القلوب الحية و ختت البلد كلها في كف عفريت،، كدي النخت الرحمن في قلبنا عشان نعرف انه في فرق بين شخوصنا و الواقع العام البتشكل من تباين عريض مكوناته مها اختلفت مفروض هي التكون اقرب لبعضها البعض بدل الغربة النفسية الناتجة عن تشتت الذات عبر الحدود.
    الحيلة الماكرة البترحل قدسية الدين للانتماء العرقي او الثقافي ما بتمر علي طفل يا جماعة فالنحترم عقولنا و عقول الاخرين.. و بالمناسبة دي البلد دي عاوزين تنسبوها للعروبة كثقافة او عرق و لا شيتاَ تاني خافي علينا.. قبل ايام عرض تلفزيون جمهورية الكيزان محفل عملته جامعة القران الكريم كما اظن احد عناوينه حاة زي: ضرورة اللغة لحماية الامة،، كدا اللغة معرفة بالالف واللام و كذا الامة دون تخصيص ايٍ منهن بالاسم لانه هم الوحديدتين في القارة السودانية و الامه هنا تدل علي تماهي مكون الامة الموجود في السودان بالكل العربي تصوروا!!.. يا جماعة يفتح الله يستر الله معاكم مساكنيين متعاقدين معاكم بدستور و قوانين علي انهم بكونوا معاكم ام توصف بانها سودانية وديل بتهمهم تولا السودانية و هم بحرقوا و بقرغوا و ما قاعدين يلقوا ولاد عمكم الفي بلاد برا ديل في ساعة الضيق و هم اصلاَ ما شافوا انفراج بسببكم.. عشان كدا خلونا نواجه الحقيقة بانه السودان دا لا ثقافة ولا عرق ولا ويكة ما بتلايقو مع العروبة ولا حتي مثلث عبدالرحيم حمدي زاتوا ام رقيقة عروبة ما بسويها..
    طيب التحافت لزومو شنو؟.. ياخي انتوا الدين زاتو مرمطوهوا فما تجوا تقولوا انه الشغلانة دي لانه العربية هي لغة القران فزي ما قال جدكم ابو سفيان لجدكم حمزة حين مر علي قبره (اتذكر الامر الذي تجالدنا حوله بالسيوف؟ انه الملك العضوض و قد ال لعيال بني امية و لا ادري ما جنة و ما نار).. اهو انتوا كمان تورتوا نفس البلد بصيحات الجهاد و بعد افنيتوا زهرات شباب الوطن من الجنوب و الشمال و ارتكاب افظع جرائم الحرب في حق الابرياء تقتيلاَ و تشريداَ،، و طورتم معني الجهاد حتي اصبح يمارس في بيوت الاشباح تعذيباَ و وسخ نعف عن الخوض في تفاصيله مازال بعض ضحاياه احياء وثقوه و ينتظرون ساعة العدالة.. بعد دا كله بلعتوا قدسية الجهاد و ملتم لتوطيد ملككم العضوض بمصالحة من يحق فيه الجهاد حسب هرقتكم و نقلتم شركم هذه المرة لصدور مسلمين بدافع الحمية الثانية المتمثلة في العروبة و انتوا زي ما قال فيكم اخوكم الزعلان د. عبد القادر فات فيكم الفوات... عنكم مقدرة عجيبة في تشويه كل ما تتدعون الدفاع عن، زي حكاية دفاعكم عن استقلالية و سيادة السودان كدي اقيفوا قدام المراية و قولوا للخلقة البتظهر قدامكم دي انك حماة الدين و العروبة و سيادة السودان، المواطن دا خلوا عشان المرايا ما يغلب تستحمل تقوم تدش ليك في وجوهكم، قولوا الكلام دا و في لحظة بارقة كدا ح يظر علي خلجاتكم تعبير حقيقي الحقوهوا قبل تشتغل تبريريتكم البتزين ليكم اوهامكم ح تلقوا تعبير عجيب يمكن ما تعرفوا معاهو نفسكم.
    اختم بانه الكيزان ما هم اصحاب الوهم الجريمة دا براهم بس هم اتفننوا فيه و فاتوا الكبار و القدرم...
    نواصل
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-28-2007, 02:26 PM

زوربا
<aزوربا
تاريخ التسجيل: 06-08-2003
مجموع المشاركات: 733

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    العزيز نصار
    والشوق الجاري عليك
    اما بعد
    اعتقد أن اشكال الهوية المثار حاليا هو جزء من ازمنة مجتم باكملة
    في البداية لا اعتقد اننا يجب أن نحدد ملامح هوية ملزمة للجميه إلا علي المستوي الساسي
    اعني ان الهوية السياسية هو ضمان جيد واكيد للمواطنة المستقرة علي مستوي الحقوق والواجبات أما الحديث عن هوية أجتماعية أو ثقافية فهو ما لا افهمة
    كيف هي ملامح هذه الهوية الثقافية المقترحة ؟؟
    هل ستكون امتداد لسطوة المركز علي حساب الهوامش
    اظنها في النهاية هي اغلاق لتعاطينا الثقافي دون نصوص اخري سنتهمها قطعا بأنها خارج أطار الهوية
    اعني هل انحيازي لماركيز هو خيانة لهويتي الثقافية السودانية كون ماركيز ليس سودانيا
    وهل انحيازي لاغاني وايقاعات غرب السودان خيانة لهويتي الجينية الاتية من الشمال
    هل عشقي لفيروز جريمة يقتضي التكفير عنها ان اسمع لي ندي القلعة وهاجر كباشي
    صديقي نصار
    الحديث عن اي هوية ثقافية هو ليس اكثر من مماطلة سلطوية للبعد عن الحديث عن الهوية السياسية وحقوق المواطنة التى يجب ان يتحدث عنها الناس
    رؤيا ربما تحتمل غير الصواب لكنها تظل مفتوحة للقراءة
    والريد نيلين
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-28-2007, 10:15 PM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: زوربا)

    العزيز زوربا

    و الشوق يقالد الشوق

    نحنا كأجيال سودانية معاصرة لقينا معضلات حلتها المجتمعات الاخري (او كثر منها) منذ خروجها من العصور الوسطي. حالة التأجيل و المماحكة و العلاجات الجزئية قصيرة النظر فاقمت الاوضاع و ولتها المحن ولوت صغارها. فتفرعت المشاكل و تعددت وتباينت حتي اصبح من الصعوبة بمكان معرفة الاصل و الفرع. ضيعت فرص كثيرة لوضع حلول جذرية لمجمل المشاكل الوطنية و مع كل فرصة ضائعة تحتد المسالب و تتجيش النفوس بمشاعر سلبية فتكون الحاجة ماسة لمخاطبة المشكل الحاد الناشئ حتي يكاد نسيان الاصل فتجوط الحكاية فوق تحت و تراق الدماء و تذرف الدموع تضيع الامال و تقتل الطموحات في حياة كريمة.
    الضرورة شنو لتحديد هوية ثقافية يا صديقي؟.. اما حديثك عن الهوية السياسية فهي تخرج عن مبحثنا هذا فالحديث هنا عن الهوية التي هي خواص الانسان و المتمثلة في ارتباطات عاطفية بخواص تلامس كافة جوانب وجدانه و الدولة طبعاَ كيان مؤسسي ما عنده عاطفة حاجاته كلها بتتحدد بمقاسم يرضي عواطف و طموحات انسانه بتفريعاته و خواصه البتنازل عن بعض تفاصيلها للاندماج في جسد كبير مع الاحتفاظ لنفسه بمكننه في المحيط الخاص بيهو محتكم بالتعاقد البجمعه بالمجموعات الاخري للدوله. اظن ان دعوة السيد الصادق المهدي لعقد اجتماعي كانت محاوله لمعالجة ما تخطاه الواقع باستلاف علاجات تاريخية لكنه ذهب بعيد و كأنه اراد لنا أن نعود الي عهد الانسان الاول الذي اطر للتخلي عن حرياته الطبيعية غير المحدودة في سبيل انشاء مجتمع يجد فيه الاستقرار و التعاون و الالفة بدل الحق المطلق في القتل و الاستيلاء علي حق الغير و انتزاع نشاء الاخر و .... و دي كمان ردة كبيرة جداَ لا تتناسب مع المكاسب النظرية المتراكمة من التجارب الانسانية...
    كلمة هوية سياسية ما دقيقة ابداَ و بعتقد انها مستلفة من الثقافي و الادبي و ممكن اقبلها اذا كانت تحل محل التوجه السياسي مثلاَ و حتي دي في تضييق ما كويس لانه في الدول الحديثه في توليف للفكر و التوجهات السياسية و بنلاحظ بعد انهيار المعسكر الاشتراكي زالت الحساسية الغربية تجاه كل ما هو اشتراكي لدرجة انه في حقبة التسعينات حدث ان ادير معظم دول الرأسمالية باحزاب اشتراكية بعضها ذو اصول شيوعية و هذا ليس فقط في دول اوروبا الشرقية فقط بل حتي في غرب اوربا و تكون محور بقيادة كلنتون و بلير و شرودا داعي لابتداع طريق ثالث ما بين الرأسمالية و الاشتراكية. كذلك الصين رأس رمح ما تبقي من شيوعية عقدية لم تحقق طفرتها الاقتصادية المهولة دي الا بعد مزاوجتها للسياسة الملتزمة بالخط الشيوعي مع الاقتصاد الحر.. و الهند لولا اتباعها للاقتصاد المختلط لاقعدتها ظروف اهلها الاقتصادية و اذهبت ريحها..
    ما كنت عاوز اطيل لكن الله غالب
    و نواصل
    صديقي زوربا
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

08-15-2007, 05:55 PM

زوربا
<aزوربا
تاريخ التسجيل: 06-08-2003
مجموع المشاركات: 733

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    العزيز نصار
    والشوق الجاري عليك
    جيد أننا انفقنا انه لا ضرورة علي الاطلاق لتحديد الهوية الثقافية وليس هناك ما يقلق في التعاطي مع
    أكثر من ثقافة دون ان يعد ذالك تجاوزا من اي نوع .
    أما الحديث عن الهوية السياسية فعذرا صديقي لم اكن اعني الهوية السياسية للدولة أنما كنت اتحدث عن الهوية السياسية للفرد تلك التي تحدد حقوق وواجبات المواطنة . اما الهوية السياسية للدولة فأتفق تماما مع كل ما قلته انت
    والريد نيلين
    همسة / كن آمـــــــن
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

07-29-2007, 08:44 PM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    فوق حتي لا تضيع هويته
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

09-19-2007, 01:27 PM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: كوميديا الهوية و تراجيديا الابعاد (Re: نصار)

    بكري بالله خلي الشي دا لمان ربنا ييسر لنا نتحصل علي كيبورد عربي
                   <=====للزوار: للتعليق على هذا الخبر او المقال اضغط رد |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de