|
دعوة لاحتفال معنا يوم 22 يونيو 2006
|
الاخوات و الاخوة اعضاء سودانيزاونلاين دوت كم الكرام تقيم سودانيزاونلاين دوت كم و بورداب الخرطوم احتفالية لاعضائها داخل السوان و اعضائها من خارج السودان الذين يزورون الخرطوم فى شهر يونيو و بمناسبة دخول الموقع لقائمة 3 الف فى الترتيب العالمى وكذلك بمناسبة ضم الموقع الى اكبر مكتبة عالمية سوف يشهد الليلة لفيف من الاعلاميين ,السياسيين و رجال المجتمع . سوف يكون الاحتفال يوم 22 يونيو 2006 لمزيد من التفاصيل يمكنكم الاتصال عبر الماسنجر الداخلى لسودانيزاونلاين دوت كم باعضاء اللجنة المنظمة المهندس عثمان احمد الاستاذ ناذر الخليفة الاستاذة هالة عبد الحليم الاستاذ حسين ملاسى الاستاذة عبير خيرى الفنان طارق الامين الاستاذ طلال عفيفى المهندس ناجى الملك الفنان عصام عبد الحفيظ بكرى ابوبكر او عبر البريد بى [email protected] وشكرا
|
|
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
الباشمهندس / بكري تحيات وفيرة
عزيزي مليون مبروك ونتمنى مزيداً من التقدم والرقي وإلى الأمام دوماً. قلوبنا معكم وانتم تحتفلون بتلك الروائع من الانجازات .. وان كان المنى ان نكون بين ظهرانيكم .. لكن ما نيل المطالب بالتمني .. عزاؤنا الرجال الأوفياء ..سيضيفون القاً وبهجة لهذا الوطن الصغير سوانيزاونلاين من داخل الوطن الكبير وهنيئاً لبورداب الخرطوم بهذه الحفاوة وامنيات بقضاء اوقات طيبة للبورداب العائدين للديار في تلك الفترة ..
ودمتم
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
الأخ العزيز بكري :
الف مبروك علينا وعليك ، وكل التقدير لمجهوداتك العظيمة في انشاء ورعاية هذا الموقع حتى يصل ما وصل اليه ، ويا رب يجعل الموقع في العشرة الاوائل قريب انشاء الله ، شكلو شهر ستة ده فيهو كل الحاجات الحلوة في الخرطوم ، مهرجان عقد الجلاد الثاني ، احتفالية منزلنا الثاني سودانيز اون لاين ، وعيد ميلادي
يا بختنا
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: toona)
|
الف مبروك علينا وعليك ، وكل التقدير لمجهوداتك العظيمة في انشاء ورعاية هذا الموقع حتى يصل ما وصل اليه ، ويا رب يجعل الموقع في العشرة الاوائل قريب انشاء الله ، شكلو شهر ستة ده فيهو كل الحاجات الحلوة في الخرطوم ، مهرجان عقد الجلاد الثاني ، احتفالية منزلنا الثاني سودانيز اون لاين ، لكن للأسف ما نحلق لظروف الإجازة السنوية والتي تبدأ من 28-6- ومبروك علينا جميعاً أخي بكري .
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: محمد الأمين موسى)
|
الاخ بكري ابوبكر
الف مبروك وان شاء الله يوم ناجح.
الحمد لله انه لجنتك المنظمه قد خلت من التهميش للنساء ولكنها....
لم تخلوا من التهميش السياسي....
وين الاقباط؟؟؟؟؟
وين الدارفورين؟؟؟؟؟
وين النوبه؟؟؟؟؟
وين ناس الشرق؟؟؟؟؟
وين الجنوبين؟؟؟؟
هل كل كتاب سوادانيزاون لاين دوت كم من هؤلاء في الخارج؟؟؟؟؟؟
ام من هم في الداخل لن تكون لهم اضافاتهم التي تذكر؟؟؟؟؟
يا بكري دي دقسة معلم,لكن عارفنك ما قاصد,وعشان بنحب لك الخير بنذكرك.
والمؤمن اخو المؤمن (ان نسى ذكره وان ذكر اعانه).
لك الود.
تراجي.
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: Hussein Mallasi)
|
والله دي ما مهمتي يا ملاسي
مهمتك انت العامل فيها عمدة ناس بورداب الخرطوم وتمارس التهميش بمزاج.
فتش انت وما بتغلب حيله.
وظاهر رغبتك في الزوغان
طوالي اغصيت الدارفورين عشان عارفهم موجودين
Quote: كدي اقترحي لينا ممثل للاقباط و النوبة و الجنوبيين |
واتفسحته لانك فاكر الجنوبين بس (دينق ) الفي امريكا
فات عليك انه شارلس دينق رجع للسودان
لانه اكيد ما رحبته بيه مالهو مهمش.
وفات عليك تعرف منو من اولاد النوبه بيكتب من الداخل
لانك اكيد ما بتدعيهم لحفلاتك ورحلاتك.
والاقباط مفتكرهم كلهم بره مشممكن يكون في واحد منهم في اجازه.
انا بفتكر الديمقراطيه كانت تكون بكتابةبوست عن الاحتفال
وطلب من عضوية الخرطوم ان يتقدم من له زمن ورغبه في المشاركه
بتسجيل اسمه وبعيدن لو طلعوا كثار يمكن ان يرشحوا لجنه مختصره بارادتهم
لتفعيل الاحتفال.
الكلام ما عشان مجاني
بس عشان نزرنا نفسنا الا نسمح بتهميش يتم امام اعيننا لاي كائن.
لكن انت ضيق الافق تفوت منه وين؟؟؟؟
تراجي.
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
تـراجي
دي لجنة تنظيم مناسبة محددة مش لجنة تقسيم سلطة . لو في إسم في ذهنك أطرحي للجنة وأكيد حيرحبوا به/ها.
في النهاية صدقيني العمل كلو بتركز في شخصين، ثلاثـة، زي ما بحصل دايماً في اللجان.
نتمنى للشباب التوفيق في إخراج حاجة جميلة.
تحياتي
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: إسماعيل التاج)
|
اسماعيل اخوي
سلام
Quote: دي لجنة تنظيم مناسبة محددة مش لجنة تقسيم سلطة |
ما كلها بدأت كده وانتهت للجان تقسيم سلطه.
انا ما دكتاتوريه افرض اشيائي على الجميع
كتبت من باب الذكرى تنفع المؤمنين
لكن باين في ناس ما بتقبل يقولوا ليها ثلث الثلاثه كم!!
غايتو كلامي ده بقولوا حتى لعمدة مدينتا الكندي في اي لجنة احتفال
والحمد لله مافي اي تجاوز,لو جايهم لجنه اولمبيه بيحرصوا
انه لجنة المدينه يبين فيها سيخي ومسلم ويهودي ومسيحي
اسود وابيض وملون ,ومعليش باين اتعلمنا على حاجات لسه غايبه على السودان.
تقديري واحترامي.
تراجي.
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: Mohammed Haroun)
|
الأخ الفاضل أبو يوسف بكرى أبوبكر
المباركات والتحايا والأمنيات
حقا سودانيزاونلاين موقع رائد ومتفرد ويضم كثيرا من أعلام بلادى المرفرفة فى سماوات الأبداع بكل صنوفه..
وهذا العمل الكبير أنت من صنعة بصبرك ومصابرتك وجهدك وأجتهادك .. والنجاح نتيجة حتمية لهذا التفرد والتميز..
نهنيك ونهنئ انفسنا بهذا النجاح والذى نتمنى أن يتقدم سودانيزأونلاين مصاف المواقع العالمية..
ليتنى كنت بالسودان لشاركت بكل ما لدى من ملكات لأسهم فى اليوم الناجح بأذن الله وإجتهاد اللجنة المنظمة ..
ونسأل الله أن يوفقنا يوما ونلتقى جميعا بالسودان الحبيب ونحتفى ونحتفل بالسودان الكبير..
مودتى كاملة
عبدالعزيز خطاب
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: عزيز)
|
Quote: دي لجنة تنظيم مناسبة محددة مش لجنة تقسيم سلطة |
لا أظنها تُفرِّق بين تقسيم السُلطة و تقسيم السَلطة!
____ يللا يا تراجي؛ اقترحي - بسرعة – ممثل الاقباط و النوبة و الجنوبيين عشان نضمهم للجنة!!
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
!!!!!!!!!!!!!!!
Quote: الاخ بكري ابوبكر
الف مبروك وان شاء الله يوم ناجح.
الحمد لله انه لجنتك المنظمه قد خلت من التهميش للنساء ولكنها....
لم تخلوا من التهميش السياسي....
وين الاقباط؟؟؟؟؟
وين الدارفورين؟؟؟؟؟
وين النوبه؟؟؟؟؟
وين ناس الشرق؟؟؟؟؟
وين الجنوبين؟؟؟؟
هل كل كتاب سوادانيزاون لاين دوت كم من هؤلاء في الخارج؟؟؟؟؟؟
ام من هم في الداخل لن تكون لهم اضافاتهم التي تذكر؟؟؟؟؟
يا بكري دي دقسة معلم,لكن عارفنك ما قاصد,وعشان بنحب لك الخير بنذكرك.
والمؤمن اخو المؤمن (ان نسى ذكره وان ذكر اعانه).
لك الود.
تراجي. |
بالمناسبة يا تراجي !!
عندنا لجنة منبثقة عن اللجنة الرئيسية اللي هي منبثقة عن لجنة الاعلام الفرعية اللي هي زاتا منبثقة عن لجنة تطوير المنبر وهي زاتا منبثقة عن لجنة القوانين المقيدة للحريات في المنبر، بس ما لقينا لينا زول يمسكا أها أنا شايف انتي عندك (خبرة تراكمية) وأرشحك ليهارايك شنو !!
صنفرة :
اسمها لجنة جمع التبرعات للأحتفال !!
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
الاخ الـفـاضــل بـكـري،
ســـدد اللــــة خــطـاك،ووفـقـك لـمـا الـخـيـر والـســؤدد...
واتـمـنـي للـجـنـة الـمـنظمـة،كـل التـوفـيـق والـنـجـاحـات.
واتـمـنـي ايـضـآ فـي نفـس يـوم الاحـتـفـال...( اثـنـيين وعـشـريـن
يـــــونــيـو...الـسـاعـة تـسـعة مسـاء)..وفـريـق الـبـرازيــــل
يـغـلـب الـيـابــان!!!!.
| |
|
|
|
|
|
|
Re: دعوة congratulations and well done (Re: Hussein Mallasi)
|
الحبيب سيد الحوش الكبير والقلب الأكبر (حباً واحتراماً وتقديراً) نتمنى لحفلكم التوفيق والنجاح وابراز وجهة السودان الحقيقي في مجال التكلنوجيا والتواصل السيايبري أعضاء لم يتعارفوا أو يتقابلوا إلا من خلال بوستات فقط وها هي الفرصة لكم يابورداب الداخل وبورداب الخارج العائدون للوطن الحبيب للتلاقي وبدء صفحة جديدة مشرقة ملئ بالحب والأمل والتفاول لغد أفضل
تخريمة ملاسي ياحبيب كيف تم ترشيحك لهذا المنصب وانت من يحمل في جيناته بعضاً من العنصرية والكوزنة المبطنة (بنهظر والله ياحبيب وبعد شوية يجي واحد يقتبسها ويلصقها في بوست آخر يقول ليك ياهو ديل ناس العنصرية والعنصر العربي والجلابة) أرجو أن تترفع عن ما يدور ويريد أن يجر البوست لمنحى آخر غير هدفه وهو الاحتفال بسودانيز اون لاين في الداخل والخارج وهمشهم بصريح العبارة كما يريدون لأنفسهم ذلك .
| |
|
|
|
|
|
|
Re: دعوة congratulations and well done (Re: Hussein Mallasi)
|
الف الف مليوووووووون مبروك وعقبال الموقع يكون من العشره الاوائل
وبهذه المناسبه اهنئ الباشمهندس بكرى سيد الحوش واهنئ كل عضوية البورد بهذا التميز واخص الرعيل الاول من البورداب والذين ساهموا فى وصول الموقع الى هذا المكان المتميز ...
ومبرررررروك
| |
|
|
|
|
|
|
Re: دعوة congratulations and well done (Re: shazaly gafar)
|
بوجود الأستاذة هالة عبد الحليم التي لا يمكن لأحد أن يزايد على تقدميتها؛ و بوجودي انا الذي لا يمكن لاحد ان يزايد على رجعيتي؛ و بوجود الاخوة و الأخوات: الملك؛ المهندس؛ عبير؛ ناذر؛ عصام؛ طلال؛ طارق و بكري؛ استطيع أن أؤكد ان اختيار اللجنة قد صادف أهله. _____ اكلشيه مستهلك!!
| |
|
|
|
|
|
|
Re: دعوة congratulations and well done (Re: Hussein Mallasi)
|
يا ملاسي
قلت لي :
Quote: غلبك تسمي قبطي واحد ... الخ!! |
انا ناس المنبر عارفاهم
بس منو مقيم وين دي ماعارفاها
عمك ارنست في جنب هباني تكساس ولا دلاس ماعارفاه.
شاشاتي قالوا في اليونان بس ممكن يكون في زياره للسودان
وليم اندريه لا اعلم اين يقيم.
يبقى انا ناقشه الجماعه كويس
الا انت تأكد بس منو في الخرطوم وبطلوا حركات.
حسه شارلس دينق مالك ما عرفته وين
ما تراسله بالماسنجر؟؟
والله جاده يا حسين.
تراجي.
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
الأستاذ حسين ملاسي رئيس اللجنة المنظمة : اقترح عليك من الأقباط ان تضم للجنة العم جورج مشرقي رحمه الله .. وإن تعذر ذلك فدونك المسالمة محلات العم حنّا لإسبيرات المواتر او النادي القبطي امدرمان .. وبالعدم فعليك ان تنتظر حتى يوم الأحد القادم لتصطاد احدى غزلان المسالمة وهي تصلي في الكنيسة ... تخريمة : بالمناسبة بورد بكري فيهو اكثر من 80% من الاعضاء اقباط .. فالقبطة فكرة
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: Hussein Mallasi)
|
جوه الجك
يا ملاسي ياخ عليك الله وانت جاي اغشى معاك المسالمة جيب معاك نقادي نقادين ما خلاص موضوع دارفور وانتهي بعد ده الموضوع حا يكون جندره وعنصره
وده حالتك تداركت خطاء بكري وحليتنا من موضوع الجندرة
عموما بالتوفيق ومبروك للاون عينا بارده ومعاكم باذن الله
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
تهانينا يا ريس .. دا انجاز عظيم لسودانيز أون لاين .. تستحق عليه الاشادة .. ونتمنى نجاح هذا اليوم المشهود باذن الله .. تحياتنا للقائمين على أمر هذا الحفل وهم جديرون بذلك ..
تخريمة .. اي واحد يجي يقول ليك أجلوهو لي يوم كذا او شهر كذا .. انتو ما كان تعملوهو قبل شهرين كده ما كنا هناك ..
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
مبروك يا بكرى.. الحوش كبر وبقى وطن للجميع.. ما تنسى ترفع لينا البوست بتاع اللجنة القومية للمفصولين فـــــــــــــــــوق وعلى طـــــــــــــول... عشان المفصولين كمان يشعروا انهم داخل حوش أمن لم يتوفر لهم فى السودان الام.. يعنى انا ممكن يمثلنى اى مفصول او مفصولة بدون تردد فى احتفالكم.. مبروك مرة اخرى.. وسؤال خفيف: ليه عاملين الاحتفال قبل اسبوع من احتفال (ناس الانقاذ)؟؟ عاوزين تبوظوا عليهم حفلتهم واللا شنو يا بكرى؟؟ اوع يجوك يفرتقوا ليك الحفلة....
نورالدين منان
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: mamkouna)
|
تحية للاخ بكري و نتمني ان ينجح هذا اليوم كما هو ناجح هذا البورد و هذا الموقع....
الاخوان ملاسي ناذر الملك هالة طلال و باقي اعضاء اللجنة نحن at hand و نقبل كل المهمات لانجاح ذاك اليوم و التلفون معاكم يلا يا شباب نعمل حاجة كويسة
ودي
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: ناجي عز الدين الصديق)
|
الاخ بكري ابوبكر..والاخوة اعضاء لجنةالاحتفال نناشدكم مناشدة قوية وشديدة بتاجيل الاحتفال بداية شهر سبعة حيث ان معظم الخليجاب وبورداب الدوحة بالخصوص تبداء اجازتهم السنوية في الاسبوع الاخير من شهر يونيو..لذا نرجو ان يتم تاجيل احتفالكم واللهو احتفالنا..حتي نستطيع المساهمة والمشاركة معكم والتعرف اليكم وشكرا
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
Quote: الاخوات و الاخوة اعضاء سودانيزاونلاين دوت كم الكرام تقيم سودانيزاونلاين دوت كم و بورداب الخرطوم احتفالية لاعضائها داخل السوان و اعضائها من خارج السودان الذين يزورون الخرطوم فى شهر يونيو و بمناسبة دخول الموقع لقائمة 3 الف فى الترتيب العالمى وكذلك بمناسبة ضم الموقع الى اكبر مكتبة عالمية سوف يشهد الليلة لفيف من الاعلاميين ,السياسيين و رجال المجتمع . سوف يكون الاحتفال يوم 22 يونيو 2006 لمزيد من التفاصيل يمكنكم الاتصال عبر الماسنجر الداخلى لسودانيزاونلاين دوت كم باعضاء اللجنة المنظمة المهندس عثمان احمد الاستاذ ناذر الخليفة الاستاذة هالة عبد الحليم الاستاذ حسين ملاسى الاستاذة عبير خيرى الفنان طارق الامين الاستاذ طلال عفيفى المهندس ناجى الملك الفنان عصام عبد الحفيظ بكرى ابوبكر |
مذيداً من النجاح
... ... ولى قدام !!!
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: حسام يوسف)
|
مبروك بكري وكل الرواد في سودانيز اون لاين... نرجو من اللجنة المنظمة ان تحدد زمن ومكان الاحتفال في اليوم المحدد نفسه بوقت كافي حتي يتثني لكل الموجودين الاستعداد لها بشكل جيد.. عقبال ما يكون الموقع في الثلاثة الاوائل
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
الأخ بكري أبوبكر ..
التهنئة المسبقة على على ترقي الموقع .. وقيام هذه الفعالية ..
مع خالص التمنيات بمزيد من التقدم ..
=====
هل ينجح سعي السيدة تراجي في تحويل مسار هذا البوست الجميل إلى غير وجهته الأصلية ؟؟
كلما أنبت الزمان قناة *** ركب الإنسان في القناة سنانا
جاد
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: ناذر محمد الخليفة)
|
سلامات يا الأمير دا كلام تمام؛ و عشان نكون عمليين مطلوب منك تساعدنا في الآتي: 1. عدد مائة كرت دعوة بالصيغة التي تفهم من هذا البوست بعد تحديد المكان ليتم توزيعها على السادة المدعوين من غير الأعضاء مثل كتاب الأعمدة؛ بعض ناس الحكومة؛ ممثلي الأحزاب المعارضة؛ بعض الشخصيات العامة .. الخ. 2. لافتة من القماش عليها شعار سودانيز اون لاين و تاريخ المهرجان و شعار للمهرجان. 3. نحو 500 بطاقة لتعلق على صدور الأعضاء ( تكتب الأسماء لاحقاً ) عليها شعار سودانيز اون لاين ليعرف بها العضو اسم زميلته العضوة دون الحاجة لسؤالها! ____ و إرسال الحاجات دي قبل وقت كافي من يوم المهرجان.
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: Hussein Mallasi)
|
الاخ ملاسى وباقى الاصفياء لكم التجلة
ملاسى كدة بكون انا العريس وانت ابوالنسب
المهم ياسيدى لك وللاخوة كل ماطلبت وهى مقدمة من شركة اوكسينت قطر للدعاية والاعلان
والترجمة الفورية كما ان الاخ الزميل عماد عبدالله ابدا كامل الاستعداد لعمل التصاميم
كما سوف ترسل لكم الشركة جانب من الهدايا التذكرية ولكم الخيار فى كيفية توزيعها
فى شكل مسابقات اوغيره وكل الاعوام وانتم بخيرين وزياده
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بدر الدين الأمير)
|
سلامات يا الأمير لو لم اكن – نكن - على يقين من استجابتك لما كتبت هذه الطلبات بهذه المباشرة. و لو لم يعجبني – جداً - تصميم شعار المؤتمر العام لحق لما ضمنت تصميم الشعار من ضمن الطلبات. و نحن بدورنا سنجتهد في تحديد المكان و الزمان – الساعة - باسرع ما يمكن.
_____ تقديرنا غير المحدود للأخ الأمير و الأخ عماد.
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: Tragie Mustafa)
|
Quote: صنفره:
بالله كده وشوشني يا ناذر عازفنك من الهامش ولا برضه حناكيش؟؟؟؟
تراجي. |
اتضح ان تراجي بعد اهل البحر لديها مشاكل مع الحناكيش
يعني سودان تراجي الجديد لا مكان فيه لكل اهل البحر والحناكيش سودان خشن جدا
الغريبة زي كاني في حته كده قريت انها بتتكلم عن مماسات حناكيش تفعلها وهي بتعاير زول تاني بي انو خشن
؟؟؟؟؟؟؟؟؟؟؟؟؟؟؟؟؟؟؟؟؟؟
ومزيدا من التقدم لسودانيز اون لاين بحناكيشها والاخرين
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
Quote: و اقتراحات عن أسماء من يجب تكريمهم في هذا المهرجان بجانب السيدتين:
1. سعاد إبراهيم احمد. 2. هالة عبد الحليم |
. النميري و بثينة, و البشير و ( جوز ما يخسر ) و صلاح قوش و سيدة السودان الأولي القادمة + محمد حامد جمعة و الفرقة العقلانية.. أقترح الساحة الخضراء, و يكتب في الشعار: " شركاء لا أجراء..إحتفاء بالمصالحة الأتموسفيرية و المنجز الحلاقيمي " وبالله ما تنسوا أزرق طيبة.
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
مجرد اقتراح : لمسة وفاء للراحل الفنان الذري إبراهيم عوض تكون متمثلة في دعوة احد ابناء الراحل لهذه الإحتفائية ..
انسب من يصاحب فواصلكم الغنائية لهذا اليوم هم فرقة عقد الجلاد وخوفي ان تكونوا قد تشبعتم منها في ذاك الوقت مع فعاليات المهرجان !!
ليت اختياركم للشخصيات المدعوة ان يشمل كل القطاعات الفنية والرياضية والسياسية والثقافية فلا ادري لماذا التركيز دائماً منحصر في القوى السياسية وتحديداً المعارضة وحتى القوى الثقافية محصورة في شخصيات تنتمي للمعارضة !!!!!!!!!
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
مبروك ومزيدا من التقدم والازدهار ..... اقترح ان يمتد عمل اللجنة طيلة اشهر الاجازة الصيفيفة بمعنى ان تعمل على الاحتفال "مبسط+ تعريفى) شهريا باى مجموعة من البورداب تصل البلد لقضاء الاجازة ,ثم احتفال ختام ايضا تعريفى فى نهاية العطلة وقبيل المغادرة...كل الود
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
كيفك يا تراجي ...
Quote: ما تخليك في امور الساوند سيستم وغيره.
صنفره:
بالله كده وشوشني يا ناذر عازفنك من الهامش ولا برضه حناكيش؟؟؟؟
تراجي. |
يعني طلعتي بتعرفي نكتة الثعلب المكار !!
لا جد صدقيني أنتي خطيرة والله يا نمس انتي
انا من زمان عارفك ما ساهلة ومسلطة ومدردحة ..
أها أتكلم معاك بي صراحة بعيد عن اجواء الاحتفال ..
عارفة يا تراجي وبكل امانة أنا معظم العازفين البشتغل معاهم ما حناكيش (طبعا الا عازف الأورغن لانو حنكوش درجة اولى لدرجةانو ما بيتعشى في الحفلات) لكن البقية كلهم جتتتتتتت من أبناء الهامش الانا بعتز بيهم جدا لانهم جضيمين في شغلانيتم ..
عندك مثلا يعني عازف الساكس ..
انا صراحة كدة بحب دايما انو يكون من ابناء الهامش لانو بيكون ماشاء الله جضومو كباااار (زي لقيمات الصدقة!) وبينفخ نفخ صاح !! وانا متاكد لو نفخ فيهو واحد حنكوش من أولاد الخرطوم ديل الا نعمل ليهو (تنفس صناعي) بين كل كوبليه وكوبليه !!
ووالله يا تراجي ما تشوفيني مضبلن كدي !!
كلهم اصحابي وفردي ومرات العداد بخليهو ليهم يتقاااسموه لأنو هم ناس مبدعين بالجد وأخوان اخوان زي ما بيقولوا ...
صنفرة :
غايتو لو ابراهيم بقال اتعلم ساكس حاأخليو يشتغل معاي برضو !!
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: ناذر محمد الخليفة)
|
Quote: اها نمشي خطوة عملية أخرى؛ و نسألكم عن مقترحاتكم عن شكل و محتويات البرنامج؛ و عن أسماء المدعوين الذين تقترحونهم . |
اقترح توجيه الدعوة للدكتور حيدر إبراهيم علي مدير مركز الدراسات السودانية والفنان العالمي الدكتور راشد دياب والأستاذ الألمعي عبدالله صالح سفيان من مركز الدراسات الاستراتيجية.. وفقكم الله.
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: بكرى ابوبكر)
|
يا ناذر:
Quote: انا صراحة كدة بحب دايما انو يكون من ابناء الهامش لانو بيكون ماشاء الله جضومو كباااار (زي لقيمات الصدقة!) وبينفخ نفخ صاح !! وانا متاكد لو نفخ فيهو واحد حنكوش من أولاد الخرطوم ديل الا نعمل ليهو (تنفس صناعي) بين كل كوبليه وكوبليه !! |
شفت شي غير الفهم ده مغطس حجر غنانا ماف ياخ اسة Kenny G ده ما عازف ساكس !!!! والله لمن تعاين ليهو بيعزف تحلف تقول ده قاعد يقبّل ليهو في وردة ..رااااااااايق وهااااااااااااااااااادئ ..إلا ناسنا ديل الواحد ينفخ لمن تقول عايز يطرشق .. تعرف يا مان انا خلاص عرفت فرقتك دي عاملة كيف .. انت النوع البيكون بتاع البنقز طواااااالي بيورنش جزمتو السودا الفيها طرابيش بي فوق ديك .. وبتاع الطبلة النوع العندو منديل البشكير داك ورابطو في لياقتو وبتاعين الكمنجة بيلبسوا شرابات لونا ابيض تخريمة : معليش يا شباب مداخلة ليست في موضعها بس حبيت اسلم على ناذر ..
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: عمر الفاروق)
|
تحيات للجميع و مبارك لسودانيزأولاين .. ولبكري .. الزول السمح العمل اللمة دي .
بعدين يا ملاسي بدرالدين الأمير ( صاحبك ) اتصل بيقول لي : الزول ده ( يقصدك يا حسين ) من الله خلقو ما شكر ليهو حاجة , يعني هسه شوية رضاهو علينا ده بيقلبو سلة لسان إن ما عملت التصاميم دي , و الزول ده ( يقصدك برضو ) أنا ما بقدر عليهو .. دحين يا خوي أمرقنا من ملاسي و شيلة الحس .
طبعا أشكرك على الثناء أولا .. وتانيا حاضرين يا سحس . سودانيزأونلاين حقنا كلنا وكمان ( حقنا ) أكتر لأنه عضو اللجنة هي الأستاذة هالة ( الزعيمة ) . و ( حقـ ) ـك علينا يا حسين لو ما بقينا قدر الشيلة . بس ممكن تصيغ لينا النصوص الخاصة باللوحة الخلفية لمنصة الإحتفال ؟؟؟
مبروك تاني لسودانيزأونلاين مبروك يا بكري ..
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: عمر الفاروق)
|
Quote: ليت اختياركم للشخصيات المدعوة ان يشمل كل القطاعات الفنية والرياضية والسياسية والثقافية فلا ادري لماذا التركيز دائماً منحصر في القوى السياسية وتحديداً المعارضة وحتى القوى الثقافية محصورة في شخصيات تنتمي للمعارضة |
يا ريت يا عمر تقترح لينا أسماء زي ما عملوا الاخوان Elmuez & محمد الامين موسى.
______ عشان بعدين بكري يقول عمر الفاروق هو القال
| |
|
|
|
|
|
|
Re: دعوة لاحتفال معنا يوم 22 يونيو 2006 (Re: زول ساكت)
|
سلامات يا عماد
Quote: بس ممكن تصيغ لينا النصوص الخاصة باللوحة الخلفية لمنصة الإحتفال ؟؟؟ |
الموضوع دا برضو حقـو نشرك فيهو كل الناس؛ و كدي خلينا نشوف اول حاجة تراجي ممكن تقترح شنو!! ____ رايكم شنو – كبداية - في: سودانيز اون لاين بالجميع و .. للجميع.
| |
|
|
|
|
|
|
|