|
دعواتكم لزميلنا المفكر د.الباقر العفيف بالشفاء العاجل
|
|
 Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
شكرا للزملاء و الزميلات
الاستاذة هويدا سر الختم من السودانى
الاستاذ صالح تبلدينا
دكتور معتز بشير
المهندس و الفنان ناذر الخليفة مستشار البيت و صاحب مواد البناء الرخيصة
......
.....
و لولاهم لما اكتملت هذه القصة المصورة والتى لم افكر فيها لانو البناء فى السودان ما بقدر عليه الا ......
| |
 
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
مبروك الفيلا يا هندسة
حاجة روعة
| Quote: المهندس و الفنان ناذر الخليفة مستشار البيت و صاحب مواد البناء الرخيصة |
طيب ما تتصلّح معاهو شوية في موضوعوا داك
طيب الفنان ناذر دا مواد رخيصة قدر شنو؟
تلفونك يا ناذر وقائمة بأسعار المواد؟
بجيك زيارة يا بكري لما تكون هناك
جهّز القهوة! ما بشرب شاي
كمال
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
سلامات يا ناذر،
اعذرني، أخي، أن تفطنت متأخرا إلى أن شركتكم هي التي تقوم بعمليات التشطيب و
اضفاء هذه المظاهر البديعة على هذه المنازل.. مع تمنياتي لكم بمزيد من الازدهار
و التقدم..
Quote: طوالي في سيرتك مع الباش مهندس والله ..
وألف مبروك الزواج للاخ عمر شطة الزواج الميمون ..
|
أدام الله المعروف بينكم.. و ذكركم فيمن ذكر.. و معك؛ مليون مبارك لأخي العريس
المهندس عمر شطة.. و بيت مال و عيال بحول الله..
ابوعسل
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
سلام شباب ..
أبو بكر ..
| Quote: هذا النوع من البناء ربما هو او يشبه 3DP system وهو احد انواع البناء الغير مكلف وتستورد بعض مكوناته من الصين وفيتنام وله فوائد بيئية |
نعم هي تقنية الثري دي بانيل والتي دخلت للسودان حديثا ويمكننا إعتبارها في طور التجربة ..
تقنية حديثة وصديقة للبيئة وغير مكلفة .. تخاصم مواد البناء التي تعجز الفرد من شرائها مثل السيخ والأسمنت والطوب ..
هذا المنزل الذي ترونه أمامكم لا توجد به صبات خرصانية إلا في الساس فقط (قريد بيم) وبعض القطع الصغيرة الاخرى .
هذا المنزل أستهلك في بنائه لا اكثر من لوري طوب وربما اقل .. إذا ما أستثنينا السور الخارجي .
لا وجود للسيخ 4 لينية وتلاتة لينية إلا في اماكن معينة حيث السلالم وما فوق النوافذ والابواب لزوم التثبيت
يمكن الانتهاء من بناء المنزل بكامله في ثلاثة أشهر فقط أو أقل (منزل من طابقين وسطوح) ..
وهنالك تفاصيل أخرى موجودة في الروابط التي وضعها بكري في الاعلى ..
صنفرة :
يعني عادي ممكن المغترب يجي إجازة صغيرة ينتهي من بناء وتاثيث البيت ويرجع مطمئن والإجازة البعدا إنشاء الله ما حا ينزل في بيت نسيبتو ..! 
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
نازر
عمل مقدر وهائل
ابداع هندسي
ومبروك البيت يا بكري
ما تنسونا في الكرامة
ـــــــــــــــــــــــــــــــــــــــــــــــــ
اتوقع اتصالي في القريب يا نازر لمزيد من التوضيح انشاء الله (بعد القي تلفونك طبعا)
تخريمه : ياربي الطلبه الاسمه ود جبريل بتاع العمارات داك بعرف الشغل المتطور ده
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
..
.
مبروكـ يا بكرى البيت ..
وان شاء الله عامر بيكم وبكم ..
ولمن تشطب وتطلع العفش من الكونتينر
الخروف بندبحو .. وبناكلو مع الحضور .. 
يا نادر خلينا من المواد المخفضة وسمسرتك كلنا دورنا جاى
بس حقى بتاع السمسرة .. الشيلتو من بكرى ووين
انحنا فى المنبر دا مش قلنا اى عميل يجى للشركة وينفذ الشغل
عمندنا كمشن .. !! ولا لقيتونى مافى قسمتو مع معتز ترتسكى
________________
بكرى بالله ما دام انت والدكتورة اول المنفذين
بالله ورينا التكلفة النهائية كم للمبنى مع التشطيب ؟؟
بس ما تحسب لينا النجف والمراوح الجايبها من امريكا دى
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: ناذر محمد الخليفة)
|
يا فرانكلي الحقني
الزول دا كلامو عايم ومااااااا ياهو
يا ناذر جهجتنا ياخ
| Quote: دي نفس الشركة النفذت تشطيب البيت |
عاين جنس دا.
التشطيب ولا البناء؟
سؤال مباشر كدة بالله من النوع الاوكامبي يا ناذر عشان نطّمن يرحم والديك ..
الرقم دا (اسياد الشي زاتها ديل ) هم الببنو بـ(الثري بانيل) واللي هو اقل تكلفة من غيرو ولا تشطيب بس؟
تاني في سؤال فني كدة..
يا ناذر يعني اذا كان العاوزين نبنيهو طابق فوق واللي هو فيهو طابق ارضي "بيم" ، يعني الارضي عادي والفوق بالزبادي ببقى؟
يعني الحكاية دي ممكن يا باشمهندززز؟! مع العلم البيت مؤسس ابيام بدون أعمدة (النوع البشيل طابق واحد فوق)
عليك الله ارفع معنوياتي سريع ولا احرجني سريع سريع برضو عشان ننتهي من الجهجهة دي.
وكتر خيرك برضو
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
كيفك تبلدينا ..
Quote:
يا نادر خلينا من المواد المخفضة وسمسرتك كلنا دورنا جاى
بس حقى بتاع السمسرة .. الشيلتو من بكرى ووين
|
بكري ما أداني ولا تعريفة ..
العكس . بدل كدا شال مني مواد للبيت بي أقل من سعر المصنع زاتو
لكن لمن نجي لي موضوع بينك اكيد حا أعوض الخسارة من جيبك
Quote: بالله ورينا التكلفة النهائية كم للمبنى مع التشطيب ؟؟
بس ما تحسب لينا النجف والمراوح الجايبها من امريكا |
النجف والمراوح اليكري جايبا معاهو من امريكا طلعت مصنوعة في الصين وهو ما جايب خبر ..!!
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
..
.
يا ابو الريش
ارجع للينكات بتلقى عمر البيت الافتراضى
100 سنة لو مد لله فى العمر وحسب عقد الشركة ..
يا نادر سؤال فدوى مهم ..
انت الشركة عملت الشغل وانت اشرفت على التشطيب
بمعنى انت يا بتاعين ( الالف صنف ) جبت المواد والمعدات بس
ولا شركة 3D سلموهو لبكرى حاف وانت كملت وبقيت مقاول من الداخل ..
_____________
بعدين ليه ما عندك تلفون ثابت ..؟؟
من بكره تجى البزنس سنتر وتشيل هاتف كنار ديسك توب ثابت
ومعاه فاكس ياخى خليك بتاع بزنس صاح رقم موبايلك دا بتعبك
وبعمل ليك مشاكل مع وزارة الداخلية وانا فى صفها
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
تبلدينا ..
Quote: يا نادر سؤال فدوى مهم ..
انت الشركة عملت الشغل وانت اشرفت على التشطيب
بمعنى انت يا بتاعين ( الالف صنف ) جبت المواد والمعدات بس
ولا شركة 3D سلموهو لبكرى حاف وانت كملت وبقيت مقاول من الداخل ..
|
بالضبط يا مان ..
المهندس محمد شطة عمل المباني وشركة ألف صنف نفذت اعمال التشطيبات والإستشارات التانية ..
Quote: بعدين ليه ما عندك تلفون ثابت ..؟؟
|
لأنو انا اساسا ما ثابت وطوالي متنقل من حتة لي حتة ..
Quote: من بكره تجى البزنس سنتر وتشيل هاتف كنار ديسك توب ثابت
ومعاه فاكس ياخى خليك بتاع بزنس صاح رقم موبايلك دا بتعبك
وبعمل ليك مشاكل مع وزارة الداخلية وانا فى صفها |
شنو يااااااتبلدينا !!
داير تستغل البوست دا لي إعلان تجاري ولا شنو
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
يا أزهري ..
Quote:
طيب يا ناذر لامن إنت عامل (إستريو) معانا و مع الهندسة
ما تصلح معانا يا أخي....
دايرين نعمل نظام عشة صغيرة.. يا هندسة...
و شوف لينا طريقة عبدالدافع عثمان كده معقولة
عشان نعمل نظام يجوا راجعين...
و لا شنو....؟؟؟؟ |
معاك (شيخ صلاح) للنهاية ..
ونظامك بتاع العشة دا بنسويهو ليك (قشة قشة) ..
وما تشيل هم لي عبد الدافع ..
إنت بس جهز الشيكات
صنفرة :
مصلحة السجون عملت جناح خاص وسياحي لي ناس الشيكات
اوعك تدقس معاي لانو جناحم السياحي الفاخر دا بعدين ما بيحلك
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: معتصم محمد صالح)
|
Quote: اهااااااااااااااااااااا !!!!
أنحنا حدنا معاك تجيب الواطة ونحن بنتصرف ..
موضوع الاراضي دا ما عندنا بيهو شغلة |
جبنا الواطة...ومشينا بوست عصام الخواض وتصدق لنا بكسار طوب
من دريم لاند...اها كان جيناكم هنا ما بنلاقي لينا صنف من الألف صنف ديل
بي الاجل...والله كاتب (ممنوع الدين ولو بعدين وشايل ليك ضنب تور بتنفض بيه الضبان)
يا ناذر والله انا المرة جادي المهندس شطة دا لو يبني لي بي ( دي دي تي )ماني مفارقو
ياخي بقيت اجي الخرطوم ....مهمش جنس تهميش
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
سلام يا ناذر وبكري
البيت قصة نجاح أخبرني بها المهندس محمد شطة في مكتبه بالخرطوم
مبروك البيت وربنا يعمره بالمال والبنين, عرفت أنه في جهة الحلفايا
على أية حال اخ ناذر لا تزال هناك تحفظات على هذه التقنية تتعلق بأمرين هامين هما القواعد في مناطق السودان الطينية ومدى إمكانية ثباتها والحيلولة دون تصدع البيت على المدى الطويل,
وثانيها هـو صلابة الجدران الحاملة والسقوفات بالذات فوق الفتحات الطيبعية كالأبواب والنوافذ,
نأمل أن تؤكـد لنا قدراتكم الهندسيـة ما يفيدنا بإمكانية إزالة هذه الشكوك
لك التحية
أحمـد الشايقي
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
سلام يا الشايقي ....
Quote: على أية حال اخ ناذر لا تزال هناك تحفظات على هذه التقنية تتعلق بأمرين هامين هما القواعد في مناطق السودان الطينية ومدى إمكانية ثباتها والحيلولة دون تصدع البيت على المدى الطويل,
وثانيها هـو صلابة الجدران الحاملة والسقوفات بالذات فوق الفتحات الطيبعية كالأبواب والنوافذ,
|
في البوست القديم الذي وضع رابطه أعلاه المهندس بكري .. كتب المهندس عضو المنبر محمد السيد مداخلة تستفسر عن ذات الأمر .. وبحسب ما أخبرنا به المهندس .ز فإن بناء المنازل بهذه الطريقة مجرب في عدة دول وبيئات مختلفة مثل أمريكا والمكسيك وفيتنام وكوريا وغيرهما ..
ولكن ما أريد التأكيد عليه أن ساس المنزل يكون من الخرصانة المسلحة شأنه شأن البناء المسلح الإعتيادي وبعد ذلك تأتي مواد البناء الأخرى .. ولو كان هنالك أي خطورة في الارض الطينية .. فالأولى أن يأتي الخطر من البناء المسلح العادي بثقل أعمدته وتسليحه ومقدار الطوب وحمولة الإسمنت والحصى على طول طوابقه ..
وسننتظر هنا ريثما نسمع رأي أحد مهندسي ومعماري المنبر ..
تسلم يا الشايقي ..
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
قطع شك الموضوع مثير.. بس عندي تحفظ في مسئلة العلاقه ما بين Desgin ونوع التربه والا الموضوع يبقي زي خرطة محمداحمدالشغالين بيها الناس من زمان بصرف النظر عن نوعية المبني والشكل العام بالاضافه للاحمال bearing loads........ اها الجانب التاني ..... الاوفر دزاين وبي لغه بسيطه الواحد يكون عامل ليهو فيلا من دورين... بس بي اعمده والخ تشيل خمس ادوار وبالتالي التكلفه الخرافيه ... ياريت يكون في مزيد من البحث لبيوت خبره وخاصتا ناس بحري وارضهم الطينيه علشان عملية الستلمنت البتحصل بعد البناء والتشققات والعيوب البتظهر بعد الانتهاء ..... وعشان كده الناس بتلجاء للخوايق في بعض المواقع والا رايك شنو يالحبيب نزار..... بالمناسبه ياربي نوع الدزاين بتاعكم ده بينفع في ارض كافوري ؟؟؟ خالص التقدير للمجهودالمبذول للتقليل من تكلفة البناء علشان الناس تعمل بيوت اكثر جمال ودمتم
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
الجميع يستفسر ويسأل عن صحة أن منزل الباشمهندس بكري أعلاه كلف فقط عشرة مليون ..!!
فأقول أن الرابط موضوع النقاش الذي وضعه بكري في البوست كان عبارة عن تحقيق ورد في ثناياه أن هنالك أحد المنازل كلف بنائها فقط عشرة مليون جتيه ، وهذا المنزل كما جاء في التحقيق مبني بتقنية الطبن المحسن وليس الثري دي باني موضوع هذا البوست ..
وقد أردت التوضيح لانه تبين لي أن بعض الناس من الزوار والقراء واقعين في خلط من جراء إطلاعهم فقط على عنوان الرابط ولم يقراوا البوست والتحقيق ذات نفسه .
سأعود .
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: حسين نوباتيا)
|
Quote: يا نزار إنت بس تعال ..
وأحسن ليك البيت(أي بيت) من تنزل عن ناس نسايبك |
انا نسايب في الخرطوم ما عندي يا ناذر..
وفترت من ركوب البكاسي والغطا بالشالات...واللقيمات ام حصحاص...البتلاقينا في الدرب
الأخير منها قلع الضرس..
عشان كدي جاييك توريني محل المهندس شطة وين...وألف صنفك...تديني منهم عشرة بس...كاش والباقي
بالدين...
| |
|
|
|
|
|
|
|
|
 Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
سعيــد بمعــرفه هذه المعــلومه اخي ناذر يارائع
افكــار جديده ومـــواكبه نحييكم و قلــوبنا و عقـــــولنا معكم ..
شكرا ناذر ..
الف مبروك ياربــان بكرى .
_______________________________________________
ليتهم يعلمون ان عمر اللحظـه في بعـدك يا خـرطـوم سنين طـوال
د شهـاب الفاتح ـ كـوالالمبور
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: ناذر محمد الخليفة)
|
| Quote: مين دا اللي قال إنو البيت كلف عشرة مليون ؟!! |
طيّب يا ناذر ورفعاً للبس
عارفين فيلا بكري دي كان فيها تسهيلات كثيرة ومريحة لكن في ناس كتيرة عايزة تعرف مفروض بتوفّر عندها كم عشان يبدأو مشروع زي دا
أنت براك شايف عدد العمارات الغير مكتملة في الخرطوم
وضّحو لينا الفيلا دي احتاجت كم متر مربع من ال3D Panel
وثمنها كان بالتقريب كم
وكم تكلفة المواد الأخرى
وكم تكلفة البناء والتشطيبات
دا كلو بالتقريب
يعني ما ضروري يكون مية في المية
أو بكري يقول لينا البيت ببساطة كلّفو كم (تقريباً) بمجاميعو بدون الاكسوسريس
كمال
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: Frankly)
|
سلامات يا شباب ..
كلامك معقول يا فرانكلي ... بس داير اوضح حاجة ..
من الصعب جدا تحديد تكلفة البناء نسبة لإختلاف المواد وطبيعة الخرطة نفسها ..لأنو أساسا البناء بيعتمد على عدد الامتار المربعة .. يعني محتاجين نشوف خريطة البناء أول وبعد داك نحسب التكلفة ..
بالنسبة للتشطيب فدا يستحيل تقديرو اللهم إلا بناء على أرقام قد تخطي وقد تصيب نسبة لتعدد مواد البناء وتعدد الخيارات بالنسبة لمعدات وأليات الكهرباء والسباكة وإلى ما شابه ..
الحاجة البقدر أقولا وأاكدا ..
إنو تكلفة هذه المباني أقل من نصف التكلفة فيما لو كانت بالبناء المسلح العادي ..
ركزوا على النقطة دي كويس عشان بعد دا يفترض إنتو إنتو التقدرو تكلفة منازلكم ..
بمعنى لو كانت في خرطة بناء مسلح والمهندس قال إنو التنفيذ حا يكلف 500 مليون مثلا .. فتاكد طوالي إنو التكلفة التقريبية للبناء بالثري دي بانيل اقل من 250 مليون !!
كدة الكلام بقى واضح ..
أما التشطيب .. فهناك خيارات كثيرة .
في حالة منزل بكري قامت شركة ألف صنف بتنفيذ التشطيبات بإستخدام مواد جيدة ومتوفرة في السوق ومعقولة ولكن تتفاوت أسعارها ودرجات جودتها والامر في النهاية كان متروك لبكري صاحب المنزل للإختيار فيما بيناتا وتحديد المواد حسب قروشو وحسب زوقو ..
..لو في اي نقطة تانية دايرة توضيح أنا جاهز .
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: النورس الحزين)
|
سلام يا النورس ..
أمكن مستقبلا إنشاء الله ..
حاليا التصديق فقط لثلاث طوابق من قبل المسئولين في الوزارة .
وهذه المنازل تتحمل حتى مائة طابق في دول أخرى .
ولكن في السودان تم بثلاث طوابق لحداثة التجربة ..
Quote: و سؤال تاني هل البناء دا بقوم بى نمرة واحد ولا كمان ( قدر ظروفك )
|
البناء كلو بينتهي في ثلاث أشهر ..
يعني هو أساسا بي نمرة واحد من البداية وحتى النهاية ..
ولكن يمكن تقسيم المراحل إذا إقتضت الضرورة ذلك ..
Quote: هل الجماعة ديل برضو ممكن يوفرو قطعة الارض ولا بس مباني
|
بس مباني ..!!
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
يا باشمهندس بكري،
البيت مبارك إن شاء الله.. جعله الله مستقرا لك و لأهلك و جمله بالمحنة و
زينه بالأمان...
شكرا للأخ ناذر و الزملاء إنهم أسهموا في تعريف الناس بجهود المهندس
محمد إبراهيم شطة و فريقه الميمون، و بالخصوص أخي عمر شطة و صلاح
أبوعسل و بقية الكوكبة..
المهندس شطة رجل متواضع- على غزارة علمه و رسوخ تجربته- سمح الخصال
جميل النفس.. ومشروعه هذا ، بالخصوص بعد ما تفضل الأصدقاء بالشرح، فيه
تيسير على الكثيرين في ظل غلاء البيوت و مستلزمات البناء التقليدي.
صديقنا الحبيب محمد ود الشيخ من مانشستر نيوهامبشير بعد اطلاعه على
الشروحات من خلال المنبر مصصم على تشييد منزله على نفس المنوال و على
يد أخينا شطة و شركته..
التحية لأخي محمد شطة و أسرته الكريمة فردا فردا، و مزيدا من النجاح.
سلامنا للصديق معتز تروتسكي و لصالح تبلدينا، و جزيل الشكر
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: بكرى ابوبكر)
|
سلام أبو عسل
طوالي في سيرتك مع الباش مهندس والله ..
وألف مبروك الزواج للاخ عمر شطة الزواج الميمون ..
Quote: المهندس شطة رجل متواضع- على غزارة علمه و رسوخ تجربته- سمح الخصال
جميل النفس.. ومشروعه هذا ، بالخصوص بعد ما تفضل الأصدقاء بالشرح، فيه
تيسير على الكثيرين في ظل غلاء البيوت و مستلزمات البناء التقليدي.
|
اوفيت والله ..
تسلم ..
| |
|
|
|
|
|
|
|
|
|
Re: قصة مصورة لمراحل بناء بيت بداءت من هذا المنبر..... (Re: ناذر محمد الخليفة)
|
Quote: سلامات يا شباب ..
كلامك معقول يا فرانكلي ... بس داير اوضح حاجة ..
من الصعب جدا تحديد تكلفة البناء نسبة لإختلاف المواد وطبيعة الخرطة نفسها ..لأنو أساسا البناء بيعتمد على عدد الامتار المربعة .. يعني محتاجين نشوف خريطة البناء أول وبعد داك نحسب التكلفة ..
بالنسبة للتشطيب فدا يستحيل تقديرو اللهم إلا بناء على أرقام قد تخطي وقد تصيب نسبة لتعدد مواد البناء وتعدد الخيارات بالنسبة لمعدات وأليات الكهرباء والسباكة وإلى ما شابه ..
الحاجة البقدر أقولا وأاكدا ..
إنو تكلفة هذه المباني أقل من نصف التكلفة فيما لو كانت بالبناء المسلح العادي ..
ركزوا على النقطة دي كويس عشان بعد دا يفترض إنتو إنتو التقدرو تكلفة منازلكم ..
بمعنى لو كانت في خرطة بناء مسلح والمهندس قال إنو التنفيذ حا يكلف 500 مليون مثلا .. فتاكد طوالي إنو التكلفة التقريبية للبناء بالثري دي بانيل اقل من 250 مليون !!
كدة الكلام بقى واضح ..
أما التشطيب .. فهناك خيارات كثيرة .
في حالة منزل بكري قامت شركة ألف صنف بتنفيذ التشطيبات بإستخدام مواد جيدة ومتوفرة في السوق ومعقولة ولكن تتفاوت أسعارها ودرجات جودتها والامر في النهاية كان متروك لبكري صاحب المنزل للإختيار فيما بيناتا وتحديد المواد حسب قروشو وحسب زوقو ..
..لو في اي نقطة تانية دايرة توضيح أنا جاهز . |
شكراً للتوضيح أخي ناذر
ح أرجع ليك بعد الكورة بإذن الله
كمال
| |
|
|
|
|
|
|
| |
بكرى ابوبكر
يسرى معتصم
Frankly
ابوعسل السيد احمد
abubakr
Farahat Sayed
ALZOLZATOO
بكري الخير
garjah
ناذر محمد الخليفة
Safia Mohamed
Faisal Elrasheed
كمال عكود
عصام دهب
فدوى الشريف
Moawia Mohammed
محمد أبوالعزائم أبوالريش
Azhari Nurelhuda
humida
Deng
rosemen osman
معتصم محمد صالح
Elsanosi Badr
الطاهر عثمان
عواطف ادريس اسماعيل
willeim andrea
حسين نوباتيا
مهيرة
شهاب الفاتح عثمان
النورس الحزين
osama dahab
احمد محمد بشير
أشرف البنا
فيس بوك
تويتر
انستقرام
يوتيوب
بنتيريست