معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين

منتديات سودانيزاونلاين    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest
اخر زيارك لك: 16-11-2018, 02:10 PM الصفحة الرئيسية

مكتبة بكرى ابوبكر(بكرى ابوبكر)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »
01-06-2007, 12:37 PM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19820

للتواصل معنا

FaceBook
تويتر Twitter
YouTube


معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين

    الاخوات الاخوة
    سلام و تحية
    ما اكتبه ادناه هو جزء بسيط لما يعانيه اهلنا لاى خدمة من اجهزة الحكومية التى اصابها البوس..الاختلاس....و النصب.....الخ

    اليوم الاول الموافق 26 مايو الساعة8.30 صباحا بتوقيت الخرطوم
    وبعد ان جهزت كل الاوراق اللازمة للحصول على خط موية لبيتا بالحلفاية ....وصلنا مركز هيئة المياة و لم نجد المهندس قد و صل بعد و بعد... وافق احد العمال بالذهاب معنا لمعاينة الموقع و صلنا الموقع و قام العامل بتحدد ما يحتاجه البيت ....و رجعنا مستخدمين عربتنا ....و كانت الساعة حوالى 9.15 صباحا ....و المهندس لم يصل بعد....
    بكرى:يا اخوانا المهندس ده بصل متين...
    احد العمال بالهيئة:بجى بعد شوية......
    بكرى:يا اخوانا الساعة عشرة و حاجة و المهندس لم يصل بعد ....
    احد العمال بالهيئة:هاك ده تلفونه اضرب ليه......
    بكرى يضرب التلفون و التلفون يرن....
    بكرى:سلام يا باشمهندس ...نحن لينا ساعتين منتظرينك فى مكتبك علشان تصدق لينا بحنفية لبيتنا... و قالوا لينا حا تجى بعد شوية ...الحكاية شنو....
    المهندس:يا زول انا فى الخرطوم بطلع لى.............
    بكرى:يعنى داير ليك ساعتين و تصل الحلفاية....
    قفلت الخط بعد اشكرته و قلت امشى اشوف لى موضوع تانى .....

    اليوم الثانى الموافق 27 مايو الساعة9.30 صباحا بتوقيت الخرطوم
    وصلنا مكتب الهيئة القومية للمياة بالحلفاية و وجدت المهندس و كان ظريفا و خدمنا بصورة جيدة و امر اثنين من العمال بالذهاب معنا لمعرفة احتياجيات البيت ...
    و صلنا البيت و قلنا احد العمال بقياس المسافة لادخال الخط من الخط الرئيسى مستخدما اقدامه للقياس و طلعت المسافة 48 متر و وعدنى ان ينتهى من التقرير اليوم على امر عليه غدا ....
    اليوم الثالث الموافق 28 مايو الساعة8.30 صباحا بتوقيت الخرطوم
    وصلنا المكتب و سالنا من .... زميل له قال لى الزول ده مشى حلفا الجديدة اصلو عندو بكى...
    اليوم الرابع الموافق 29 مايو الساعة8.30 صباحا بتوقيت الخرطوم
    وصلنا المكتب و وجدت المهندس المسئول موجودا وشرحت له الامر و قام ببحث التقرير ... وبعد ان ان اطلع عليه قال انو التقرير ده ما صاح و قام طلع خرطة للحلفاية اكل عليه الدهر و قام قاس المسافة لبيتا من الخرطة للخط الرئيسى و طلعت المسافة 102 متر بدلا من 48 مترا الى قاسها احد العمال بالامس....وبعدها امر عامل اخر بالذهاب معنا لقياسها مرة اخرى....
    وصلنا البيت و قام العامل مرة اخرى بقياس المسافة مستخدما اقدامه مرة اخرى و المرة دى طلعت 76 مترا وقام اخى بتوصيله الى مكاتب الهيئه و اتى بالتقرير ابو 76 مترا والذى يجب ان يمر بمهندس اخر بالهيئة القومية للمياة ببحرى قبل ان ارفعه للمدير العام للهيئة القومية للمياة بالخرطوم لاجازته....
    اليوم الخامس الموافق 31 مايو الساعة8.30 صباحا بتوقيت الخرطوم
    وصلنا مكاتب الهيئة القومية للمياة بمدينة بحرى بالتقرير قبل رفعه للمدير العام بالخرطوم و سالنا عن المهندس المسئول لاجازة تقريرنا و عرفنا ان المهندسة فى اجازة و احتمال تجى يوم السبت و احتمال يوم الاحد....

    نواصل يوم السبت او الاحد
                   |Articles |News |مقالات |بيانات

01-06-2007, 12:45 PM

Mustafa Mahmoud
<aMustafa Mahmoud
تاريخ التسجيل: 16-05-2006
مجموع المشاركات: 37790

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    welcome to the real sudan
    sudan the ingaz mafia gang
    where loyalty to the party is the only qualification needed

    remember ustaz bakri


    you might need to use a small "kooz" so that you can drink water
    !!!!!

    lol

    good luck any way

    dr mustafa mahmoud
                   |Articles |News |مقالات |بيانات

01-06-2007, 01:06 PM

Adil Isaac
<aAdil Isaac
تاريخ التسجيل: 02-12-2003
مجموع المشاركات: 4104

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: Mustafa Mahmoud)

    بكرى أبوبكر

    مرحب بيك فى دولة المشروع الركيك والتجهيل المتعمد و الرجل الغير مناسب جدآ فى المكان الغير مناسب خالص!!

    من حسن حظك إنك فى (إجازة) إتخيل لو كنت شغال فى السودان و عايز توصل الموية!

    بالمناسبة المسافة بين بيتكم والماسورة دى بتذيد وتنقص أكثر من بورصة نيويورك ليه? بسم الله!


    Have a good holiday-afterall
                   |Articles |News |مقالات |بيانات

01-06-2007, 01:02 PM

amira abdelrahman

تاريخ التسجيل: 28-11-2004
مجموع المشاركات: 113

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    (احد العمال بقياس المسافة لادخال الخط من الخط الرئيسى مستخدما اقدامه للقياس )

    !!!!!!!

    تحياتي بكري أبو بكر ..
                   |Articles |News |مقالات |بيانات

01-06-2007, 01:10 PM

Hussein Mallasi
<aHussein Mallasi
تاريخ التسجيل: 28-09-2003
مجموع المشاركات: 26226

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: amira abdelrahman)

    مافي تفسير إلا انو المهندس دا قاعد يكتب معانا هنا؛
    و انت قاعد تشطب ليهو بوستاتو بدون اسباب مقنعة!!
                   |Articles |News |مقالات |بيانات

01-06-2007, 01:28 PM

عبدالله شمس الدين مصطفى
<aعبدالله شمس الدين مصطفى
تاريخ التسجيل: 14-09-2006
مجموع المشاركات: 3252

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: Hussein Mallasi)

    بكرى سلامات .

    أها ضوقا ، النبى مو حارّى ؟؟؟

    أهو الجماعة ديل وروك الخور الما خمج ، الخور البحفروا ليه جد جد
                   |Articles |News |مقالات |بيانات

01-06-2007, 01:36 PM

علاء الدين حيموره
<aعلاء الدين حيموره
تاريخ التسجيل: 07-08-2006
مجموع المشاركات: 5671

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: عبدالله شمس الدين مصطفى)

    الاستاذ / بكري

    الف تحية ...


    يعني لو حفرت ليك بئر ودخلت فيها طلمبة غاطسة عشان ترفع الموية ما كان اخير من المعمعة دي ...


    مودتي
                   |Articles |News |مقالات |بيانات

01-06-2007, 01:42 PM

Waly Eldin Elfakey
<aWaly Eldin Elfakey
تاريخ التسجيل: 27-07-2005
مجموع المشاركات: 2139

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: عبدالله شمس الدين مصطفى)

    بكري سلامات ومشتاقين
    بالله نصيحة ما تهمل نصحية اخونا دكتور مصطفي

    Quote: you might need to use a small "kooz" so that you can drink water
                   |Articles |News |مقالات |بيانات

01-06-2007, 02:02 PM

EL fahal Abdelatif

تاريخ التسجيل: 04-12-2004
مجموع المشاركات: 1082

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: عبدالله شمس الدين مصطفى)

    بكرى ..تحياتى..

    اليك بطريقة ود ابزهانة فى معرفة المسافة بين الماسورة وبيتكم ..
    بس ما تسالنى السر العلمى...

    اولا وحسب الطريقة الجربندية المجربة ..

    1 - جيب سلك عاددى فى حجم سلك التلفون القديم (مش الكيبل)..حوالى 40سنتيمتر واقطع السلك النص الحلال..

    2- اتنى كل سلكة فى شكل L

    3- امسك السلكين مع بعض فى قبضة يدك اليمنى او اليسرى ..مسكة خفيفة مش كنكشة..مسكة تسمح بالحركة التلقائية للسلكين....ما بتفرق ..بحيث يكون السلكين فى اتجاهين متباعدين..

    4- افرد يدك وابدا السير بهدوء.. ليس ببطىء..فى الاتجاه المحتمل لماسورة الشارع..

    5- راقب السلكين ..لحظة تحركهما مع بعض او احدهما...توقف هنا ..تحتك ماء ..ممكن تكون الماسورة او مصدر موية اخر..وللدقة حاول الابتعاد عن اى مكان محتمل لبلاعة...

    لان مهمة هذا الجهاز هو الكشف عن الموية..وليس الماسورة تحديدا ...يعنى الموية لو كانت قاطعة من الماسورة..منه العوض وليه العوض...

    (الى ان تجد المهندس اوالمهندسة وبالله بلغهم تحياتى واهديهم هذه الطريقة المتقدمة.قياسا بماذكرت من تشبر الكرعين)...

    ملاحظة..
    هذه الطريقة مجربة ..وناجحة فى احيان كتيرة ..حاول مشى بيها حالك ..وكان ما ما نجحت لاى سبب اياك منتظر منتظر ما خسران حاجة...
                   |Articles |News |مقالات |بيانات

01-06-2007, 02:05 PM

شهاب الفاتح عثمان
<aشهاب الفاتح عثمان
تاريخ التسجيل: 27-08-2006
مجموع المشاركات: 11922

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: Hussein Mallasi)

    Quote: نواصل يوم السبت او الاحد !!



                   |Articles |News |مقالات |بيانات

01-06-2007, 03:00 PM

Yassir Tayfour
<aYassir Tayfour
تاريخ التسجيل: 18-08-2005
مجموع المشاركات: 10897

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: شهاب الفاتح عثمان)


    يا بكري
    إنت الليلة قاطع لي مداخلتين إتنين وموية في البيت ما عندكم، يعنى ده القطع الناشف البقولوهو ولا شنو.. كلم محمد حامد جمعة يتولا ليك الموضوع ده، أصلو الأيامات شغال ضمانات، وبدلاً من الحوامة في أقسام الشرطة خليهو يشوف ناس الجفاف والتصحر، أقصد ناس الموية..
    ______
    حاجة غريبة يا بكري، عندكم إنترنت و ما عندكم موية.. أن شاء يجو يوصولو ليك موية wireless عشان لا تحفِر لا تمتِر
                   |Articles |News |مقالات |بيانات

01-06-2007, 04:02 PM

عمر سعد
<aعمر سعد
تاريخ التسجيل: 31-05-2007
مجموع المشاركات: 2468

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: Yassir Tayfour)

    الاخ بكرى قريت صورة (العصر) ولالا لسة كدى ابدا يومك بقراية صورة العصر

    كل حاجة بتهون ...............

    جرب الوصفة الطبية دى ..
                   |Articles |News |مقالات |بيانات

01-06-2007, 06:03 PM

محمد على طه الملك
<aمحمد على طه الملك
تاريخ التسجيل: 14-03-2007
مجموع المشاركات: 9247

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: عمر سعد)

    الأخ بكري ..
    ربنا يسهل عليك ..
    ياخوي ما قالوا موية ذاتها مافي مالك مستعجل علي الماسوره ..

    Quote: مستخدما اقدامه للقياس


    عجبتني الملاحظه دي وما عرفت أضحك ولا ابكي !!
    قال بترول قال !؟
                   |Articles |News |مقالات |بيانات

02-06-2007, 02:36 AM

Mannan
<aMannan
تاريخ التسجيل: 29-05-2002
مجموع المشاركات: 6580

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    بكرى سلام

    زولك البيمتر بكراعو احسن منو اخونا الدنقلاوى يجى كل سنة من السعودية ويشترى قطعة ارض ويرسم اوضتين خلف خلاف بكراعو ويقول للبنا: (اودتين هلف هلاف والباقى مستقبل) ويقصد يبنى اوضتين خلف خلاف والباقى يتركوا للمستقبل... انت قاعد فى امريكا وتوصل الموية فى السودان؟ تستاهل... فى مصر بيدخلو المواسير فى أماكن تانية!! تصور!!!!

    نورالدين منان
                   |Articles |News |مقالات |بيانات

02-06-2007, 07:58 AM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19820

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: Mannan)

    اليوم السادس الموافق 2 يونيو الساعة8.30 صباحا بتوقيت الخرطوم

    استلمت تقرير التقديرات وطلع ب 2 مليون و حاجة وعلى ان اذهب به الى المدير العام للهيئة بالخرطوم وانت و حنكك حسب ما عرفت من الناس انو سعادة المدير ممكن يخفضها ليك النص او يمكن ان يلغيها....الجدير بالذكر ان المدير العام يقابل المواطنيين يومى الاحد والاربعاء من كل اسبوع......


                   |Articles |News |مقالات |بيانات

02-06-2007, 08:04 AM

عواطف ادريس اسماعيل
<aعواطف ادريس اسماعيل
تاريخ التسجيل: 11-08-2006
مجموع المشاركات: 8006

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    بيبي !!!

    مشتاقين ,,,

    دي حنفية بس ؟ ولو عايزين تركبو دوش حتعملو شنو ؟ أخير ليكم يا زول تجيبو الموية من البير وتستحمو

    بالجردل لا حنك ولا قياسات ,, نحنا يا بعد عمري بنعيش في العصور الحجرية حيث لا حسيب و لا رقيب وكان

    الله في عونا وعندي ليك إقتراح أخير ترجع تستحم في أمريكا عشان الموية هنا بتوسخ وما بتنضف !!!
                   |Articles |News |مقالات |بيانات

02-06-2007, 08:31 AM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19820

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: عواطف ادريس اسماعيل)

    اشكركم جميعا على مداخلاتكم وتعليقاتكم كان بودى يا زملاء ان ارد عليكم فردا فردا لكنى مزحوم جدا جدا ......
                   |Articles |News |مقالات |بيانات

02-06-2007, 08:47 AM

nazar hussien
<anazar hussien
تاريخ التسجيل: 04-09-2002
مجموع المشاركات: 10205

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    Quote: اشكركم جميعا على مداخلاتكم وتعليقاتكم كان بودى يا زملاء ان ارد عليكم فردا فردا لكنى مزحوم جدا جدا ......


    مزحوم أم عطشان؟
                   |Articles |News |مقالات |بيانات

02-06-2007, 09:17 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: nazar hussien)

    والذي نفس (ملاسي) بيده كان ما دخلت إيدك

    في جيبك حنلقاك كاتب :

    الأحد 3/6/2009 الساعة 30/11 صباحا ذهبت

    الى مكتب المدير وجاءتني سكرتيرته وقالت

    المدير مشى عمرة ...

    يا أخي استعين بمهند مامون الموية بتجيك قبل

    أن يرتد اليك بصرك ....

    ولا أقول ليك سيبك منه لأنه حيقول ليك رجع ليّ

    باسويردي ... أمشي للأستاذ حسين خوجلي لو ما وصلتك

    الموية قبل ماترجع الحلفاية لومني !!!!!!!!!
                   |Articles |News |مقالات |بيانات

02-06-2007, 09:14 AM

Omer Gariba

تاريخ التسجيل: 04-10-2006
مجموع المشاركات: 113

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    سلام يا بكري ...
    بالمناسبه من خلال تجربتي ممكن اجازتك كلهاتروح في الماسوره دى... غايتو احسب ساكت ...
                   |Articles |News |مقالات |بيانات

02-06-2007, 09:00 AM

بكري الصايغ

تاريخ التسجيل: 16-11-2005
مجموع المشاركات: 19331

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    الأخ الـحـبيـب الـحـبوب،
    بكري ابـوبكـر،
    تـحـياتي ومـودتـي،

    ..... لانـه وتـهـمنـا صـحـتك وعـافيـتك، وان تنعـم بـحـياة مـديـدة
    بـإذن اللـه اتـمـنـي الا تـقـوم بتـوصـيل اي " مـاسـورة "
    مـياة لمنـزلكـم بالسـودان. ولـمزيد اكـثـر وتـوضـيـح لكلامـي
    اقـرأ الـخـبـرالـمـرفق.




    احصائيات مخيفة تقرع ناقوس الخطر !!
    ___________________________________

    منتدى " أخبار اليوم ":

    في 6-3-1427 هـ :

    رصد/ قمر فضل الله / حنان الطيب:


    احصائيات مخيفة واراء جريئة طرحها المركز القومي لامراض الكلي تقرع ناقوس الخطر حول ارتفاع عالٍ في معدلات الاصابة بمرض الفشل الكلوي المزمن بالبلاد حيث وصلت نسبة الاصابة وسط الرجال 70% والنساء 30% الي جانب اصابة 562 طفل بالمرض بنسبة 6% وبالرغم من تبني الدولة لعمليات الغسيل الكلوي الا ان مريض الفشل الكلوي مازال يعاني من ويلات المرض البحث في ابعاد هذه القضية الصحية الكبري كان مسار جدل وسط مجموعة من الخبراء والمختصين في ورشة العمل الهامة التي نظمتها جمعية زارعة الكلي السودانية بالتعاون مع منظمة هيلا هلب والمركز القومي لامراض الكلي والبرنامج القومي لزراعة الاعضاء «اخبار اليوم» كانت حضورا ورصدت تفاصيل هذه الورشة فالي مضابطها.
    بداية تحدث دكتور خليفه العوض الحسن/ مدير المركز القومي لامراض وجراحة الكلي مشيرا في الازدياد الخطير في معدلات الاصابة مؤكدا علي وجود علاقة بين الكلي والماء موضحا بان ثلثين من الكرة الارضية مياه عزبه منها لا تتعدي 5،2% ثلثين منها في الانهار الجيلدية وقمم الجبال وموضحا ان ثُلثين من جسم الانسان مياه واوضح د/ خليفه ان اسباب الفشل تنقسم الي اصباب عادية وراثية ناتجة عن الاصابات بامراض السكري وضغط الدم اما الاسباب غير العادية تتمثل في تلوث المياه والمبيدات والكلور الي جانب الفلوريد والكاديوم الرصاص الـ د.د.ت والايزو سينايدو والامونيا
    واكد دكتور خليفه علي وجود اشياء مشتبه فيها قد تؤدي لاصابة بالمرض وتشمل المياه الغازية المعلبات - مواد التجميل - المعطرات - النفايات - الاشعاعات - محطات التنقية ، خطوط التوزيع الخزانات - العبارات - الازيار - الفلاتر واوضح لاختلاط المواد الكيميائية مع البيولوجيه يقود لكارثة مبيناً ان ضخ المياه في المواسير تؤدي الي حدوث تغيير في المياه.
    وقال ان الوقاية علي مستوي الفرد تكون بتناول نظافة الازيار والصبارات الاهتمام بالخزانا والمواسير وتجديدها بصورة مستمرة.
    وطالب دكتور خليفه بتحديث محطات التنقية وانشاء نقاط مراقبة الي جانب اقامتة معامل ذات كفاءة عالية للكشف في كل محطة داعيا لاهمية الاستفادة من تجارب الدول المتقدمة واصلاح المياه من المصدر الي المستهلك وناشد بتحكيم الرقابة والتنسيق اضافة للحد من استعمال الكلور واستبداله بالاوزون والاشعة البنفسجية او الكربون النشط في معالجة المياه ومنع الصرف الصناعي ومياه الصرف الصحي والزراعي في الانهار.
    وقال د. خليفه لابد من سن القوانين المناسبة والصارمة لتجريم مرتكب القاء المخلفات في مجري النيل خاصة الصناعية والكيميائية وجعل هيئة المياه وزارة سيادية ودمجها بوزارة للامن الغذائى وتوفير الامكانيات لها .
    واشار الي ازدياد نسبة الوعي بين المواطنين اضافة توفر وسائل التشخيص وسهولة الحصول للمراكز وطالب د. خليفه بضرورة الاسراع في اجراء دراسات وبحوث عاجلة لمعرفة الاسباب والمسببات واوضح ان نسبة الاصابة تزداد يوما بعد يوم في كل ارجاء العالم مبينا بانها وصلت لمائه في المليون في الولايات المتحدة الامريكية.
    ومن جانبه قال دكتور اسماعيل بشارة ممثل وزارة الصحة الاتحادية
    ان الوزارة تضع امراض الكلي من اولي اولوياتها مشيرا لافتتاحها لـ 28 مركز غسيل ساهمت في تخفيف معاناة المرض واكد ان للوزارة جهد اخر في مجال زراعة الكلي حيث تم ادخالها بمستشفي احمد قاسم وودمدني واوضح ان الوزارة تعقد العزم لاجراء البحوث العلمية بهدف الوصول لنتائج قاطعة تقوم علي علم دقيق لمعرفة الاسباب وايجاد الحلول الناجعة داعياً جميع قطاعات المجتمع لتقديم المساهمات للحد من انتشار هذا المرض.
    ويحكي الاستاذ عادل بابكر/ الامين العام الجمعية زراعي الكلي عن حجم المعاناة التي يعيشها المصابون بمرض الفشل الكلوي موضحا ان الجمعية اسست بعضوية تبلغ 35 زارع والان فاقت العضوية (800) وقال ان الجمعية ساهمت في العديد من المناشط وهدفها الاول زارع الكلي في السودان وتقديم الرعاية الكاملة له الا اننا نحتاج للمساندة الطبية واكد عادل ان قضية الفشل الكلوي ليس مسؤولية حكومة او احزاب لكنها تحتاج لكل المجتمع وقال ان المياه هي المتهم الاول.
    وقال ان المركز الطبي الخيري لجمعية زارعي الكلي من اكبر انجازات الجمعية ومن اضخم الانجازات الطبية في السودان في مجال زراعة الاعضاء وبالاخص زراعة وغسيل الكلي ،اوضح ان فكرة ونشأة هذا المركز جاءت من مجموعة الزارعين السودانيين الذين هم اول من تكبر هذه المشاق وذلك لقلة مركز الغسيل ومراكز الفحص والتحاليل والان اصبح حلم هذه المجموعة حقيقة وانجازا ضخما يعد ثمرة الجهود التي بذلها هؤلاء الزارعين وابان استاذ عادل بان الاهداف العامة للمركز هي المساعدة في وضع السياسة العامة والاستراتيجية والخطط المؤدية الي رفع مستوي الخدمات الصحية والوقائية والعلاجية المقدمة للمواطن السوداني في مجال الفشل الكلوي وزراعة الكلي واضاف قائلا ان المركز يطلع بمهام التنسيق بين الخدمات المقدمة لمرضي الفشل من قبل القطاعات الصحية والخدمية والاشراف علي زراعة الكلي والغسيل اي جانب التركيز علي التوعية الصحية والاعلامية والتثقيف واعداد البرامج التدريبية والندوات والمحاضرات العلمية للعاملين في مجال الفشل الكلوي بالاضافة للقيام باعداد الاحصائيات والبحوث والدراسات في مجال الامراض المؤدية للفشل الكلوي والقيام بالفحص والتحليل الدوري للزارعين والمساهمة في اعداد وانشاء مراكز غسيل وزراعة في كل انحاء البلاد وتبادل المعلومات مع المراكز العاملة
    واضاف قائلا ان المركز يحتوي علي مجمع للغسيل يشتمل علي (10) وحدات مزود باحدث ماكينات الغسيل الي جانب ثلاث غرف عمليات وقسم المعمل والطوارئ والصيدلية وقسم الكمبيوتر والاحصاء والموجات الصوتية والاشعة ومجمع للعيادات ودعا عادل لضرورة التكاتف سويا من اجل خلق جيل معافي من الامراض موضحا بان الجمعية تستقبل تبرعات الخيرين عبر بنك تنمية الصادرات فرع بحري ومن جهته قال دكتور/فتح الرحمن برير ان تلوث مياه الشرب يعني زيادة تركيز في بعض الايونات التي تحتوي عليها الماء وزيادة في تركيز الاملاح الذائبة التي تحتوي عليها الماء وزيادة في تركيز الاملاح الذائبة الكلية كما تعني اضافة عناصر غير طبيعية لماء الشرب واوضح ان مصادر تلوث المياه تنقسم الي مصادر طبيعية تتلخص في عامل المناخ وتفاعل المياه مع التربة والوسط الجيولوجي الموجود فيه والتأثير الميكربيولوجي مشيرا الي مصادر ناتجة عن النشاط الحياتي للانسان واكد ا نه في ظل التقدم الحضاري قد قاسي الانسان كثيرا وتضرر ..
    ومن جانبها قالت دكتوره مها عبد الغفار ان تأثير الانسات البيئي السالب علي موارد المياه يتلخص في رمي الاوساخ والمخلفات علي موارد المياه السطحية وعمل حفر قريبة من مستوي سطح الماء الجوفي لدفن النفايات الي جانب الحفر الخاطئ للسيفونات واستخدام الماء للري اكثر من الحاجة الطبيعية مشيرة للاستخدام الخاطئ للحفائر والمصادر السطحية الاخري واستعمال المبيدات الحشرية اضافة للضخ غير المسئول للمياه الجوفية وتغيير نظام التصديق الطبيعي وعقدت د. مها مقارنة بين الحد المسموح به لتركيز الايونات في ا لماء وفقا للمقاييس العالمية وخاصة مقياس منظمة الصحة العالمية والمقاييس المحلية وقالت ان استخدام ادوات رافعة ادي الي استنزاف الموارد داعية لضرورة اتباع القانون الدولي للمياه واتباع انظمة الري المصغرة التي تضخ المياه بكميا ت معلومة وناشدت با همية الرصد الدوري لمصادر المياه من حيث الكمية والجودة وانشاء شبكات الصرف الصحي حتي يتم الاستغناء عن السيفونات واستخدام محطات التنقية متي تطلب ذلك وطالب بالاهتمام بالتغذية الصناعية للمياه الجوفية داعية لنشر الوعي البيئي وثقافة المياه.
    وقال د. مهدي الفكي ادارة المعامل الكيمائية القومية ان موقف المياه في السودان يحتاج لمجهودات ضخمة موضحا ان انتاجية المياه اليومية بالعاصمة تبلغ 75 الف متر مكعب ويصل الفاقد الي 33 الف مكعب نتيجة للكسورات موضحا ان حاجة العاصمة تبلغ مليون مناشدا الدولة بالاطلاع بدورها في رفع مستوي تنقية المياه . وقال المهندس محجوب محمد طه المستشار الفني لهيئة مياه ولاية الخرطوم ان المعدل العالمي لشرب المياه 8-10 اكواب اليوم لطرد السموم مؤكدا ان محطات المياه الموجودة مصممة علي النظام العالمي ويتم قياسات الملوثات باحدث الاجهزة واكد ان الكلور احسن مادة لمعالجة المياه ويتم استخدامها علي مدي ايام .
    وقال ان السيفونات مشكلة سودانية خطيرة خاصة وان الدولة لا تتكفل بمعالجة المخلفات مشيرا الي وجود 500 الف بئر سيفون في ولاية الخرطوم واكد ان المياه الموزعة في شبكة مياه ولاية الخرطوم لاتحدث اي مشاكل في الكلي وهي ذات نوعية مطابقة للمواصفات العالمية وتقاس علي مدار 24 ساعة وقال ان جميع ولايات السودان تستخدم مياه غير معقمة ودعت بروفيسور مني العجب لاهمية قيام وزارة للمياه تضمن التنسيق بين الجهات ذات الصلة واشارت الي ان عدد المحطات غير كافٍ الي جانب وجود ضعف في الكوادر المدربة لتحليل المياه واقامة محطات اضافية وقالت لابد من ايجاد بدائل طبيعية وتوفير المياه اولا ومن ثم ضبطها وقال المهندس عمر عبد الله /هيئة المواصفات والمقاييس ان 85% من امراض العالم الثالث سببها المياه مشيرا لوجود اثر تراكمي في المياه موضحا ان امراض المياه مقسمة الي اربعة مجموعات الكوليرا والبكتريا وعدم توفر الماء الطهور للنظافة الشخصية اضافة لامراض البلهارسيا والدودة الشريطية مؤكدا ان هناك 765 مركب في مياه الشرب داعيا لضرورة الاهتمام بالما ء باعتبارها سلاح ذو حدين وقال ان النحاس في المواسير يحدث صدي ترسبات في المياه موضحا ان المياه بمجرد خروجها من الخزان تتصل بالشبكة التي توجد بها مشاكل عديدة خاصة وانها قديمة جدا واشارت لخطورة استخدام اللحام في صنع الخزانات مؤكدة بان به مواد خطيرة مضيفا ان البوهيات معظمها مواد معادن ثقيلة واكد ان توصيل الخط بحلقات حول المواسير فيها خطر وبه مواد تخترق الجدار المخاطي للامعاء .
    وقال مهندس عمر لابد من دعم المختبرات الموجودة للمياه بالاجهزة التقنية المتطورة وطالب بدعم المياه في كل السودان واقامة مختبر مركزي للاشراف
    علي المياه في كافة مناحي البلاد .

    وقال دكتور محمد ابراهيم حمدوك ان هناك مشترك مشيرا لوجود 3 ملايين مواطن خارج الشبكة واكد ان الهيئة هي الجهة المسئولة عن توفير المياه الصالحة للشرب لجميع المواطنين واوضح ان 99% من المياه تستخدم في علاج الكلي ودعا المهندس الكيميائي وحيد علي لاهمية العودة للطبيعة وقال لا يوجد قاسم جغرافي الي جانب غائب التراكيمية المعرفية وعدم التنسيق ومن جانبها قالت دكتوره وفاء علي عبيد المركز القومي لامراض وجراحة الكلي بعد خمس سنوات من عمليات زراعة الاعضاء وصلت الي 200 عملية بمستشفي احمد قاسم و62 بابن سينا ومدني و48 بود مدني ويبلغ الاجمالي 310 واشارت لقيام 26 مركز دموي وبروتيني وقالت ان عدد المصابين وصل الي «10» الف مصاب من العام 2002-2005 وهناك 16 الف مصاب 2.560 سيدة مصابة ووصلت نسبة الاصابة وسط الكبار 94% والاطفال 6% معلنة عن قيام ثمانية مراكز اخري خلال العام 2006 وقالت ان امراض الفشل الكلوي لا يمكن تصنيفها علي حسب القبيلة خاصة في ظل الترحال الكثير بين الولايات والمركز وقالت من الممكن يعتمد برنامج زراعة الاعضاء علي الاحياء مطالبة بضرورة ان تكون الزراعة من الموتي حديثا وفي ذات الاطار قال مدير ادارة سلامة المياه بوزارة الصحة ولاية الخرطوم .
    ان الوزارة انشأت وحدة لسلامة المياه بكل محليات الولاية تقوم بأخذ عينات من جميع الابار شهريا وتجري مسحا مركزيا بصورة سنوية لعدد 465 بئر خارج الشبكة للتأكد من خلوها من الملوثات الكيميائية واشار للرسوم الضرائبية والجمركية التي تفرض علي مدخلات المياه مطالب الدولة بضرورة الاعفاء من هذه الرسوم للارتقاء بالمياه ورفع تقنيتها.
    وقال المهندس عبد الحميد السر مياه ولاية الخرطوم ان التوصية باستبدال استعمال مادة الكلور في معالجة المياه ل ا يمكن تنفيذها باعتبار ان ذلك منافي ومخالف للمواصفات العالمية الموصي بها ومن ناحيته قال المهندس خالد علي /المدير العا م لهيئة ولاية الخرطوم ان الكلور لا يمكن استبداله بالاوزون باعتباره افضل معالج للمياه وقال ان الهيئة خلال فصل الخريف تطالب بزيادة نسبة الكلور في المياه للمحافظة علي الامعاء واشار الي استخدام خلال الايام الماضية بكميات كبيرة في مناطق الجنوب للسيطرة علي الوضع ا
    لصحي هناك والحد من انتشار وباء الكوليرا .

    واكد مهندس خالد علي سلامة الشبكة بالولاية وكذلك الابار التي تخضع لتقصي وترصد بصورة دورية هذا وقد امنت الورشة علي وجود علاقة وطيدة بين المياه والكلي ودعت الي اهمية الاستفادة من التجارب والخبرات ولفت النظر المؤسسات المسئولة عن صحة المياه وضرورة نشر الوعي واستغلال الوسائل المتاحة وطالبت الورشة بانشاء وحدة للغسيل في كل مرفق صحي بالولايات
    وتفغيل قوانين البيئة وتحديث جودة حافظات المياه والمواسير في الشبكات اضافة لابتداع برامج لجودة المياه ومتابعتها من المصدر الي المستهلك للتأكد من سلامتها .وطالب عدد من الخبراء بوضع قوانين لتلوث المياه واقامة وزارة للمياه تضم كافة التخصصات من خبراء مياه واحباءوجوليوجيين .

    _________________________________________________________________


    الأخ الـحـبيـب الـحـبوب،
    لك ولـكل الاخـوات والأخوة دوام العافية.
                   |Articles |News |مقالات |بيانات

03-06-2007, 03:36 PM

بكرى ابوبكر
<aبكرى ابوبكر
تاريخ التسجيل: 04-02-2002
مجموع المشاركات: 19820

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكري الصايغ)

    اليوم الثامن الموافق 3 يونيو الساعة9.30 صباحا بتوقيت الخرطوم
    المكان الهيئة القومية للمياة لولاية الخرطوم
    حملت كل اوراقى و معها تقرير التقديرات و فى الباب سجلت اسمى بعد ابراز جوازى الى رجل الامن و بع انتظار 20 دقيقة سمح لنا رجل الامن بالصعود الى الطابق الثالث لمقابلة المدير العام للهيئة القومية لولاية الخرطوم و وجدت قدامى حوالى 5 مواطنيين منتظريين منهم واحد ساكى الموضوع من اول مايو....تخيلوا.....
    مكتب المدير العام عبارة عن صالون كبير و مكيف تكيف مريح وبه حوالى 8-9 كراسى فاخرة(فوتيه) و الحياطان تزادان بايات قرانية كريمة .... و المكتب الذى خلف المدير خالى من المراجع العلمية ...المدير له لحية كبيرة...........الخ
    وبعد ان اطلع المدير العام على تقرير التقديرات قال لى انهم مستعدين يساهموا معاى بالنص و بعد ان طلبت منه خذف البلف و ان يكون الحفر علينا وصلت بالتقديرات الى 300 الف .....
    وبعد داك سالت المدير العام التالى....
    بكرى:يا استاذ انتو ليه بتعذبوا الناس كده و ليه كل هذه التلتة ؟؟؟
    المدير:نحن نعمل شنو كان كل الناس سابت السودان و دايره تسكن الخرطوم و نحن ميزانيتنا بسيطة
    بكرى:طيب المواطنيين ديل ما قاعدين يدفعوا ليكم؟؟
    المدير:بدفعوا لكن الخرطوم توسعت......
    ......
    ......
    بكرى:تعرف يا باشمهندس اخوك ساكن فى صحراء اريزونا واريزونا واحدة من مشاكلها الموية لكن التلتلة اللقيتها هنا ما لقيتها هناك ...كل الشركة قامت بيه........
    المدير: امريكا دى ما هى سبب مشاكلنا
    .......

    .....
    وبعد ذلك ذهبت بالتقرير الى المكتب اخر للامضاء و ثم مكتب اخر لكتابه الطلبية ...و بعد ان كتب الموظف الطلبية على ان اذهب به الى الطابق الاول للخزينة و ان ارجع له بالايصال فى الطابق الثالث بدون اصانصير....
    عدت بالايصال للموظف فى الطابق الثالث و امرنى بان اقوم بتصوير كل هذه الاوارق فى كشك بالقرب من جامعة النيلين على ان اعود له بالاصل ...قمت بتصوير الاوراق فى الكشك و رجعت للموظف فى الطابق الثالث و اعطيته الاصل و قال لى بعد ده ان امشى استلم الطلبية من مخازن الهيئة بشارع الغابة...كانت الساعة قد شارفت الى الثانية عشر...فطرنا سندوشات و واصلنا الرحلة الى المخازن بالمنطقة الصناعية بالقرب من المسبك (صك العملة)...
    وصلنا المخازن و هناك وجدت عدد المواطنين بالاضافة لاى اخونا الساكى الموضوع ده من يوم اول مايو و هنالك كانت المفاجاة ان المخان لا توجد فيها اى شى و علينا انتظار الى نهاية اليوم او نجى بكرة لاستلامها لانو ناس المسبك لسع ما جابوها ....و الموضوع ده محتاج عربية و مافى عربية متوفرة الان وهنا تبرع اخ يقود عربية حكومية وشكله سواق لشخصية كبيرة (من كلامه عرفت انو بيتهم فى اول كافورى و ده حى ما يسكنهم الا......) و شخصى الضعيف لنقل ما يحتاجه المخزن ليلبى طلبات المواطنيين المنتظرنها.....ذهبا الى المسبك المركزى و الذى يبعد حوالى نصف ميل من المخازن و معنا عامل من عمال المخازن لنقل الطلبية ....
    وصلنا المسبك المركزى و هناك تذكرت المناضل على الماحى السخى الذى ارتبط اسمه به.....غاب عنا العامل المكلف بنقل الكمية منا بعد ان طلب منا الانتظار بالقرب من المخزن ...حتى يصدق لها.وفى المخزن وجدنا الطلبة فى انتظارنا و قمت بتصويرها مع بعض العمال السودانيين و لكن فوجئت بعد دقائق ان شخص شكله هندى و معه هندى اخر على ما اظنه ....هو ما قام بتبليغه لانو الاول شكله منهدس و الاخر وشكله عامل.... امرنى الهندى الشكله رئيس القسم بعدم التصوير و ان اتى معه الى المدير .....
    و هنالك وجدت مدير المسبك معه هندى اخر وبدا الهنديان يلغلغا شى هندى و شى انجليزى ضدى ....وبعد ان اوضحت للمدير الامر اننى قمت بتصوير مع عمال المسبك بوافقتهم و مستعد لمسح كل ما صورته....قمت بمسح الصور ....و دار بينى و ودير المسبك الحوار التالى
    بكرى:يا باشمهندس عمال و مهندسين فى السودان مافى جايبين عمال و مهندسين من الهند و بنغلاديش ...لموسسة حكومية و ما شركة....ده شى مخجل و الله اتو المسبك ده اتباع الى شركة هندية....
    .......
    المدير:نسوى شنو ديل ارخص و احسن من السودادنيين........ تخيلوا......
    بعد ان مسحت الصور ذهبت الى المحزن و وجدت العمال قد رفعوا ال...الى العربية...

    اواصل بكرة مدعوما بالصور....
                   |Articles |News |مقالات |بيانات

03-06-2007, 03:43 PM

اساسي
<aاساسي
تاريخ التسجيل: 20-07-2002
مجموع المشاركات: 16527

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    بصراحة يا بكري روحنا اتسلت خلي انت
                   |Articles |News |مقالات |بيانات

03-06-2007, 04:01 PM

hajhamad
<ahajhamad
تاريخ التسجيل: 05-02-2002
مجموع المشاركات: 1478

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: اساسي)

    غايتو يا بكري لو شغلوا ليك الحنفية دي الأسبوع الأول صندلية بعوضوك تعبك دا ..تحياتي


    الحاج حمد الحاج
                   |Articles |News |مقالات |بيانات

03-06-2007, 04:05 PM

اساسي
<aاساسي
تاريخ التسجيل: 20-07-2002
مجموع المشاركات: 16527

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: hajhamad)

    يا اخوانا الداخلين بوست بكري دا رايكم شنو نصلي صلاة استسقاء لماسورة بكري علها تنقط .!!
                   |Articles |News |مقالات |بيانات

03-06-2007, 04:13 PM

هشام مدنى

تاريخ التسجيل: 08-08-2004
مجموع المشاركات: 6667

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    Quote: المدير: امريكا دى ما هى سبب مشاكلنا

    لا حوله ولا قوة الا بالله


    تانى امريكا

    الحمدلله الجات على كده
                   |Articles |News |مقالات |بيانات

04-06-2007, 07:30 AM

haider osman

تاريخ التسجيل: 27-07-2005
مجموع المشاركات: 1316

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    كان الله فى عونك...

    سعال: الايام ده بستحموا وين؟ منتظرين العيد الكبير(برود العيد)
                   |Articles |News |مقالات |بيانات

05-06-2007, 07:20 AM

عمر عبدالجليل البعشي

تاريخ التسجيل: 19-12-2005
مجموع المشاركات: 215

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: بكرى ابوبكر)

    بكـرى نـادى أصغـر عامـل وقول ليهـو أريـد توصيـل ماسـورة فى غضـون ساعتيـن فالجيـوب أقـرب للقلـوب وما تبخـل على أخوانـك
    أما القوانيـن والمثاليـات والتصويـر فأحملهـم معـك فتلـك لم تصـل العالـم الثالـث بعـد
                   |Articles |News |مقالات |بيانات

05-06-2007, 07:35 AM

فاروق حامد محمد
<aفاروق حامد محمد
تاريخ التسجيل: 07-08-2006
مجموع المشاركات: 4648

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: عمر عبدالجليل البعشي)

    يا بكري حتى تركيب المواسير يخضع لتقديرات

    ناس الأمن !!!!! أحمد ربنا على كده !!!!

    ولأنك تزعجهم كثيرا بسودانيزأونلاين فأحمده

    كثيرا إنه ما دخلوك في الماسورة ذاتها بدلا عن

    تدخيل الماسورة في بيتكم !!!!!!!
                   |Articles |News |مقالات |بيانات

05-06-2007, 08:16 AM

Nesta
<aNesta
تاريخ التسجيل: 27-02-2002
مجموع المشاركات: 993

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: فاروق حامد محمد)

    تعرف يا بكري ..
    هناك مصطلح جديد في السوق اسمو ( الماسورة ) .. ومنتشر بكثافة وسط اسواق الموبايلات تحديدا وكثيرا ما ياتيك احدهم ويقول لك مسكوني الماسورة .. أو ركبت ليهو ماسورة .. أو ركب ماسورة والكلمة متداولة منذ زمن طويل .. الله يستر عليك من المواسير .. والله البلد كلها بقت مواسير ..
    برضو واقف في صف الصور ..
                   |Articles |News |مقالات |بيانات

05-06-2007, 08:18 AM

Nesta
<aNesta
تاريخ التسجيل: 27-02-2002
مجموع المشاركات: 993

للتواصل معنا

FaceBook
تويتر Twitter
YouTube


Re: معاناتى لادخال ماسورة فى بلد اساسا مواسيرها ما بجيب موية و النيل شاقيها نصفين (Re: Nesta)

    انت صورك دي ماسورة ولا شنو ؟؟
                   |Articles |News |مقالات |بيانات


[رد على الموضوع] صفحة 1 „‰ 1:   <<  1  >>




احدث عناوين سودانيز اون لاين الان
اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia



فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de