دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا
أرتِق الشَرِخ دَا/ العِصيان ناداك
الشعب الملهم.. لن يصبر من كدا أكثر
إلى شباب ثورة العصيان المدني: الحرية لا تقبل المساومة!
أكتب وأهرب: (أوقاف ) قوقل..و (سبيل ) الفيسبوك ...! بقلم يحيى العوض
نيويورك 10 ديسمبر، حوار حول الحراك المعارض في السودان في ختام معرض الاشكال والجسد
19 ديسمبر .. إني أرى شعباً يثور !!
مقال للخائفين على السودان من مصير ليبيا و سوريا إن حدث التغيير
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-10-2016, 08:30 PM الصفحة الرئيسية

مكتبة عزاز شامي(عزاز شامي)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

لمن يهمه الامر : رسالة بأثر رجعي من طفلة سابقة ...

07-26-2009, 09:31 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

لمن يهمه الامر : رسالة بأثر رجعي من طفلة سابقة ...



    {صباح الخير فريدريك! اسمي وليم وعمري خمسة أعوام،
    هل في وسعك أن تقرر منع المتاجر من بيع الحلوى؟
    سيتيح لي ذلك ادخار مالي لشراء سوار ومكعبات سحرية}


    فريدريك المخاطب أعلاه هو فريدريك رينفيلد رئيس وزراء السويد و المرسل طفل سويدي في الخامسة من العمر. قرأت خبر الرسالة اليوم في صحيفة الحياة في صفحتها الأخيرة والمثير في الأمر ليس فعل كتابة الرسالة فقد سبق و كتبت و أنا طفلة صغيرة رسالة للمك حسين بأن يسمح لي بالصلاة في القدس ولا اعلم لماذا ربطت بينه و بين القدس من الأساس! و بالطبع لم تبارح رسالتي كراستي لأني لم أجد عنوان بريد ولا فاعل خير يوصل رسالتي، وعُدت رسالتي دليلا على جنوني المقيم ... المثير في الأمر بالنسبة لي ليست رسالة الطفل فالأطفال يتصرفون بتلقائية ولا يستطيعون تميز الطبقات المجتمعية أو السلطوية كما نراها نحن.
    ما أثار دهشتي و عجبي و إعجابي هو رد رئيس الوزراء على رسالة الطفل ردا موضوعيا متسقا بعيدا عن طريقة الـ baby talks وضح فيها للطفل ذو الخمس سنوات بأن البعض يفضل تناول الحلويات وانه خياره الخاص أن يمتنع عن تناول الحلويات متى شاء:

    {يعتقد الكثير من الناس أنه من الرائع تناول بضع قطع
    من الحلوى من وقت إلى آخر، وإذا لم يكن المرء راغبا
    في تناول الحلوى، فبوسعه أن يختار عدم شرائها،
    ولذلك فأنا لا أرى ضرورة حظر الحلوى}


    الخبر الصغير والذي احتل ركنا قصيا في أسفل الصفحة لخص لي الفروق السبعة بين واقع مجتمعنا و مؤسساتنا و نظم تعليمنا. أولا، كون طفل يفكر في توفير مصروفه وهو في الخامسة من عمره يقودنا للتفكير مليا في كيفية نشأة الفرد و تشكيل شخصيته في عمر صغير جدا و تهذيبه كي لا يكون استهلاكيا مبذرا. ثانيا، منطق الطفل في مخاطبة أعلى هرم في الدولة لحظر ما يراه مبددا لمصروفه يعكس أريحيته في التعامل و اعتباره رئيس مجلس الوزراء فردا عاديا مخولا لاتخاذ قرارات يمليها الشعب لا العكس. و أخيرا وليس آخرا ، من دواعي العجب و الإعجاب كونه يكتب من الأساس في عمر الخامسة!

    وسرحت بخيالي و تخيلت سيناريو مشابه في عالمنا الشرق أوسطي و الشمال أفريقي لو فكر طفلٌ ما في مخاطبة رئيس وزراء ماذا كان سيكتب؟ هل سيطالب بمنع الحلويات لتوفير مصروفه أم سيبادر بالمطالبة بمصروف من الأساس و توفير الحلويات لكي يشتريها؟ هل سيكون بمقدور طفل في عالمنا كتابة رسالة ذات مغزى في عمر الخامسة، وإن كتبها هل سيتكبد احد الراشدين عناء إيصال الرسالة للشخص المسئول دون التندر بالطفل و ( الود ده راسو خفيف !! ههههه داير يرسل رسالة لوزير في الدولة! قوم احضر سبيس توون يا ولد !!)

    منظومة القيم المجتمعية و المؤسسية والتي تؤطر علاقة الطفل كفرد في المجتمع برئيس الوزراء في اعلي قمة السلطة مرورا بنظام التعليم جعلت أمر الرسالة يبدو بديهيا و الرد أيضا بديهي.
    تملكني حزن عميق عندما تأملت حال أطفالنا هنا، و هنا متسعة ممتدة من المحيط للخليج، وكنت قد درست في وقت ماشي أطفالا في عمر رياض الأطفال وكنت اشهد شعلة الذكاء في أعينهم اللامعة و يتملكني خوف عميق من نظم تعليمية تقتل الإبداع و التفكير الحر، و نظم شمولية تخنق المبادرة و المشاركة في صنع القرار.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 09:31 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)


    وبما إني لا املك القدرة على إعادة عجلة الزمن للوراء لأكون طفلة في منأى من العقاب، و الجبن الملازم للتقدم في العمر، العمر الذي يورثنا الخوف و التردد و الإحجام! و لتحقيق أمنيتي بأن أعود لمرحلة الطفولة البريئة لأخاطب من كانوا منا في سدة الحكم، ولقهر تعذر كل ما سبقته (لو) فإني أتوجه بخطاب بأثر رجعي في عمري لقادة حاليين:

    { الرئيس، السادة قيادات المعارضة، السادة المتنفذين،
    سلام ...
    اسمي عزاز شامي و عمري أكبر مما تشي به سجلات المواليد، نشئت بعيدا عن تراب الوطن واحن بأن يضمني ثراه إن ضنت الظروف بالدب بخطواتي على أرضه ... أرجو منكم تحقيق ما يلي فهي أمنيات طال انتظارها و اخشي أن أغادر الحياة وهي في طي التمني ولا ترى النور ... أريد سودانا آمنا، و نظام تعليم فاعل يشجع الخلق و الإبداع، و دولة تتسع لتشمل الجميع ولا تفرق بين أبنائها بل تستقطب كفاءات الشعوب المجاورة، أريد مصروفا يكفيني و يكفى كل الأطفال، أريد أطفالنا سليمين معافين تلمع عيونهم بالصحة و يمضون متشابكين الأيدي في شوارع نظيفة وملاعب و يستنشقون هواء نقيا و تضمهم جدران مدارس رحبة و معلمون مبتهجين لم يحن تعب العيش و ضنكه ظهرهم، أريد العيش بكرامة و جبينا مرفوع، أريد نظاما صحيا و برلمانا حرا و نظاما قضائيا معافى و انتخابات مسئولة و شفافية في قيامها، و سجونا تهذب و تصلح ما اعوج من نفوس، أريد ممارسة شعائري بحرية، أريد أن أكون مواطنا مسئولا لا مساقا من تلابيبي مخافة إملاق أو تضيّيق ، أريد أن أكون فردا حرا مخيرا لا مسيرا في أمور مواطنتي، أريد إن أكون سودانيا كما ينبغي ... أريد وطنا احن إليه بدون غصة في الحلق، أريد وطنا تطالعني الصحف بأخباره المشرفة لا وطنا يعلو اسمه في قوائم التأخر و الفساد و يتذيل قوائم التطور و الإنسانية... أريد السودان الذي ظل يحدثني أبي عنه، أريد السودان الذي ظل يتباكى عليه الجيل القديم، أريد سودانا ابشر به للجيل القادم، و ارسم له خارطة تلتقط إطرافها ك الأشقاء و تعيدهم للداخل ... أريد سوادنا يستحق أبناءه .. انتظرنا طويلا، فهلا استجبتم؟ فليس في العمر متسع، قد أغيب و تغيبون و تظل أمنياتي محلقة متعبة تبحث عن خلاص.}
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 09:53 AM

عبد الناصر الخطيب
<aعبد الناصر الخطيب
تاريخ التسجيل: 10-25-2005
مجموع المشاركات: 5180

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    الأخت / عزاز شامي
    ------------------------------------




    Quote: أريد السودان الذي ظل يحدثني أبي عنه، أريد السودان الذي ظل يتباكى عليه الجيل القديم، أريد سودانا ابشر به للجيل القادم، و ارسم له خارطة تلتقط إطرافها ك الأشقاء و تعيدهم للداخل ... أريد سوادنا يستحق أبناءه .. انتظرنا طويلا، فهلا استجبتم؟ فليس في العمر متسع، قد أغيب و تغيبون و تظل أمنياتي محلقة متعبة تبحث عن خلاص.}


    فعلا قد يمضي العمر ولا تتحقق تلك الاماني
    وإن كانت ممكنه ...
    بوقت ما كان هناك سودان بموارد أقل باقتصاد زراعي وقروض دولية وإعانات بعض الاصداقاء
    ومع ذلك كان للجميع العيش فيه ممكن ومتاح



    *أماني ليست مستحيلة لكن صعبة التحقيق في ظل نظام لايعتقد أن للناس حق في شي مطلقاً
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 10:14 AM

محمد المرتضى حامد
<aمحمد المرتضى حامد
تاريخ التسجيل: 08-14-2006
مجموع المشاركات: 9789

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عبد الناصر الخطيب)

    صباح الخير يا عزاز
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 01:42 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد المرتضى حامد)



    Quote: صباح الخير يا عزاز

    المرتضى، الصديق الصدوق
    هو صباح آي لكن خير بوين و في طفل متوسد الجادة كراع ممدوة و كرع مطوية
    و نمل الشارع مالي جيوبه بدل ما نملاه بنبون و لبان ولا تذكرة سينما ...!!
    مشيت اتشالقت عملت بحث في قوقل عن طفل سوداني يفرح نهاري،
    طفل سوداني سمح مسرح ملمع وجناتو رويانة بعافية غضة ،
    اغلب العشم يكونو في مدرسة ولا باللعدم بيلعبو حجلة في الشارع...
    ويالحسرتي يا صديق،جاتني صور أطفال في العمر (كهول) في الشافوهو
    عيونهم تسألني، تنهرني، قبقبتني تقول لي
    "ليك عين تفتشي عن اطفال السودان؟ منو الاطفال؟ والله اطفال انتي دي
    انحنا المرصوين قدامك فينا الحي واغلبنا المات صغير و جاهل امنيتو يلبس شبط
    يحميهو حر الرملة ... لا دخلنا مدارس لا لعبنا في المراجيح
    لا غطتنا امهاتنا قبل النوم لا حكت لينا حكاية ...
    تقول لي اطفال؟"
    _________

    و تقول لي خير؟؟؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 10:26 AM

محمد على طه الملك
<aمحمد على طه الملك
تاريخ التسجيل: 03-14-2007
مجموع المشاركات: 7333

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عبد الناصر الخطيب)

    نـداء جيل ظنه البعض فاقدا البوصلة..
    الحمد لله .
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 01:51 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد على طه الملك)

    Quote: نـداء جيل ظنه البعض فاقدا البوصلة..
    الحمد لله .

    الاخ محمد، سلامات و عوافي،
    مستحق الحمد و الثناء، ندعوه ان يجمع شمل بوصلتنا بشمالها
    البوصلة في بس الاتجاهات كلها اتلمت لينا في حتة واحدة،
    محل ما نقبل نلقاها (هي) قاعدة متحكرة!

    الجيل ده تعب من ظنون جيل سابق وجيل لاحق...
    و تعبتو ظنونه هو زاتو في درباً شقاهو بدل ما نمشيهو لا اخترناهو لا ارتضيناهو ...
    جيل جاالدنيا، استلم الحال كما هو عليه لا ايدو لا كراعو، وكل ما يرفع راسو يقولوا
    ليهو (اوووووووووعك! يا بنفرتقك انت و اشواقك في الفجج الاربعة يا ربطناك من
    عرقوب محنتك في الساقية!)
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 01:31 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عبد الناصر الخطيب)

    Quote: فعلا قد يمضي العمر ولا تتحقق تلك الاماني
    وإن كانت ممكنه ...
    بوقت ما كان هناك سودان بموارد أقل باقتصاد زراعي وقروض دولية وإعانات بعض الاصداقاء
    ومع ذلك كان للجميع العيش فيه ممكن ومتاح
    *أماني ليست مستحيلة لكن صعبة التحقيق في ظل نظام لايعتقد أن للناس حق في شي مطلقاً

    الاخ عبدالناصر،
    سلامات ...
    هو العمر ماضي ماضي بس أملنا يمضي واحنا واضعين لبنة تغيير للجيل الجاي،
    تخيل الأزمات على مستوى العالم خلال العشرين سنة القادمة من أزمة مياه
    و طاقة وأراضي صالحة للسكن بعد ما تغرق جزر و يتغير المناخ، احنا حنكون وين؟

    طبعا الأزمة دي فايتة اضانا بيغادي في السودان و كل حلة
    و كل فريق يشكى الويل من القطوعات ... المهم لو ما أوجدنا
    حلول وخلقنا جيل فاعل و منتج خوفي نمرق من ملة الحضارة
    مرة واحدة ونتلفت نلاقي روحنا قاعدين برانا في سهلة جزيرة معزولة من العالم.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 10:13 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    السادة قادة الاحزاب السياسية المعارضة وفى نفس الوقت مشاركه
    اسمى سهام طه المجمر و عمرى بقدر اوجاعى منكم.. نشئت فى ارض هذا الوطن و تشبعت بروائحة الطبيعيه العطرة و الصناعيه النتنه
    زرت شماله و غربه و شرقة و أأمل فى يوم ما ان ازور الجنوب ثم اأتى هنا لاعدل "و جنوبه"...
    وساهمت فى يوم ظل بهيجا فقط فى الذاكرة احتفلت بإعتلائكم كراسى السلطة و هذا يعنى ان لى فضلا عليكم
    اطلب منكم سادتى انتم و الحركة الشعبية لتحرير السودان ان تستيغظو من احلام اليغظة حتى نستطيع ان نتفاهم معكم
    حول امر واحد لا ثانى له و هو استدامة الديمقراطية.


    و للرسالة بقية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 02:01 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Siham Elmugammar)

    العزيزة سهام،

    سأعود لك في باقي مداخلتك الثرة في الاسفل.
    داير بيني و بين الاخ سبيل حوارلا اظنه ينتهي خلال القرن الحالي
    و قد ينتهي بانتقال احدنا للرفيق الأعلى معاني ارجح انني قد
    اوصي ورثتي ومن ينوب عني بمواصلة الحوار مع ورثته ان هو ارتضى ذلك
    لان الحوار عبارة عن saga لا تنتهي (علامة ما لا نهاية) هو مصر انو
    انحنا نقوم نكسر الاصنام و ننتصر زي قرانديزر ولا ابطال حرب النجوم
    من غير ما يدينا ايتها آلية أو خطة طريق ...انا العبد الفقير
    اخالفه الرأي و ارى بأن الامثل ان نهيب بمن هم في السلطة
    و نحملهم المسؤولية وعلى ضوء تقيمهم نطالبهم
    بالتنحي لمن هم افضل لنا و لمجتمعنا...

    سمحة المقدرة، هو لو الامر هين جينا اتجرسنا من رسالة طفل؟

    ابقى عافية ...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 10:14 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    سيكون
    صدقيني سيكون
    فقط لو اعدت النظر وقلت مثلا
    اريد وطنا يسمح لنا جميعا بان نبنيه ونطوره
    لا وطنا ننتظر الحكومة لتمنحنا اياه
    اريد وطنا يسمح لنا جميعا بحرية تغييره والابداع فيه لينمو معافى
    لا وطنا صنعه الانجليز وورثه الجيل السابق وهاهم يحنون اليه كمستهلكين قدامى فقدوا معلبات الانجليز
    نريد وطنا لنا
    بنيناه نحن برعاتنا وفلاحينا وصناعنا وحرفيينا ومهنيينا ..
    وتأسيسا على هويتنا وثقافتنا التي تستحق اعادة الاعتبار اليها وتوظيفها باتجاه اهدافنا السامية
    سيكون ذلك يا عزاز
    فقط اذا تغيرت اجندة مطالبنا
    فبدلا من تسول الانظمة والقادة لكي ينتجوا لنستهلك
    يجب ان نركن الى الافراد الى انفسنا وشعبنا ليعطي نفسه ما يريد
    ولنبدأ بمطلبك المهم : تربية الطفل ليكون اكثر قابلية للنماء والتطور والمسؤولية
    هنا البداية الصحيحة
    مرحبا بعودتك
    ___________________
    رب اشرح لي صدري
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 10:23 AM

Hala Hassan

تاريخ التسجيل: 06-25-2008
مجموع المشاركات: 3023

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    الأخت عزاز،
    Quote: وسرحت بخيالي و تخيلت سيناريو مشابه في عالمنا الشرق أوسطي و الشمال أفريقي لو فكر طفلٌ ما في مخاطبة رئيس وزراء ماذا كان سيكتب؟

    كان سيكتب،

    السيد جلالة الملك، أو الرئيس القائد المفدى المعظم....الخ،
    حتى ينسى موضوع رسالته،،،








    أسمحى لى التعليق على موضوع الرسالة أعلاه بعد قراءتها،،،،
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 10:31 AM

Tabaldina
<aTabaldina
تاريخ التسجيل: 02-12-2002
مجموع المشاركات: 11844

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Hala Hassan)

    ..
    .
    نسيت الكهرباء والموية

    __________

    وشروط دفع المهور سقطت سهواً
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 08:21 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Tabaldina)

    تبلدينا،
    سلامات و تحية ...
    الموية والكهربا ما بناباهم، بس كدي ندي المتوسدين الارض و السما سقفهم بيت و جدران يتكو عليها ...
    كدي نديهم فرص عمل كريمة يدفعو بيها حق الخدمات ...
    مهور شنو يا تبلدينا يا اخوي؟
    دي أحلام غير مشروعة!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 08:14 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Hala Hassan)

    هالة حسن،
    سلامات وعوافي ...
    و وضعتي يدك على الجرح ... ده طرف من المشكلة: تأليه السلطة و ووضعها في برج عاجي و تقديم فروض الطاعة والولاء
    بدون وجود مردود فعلي يستوجب الحمد أو التزلف ...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 11:13 AM

Isa

تاريخ التسجيل: 11-29-2004
مجموع المشاركات: 1321

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    سـلام يا عـزاز.. وتحية طيبة..
    ياخـي كمـان إنتي ما تبالغـي بأمانيكي الجميلة ومستحيلة دي.. أنا من قمت ولي الليلة بحلم بوطـن أيضا صوّره الشامخ محجوب شـريف لي: وطـن بالفيهـو نسّاوى.. نحلم، نقرا، ندّاوى.. مساكن كهربا ومـويه.. تحتنا الظلمة تتهاوى.. كنت أعلق هذه الكلمات في لوحة خطية لسنوات طويلة..
    من الجهة الأخرى،، كثيراً ما تدهشني ليست فقط مبادرات الأطفال المختلفة في (الغـرب).. بل تذهلني طريقة تعبيرهم عن أنفسهم وأفكارهم وأمانيهم وآمالهم.. ودا كلو جاي من طريقة تنشئتهم على ما أعتقد، نفس الشي أراه عند الكبار خاصة السياسيين، والذي عكسه رد رئيس الوزراء على رسالة الطفل.. ففي الديمقراطية الحقيقية يعرف رئيس الوزراء أن الشعب هو الذي إنتخبه، وهو الذي سيعزله، وهو الذي يدفع له راتبه، وهو الذي صرف عليه حتى تعلم ونال الدرجة التي جعلته يتسنم رئاسة الحزب الأكبر الخ.. والطفل دا برضو واحد من الشعب.. من حق أي مواطن في النظم الأوربية مثلا أن يضرب تلفون أو يرسل إيميل أو رسالة بالبريد العادي لرئيس الوزراء أو وزير المالية ويسألوا عن قروش الضرايب بتاعتنا دي بتعملوا بيها شنو..الخ.. إنها مسألة (قيم حضارية) في رأي.. كنت أضحك حقيقة من ضجة ما يسمى (على قول ناس تلفزيون السودان عن الجنائية!) ما يسمى بالفضائح المالية في بريطانيا والتي أدت لهزة عنيفة ما تزال آثارها تطارد الحكومة وأدت لإستقالات بالجملة من الحكومة والبرلمان، وذلك أن بعض النواب حاسب الحكومة ببعض المنصرفات التي لا علاقة لها بتأدية عمله، مثل (الله يكرمك) الذي حاسبهم على أكل كلبه، أو من إشترى عدة حديقة، يعني طورية وسلوكة الخ!.. وبسبب ما حصل في بريطانيا قررت وزيرة الداخلية في هولندة أن تكون ال declarations بتاعة الوزراء والنواب مفتوحة للجميع، وبعد قرار بيوم واحد هاجمت صحيفة وزير المالية لأنهم وجدوا أنه وفي مهمة رسمية لبروكسل فقد نظارته الشمسية، فقام بشراء نظارة ب 130 يورو ببطاقة البنك الخاصة بالحكومة!.. تصوري زول يتحكم في ميزانية حوالي خمسمية مليار يورو، يقولوا ليهو ليه إشتريت نضارة على حساب الحكومة!.. قلت كنت بضحك لامن أقارن بي حالنا وأتذكر ناس خلوها مستورة وناس اللهط بالملايين..
    أذكر أن بنت أهلنا هنا في هولندة، وعندما كانت في السنة الثامنة (يعني بعمر حداشر أطناشر سنة)، وشاهدت مع زملاءها فيلم عن زامبيا على ما أظن، وكيف أن المدارس هناك بائسة، وأن الطلبة ما عندهم كمبيوترات في المدارس زي ماهم هنا عندهم، فقرروا من تلقاء أنفسهم جمع تبرعات لشراء أجهزة كمبيوتر وإرسالها لهناك.. ثم أختاروا طريقة جميلة لجمع التبرعات، أنهم مش يمشوا للناس ليطلبوا منهم التبرع بما لديهم، بل يطلبوا القيام بعمل لهم، مثل نظافة البيت أو شراء الأشياء من السوق لهم الخ، مقابل التبرع لهم.. والأمثلة لا حصر لها.. عموما نحلم على الأقل أن يكون أبناء الأجيال القادمة يفكرون بهذه الطريقة، عندها يمكن أن تتحقق كل تلك الآمال بوطن خير ديمقراطي.. ولكي الشكر.
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 11:24 AM

حبيب نورة
<aحبيب نورة
تاريخ التسجيل: 03-02-2004
مجموع المشاركات: 18410

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Isa)

    على كـيفي ...
    أرقع جبتي أولا أرقعها..
    أطرزها من اللالوب
    .. ألبسها على المقلوب.
    أخلعها .. على كـيفي .
    أنا لم أنتخب أحدا...
    وما بايعت بعد محمد رجلا .
    ولا صفقت للزيـــف ..
    أهرول بين تحقيقين أصمت عن خراب الدار ..
    عن غيظ مراجله تفك مراجل الجــوف
    سئمت هشاشة الترميز
    ما بعد الزبى يا سيل من شيء ..
    لمن يا طبل والخرطوم غائبة و أمدرمان والنيلان يختلفان ..
    والأطفال في الخيران والحرب الدمار الجوع
    كيف الحال ؟ لا تسأل عن الكيف ..
    حبيبي أنت يا وطن النجوم الزهر .. سلهم كيف ؟
    سل عني ..
    لماذا لم يخلوني على كيفي ..؟
    أنا والله ضد نخاسة الأحرار باسم الذين ..
    ضد الضد والضدين ...
    ضد جهاز خوف الأمن .. ضد الأمن بالخوف ..
    أنا في هذه الدنيا على كيفي ..
    إلى أن تكمل الأشراط دورتها .
    بمهدي حقيقي لينقذنا من الدجال والتمثال .
    والإشراك والحيـف
    سأبقى ما حييت أنا على كــــــيفي
    إلى أن تطهر الدنيا وينزل سيدي عـــيسى
    لأن طريقتي في الحب يا وطني
    على كـيفي ...



    ـــــــــــــ

    خارج النص

    خارج السرب
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 11:34 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Isa)

    Quote: وسرحت بخيالي و تخيلت سيناريو مشابه في عالمنا الشرق أوسطي و الشمال أفريقي لو فكر طفلٌ ما في مخاطبة رئيس وزراء ماذا كان سيكتب؟ هل سيطالب بمنع الحلويات لتوفير مصروفه أم سيبادر بالمطالبة بمصروف من الأساس و توفير الحلويات لكي يشتريها؟ هل سيكون بمقدور طفل في عالمنا كتابة رسالة ذات مغزى في عمر الخامسة،

    واذا استطاع ، ما عسى ان يكون رد رئيس الوزراء اذا كان ( فاضي ليهو ) ولم يلق سكرتيره الرسالة في سلة المهملات لانها بلا قيمة ولعب عيال
    اعتقد ان رئيس وزرائنا في احسن الاحوال سوف يتعامل مع الرسالة باعتبارها من كبار يختبئون وراء الصغير
    لأن الصغير ( شن خبرو بالكلامات دي)
    وحتى اذا جاء هذا الطفل بنفسه ودخل على السيد الرئيس في مكتبه وكان سيادته ( فاضي ليهو ) وعايز يتسلى شوية وياخد صور ويبدو من النوع المتحضر وكمان بيستقبل اطفال باحترام ومحبة !..
    فأنه سوف لن يحادثه الا كما ينبغي الحديث للعيال وعلى قدر عقولهم البسيطة
    سيقول له يا حبيبي وياشاطر ويابطل اديني بوسة اللبسة السمحة دي اشتريتا من وين ياخ
    وهاك يا مواعظ من نوع الحلاوة بتعمل لك سوس في اسنانك ولازم تاكل حبة بس وتدي اخوانك معاك سمححح ؟ ايوة خليك ولد فالح
    اما التعامل مع كلام الطفل بجدية كما فعل السويدي وعدم التردد في ابلاغه الموقف الرسمي الحقيقي وعلى صورة قرارفي طلب تقدم به مواطن بغض النظر عن سنه ..فمستحيل.
    _______________
    رب اشرح لي صدري
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 11:48 AM

Mohamed Abdelgaleel
<aMohamed Abdelgaleel
تاريخ التسجيل: 07-04-2005
مجموع المشاركات: 10407

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    قمر أعمي
    ونجم يتعامى
    والحيارى
    في جبين الشارع الرملي
    أشباح يتامى
    عبرت ظلا إلى الجسر
    هو الجسر الجريمة
    بين شط الموت والميلاد
    والعمر تميمة
    والرحيل الموجع الأسيان
    في عمق القتامة
    إيه يا ليل الندامة
    إنما ليس سوى الرفض
    سوى الرفض
    إلى يوم القيامة!

    مقطع من أحد عشر كوكبا للعشق والرفض
    من ديوان منك المعاني ومنا النشد
    شعر عالم عباس محمد نور
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 11:57 AM

يوسف الولى
<aيوسف الولى
تاريخ التسجيل: 12-28-2005
مجموع المشاركات: 1323

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    Quote: وسرحت بخيالي و تخيلت سيناريو مشابه في عالمنا الشرق أوسطي و الشمال أفريقي لو فكرطفلٌ ما في مخاطبة رئيس وزراء ماذا كان سيكتب؟

    فى ما يسمى بالسودان .. كان حيقول ( فى الواقع هو قال وانتهى )
    ( فداك ابى وامى يا البشير )
    وهنالك اخر اكثر فصاحه من الاول اذ انه قام بطعن نفسه بخنجر وقال الله اكبر
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 05:10 PM

زهير عثمان حمد
<aزهير عثمان حمد
تاريخ التسجيل: 08-07-2006
مجموع المشاركات: 12731

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: يوسف الولى)

    الرائعة عزااز
    تحياتي

    أيتها الرائعة الطفولةهي أمتداد لكل لقيم البراءة والبساطة والتسامح النبيل فينا أنت حينما تكتبين أتذكر عظمة أمي ولغتها البسيطة المعبرة بواحي فأنا في أنتظر بواحك الجميلفي الكتابة عندك شيء من قدس الاقداس لاتتوقفي عنها فيها الاستمرار
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 05:49 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: زهير عثمان حمد)


    ( داير بلد " كويسة " بدل دي ) *


    ....
    ** أحمد عماد عبدالله
    11 سنة .

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 07:24 PM

خالد عويس
<aخالد عويس
تاريخ التسجيل: 03-14-2002
مجموع المشاركات: 6332

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Emad Abdulla)

    Quote: ( داير بلد " كويسة " بدل دي ) *


    عماد..
    وأها؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 07:43 PM

فتحي الصديق
<aفتحي الصديق
تاريخ التسجيل: 06-17-2003
مجموع المشاركات: 6022

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: خالد عويس)

    Quote: أريد السودان الذي ظل يحدثني أبي عنه، أريد السودان الذي ظل يتباكى عليه الجيل القديم، أريد سودانا ابشر به للجيل القادم،

    ما أعظم الحلم...ما أتفه قاتلي أحلامنا يا عزاز..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 08:49 PM

الوليد محمد الامين
<aالوليد محمد الامين
تاريخ التسجيل: 04-10-2003
مجموع المشاركات: 1447

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: فتحي الصديق)

    للأسف ياعزاز : لن يكون

    فقد انتهي الزمن وبدأ جمع الكراسات !!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 09:47 PM

Egbal Elmardi
<aEgbal Elmardi
تاريخ التسجيل: 04-08-2007
مجموع المشاركات: 1148

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: الوليد محمد الامين)

    أيتها المشعه جمالاً

    يا عزاز...

    كم أحترمك












    ولى عوده

    إقبال
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 10:46 PM

Emad Abdulla
<aEmad Abdulla
تاريخ التسجيل: 09-18-2005
مجموع المشاركات: 6751

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Egbal Elmardi)


    اها شنو يا خالد ؟
    ما خلاص , سيك سيك معلق فيك ..
    غصباً عن أبو خاشنا نعملها ليهو " كويسة " ..
    أجيب ليهو بلد تانية من وين يعني ؟
    كل ناس عندهم بلد " كويسة " ماسكين فيها قوي و " مكوسنها " زيادة عشان عيالهم ما يدخلوهم يوم في جنس الأسئلة التعسفية دي ...
    و العندو بلد كويسة ما ح يدينا ليها أكيد ..
    و بما إني أب و راع , و مسؤول عن رعيتي و كده , فلازم نصلح البلد الممحونة الموجودة دي لهذا الولد أحمد عماد الذي احبه ..
    نبقيها ليهو " بلد كويسة " و صالحة للاستخدام الوطني و الآدمي ..
    قبل ما يرفع يديهو و يشكيني لله .. و يشيل حسنا ياخ .


    .....
    نكون نحنا الفرطنا يا خالد ؟
    غايتو زمني كنت مبسوط من البلد الخلاها لي ابوي ..
    فضلت مبسوط مبسوط مبسوط لما سوبا خربت و أنا فرحان ببسطتي العويرة .

    (عدل بواسطة Emad Abdulla on 07-26-2009, 10:50 PM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-26-2009, 11:57 PM

malamih

تاريخ التسجيل: 01-28-2003
مجموع المشاركات: 2781

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Egbal Elmardi)

    حزف لعدم إدراك بعض المشاركين لمغزى البوست وثانيا لوجود مراهقين لا يجب أن يتوسطوا رسائل الأطفال ..!

    (عدل بواسطة malamih on 07-29-2009, 07:54 AM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 04:14 AM

Manal Mohamed Ali

تاريخ التسجيل: 01-06-2005
مجموع المشاركات: 1134

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: malamih)

    عزاز
    انا عاوز الرئيس يشغل ابوي الفصلوهو من ورشة السكة حديد زمان
    وبرضو عاوزه يرجع عدة الشاي بتاعت امي من ناس الكشة عشان فيها الكفترية الجديدة والامي اشترتها من قروش الصندوق
    وقالت لي لما تربح من شغل الشاي حا تشتري لي عجلة

    وبرضو عاوز الرئيس يديني قروش اشتري بيها الكتب بتاعت المدرسة لانها بقت غالية زي ماقال لي ابوي
    برضو عاوزو يدي ابوي قروش عشان يشتري دواء لاختي توته عشان ما تموت لانه الدكتور قال لازم ابوي يدفع قروش لمستشفي الذرة

    يوم انا سمعتا ابوي بحكي لعمي انه توته عندها سرطان ..انا عاوز الرئيس ده يقتل سرطان ده عشان توته ماتموت


    ----------
    حسام
    10 سنوات
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 07:13 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Manal Mohamed Ali)

    معظم الاسهامات الكريمة هنا مقدرة
    ولكن يجمعها قولك : انتاج واعادة تدوير الازمة
    كلهم هنا ( يحتضنون ايدولوجياتهم المستعارة من الآخرين ) وينتظرون في ضل الضحى لكي تفعل لهم الحكومة ما يشاؤون وبمقاييس تلك الايدولوجيات
    واقصى اسهام في هذا الاطار انهم يخرجون الى الشمس قليلا للتظاهر واتلاف السيارات وخلق الفوضى ضد النظام أو التمرد بحمل السلاح ضد الدولة .. وبعد ذلك يأتون بامثالهم ( من الاحزاب ) لأنتاج والازمة ثم يتشكل آخرون يعيدون تدوير الازمة ثم العودة الى ضل الضحى والاماني الرومانسية
    اريد ان يعطيني الرئيس
    ( لاحظوا ان الطفل الاسكندنافي قال اريد ان يمنعني الرئيس ويمنع الدكان من العمل لا ان يعطيني )
    نحن لا ننتبه جيدا
    وحتى وعينا واستنارتنا مستعارة واستهلاكية !!
    لا احد حتى الآن فطن لسر النجاح وكسر الطوق
    لا احد يقول : اريد نظاما وطنيا جديدا لا يغير ولكنه يوفر كل ضمانات التغيير
    نحن المواطنين الذين يجب ان نعمل بايدينا نبني بايدينا ونغير ونتغير بايدينا
    هذا ليس عمل الحكومة
    الحكومة لا تغير وانما تدير حركة التغيير وتنظمها فقط
    متى نفهم متى؟
    قولوا نريد ان نمنح نحن انفسنا مانريد
    وهذا لا يتأتى الا من خلال حرية التعبير
    حرية التعبير التي تتجاوز الدفاع عن متعلقات الجنس الاباحي والعري وتتجاوز انتهاك الاديان والمقدسات واتباعها نحو حرية البناء والابداع فيه ضمن اهداف كلية مرسومة وبشروط قومية ذات طابع ينسجم مه هويتنا وقيمنا وليس يلهث وراء نموذج وهوية الغرب واخلاقه
    اخرجوا من دائرة الروح الاستهلاكية الشريرة
    اخرجوا من خرافة : نريد الرئيس ونريد الحكومة ان تعطينا
    كفاية قوموا من الضللة
    الله يهدينا ويهديكم
    __________________
    معا لنتخذ الله الهاً بعد ان عرفناه ربا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 07:55 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    الاخ محمد عبدالقادر سبيل
    سلام الله عليك
    مالك ياخ زعلان كده؟؟؟!
    الناس دى كلها طالبت الحكومه ببساطه ان تقوم بدورها فى توفير الخدمات الازمة من اجل حياة كريمة و هذا لا يعنى انهم/ن قاعدين فى الضلله!!!!
    ده كلام مستفز شديد اخى الكريم
    الناس كلها موظفين/ات و عاملين/ات و دارسين/ات على ما اعتقد مافى زول ماقام الى واجباته/ه الانتاجية
    كمواطن فى هذه الدولة (حتى وان شاب انتاجهم من شاب من قصور ذاتى!!! وده موضوع تانى لا يعمم هنا)

    انا ممكن بطريقة تانية اجى اقول ليك حتى و لو قاعدين فى الضلله انا ح ارسل للحكومه ان توفر لينا فرص عمل يعنى اطلب منها ان تقوم بدورها فى التغيير!!!!!!
    لانستطيع ان نخرج مما تسميه انت خرافة
    Quote: اخرجوا من خرافة : نريد الرئيس ونريد الحكومة ان تعطينا

    هذه ليست خرافة... كل الطلبات التى وجهت للحكومه هنا تقع فى صميم عملها و دورها المفترض ان يكون نحن هنا لا نتسول الحكومه كما قد يفسر... المعنى ان تقوم الحكومه الى واجبها يرحمها الله ..واذا لم تسطيع فلتستقيل رحمة الله تغشاها
    Quote: قولوا نريد ان نمنح نحن انفسنا مانريد

    ان نمنح نفسنا ما نريد لا يتأتى الا من خلال مؤسسات الدوله و ادواتها ومنها الحكومه الذراع التنفيذى الاكبر فى تنفيذ سياسات الدوله . الا اذا كان لديك مقترح اخر عملى يحقق لنا ان نمنح انفسنا ما نريد!!!!

    Quote: لا احد حتى الآن فطن لسر النجاح وكسر الطوق
    لا احد يقول : اريد نظاما وطنيا جديدا لا يغير ولكنه يوفر كل ضمانات التغيير
    نحن المواطنين الذين يجب ان نعمل بايدينا نبني بايدينا ونغير ونتغير بايدينا
    هذا ليس عمل الحكومة
    الحكومة لا تغير وانما تدير حركة التغيير وتنظمها فقط

    أخى محمد الكلام ده بالتحديد الناس هنا قالتو قالت و بطرق مختلفة منها طريقتك دى ذاتها
    انها تطالب بحكومة ديمقراطية!!!
    Quote: حرية التعبير التي تتجاوز الدفاع عن متعلقات الجنس الاباحي والعري وتتجاوز انتهاك الاديان والمقدسات واتباعها نحو حرية البناء والابداع فيه ضمن اهداف كلية مرسومة وبشروط قومية ذات طابع ينسجم مه هويتنا وقيمنا وليس يلهث وراء نموذج وهوية الغرب واخلاقه

    يا محمد اخوى لقد ظلمتنا رحمك الله

    _____________________________
    معا لنتخذ الله الها بعد ان عرفناه عادلا يحب العدل
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 09:09 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Siham Elmugammar)

    سهام المجمر
    السلام عليكم ورحمة الله وبركاته

    كلامي اعلاه لا يمكن فهمه على الوجه الصحيح الا بالرجوع الى حوار دار بيني وبين عزاز نفسها ( وما يزال مفتوحا ) بعنوان : ( حرية التبعير )
    عودي اليه ثم عودي الينا مشكورة
    لكي العتبى حتى ترضي
    ____________________
    رب اشرح لي صدري
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 11:24 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    سهام المجمر
    اعود بعد الاحالة لأقول:

    القضية في نظري ليست مع الحكومة والرئيس قط
    قضيتنا هي اساسا مع انفسنا نحن
    والرئيس وحكومته ايضا يعانون المشكلة ذاتها
    مع مكونات وطبيعة شخصيتنا الاستهلاكية ( نستهلك الايدولوجيا المعلبة ونستهلك نظام الدولة المستورد ونستهلك السلع واشكال المؤسسات العامة وانماط التفكير وكل شئ )
    المستنير فينا هو الأكثر استيعابا وتخمة بهذه المعلبات والعناصر المكونه لها
    هذه مأساتنا الحقيقية
    فليس لدينا نموذجنا الوطني الخاص
    لذا ندمن الفشل
    الحكومة ( ديمقراطية او شمولية ) هي من بيننا وليست قادمة من مكان غير مصادر شخصيتنا
    الرئيس هو واحد منا تعرض لنفس شروط التربية والمرجعية الثقافية وطريقة التفكير الاستهلاكي
    هو مثلنا ، وحينما يمتلك بعض النزوع نحو امتلاك الارادة والانتقال نحو افق بديل ينسجم مع المنابع ويستشرف المختلف نقول عنه ( من اين اتى هؤلاء )!
    لأنهم حالوا قليلا فقط فتح كوة اخرى لفعل التغيير
    كوة تسد نافذة الهوى الغربي قليلا وتشحذ حجر الذات العصية على الانطلاق
    لفظنا لفضلية العودة الى الذات يجعل اي واحد منا اذا تسنم السلطة الا يفعل ما نريده هنا
    فنحن لن نسمح له ولن نرضى عنه طالما لم يستظل بنموذج الغرب ويعتمد روح الاستهلاك ازاءه

    عزاز قالت تعوزنا التربية وانا اقول بذلك وازيد ( التربية المنسجمة مع ذاتنا وخصوصيتنا الثقافية)
    انظري ماذا فعلت التربية والتمسك بمكونات الذات في الحالة اليابانية؟
    هذا هو النموذج الذي نريد
    واما اقتفاء الغرب والشرق في تفاصيل ثقافتهم واعتناق نموذجهم الحضاري والفكري فلن يورثنا الا المزيد من ادمان الفشل كما قال منصور خالد
    تقولين الحكومة مسؤولة عن ان تفعل لنا؟
    حسنا، ولكنها غير قادرة على أن تفعل وتقول انها لن تفعل الا بنا ونحن نقول نحن لن نفعل الا بها وهكذا الحلقة مفرغة
    وفي الحقيقة كلانا عاجز ويحاول ان يدور بلا تروس وبلا وقود : مجرد نوايا حسنة وشماعات علل

    ثم تفضلت بالقول :
    Quote: انهم/ن قاعدين فى الضلله!!!!
    ده كلام مستفز شديد اخى الكريم
    الناس كلها موظفين/ات و عاملين/ات و دارسين/ات على ما اعتقد مافى زول ماقام الى واجباته/ه الانتاجية
    كمواطن فى هذه الدولة (حتى وان شاب انتاجهم من شاب من قصور ذاتى!!! وده موضوع تانى لا يعمم هنا

    الضللة المقصودة هنا يا اختي ليست ضللة حيطان بيوت وبطالة اجتماعية
    وانما ضللة نماذج وافكار مستعارة وضللة اوهام وشعارات سياسية واحتجاجات لا بتودي لا بتجيب الا الهوا
    العمل بلا وقود فكري وطني واقعي مرتبط بالذات والهوية سوف لن يكون منتجا بالصورة الدافعة
    العمل الذي يدور بلا تروس نموذج ايدولوجي منسجم مع قيمنا وروحنا سوف لن يستمر طويلا
    العمل بلا اهداف كلية جامعة لا طائل من ورائه
    العمل بلا ايمان انما هو عدي من وشك ومعايش جبارة
    العمل بلا حرية تعبير بالمعنى الايجابي البناء الابداعي لحرية التعبير سوف يتحول الى مسخ وفشل قومي كبير كما ترين بين عينيك الآن
    نريد الثورة ضد انفسنا هذه المرة وليس ضد الحكومة
    فقد جربنا ثورات ضد الحكومة فما كان الا حصاد الهشيم
    مشكلتنا ليست مع الحكومة
    وانما مع انفسنا
    نحن قليلين تربية
    اتهموا انفسكم قليلا وشخصوا الحالة بامانة
    الديمقراطية ليست هي الحل لأنها لاتشبهنا
    ليست الحل الا بالنسبة لقليلي الحيلة الذين يريدون اعادة انتاج الفشل وادمانه
    الحل في تأسيس نموذج فكري وطني مخلص يعيد النظر في كل شئ والبداية بتوعية السادة المستنيرين!
    واول شئ يجب الكفر به هو النماذج الفكرية المستعارة من مجتمعات اخرى
    عزة قومي كفاك نوم
    يجب على مفكرينا ان يعملوا بعد الآن
    وانا ارشح عزاز ( شايف فيها رقشة )
    لا بمرجعيات ايدولوجية مستعارة وانما بمبادئ منهجية لا بأس ان تكون مأخوذة من ذوي الحكمة
    يجب ان نصنع ديمقراطية تليق بشروطنا
    تستوعب وظيفة القبلية والاجاويد والطائفة وشيخ السجادة والشريعة الاسلامية والاشتراكية الشعبية وحرية التعبير لا حرية التبعير وهكذا
    حرام ان نطبق الديمقراطية الليبرالية على مجتمع امي لايعرف يعني شنو ديمقراطية وكما ليبرالية ويعني شنو الدولة ويعني شنو المؤسسة ويعني شنو فصل السلطات
    بالله يا سهام امشي بادية من بوادينا او قرية صغيرة وأسأليهم وقولي مثلا : شفتوا الحقيبة الوزارية في عمركم ، وبتتخيلوها كيف ؟
    اليس ما تفعله النخبة جريمة تاريخية
    الا ينبغي ان يحاكموا حينما يقولون زورا وبهتانا ان الديمقراطية هي خيار كافة شرائح الشعب السوداني وانها هي الحل الوحيد لأزمة السلطة ؟
    كيف 10% فقط (هي النخبة المدمنة للفشل ) تعتبر نفسها هي الشعب السوداني العظيم والباقين اقعدوا فراجة ؟ مش دا نفي وتهميش واستبعاد ومصادرة حقوق وتزوير ارادة واغتيال رسمي لأمة كاملة؟
    نطبق شروط ومقتضيات الديمقراطية الليبرالية على شعب ثلاثة ارباعه لا يفك الخط ولا يقرأ الصحيفة؟
    هل عجزت النخبة عن ابتداع نموذج ديمقراطي خاص يستوعب نزعات وقدرات ورغبات هؤلاء المساكين ولا يتناقض مع اماني النخبة ؟
    انا اقصد ضرورة الخروج من هكذا ضللة تلقي بها نماذج معلبة مستوردة وبالتهريب الذي مارسته النخب عبر ازمان متفاوتة بحجة السعي نحو التغيير والتطور
    لك احترامي
    ________________
    معا لاتخاذ الله تعالى الها بعد ان عرفناه ربا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 12:20 PM

كمال عباس

تاريخ التسجيل: 03-06-2009
مجموع المشاركات: 11149

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    شكرا أختي سهام المجمر :
    Quote: أخى محمد الكلام ده بالتحديد الناس هنا قالتو قالت و بطرق مختلفة منها طريقتك دى ذاتها
    انها تطالب بحكومة ديمقراطية!!!

    ولكن الا تدرين ماهو تعريف المثقف?
    المثقف ليس هو من يسعي للتغير أو حتي لتكريس الأمر الواقع بل هو من يسعي للعودة بمجتمعه لمجاهل القرون الوسطي وتجافي قيم ومفاهيم عصره والغاء وظيفة العقل ... وإعتماد الإجترار وترديد المحفوظ والملقن و ضرب عنق إنسان لمجرد ممارسة ذلك الإنسان لحقه في تغيير الفكر والمعتقد... !! ومن يكرس لدونية المراة ( شهادتها نصف وصوتها عورة ولايحق لها تولي القصاة والرئاسة) .. يجعل منها مواطن من الدرجة الثانية ومن غير المسلم مواطن من الدرجة الثالثة ..المثقف من يدعو للإنكفاء ورفض
    منجزات الإنسانية بدعوي أنها مفاهيم دخيلة ومستوردة ومن يجافي إسلامناالشعبي والصوفي المتسامح والمتعائش مع غيره- ويعتمد نسخة متطرفة وافدة من وراء الحدود!! هذا هو التعريف الجديد للمثقف !! وهذه هي بضاعته التي يعرضها في سوق
    الفكر ودنيا ا الثقافة وهي ليست للحوار والنقاش والإقتناع وأنما للتسليم والإتباع!!
    Re: حرية التبعير
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 12:51 PM

Manal Mohamed Ali

تاريخ التسجيل: 01-06-2005
مجموع المشاركات: 1134

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: كمال عباس)

    المحترم سبيل
    انت قلت ان مشكلتنا مع نفسنا
    ده كلام مفهوم نحترمه ليك شديد وانا شخصيا اتفق معك في بعضه

    لكن حسام قال
    Quote: نا عاوز الرئيس يشغل ابوي الفصلوهو من ورشة السكة حديد زمان
    وبرضو عاوزه يرجع عدة الشاي بتاعت امي من ناس الكشة عشان فيها الكفترية الجديدة والامي اشترتها من قروش الصندوق
    وقالت لي لما تربح من شغل الشاي حا تشتري لي عجلة



    وحسام ده عارف انه الحكومة هي الشالت كفتيرة امه
    والحكومه هي الرئيس
    والمحصلة ان الحكومة عند حسام هي المسؤل الاول على عدم حصوله على عجله
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 12:52 PM

Manal Mohamed Ali

تاريخ التسجيل: 01-06-2005
مجموع المشاركات: 1134

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Manal Mohamed Ali)

    وبرضو الحكومة فصلت ابوهو من الشغل
    وعاوز الرئيس- الحكومة- يرجع ابوهو الشغل

    يعني حسام لازم يطلب من الحكومة لانها ببساطه هي منعت امه من الشغل
    وطردت ابوهو من الورشه

    ______
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 12:54 PM

Manal Mohamed Ali

تاريخ التسجيل: 01-06-2005
مجموع المشاركات: 1134

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Manal Mohamed Ali)

    ياسبيل ناس حسام ديل ماعندهم حيطه زاتو عشان يقعدوا تحتها
    بعد ما شالها السيل ب8 شهور جات الحكومة بالكراكات والبوليس وطردوهم لانه قالوا سكن عشوائي

    بالمناسبة حسام مولود في السكن العشوائي ده

    اها ..ابوهو مشى يتوظف غفير في الشركة الجديدة القامت في مكان بيتهم (العشوائي)

    قالوا ليه لازم تجيب خطاب تذكية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 01:01 PM

Manal Mohamed Ali

تاريخ التسجيل: 01-06-2005
مجموع المشاركات: 1134

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Manal Mohamed Ali)

    وبرضو تقول لي ما يطالب الحكومة

    يطلب ويطالب ويطالب


    ياسبيل حسام لم يطلب حرية تعبير للتغيير الايدولوجي لبنية الوعي التناسلية المنبثقة من صميم الفكر الما عارفه شنو داك.

    الشافع طلب من الحكومة ان تترك والديه يعملان بشرف
    عشان يشتروا ليه عجله
    ___________
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 01:01 PM

Manal Mohamed Ali

تاريخ التسجيل: 01-06-2005
مجموع المشاركات: 1134

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Manal Mohamed Ali)

    وبرضو تقول لي ما يطالب الحكومة

    يطلب ويطالب ويطالب


    ياسبيل حسام لم يطلب حرية تعبير للتغيير الايدولوجي لبنية الوعي التناسلية المنبثقة من صميم الفكر الما عارفه شنو داك.

    الشافع طلب من الحكومة ان تترك والديه يعملان بشرف
    عشان يشتروا ليه عجله
    ___________
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 01:52 PM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Manal Mohamed Ali)

    منال
    اهديك مقولة فولتير التي استهلت بها تيسير عووضة بوست تبرير القناعة راجعيو مع احترامي الشديد
    __________________
    رب اشرح لي صدري

    (عدل بواسطة محمد عبدالقادر سبيل on 07-28-2009, 08:40 AM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 01:55 PM

humida
<ahumida
تاريخ التسجيل: 11-06-2003
مجموع المشاركات: 9806

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Manal Mohamed Ali)

    Quote: أريد سودانا آمنا، و نظام تعليم فاعل يشجع الخلق و الإبداع، و دولة تتسع لتشمل الجميع ولا تفرق بين أبنائها بل تستقطب كفاءات الشعوب المجاورة، أريد مصروفا يكفيني و يكفى كل الأطفال، أريد أطفالنا سليمين معافين تلمع عيونهم بالصحة و يمضون متشابكين الأيدي في شوارع نظيفة وملاعب و يستنشقون هواء نقيا و تضمهم جدران مدارس رحبة و معلمون مبتهجين لم يحن تعب العيش و ضنكه ظهرهم، أريد العيش بكرامة و جبينا مرفوع، أريد نظاما صحيا و برلمانا حرا و نظاما قضائيا معافى و انتخابات مسئولة و شفافية في قيامها، و سجونا تهذب و تصلح ما اعوج من نفوس، أريد ممارسة شعائري بحرية، أريد أن أكون مواطنا مسئولا لا مساقا من تلابيبي مخافة إملاق أو تضيّيق ، أريد أن أكون فردا حرا مخيرا لا مسيرا في أمور مواطنتي، أريد إن أكون سودانيا كما ينبغي ... أريد وطنا احن إليه بدون غصة في الحلق، أريد وطنا تطالعني الصحف بأخباره المشرفة لا وطنا يعلو اسمه في قوائم التأخر و الفساد و يتذيل قوائم التطور و الإنسانية... أريد السودان الذي ظل يحدثني أبي عنه، أريد السودان الذي ظل يتباكى عليه الجيل القديم، أريد سودانا ابشر به للجيل القادم

    دا كلو ما في ..
    عارفة يا عزاز بعد ما قريت كلامك دا اتذكرت نكتة الشايقي و الجعلي ..
    ( فى اتنين شـــايقى وجعــلى حكمــوهــــم بالأعـــــدام . في يـوم الأعــــــدام سالوهم آخر أمنية ليكم قبال ما نعدمكم شنو ؟ .
    الشايقى حنين نط قدام الجعلى قاليهم انا عاوز أشـــوف أمى ..
    وأنت يا الجعلى داير شنو ..؟
    قاليهم الشــايقى دا ما يشوف أمــــو ) ..

    ..
    ..

    امنياتك جميلة و مشروعة .. لكن بنفس منطق الجعلي و عند الدخول في التفاصيل كل واحد فينا بيكون داير الجلابية علي مقاسه ..
    و هكذا يضيع الوطن شمار في مرقة .. ( علي حد زعمي ) ..

    ..
    ..

    ربنا يحفظك ..
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 07:54 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    الأخ سبيل ..

    سلامات و تحايا ...

    يشهد الله بستمتع بالحوار معاك واتمنى انو في يوم من الايام نطلع من الصينية اللي بنلف فيها دي و نمسك درب عديل في نقاط الاختلاف ... واتمنى توريني كيف (سيكون .. سيكون) و أعيد النظر كيف؟
    شنو هي الآليات المتاحة لي علشان أغير البلد بضراعي من غير ما اطالب الحكومة؟
    وهي الحكومة شن طعمها لو ما سمعت مطالبي و نفذتها لي؟
    انا بتسول منها ولا بشحد منها مواطنتي؟
    الحكومة، أي حكومة بالمطلق كده بتسمد شرعيتها من استجابتها لمطالب الشعب و احتكامها للدستور الذي يعطي الدولة سيادتها. لو حاقعد اقلعها قلع ما ياهو قانون الغاب، نرجع للـ state of nature ؟ ممكن برضو بس اتبع لي اسس روسو و فرضيتو انو المجتمع قبل الدولة كانت بتحكمو المبادئ وكان متعايش، حسي انحنا لا مبادئ لا حكومة فاعلة،،، قاعدين ساي كده ...

    كلامك بتاع بلدنا نبنيهو و نعمرو سمح بالحيل، بس العمران ده ما كده ساي ... فيهو برضو آليات ...
    وبعدين يا سبيل يا اخوي، ايديلوجيات شنو الجيت درعتها لينا في صمة نوايانا و امنايتنا و رسائلنا؟
    كدي جيب لي ايدلوجية حايمة ولا تدوير بتاع استعمار في الكلام القلتو انا او قالوه الاخوات و الاخوان؟
    سهام قالت حالتها الخاصة و طالبت الحكام بالالتزام بما صوتت له في لحظة فرح مسروقة، من حقها ...من حقها... من حقها ،
    وينو الاستعمار هنا ؟
    عاد الله يسألك جيت رميتنا بتهم وعلل لم نقربها وبيننا و بينها سدٌ عظيم ..
    ومنال قالت ليك امنيات طفل قاعد يحمد ربو في الخرطوم شالو بيتو و شالو كفتريرة امو
    و ابوهو كايس اللقمة الحلال، وين الاستعمار و الايديلوجية؟

    ما حارتاح في دنيتي دي إلا تجي توريني ليهم امانة عليك تنورني لو عميت منهم ....

    نجي للحتة المهمة بالنسبة لي و مفصلية في حواري الدائري معاك،
    انا ليه بطالب الدولة ولا احد غيرها بالتغير؟
    بناء على شنو انا اديت نفسي الحق ده؟
    ما لانو الدولة عندها عصى سحرية ولا لانها تملك مصباح علاء الدين، ولكن لانها "دولة" وفي إطار مدنية ما في زمن العصر الحجري و الناس شايلة عضمة بدل المسدس و فكرة المجتمعات البدائية، اي نعم ما يزال الهدف الاولى حماية الفرد لمصالحه الشخصية ولكن الفرد ده فاهم انو هو ما براهو وانو مصالحو بتتقاطع مع افراد تانين من حقهم يستمتعو بالحد الادني ...

    الحد الادنى هو شنو؟ ياهو القلتو ليك فوق ... و مطالبي لو ما اتنفذت مفروض تكون في آلية لطرح خيار آخر على الحكومة ، وده سيناريو مثالي و تقريبا خيال علمي في واقع السودان، الخيار الآخر هو توكيل من ينوب عنها لتحقيق مصلحة المجموع و اعلائها على مصلحة الفرد (الفرد في السلطة) و لو الله سهلها حبة ممكن نقنعهم يعملو انتخابات لقوى تانية تطرح برنامج يحقق لي طلباتي دي ...

    ليه الحكومة ؟ ليه بطالب الحكومة؟ لانو خضوعي لسلطتها مشروط، و احيلك لآراء توماس هوبز في هذا السياق...

    ابشرك اتفقت معاك اخيرا في نقطة، الضبيحة عليك و الفرحة علي ...
    وهي التربية و التنشئة و كونها عبء يقع على عاتق القائمين على الاسرة، مع التحفظ شوية لانو لو الطفل مربى و مرق الشارع ولا المدرسة ولقى الفساد و لقى الوضع العوج ممكن يساير، وده صراع البقاء ولا يخفاك وانت الحصيف ... يعني مثلا انا ماخدة عهد على نفسي اني ما ادفع رشوة مهما كان المبلغ ضئيل، وكنت اعتقد انو الامر سهل بحكم عيشتي في بلد الرشوة ما رائجة فيهو على الاقل على مستوى تعاملاتي الرسمية، بس في ظروف كتيرة ما خطرت لي على بال لقيت انو رفضي للرشوة مهما تلونت اسمائها ممكن يخلي حياتي جحيم، اي نعم ما غيرت مبدأي لانو دماغي حجر صوان و لحوحة في طلباتي المشروعة بس ممكن غيري لأ .... ممكن غيري في ظل الفساد المستشري في الدولة وانعدام الخيار يدفع الرشوة اللي هي ضد مبدأو و ضد دينو و قناعاتو ... اها وريني انت الحل شنو في حالة زي دي؟

    وبعدين شنو رقشة دي ؟

    _____________

    اللهم اهدي سبيل و اهديني و خلينا نوصل لارضية مشتركة لو مرة في حياتنا .... و اديني الصبر من قبل و من بعد
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 08:00 PM

صديق الموج
<aصديق الموج
تاريخ التسجيل: 03-17-2004
مجموع المشاركات: 19884

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    عزاز
    لو سمحتى ممكن تخلينى اقرأ ليك او اقراك؟؟
    عزاز
    ممكن تخلينى ارفع عمتى اعزازا واعتزازا او اعتدادا بك؟؟
    عزاز سامعانى؟
    عن اذنك
    ممكن احبك؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 09:07 PM

Sabri Elshareef

تاريخ التسجيل: 12-30-2004
مجموع المشاركات: 21026

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: صديق الموج)

    عزاز


    تحية طيبه



    وطننا جميل وشعبنا شعب نبيل


    للاسف تتقدمه اقزام

    والان المغصه في الجوف تحرق

    والعين الدمع بها نمسكو بالصنقيعه


    وا اسفي علي وطن تسرق طموحاته واماله افندية ارزقية



    والان في قبضة شفوت الدين

    واقول الله يسلم اهلنا من شر شفوت الدين
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-27-2009, 11:38 PM

سامي صلاح محمد

تاريخ التسجيل: 11-29-2004
مجموع المشاركات: 1734

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Sabri Elshareef)

    عزاز
    أحي الغيوم البتفطم ذبولك ترضع سهولك مواسم الهطول
    و أحي المداين البتفتح حدودا و بتمنح عيونك جواز الدخول

    و اسمحي لي أرص أمنياتنا من نحنا صغار بنلعب بالتراب

    1.عايزين أول حاجة نبنيهو البنحلم بيهو يوماتي

    2. حلم العالم ناس تتسالم

    3. نورا تحلم بي عوالم

    4. لا بد يوم باكر يبقى أخير

    5. الحبيبة تغني لينا لا هموم تسكن دروبنا و لا يلاقينا الخطر

    6. يزيد خيرك و لا طابت بلاك عيشة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 08:55 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: سامي صلاح محمد)

    Quote: (سهام المجمر
    اعود بعد الاحالة لأقول:
    القضية في نظري ليست مع الحكومة والرئيس قط
    قضيتنا هي اساسا مع انفسنا نحن
    والرئيس وحكومته ايضا يعانون المشكلة ذاتها
    مع مكونات وطبيعة شخصيتنا الاستهلاكية ( نستهلك الايدولوجيا المعلبة ونستهلك نظام الدولة المستورد ونستهلك السلع واشكال المؤسسات العامة وانماط التفكير وكل شئ )
    المستنير فينا هو الأكثر استيعابا وتخمة بهذه المعلبات والعناصر المكونه لها
    هذه مأساتنا الحقيقية
    فليس لدينا نموذجنا الوطني الخاص
    لذا ندمن الفشل)


    سلام يا سبيل
    دعنا نتفق ان المعرفة انسانية فى المقام الاول و استيراد الايدولوجيات والافكار والاديان واللغة و حتى الالحان ليس حصرا على الافارقة و شعوب العالم "المتأخر" فقط ... الطريق ذو اتجاهين يا سبيل
    تخريمه من الاول:
    ومن دون هذا الاعتراف تكون نسفت الآرضيه التى تنطلق منها نحو الدعوة الاسلاميه فى كافة المعمورة ولولا ديقراطية الغرب لما استطعت (لاحظ انت هنا ووسطهم الوحيد الذى تنطلق من الاسلام هو دين البشرية كلها-فلا تنسى) ان تشيد مراكز و مؤسسات الدعوة. نهاية التخريمة
    انت قلت ليس لدينا نموزج وطنى خاص... اولا ما عندى اعتراض ان يكون لكل نموزجه الخاص والذى يتناسب مع بلدو لكن ..بى وين يا سبيل و نحن غارقين فى دوامة الديكتاتوريات و الارهاب بكل اشكاله و بالذات الارهاب الفكرى ..يا سبيل فى سودانا ده ثقافات كاملة تصارع من اجل البقاء.
    كيف يمكن ان ينتج ما تسمية نموزج وطنى؟؟؟؟
    كلامك ده ذكرنى حجة بعض المعارضين لاعلان حقوق الانسان العالمى بأن بعضه غير مناسب لواقع بعض الدول؟!!!!! و لايراعى الاختلافات الثقافية و العقائدية و انه يجب تشكلية بطريقة تراعى هذا الاختلاف
    طيب مافى مانع نشكله و نغيرو و نظبطو ليناسب واقعنا و كده.. اها كيف يمكن ان تتم هذه العملية فى غياب حرية الانسان و هضم حقوقة الانسانية الاساسية و حرمانة حتى من حق التعبير !!!!!
    انتاج وتطوير اعلان اخر "مناسب" لحقوق الانسان كما انتاج وتطوير نموزج وطنى خاص لن تتم الا فى ظل مناخ ديمقراطى كامل لا ناقص صحافة غير مراقبة لا ناقص دور نشر غير متواطئة و لا ناقص اجهزة اعلام قومية مفتوحة للكل...
    يا سبيل يجب ان نتفهم ثم نتقبل ثم نتعايش بفهم نتائج تأريخنا المرير و انو فعلا تعرضنا لهزات فى طريقنا للتطور و انتاج نموزجنا الخاص.. وان الان حصحص الحق
    و نحن فى القرن الواحد و عشرين من اين نبدأ ؟؟!!!!
    انا بقول من حيث انتهى الاخرون ... دول العالم المتقدمة دى بحساب احترام الانسان قبل التقدم التكنولجى و الصناعى و الشنو ما بعرف داك وصلت لما هى عليه الان بالديمقراطية و حق التعبير

    Quote: الحكومة ( ديمقراطية او شمولية ) هي من بيننا وليست قادمة من مكان غير مصادر شخصيتنا
    الرئيس هو واحد منا تعرض لنفس شروط التربية والمرجعية الثقافية وطريقة التفكير الاستهلاكي
    هو مثلنا ، وحينما يمتلك بعض النزوع نحو امتلاك الارادة والانتقال نحو افق بديل ينسجم مع المنابع ويستشرف المختلف نقول عنه ( من اين اتى هؤلاء )!
    لأنهم حالوا قليلا فقط فتح كوة اخرى لفعل التغيير
    كوة تسد نافذة الهوى الغربي قليلا وتشحذ حجر الذات العصية على الانطلاق
    لفظنا لفضلية العودة الى الذات يجعل اي واحد منا اذا تسنم السلطة الا يفعل ما نريده هنا
    فنحن لن نسمح له ولن نرضى عنه طالما لم يستظل بنموذج الغرب ويعتمد روح الاستهلاك ازاءه
    عزاز قالت تعوزنا التربية وانا اقول بذلك وازيد ( التربية المنسجمة مع ذاتنا وخصوصيتنا الثقافية)
    انظري ماذا فعلت التربية والتمسك بمكونات الذات في الحالة اليابانية؟
    هذا هو النموذج الذي نريد
    واما اقتفاء الغرب والشرق في تفاصيل ثقافتهم واعتناق نموذجهم الحضاري والفكري فلن يورثنا الا المزيد من ادمان الفشل كما قال منصور خالد


    بديهيا:
    يا سبيل انا معاك فى كلامك عن اهمية التربية
    لكن:
    اتخوف من كلامك حول حصرها على المنسجم منها مع ذاتنا و خصوصيتنا الثقافية لا نو نحن فى السودان عندنا اكثر من ذات و اكثر من ثقافة لن افتى حتى توضح
    بس عموما انا مع تربيه تننتج اجيال قادرة على التفكير و الابداع والتعبير و قادرة على تطوير الذات و الاهم ثم الاهم قادرة على قبول الاخر على كل المستويات
    سياسى واجتماعى و ثقافى بلا فرز

    الكلام كتير بجيك راجعة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 09:15 AM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Siham Elmugammar)

    Quote: لا بمرجعيات ايدولوجية مستعارة وانما بمبادئ منهجية لا بأس ان تكون مأخوذة من ذوي الحكمة
    يجب ان نصنع ديمقراطية تليق بشروطنا


    يا سبيل والله الجو مبالغة عندنا و عندى كم شغلة قدامى لكن كلامك الفوق ده غلبنى

    يا سيبل يا اخوى ديمقراطيه و شروطنا ديل لمتين كيف؟؟؟؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 10:21 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Sabri Elshareef)

    Quote: والعين الدمع بها نمسكو بالصنقيعه

    والله هذا شعر صرف
    دا كلامك يا مرسي؟
    ____________________
    معا لنتخذ الله تعالى الهاً بعد ان عرفناه ربا
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 12:35 PM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    Quote: واتمنى توريني كيف (سيكون .. سيكون) و أعيد النظر كيف؟
    شنو هي الآليات المتاحة لي علشان أغير البلد بضراعي من غير ما اطالب الحكومة؟
    وهي الحكومة شن طعمها لو ما سمعت مطالبي و نفذتها لي؟
    انا بتسول منها ولا بشحد منها مواطنتي؟
    الحكومة، أي حكومة بالمطلق كده بتسمد شرعيتها من استجابتها لمطالب الشعب و احتكامها للدستور الذي يعطي الدولة سيادتها. لو حاقعد اقلعها قلع ما ياهو قانون الغاب، نرجع للـ state of nature ؟ ممكن برضو بس اتبع لي اسس روسو و فرضيتو انو المجتمع قبل الدولة كانت بتحكمو المبادئ وكان متعايش، حسي انحنا لا مبادئ لا حكومة فاعلة،،، قاعدين ساي كده ...

    عزاز
    يا بت الحلال انا بمنعك تطالبي الحكومة بماتشائين
    وانا زاتي عندي كشف طويل عريض داير الحكومة كمان تلبيه لي ولاولادي
    ومطالب الشعب للحكومات مشروع وكل شئ
    ولكن النتيجة شنو والفايدة شنو مع حكوماتنا؟
    كان زمن الديمقراطية كان زمن اتوقراطية ولا حتى زمن تكنوقراطية ( سرالختم الخليفة والجزولي دفع الله )
    عملوا ليكم شئ ؟
    ( انا عندي راي خاص انو البنيات الاساسية قاعد تحصل في الازمة العسكرية لكن خليني مع رايكم انو كله مافيو فايدة )
    متفقين
    اها كلامي بيبدأ من هنا ( لاحظوا عشان ما تجي عزاز تعبروا بلف في الفاضي)
    سؤالي ليه دا بيحصل؟
    نبدا نشخص الحالة
    انا بقول : عجز الحكومات المزمن عن تلبية طلباتكم وقعادكم في ضللة الشعارات واللافتات والعرضحالات البتعملوا فيها هنا دا هو عرض مش مرض
    أها المرض وين يا ابو العريف؟
    المرض فينا كلنا
    المرض في بنية العقل الفردي والجمعي السوداني ، والأدهي واكثر ضررا هو غربة العقل النخبوي واستلابه وهاثه وراء نماذج الآخرين ومحاولات فرضه لها على الجسد الاجتماعي حقنا.
    وترانا اتفقنا انها مشكلة تربية
    ومافي زول بتعالج قبل ما يعترف بمرضه
    مافي زول بتعالج وهو بيتهم الناس باعتبار انهم هم السسبوا ليه المرض او نقلوا ليه العدوى
    البتعالج هو الزول البعدما يعترف انه مريض يقوم يمشي يشخص حالته او حاجة
    وبعدين يكوس الدكتور ويصبر على العلاج
    ما ياهو دا كلام العقل ؟
    اها الحكومة زاتا عيانة ومحمومة وما حكيمة ولا بتعرف الدوا
    اوكي؟
    عشان ما تجوا تريحوا دماغكم وتقولوا لي الحكومة مسؤولة من مرضنا ومسؤولة من علاجنا
    طيب خلونا نأسس على ما اتفقنا عليه جميعا
    انو في مشكلة تربية
    الحكومة ما متربية ونحن زاتنا كلنا قليلين ترباية
    اب سن بيضحك على اب سنين
    او المتعوس راجي شئ من خايب الرجا
    اعترفوا بالمرض ودعونا من الاعراض المضيعين فيها مداخلاتكم هنا
    كان ما اعترفتوا ما حا اواصل في ( اها وبعدين نعمل شنو وما ادراك ما الاليات)
    طبعا أنا بقصد التربية على الابداع وارادة التغيير والهمة العالية وروح المسؤولية والدقة والانضباط ورفض التبطح الفكري الخ
    اها قليلين رباية وللا لأ؟
    البقول لأ يثبت ونحن معاه
    _____________________
    معا نحو اتخاذ الله عز وجل الها بعد ان عرفناه ربا

    (عدل بواسطة محمد عبدالقادر سبيل on 07-28-2009, 01:13 PM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 01:03 PM

كمال عباس

تاريخ التسجيل: 03-06-2009
مجموع المشاركات: 11149

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 01:13 PM

عبد الناصر الخطيب
<aعبد الناصر الخطيب
تاريخ التسجيل: 10-25-2005
مجموع المشاركات: 5180

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: كمال عباس)

    العزيز / محمد عبد القادر سبيل
    --------------------------------------

    مافي زول عوز من الحكومة تعمل لى حاجة ولا تدي حاجة
    كل المطولب منها ترفع يدها التقيله بضرائبة وذكاته وفسادة
    عشان الناس تقدر تشتغل وتمارس أنشطته ( زراعة /صناعة /تجارة /رعي )
    وتقدر تكون منتجة ومكتفية

    وما ظن فايت عليك انو عندنا حكومة ما بتقدم ليك حاجة والله الغني
    وفي نفس الوقت عوزة تستفيد من نشاطك أكتر منك
    وما عاتقه حتي ستات الشاى والولاد الصغار البشيلوا الخضار في السوق

    في العندهم قدرة يجاروها وفي كتار عوزين يبتدوا بس بطريقته دي ببقي مستحيل
    ده الموضوع وده القصدإنها تخفف طمعة شوية وتسمح للناس يشوفوا أرزاقهم
    وما تحرمهم من الحياة الكريمة في بلادهم



    *مع التأكيد انو مافي زول منتظر من الحكومة تدي ولا تعمل لى حاجة


    تقديري
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 01:16 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    سلام يا سبيل اها قلت انتج شوية و اجيك لقيت نفسك ضاق علينا شوية كده
    ياخ مد لينا حبال الصير :)

    يا سبيل مداخلتك الاخيرة لعزاز
    Quote: انو في مشكلة تربية
    الحكومة ما متربية ونحن زاتنا كلنا قليلين ترباية
    اب سن بيضحك على اب سنين
    او المتعوس راجي شئ من خايب الرجا
    اعترفوا بالمرض ودعونا من الاعراض المضيعين فيها مداخلاتكم هنا
    كان ما اعترفتوا ما حا اواصل في ( اها وبعدين نعمل شنو وما ادراك ما الاليات)
    طبعا أنا بقصد التربية على الابداع وارادة التغيير والهمة العالية وروح المسؤولية والدقة والانضباط ورفض التبطح الفكري الخ
    اها قليلين رباية وللا لأ؟
    البقول لأ يثبت ونحن معاه

    قلنا اتقفنا معاك انو القصه تربية فى الاساس وكما تراه انت (رغم اعتراضى) بس نتفق معاك من اجل النقة وكده يعنى

    اها قول قدمت لينا مقترح كامل حول كيف يمكن ان نربى الاجيال القادمة و على ماذا و لنحصل على ذلك و بالمنهج الفلانى و بتكلفة كده ...موافقين
    اها التنفيذ بجى كيف و منو البينفذ؟؟؟؟؟؟؟؟؟؟؟؟؟؟

    يا سبيل يا اخوى القصة حلها حكومة ديمقراطية و حكم رشيد لا غير
    وجزء من ضمانات استدامتة هو التربيه على الحرية و احترام الاخر (مقترحى انا)

    من غير الديمقراطية كل طاقات "المستلبين ثقافيا و ايديولجيا- من وجهة نظرك" ح تكون موجهة نحو اسقاط الديكتاتورية و النضال من اجل الحقوق الاساسية و الحريات و الفساد .... والائحة تعلمها
    و كده يعنى....

    ______________________________________________________
    والله يا سبيل يا اخوى بقينا فى غلوتية البيضة و الا الجداة
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 02:31 PM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Siham Elmugammar)

    قلنا اتقفنا معاك انو القصه تربية فى الاساس وكما تراه انت (رغم اعتراضى) بس نتفق معاك من اجل النقة وكده يعنى

    اها قول قدمت لينا مقترح كامل حول كيف يمكن ان نربى الاجيال القادمة و على ماذا و لنحصل على ذلك و بالمنهج الفلانى و بتكلفة كده ...موافقين
    اها التنفيذ بجى كيف و منو البينفذ؟؟؟؟؟؟؟؟؟؟؟؟؟؟


    سهام المجمر
    والله انت احسن زول فينا
    وبعدين بجيك بكرة لباقي الكلام
    لكن مناظر كدا
    دايرين نرجع لبخت الرضا ونظام التعليم الذي ارساه الانجليز
    حاتقولي لي دا شنو التناقض دا
    ما قلت ضد الاستلاب وضد النموذج الغربي
    اقول مافي اي تناقض
    الانجليز فهمونا اكتر مما فهمنا انفسنا
    الانجليز احتلونا كارض وموارد بارادتهم
    لكن نحن خضعنا لاحتلالهم الفكري والثقافي بارادتنا
    بدليل انو بعد الاستقلال ما حدث انتباه لاجواء التعليم وظروفه
    تعليم بخت الرضا استوعب شخصيتنا وبيئتنا وقدم برامج ناجحة جدا خرجت افذاذ
    ولكنهم مستلبين
    النخبة ما قامت بالمشروع الوطني الواقعي والاصيل
    وانما حاولوا يكونوا خواجات انتاج محلي
    ورثة انجليز ( لغة ولبس وحفلات ورقصات وكيك وطباخين وخدامين وشاي عصر وزيارات لندن الخ ) دا كان حال الوطنيين المستلين
    كانوا عملاء انجليز وربائبهم اكثر من كونهم اعداء لهم
    استقلالنا كان نوع من توزيع الورث بين ابناء الراحل الابرار
    بل بعضهم طالب اننا نكون تحت التاج الانجليزي والبعض الآخر تحت التاج المصري
    تخيلي
    ديل هم نخبتنا تربية الانجليز ونسبيا المصريين
    كانوا خزنة بدرجة ما لكنهم كانوا متربيين بصورة افضل مننا
    تربية انجليز
    انضباط ودقة وهمة عالية ونزاهة وصدق واخلاص وابداع ووالخ
    ليه
    تربية بخت الرضا باشراف الانجليز
    لكنهم جيروا ذلك لمصلحتهم هم لا لمصلحة الوطن
    ارادوا ان يحكموا ويثوا السلطان فكونوا الاحزاب ( كمؤسسات مستوردة من لندن ) وبدأوا الصراع الذي لا ناقة للشعب فيه ولا جمل
    ياريت ياريت
    لو انهم توجهوا بتربية الانجليز وثقافة بخت الرضا نحو استنهاض الذات وقاموا بتعميم نماذجهم المميزة على كل الشعب
    ليتهم ادخلوا الشعب كله في بخت الرضا ثم توجهوا الى صياغة نموذج وطني خاص بنا يستوعب مكوناتنا تأسيسا على قوة تربية بخت الرضا وتربية مؤسسة المسيد التي تتلمذوا فيها
    ليتهم فعلوا
    ولكنهم خانونا واوفوا لانفسهم فكانوا احسن حالا منا
    وجدوا من يربيهم ولم يربوا احدا من بعدهم ، لآنهم انشغلوا بغيمة المناصب والثروة ومحاكاة الخواجات وفي احسن الحالات التغني بالايدولوجيات الاشتراكية ذات الرونق حينئذ
    والنتيجة
    نحن وحالتنا التي ترين!!!!
    _________________
    رب اشرح لي صدري
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 01:42 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    Quote: اعترفوا بالمرض ودعونا من الاعراض المضيعين فيها مداخلاتكم هنا
    سبيل .. سلامات

    تصدق و تآمن بالله مشيت قريت اخر موضوعين فتحتهم و قريتهم في ساعة الغدا و جيت دايرة ارد ليك رد مفصل زي الكتبتو لي فوق ده قمت قررت فجأة اواصل في مناقشة الاعراض الشايفنا مضيعين وقتنا فيها لانو عندي فايض زمن و بمارس في ترف اني احلم و اتمنى و ادلل على حكومتي اللي كل يوم مانشيتات صحفها بتقول انو الشعب – وانا منهم – عاجبنا و ساري بالنا البيعملو فيهو ... عنوان الدكان ده رسالة من طفلة سابقة و سأمدد رجلي ما طاب لي في مدنية الاحلام و الاحوان و الاخوات ما بيقصروا يجو يقعدوا معاي في همبريب السايبر ده نحلم احلامنا و نكتب جواباتنا ما سال حبر الاسافير ... وانت تعال برضو امسك دبوس و طرشق لينا احلامنا دي وتاني بنقوم ننفخ ليك احلام جديدة و نعيد و نزيد في مطالبنا المشروعة .. دي الحالة قلت ليك حلم و امنيات كان مرقت الشارع اتظاهرت كنت عملت شنو؟ على سيرة الشارع سمعت بمظاهرات سكان ام درمان علشان الموية قاطعة؟ اها يا اخوي؟ التربية و برنامجك الفوق ده بيقع وين؟ اهم طلعو الشارع زرافات ووحدانا يطالبو بحقهم الجا قالو ليك تبلدينا فوق و شفتو انا ترف في زمن العوز و المسغبة ...
    اها الشعب المرق ده ما متربي ولا متربي ولا عيان ولا طرفو نعسان؟
    يعني حسي يا سبيل انت بيرضيك شنو؟ نعارض و نهتف تقولو تخريص و كلامات ... نطالب بأدب بتفعيل دور الحكومة و نرضى تقول لي انتو ما مربين امشو اتربو ... بقيتنا في حالة المرة القال ليها راجلها و هي واقفة في نص السلم كانت نزلتي طلقانة كان طعلتي طلقانة ..!!

    يا سبيل يا هداك الله،،،، كدي خلينا من كتابتنا البنكتبها و هواء المكيف ضارب فينا و الموية زرقاااااااااااااااااا نازلة من الحنفية في بلاد المهجر الشايلانا انا و انت ... اسرح ببالك لاول بيت يقابلك في اطراف الخرطوم او الخرطوم زاتها و اخد ليك غشوة كده للاطراف و شوف لي الحال لو بيسر عدو ولا حبيب و بالله مر على طريقك على تقارير الامم المتحدة و نسبة التعليم و المرض و الايدز ووريني المحصلة الفاضلة من الشعب بما فيهم قادة الاحزاب لو عندهم باقي حيل ولا قدرة يعافرو بيها ...

    يا سبيل انت من صحك يا اخوي؟

    الحكومة القاعدة دي مطالبة تدينا البنقولو ده علشان يبقى في شعب من اساسو يقدر يحدث تغير ...

    اووووبس! ولا ده هو مربط الفرس يا ربي؟ انو نقعد كده لافين في صينية المعاناة و التعب علشان نتلهي بالامور الصغيرة عن الامور الجلل؟
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 02:49 PM

lana mahdi
<alana mahdi
تاريخ التسجيل: 05-07-2003
مجموع المشاركات: 16047

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    Quote: بقيتنا في حالة المرة القال ليها راجلها و هي واقفة في نص السلم كانت نزلتي طلقانة كان طعلتي طلقانة ..!!

    تتّفّن ياعزاز في مكانها
    سبيل أخونا دايرنا نتّفّن زيها..
    لا نحلم لا نطالب بصوت مسموع..
    غايتو!
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 03:24 PM

Siham Elmugammar
<aSiham Elmugammar
تاريخ التسجيل: 06-18-2004
مجموع المشاركات: 3488

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: lana mahdi)

    اووووووووووووووووووووووووووووووووو بتنا لنا
    وين ياااخ
    اتفنت جنبكن امكن اشارككم الاحلام والامنيات الطيبة

    يا سبيل رسالتى للاحزاب المعارضة لمن مشاركةداك
    طيرتو لى فى صمة خشمى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-28-2009, 10:55 PM

مهيرة
<aمهيرة
تاريخ التسجيل: 04-28-2002
مجموع المشاركات: 712

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: Siham Elmugammar)

    تصدقى ياعزاز بتى انا برضو لمن كنت طفلة زمممممممممممممممممممممممممممممان فى المدرسة الوسطى يعنى قدر تلميذات سابعة وثامنة أساس فى نظام التعليم الانقاذى كتبت فى مواضيع الانشاء ( بس ما رسلتها للحكومات آنذاك) متسائلة عن جدوى تغيير الحكومات فى فترات الديمقراطية القصيرة بعد الاستقلال وانه التخبط الكان حاصل داك كان تأثيره مربك لتقدم الدولة السودانية الفتية ومعطل لتطور الشعب وتقدمه.

    طبعا الدورة الجهنمية لتاريخ السودان السياسى بعد الاستقلال:- ديمقراطية- انقلاب عسكرى- ثورة شعبية- ديمقراطية-ثورة شعبية-ديمقراطية - انقلاب عسكرى، والحالة العامة للسودان- الاستلمناه من الانجليز فى حالة جيدة- ماشة فى تدهور حتى وصلنا للحضيض الحالى بعد54 سنة من الاستقلال!
    وانتى ياعزاز بتى معاك كل الحق فى مطالبة الحكومة بالقيام بمسئولياتها تجاه الشعب، ولكن : افتكر انه المطلوب مننا كنخبة مثقفة بالاضافة الى ذلك :العمل على تنوير غالبية الشعب وتنبيههم بعد ان طالت عليهم فترات الاستبداد طيلة الدورة الجهنمية من الحكم العسكرى والمدنى وان تفاوتت فيها درجات الاستبداد والاستعباد. طبعا النخبة المثقفة هى أقلية حيث مازالت نسب الامية عالية فى السودان.
    يقول عبد الرحمن الكواكبى فى كتابه القيم:طبائع الاستبداد ومصارع الاستعباد:
    (إن الأستبداد لا يقاوم بالقوة, و إنما باللين و التدرج, فأولاً يجب نشر الأحساس بالظلم بين عامة الناس, ليكون هناك حماساً بالمطالبة. كذلك شدد على إنه يجب أن يكون هناك بديلاً جاهزاً ليحل محل المستبد, فلا يمكن أن نطالب بإزاحة إستبداد, و لا نعرف مالذي سيأتي بعده..! )
    وأعتقد ان واجب النخب المثقفة هو أيضا ايجاد البديل المناسب لظروف الشعب السودانى واحواله الخاصة- ودة مطلب الأخ سبيل- بدلا عن استيراد أنظمة حكم ديمقراطية اثبتت فشلها ، رغما عن نجاحها فى فى دول ومجتمعات أخرى، حتى لا تستمر الدورة الجهنمية والتى ستنتهى بحرب أهلية لا تبقى ولا تذر، لا سمح الله.
    وأضع رابط كتاب الكواكبى المذكور للفائدة :

    http://me.haythoo.net/Docs/kwakbi.pdf

    تحياتى
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-29-2009, 06:39 AM

السمؤال بدرالدين
<aالسمؤال بدرالدين
تاريخ التسجيل: 02-17-2007
مجموع المشاركات: 1989

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: مهيرة)

    عزاز
    سلامات

    تعبير سبيل( وطن ورثه الجيل السابق)
    ده مربط الفرس
    جيلنا ليس له ناقة ولا جمل

    اليس في السياسة كلمة سياسي معاش
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-29-2009, 07:48 AM

malamih

تاريخ التسجيل: 01-28-2003
مجموع المشاركات: 2781

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: السمؤال بدرالدين)

    أريد الذهاب إلى منطقة آمنة ... عساكم بخير ...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-29-2009, 08:28 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: السمؤال بدرالدين)

    ( الرقشة ) الوصفتك بيها يا عزز
    كمصطلح شعبي بتعني الاشارة العلامة اللمعة او الارهاص على وجود امل ما
    وانا بقصد بيها هنا تخلصك من بعض جوانب قلة ربايتنا وبالتالي بتمتلكي امكانية المساهمة في رفع سوية المكنون الجمعي نحو المستوى الانت فيهو هسع (( عيني عليك باردة ودا عشم))
    بس في رأيي المتواضع البسيط والمسكين والغلطان والسجمان واي حاجة انك برضو - وبناء على مجمل مداخلاتك وانشغالاتك في البورد دا - برضو زيك زي الجيل الأول الربوه الانجليز وما ربانا معاه لأنه انشغل بتعاطي الصراع السياسي والايدولوجي والمفهوم الاستهلاكي للثقافة.. ايضا حضرتك واقعة في فخهم نفسه للاسف . وعشان كدا رقشة وليست مؤهلات كاملة لقيادة التغيير الحقيقي المطلوب والفعال.
    بقول الكلام دا مش من باب اطلاق احكام القيمة بمجانية كدا والنزوع نحو تصنيف الناس هبتللي ساكت .. ولكن لأنك طالبتيني اقول ليك كيف كلامك بيعتبر مؤدلج وخاضع لاطر نمطية غربية مستهلكة ؟
    قلت ما بترتاحي الا اقول ليك كيف؟
    أها عزاز عزيزة علينا
    وغالية والطلب رخيص
    دحين انت واقعة في نفس الفخ
    وهو استهلاك المعايير والشروط والاطر الغربية ( ديمقراطية ويست منستر وحقوق المرأة وحرية التعبير) زيك زي اي ناشطة في امريكا او اوربا بدون اعتبارات للواقع والشروط الثقافية والتاريخية لمجتمعنا.
    دا كله عندكم مجرد عراقيل واهية يجب ازالتها فورا لأنها ضد حقوق الانسان
    ياعزاز ما بقدر اطلاقا اتصور انو زول بيطرح افكاره المعتزلة للنمط التقليدي المحافظ السائد في مجتمعنا جذريا ومؤمن بصحة صلاحية ميثاق حقوق الانسان لكل زمان ومكان من غير ما يكون اقرب الى العقل والفكر الليبرالي الغربي
    أمكن تكوني متمسكة بقيم محافظة ولكن في النهاية ما محافظة ياخ !
    طيب زولة مثقفة ( شئت ام ابيتي!) وما محافظة ومطالبة بالتغيير والتحول الديمقراطي الشامل بنفس المقاييس الغربية الليبرالية التي لا يأتيها الباطل من بين يديها ولا من خلفها !!، دون قيد او شرط ، حاتكون شنو؟
    يا يسارية يا ليبرالية ..
    انا متبرع اشوفك ليبرالية غايتو ، حتى اذا ما عندك حزب . وبالتالي طروحاتك مرهونة بمرجعيات ايدولوجية نمطية.
    ان شا الله وضحت ليك فكرتي وزعلتك في امان الله
    ( بس عشان نشوف بالك الطويل دا حده معاي وين ؟!)
    وكان ما زعلتي ياعزاز يا شامي
    قسما
    الا اثبت ليك انو نسوان السودان سبب مشكلة السودان
    ماغيرن هه.
    __________________
    معا نحو اتخاذ الله تبارك وتعالى الهاً بعد ان عرفناه ربا

    (عدل بواسطة محمد عبدالقادر سبيل on 07-29-2009, 09:16 AM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-29-2009, 12:04 PM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    Quote: يا سيبل يا اخوى ديمقراطيه و شروطنا ديل لمتين كيف؟؟؟؟

    سهام
    انتي هشام اخوك؟
    ياخي عندك نفس الرزانة وسماحة النفس والصبر
    ان شا الله ما يكون اخوك عشان يكون في امل انو الحاجات الكويسة في الناس ما تكون مربوطة بالجنتكس.
    المهم ( يا قول تبارك )
    سألتيني عن فهمي لل ( oriented democracy ):
    شوفي يا ستي
    رايي القلتو ليكم فوق هنا عن انو الانجليز فهمونا وعجنونا وخبزونا اكتر مما نحن فهمنا انفسنا
    الكلام دا انا بقصدو فعلا
    ليه؟
    في زمنهم فصلوا لينا خطاب التربية والتعليم ونظامهم قدرنا وعلى اسس ادت الى نتائج باهرة.
    لازم يكونوا درسوا طبايعنا ونفسياتنا كويس خالص في الاول ، دي ما قصة ( trail & error ) الشغالين بيها نحن بوراهم ليوم الليلة
    واعتقد انهم اكتشفوا مصادر هويتنا وهي بالنسبة لي على التوالي:
    1/ الثقافة البدوية الرعوية
    2/ مؤسسة المسيد
    3/ الثقافات الافريقية المحلية الموروثة
    4/ العناصر الثقافية الوافدة ( ودي بتشمل الانجليز نفسهم والمصريين والاقاريق والشوام وغيرهم)
    غالبا اي زول سوداني لابد انو يكون متأثر بكل او على الأقل معظم المصادر الاربعة دي سواء بطريقة مباشرة او غير مباشرة ، لكن بدرجات استجابة متفاوتة .. اقصد في تكوينو وسلوكه وخياراته وميوله وتعبيراته المختلفة اليومية.
    عشان كدا فصلوا لينا برامج تعليم بتشبهنا وبتناسبنا ( من خاخروف وبابقر وغاغنم وساسلخ ومسعود ذبح الخروف والخروف ذبح مسعود والدود في العود وحكاية !) الكلام دا بيتذكروه الناس الحضروا منهج بخت الرضا في الستينات وما قبلها قبل كارثة محي الدين صابر وتحول المناهج وتدمير بيت التربية السوداني الانجح والانجع في هذا العصر: ( بخت الرضا ) مصنع الرجال وعرين الابطال الحقيقي
    السلم التعليمي بتاع نميري استدار لمصادر ثقافتنا والقيم والتصورات والرموز البتلهب خيالنا وتنسجم مع هوانا وبتخلينا نبدع
    جاؤنا بحاجات زي
    تا تفاح بدل تاتمساح ( معقولة بس )
    وبابنت بدل بابقر ( مع انو الناس كانت قيمتهم ببقرهم مش ببناتهم !!!) الصبررررررررررررر جبررررر
    دا ما رايي دا الحاصل !!!
    وبدل الخروف الخنق وضبح مسعود جابوا ليك( انا ولد البلد وانت بنت البلد والبلد بلد البنت والولد)
    ( اسمحوا لي بشطحة سغيرة هنا : كنا كويسين وفاهمين انو البلد بلد الولد والبنت برضو حقت الولد من غير ما نجيب سيرة للحكاية دي من اساسو!! ..
    سامع لي صوت هبوكة طرشقت .. الله يصبر عزاز كمان وكمان)
    البت كانت مبسوطة ولابسة طرحة ومتبلمة وفستانا مكشكش منفوش وطويل ومكوي والولد والبلد عايشين في تبات ونبات وشطار وخطاطين ومؤدبين برسلوا لبعض جوابات مرشوشة بفرير دمور والباترا ريحة الدكاترة والمناديل موشومة بالكروشيه دا لمان يكبروا شوية ويدخلوا السانوي وفي ناس شفقانين بيبدو المراسيل من رابعة وسطى وهكذا البت الشاطرة بتكون خالدة زاهر طوالي وبيصفقوا ليها واي حاجة
    لكن من يوم ما استناروا واستعاروا طموحات الغرب والشرق كسلع استهلاكية مجانية وقاموا اعلنوا البلد بلد البنت والولد، بدأت الفتنة اللي نهايتها هسع حمل الطالبات وهاك يا كوش والبناطلين استريتش والمخدرات في الجامعات وكان قلت الانطلاقة دي ما سمحة لا اله الا الله ، عينك ما تشفش الا النور ...ماحققنا شئ
    ليه؟
    لأنو المطلب مافي محله
    الحرية والمساواة ما شغلة نمطية معلبة جاهزة للاستهلاك
    دي ثمرة حراك وتفاعل بين مجموعة عناصر وفي وسط محدد ولاستعمال مشروط بظروفه ووقته
    كل شجرة عندها ثمرتها وكل بلد عندها شجرها وكل مناخ وكل سلوك غذائي ووو
    مابرنيطة نجيبا من اهلها عشان نلبسها غسب غسب وخلاص نحن اتطورنا واتنورنا
    لا
    لمن قاعدة القيم والثقافة ما تكون منسجمة مع الظواهر المستورد بيحصل اقحام وبالتالي اختلال توازن للفرد والمجتمع ودا بسبب وضع الحاجات في غير محلها ، تتذكروا القرد الاعمش والنظارة؟ أو زي اسبير المارسيدس في الكارو
    حرام ياخ
    صحيح اسبير المرسيدس غالي واصلي وقوي وعظيم بس في المرسيدس ياخ مافي اي حتة
    بسم الله الرحمن الرحيم
    المصريين عندهم مثل بسيط عاجبني جدا بيقولوا : كل حاجة وليها حاجتها
    يعني عليكم الله
    عليكم الله خلوني
    شالتني الهاشمية وداير اسألكم سؤال كدا ممكن؟
    هسع عليكم الله وفي ذمتكم اجسام نساوينا دي اجسام بناطلين
    سمحة فيهن يعني زي الخواجيات مثلا ؟
    بس من ناحية اناقة وهندام ومنظر كدا .. خلونا من الاباحية والتمرد المجاني
    بس appearance wise
    يعني لازم خنق فطس نعمل زيهم اي حاجة عشان نماس حرية التبعير دي ؟ ونكسر القيد ونتحرر من التياب والتقاليد البالية؟
    والله الواحد مرات يتبرع من جوة قلبو كدا ويخجل للناس
    ياخي حاجات نساوينا دي والله بتعجبنا وبتعجبنا شديد لكن مافي البناطلين ياخ
    كل حاجة وليها حاجة يا جماعوووووووو
    البنطلون دا ما شي عادي كلو كلو بالنسبة لنسوان الافارقة وعرب الخليج ومن استدار دورهم
    ورغم كدا لا
    ينطوا ليك الرجال المناضلين المستنيرين / المستعيرين قبل النسوان
    وانتو متخلفين ومعقدين ومتشددين وظلاميين ونفوسكم مريضة واساسا بتعاينو للنساوين بورا ليه يا قليلين الادب ما عاملين فيها لاهوتيين يافقهاء الظلام تفكيركم في عورتكم بس
    أها طيب
    خلاس سكتنا
    نحن غلطانين .. امشوا سووا البعجبكم طالما قلتوا نتحرر من التابوهات وبكدا حا نمشي لقدام .. مين عارف امكن اليابانيين اتحرروا من القيم المحافظة او شئ عشان اتطوروا.
    سهام والله اخدني الكلام وشطحت بعيد عارف ونسيت ليك قصة توطين الديمقراطية كيف
    سأعود ان شاء الله تعالى اعذريني
    ____________________
    وقل رب اغفر وارحم وانت خير الراحمين
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-29-2009, 05:17 PM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    الاخل سبيل اثبت بلا ما لا يضع مجالا للشك انو هو دايرني اموت مغسة و استشهد بحراق روح وانا باقرأ ليهو
    حسي انت في ذمتك موضوع البنطولنات ده اعتراضك عليهو انو ما بيناسب بنيتنا؟ يعني حسي الباكستانين
    وبني لاهور نسوانهن يخلو البنجابي لمن يسمن؟
    حسي انت ما فكرت انو في جري المواصلات و الشلهتة البنطلون ممكن يكون ساتر اكتر من التوب و التنانير؟
    انت يا سبيل دايرني اجن ولا اجن؟
    انت ما سمعت بحاجة اسمها خيار شخصي؟ الغرب الجننتنا بيهو ده هو زاتو ما بيرضى بالعري والناس هناك
    ما عندها نظام عام بس ما ما شين ام فكو لانو في معيار مجتمعي لما يصح وما لايصح وما لا يصح من غير
    نظام عام ولا سوط عنج ...
    انت على فكرة بتمارس دور ضحية بشكل ما عادي، رميت هم التفسخ الاخلاقي على الغربي و نسيت انو المجتمع ما
    عمل متاريس مناسبة ليهو من الاخلاق و الدين، و التفسخ ده ابشرك مرده انعدام الرؤية و انعدام المثال
    والوفرة و الفساد ضمن طبقات معينة فبالله ما تجي تعلقو في شماعة الغرب و كلامات الشرايط الكانت بيدونا
    ليها في السوق هنا و يا اخيتي احذري الغرب و ما الى ذلك ... اعد ليك دشلومية زول باعرفو قاعد في حضن
    الدول الغربية و اخلاقهم من اجمل ما يكون وما مخلوعين ولا فاسدين، نظرية المؤامرة دي الودتنا ورا..

    الاستعمار الدرعت فيهو اسباب الاحن ده ما منع الهند من انها تكون قوة اقتصادية حسي برغم كل عقبات التنوع
    والشافتو الهند من المستعمر لا يقاس بما حدث عندنا، والحصل في الكاريبي و جنوب افريقا اكتر و اكتر امشي كدي
    اقرأ مقالات مفكرين بريطانيا في 1830 و ما بعد لما جو عملو نظام التعليم الهندي و جبرو الاطفال يبلسو لبس
    المدارس البريطانية من غير اي اعتبار لفروقات الطقس و الشافع الهندي بيكون سايح جو البدلة ... امشي شوف
    كتبو شنو البريطانين عن الهنود وانهم ناس متخلفين لا يفقهون شيئا وانو 3 هنود بعملو نص بريطاني مجنون
    برضو ما منع الهنود يبقو القوة الهم فيها حسي ولا منع غاندي ولا منع كل الحركات الثورية التانية ...

    في السودان عندنا ازمة مثال، ازمة دليل و ازمة قائد حقيقي الناس تتبع ركبه ويوريها الدليل ....
    بجيك صادة بالمهلة لباقي الكلام،،،

    ارقد عافية
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-30-2009, 09:34 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    عافية شنو
    العافية القاها وين وانت ممغسة
    لكن بس اقيفي لي هنا
    اقري معاي كلامك دا
    Quote: انت ما سمعت بحاجة اسمها خيار شخصي؟ الغرب الجننتنا بيهو ده هو زاتو ما بيرضى بالعري والناس هناك
    ما عندها نظام عام بس ما ما شين ام فكو لانو في معيار مجتمعي لما يصح وما لايصح وما لا يصح من غير
    نظام عام ولا سوط عنج ...

    يمين يا بت الناس
    كلامي القلتو ليك فوق دا كله ياهو دا ملخصو ( والناس هناك ما عندها نظام عام بس ما ما شين ام فكو لانو في معيار مجتمعي لما يصح وما لايصح وما لا يصح من غير نظام عام ولا سوط عنج ...
    الناس وين ؟
    هناك .
    ايوااااااااا عليك نور
    اها قولي تحديدا:
    الناس ( الهنا ) كيف ؟
    برضهم زي ديلك بحترموا معايير ما يصح وما لا يصح من غير نهرة وعنج؟
    اذا اجابتك نعم تبقي كضابة
    واذا لا
    يللا نبدأ نبحث عن الاسباب والتربية وغربة الوجدان واستهلاك الافكار والثقافة المستعارة ووو الخ
    انت مثلا
    عزاز بت ابو الشام زاتو كويس!
    فطنتك ما بينتطحوا فيها رجلان
    ورينا عملت شنو من انتاج محلي بيشبهنا عشان يقلدوه بنات بلدنا
    ساهمت بشنو في اطار الدفع نحو تطوير الملابس النسائية المطابقة بالضرورة لمعايير ( حقيبة الفن ) let us call it : HAQIBAH standard SPECIFICTIONS
    طالما انك بتبرري استهلاك ملابس الاخرين المناسبة لهم هم بحكاية شلهتة المواصلات
    ليه راجية الآخرين يحلوا ليك مشكلتك؟
    وللا الحكومة كمان ؟
    مافي مصممات ازياء سودانيات كلو كلو يا كافي البلا( من القاعدات في ضللة الشعارات واللافتات ديل )؟
    بس اسهلاك استهلاك وخلاس؟
    بالمناسبة ياعزاز
    كويس اسألك
    حقوق المرأة دي هل لازم يعملوها الرجال كلها
    يعني المرأة ما عندها مطالب ممكن تعملها طوالي براها .. زي حاجة تطوير الملابس في اطار الخصوصية الثقافية هل دي محتاجة لثورة ونضال ضد المعوقين عشان تتعمل؟
    قيسي على ذلك غير الملابس .
    سيادة روح الرجا ونفيخ الهنابيك دي لامتين ؟
    وللا المقصود شئ تاني من نوع فضح النظام واشهار المطالب مش لذاتها وانما لاسقاط الحكومة وباراز سلبياته مثلا؟ دي حاجة تانية طبعا.
    قلت لي مجتمع محتاج قيادة ورمز ومثال؟
    كلامك صح
    لكن هل هو استهلاكي برضو يكرر نفس مأساة استعارة الاطر والنماذج والافكار والاجندة والاولويات، أم قيادة رشيدة يجب تأييدا؟
    قيادة متجاوزة لازمة الغربة الفكرية والثقافية
    قيادة مندغمة مع شروط المجتمع وثقافته وتاريخه وامكانياته
    خلينا نتفق
    وانا بالجد برشحك انت دي
    بس نزلي مكنة القندران وركبي حصان قوي
    عشان حاتقودي كارو
    نعم مجتمعك في المرحلة دي ولازم تتواضعي وتستوعبي الواقع وبلاش رومانسية سياسية
    النخبة القائدة هسع غالبا حاصل ليها ( social detachment ) وبتكلموا عن شعب في وادي وهم في واد
    القيادة المستوعبة للازمة هي الممكن نراهن عليها
    محبيتي
    _________________
    وقل رب اغفر وارحم وانت خير الراحمين

    (عدل بواسطة محمد عبدالقادر سبيل on 07-30-2009, 10:13 AM)

                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

07-30-2009, 11:50 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: محمد عبدالقادر سبيل)

    اها الديمقراطية السودانية:
    __________________________

    قلنا ان الانجليز لهم علينا افضال جمة جمة جمة، نفضونا ونضفونا وعلمونا وعالجونا وكهربونا وقطرونا وعربونا وتكسسونا ومأسسونا وووو
    واهم شئ
    اكتشفوا موضوعنا النحن متفقين عليو كلنا هنا : سوء تربيتنا على النحو المشروح اعلاه
    عملوا شنو ؟؟
    قاموا شالوا اولادنا من بيوتهم ( مرات بالقوة تتصوروا ) ودخلوهم المدارس ، وداخلية
    البنات ربراهم والاولاد براهم
    وفروا الطعام والانارة ووسائل الترفيه من مسرح وملاعب ووسائل ابداع
    ويللا علموهم اهم شئ اهمممممم شئ يا ناس اهم شئ ال discipline والنظافة الشخصية والنظافة العامة واحترام البيئة والتشجير والطاعة واحترام القانون وتحفيز الروح الخلاقة وروح المسؤولية والتهذيب وشعور الانتماء للجماعة بدون شروط عرقية او قبلية
    دي كلها قيم لا توفرها الاسرة السودانية اطلاقا
    عشان كدا فصلوهم نهائيا وقعدوهم في داخليات باشراف الانجليز
    ووضعوا ليهم منهج بخت الرضا المناسب ليهم تماما
    فطلعوا مؤدبين ومحترمين ومتحضرين وانيقين وشطار ومبدعين كبار وصاروا ( اسماء في حياتنا ) وتحملوا شيلة الخدمة المدنية المشهود ليها بالمستوى الرفيع تحت اشراف الانجليز
    قلنا انو ديل ما شالوا الشيل وماعمموا نموذجهم على باقي المجتمع
    وانما طوالي قاموا جارين لمؤتمر الخريجين وعملوا فيها وطنيين وطالبوا بالتخلص من قرف وبغي وظلم الانجليز الذين دمروا البلاد ونهبوا خيراتها ؟!
    انا ما مع الاستعمار ولكن كمان ما مع الكذب ونكران الجميل
    ياتو موارد دي : مشروع الجزيرة عملوه هم ، شبكة السكة حديد عملوها هم ، الشوارع والجسور والكهربا والموية والاسواق ، المدارس والداخليات وبخت الرضا والمطار الدولي والجيش والبوليس والقضاء والحكومة والحدائق والهواتف والاذاعة والجرايد والدولة الحديثة كلها من الفها الى يائها عملوها هم
    مرات من مواردنا ومرات من موارد مصر
    عارفين الكلام دا ياخوانا ؟
    الانجليز بنو السودان بقروش مصر تتصوروا
    وطبعا برضو بموارد القطن والصمغ السوداني
    المهم عاملونا بمبدأ بارك الله فيمن نفع واستنفع ( القاعدة دي قالها منو !)
    اها في دجال ادارة الدولة عملوا حاجة مهمة جدا خلوا بالكم ليها
    عملوا قسمة سلطة بطريقة منطقية جدا
    عرفوا انو الاولاد الهم ربوهم صح في الداخليات ديل فارقوا والواقع الجوهري للمجتمع وبقوا على علاقة فوقية سياحية بس معاهو
    الرعيل الاول من المتعلمين المستوظفين مشوا سكنوا في بيوت الطوب الميري واخدوا الوظاف الميري ولبسوا البرانيط وانشدهوا بالخواجات خلاص بقوا زيهم
    الانجليز ( زمان ) كانوا فير جدا
    عملوا شنوا
    قسموا السلطة بينهم ( هم والنخبة السودانية صنيعتهم ) من جهة وبين باقي الشعب المتفرج من جهة ثانية
    الانجليز والنخبة اخدوا مناصب الدولة الرسمية ، والنظار والعمد والمشايخ والخفر التابع لهم اخذوا نصف السلطة ( الادارة الاهلية المحلية )
    سلطات الناظر سلطات حقيقية وديمقراطيته هي الشورة ومجلس الاعيان والاجاويد وله حق الحل والعقد في امور كثيرة تخص حياة الناس
    المجتمع كان منسجما جدا مع هذا الاسلوب في ادارة شأنه العام لأنه يلبي كثيرا من رغباته وافضلياته مثل الانتماء للقبلية الذي تخلصت منه النخبة ( المتربية في الداخليات ومؤسسات التعليم حتى غوردون كولدج) وما يزال يتمسك به باقي المجتمع الذي يعادل 99% من الشعب
    المفتش الانجليزي يمر من وقت لآخر ليعرف احوال ومشاكل النظارات والنظار وينصح منعا للانحراف وفقدان النظام
    لو جرى تطوير هذا النظام قليلا من جانب نخبتنا بعد الاستقلال بدلا عن اضعاف سلطات هذه الادارة ومن ثم الاجهاز عليها بدعوى اننا تجاوزنا زمنهم وحكمهم ( ودا ماصحيح طبعا )
    اقول لو طورنا اوعية الديمقراطية دي شوية بما يستوعب هذا المعطى لكانت الديمقراطية السودانية البتشبه حالتنا والاكثر التصاقا بمكنوننا مما هي عليه الآن
    فمثلا
    لماذا لا يتكون البرلمان من غرفتين
    مجلس نواب ( يتنافس فيه النخبة فقط )
    ومجلس اعيان ( يختص بما يتشاور عليه النظار والعمد وكذلك شيوخ الطرق الصوفية ورؤساء الطوائف الدينية فيما بينهم فقط )
    على ان تعود قسمة السلطة الى ما كانت عليه ايام الانجليز ( الادارة الاهلية واسعة الصلاحية ) طالما اثبتت التجارب ان القبلية والعشائرية مازالت تضرب باطنابها في كل مكان حتى الآن ومقولة ان المجتمع قد تجاوز وظيفتها هي مقولة ملفقة وغير حقيقية
    لماذا لا نتواضع على صيغة اكثر جدية في تكوين الحكومات
    فبدلا من ترك شأن تشكيل الحكومة لمن يحرز الغالبية ، لماذا لا نترك امرها شورى بين اعضاء البرلمان بغرفتيه المقترحتين
    لماذا لا تكون الحكمومة ( موظفة ) بواسطة البرلمان وملزمة بخطة تنمية محددة ومجازة مسبقا وتحاسب عليها
    هسع زول زي نقد دا ليه ما يستفيد منه السودان كله . وغيروه كتير معطلين بسبب الديمقراطية دي
    ليه يكون مضطر انو يعمل انقلاب هاشم العطا او مايو عشان يسهم وغير كدا ما في امل ؟ بينما يجونا وزراء احيانا من شاكلة المنخنقة والنطيحة والمتردية وما اكل السبع حرام.
    تشكيل الحكومة يجب ان يخضع لمعيار آخر غير الغالبية المطلقة او الميكانيكية بالتحالف
    مثلا
    مثلا
    ( ياخوانا هوي جاتني مامورية مستعجلة لمدة اسبوع ادعي لي يا عزاز )
    _________________
    رب اشرح لي صدري
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

08-18-2009, 10:34 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    من الأمس ...
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

08-19-2009, 06:45 AM

محمد عبدالقادر سبيل

تاريخ التسجيل: 09-30-2003
مجموع المشاركات: 4312

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: لمن يهمه الامر : رسالة بأثر رجعي من طفلة سابقة ... (Re: عزاز شامي)

    معقولة مساهماتي التشخيصية دي كلها تهمل
    لالالا
    حاجة بتزعل والله ما احترمتوني
    وست البيت ما ادتني حقي
    ( راعوا انصافي وجليل غدري )
    كان غلطان قوولوا لي غلطان ووروني الصح
    لكن الصنة دي ما سمحة
    ___________________
    اللهم اني اعوذ بك من ان اشرك بك شيئا اعلمه واستغفرك لما لا اعلمه
                   |Articles |News |مقالات |بيانات

دعوة للشخصيات العامة و الاحزاب و المنظمات...الخ المشاركة فى العصيان المدنى للاعلان هنا مجانا

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de