دعواتكم لزميلنا المفكر د.الباقر العفيف بالشفاء العاجل
|
|
 في وداع ود قاسم ... بورداب الرياض يفعلون العجب!
|
الخال ود قاسم
بطبعي بأكره الوداع والفراق
وما أنا الوحيدة!
بس
اهي الدنيا شنو إلا فراق ولقاء؟
بس بتفارق مين
وبتفارق كيف
هناالفرق!
ليلة أصيلة حنونة تحمل معانيها عنوانها العميق (الوفاء لأهل العطاء)
ليلة (وفاءٌ) لشخص (أعطى) من قلبه ووقته لأناس أحبهم وأحبوه وما زال لديه الكثير ليعطيه
هنيئا لمستقبليك بك
أما نحن
فقد تركت فينا كما من الذكريات نذكرك بها أينما حللت
والوطن جامع
والحي بيتلاقى
يا خال،
بكيت ما اكضب عليك!
بكيت أشوفك تعانق حبانك وخلانك
بكيت اشوف محبتك في عيون الناس
اولادك
أخوانك
أندادك
بكيت اتخيل المكان من غيرك !
وبكتني الحنينه
بكتني دموع الخالة الصادقة...
شئ واحد صبرني!
حفاوة البورداب بيك
والبورداب كرماء وانت بتستاهل!
حقيقي جمعنا وطن افتراضي وكلام مكتوب أصم، بس القلوب وفيّه وحنينه
القلوب بتشيل العشرة وسام ووشاح
قلوب شايله ودك كلام رجال!
بختك بيهم
بختنا بيك
بخت السودان بيك
ومن قلبي
شكرا ليكم يا بورداب الرياض، انتو بالجد ناس حلوين!
كالعادة الكلام بيعجز عن وصف (وفائكم)!
شكرا ليكم بورداب الشرقية يالشايلاكم غيمة محبة
شكرا ليك يا بكري ، سيد الحوش الصبور!
وأخيرا،
شكرا ليك يا بلد جاب الرجال ديل!
|
|
 
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عزاز شامي)
|
عزاز الحبيبة
على غير العادة في متابعتي الشغوفة لبورداب الرياض و تجمعاتهم و احتفالاتهم
وجدت نفسي متثاقلة و كئيبة في متابعة احتفال وداع الخال الحبيب ود قاسم
وكأني ساكنة الرياض و سأفقد وجوده معنا كبورداب
ولكني كنت معكم دوما و كم أحس بفقدكم له
لكن العزاء أنه سيواصل المسيرة من الداخل
له و لك كل المحبة و التقدير
لنا
| |
|
|
|
|
|
|
|
|
 Re: في وداع ود قاسم ... بورداب الرياض يفعلون العجب! (Re: welyab)
|
| Quote: بس حد يقولي الصور الجماعية دي بعد ما العيال نامت والعجايز فاتوأأأأ |
ويلياب
بعد السلام
الصورة دي كانت بدون كشافات وبدون فلاش يعنى بضوء شمس باكر بعد الفجر بقليل
بعد داك إتخيل برااك القاعد منو والفات منو
تمبس
وين باقي الصور ؟؟
أهم حاجة صورة محمد خليل ( إبن أختي ) منتظرها بفارغ الصبر
الدعاء لود قاسم بالتوفيق في باقي حله وفي ترحاله
التحية لكل بورداب الرياض
وراجعين
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: مريم بنت الحسين)
|
الرائعة عزاز
حقا كان وداعا خرافياوبورداب الرياض
فعلوا العجب العجاب لانسان نعزه كثيرا ونحبه كثيرا
وسوف نفتقده كثيرا .. حقا الخال ود قاسم كان فينا
كالرحيق في الزهرة والشهد في العسل
وبعده عنايترك لنا فراغا كبيرا وحتى نفيق من خبر الفراق
ويستعد الخال الجديد حمزاوي لتولى المهمه ( الخاليية )
الجديده ..
دعونا نبتهل للعلي القدير أن يوفق الخال السابق ود قاسم في
مجاله الجديد داخل أرض الوطن العزيز ..
التحية لكم جمعيا ايها الاحباب بورداب الرياض
واحتفالكم الرائع بالخال ود قاسم..
كنت حاضرا هذه الروعةالاحتفالية.. وأكثر سعادة
لانني جزء من بورداب الرياض هذه المجموعة الرائعة
روعة ودقاسم
مع مودتي ...
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عزاز شامي)
|
يقول الذين حضروا الحفل ..
انا الامر كان رائعا ..جميلا ..
وان المشاركين كانوا جميلين رائعين..
جهد مقدر قام به الاخوان من بورداب الرياض ..
بس ابو طلال يستاهل اكتر من كده ..
ه و له قصب السبق في تاسيس هذ المجموعة الطيبة الجميلة..
ابو طلال وام طلال وابنائهم الاعزاء فقد كبير لهذه المجموعة ..
وخال..
الله يعوضنا ..
انتو بالجد كنتو اجمل البورداب في الرياض..
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: بهاء بكري)
|
حدثني عنه بكل انبهار أبوساندرا في زيارتي الأخيرة للدوحة. أحسست أن غربتي بخلت إذ لم ألتق هذا الرجل الذي يضوع مثل عود الصندل أينما حل. لن يخسر الوطن شيئا وأمثال ودقاسم "يطبزون" عين الشيطان بمنتهى الشجاعة لكي نبدأ رحلة العودة إلى بلادنا.. إلى حيث ينبغي أن نكون.
أيها السوداني الأصيل..أخي ودقاسم ، عد إلى وطنك. ليس من العدل أن يملأ البوم صباحاتنا نواحا، وتغرد العنادل حزينة خارج الدوح !
التحية لمن وقفت إلى جانبك وشاركتك الهموم وتربية الصغار. تستحق رفيقة دربك تاج ورد ووشاحا من نور.
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عزاز شامي)
|
اختي العزيزة
عزاز
مسكاقمي
رائع كان وداع الخال ودقاسم
بورداب الرياض رائعين
الخال (سابقاً) فقد كبير لنا
الله يوفقه أينما حل واستقر
| Quote: ويستعد الخال الجديد حمزاوي لتولى المهمه ( الخاليية |
)
يا سلام يا قريبي عثمان سيداحمد
انت حلو ولذيذ
تم تعيينكم مساعدالخال لشؤون الثقافة
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: حمزاوي)
|
الصديق حمزاوي
شكرا أولا على المنصب الجديد
أو الخال الجديد والذي أنت أهل له
وشكرا مرة أخري على المنصب الذي أوكل الي
وسوف تكون التسمية كالتالي ( المساعد الأول للخال الجديد للشئون الثقافية )
( وحاجات تانية حامياني )
رجاءا التكرم الدعوة لبورداب الرياض للم الشمل
حتى نتعرف عليكم عن قرب
والكلام ليك يا ود الباوقة
مع مودتي للجميع ...
| |
|
|
|
|
|
|
|
|
|
يوم رحيلك من البلاد (Re: عزاز شامي)
|
عزوزة
يصعب علي الجميع فراق الخال
ويصعب علي الرياض ان يتركها هذا السوداني الاصيل
لكن
ربما كان هذا القرار هو افضل الخيارات بالنسبة له
لكنه فقد عظيم لا يمكن تعويضه لمحبيه في الرياض
نتمني له التوفيق هو واسرته
والعظيمة فوزية ست الناس
والذوق
بين طلال وفدوي واخوانهم
واتمني ان التقيه هنا في ارض السودان
| |
|
|
|
|
|
|
|
|
|
Re: يوم رحيلك من البلاد (Re: شمهروش)
|
Quote: حقيقي جمعنا وطن افتراضي وكلام مكتوب أصم، بس القلوب وفيّه وحنينه
القلوب بتشيل العشرة وسام ووشاح
|
شكرا عزاز على هذا النقل الرائع لحدث سنختزنه ذاكرتنا طويلا وعميقاً .. فقد كان ود قاسم علامة فارقة في تجمع السودانيين بالرياض .. لم يكن فردا بل كان أسرة منسجمة ومتواصلة حد التماهي مع النشاط الإجتماعي الثقافي الرياضي وأيضا السياسي .. وكان لسان حال ود قاسم يحد تعبيره في مقطع القدال:
أبيت الكلام
المغتغت وفاضي وخمج
أخيرلك أقول الكلام البحرق حشايا
أخيرلك أفضفض جراب الخبايا
أقول الكلام البفكفك سوارك .. يفكفك إسارك
أخيرلك أقول الكلام البيرفع جدارك ويوقف عضايا
أخيرلك
بوستك رائع تماماً .. لكين الفي تمبس أنعرفت .. وبرضو معتصم دفع الله الفيهو إنعرفت شايلين الكميرات وأنا أصلح في القميص وأبتسم كل مرة واجي القى صورتي مافي مع المجموعة .. وقوليهم إن طال الزمن وإن قصر بجيب كميرتي ومعها مشغل لا يخلف وعدا ..
التحية لك يا ودقاسم الحبيب فقد تركت وأفراد أسرتك أثراً قوياً في نفوس كريمة وفية .. والوفاء من شيم الكرام وسيستمر التواصل مهما باعدت بيننا الخطى .. ودعواتكم لنا بسرعة الإياب إلى الوطن الجميل
| |
|
|
|
|
|
|
|
|
|
Re: يوم رحيلك من البلاد (Re: Mohamed Abdelgaleel)
|
الأخت عزاز ،
خالنا وأخونا ود قاسم وأسرته (عزاز علينا ، شالو نوم عينينا ... ) ، وعزاءنا أنهم راجعين للبلد ، وياني يا نيل ليك راجع .
وشكراً ليك كتير على تلك الحروف المتوهجة والتي تنبض بالمعزة والمحنة وصوّرت ليلة الاحتفاء والوداع لود القبايل ود قاسم أروع تصوير ، رغم كثرة الفلاشات والصور يومها وقلّتها هنا ؟!
( واللا أنا غلطان يا ودعبدالجليل ؟!)
| Quote: بوستك رائع تماماً .. لكين الفي تمبس أنعرفت .. وبرضو معتصم دفع الله الفيهو إنعرفت شايلين الكميرات وأنا أصلح في القميص وأبتسم كل مرة واجي القى صورتي مافي مع المجموعة .. وقوليهم إن طال الزمن وإن قصر بجيب كميرتي ومعها مشغل لا يخلف وعدا .. |
ويا محمد يا أخوي ، ما تسبق الحوادث .. إحساسي بقول إنو الثنائي تمبس ومعتصم شغالين في الصور تلميع وتحميض بي رواقة وعلى أقل من مهلهم ، عشان بس تطلع أحلى وعلى مستوى الحدث ، واحتمال كبير تنزل في بوست لوحدها. ( صابري .. صابري يا أبو الشباب !؟) .
وأخيراً :
يا ود عبدالجليل .. انتظروا إنا معكم منتظرون !؟
( ليمو )
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عزاز شامي)
|
الاخت /عزاز شامي
سلامات
Quote: حقيقي جمعنا وطن افتراضي وكلام مكتوب أصم، بس القلوب وفيّه وحنينه
القلوب بتشيل العشرة وسام ووشاح
قلوب شايله ودك كلام رجال |
الوطن الاسفيري هو الذي جمع شتات السودانين في المهاجر البعيدة عبر بوتقة الحرف النقي الممتدة جزوة من صلابة سودانيزاون لاين .
ودقاسم كان فارس ليلة الفرح التي تدثرت بثوب الوفاء الذي نسجت خيوطة ايادي بوداب الرياض وعزفوا سمفونية الفرح المتشوح بالحزن النبيل لتكريم الخال الذي هو اهل لهذا التكريم الذي التفت حولة الاسر السودانية التي شكلت منظومة الفرح الجميل بالحضور البهي متدافعين جماعات وافراد شيبا وشباب واطفال ونساء من تكريم الانسان الرائع ودقاسم وتضامنا مع البورداب الذين اسهموا في معظم الفعاليات والمناشط بالرياض .
الاخ / معتصم دفع اللة
تحياتي
كانت فقرات البرنامج شبقة وممتعة استهلت بايات من الذكر الكريم تلاها الاخ عبدالباقي الجيلي شبخ بورداب الرياض .
ثم كانت كلمة بورداب الرياض التي القاها الريس ودالباوقة .
وبعدذلك كلمة الملتقي الثقافي السوداني التي القاها البروفسير عزالدين عمر موسي .
التي تحدث فيها باسهاب عن مواقف ودقاسم النضالية والثبات علي المبادي مهما كانت نتائجها واحترام ودقاسم للذبن اختلف معهم ويختلفون معة ولم يقطع علائقة الاجتماعية بهم بل تجدة احزانهم وبعض افراحهم وتناول الجانب الرياضي من حياة ودقاسم وجدتة يعرف الرياضة ويحبها اكثر من بعض الذين يدعون انهم ينتمون لقبيلة الرياضين ثم تناول الجانب الاجتماعي من حياة ودقاسم الذي تربطة علاقات حميمة مع رجالات العمل العام وكثير من الاسر السودانية وقال البروف ودقاسم حار ( ذي نار العويش ) ولكن قلبة ابيض .
واخيرا اشاد البروف بسوادنيز اون لاين واهتمام اعضائها بالقضايا الوطنية وثمن دور بورداب الرياض الفاعل في مختلف المجالات .
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: يوسف السماني يوسف)
|
الحبيب الكريم اسماعيل وراق .
الاخوة الاجلاء اعضاء لجنة التكريم ..
حقا لقت وفيتم وكفيتم وما قمتم به من جهد يوازي بالمقابل المحتفى به ذلكم الشهم ابن الاصــول الخال ود قاسم كانت ليلة ولا اروع اجتمع فيها كافة بورداب الرياض في الفة ومحبة قل ان تجد لها مثيلا . والخال ود قاسم واسرته الكريمة يستاهلون كل خير . نتمنى لهم التوفيق والسداد اينما حلوا
شكرا اختنا الكريمة عزاز على حضورك الدائم بيننا والشكر للكل دون فرز ..
ود الباوقة
| |
|
|
|
|
|
|
|
|
 Re: في وداع ود قاسم ... بورداب الرياض يفعلون العجب! (Re: معتصم دفع الله)
|
لن ننسى اياماً مضت .. لن ننسى ذكراها
لن ننسى اياماً مضت .. فـرحاً قضيـناها
هكذا كان يردد بورداب الرياض عند لحظات التكريم ..
ولسان حالهم يقول أنت موجود معنا وفينا يا خال وإن اختلف المكان ..
واختلطت دموع الفرح بالحزن عند لحظات الوداع ..
الحزن بوداع أخ وخال عزيز للجميع ..
والفرح بعودته لوطنه وأهله سالماً ..
لم نكن لنحتمل كل هذا الفراق يا خال ..
ولكن ..
حتماً سنلتقى على ضفاف النيل الخالد ..
النيل الذي عشقته والوطن الذي أحببته ..
بورداب الرياض كانوا رائعون وعظمة المناسبة والمحتفى به ..
بورداب الشرقية أو تاؤم الروح دائماً أنتم جميلون وحاضرون ..
الفعاليات السياسية والاجتماعية والحضور الكريم أضاف للحفل بعداً آخر ونكهة مميزة ..
شكراً لكل من تكبد مشقة الحضور ..
ووقف على هذه المناسبة العظيمة ..
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عمر الفاروق)
|
الخميس
ليلة ويا لها من ليلة
تقاطرت جموع أعضاء سودانيز أونلاين وضيوفهم الكرام صوب إستراحة أبو الهيثم لوداع شخص عزيز على قلوب الجميع... الخال محمد عبد الباقي ود قاسم... رجل ترفع له القبعات وتنحني له القامات إحتراماً وإجلالاً..
بورداب الرياض... كانوا على قدر الحدث... دقة في التنظيم... إنضباط في المواعيد.. حفاوة في إستقبال ضيوفهم..
بورداب الشرقية.. أولئك الأوفياء.. أتوا وهم يحملون الشوق ملوحين بشارات الوفاء والعرفان للخال ود قاسم... التحية لهم..
.
.
الكيانات السياسية
الروابط الإقليمية
الروابط المهنية
الروابط الرياضية
منظمات المجتمع المدني
شخصيات قومية
أدباء وشعراء
فنانون
كلهم كانوا حضور.
.
.
البروفيسور عز الدين عمر موسى ... تحدث نيابة عن الملتقى السوداني وتناول في كلمته دور ود قاسم في الحياة الثقافية والسياسية بالرياض معدداً محطات عديدة عشاها مع المحتفى به منذ أيام الجالية الأولى في بداية التسعينات..
.
.
عبد المنعم عبد العال... الريس... تناول ود قاسم الرياضي بصفته أحد أعضاء اللجنة التنفيذية للرابطة الرياضية الصالحية والتي يتشرف الريس عبد المنعم برئاستها.. كان حديثه مؤثراً تناول فيه جوانب عديدة ومضيئة في شخصية المحتفى به..
.
.
الطرب الأصيل كان مع المكاشفي خضر بشير... ويا دمعة الشوق... ثم عز الدين آدم (إبراهيم عوض الصغير).. ثم النغم والشدو الجميل عمار السنوسي... ألم الفراق... وتتوالى فقرات الحفل الشيقة.. ياسر العيلفون ثم ياسر الحلفايا... كلهم أبدعوا غنوا من أعماقهم لود قاسم... غناء رغم لمسات الحزن أمتع الحضور.. لله دركم.
.
.
دروع تذكارية من بورداب الرياض... الشرقية... ووشحات تذكارية للمحتفى به وللأٍستاذ صلاح الباشا الذي فاجأ الحضور بخبر سفره النهائي للسودان... إنها لحظات مؤثرة على خلفية.. لن ننسى اياماً لن ننسى ذكراها...
.
.
فوزية تلك النقية الوفية... تحدث عنها الكثيرون... وبدورها تحدثت ولكن خنقتها العبرة ولم تستطع المواصلة فكان ذلك أصدق دليل على تعلقها وحبها لبورداب الرياض.. فهم أخوانها وأبنائها... له الود..
.
.
سنواصل
.
.
وقبل المواصلة تعريجة على أخونا عمر الفاروق
Quote: مسعولين من الخير يا جماعة دحين الحفلة دي لي وداع ود قاسم ولا إسماعيل وراق ؟؟
باقي انا إتلخبت علي الإختساس |
..
شفت كيف... الشهرة متاعب ...
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عمر الفاروق)
|
تمبس ومعتصم .. عشان تآاااامنو .. اخيراً نزلتو الصورة .. عشان عرفتوا أنو وصلتني 3 عروض أسعار لكاميرات High Tech
بعدين يا اخوانا دايما تصورورني في الخلف ليه؟ كل شيء في السودان لا يتم تداوله حتى مواقعنا في الصورة يظل الأمام أمام والخلف خلف .. يا أخوانا ما تداولوا المواقع خلونا مرة واحدة قدام.
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عزاز شامي)
|
كانت ليلة من الف ليلة وليلة
امتزجت فيها دموع الوداع بالفرح
وكان الحضور مميز وجميل خصوصا بورداب الشرقية
وبورداب الرياض كانوا كالفراشات خفافا هاشين باشين في استقبال وتكريم الضيوف
وكان الحضور مميز من جميع الكيانات السياسية والاجتماعية والرياضية
ما عدا طاقم السفارة
والجندريات في الرياض اثنين فقط لكن شكلوا حضور عشرين
بكينا وطربنا ولم نفق من سكرة النشوة الا مع خيوط الفجر الاولي التي لم تمهلنا الا قليلا
شكرا الرائعة عزاز شامي
شكرا بورداب الرياض
شكرا للخال ود قاسم
والخالة فوزية والاسرة الكريمة
شكرا اسرة صديق الموج حضور مميزاضفي علي الليلة الالق الجميل
شكرا اسرة الاستاذ بدوي حسن حضور جميل
شكرا اسرة الاستاذ حسين حمزة حضور بديع
شكرا لكل الفنانين الرائعين الذين شنفوا مسامعنا باللحن الجميل والطرب الاصيل
ونخص بالشكرالمبدع السكون بالجمال منذ نعومة اظافرة الاستاذ المكاشفي خضر بشير
الذي كان اول المشاركين وايضا كان ختامة مسك
ولكم جميعامني صناع الجمال الحب والسلام والتحية
ودمتم
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: طارق عبد اللطيف نقد)
|
Quote: قماش جلابيتك يا ودالباوقة شرط عدييييييييييييل ...
وين وليد شريف وميادة وبوش وابحراز في هذا المهرجان ياريس ؟؟ |
دكين . كان لدي احساس بتخلفك عن الحفل .. لعل المانع خير ..
وليد شريف كان في الشرقية .. وبوش كان حضورا بلحمه وخفة دمه ..
اما بالنسبة لميادة وابو حراز فما السائل باعلم من المسئول .. قطعا هناك ظروف طارئة منعتهم من الحضور كما هو حالك انت ..
في انتظار زيارتك لنا في البيت ...
ود الباوقة
| |
|
|
|
|
|
|
|
|
 Re: في وداع ود قاسم ... بورداب الرياض يفعلون العجب! (Re: لؤى)
|
عيني باردة و الصلاة على النبي..قل هو الله احد
عاجبكم كده ?..الواحد كلامو بقا زي كلام حبوبتو هههه
الجاليات و ما الجاليات..نعمة عظيمة حين يظهر الحب والتكاتف
و هي تمثل ثيرمومتر الحميمية السودانية بالمهجر و هذا المنبر.
للخال ود قاسم و العائلة الكريمة اصدق امنياتي بالتوفيق
بأرض النيل و حقيقة يستحق التحية على القرار الحكيم
ود الباوقة..صاحبة البوست الراقية عزاز...معتصم الجميل..
الهميم تمبس..ابواللول
لكم سيل المحبة الدافق وكل الاشواق
Quote: كانت ليلة شهدت خلالها الوفاء حاضراً في عيون الجّميع ، فأدركت كم من الوُد والأصالة
تحتوي نفوسكم/ن وأرواحكم/ن الملائكيّة ..
أسعدني وجودي بينكم/ن ، وكنت أحسّ وأنا بينكم/ن وكأنّي قد عشت بينكم/ن طيلة سنوات عمري
، فوجدت في تلك الأمسية ضالّتي ، ووجدت عندكم/ن جنّتي المنشودة .. |
يعني الواحد إلا يجي الرياض ولا كيف يا ابواللول
البرد ده جمد حنانا زاتو! .. هههه
بالمناسبة
الاستاذ ود الباشا ده متين جاكم عشان يمشي 
لكم جميعا
كل الود
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عزاز شامي)
|
العزيزة والحبيبه زوزه
لك الشكر على هذا الابداع وشكرا
للظرفاء الرائعون تمبس ومعتصم
على الصور التذكارية الجميلة
بس..
شفتي كيف كان اليوم مزيج من المشاعر
المختلطة بين الفرح والحزن ود قاسم واسرته
والحنية والمحبة والترابط العجيب بين بورداب
الرياض رغم أن البعض يلتقون لأول مرة أنا شخصياً
كنت مبهورة بهذا الجمال جمال تلك الارواح الحلوة
بين البورداب الكل يسعى لانجاح اليوم الكل يسعى
الى توصيل مشاعرة تجاه الاخرين والجميع يسعون
الى الحفاوة والكرم في الاستقبال لاحساسهم بان
هولاء ضيوف المحتفى بهم الجميع يحسون ان ودقاسم
واسرته هم اولى بالإحتفاء بهم يتسابقون على التنظيم
يتسابقون على تقديم العون لبعضهم البعض أنا حقيقة
مندهشة والفرحة ما ساعياني بأني وسط هذا الزخم من
الجمال والروعه الله يديم الود بين الجميع ويقوي
ترابطهم ،..
مهما كتبت لن اوفي حق تلك الامسية في الحقيقة هي
ليلة بكاملها وبرضو ما اكتفينا ..
المزيج من الفرح لودقاسم واسرته وتحقيق امنيتهم
الغالية والتي هي امنية كل مغترب ومهاجر وهي العودة
إلى وطنه والحزن النبيل الذي يهز اوتار مودتنا وصداقتنا
لأحبابنا ودقاسم واسرته جيراننا الاعزاء كيف نفارقهم
ما عارفة شلنا هم فرقتهم وعزائنا الوحيدالذكرى الجميلة
والتواصل بيننا ..
| |
|
|
|
|
|
|
|
|
 Re: في وداع ود قاسم ... بورداب الرياض يفعلون العجب! (Re: خالدة البدوي)
|
شكراً أختنا / عزاز شامي ...
بحق كانت ليلة جميلة اختلطت فيها الدموع مع الفرحة مع مرارة ألم الفراق .. ود قاسم رجل بقامة وطن .. مهما تحدثنا عنه فلن نوفيه حقه .. أرايتم سادتي هكذا النفس البشرية إذا وجدت من يحتويها بالحب ويغرقها بالمودة فلا تملك إلا أن تبادله حباً بحب ومودة بمودة .. على عكس ذلك تماماً فأنها تنفر من ذلك الذي يحمل الكراهية والأنانية وحب النفس .. لقد ضرب ود قاسم مثلاً رائعاً للسوداني الأصيل الذي لا يحمل بين طيات جوانحه إلا الحب واحترام الآخرين .. فأحبه الجميع وحق لهم أن يفعلوا ... وإليكم القصيدة التي القيتها في حفل وداعه .. وشكراً مرة أخرى عزاز ...
الولد الأصيــل...
ود قاسم عرفتك ..
زولاً أصيل وحنين ..
زول طيب سريره ..
قوه وصلابه ولين ...
حجه وقول حكم ...
حكمه وثقافه ودين ..
تسلم يا الأمير
يا خوانا قولوا آمين
***
ود قاسم عرفتك ...
ولداً نبيل وأصيل ...
زول قلباً كبير ...
طيب وطبعه نبيل ...
ود عز الرجال ..
فارس ملوك النيل...
عنوان للصداقه ...
زولا ولوف بالحيل..
***
ود قاسم عرفتك ...
شاعر بديع حسّاس...
تملا الكون غنا...
تسعد قلوب الناس...
دان ليك القصيد ...
ورهافة الإحساس...
تبدع في المعاني ..
تنساب درر من ماس..
**
ود قاسم عرفتك..
وسعدت بيكا كتير...
نصبناك ملك ...
تاجك صداقه ونور...
مملكتك فؤادنا...
وليك الرعايا زهور..
صولجانك محبه ..
حارساك بنات الحور ..
وعرشك فوق قلوبنا...
نبراس وقلعة نور...
***
ود قاسم فقدتك..
يوم قالوا راجع بلدك...
أصحابك حزاني ..
ذرفوا الدموع لي فقدك...
ومهما طال بعادك...
صابرين وحافظين ودك...
بس يا زول عزانا...
فرحة بلادنا وسعدك...
إنك للوطن ...
تبذل عصارة جهدك...
روح حافيك دعانا...
وإن شاء الله كلنا بعدك..
***
إدريس محمد إبراهيم - الرياض 19/06/2006م
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: إدريس محمد إبراهيم)
|
كانت ليلة وفاء أقترن الحزن بالفرح
نسأل الله أن يوفق الخال ود قاسم وأسرته الكريمة في مقبل أيامهم وأكيد أحضان الاهل والوطن أرحب من أحضان الغربة وهو العزاء الوحيد الذي يخفف عنا فراقه..
على عشم الالتقاء به وبأسرته في رحاب سوداننا الحبيب.
تخريمة......
ما جاوبتوا على سؤال ولياب.... (المقصود تمبس)
وين صور العجايز الغادروا الحفلة بدري؟؟؟؟؟
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عمران حسن صالح)
|
شكرا لورداب الرياض لوفائهم.
ويا ود قاسم ان شاء الله في كل خطوة سلامه انت والاسرة.
وان شاء الله السودان يرحب بك وما تغيب علينا بالله,لانك حتكتب من الداخل.
تخريمه:
ويا تمبس شنو يعني,قريبا (شدو) كنا عايزين ليه صوره اوضح من كده
يعني التهميش ده مبارينا في كل مكان؟؟؟؟
ولا معليش يا شدو باين ما براك انت وعمران وودعقيد كلكم ما شفنا لكم صور واضحه.
تراجي.
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: Tragie Mustafa)
|
Quote: ويا تمبس شنو يعني , قريبا (شدو) كنا عايزين ليه صوره اوضح من كده
يعني التهميش ده مبارينا في كل مكان؟؟؟؟ |
..
والله يا تراجي الشلاقــة دي هي الجايبة ليك التهميش ...
كنت قررت اني تاني اخليك تكتبي زي ما عايزه ما أجي ناطي ليك في حلقك .. زي ما قلتي
لكن كدا آمين يازولــة..
شلاقتك دي الحمد لله ادتني مســاحة كويسة زي ستة سبعة بوستات كدا لي قدام
بالمناسبة:
شــدو من اوائل من عرفتهم في هذه المساحة من اربعة سنين لي وراء ومن قبل الخال ودقاسم نفسه.. لما الناس كانت بتكتب وتتلبد وبالمناسبة التانية شــدو من أكتر الشباب هنــا التزام بي المناسبات نادر جدا يتخلف عن حضور بيلم الناس كلهم.. وأول من يخطر على البال وياخد خبر في ملمات زي دي ..والمناسبة الأخيرة ممكن اكتب ليك عن شدو دهـ لامن تقولي خلاص كفايـــة .. وكان قلت ليك قولي لي اسمو بالكامل منو ؟؟ بتطلعي ( الطيش )
شيلي الصبر يا شليقة
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: Tragie Mustafa)
|
| Quote: ولا معليش يا شدو باين ما براك انت وعمران وودعقيد كلكم ما شفنا لكم صور واضحه. |
بالمناسبة يا تراجي انا وشدو اتسلامنا يجي عشرين مرة
وكل مرة كأننا اتقابلنا يادوب .. شتفي المحبة دي..
وبعدين ذكرنا صديقنا محمد سليمان بالخير
وعرفت انو زول عجوز مش شباب زي ما أنا فاكر
يا تراجي نحن ناس سودانيين
يعني ناس سمحين
والبيناتنا عامرة
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عزاز شامي)
|
ود قاسم ( زول من الزمن السمح).. سوداني اصيل..ماعندو عداوات في البورد.. كتاباته تعبر عن مضمونها في مضارب اللغة كما يريد من غير مايجرح احد، ولا يضطر الي فاضح اللغة ليزهق من لم يفهم خطه العام في الكتابة... زول مهذب شفيف.. كثيراً ما أشوفه يكتب يكرم.يهتم بالبورداب والضيوف الجايين المملكة ويحتفي بهم ويكمل الناقصة ويتمها.. يا تري هو ماشي نهائي السودان والله شنو؟ شايف الوداع حار شديد حرارة ودقاسم .. المهم كان ماشي نهائي ربنا يفتح ليهو مليون فتح هناك.. ويغنيهو من فضلو.. البي يخليهو ما يحتاج لي شي ولا يفقد شي كان معتاد عليهو.. لافي مأكل ولافي مشرب ولافي ملبس ولافي مسكن ولافي في أخلاء حتي...
أنا بعرفوا من خلال المنبر بس.. هذه اللامة الهامة الكبيرة الخطيرة.. وهذا عندي يكفي ريثما تنفتح الجهات الأربع بالخير المحض..
وياما عرفنا ناس هنا.. أصلاء.. أصحاب ولاء.. لاتهون عليهم العشرة..
.......
التحايا.والسلام يرفرف على ود قاسم اينما يحل ويرسى في مراسي العطاء السمح..
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: منصوري)
|
ها نحن نطارد أطياف أحباب أعزاء حطوا في قلوبنا وأثمروا دفئاً أخوياً خالص المودة .. يرحلون عنا ويتركوا في الحنايا والخواطر والخيال محياهم الإجتماعي البهي .. الراقي .. عزاؤنا في تلك المدن من النور التي يكتبونها.. مدادها من صدقهم .. ترتد مع صدى الذكريات كعجل القطار المستريح من عناء السفر ..
قدرنا أن نظل كعشبة خريف طال إنتظارها إلى دفقة أمل لتطرد الجفاف من عروقها وتحيل إصفرارها إلى خضرة وندى ..
سنظل نتوهم في وجع خرافي متى اللقياء .. ونظل نسأل أنفسنا متى نستريح من عناء الغربة ..
أخوكم / خالد الأرباب
نهديكم حبنا الخالص .. وأهدونا ذكرى مجروحة الخاطر ..
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عزاز شامي)
|
الحبيبه عزاز ..
الأعزاء بورداب الرياض ..
والله جد شوقتونا كان نكون معاكم .. حبكم للخال ود قاسم ظاهر في عيونكم .. و حزنكم لفراقه برضو ظاهر ...
ابدعتو و الله .. الله يديكم العافيه ..
عارفين اجمل شئ في الحفل شنو ؟؟
الحضور النسائى القوي .. عجبتونا والله
ربنا يوفقك يا خالنا العزيز .. و ربنا يجمع الكل في ساعه خير
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عزاز شامي)
|
عزاز وبورداب الرياض
تحياتي وعاطر الوداد .
لكم الأماني بعبق الذكريات في سالف الأيام ...
سأغيب عنكم ، لكني سأكون معكم .. ستظلون في مكانكم ، جزءا من حركة الحياة ، وزادا يمنحني طاقة للتواصل الإنساني النبيل ...
جميعكم أعزاء ، وكلكم أصدقاء .أستشعر حزنكم النبيل ، وأحسّ صدق مشاعركم ، وأقدّر لكم وفاءكم ..
آمل أن ألتقيكم في أعماق سمرة الوطن الحبيب . وفي بهاء نيله ، وفي اخضرار دروب أهله .
| |
|
|
|
|
|
|
|
|
|
تغطية رائعة/ بواسطة إسحق بله (Re: عزاز شامي)
|
الأخت عزاز
لك التحية وما قصرت، الله يزيدك
أستاذنك في نشر كلمة عن الحفل وعن ود قاسم وحرمه المصون أرسلها لي الأستاذ/ إسحق بله الأمين
وما حانتظر ردك لأني متأكد من كرمك الفياض. بالمناسبة حضر الإحتفال ويرسل لكم تحية جماعية وشكر خاص لك.
وهاهو ما أرسل
الإخوة البورداب عامة والأخت عزاز خاصة شكرا لهذه اللفته البارعة والتغطية الشامة
الأستاذ بكري أبوبكر
السلام والاحترام
شكراً لك أخي بكري على إتاحتك لنا إقامة مثل هذا الإحتفال الرائع، فلولاك لما توفرت لنا فرصة إقامة مثل هذه الإحتفالات.
كان يوم الخميس الموافق 22/6/2006 يوماً مشهوداً لأسرة بورداب سودانيز أون لاين بالرياض، وكانت المناسبة تكريم الأستاذ الخال ود قاسم تحت شعار( الوفاء لأهل العطاء) . المكان إستراحة رائعة بمدينة الرياض.وكان الحضور حشداً من الناس ضاق بهم المكان أتوا من كل حدب وصوب للمشاركة في وداع وتكريم أخيهم ود قاسم النجم الساطع الذي ألفوه وأحبوه. زاد من جمال ذلك اليوم الرائع كثافة الحضور(قوس قزح) للمشاركة في تكريم السمح العديل جمل الشيل ود قاسم . اللفتة كانت جد رائعة من بورداب الرياض بإقامتهم هذا التكريم الذي صادف أهله تماماً، ولمن تقام محافل التكريم ( الوفاء لأهل العطاء) إن لم تقم لشخص في مقام ود قاسم؟ ذلكم الرجل ( الشامل) الذي وسعت نشاطاته ومشاركاته جميع الكيانات والنشاطات الموجودة بمدينة الرياض( الملتقى الثقافي، رابطة الصالحية، أسرة سودانيز أون لاين - بوردراب الرياض)، فكان عطاؤه في جميع هذه المناشط غير محدود وتفانيه وإخلاصه لا تحده حدود. عجبت كيف كان يوفق الخال ود قاسم بين هموم العمل الجماعي وهموم أسرتة الصغيرة بالرياض، وكيف كان يوظف ما يتوفر له من وقت للتوفيق بين هذه الهموم الكبيرة، حقاً لا يقدر على ذلك إلا الأفذاذ مثل الخال ود قاسم. أشاد جميع المتحدثين بنبل أخلاق وطباع ود قاسم الإنسان،الشاعر، الفنان ، الرياضي ، المثقف ،كما أشادوا بإسهاماته ومشاركاته القيمة في جميع هذه النشاطات: إجتماعية ،ثقافية، سياسية، رياضية، فكان الخال دائم الحضور والمشاركة الفاعلة فيها .
كنت أرقب وأرصد حركة ود قاسم منذ أن قدم إلى الحفل وإلى أن بلغ منتهاه ، فقد كان حاله بين مصافح ومسلّم ومعانق، وكان مشرق الجبين متهللاً ينشر يسماته وضحكاته هنا وهناك، ولو وزعت هذه البسمات لوسعت الحضور جميعاً، فطوبى لك يا خال على هذا الحب الجم الذي أنت أهل له والذي غمرك به هذا الجمع الوافر والذي كنت أقرؤه في عيونهم وهم يصافحونك ويعانقونك، فمنهم من جاء مشاركاً من خارج مدينة الرياض ليراك ويبثك شوقه وحبه وليودعك وفي قلبه حسرة مقدراً مشاركاتك التي تستحق عليها التكريم والإحتفال.
ما أعجبني أيضاً أن طال الكلام الخالة أم طلال التي كانت خير معين وسند للخال في القيام بمهامه الجسام، وقد أفاض جميع المتحدثين في الإشادة بكرمها وحسن إستقبالها وضيافتها لأخوان وأصدقاء الخال وما أكثرهم، إذ كان بيتهم العامر بالحب قبلة كثير من الزوار،فهنيئاً لك أيها الخال بمثل هذه المرأة العظيمة وهنيئاً لك أختي أم طلال على هذا الزوج المثالي النادر الذي أجمع الجميع على حبه.
كانت مشاركة تجمع الفنانين بالرياض كبيرةً وكان أداؤهم رائعاً مما أضفى على الحفل بهجة وسروراً. عموماً كان الحفل مثالياً من جميع النواحي: حسن التنظيم والحفاوة البالغة في الإستقبال والتغطية الإعلامية ، وكان الأخ إسماعيل وراق رائعا في التقديم‘ إذ لم يخلو الحفل من قفشات الأخ الظريف صديق الموج الذي وصفه البعض بـ (بفاكهة الحفل)، وفي نهاية ذلك اليوم البهيج قدمت الدروع التذكارية للمحتفى به وودع الجميع الخال ود قاسم وفي العيون دمعة وفي الحلوق غصة متمنين له الوصول بالسلامة إلى أرض الوطن الحبيب والتوفيق والنجاح ومواصلة المشوار عبر بورداب الخرطوم، بقدر ما أحزننا فراق الخال سرنا عودته الطوعية للوطن الذي هو في حاجة إلى أمثال هذا الرجل الشامخ.
ý كان الحفل فرصة طيبة للتعارف، ليت مثل هذه اللقاءات البهيجة تدوم وتدوم.
إسحاق بله الأمين
| |
|
|
|
|
|
|
|
|
|
Re: تغطية رائعة/ بواسطة إسحق بله (Re: ابي عزالدين البشري)
|
شكرا عزاز وشكرا لكم بورداب الرياض على تكريم هذا الرجل الرمز، فهذا الودقاسم عرفته عن كثب وخبرت معدنه وهو مثال صارخ للسوداني العظيم الذي تتمثل فيه كل صفاتنا وخصالنا السمحة، وتتقاصر عن هامته كل سلبياتنا ونقائصنا.
وبقدرما ستفتقده الرياض، سيكون مكسبا للخرطوم والوطن
| |
|
|
|
|
|
|
|
|
|
Re: في وداع ود قاسم ... بورداب الرياض يفعلون العجب! (Re: عزاز شامي)
|
شكرا تمبس .. معتصم
على ترجمه ذاك الاحساس في تلك الليلة بهذة الصور المعبرة
التي تنبض بالاحساس الصادق تجاة صديقنا ودقاسم واسرته
وجداننا ينزف حزناً على فراقهم ..
والفرح يرفرف يهب علينا ..
نسيمات باردات تطفي ..
لهيب لحظات وداعهم ..
ربي صبرنا على فراقهم ..
و يسر امرهم ..
واجمعنا بهم في ذاك الحضن ..
المستمد دفئية من النيل الممتد...
طاقية مودتنا على ..
أي تدخلات ...
دمت صديقنا ودقاسم ودمتي حبيبتنا فوزية ..
والحبيبة الدكتورة فدوى واخوتها وخاصة ..
آخر العنقود قاسم ..
إلى اللقاء ،،،،
| |
|
|
|
|
|
|
| |
tmbis
lana mahdi
welyab
ثابت محمد
jini
عبد الله عقيد
مريم بنت الحسين
عثمان سيد أحمد
معتصم دفع الله
عبد المنعم سيد احمد
بهاء بكري
فضيلي جماع
A.Razek Althalib
حمد فتح الرحمن
)..
سارة عمر
شمهروش
Mohamed Abdelgaleel
عبدالحليم خالد التلب
samo
يوسف السماني يوسف
عمر الفاروق
إسماعيل وراق
bushra suleiman
ahmed haneen
طارق عبد اللطيف نقد
لؤى
saadeldin abdelrahman
خالدة البدوي
إدريس محمد إبراهيم
Habib_bldo
عمران حسن صالح
Tragie Mustafa
منصوري
Khalid Saeed
Sakotaweya
ودقاسم
ابي عزالدين البشري
إسحاق بله الأمين
keiga2000
فيس بوك
تويتر
انستقرام
يوتيوب
بنتيريست