|
|
 شخصيات تدهشني!
|
برصيد لا بأس به من مفردات حبكة جميلة وبعض حركات المثقفاتية، يلج المواضيع ليرتدي قناع المطلع على بواطن الأمور، وبرغم الكلمات الرنانة، يغادر الحلقة و بطاقة تتدلى على ظهره كتب عليها (فارغ)!
|
|
 
|
|
|
|
|
|
|
|
Re: شخصيات تدهشني! (Re: عزاز شامي)
|
ثورة محمومة ... ثار الشعب فالجوع كافر، مصمصت الملكة شفتيها، وتسائلت: لا يملكون خبزا؟ لم لا يأكلون الكعك!
سؤال بديهي، صح؟
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
المتكالب البنبح نبيح جرقاس
ونايم في الصقيع متغطي بي أكياس
زبالة الدنيا ما بتعرف قدور الناس
ورب الخير حسابو بوزنو بي قسطاس
ما بحس بي رفيقو الاعشي من دون رحمة
والله يا عزاز اعجبتني هذه المدهشات...وتكالبت علي المتكالب
لكونها الصورة الغالبة التي اراها....ونجرت ليك هنا نجرة
لم يسعفني الزمن لتكملتها...ان شاء الله الاقي زمن...وكل سنة
وانت بالف خير وعافية....واعفي مننا وعافين منك لله والرسول
| |
|
|
|
|
|
|
|
|
|
Re: شخصيات تدهشني! (Re: nazar hussien)
|
أخوي نزار ..
يا سلام عليك! Quote: زبالة الدنيا ما بتعرف قدور الناس
ورب الخير حسابو بوزنو بي قسطاس |
شفت ده هو لب الموضوع، فالله سبحانه وتعالى حرم الظلم على نفسه ...
والبني آدم الضعيف, المخلوق, غرته نفسه وظلم!
كل سنة وأنت طيب وعافية منك لله وللرسول وما بيجي منك إلا الخير
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
الأخت عزاز
الأخ نزار
سلام
الدنيا الزائلة دي تب مافيها عدل ولا إنصاف، والعدل والإنصاف يوم الحساب، والحساب هناك لا فيه أنساب ولا ألقاب. خلينا الـ ننظلم في الدنيا دي وحقنا بنلقاهو قدام.
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
الاستاذة عزاز .. كاتب مصري ساخر كتب (الكلام نوعين .. كلام فارغ وكلام مليان كلام فارغ)..وكتب سعدالله ونوس .. أن شحاذين يقيمان تحت جدار أحد القصور .. فرآهما شرطي وحاول طردهما وفوجيء بأن أحدهما لم يستيقظ وبعد محاولات تأكد أنه قد فارق الحياة .. وخرج صاحب القصر ورأى المنظر وحاول الشرطي إسترضائه قائلاً .. بالله شوف .. حتى يموتوا وين ما بعرفوا ..
| |
|
|
|
|
|
|
|
|
|
Re: شخصيات تدهشني! (Re: Mohamed Abdelgaleel)
|
اخوي محمد عبدالجليل،
مرورك ثري ومحفز!
كل سنة وانت طيب وامنياتك تتحقق
| Quote: كاتب مصري ساخر كتب (الكلام نوعين .. كلام فارغ وكلام مليان كلام فارغ).. |
الكلام الفارغ مليان حكمة: نوعية عقل المتحدث
| Quote: وخرج صاحب القصر ورأى المنظر وحاول الشرطي إسترضائه قائلاً .. بالله شوف .. حتى يموتوا وين ما بعرفوا .. |
معاك قرش تسوى قرش ...
مع أن اغلب من معهم قرش لا يسوون بضعة مليمات في سوق البشر
تسلم على المرور
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
وجهه منمنات من عوز، قرب وجهه من زجاج السيارة اللامعة...
ناداه مالك العربية، التفت الصبي بلهفة وقلب كفه ومسحها في بنطلونه المتهرئ وسار بخطى سريعة ممني النفس ...
رفع عينه وأصغى..
(انت حتوسخ العربية!؟ غور امشي من هنا!)
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
عزيزتي عزاز بنت الناس العزاز
كل سنة و إنت بألف خير
| Quote: لم يذق طعم الجوع، ويظن أن الرجل المنكفئ في صندوق القمامة مجرد متكالب! |
رغم أن هذا البوست موعود بطول العمر ..
إلا أنني أرشح :
| Quote: لم يذق طعم الجوع، ويظن أن الرجل المنكفئ في صندوق القمامة مجرد متكالب! |
كمقولة مغروسة في خاصرة الزمن ..
تحياتي
| |
|
|
|
|
|
|
|
|
|
Re: شخصيات تدهشني! (Re: ابو جهينة)
|
الرائع دوما أبو جهينة ...
لك سنة وانت انت ، طيب Quote: إلا أنني أرشح :
Quote: لم يذق طعم الجوع، ويظن أن الرجل المنكفئ في صندوق القمامة مجرد متكالب!
كمقولة مغروسة في خاصرة الزمن .. |
لم تعد خاصرة الزمن تحتمل!
وفقد الزمن خاصية الامتلاء وبات كالعود الناشف!
وسيظل ذلك الرجل، مكفيا على وجهه حتى تعود الدماء لوجه من وصفه بمتكالب!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
| Quote: برصيد لا بأس به من مفردات حبكة جميلة وبعض حركات المثقفاتية، يلج المواضيع ليرتدي قناع المطلع على بواطن الأمور، وبرغم الكلمات الرنانة، يغادر الحلقة و بطاقة تتدلى على ظهره كتب عليها (فارغ)! |
شوفونى!!
| |
|
|
|
|
|
|
|
|
 Re: شخصيات تدهشني! (Re: ثابت محمد)
|
أخوي ثابت ...
Quote: وجيه ، ممتلئ الجسم ، مُهنـدم، رصيد بنكي خرافي
خسـر صفقة تجارية صغيرة
في حوار مع والدته كانت إجابته
بالله يا حاجة ما تطلعي ديني إنتي كمان
|
القروش بتروح ويمكن تجي، الوجاهة نسبية، بس القلب الوفي في؟
أرفق بالحجة، فهي كمعظم الأمهات، يلكن دعوات كصرير الطباشير على لوح قديم، يزعجنا ويثير فينا الانتباه لما نخدره، العمر...
أجبها ليكتمل دينك ...
Quote: عزاز
بالله بسرعة العنوان والبريد الإلكتروني .. حتى لو كانت قِطـــة |
اخبرتها بسؤالك عنها،
و لكن،
لا يمكن الوصول إليها الآن أو فيما بعد، فقد أيقنت بان طرفي المعادلة لا يتساوى ما لم تطرح منه (الذكاء)!
فإن هي فعلت، بدت كمن يمشي بلا رأس!
وفي مساءات أيامها المتشابهه، تعود لغرفتها المطلية بالمبي كعلبة حلوى ، تنزع قناعها الجدي وتلقي بالرزانة جانبا، وتغطي عرائسها وتقبلهم قبلة المساء وتنام!
وختاما يا ثابت،
أهديك كل الأمنيات بحياة سعيدة و أن تكون أعظم خسارتك ورق البنكوت، واقل حظك، الخل الوفي ...
كل الود
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
في زمن مزيف باحت له بحلمها بأن تساعد كل المكلومين وان تزور احد مخيمات اللاجئين وتلمسها بيدها جروحهم....
هز كتفيه وقال: الأمر سيان، كنت هنا او هناك،كلهم يموتون فطيس!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
عيد جديد؟؟!!!
سلام من اقاصى الدنيا والزمان لو ابرقت فيه سحابات حوامل لم يكن فيها جنين كالتى من بلادى...
عيد جديد؟؟!!
دعونا الان نقترح القوانين المواكبة لاترباك الموج ؛ نلغيها احاسيسنا..ونصنع من زغاريد النواح المحتدم انشودة للارتياح او شهوة للانسجام..
عيد جديد؟؟!!
وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...
وعيد جديد؟؟!!
وتمنياتى لكم بالتمتع بالشوق عند الخفقة العليا ؛ بى همسة التوليف فوق الحاسة العليا..
و بالصحة وترا يدندن كى يزيد العافية اصرارا..وانتعاش الامسيات...
لكم مقعد الفرح ؛ولوحة الطفولة ؛ وفرح للتصفيق..
تعالوا نجرب الضياع المتجرد خلف صورة ماهولة بالمعانى.. ربما صورة ماهولة بالصور التى ودعت مفهوم التقيلد وازدهرت....
كل عام وانتم بخير وصحه ..
والسنه دى قبل الجاية تحقق الامانى ..
دمتم بعافية ويحقق الامانى للجميع ..
من كل قلبى لك الحب..(عزاز شامي)..
اول ايام عيد الاضحى
معتز تروتسكى
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
جرب كل النساء، عذبهن، وتلذذ بسلبهن متعة البدايات...
تزوج بكرا، صفحتها بيضاء كلوح الثلج...
وفي كل ليلة، تحلق ظلال وجوههن الباكية كأشباح تطالب بالثأر!
| |
|
|
|
|
|
|
|
|
|
Re: شخصيات تدهشني! (Re: mo)
|
عزاز اختي
كل سنة وانت طيبة
مثل شاش فوق جرح
مثل غطاء لمريض
مثل يد تحنو على ام مقعدة
مثل ولد وفي يحمل ابريقاً وطستاً لأب مسن
مثل بلادي تنام جوعى او عطشي أو شبعى لا يهم..
مثل كل الطيبين ابتسامتهم رأس مالهم..حتى لو لم يجدوا بضاعة لصرف الابتسام..
وعام جديد ملئ بالجديد..
فصلي امانيك على مقاسك..
تحياتي وودي..
| |
|
|
|
|
|
|
|
|
|
Re: شخصيات تدهشني! (Re: mo)
|
ابا ننقان تود مو،
كوريقا أين نله
هل لامس لحنٌ شجنا او نشازا مر بك؟
مر دوما، فلمرورك طعم الوطن...
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
القابلة يا ناس عُزاز...
رايقين و أيامكم لذاذ...
الدنيا زي ما تشتهوها
زاين صباحاتها الرذاذ...
و...
كل عام و إنتو أعزٌ عُزاز...
| |
|
|
|
|
|
|
|
|
|
Re: شخصيات تدهشني! (Re: mamkouna)
|
ممكونة اللذيذة ..
كل سنة وايامك اجمل
ودعواتك مقبولة
وحبايبك حوالينك
والحزن مفاااارقك بعيد وناسي عنوانك ...
تسلمي على المرور يا حبيبة
| |
|
|
|
|
|
|
|
|
|
Re: شخصيات تدهشني! (Re: saadeldin abdelrahman)
|
"طوبى للرجال العصافير!
كلما حطّ طائرهم فوق غصن
غنوا بشجيى الكلام .. بديع الصور
وبؤساً لنا نحن الرجال .. الشجر"
اخوي سعد الدين ...
كعادتك دائما تأتي بالجمال!
خارج النص من نفس النص:
"جوه في عمق المدائن والعيون
حاجة زي ما تكون محلق في العواصف
فجأة تهبط للسكون"
هي العيون!
فيها بنرتاح
وليها بنشتاق
وليها بنحكي
وليها بنغني
يمكن،
لأنو العيون بتحكي اهم الكلام
زي ما الصمت بيقول اكتر من الكلام!
لك كل الود وتسلم على المرور الشجي...
** للاسف علامة × حلت مكان الصورة، سأعود متى ما سنحت الرؤيا
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
جرب كل النساء، عذبهن، وتلذذ بسلبهن متعة البدايات...
تزوج بكرا، صفحتها بيضاء كلوح الثلج...
وفي كل ليلة، تحلق ظلال وجوههن الباكية كأشباح تطالب بالثأر!
معنى كده لسة عندو ضمير.
| |
|
|
|
|
|
|
|
|
|
Re: شخصيات تدهشني! (Re: AMNA MUKHTAR)
|
اختي آمنة مختار ..
كل سنة وانتي طيبة وآمالك تتحقق، ونورتي البوست بمرورك اللماح...
| Quote: معنى كده لسة عندو ضمير |
وين كان الضمير قبل وهم الانتصار؟
لو كان ضميره حي، ما انقاد لسطوة غرور...
والغريب انو الضمير (مذكر) والضحية دائما(مؤنث)!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
من إسبوعين دخلت للمكان الذي شهد بيننا بدايات الهوى
هنا قال لي قلبي : هي من تريد ..
هنا حفظت ملامحها وعدد رموشها وخطوط كفها ..
ومن هنا غادرنا المكان ونحن على إتفاق : لن نفترق ..
من إسبوعين دخلت للمكان الذي شهدبيننا بدايات الهوى ،
كانت هناك ..
أنا عملت ما شايف ، وهي عملت نفسها بتتكلم في الموبايل :
على يمينها كان يجلس زوجها .
...
طلال
| |
|
|
|
|
|
|
|
|
|
Re: شخصيات تدهشني! (Re: طلال عفيفي)
|
عابر الأبواب الممكنة والمستحيلة..طلال ...
اهديك ما التقطته عدستك ذات فرح ....
كيفك؟
أراضيك وين؟
هكذا نحنا، نظن وهما بأننا نسينا ونحن نجتر ذكرياتنا كل يوم جديد، ونسرق اللحظة من ثقب الباب ......
بالأمس، شاهدت شريط حفلتهما، رقصت على أنغام الأغاني وتمايلت طربا كما لم تفعل يومها ...
وتساءلت، هل كانت بالفعل سعيدة؟
تعيش (تلك) اللحظة كل يوم يباعد بينهما دهرا، و شعرت بأنها سعيدة بشكل ما!
تنهدت طويلا، وحلقت راقصة!
فالبعد ارحم من قرب يدمي يا صديقي!
كل الود ....
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
| Quote: فالبعد ارحم من قرب يدمي يا صديقي! |
تجاهلها..أهملها...إستخف بها...أهانها...مارس عليها كافة صنوف العنف اللفظي...أسندت رأسها المثخن بالجراح على وسادتها...منٌت نفسها بأحلام أكثر إشراقاً....
إنتهرها قائلاً : (( النايمة ليها شنو؟ داير حقي ))...أسلمت نفسها له مسيٌرة غير مخيٌرة...
أدار رأسه كعادته بعد أن يرتوي منها و هو يهمهم...(( عليكم الله شوفوا المرا الباردة دي ))...!!!!!!!!
| |
|
|
|
|
|
|
|
|
|
Re: شخصيات تدهشني! (Re: mamkouna)
|
Quote: تجاهلها..أهملها...إستخف بها...أهانها...مارس عليها كافة صنوف العنف اللفظي...أسندت رأسها المثخن بالجراح على وسادتها...منٌت نفسها بأحلام أكثر إشراقاً....
إنتهرها قائلاً : (( النايمة ليها شنو؟ داير حقي ))...أسلمت نفسها له مسيٌرة غير مخيٌرة...
أدار رأسه كعادته بعد أن يرتوي منها و هو يهمهم...(( عليكم الله شوفوا المرا الباردة دي ))...!!!!!!!! |
الحبيبة ممكونة،
لقد ماتت مرتين، بيع بخس لشار بخيل!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
ردد دوما بأنه يخاف الله، ولم يتوقف ثانية عن معصيته...
ليت لى براعة حرفك...
فى أصطياد المعانى ...وأختزالها
فى تعبير "مكثف"..
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
| Quote: وعرس العيد مدخرُُ ليوم عرسهُ نحن .. شربنا كاس ماضيه ..هضمنا كل حاضره.. طبخنا الاخر الاتى وسقنا هذه الوقفه لليل الحزن فى بلدي ..شعاع الموت يابلدى ..ذهاب الماء بعد الماء كارثة ..خيول الشمس دون صهيل كارثة...وعيد جديد؟؟!! |
الاخت عزاز .. كل عام وأنتي وزوار هذا البوست الجميل تتمتعون بعافية الروح والجسد .. والحوار الذكي يتقدم من أعلى إلى أعمق .. وقلب أبوجهينة على المنكفىء المتهم بالتكالب ..
| |
|
|
|
|
|
|
|
|
|
Re: شخصيات تدهشني! (Re: Mohamed Abdelgaleel)
|
أخوي ناثر الجمال، محمد عبدالجليل ...
عيدك سعيد وأمنياتك تتجسد واقعا جميلا ...
الحوار طرفان،
بادئ، ومستمع، والثاني أهمهما...
بسيطة أنا جدا سيدي،
ألقيت بطرف الخيط التف بي وحيرني، والتقطه الأذكياء...
تسلم على المرور ...
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
يرى بانه طيب، حنون، كريم، متسامح، ذكي، عميق و و و و
ليته يعبر الجدار ليرى نفسه كما يراه الآخرون!
لو فعل،
لما عاد حيث كان!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
| Quote: برصيد لا بأس به من مفردات حبكة جميلة وبعض حركات المثقفاتية، يلج المواضيع ليرتدي قناع المطلع على بواطن الأمور، وبرغم الكلمات الرنانة، يغادر الحلقة و بطاقة تتدلى على ظهره كتب عليها (فارغ)! |
90% من كتابات المنبر
أنا منهم
أنتِ.. لا ..
| |
|
|
|
|
|
|
|
|
|
Re: شخصيات تدهشني! (Re: معتصم الطاهر)
|
أخوي معتصم الطاهر ..
كل عام وانت عميييييييييييق!
لا ضير أن نكتب
وأن نحاور
وان نعبر
ولكن،
ان نأتي ونذهب كما جئنا أول مرة، فتلك خسارة!
فالتواصل تعلم، وإلا فهو غثاء...
اشكرك على عظيم الثقة، أنا يا دوب مستمعة سنة اولى بورد 
| |
|
|
|
|
|
|
|
|
|
Re: شخصيات تدهشني! (Re: jini)
|
أخوي جني
كل سنة وانت أيامك طَيب وهنا ...
ليه؟
سودانا بخل علينا بشنو؟
أرضه ضاقت علينا؟
نيله بخل علينا؟
ليه بس ليه؟
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
| Quote: لا يرى ابعد من أرنبة أنفه، وينظر في الاستراتجيات بعيدة المدى! |
الاستاذة عزاز شامى
سلام وتحية.. اتابع باعجاب هذه الكبسولات الساخرة، الذكية، المؤلمة..
| |
|
|
|
|
|
|
|
|
|
Re: شخصيات تدهشني! (Re: Adil Osman)
|
بشمهندس الصور المعبرة،عادل عثمان
كل سنة و أنت طيب وأمنياتك تتحقق
اشكر لك مرورك المحمل بالانعكاسات المعبرة لما يؤلمنا، يثيرنا، ويحيرنا!
كل الود
| |
|
|
|
|
|
|
|
|
|
Re: شخصيات تدهشني! (Re: خدر)
|
خظر ..
كل سنة وانت طيب ووارف وأيامك سلسلة لا تنتهي من الهناء...
لولا رفقي بنفسي و بالبعض منهم، لاستعرت وصفك وزدت عليه(تمغسني) ...
أنظر مليا لنصف الكأس، لأنو كباية الشاي القاعدة في النص دي هي الحقيقة الوحيدة في المساحة الممتدة بين اليدين!
نورت البوست يا راجل لما جانا تشاش
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
Quote: ليه؟
سودانا بخل علينا بشنو؟
أرضه ضاقت علينا؟
نيله بخل علينا؟
ليه بس ليه؟ |
أختنا عزاز
عندى إحساس شديد بإن كل السودانيين يستحقون وسام إبن السودان العاق مع بعض الإستثناءات هنا وهناك
وأتفق معك 100% لتوصيفك الدى لا يمكن أن ينطبق إلا على السودانيين
ولك التقدير
جنى
| |
|
|
|
|
|
|
|
|
|
Re: شخصيات تدهشني! (Re: jini)
|
أخوي المحروق على وطنه ، جني ...
الوطن انتماء، وطول ما شعورنا أنو جذورنا خارجه ، حنفضل زي القرع، نمد لبره!
كل الود و الأمنيات لوطنا بواقع أفضل
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
ولدت من رحم المعاناة
تحبو لتتخطى العقبات
تسلقت بأظافرها جبلاً من التحديات
وعند آخر حافة نحو الأعلى،
داس أحدهم أطراف أصابعها
وتركها تسقط نحو القاع!
| |
|
|
|
|
|
|
|
|
|
Re: شخصيات تدهشني! (Re: Ishraga Mustafa)
|
إشراقة مصطفى!
كل سنة وانت طيبة وأمنايتك وأحلامك تتحقق والبسمة ما تفارقك ...
مشتااااقين كثير للضحكة،
للونسة،
لواصل وطرافي (مرافي)،
لوانجا،
ولتمشية طويله في شوارع هادئة نفرق فيها عن هم ما بيخلص ...
ازيك؟
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
يأكل الفتات، مهلهل الثياب، يفترش الأرض، وفي سجوده الطويل،يحمد الله!
وفي الطرف الآخر من القرية ...
مسرف، مختال، لا يكف عن التذمر من ضيق الحال!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
الرائعة عزاز.....مساء الإلفة....
Quote: ولدت من رحم المعاناة
تحبو لتتخطى العقبات
تسلقت بأظافرها جبلاً من التحديات
وعند آخر حافة نحو الأعلى،
داس أحدهم أطراف أصابعها
وتركها تسقط نحو القاع! |
الزولة دى أوعى تكون أنا!
مع حبى
سحر
| |
|
|
|
|
|
|
|
|
|
Re: شخصيات تدهشني! (Re: Sahar Abdelrahman)
|
العزيزة سحر عبدالرحمن...
كل سنة وانتي طيبة وفوووق وسماواتك أمال تتحقق و امنيات تطولها ايدك
الزولة دي ما بتكرر!
بعد تعب بتمشي خطوة للأمام، وفي لحظة، ايد قاسية أو كلمة جارحة، بتجرها للخلف عشر خطوات!
والمحصلة انو رجعت ورا كثير، واتعدت خط البداية!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
ينتقي النساء كربطات العنق
واحدة للمساء
وواحدة للعمل
وظن بأنه لم تخلق له حواء ..
تشقيه
يدللها
تضنيه
يحنو عليها
تتعزز عليه
فعاش كهولته وحيدا!
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
تدهشني
عزاز .. و هي تهرب من المواجهه و تجي بالخلف
عزاز مساء الخير
يا سيدتي لا تندهشي ابدا .. هذه الكائنات الحيه التي تتحدثي عنها كائنات لا تري فيما تفعله
اي سؤ او قولي لا تري اصلا ما تفعله
هي الان نائمة مطمئنه تستغفر ربها كل ما جن مساء
و الباسوورد طبعا ( كل حاجه بي دربها )
تكذب و تستغفر
تعشق و تهجر
توعد و تخلف
دعي الحيره و امضي في الحياة بحذر ان كان عندكـ ما تخافين عليه
عام جديد سعيد
| |
|
|
|
|
|
|
|
|
|
Re: شخصيات تدهشني! (Re: خدر)
|
أخوي خظر الفااااااهم الرااااايق
مساءك فل ومسك!
مرورك دائما مريح وبيطلع المستخبي
| Quote: هي الان نائمة مطمئنه تستغفر ربها كل ما جن مساء |
الناس دي نايمة بالله وانا بشيل وبخت فيها زي عجين البيتزا؟!
ايه ما علينا،،،
اجرنا على الله ...
Quote: تدهشني
عزاز .. و هي تهرب من المواجهه و تجي بالخلف |
فيما يخص قفاي المقبل على الحياة ...
فمهما الدنيا اتبدلت
والشخوص اتلونت
والمرايا كدبت
وظني الحسن خيبني
عزاز يوم ما للخلف دارت
والوراها بتخليهو قبلو وللأمام سر يا مجند!
| Quote: دعي الحيره و امضي في الحياة بحذر ان كان عندكـ ما تخافين عليه |
الحذر!
كلمة ما غريبة علي!
بس تصدق بايه، بيخيب حذري دائما وابدا!
واللي بخاف منه ولا أجمل منه، واللدغة بتجيني من حيث لا أحتسب ،وعلى عينك يا تاجر ...
مشكلتي المزمنة أنو يا أبقى انا كاملة الدسم يا امسخ يوم البلاقيني، يا ابيض يا اسود!
اللون الرمادي ما بدوره لا في اللبس، لا في الديكور، لا في سيبية شردانة من تحت الطرحة، لا في الموبايل، إلا في عربيات المرسيدس بيكون شرط...
وعليه...
فكل ما اخاف منه، هو أن اصبح يوما مثلهم بذريعة الدفاع عن النفس، وأن اتبع مقولة لئيمة مفادها:إن لم تكن ذئبا أكلتك الذئاب ...
فهذا وردي اتحصن به من أن اكون مدعاة لاندهاشهم إذا ما صحت غفلتهم، ويروا أنفسهم فيني!
و تسلم على المرور السابر لما بين الثنايا ...
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
Quote: وعليه...
فكل ما اخاف منه، هو أن اصبح يوما مثلهم بذريعة الدفاع عن النفس، |
أخ خ .. هنا وقعت في المحظور بنت الذين احبهم
كل من ركب قبلكـ حصان العمر .. ترجل او لاذال مكنكش في سرجو قال ماقلته
هي ليست ذريعه ..النصف الملئي من الكوب يقول
اخترت نفسي و حقي في ان استمتع بكل قطره من عمري دون توتر وان كان لابد فاليمسني منه القليل و
صدقيني ما اقسي ان تاخدي شلوت في حنانكـ سوي اكان هذا الشلوت من حبيب او صديق او جار او .. الخ
| Quote: مشكلتي المزمنة أنو يا أبقى انا كاملة الدسم يا امسخ يوم البلاقيني، يا ابيض يا اسود! |
تذكريني نفسي ورفاقي في البرج 
دايما بقول لي (بارعه) انت عاوزة تنظمي العالم ليه !!
اسه يا عزاز ايه رايكـ نخليهو كده العالم ده !! ملخبط و جايط .. مالو ما لذيييييذ
عليكـ الله عيبيهو لي !!
في الذ من انو تكوني عارفة انو فلان ده كذاب و تسمعي ليهو
في الذ من انكـ تكوني عارفة انو فلانة دي عندها وشين و تتونسي معاها
اسه انتو الجكس ديل
موش بتكونو عارفين انو فلان داكـ بحبكم و مكسر فيكم و بتعملو فيها (يطرشنا و يعمي جيرانا)
ما عارفين !!
خلاص .. جربي اعملي كده ( برمجي بي العالم ده ) طالما من الصعب العيش فيه بصدق
اها كده نحنا كاملي الدسم و الاهليه كمان .. و نتمتع زياده فوق البيعة بي مزاج عالي
ولا شنو !!
او عندي ليكـ اقتراج تاني
انت اصلا عايشه فيهو بي صدق ليه العالم ده !!
فترت من الكلام و خشمي وجعني
قومتي نفسي
باي
| |
|
|
|
|
|
|
|
|
|
Re: شخصيات تدهشني! (Re: خدر)
|
أخانا الذي في الإسفير ( حقوق الطبع محفوظة للمؤلف ) خدر
تحياتي المُهمَلة ( وجه باسم ) وكل عام و انت بخير المُهمَلة
أيضاً ( وجه ضاحك )
شايفك الايام دي هجرت أوتار الربابة و قبّلت على المواعظ
أتراك عـُيّـنت شيخاً بالأزهر الشريف بالمراسلة ؟!
أمازحك وليس في القلب شيء من حتى
أخوك في الاسفير عثمان
| |
|
|
|
|
|
|
|
|
|
Re: شخصيات تدهشني! (Re: Osman M Salih)
|
(تسلم عثمان اخوي يا دراج المحن)
و حقوق البلابل علي عيننا و راسنا
كل سنة وانت طيب عثمان و عام قادم تتحقق لكـ فيه الاحلام جميعا
اما مايخص عزاز الجميلة من الدواخل و( من الخلف )
فهي احدي دقسات بكري الكبيره
فبكري عودنا علي اعضاء جدد اجاركـ الله
اول بوست بكون شتايم
واخر بوست جهل مسيطر بقواعد الاشياء
انا احمد لبكري هذه الدقسه الجميلة
فعزاز احدي الحسنيين في هذا المنبر
ورد في (تلبيس القميص)
احدي الحسنيين بالمنبر العام لسودانيزاونلاين
- الاستقالة
-التداخل مع عزاز
عثمان دعوة منا لكـ مفتوحة لزيارتنا و مباركة مولودتنا ( لقاء)
تقبل الهدايا ابتداء من 25 يورو
| |
|
|
|
|
|
|
|
|
|
Re: شخصيات تدهشني! (Re: خدر)
|
أخونا خدر
شكراً لرحابة الصدر وتقبل الدعابة
أسعدني ردك لو تعلم
تشرفني زيارتكم وقد حكي لي عنكم
عادل عبد العاطي في زيارته الاخيرة
للأرض المنخفضة أنه إلتقاك
تشرفني زيارتكم بس 25 يورو ما
معانا ، نعمل شنو ؟( وجه ضاحك )
أتمنى لك ولاسرتك الكريمة دوام
الصحة و العافية
كل عام وأنتم بخير
| |
|
|
|
|
|
|
|
|
|
Re: شخصيات تدهشني! (Re: خدر)
|
العلامة فضيلته خظر، خضر الله يراعك، وخدر يد عدوك كان طالك ...
كم أسعدني نصحك الحادب علي من شلاليت الزمن وهروات المغسة وشيل الحال، لكنها الدنيا يا سماحة المفتي،شن نسوي ؟
قسمتنا كدي!
غايتوا، حاحاول انو ابرمج بالمدهشين، وكان غلبني، اعفي لي وسأضطر غير آسفة على ضرب ملعقتين من التانج بنكهة البرتكان و اريقها سلسبيلا واكمل كتابة هذا البوست امنكشح في شراييني ....
ارفق ببارعة أم لقاء، فهي محقة وملبية لنداء الكرموزوم المشقي المسمى (أنثى) ، انحنا النسوان ما بنقدر نعيش في الهبـتلـية حقتكن دي، ونتخيل الدنيا كملاية سرير في برندة عبث الهواء بطرفها واظهر ركن المرتبة القطن، فنهرول نحوها جاذبين الطرف العصي ونربت بحنان على الكسرة الطولية لإقناعها بالمكوث، ولكن، ملايات دار الباطلة دي لا ليها طرف لا مطقوق آخرها، لا مقاسها مفهوم ...
وبعد ده،
ويجي واحد مارق من شكلة يجر الملاية من النص بقبضته ويعضيها حتى يدميها بريالته ...
أما فيما يخص تقلنا الرباني تجاه بني آدم، فهي لازمة تلقائية لا إرادية، ويشهد الله أن منبعها غريزة البقاء، وكذب ابيض من حليب الماعز....
بيد أنه، لزاما أن اشكر لك مروركم الكريم وارجو ان تكونوا قد استلمتم مبلغ وقدره 35 يورو قيمة كشف مولودتكم (لقاء) وعدد 1 كيس بلح ناشف وعدد ا كيس عرديب ...
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
عزاز بت شامي:
أرى أن كل شخصياتك التي تدهشك من بني جنسي !!!!!!!
فكل المخاطبون من الزكور!!!!!!!
ومعظم المتداخلون المؤيدون من الذكور!!!!!!
وهنا كان مصدر دهشتي !!!!!!!!!!
فمعظم الشخصيات التي تدهشك شخصيات سلبية متمثلة في تصرفات مشينة يقوم بها الرجال !!!!
ولم أجد في كل هذه الشخصيات شخصية نسائية واحدة أدهشتك بفعل سلبي!!!!!!!
ليتني قرأت " وتركته في منتصف الطريق بينما هي الان تقضي شهر العسل في جزر هاواي "..
وليتني قرأت " وباعته بدراهم !!!!!!! "
وليتني قرأت " وبمفردات جميلة محبوكة تلج للمواضيع وترتدي قناع المطلع تغادر الحلقة ومكتوب على ظهرها فارغ " !!!!!!!!
ولكن يبدو أن ما كتبتيه يظل حكراً على الرجال !!!!
فهم الفارغون وهم البخلاء وهم من يكسر الخاطر وهم من يجرح الفتاة وهم من يطرد الفقير وهم من يقتل البرئ وهم وهم وهم !!!!!
بينما القوارير فهم كل الحنية وكل البراءة وكل المحبة !!!!!!!!
لا أعتقد أن الضمير يعود للطرفين فيما تكتبين فهو ليس معمم وحاساتي السابعة تخبرني بأنه مخصص لبني جنسي !!!!!!!
فلا أعتقد أن الضمير " هو " يعود " للشخصية " !!!!! التي ربما كان ضميرها سيكون " هي " !!!!
تحياتي ...
| |
|
|
|
|
|
|
|
|
|
Re: شخصيات تدهشني! (Re: خضر حسين خليل)
|
خضر المغترب حديثا في السودان!
هلا بيك يا سيد الحرف والكوامن الطيبة،
مشتاااقون كميات مددا عددا ...
عساك طيب؟
تصدق، ما زلت اتخيل هذا البلد على غير حال، شوارع ممتلئة بالناس و الغتر قلبوها عمم والجلابيب الضيقة الزي كيس المخدة وسعت وشالت من الحبايب ألف ...وبصات السيرة تتخاتف في العليا العام، وصوت فرفور طالع من بصات العليا-البطحا، ناهيك عن أكشاك اليمون والعرديب المتفرقة في راس كل إشارة بامتداد طريق الملك فهد ومحلات العماري تتنافس في حللها في شارع التحلية/الشانزلزيه..
في عصرية مسيخة، تلاقي كتاحة قايمة في شارع الثلاثين، تمشي جاري الشمار كاتلك تلاقي أنو وفريق التخصصي غلب الناصرية والنسوان تشيل وتزغردوشايلين ليهو ود كامل من لحم الدنيا ويقولوا هو اللي جاب القون... تسمع كواريك في عمارة الخالدية تمشي جاري تلاقي بكا سيد العربية اللكزس الكاسرة فيني ضلع، والصواني زي ألعاب الملاهي دايرة ملانة وفاضية ....
بري يا اخواني!
عيشة بلا حضور، بلا طعم، لا يوم تضوق لحم سماية جدجد ولا تشرب ابريه تااازه من دوكة الحوش الصغير!
غايتون اتصرفو، عيشوني الجو ده قبال ما أغادركم مأسوفا على شبابي وقتها لا ينفعكم ندم ولا عض أنامل!
الماشة بضهرها نحو الأمل،
عزاز
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
مع هذا الزخم الإندهاشي فاتني أن أقول لك :
كل سنة وإنتي طيبة وربنا يحقق الأمنيات والسنة دي زي ما قلت ليك نجي نأكل خروفك الأملح الأقرن قااااااااااااااادر يا كريم
هلا وغلا ...
| |
|
|
|
|
|
|
|
|
|
Re: شخصيات تدهشني! (Re: عمر الفاروق)
|
أختى الصغنتوته
عوزاز
كل سنة وانتى طيبة.. وبلغي الوالدة تمنياتي لها بدوام الصحة
غبت كثير من بوستيك الحار دا.. فوجدته قد امتلأ قرأته بمزاج.. على نار هادئة
فعرفت أن الدنيا تضيق لتوسع.. الا الوطن فهو يسع الجميع.. حتى لو نحن(قرع)..
واصلي..بالمحبة
أبوالشوش
| |
|
|
|
|
|
|
|
|
|
Re: شخصيات تدهشني! (Re: showgi idriss)
|
الكبير كبير والصغير بيكبر والنص بيبقى بربع
سلام كبير لسيد الكبار أبو الشوش ...
كل سنة وانت طيب يا سيدي والقابلة على أمنياتك وحبايبك حوالينك ..
الدنا دي يا ابو الشوش ماشة على حل شعرها وعاملة زي الموضة، مرة أصفر ومرة لون زينيب ...
فكرة الوسع والضيق دي نسبية وغالبا الدنيا بريئة منها براءة بن لادن من غزوة منهاتن ، يعني انحنا بمزاجنا بنهونها وبمزاجنا بنقسيها، مش بيقولوا (هونها وتهون)؟
وهونها وتهون يا سيدي،
و إن كان قسمتنا غربة، راضين،
وإن كان قسمتنا بشتنة وطن، برضو راضين، المهم نرسى...
ولك كل الود
| |
|
|
|
|
|
|
|
|
|
Re: شخصيات تدهشني! (Re: عمر الفاروق)
|
عمر الفاروق ...
في هجعة سكون الليل المنبرش في أفول النار على أفق الشمس البرتقاليةالحانية،
كل سنة وانت طيب وبصحة وسلامة
| Quote: والسنة دي زي ما قلت ليك نجي نأكل خروفك الأملح الأقرن |
خروفي ده اعتذر عن الضبح وقال عندوه سماية، وفرحتي عاملاها بملاح تقلية.. ينفع؟
المقبلات بطاطس ليز بطعم الكريمة والبصل والتحلية كستر ...
والعاقبة لديكم في المسرات
| |
|
|
|
|
|
|
|
|
|
Re: شخصيات تدهشني! (Re: عزاز شامي)
|
حرشنى عليك، وحرشنى فى اللغة فعل حماس دال على الاندقاس، قال حرشنى عليك صديق قريب
وقال لى ان كنت تنشدين جمالا
ومحبة ليس فيه قولان.. فاذهبى الى بوست عزاز
حضرت ..الى بوستيكى المنشود
فاذا بى ارى الملائكة صفا صفا..
واسماء لا تغبانى ..لها حس عالى فى اختيار الامكنة والاطعمة والاشربة
اذا ذكرت منها ثلاثة ..فانك ستفهمين ..مدى الدهشة التى اندهشتها "والبرشة التى انبرشتها" من دخولى لهذا البوست
هل انت على استعداد لسماع الاسماء المختارة
اذن هيا الى بنا
خدورى
نزورى
وعثمان صالح
ستدخلين الجنة يا هذه..
فقط بتحرير هذا البوست ..
صدقينى
وانا لى تواريخ مشهودة مع "الاسراء " لسماوات الابداع..
فالجنة التى اعنيها هى جنة ..لا سماوية ولا ارضية
لا شرقية ولا غربية
ولا تعرف "السعودية"
ولك محبتى
ولولا كثرة المسئوليات ..لخبرتك عن الكثير..
فقط جئت لاسجل لك تعظيم سلام..
وتذوق
| |
|
|
|
|
|
|
|
|
|
Re: شخصيات تدهشني! (Re: Tumadir)
|
واااي منك يا تمادور!
زارنا النبي!
يختي محل ما تمشي بتجيب هبايب الهنا والهمبريب النقي ...
بوسـتـيـنـي المتواضع لم الحبايب من كل صقع وحدب وفجة، وتم الحلقة بالملائكة عالية الحس الحرشوك وجابوك يا (إنسانة) مع النفاذ..
ما طالباني حليفة ( واتكئت واشارت إلى برواز صورة جماعية) ، الحريش البيجيبك بريدوه ريدتي لأمي وكباية الشاي الأخضر المنعنع في لحظات التجلي !
عارفة يا اختي وجعي في شنو؟
كان الجنة الشفتها في الأرض عجبتني قدر ده، بفارقها كيفن وقت النداء؟
الجنة من غير ناس ما تنداس،
ناس تحبك،
تودك،
تنصحك،
تصلح عترتك،
تدعي ليك
وتحرش ليك الجمال يلون صفحتك ...
الانبراش ده خليهو لي، انا وكيلته الوحيدة للجملة والقطاعي،
انبرشت وقت بديت، وانبرشت وقت واصلت،
وانبرش بلا توقف مع الردود ...
والانبراشة الكبرى وقت لقيت البيقرا بين السطور ويرد عليك اديييييييييييييييييييييييل !
ايه، غايتو كما تقول ست الحبايب لما يغلبها الشجن،
وحياتك عيونك الحنينة، ترجعي تاني!
| |
|
|
|
|
|
|
| |
nazar hussien
إسحاق بله الأمين
Mohamed Abdelgaleel
ابو جهينة
Adil Osman
ثابت محمد
معتز تروتسكى
mo
showgi idriss
mamkouna
saadeldin abdelrahman
AMNA MUKHTAR
طلال عفيفي
معتصم الطاهر
jini
خدر
Ishraga Mustafa
Sahar Abdelrahman
عمر الفاروق
خضر حسين خليل
Tumadir
فيس بوك
تويتر
انستقرام
يوتيوب
بنتيريست