دعواتكم لزميلنا المفكر د.الباقر العفيف بالشفاء العاجل
|
|
 تساؤلات!
|
• متى كان الشوق علامة من علامات الحب المبين؟
ومتى كان ارتعاش الجفن قبل ثوان من ذكر اسمه يعني قطعا بأني دايبة في دباديبة؟
• تصر تلك المشعوذة على ترديد ذات الترهات عني وعنه...
لا تهمني كثيرا، وهل كتبت أقدارنا على جدران خزفية مرشوشة بالبن؟
• ضمن أحاديث البدايات، قالت له بأن الورد مجرد ورد، ابتسم وقال: وأنت مجرد بنت!
و مازال يتساءل عن ما أغضبها من حس فكاهته!
|
|
 
|
|
|
|
|
|
|
 Re: تساؤلات! (Re: oudenoord)
|
Quote: متى كان الشوق علامة من علامات الحب المبين؟
ومتى كان ارتعاش الجفن قبل ثوان من ذكر اسمه يعني قطعا بأني دايبة في دباديبة؟
• تصر تلك المشعوذة على ترديد ذات الترهات عني وعنه...
لا تهمني كثيرا، وهل كتبت أقدارنا على جدران خزفية مرشوشة بالبن؟
• ضمن أحاديث البدايات، قالت له بأن الورد مجرد ورد، ابتسم وقال: وأنت مجرد بنت!
و مازال يتساءل عن ما أغضبها من حس فكاهته! |
أخال فى معرض عزاز { العالي } آنفه أركان رواية ربما إكتملت , فيما يقتضي عرضها الدفع بقصاصات من هنا وهناك لنجهد نحن القراء فى معرفة ماذا يكون , وإن صح هذا فنحن شركاء بأصالة فى تلك الرواية , وهذا وارد فى المناولات القصصية والروائية الحديثة. أو ربما تكون مجرد تأملات لا رابط بينها من زاوية العرض وكما تخيلته , إذن فنحن قيد { الإستفزاز } الجمالي لملئ الشاغر بين تلك الأركان وإحداث الربط الذي يؤهل مخيلتنا الأدبية { للإستمتاع } بتلك النزهة .
شكرا عزاز ... وكل سنة وإنت طيبة
| |
|
|
|
|
|
|
|
|
|
Re: تساؤلات! (Re: HAYDER GASIM)
|
حيدر قاسم
سلامات سلامات سلامات سلامات سلامات سلامات سلامات سلامات سلامات سلامات سلامات سلامات
وكل سنة وانت طيب وبخير
زماااااان لما كنت صغيرة كنت بحب اكتب قصص، وخيالي كان سماده طبيعي ودسم!
وكلمة ممكن تخليني انداح صفحات و خيالي ناره لا تنام!
على كبر، مليت كتابة القصص ولقيت الدنيا دي براها قصة!
تصدق، اغلب تصرفاتي ناتج بحث عن إجابة سؤال!
أسئلة تنهي بدايات
وأسئلة بدايات
وأسئلة تقود ليقين
وأسئلة تزيح ورقة توت
وأسئلة تستر مكشوف
وأسئلة مجرد أسئلة، شمشرة ساي مني!
ما أمامكم، قصص مختزلة في أسئلة!
وعليه،
ايدكم معاي، نبدى وننهي معدلات الحياة
ومن أول الصفحة،
سطر جديد، وسؤال جديد!
كن بخير
| |
|
|
|
|
|
|
|
|
|
Re: تساؤلات! (Re: oudenoord)
|
oudenoord
سلامات بعدد السبح اللي اشتروها الحجاج السنة دي
كل سنة وانت طيب ...
| Quote: تساؤلات كثيرة تنتظر الاجابه |
الأسئلة لعوب
تلقي بنفسها في بركة عقلنا
وبكل براءة تضفر صبرنا وتربط ليهو شرايط!
الاسئلة ماشة ساي
لا تنتظر إجابات!
انا من يعيني السؤال
ويعيني الانتظار
ونهاية
وتعيني الإجابات!
زولة قلق! اعمل شنو؟
كن بخير
| |
|
|
|
|
|
|
|
|
|
Re: تساؤلات! (Re: عزاز شامي)
|
عزاز ... دامت ايامك اعيادا ...
لماذا لا تكتبيين خواطرك بانتظام ؟؟ اشعر مما قرات لك الان ومن قبل بانك تختزنين القا وكلاما بديعا ؟؟؟ لماذا كتاباتك الجميلة تاتينا بالقطارة ؟
| |
|
|
|
|
|
|
|
|
|
Re: تساؤلات! (Re: abubakr)
|
| Quote: لماذا لا تكتبيين خواطرك بانتظام ؟؟ اشعر مما قرات لك الان ومن قبل بانك تختزنين القا وكلاما بديعا ؟؟؟ لماذا كتاباتك الجميلة تاتينا بالقطارة ؟ |
لماذا ؟؟؟
كل عام و انت كما انت .. جميلة و متألقة .
| |
|
|
|
|
|
|
|
|
|
Re: تساؤلات! (Re: Emad Abdulla)
|
عماد عبدالله
تهمة انك زول (رايع) لابساك لابساك!
كل سنة وأنت طيب و القابلة امنيتك طوع اياديك
موش قلت ليكم! الحياة دي مجرد سؤال كبير!
استمع أكثر بالقراءة يا سيدي، وبها اشعر بأن لي مئة عين وألف قدم!
كل الود
| |
|
|
|
|
|
|
|
|
|
Re: تساؤلات! (Re: abubakr)
|
العزيز أبو بكر
كل سنة وأنت طيب و القبلة على أمنياتك
الله يجبر بخاطرك، ما أنا إلا كاتبة هاوية أفكاري مهووسة ترقص لوحدها بلا نظام وترفض مثلي القيد ...
خواطري المكتوبة تملأ كرتونه بمبي ترقد بسلام تحت كنبة ماما المفضلة!
كتبتها بانتظام حتى آمنت بأن ما تحمله رياح أقدارنا من قصص مفتوحة النهايات حرام ننهيها أنحنا!
ما بين أيديكم، نظرية فلسفية خطرت لي في جلسة ونسة في شتاء قارص،
ما جئنا لهذا الدنيا إلا بحثا عن إجابة سؤال
مع تمدد الزمن طولا وعرضا
فقدنا السؤال
ومازال نبحث عن إجابة!
و كم من قصص مرت بنا، بدأت و انتهت بسؤال!
ساعدوني اثبت لهم نظريتي علشان ادخل التاريخ! 
كل الود
| |
|
|
|
|
|
|
|
|
|
Re: تساؤلات! (Re: Salah Waspa)
|
صلاح واسبا
سلامات كثيرة ملونة زي زينة العيد
وكل سنة وانت طيب
انا قاعدة هنا!
هنا دي مكان افتراضي بين الوعي وبين مدن الخيال
بلاقي فيه (أنا) من غير رتوش
وبقضي فيه لحظات (صدق) أعوض بيها خيبة الأمل!
انا لسة هناك، وجيت أفتش إجابة سؤال!
ابقى طيب
| |
|
|
|
|
|
|
|
|
|
Re: تساؤلات! (Re: abubakr)
|
....
ذات شوق
متمرد عن صبوته
تلعثم يراع
مواريا
قشعربرة الحروف
فاصيبت بتنمل مهيب
فضح انحرافها المعياري
وحلزن خطوها بيد
ان الحب هو السقم
الوحيد الذي
لا يمت لاعراضه بصلة..
هل هكذا خيل الى
القمر فصار
يبث نوره بتخافت
على سطح الماء ليكون
قوسا ملون بهي
الطلعة!
عزاز..
منورة الحارة
يا جميل
كل سنة
وانت اروع...
دمتي..
| |
|
|
|
|
|
|
|
|
 Re: تساؤلات! (Re: Safa Fagiri)
|
صفاء
يا صفاء يشبه أيام طفولة
مضت أيامها مسرعة
و تركتني وراءها
أمد يد تقبض الهواء والتمني ...
كل سنة وانتي أمنياتك واقع محقق
و الأحلام تتسابق تجيك على بساط (أطلب تنل)
الشوق!
احترم تماما نشوء المفردة!
ولكني أراها تعجز عن نقل المشاعر من عوالم التوق لعوالم اللغة
وتعبرنا الكلمات أحيانا منقوصة البُهار
"اشتقت إليك"
"وحشتني"
"الشوق بحر"
كلها تعابير ننطقها جميعا بتشابه وتواتر لا تفرق بين تلك التي تغادر ذلك اللعين النابض
وتلك التي تفارق الحلق لمجرد نثر التلطف مع العباد!
اعمل ليها شنو واعمليهو شنو؟
مشتاقة جدا كثير خالص أوي اوي!
اكتبها كيف؟
اختزلها كيف؟
اديني كود
أديني معادلة توصل نفس الحرارة
نفس المغصة ديك
وتوصل شعور butterfly البيطير !
اوصل كيف خجلة الجفن البي تحصل قبل ما اعاين هناك
واستبق حضوره و التفت والاقيه بيعاين لي؟
ادوني كلام ما بيشبه بتاع ونسة صاحبات
ولا كلام ممكن يكون قالوها في مسلسلات
صعبة يعني؟
افهم من كده انو الكلام خلاص! عاجز!
علمونا انو الرسم اعمق من الشعر
وبيدي المعاني ابعاد ثلاثية وخماسية و بياخدنا عوالم
ابتدي ارسم مشاعري يعني؟
افتوني؟!
دي احدى المعضلات، كيف توصل شعور ما بيتوصف في كلام؟
| |
|
|
|
|
|
|
|
|
|
Re: تساؤلات! (Re: عزاز شامي)
|
يا صفاء انتي كمان كتابة ... في الزمن الاغبر دة والاحباطات الكثيرة الكلام الجميل مطلوب عشان الشعوب ما تتهلك كمدا وتصبر وتقاوم .واحدة متلك بتقول هوايتها " having conversations with my kids" اكيد مبدعة . اكتبن الله يخليكن ...
ابوبكر
| |
|
|
|
|
|
|
|
|
|
Re: تساؤلات! (Re: عزاز شامي)
|
Quote: • تصر تلك المشعوذة على ترديد ذات الترهات عني وعنه...
لا تهمني كثيرا، وهل كتبت أقدارنا على جدران خزفية مرشوشة بالبن؟
|
انتى تحبينه وهو يحبك
وقد اكدت قارئة الفنجان ذلك.
إذن لماذا المحركة؟
| |
|
|
|
|
|
|
|
|
|
Re: تساؤلات! (Re: Adil Osman)
|
Quote: انتى تحبينه وهو يحبك
وقد اكدت قارئة الفنجان ذلك.
إذن لماذا المحركة؟ |
عادل اوسمان
3500 كيلو سلامات بالفستق و 1500 كيلو تحايا واشواق بالملبن و القشدة البلدي
المحركة يا سيدي لأنو انا بحب اقول لي انا براي انو انا بحبه وهو بيحبني!
هي مالها بينا؟
انا مديت ايدي بس علشان اعرف لو حاسافر قريب و لو الترقية بتاعتي جاية! هي مالها بي وبيهو؟
لم كتر كلامها عنا، سحبت ايدي براحة علشان اوقف التثاؤب!
هو وحده عرافي و قارئ فنجان أيامي!
لا أحد غيره يمكنه إجابة سؤال اعتباطي يهبط علي فجأة بلا مقدمات
وانا بتفرج في التلفزيون
وانا بحل الكلمات المتقاطعة
وانا باسرح في شعر الكديسة
وانا بأبحلق في اللاشي
بعاين ليهو بسأله: بتحبني يا؟
| |
|
|
|
|
|
|
|
|
|
Re: تساؤلات! (Re: DKEEN)
|
الحاج دكين
تحايا بعدد من هلل وكبر
جزاك الله خيرا على المرور وبهذا، أؤكد لك بأني (لست براي) ...
الألوان دي بركة أخوك لؤي شمت، بقيت اخذ دروس عصر وأريد ان انتهز هذه السانحة واشكره..
اليوم يقام صيوان .... نشرة الأخبار ....
| |
|
|
|
|
|
|
|
|
|
Re: تساؤلات! (Re: عزاز شامي)
|
عُزاز إزيِك
فى داعى يا عُزاز للكلمة دى يعنى إنتى ما عارفة انو (شيخنا) ماعندو رخصة
عجبتً لهذا الزمان الذى يُُمنح فيه مركبات لإناس لا يملكون تصريح للقيادة
| |
|
|
|
|
|
|
|
|
|
Re: تساؤلات! (Re: walid taha)
|
وليد تاها
سلامات سلامات سلامات كثيرة كده !
الترخص فيما هو جائز مضيعة للوقت يا بني!
شيخنا يفعل ما يؤمر ولا قبل لنا به ولا بآمريه
دعوه! فإنه مأمور!
| |
|
|
|
|
|
|
|
|
|
Re: تساؤلات! (Re: عزاز شامي)
|
| Quote: متى كان الشوق علامة من علامات الحب المبين؟ |
Quote: ذات شوق
متمرد عن صبوته
تلعثم يراع
مواريا
قشعربرة الحروف
فاصيبت بتنمل مهيب
فضح انحرافها المعياري
وحلزن خطوها بيد
ان الحب هو السقم
الوحيد الذي
لا يمت لاعراضه بصلة..
هل هكذا خيل الى
القمر فصار
يبث نوره بتخافت
على سطح الماء ليكون
قوسا ملون بهي
الطلعة! |
وذات شوق ..
راودني ذنب إبتعادك ..
تجنبك إلتحام الشمس
عند مهرجان الضياء
هل كان صدقاً خبر إرتدادك ؟؟
وهل تاه المسيح بين مواجع القدس !
وكان أوَّل الشهداءِ إنتماء ؟؟
لافرق عندي..
إن أتيتت بالقمرِ والنجوم السوامق
أو إكتفيت بإستفهامٍ عن وترٍ مُفارق
تبقى في التكلُّمِ ..والسكوت ..
ذات السماء..
التي أشتهي شروقها ..
غروبها ..
وكل ماتجود به على ماتظلله..
كل الود ..عزاز ..صفاء
| |
|
|
|
|
|
|
|
|
|
Re: تساؤلات! (Re: تماضر الخنساء حمزه)
|
تماضر يا الخنساء
مساء ألفة ومودة وايد شايلة وردة بيضاء هدية
Quote: وذات شوق ..
راودني ذنب إبتعادك ..
تجنبك إلتحام الشمس
عند مهرجان الضياء
هل كان صدقاً خبر إرتدادك ؟؟
وهل تاه المسيح بين مواجع القدس !
وكان أوَّل الشهداءِ إنتماء ؟؟ |
ونرجع تاني لوجع السؤال!
بيفرق كتير ليه المفارق فارق
وشق بحر الوصل لضفة جديدة!
سيدتي ...
بعض البقاء له طعم مضغ ورق أصفر
وبعض الفراق رحمة!
---اذكر يوم وداعنا بدقة رمادية
أصوات الباعة و المتحلقين
اعين النساء
طفل يجرجر أمه نحو دكان ألعاب
صخب .. صخب
اتسعت دائرة المحيط
تلاشت كل التفاصيل
وبقينا أنا وأنت
وجها لوجه
-- بتحبيني؟
صمت مهيب ساد المكان
وضاقت دائرة المحيط حولنا
وخرج الطفل من الدكان يحمل لعبة
واستجابت تلك الناهد لتوسل المتصابي
ولملمت الأسرة الصاخبة أطرافها وهمت بالرحيل ..
وعبرتنا مجموعة من شباب فاقعين
ليلتهمنا الزحام!
ليه ما قدرت اجاوب؟
ليه مشيت؟
ليه حبيت من الأول؟
ليه قطعت بحور علشان اقطع حبل السري الرابط بيك؟
وغلاوتك عندي،
ما عارفه!
| |
|
|
|
|
|
|
|
|
|
Re: تساؤلات! (Re: عزاز شامي)
|
الإنتماء إلى أحدهم..
إحساس..هل يمكن أن يأتينا ..مرتين ؟؟
عزاز..نامت الأسئلة زمن التعب ..وجئتي من جديد فأرسلتيها لمواسم الصحو ..
| |
|
|
|
|
|
|
|
|
|
Re: تساؤلات! (Re: عزاز شامي)
|
عزوز يا حبيبة ..
الحب زي الورد ..
لو حافظنا عليه و راعيناه
بنلقاه فرهد ونوّر وعطرو فاح ..
وسِهِل على المشعوذات إلتقاط ريحتو ..
والورد زي البنت ..
ناعم ورقيق وحلو
بس فيهو (شوك)
للي بستاهل ..
ليك وحشة يا بت !
| |
|
|
|
|
|
|
|
|
|
Re: تساؤلات! (Re: تيسير عووضة)
|
تيسيير، البنت الوردة!
كل سنة وأنت طيبة و مشوار حياتك مفروش بالورود..
موشتاقون موشتاقون عديل كده! اظهري بهناك عندي كلام كثير أقوله
Quote: الحب زي الورد ..
لو حافظنا عليه و راعيناه
بنلقاه فرهد ونوّر وعطرو فاح ..
وسِهِل على المشعوذات إلتقاط ريحتو ..
|
عارفه يا تيسير
انا مؤمنة تماما بأن الحب ده بالذات ما مفروض نبذل فيهو جهد كثير!
الحب عندي ظاهرة كونية بتحصل براها!
ممكن زول الكريزما بتاعته تخليني زولة ماهلة وحنينه و ورافة زي شجر الجنينة
وزول تاني يخلي لي طعم خشمي ملح ملح!
وبين هذا وذاك، لا نملك من أمر قلبي شيء!
هوبين إصبعين من أصابع الله
تجفو ذاك
ولحب "هذا" تميل!
كوني بخير
| |
|
|
|
|
|
|
|
|
|
Re: تساؤلات! (Re: عزاز شامي)
|
وزه حبيبتي
كل سنة وانت طيبة
وحبك أنت هو الأسطورة الحلوةالتي نصرتني
والواقع المُر الذي هزمني ،،،
الدنيا حلوة حبيبتي ،،،
ودي ،،
| |
|
|
|
|
|
|
|
|
|
Re: تساؤلات! (Re: خالدة البدوي)
|
عزاز
جميلة الشكل والمضمون حد التأمل !!
كم أحب روحك النقية هذه ايتها الكنداكة الرائعة !!
يارب لا تفوتى لا تموتى ياعوزاز !!
بوسى لى ماما كتيييير !
| |
|
|
|
|
|
|
|
|
|
Re: تساؤلات! (Re: نادية عثمان)
|
Quote: أسئلة تنهي بدايات
وأسئلة بدايات
وأسئلة تقود ليقين
وأسئلة تزيح ورقة توت
وأسئلة تستر مكشوف |
وسـتظل أسـئلة محتارة ما دامت الحياة
وجودها مهم وإجاباتها لا تهم
فهى الحياة
فيها الفرح وبها الوجع
كل عام وأنتى محتارة فيزيد إبداعك وتكونين بخير
| |
|
|
|
|
|
|
|
|
|
Re: تساؤلات! (Re: رأفت ميلاد)
|
كل عام وانتي بالف خير
الحياة .. امل .. بسمة .. حب
فاختري من الامل اعظمه .. ومن البسممة اعذبها .. ومن الحب فضائله
ولكي كل الود
| |
|
|
|
|
|
|
|
|
|
Re: تساؤلات! (Re: حسام يوسف)
|
حسام يوسف
سلامات و تحايا بألوان الطيف ومعاهم الابيض هدية
| Quote: الحياة .. امل .. بسمة .. حب |
ياتو حياة دي؟
أمل ايوه
حب أيوه
بسمة، مممم مااعتقدش!
هو انت بتعيش الحياة بأمل و بتبتسم وبعدين تحب،
وبعدين.....
مين طفى النور؟؟؟!!!
| |
|
|
|
|
|
|
|
|
|
Re: تساؤلات! (Re: munswor almophtah)
|
منصور المفتاح
تحايا و سلامات تحمل أمنيات بالعام الجديد و فرح مقبل مقيم
ليت لي قدرة إخماد الحمى و اسكات دبيب النمل!
لن اعيش طويلا لأكفر عن كل ترهاتي و حماقاتي السابقة،
وليلة عيد ميلادي الخامس والعشرين أخذت عهدا على نفسي
بأن أحرر روحي من اتباع ما (يريدون)
و أن اتبع تلك البقعة في رأسي و ألا ألقي اللائمة على احد غيري...
وفي طريقي إلى هناك،
اتعثر باسئلة تعيني و تطن في أذني،
لا تعنيني الاجابات القاطقة ..
فبعض الاجابات بوابات مشرعة لاسئلة أكثر احتقانا!
كن بخير
| |
|
|
|
|
|
|
|
|
|
Re: تساؤلات! (Re: رأفت ميلاد)
|
رأفت ميلاد
تحايا كثيرة كثيرة كثيرة، وود مقيم
Quote: وسـتظل أسـئلة محتارة ما دامت الحياة
وجودها مهم وإجاباتها لا تهم
فهى الحياة
فيها الفرح وبها الوجع |
معاك حق!
متعتي في صياغة السؤال أكثر من استلام بطاقات الإجابات!
في كل مرة يولد لك سؤال ، تسحب خيطا من عقلك وتنسل خيوط تجاربك و تجمعها أمامك ككرة صوف تحاول ان تعيد غزلها من جديد!
والسؤال بداية!
الإجابة، نهاية،
مَرة حلوة وكثير مُرّة!
| |
|
|
|
|
|
|
|
|
|
Re: تساؤلات! (Re: نادية عثمان)
|
نادية...
يا وردة نابتة شاقة ارضا صخر
سلامات تغشاك محل تكوني و تتلفحك وتغطيك بحنان ...
كل سنة وانتي طيبة يا حبيبة وماما تهديك قبلات ودعوات صادقات بالهناء والسعادة ...
كوني دائما بخير،،
| |
|
|
|
|
|
|
|
|
|
Re: تساؤلات! (Re: خالدة البدوي)
|
خالده الحبيبة
كل سنة وايامك طعمها سكر ...
| Quote: الدنيا حلوة حبيبتي |
الدنيا حلوة بس نفهمها!
يعتمد!؟ الأبعاد مهمة لتجسيد الأحلام!
انا عايشه الدنيا كيف؟
بالطول والعرض ولا ماشية خط مستقيم؟
باقات من حب ....
| |
|
|
|
|
|
|
|
|
|
Re: تساؤلات! (Re: عزاز شامي)
|
اللـهـم نـسـألك ان تشـمـل مـوتاتـانا برحـمـتك،وان تضـعـهـم فـي
الـمكان الـمحمود بين الشـهـداء والـصـديقييـن، وتقبـلـوا حـار التعـازي
القـلبيــةـ
| |
|
|
|
|
|
|
|
|
|
Re: تساؤلات! (Re: بكري الصايغ)
|
Quote: اللـهـم نـسـألك ان تشـمـل مـوتاتـانا برحـمـتك،وان تضـعـهـم فـي
الـمكان الـمحمود بين الشـهـداء والـصـديقييـن، وتقبـلـوا حـار التعـازي
القـلبيــة |
آمين يا رب العالمين ..
لكين المات منو؟ انا كتلت لي زول بكلامي؟
| |
|
|
|
|
|
|
|
|
|
Re: تساؤلات! (Re: عزاز شامي)
|
الاخـت الـحـبيبة الـحبـوبة،
عـزاز شــامـي
مررت للتحـيـةوالتهـنئـة بـمناسبة السـنةالجـديـدة، جـعلة اللـة تعـالـي عـام السـعـد والـسـؤدد والـنجـاحـات لك والاسـرةالكــريـمـة،
واعـتذر بشــدة لـدخول عـزاءي للاخ ابـوالـريش فـي وفاة الـمرحوم مـوسـي حسيـن
ضـرار وأسـف جـدآ ان سـبـب لك هـذا الدخـول الـخـطأ مـني اي ازعاج!!!
اكــررمـودتــي وتـمنياتـي الـطيبةـ
| |
|
|
|
|
|
|
|
|
|
Re: تساؤلات! (Re: بكري الصايغ)
|
اخوي بكري الصايغ
سلامات وكل سنة وأنت طيب
لا داعي للاعتذار و جزاك الله خير انو تركت دعائك له هنا ليقرأه الآخرون لتصل للفقيد هبات برد تطمئن روحه ...
كل الود
| |
|
|
|
|
|
|
|
|
|
Re: تساؤلات! (Re: عزاز شامي)
|
الاخت عزاز ...
الشوق احساس مجنون .. ولا نملك السيطرة عليه حتى لو حاولنا ...
يغزونا بعنفوان ... يحتل خلايانا... يوجه حروفنا ... يستعبدنا ...يعربد في كل مساحاتنا ...
انت تساءلت :
متى كان الشوق علامة من علامات الحب المبين؟
ومتى كان ارتعاش الجفن قبل ثوان من ذكر اسمه يعني قطعا بأني دايبة في دباديبة؟
اذن :
اليك بعض شوق هربت منه زحفاً ... فاتاني مهرولاً ...
قلت لروحي العنيدة ...
اني مشتاقة بجنون ...
لزول بعيد سكن الخيال بحب محال ...
روحي لامتني بتشفي ..
زعلت منها .. قلت ليها يا رويحتي ما تلومي ..
لو بس عرفتي قصة الريدة العميقة الحاكرة جوفي ؟؟؟
لو بس عرفتي كيف زرعته جوة لوني ؟؟
لو بس عرفتي كيف حنانو ...كيف غلاوتو ... وانه كوني ؟؟
لو بس عرفتي كيف بيقتلني البعاد وبيهيج شجوني ...
كنتي قلتي يا رويحتي لعيوني ...
اوعي تمشي تخلي تاني ..
كنتي قلتي ...
خشي فيهو ..
املي بيهو كل حروفك وكل جروفك وكل مساحات الاماني ...
كنتي قلتي ..
اعشقيهو وامحي بيهو كل عذابات السنين ...
كنتي قلتي ...
سلليهو في مسامك ...
بلي بيهو عطش عضامك ...
اعصريهو في خشيمك ..
اشربيهو ..
نومي فيهو ..
اتغطي بيهو ..
في عيونك اسجنيهو ..
وبرموشك احرسيهو ..
و لو عرفتي يا رويحتي كيف باريدو ..
كنت قلتي ..
لما ينعس .. هدهديهو ..
في صديرك وسديهو ...
و لما يزهج ..
غني ليهو ..
كل ترانيم العشق ...
و لما يعطش...
اديهو ريقك ..
خليهو يروى برحيقك ...
يا رويحتي ما تلومي ...
انتي عارفة انو روحك ..
وطيب جروحك ...
سر كلامك وابتسامك ...
ليهو همسك .. ليهو بوحك ..
منه وجعك وبيه شفاك...
هو حلمك ومشتهاك...
هو بدايتك ومنتهاك ...
| |
|
|
|
|
|
|
|
|
|
Re: تساؤلات! (Re: sanaa gaffer)
|
سناء جعفر
مراحب بيك كثيرة
البنت (العمق) النبي فوقك ارجعي اكتبي تاني!!
وخليني ارجع اتلصص بمزاج على حرفة سرد لا يستهان بها ...
انت جديرة بأن يحتفى بك على احدى مصاطب (الأخوة) التي ننصبها انا وصديقاتي كلما أهدتنا الأيام أحدهم/هن وخاصة أولئك متعددي الأعين و الآذان، القادرين/ات على رؤية ما يعتمل تحت الابتسامات و الياقات المرتفعة و الشعر المهذب بعناية!!
كم من ألم يا سيدتي يغلي تحت الجلود الوثيرة؟
كم من غني فقير
وكم من فقير غني دون علمه؟
وكم وكم من شرف معبأ في مظهر ثوري
وفضيلة يلوثها جسد شبق؟
اسئلة مفرقعات ساكت، ما تشتغلي بي كثير!
اختك تهضرب أكثر الأحيان وبيني وبينك لا ابذل جهدا يذكر لمحاربة الحمى!
وللشوق نعود!
ليت لي نعمة الهرب أو على الأقل المشيئة!
هو هناك،
يعد انفاسي
تحت جلدي
بين أوراقي
يهدهدني لأنام
هو screen saver ارتداد الطرف بين النظرتين
هو هنا (واشارت لكتلة شعر!)
أراه عنوة يا حبيبة!
بلا اختيار!
وبصراحة، بحب اشتاق ليهو!
Quote: كنتي قلتي ...
سلليهو في مسامك ...
بلي بيهو عطش عضامك ...
اعصريهو في خشيمك ..
اشربيهو ..
نومي فيهو ..
اتغطي بيهو .. |
معاك حق! وانشاء الله ما حدش حوش!
بالله بعد ده، انا بسأل ليه؟
| |
|
|
|
|
|
|
|
|
|
Re: تساؤلات! (Re: عزاز شامي)
|
الحمد لله ما زال الشعب السوداني المبدع حقيقة بخير حقيقة الآنسات والسيدات الأديبات هناmade my day بكلامهم الجميل في عهد ظننا أن الأبداع قتل في وطننا المسكين
keep the good work
| |
|
|
|
|
|
|
|
|
|
Re: تساؤلات! (Re: عزاز شامي)
|
Quote: متى كان الشوق علامة من علامات الحب المبين؟
ومتى كان ارتعاش الجفن قبل ثوان من ذكر اسمه يعني قطعا بأني دايبة في دباديبة؟ |
أز أزلو...
سؤالات في الصميم وجات في وكتها كمان...
جاياك راجعة بس شيلي لي الصبر، سمح...
ست البنيــــــــــات
| |
|
|
|
|
|
|
|
|
 Re: تساؤلات! (Re: عزاز شامي)
|
الأديبة الأنيقة عزاز
قبل أن أجيب على تساؤلاتك الحائرة دعيني أقول لك بصراحة أنت مشروع كاتبة محترفة تطوع الحروف
وتختزل الكلمات فينساب الشعور جدولا صافيا كالزلال ... أسئلتك مشروعة أيتها الرقيقة رقة النسيم
بيد أن أبجديات الحب تؤكد أن الشوق بجميع حالاته وصفاته علامة من علامات الحب المبين وارتعاش الجفن
قبل ثوان من ذكر اسمه يدل على أنك دايبة في دباديب أبوه كمان مزيد من العشق قليل من الخوف وسنكون
بإذن الله في حضرة كاتبة يشار إليها بالبنان ,, تحياتي ومودتي .
| |
|
|
|
|
|
|
|
|
|
Re: تساؤلات! (Re: عواطف ادريس اسماعيل)
|
عواطف ادريس اسماعيل
في حينا!
يا مرحبا يا مرحبا
تسلمي يا ست الذوق على المرور وحسن الظن
انا يا سيدتي مجرد بنت مجنونة بتشخبط!
جنونتي بتزيد لما افقد السيطرة على بقعة تقع شمال المعدة على اليسار,
حتة كده مفروض تكون بس للنبض!
ليه ممكن اتكركب لمجرد مروره؟
ليه بتبسم بغباء لما يكلمني؟
ليه؟ ليه؟ ليه؟
ليه؟
ده عبط ولا حب؟ ولا هما الاتنين واحد؟
| |
|
|
|
|
|
|
|
|
|
Re: تساؤلات! (Re: عزاز شامي)
|
الاخت عزاز الشامي
ما معنى ان نحيا
و لا ندرى بان العشق
قد يبقى سجينا فى الخلايا ؟
ما معنى ان نشهد موات الاغنيات ؟
ما معنى هذا الصمت
الذى لا ينتهى ؟
و برغم حاجتنا الصراخ
هل يختفى الظل الذى لا ينتمى
الا لمعرفتى و جهلى ؟
و هل نودع بعضنا و نذهب
فى سواد الذكريات ؟
كيف تبدو الذكريات ؟
كيف يبدو طعم ايام الشجن ؟
من يعلم ذكرياتى كل
اشكال التداعى
و الرحيل المر دوما
حين يصطدم المدى بالماسى
و المخاوفو احتضار الامنيات ؟
تعب هو البرق الذى
لا يضى اقبية الخبايا
لا ينتمى للسحب و العشب الذى
لا يرتوى الا لطعمك
يا عصيرا من خليط الدهشة الاولى
و احترافى الاغنيات
| |
|
|
|
|
|
|
|
|
|
Re: تساؤلات! (Re: عبد العظيم أرباب)
|
عبد العظيم أرباب
لا معنى للحياة إن لم نعشهاكاملة الدسم... لآخر قطرة!
لا أؤمن بالصمت
ولا التخفي
ولا التلون
ولا التحرق
أو التشكل بشكل الإناء...
حياتي قصيرة، قصيرة جدا
تنتظرني على قارعة الطريق
وعدتها يوم جئت للدنيا تحملني يدان و دعاء
ان اقضيها كما كتب لي
ولكن، باستمتاع!
ان سعدت، وإن كتب لي شقاء...
كن بخير،
| |
|
|
|
|
|
|
|
|
|
Re: تساؤلات! (Re: عواطف ادريس اسماعيل)
|
ناس عزاز اللذاذ
ازيكم ومشتاقين وربنا احقق امانيكم
الشوق نكابده ولا نراه
والحب نكابده ولا نراه
والشوق هو رسول الحب
وبين الشوق والحب برزخ ولكنهما يبغيان وليس كبرزخ البحران
| |
|
|
|
|
|
|
|
|
|
Re: تساؤلات! (Re: khaleel)
|
خلو،
سلامات يا صابر
| Quote: والشوق هو رسول الحب |
طيب ...
بعت مراسيل الشوق
لا رد
ولا برد الشوق
| |
|
|
|
|
|
|
|
|
|
Re: تساؤلات! (Re: عزاز شامي)
|
.....
...
..
.
##
الأيام الأولى من كل عام
هي ايام لك....
رجل للبهجة انت
وللحزن لو تعلم!!!!
وكما حاصرتني بالظنون يوما
لم الآن تحاصر الوقت
بشوق لم اعد اراه ؟؟؟!!!
##
متى كان الشوق علامة من علامات الحب المبين ؟
ودعيني أسأل
الى متى سأكون بغيره في هذه الحياة !!!
هل يمكن للبعد ان يكون خيارا لشوق العاشقين !!!!
##
عزاز
شكرا لك
ولأسئلتك ذات الشغب والحنين
فقد ملأت المكان والفضاء هنا بالأسئلة الجميلة
وفتحت نافذة لبوح كل الدافئات اللواتي ادمن على قراءتهن
فقد جذبهن ضوءك
وحنينك
وصدقك
هنامكان لشوق
استدراج لآهات
ولأقلام عشقت ذات سؤال....
| |
|
|
|
|
|
|
|
|
|
Re: تساؤلات! (Re: REEL)
|
Quote:
انا قاعدة هنا!
هنا دي مكان افتراضي بين الوعي وبين مدن الخيال
بلاقي فيه (أنا) من غير رتوش
وبقضي فيه لحظات (صدق) أعوض بيها خيبة الأمل!
|
كأن الوعي يتشظى وهو يطرق أبواب تلك المدن ... طالما أنها من خيال,
وكأن من تلتقيه من غير رتوش هو الأنا { التعويضية } ... فريسة الأنا
الحقيقية ... فالترحال بينهما عذاب نبيل ... لكنه يستنجبنا إبداعا
كالذي تفعلين ... وكالذي تتوسلين به إلى لحظات الصدق ... دون أن
يخيب الأمل .
كل شئ جائز ...
وإن كان السؤال جديرا بالعنان ... فمن حق الإجابة الصهيل .
عزاز ... حدثينا بالله ... بأي مصل تكتبين ؟
| |
|
|
|
|
|
|
|
|
|
Re: تساؤلات! (Re: HAYDER GASIM)
|
حيدر قاسم
سلامات
سلامات
الحيرة!
الحيرة تعرف طريقي وتأخذ بيدي
لتلك البوابات الوردية...
ومدن الأحلام
حيث أنسى ما مضى
ويحدث ما أريد
واكون أنا (أنا)
طريق لوحته تحمل اسم (الجنون)!!
| |
|
|
|
|
|
|
|
|
|
Re: تساؤلات! (Re: REEL)
|
ريل
انتي مثلي
تعتنقين السؤال عقيدة
ويقينك
إجابة وسؤال!
كل عام يرسم أمامي طريقين
بينهم رصيف ضيق
أحدهما
يحملني لما خطط مسبقا
والآخر لما أريد بعناد!
عندما ينتابني الملل ،
أسلك ما أريد
وعندما أفقد الأمل
أعود لما كُتب
وأعتذر!
وعلى الرصيف، التقط أنفاسي من تعب النطنطة بين الطريقين
بس قولتك،
حأوصل وين؟
| |
|
|
|
|
|
|
|
|
|
Re: تساؤلات! (Re: عزاز شامي)
|
عزاز
تحيّة طيّبة
كُلّ سنة وإنتي طيبة
وربّنا يحقّق أمنياتك
مرور للتّحيّة والتّمتّع ببعض جمالك المنثور هنا
كُلّ الوُد
| |
|
|
|
|
|
|
|
|
|
Re: تساؤلات! (Re: لؤى)
|
Quote: دي احدى المعضلات، كيف توصل شعور ما بيتوصف في كلام؟
|
سؤالك دا يا عزاز.... الكلام نفسه لو قدر له ان ينطق...سيكون عاجز عن التعبير
أمال يا ريتني لو أقدر اقول فيك الكلام الما اتكتب
وأجلي المقاطع بالدهب....
مش كانت منتهي الحيرة...
شوفي الاماني بدت بطلب كلاما ما انكتب
ولو اكتفي بدا كنا قلنا خلاص...
رجع وراء تاني وعايز بعد ما الامنية اتحققت وكتب...
رجع ليطلي المقاطع بالدهب....وبرضو لم يتوصل لغايته!!!!!!
يعني رجع لحيرتك تاني...
| |
|
|
|
|
|
|
|
|
|
Re: تساؤلات! (Re: عزاز شامي)
|
تظل هذه الأسئلة ..
داخل دواليب الروح ..
كما الشوق ..
أو حلم البدايات ..
فهي السفر في مجاهيل الحياة ..
والبحث عن معنى الوجود ..
والغوص في كونية الحقائق ..
ليتنا نعرف أين نقف ..
شكراً عزاز أن فتحتي لنا نافذة جميلة نطل منها على الجميلين هنا ..
وشكراً على الكتابة الراقية ..
كامل محبتي ..
| |
|
|
|
|
|
|
|
|
|
Re: تساؤلات! (Re: Kostawi)
|
العزيزة عزاز
(قبل البدء كانت).. اسطرك الستة تحمل الوان الحياة والثورة والصفاء
يا للتنافر..
كان التساؤل في رمزية التناول..!
وكان التساؤل في ماهية وكيفية التناول...!
وحار التساؤل في جدوى التناول..!
وكان .. وكان..
وعجزت..!
لم اكن من أوائل المُداخلات، لكنني أتمنى ان أكون أكثرهم/هن صدقا في الحديث عن (الموانع)..
الستة اسطر التي تحمل تساؤلاتك استوقفتني كثيرا..
حاولت القراءة من بين السطور، فعجزت..!
حاولت التعامل معها ببساطة ففشلت..!
حاولت التهرب منها، فاسقط في يدي.!!
ماذا تريد هذه الشقية؟
ذلك ..كان السؤال في الابتداء والانتهاء..
راجعالك..
| |
|
|
|
|
|
|
|
|
|
Re: تساؤلات! (Re: معتصم دفع الله)
|
معتصم المتوعك
سلامات يا زول يا جميل وكفارة
أو حلم البدايات ..
عفارم عليك!
كل البدايات حلم
وبرضو النهايات حلم!
منها اللي بيتحقق
ومنها اللي بتاكلة الحداية!
ابقى طيب
| |
|
|
|
|
|
|
|
|
|
Re: تساؤلات! (Re: عزاز شامي)
|
يا عزاز
انتي زولة كتابة بالجد
ودي فرصة انه أقول ليك , نقاشاتك وآراءك حتى لو بختلف معاها مرات بستمتع بقراءتها جدا
خليك زي ما انتي
ودي
| |
|
|
|
|
|
|
|
|
|
Re: تساؤلات! (Re: نهال كرار)
|
العزيزة نهال
سلامات وتحايا
يا ستي، ما غلط انو نختلف
ولا أنو أفكارنا تكون تسير في اتجاهين متعاكسين
ونتقاطع في بعض المشاوير
الاتفاق لا يزيد رصيد معرفتنا ،
الاختلاف يزيد الكثير ...
على الأقل سأرى ما يراه الآخرون من الضفة الأخرى للنهر
وستكون لي أكثر من عين!
شكرا على المرور الصادق...
| |
|
|
|
|
|
|
|
|
|
Re: تساؤلات! (Re: عزاز شامي)
|
فضلك ..فضلك..فضلك ...
استاذة ..استاذة ..استاذة ..
اصطااااااااااااااااااااظ ..طاااااااز ..طاااااااااز ..
ممكن أجاوب ؟؟
مش مرات في طالب/طالبة بيكون شليييييييييق وعامل فيها شاطر وبس الأستاذ يطرح تساؤل وتلقي صاحبنا ده رافع يدو وواقف علي حيلو ؟؟؟
والأستاذ بيكون عارفو فاهم السؤال غلط وإجابتو حا تكون زي وشو عشان كده بيتجاهلو ولمن خلاااااااااص يلح ويصر اخونا الطالب يقوم الأستاذ يلقى ماف مفر ويقول ليهو :
ايوة أها ورينا الإجابة ..
ويقووووووووووم كده اخونا الطالب يجاوب ليهو إجابة لا في العير ولا في النفير وكلام الطير الفي الباقير ...
أها يا عزاز الطالب ده انا ظاااااااااااااااااااااااااطو ..
تساؤلاتك عميقة ولا تحتمل الإزعاج ورفع الأيادي للإجابة على طريقة الShow فقط والشوفونية ..
بتاوق من زمااااااااااااااااااان وغالبني الرد عشان ما عندي كلام ..
وأخيراً لقيت زول كتب ما كان يجول في خاطري
Quote: فشكراً للأخت حليمة
(قبل البدء كانت).. اسطرك الستة تحمل الوان الحياة والثورة والصفاء
يا للتنافر..
كان التساؤل في رمزية التناول..!
وكان التساؤل في ماهية وكيفية التناول...!
وحار التساؤل في جدوى التناول..!
وكان .. وكان..
وعجزت..!
لم اكن من أوائل المُداخلات، لكنني أتمنى ان أكون أكثرهم/هن صدقا في الحديث عن (الموانع)..
الستة اسطر التي تحمل تساؤلاتك استوقفتني كثيرا..
حاولت القراءة من بين السطور، فعجزت..!
حاولت التعامل معها ببساطة ففشلت..!
حاولت التهرب منها، فاسقط في يدي.!!
ماذا تريد هذه الشقية؟ |
تخريمة :
تعرفي يا عزاز الحب ده انا تعريفي ليهو بسيط خلاص لأني زول ما اديب ولا فيلسوف وما بعرف تطويع الحروف عشان كده تعريفي ليهو مشاتر خلاس..
عايني
لو شفتي ليك زول فجأة كده وقاااااااااااااام قلبك سوى شححححححححححححح وحسيتي بي معدتك وكبدتك مضطربات فتأكدي إنو ده الزول البتحبيهو (والله ما عرفتو ده حب ولا سلخانة)..
والشي التاني :
لو في اي زمان واي مكان وانت ماشي في الشارع ولفتت إنتباهك حاجة( أي حاجة) وخلينا نقول وردة مثلاً وجال في خاطرك ومن جووووووووووة قلبك إنك عايز تتشتريها و تهديها لي زول معين فتأكد إنو ده الزول البتحبو..
شفتي حب العنقالة ده كيف ؟؟؟؟؟
مش قلت ليك انا طالب مشاتر..
تحياتي..
| |
|
|
|
|
|
|
|
|
|
Re: تساؤلات! (Re: عمر الفاروق)
|
أومر الفاروق
حأديك نجمة على الاجابة الوافية الشافية وحأبقيك الألفة بتاع البوست ده
طيب ...
اتفقنا في تعريف مبدأي للحب
وهو قولة شححححححححححححححححححححححححححح!
| Quote: لو شفتي ليك زول فجأة كده وقاااااااااااااام قلبك سوى شححححححححححححح وحسيتي بي معدتك وكبدتك مضطربات فتأكدي إنو ده الزول البتحبيهو |
طيب،
بعد ما القلب يقول شحححححححححححححححححححح
ونومك يبقى بالقطارة
واسمه يقيف ليك في باب خشمك
وتقلق عليهو وهو جنبك
وتكجنو فجأة كده بس علشان اشتقت ليهو!
ولو سافر، تضبط ساعتك على وقتو
وتنوم وتقوم بقوله
ولما تشتري ليهو هدية تجي راجع بقفة حاجات اشتريتها بس لأنو داير توثق ليهو حياته بعد ما لاقاك!
وتحرد شوفتوا علشان بس تجرب (قوتك) وترجع تاني زي التوتو وتقول الروووووووووووووب!
ولما يسألني: بتحبيني يا تفيدة؟
بهز راسي وبقول: لأ طبعا! يا حليلك! فاكرني بحبك؟
أهن،
وبعدين ياخ!
| |
|
|
|
|
|
|
|
|
|
Re: تساؤلات! (Re: عزاز شامي)
|
احبتي،
اعتذر لكم فردا فردا على تأخر لا يدي لا كراعي!
عدت بعد اكثر من شهر قضيته تساؤلا و حيرة!
ونواصل ....
أتذكرين حديثنا يومها عن الأمل؟
واختلافنا حول مدخلين للتجارب
أولهما، المغامرة!
والأخر العشم في القدر وحسن الخاتمة!
لا مفر من أحدهما يا سيدتي!
ما يا كده يا كده، مافي حلول وسط
بين الخيبة وبين تحقيق الهدف
درب السلامة منقوص الطعم
بتفوتي فيهو محطات ...
الترقب
والدهشة
والمفاجأة
وفرحة اللقاء بلا موعد!
ما بوعدك كلها تكون حلوة
ولا كلها بتكون مرة
بس لازم تعدي بيها
وتمر بيها
وتعيشيها
علشان ما تقيفي يوم وتتسائلي:
كنت ممكن اكون وين غير (هنا)؟
| |
|
|
|
|
|
|
|
|
|
Re: تساؤلات! (Re: نجوان)
|
الزولة الكتَابة جدا/ عزاز
ما لقيت لي قولاً عديل لتساؤلاتك دي
بس أنتي أكتبي ونحن نقرأ
| |
|
|
|
|
|
|
|
|
|
Re: تساؤلات! (Re: عزاز شامي)
|
أبستراك
عشتار اللون
وفينوس الكبرياء
تربت على قلبي
فتوغظ صحوي
تقتحم المفردات طوعها
تعطعي للـ اللون البهرج والبهار
جلست وعينيها
خلطت لوني لأبحث عن معادل
تكورت خطوطي
ثم استقامت
متوالية التكور والاستقامة
ثم ...
؟؟؟
هو التمرد إذن!!
صعب هوالإنتقال
بين عينيها غابة التفاصيل .. وعينها
فما عاد المكان ولاالزمان ولاأنا
ولاتزال ترتادني صعود
تمارس إتساعها
تملا تفاصيلها سرادقي
ويستييح بزخ اللحظة التناص
وضيرا أحاول المحال
(no way)
نورالهادي
| |
|
|
|
|
|
|
|
|
|
Re: تساؤلات! (Re: bent-elassied)
|
Quote: بين الخيبة وبين تحقيق الهدف
درب السلامة منقوص الطعم
بتفوتي فيهو محطات ...
الترقب
والدهشة
والمفاجأة
وفرحة اللقاء بلا موعد!
ما بوعدك كلها تكون حلوة
ولا كلها بتكون مرة
بس لازم تعدي بيها
وتمر بيها
وتعيشيها
علشان ما تقيفي يوم وتتسائلي:
كنت ممكن اكون وين غير (هنا)؟ |
إستدرارات عالية المبنى ...
وهي تنثر محتواها فى وميض
... إتضح أنه ... السفر ...
تخلقات الفكرة خارج إطار الأسئلة ,
مشروع جميل لإعادة التوحد مع الذات ,
فالأسئلة تفصم الموضوع ... وترخي بسدولها
على حريق { الشك } ... فيأكل من الكبد
أفلازه ... ومن القلب حشاشته... يلتهم
الأضراس ... ويقطع الأنفاس .
عزاز ... أراك تصوغين حوارا مجيدا مع
{ متخيل } لا يعبأ بالواقع كثيرا ... لكنه
حريص على التبدي الإنساني ... حتى تخرج
الأسئلة من أصدافها وتفترش الرمال ...
دون أن يعني ذلك ... ثمة إجابة .
للجسر وظيفة ... ولنا مشقة أن نكون .
واصلي ... عزاز ... ففضاؤك يتسع كلما
قضمت من ليله ذكرى ... ومن نهاره فكرة
| |
|
|
|
|
|
|
|
|
|
Re: تساؤلات! (Re: HAYDER GASIM)
|
Quote: إستدرارات عالية المبنى ...
وهي تنثر محتواها فى وميض
... إتضح أنه ... السفر ...
تخلقات الفكرة خارج إطار الأسئلة ,
مشروع جميل لإعادة التوحد مع الذات ,
فالأسئلة تفصم الموضوع ... وترخي بسدولها
على حريق { الشك } ... فيأكل من الكبد
أفلازه ... ومن القلب حشاشته... يلتهم
الأضراس ... ويقطع الأنفاس .
عزاز ... أراك تصوغين حوارا مجيدا مع
{ متخيل } لا يعبأ بالواقع كثيرا ... لكنه
حريص على التبدي الإنساني ... حتى تخرج
الأسئلة من أصدافها وتفترش الرمال ...
دون أن يعني ذلك ... ثمة إجابة .
للجسر وظيفة ... ولنا مشقة أن نكون .
واصلي ... عزاز ... ففضاؤك يتسع كلما
قضمت من ليله ذكرى ... ومن نهاره فكرة
|
أو كما قال (حيدر قاسم )
أعود
| |
|
|
|
|
|
|
|
|
|
Re: تساؤلات! (Re: عزاز شامي)
|
My dear visitors …
I have no access to an Arabic keybord, till then; please accept my bundles of joy and ease…
Love you all!
! Having full sense, yet still senseless
“I cannot see and I am on a wheelchair! Big deal!” Patrick said on Opera show, describing what we call “disability” that he’d proven otherwise! How many of us accepted fate and tests lied before us? How many of us have counted the endless blessings that we take for granted and that aren’t “granted” to others? Are we supposed to be “perfect” to enjoy life? Ideally, we need all our senses to “see” life. However, do we “see” life through our senses or through our heart? Patrick says that he is blessed that “adjectives” are meaningless to him! He doesn’t know what “white” or “black” or “ugly” mean. He only “feels” what is in other’s heart!
When Patrick was born, his parents questioned: why us? But, should life stops once norms aren’t provided? The love for their son led them to accept God’s will and He, as always open their heart to “see” the big deal of life! Patrick was talented with music and art of loving life! He plays Piano when he was 2 years old! Now, he is a member of his collage band who enjoys applauds and cheers of people he cannot see their faces and only feels their passion!
It made me wonder: did I use all my sense to “see” life? Why do I feel so “incomplete” when I see people who are less fortunate, yet more content??
| |
|
|
|
|
|
|
|
|
|
Re: تساؤلات! (Re: عزاز شامي)
|
| Quote: It made me wonder: did I use all my sense to “see” life? Why do I feel so “incomplete” when I see people who are less fortunate, yet more content?? |
For me, the most fortunate people, are the most convinced of their lives
As its only us who can measure our internal satisfaction about who we are, we can not be sure of others. Yet, we can see it in their eyes.
so, how much someone is more fortunate than the other, can only be felt through his satisfaction
Accordingly, make sure that those who are less content than you are definitely more fortunate, and not the opposite
love and respect
| |
|
|
|
|
|
|
| |
oudenoord
HAYDER GASIM
abubakr
Emad Abdulla
Salah Waspa
Safa Fagiri
Adil Osman
walid taha
تيسير عووضة
خالدة البدوي
رأفت ميلاد
حسام يوسف
munswor almophtah
Mayada
عواطف ادريس اسماعيل
khaleel
لؤى
معتصم دفع الله
Kostawi
حليمة محمد عبد الرحمن
عمر الفاروق
عصام عبد الحفيظ
نجوان
حيدر حسن ميرغني
bent-elassied
فيس بوك
تويتر
انستقرام
يوتيوب
بنتيريست