النطمنكم يا اخوانا (السلاح ده ما بيتوزع هَبَتلّي)!

Quote: وبما ان الوالي هو جهينة في هذا البلد وبعيدا عن هبتليته نريد ان نعرف ردك على جريمة (او جرائم تلك القتاة ) التى أقامت الدنيا ولم تقعد ها

Quote: الوالي ده ما واعي.؟؟

Quote: والله يا مدحت الوالي ده عسل مصفى وحيكون شخصيتي المفضلة لعام 2010 انا إلا اعمل ليكم ترانسكريبت للقاء لأن (كلو لحظة و كل ثانية) من اللقاء تحفة فنية قائمة بذاتها ... ياخي ده اهداني مساء ما منظور مثيله

Quote: اي خيار تلقاهو حايم انتجوهو الشباب ديل "

Quote: عزاز السلام عليكم واسعد الله اوقاتكم بكل الخير وبما ان الوالي هو جهينة في هذا البلد وبعيدا عن هبتليته نريد ان نعرف ردك على جريمة (او جرائم تلك القتاة ) التى أقامت الدنيا ولم تقعد ها

Quote: اختنا عزاز مشكلتنا انه دائما هنالك خلط ما بين الخاص والعام فممارسة شرب الشيشة او سف التمباك هذا سلوك شخصي سوي اكان مضرا او مهلكا فهنالك تحذيرا يعرفه القاصي والداني عن تلكم المخاطر وكل شاة معلقه من عصبتا لا الوالي ولا غيره احرص علي صحة المواطن من نفسه . اما اهم ما في حديث الوالي فهو تحذيره لمن روجوا لفيديو الجلد المنتشر في كل المواقع السودانية وغيرها ولا ادري لمن سيوجه الاتهام لاصحاب المواقع ام لمن نشروه ام للمتصفحين ام لكل من علق بكلمة او ادانة لهذا المسلك

(عدل بواسطة عزاز شامي on 12-13-2010, 09:04 PM)

Quote: اغتصاب الاطفال

Quote: "اي خيار تلقاهو حايم انتجوهو الشباب ديل " طبعا كلام الوالي كان بخصوص البيوت المحمية وتباهي فيه ببرنامج تشغيل خريجي زراعة "استخدموا الخريجين استخدام جيد" كما قال

Quote: (الحشاش يملا شبكتو) ______________ حد يصحي خدر يا اخوانا يلحق يملى شبكتو

Quote: الشي المحيّر انو الكيزان ديل في حمية الدفاع الاعمي عن جلطاتهم في الاعلام بدوك احساس انهم كانوا مارين صدفة ونادوهم لخمسة ونسة - افكارهم جايطة وعدم المنطق ينط من كل حرف وجملة يقولوها.. منين بتلوم من نشروا الفيدو للتشهير بالمجني عليها ومنين تقرا صحيفتها الجنائية على الملاء وفي التلفزيون.. منين بتقول ان العقاب كان على الملاء ليشهد عقابها طائفة من المؤمنين وفي نفس الجملة تلوم من نشروا الفيدو ليتطلع عليه جميع المؤمنين.. منين بتلوم " المعارضة" على نشر الفيدو ومن قام بالتصوير والانزال في اليوتوب هو شرطي تابع لشرطة الانحطاط العام .. منين بتقول الضجة الاعلامية لها مارب خفية في حين تقر انكم لم تتحركوا لتقصي الامر الا بعد هذه الضجة الاعلامية.. منين تقول ان الحكم صحيح ومناسب لجرم المجني عليها وتقول ان القضاء قام بقفل المحكمة ونقل القاضي الذي اصدر هذا الحكم الصحيح.. منين تعترف بخطا التنفيذ وترفض تعرية المنفذّين .. منين ترفض التشهير بالمنفذّين لانهم قد نالوا جزاءهم في حين انت تعيد التشهير بالمجني عليها بعد ان نالت "تعذّيبها".. دولة الظلم والقهر مهما حاولتم الدفاع عن باطلها وسقتوا الاسباب تلو الاسباب تظل دولة ظلم وقهر ظاهرها زيف وباطنها حيف..

Quote: Quote: اغتصاب الاطفال يعني الشغلة فيها خيار وفقوس ؟ يعني القانون يتجزأ؟ والجريمة تتجزأ ؟ اليس كذلك؟

Quote: اسمحو لي بس ابتدي بأخونا المكاشفي

Quote: الاخت عزاز حياك الله منذ متي طالبان الخرطوم تضع الرجل المناسب في المكان المناسب اصلا طيله فتره حكم الكيزان دائما ماتتوزع المناصب هبتلي , ديل زوروا الانتخابات والمراقبين الامميين موجودين غالبم يزورا تهمه للبنت المسكينه دي . عصابه الكيزان ثمه من يريدمنهم أن يلبس التاريخ تي شيرت ومنهم من يريد أن يجعله يرقص ويغني علي فضائيه او علي موقع في الانترنت . لا يتوانوا في فعل أي شيء قذر من أجل مصالحهم فالكوز لا يستحي لكنه يخاف .

Quote: هههههه .. دا نظام (انا شفت) و كدا!! هو الدكتوراة بتاعتو دي في شنو ؟؟

Quote: هذه الايام وكان من الاجدى ان يترك كل قضية لحلقة منفردة ..( فتشبح) بنا فى القضايا وصراحة شتت لينا الكورة فليس من المنطق تناول القضايا ادناه فى حلقة واحدة - الفتاة المجلودة - قانون النظام العام - غلاء الاسعار - حظر المنبهات ( الشيشة والتمباك) - مصادرة وحصر الاسلحة داخل الخرطوم - عصابات النـيقــروز - العودة الطوعية / والعودة العكسية للجنوبيين من والى الخرطوم - الخدمات المختلفة من طرق وابار .. الخ لاشك ان دور الاعلام كسلطة رابعة دور كبير وملموس فى معظم دول العالم حتى الديكتاتورية منها الا انه يبدو جليا ان مذيعينا واعلامينا يحتاجون لدورات فى اجراء اللقاءات وكيفية إدارة الحوار وعصًر المسؤول فى زاوية حتى يخرج منه بنتائج ووعد على الملاء .. لا يعطى المسؤول الفرصة للتملص والتزاوغ ليصبح حال المتلقى (كأنك يا زيد لا غزيت لا عرفت الغزو) ويكون المستمع اضاع اكثر من ساعة فى كلام فارغ ..

Quote: مياه الشرب الملوثة التى أدت لتزايد حالات الفشل الكلوى الخبز المحسن ببروميد البوتاسيوم الخضروات المسمدة بالمواد المسرطنة أبراج الاتصالات المزروعة فى قلب العاصمة باشعاعاتها المجارى سيئة التصريف ومرتع الذباب والبعوض الخ الخ .. دى كلها ما مؤثرة على الصحة .ز وما من اهتمام سيادتو يعنى جات على الشيشة والتمباك ( كدى ال نخت سفة لحدى نار الشيشة ما تولع أصلنا ميتين ميتين ) بالجد مغسة عزاز سلامات

Quote: والله يا عزاز الحمدلله الواحد اتخرج زمااااان، إلا وماذا كان [يستخدمونا استخدام جيد].. الشي سماد؟! وبي مناسبة [المجرمه] الهظروا معاها ناس قد قدو الحنان ديك والسبابي الظريف أب كرفته، والي الخرطوم [جهينه] دخلو شنو في الموضوع أساساً؟ الشي تصديق طبلية صعوط في سوق الشدره؟ ويين وزير الداخلية؟ ويين وزير العدل؟ كدي انبقى تالاك في البكان الانتي فيهو دا [قنابير] رسليلي واحد، حدانا هني لا تنتج حيث انو مافي عليها طلب! اللهم طولك يا روح.. قال منو؟ جهينه؟

Quote: انتي ذاااااتك يا عزاز البيحومك جنب تلفزيونات السودان شنو ايام زي دي!!!؟ اها السيد الوالي ده وحاتك ذكرني اللواء بتاع الجمارك دااااك تتذكريهو!!!؟ ما فضل ليهو إلا يقول جابو لينا .... وجابو لينا..... وجابو لينا....... و ورغيف .

Quote: الوالى الوالى تبرير طوالى.. عزاز انا حضرت الحلقه دى النصيحه لطيفه ومفيدة اكتر من توم اند جيرى ماتفوتكم الاعادة ياشباب غدا حفظ الله ارجوزنا ووقاهـ كل الشرور وكمان قال استفاد من تجربة تركيا.. يعنى الوالى زى ما عجنا حا يخبزنا كمان والينا زينه وحالف مايبرد لينا بطن،،،

Quote: الشي المحيّر انو الكيزان ديل في حمية الدفاع الاعمي عن جلطاتهم في الاعلام بدوك احساس انهم كانوا مارين صدفة ونادوهم لخمسة ونسة - افكارهم جايطة وعدم المنطق ينط من كل حرف وجملة يقولوها.. منين بتلوم من نشروا الفيدو للتشهير بالمجني عليها ومنين تقرا صحيفتها الجنائية على الملاء وفي التلفزيون.. منين بتقول ان العقاب كان على الملاء ليشهد عقابها طائفة من المؤمنين وفي نفس الجملة تلوم من نشروا الفيدو ليتطلع عليه جميع المؤمنين.. منين بتلوم " المعارضة" على نشر الفيدو ومن قام بالتصوير والانزال في اليوتوب هو شرطي تابع لشرطة الانحطاط العام .. منين بتقول الضجة الاعلامية لها مارب خفية في حين تقر انكم لم تتحركوا لتقصي الامر الا بعد هذه الضجة الاعلامية.. منين تقول ان الحكم صحيح ومناسب لجرم المجني عليها وتقول ان القضاء قام بقفل المحكمة ونقل القاضي الذي اصدر هذا الحكم الصحيح.. منين تعترف بخطا التنفيذ وترفض تعرية المنفذّين .. منين ترفض التشهير بالمنفذّين لانهم قد نالوا جزاءهم في حين انت تعيد التشهير بالمجني عليها بعد ان نالت "تعذّيبها".. دولة الظلم والقهر مهما حاولتم الدفاع عن باطلها وسقتوا الاسباب تلو الاسباب تظل دولة ظلم وقهر ظاهرها زيف وباطنها حيف..

Quote: بين الوالي وناس الشُرطة مسرحية شديدة {مُش ح تئدر تغمض عينيكـ} هسي نحن سكرانين ولـاّ شنو ؟ الناس ديل حاكميننا الزمن دا كلو كيف؟ غايتو أنا شايف إنو الحكومة تصادر أمخاخنا أو نحن نصادر الحكومة! سلام يا عزاز :)

Quote: أوووه ! اقبض واحد معاكس سياسي يا عملات الوالي! انت لسه عندك مخ يا محمد الجيلي! سريع في التو و الهسع تمشي تسلمو طوالي لأقرب نقطة بوليس لانو امتلاك الامخاخ دي ما هبتليه! شعب متعب ياخ! عندو مخ و داير يسف وكمان جابت ليها معاكسة سياسية! شعب مرض! ____________ الوالي امتعض من استخدام فيلم جلد الفتاة و خصوصا انو "الأمر خرج لدائرة المعاكسة السياسية" افتكر دي جديدة لنج! في فئة جديدة اسمهم معاكسين سياسين! وسيتم حصرهم في هذا البوست و في هذا المنبر حتى لا يبقى منهم معاكس يشم الهوا!

ـــــــــ


نصيحة اليوم:

{التمبكجية} لو القرار دا إتنفذ خرمة ساااااااكت بقلبوها

Quote: شاهد ت تسجيل اللقاء متأخرا وهذا ماخرجت به :ذكر الوالي أكثر من مرة أن الجريمة حدية وقد تناقض مع ذكره هو نفسه لاحقا حيث أستند علي مواد الدعارة وذكر أن العقوبة جاءت تعزيرا !! وناقض عدد الجلدات التي ذكرت في الفيديو 50 جلدة وزعم أنها كانت 80 ! ولاأدري كيف تكون الجريمة حدية و والمحاكمة بموادلاعلاقة لها بالحدود ? وماهي أساسا الجريمة الحدية التي إقترفتها الفتاة? إن كانت زنا كما يشير كلام الوالي ( حدية) فهل تم إستيفاء شروط الإثبات الشرعي والمرواد في المكحلة ? ولماذا لم يذكر مصير شركاء الفتاة الاخريين وهل حوكموا أم لا? ............ في رأي أن الوالي كان متخبطا ومتناقضا مع نفسه ومع الشريعة ومع إفادة إدارة الشرطة !! .. ثم بأي حق قام الوالي بإعلان سوابق وحيثيات هذه القضية مادامت قد فتحت فيها تحقيقات وماهي فائدة التحقيقات مادام الوالي قد خاض في الامر طولا وعرضا !! ......

(عدل بواسطة كمال عباس on 12-15-2010, 01:12 AM)
(عدل بواسطة كمال عباس on 12-15-2010, 01:52 AM)

Quote: عزاز إزيك ياخ الوالى رهيب إقول حد وإقول 80 جلدة تعزيرا أها يا المكاشفى رايك شنو فى أبو جهل حقكم دا الحدود فيها تعزيرا أنا راى فى جرم الفتاة إنو من حكم عليها هذا القاضى الظاهر لينا بقول خلونا نخلص نشوف شغلنا دا لا يمكن أن يثق شخص فى حكمة وهو قاضى ظالم وشنو البقنعنى القاضى دا ما راودها عن نفسها فرفضت المهم البنت دى للضمان كدا قاتلة وقد عزبت من قتلته وقطعته بصورة وحشية السجن قفلوا وسرحوا ناسوا؟

Quote: هبتلي كيف يعني ؟ والحشاش يملأ شبكتو بي شنو مثلاً ؟ وهل نحنا زاتنا كمواطنين ممكن نكون حشاشين خليك من الشبكات ـــــــــــ ياعزوز ازيك ياخ

______
ازيّ؟ فشفاشي وارم و مرارتي اتهردت!

Quote: الحلقة خلصت! ليه ياخّ!