دعواتكم لزميلنا المفكر د.الباقر العفيف بالشفاء العاجل
|
|
 أوتوجراف..عزاز شامي!
|
نشتاق لوجودك الجميل بننا دائما..
لا تكفينا الطلات المتباعده من وقت لآخر..
صحيح يأتي معها الفرح وكذلك التفاؤل..الا انه عندما يأتي..يغادر دون وعد برجوع قريب..
نحبك كثيرا ودائما نفعل...
|
|
 
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
| Quote: نحبك كثيرا ودائما نفعل... |
شكرا يامنى...
كنت قد حرضتها للعودة باجمل الفوانيس... طلت ورمت بعض من عبقها ثم وعد لا عودة...
شكرا لتحريضك... حتما تسجيب بوعيها ورشاقة قلمها
ودائما نفعل فعل المحبة ياعزاز..دائما
| |
|
|
|
|
|
|
|
|
 Re: أوتوجراف..عزاز شامي! (Re: Ishraga Mustafa)
|
ام احلى نجمتين،
د.اشراقة
تعلمين كما يعنيني ان تستدعيني امراة مثلك، امراة بطعم الحياة ...
تبادلنا حاوارات مطولة عن ما حل بي و بكومة احلامي و كيف اشبعتني 2007 ركلا و شدت شعري! و مازلت ارتدي خرزة وصاياك حرزا من الحزن. وكما وعدتك، استقبلت 2008 بأمل جديد في غد آت ...
كوني قريبة و كوني كما انت، محفزة على الفرح!
لك حبي،
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
أرجو من كل محب للجمال أن يسطر لعزاز كلماته لها..
فعزاز جمالها نادر..
فهي الشمس بعد طول غياب..
ونسمات الهواء اللطيفه في ليالي الخرطوم المقمره الهادئه..
عزاز المرأه والطفله في عقلها وعاطفتها..
جميله في تمردها..
أحب ملامحها كثيرا..احبها في صدقها وقوة صمودها..
اسجل اليوم الجمعه 4 يناير ذروة شزقي لوجودك بيننا..
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
مني خوجلي
كل سنة وانتي طيبة
| Quote: أرجو من كل محب للجمال أن يسطر لعزاز كلماته لها.. |
نسطر لها اجمل معاني الود والتقدير
عزاز لكل من عرفها عن قرب.. شخصية تحمل كل معاني الانسانية
نطالبها من خلال هذا البوست ..بالظهور ولو طشاش
| |
|
|
|
|
|
|
|
|
|
Re: أوتوجراف..عزاز شامي! (Re: yasir Abdelgadir)
|
عزاز شامي ...
وهل تكفي الكلمات في وصف هذه المرأة النبيلة الجميلة ؟؟
عزاز من حاملات نار الوعي المقدسة في زمن الظلام المدلهم
وهي من قائدات الثورة الفكرية التي تضطرم في احشاء شعبنا واجيالنا الجديدة؛
والتي تشكل الثورة النسوية التي نراها امام اعيننا ارهاصتها الأكبر
هي من افضل كاتبات البورد
ومن انبل والطف من عرفت من البشر ؛؛
لها التجلة والمودة والاحترام ....
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
أختي
السغنتوتة عزاز
أحب أن أسمعك وأنت تنادينني
بأخوي الكبير أبوالشوش
وتهيج في صدري كل مشاعر الأخوة الصادقة
ففيك تتمثل كل معاني "الأختوه"
عطرينا بمرورك الزاهي في حلل البهاء والنقاء
أبوالشوش " وجه مشتاق جداً"
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
عزاز .. صاحبة الاسم المتفرد والحرف المتميز ...
رقيقة الحروف .. انيقة التعابير ... عميقة المعاني ...
قرات لها :
Quote:
هل للحب لحطة ميلاد؟
هل يمر بكل مراحل الوجود الأولى؟
أم هو كأول خطوة يخطوها الطفل، تأتي بعد سقطات وعثرات؟
ما هو الحد الفاصل بين "أحببته" وبين "شعور عادي"؟
لو طلب مني كتابة تاريخ ميلاد حبي لك، ماذا اكتب؟
في شهر بدأ بلقائي بك في سنة سعادتي الأولى في تمام اكتمال نصاب الشوق؟
سيدي
لم تكفي محاولاتي لحشر هذه المشاعر في حقيبة الجلد السوداء لإطفاء لمعة عينيك
ولم تنجح حركات أناملك المتوترة تمسح بها على شعرك في إطفاء نار الأسئلة في العيون
وكل خطوة تحملك بعيدا، تعيدك اقرب وأدفأ!
تبتعد في دوائر ودوامات تضيق وتضيق لأكون أنا مركزها بعد سويعات، قل دقائق!
ونمارس هوايتنا في الرقص على النار بأقدامنا الحافية المربوطة بشرائط جرأة وجموح
تتقاطع خطواتنا الهاربة
ألتقي بك حيث الجأ هربا منك
وتجدني أمامك وأنت تفك ربطة عنقك
وتنهيدة الراحة لم تكتمل بعد!
ابعد
تقترب
لم يكن وداعك بالاحتفاء الكافي،
وبدت عبارات الوداع كإعلانات الجرائد المبوية، مكررة باردة، لا تصف حقيقة البضاعة!
لو كانت دنيانا غير هذه، لم تركت تعبر ذلك الباب!
لأ قيدتك بأغلال من عشق
أطلقك صباحا لتعود لي بخيوط الشمس
نغزلها دثارا لبرد لن يأتي!
تصدق؟
لم تنجح حيلتك في إغماض عيني كي لا ترى كتفيك تبتعدان!
فأنا لا أراك بعيني فقط يا سيدي!
فترتيب حواسي مقلوب
يبدأ حولك
وينتهي هنا! |
وبين وقت وآخر ابحث عنها .. ولا اجدها ...
اوقع في الاتوجراف بكل اللغات ...
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
| Quote: أرجو من كل محب للجمال أن يسطر لعزاز كلماته لها.. |
عزاز شابة خلوقة خلاقة حرفها جميل و ربما مشاغل دنياها في غربتها تستهلك جل وقتها ..تواجدها يزين المنبر ..
| |
|
|
|
|
|
|
|
|
 Re: أوتوجراف..عزاز شامي! (Re: Muna Khugali)
|
منًوية وضيوفها..
عام سعيد.. والجاي أحلى..
عزاز.. حضًرتا كلام طويييل وشحمان.. لكن لما بديت أكتب ما سمعت غير صوتك وإحنا بنحكي ونحكي لما بنعمل في مشوارينا الجميلة ديك..
أو لما مشينا لـ 4 كافيهات.. وكل واحدة تقوم تقفل وإحنا لسة ما تمينا الحكي..
ونقوم نمشي نقعد في شارع الله. مع آيسكريم دبل..
شكرا كتير لـ (Facebook).. منه بعرف أخبارك
لكن مفتقدينك هنا..
فبغياب أقلام مثل قلمك.. يعشش البوم ويسكن
missed yaa
| |
|
|
|
|
|
|
|
|
|
Re: أوتوجراف..عزاز شامي! (Re: طلال عفيفي)
|
وبعد كل عدة صفحات تحمل توقيعا أحبه..
اجد نفسي في حاجه لأناديك أكثر..يا من تذكريني بفتيات في المرحله الثانويه..يلبسن الزي
المدرسي السماوي في أناقه..ويسرن بثقه واعتداد تلفت نظر كل من يشاهدها..
وفي كل شهاده بعد اختبار يحصلن عليها..يكون التقدير..جيد جدا!
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
عزاز شامي ..
التقيتها ... ولكن .. هناك سر .. لن ابوح به .. فلتأتي عزاز وتبوح به .. ومن ثم بعد .. نقول كلامنا ..
عزاز تعالي .. في كم من المرات فكرت ان اكتب ولكن غلبني ..
| Quote: الا انه عندما يأتي..يغادر دون وعد برجوع قريب.. |
مودتي !!
| |
|
|
|
|
|
|
|
|
|
Re: أوتوجراف..عزاز شامي! (Re: انعام حيمورة)
|
عُزاز شامى
غُزلان الإدريسى
عالية عوض الكريم
وكثيرات غيرهن
كانوا كاتبات لقلمهن
وقعٌ رزينٌ ، شجاع و ... ممتع .
أفتقد تلك الأقلام كثيراً ،
وأتوق لمطالعة تواقيعهنّ
على صفحات البورد .
يا رب ، الجاب Raja يجيبِن صادات .
دمتن سيدات البورد الشامخات .
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
عزاز شامي
أخت عزيزة
احترمها كثيراً
احترم فكرها المتوهج
احترم قلبها الكبير الشجاع
احترم لغتها الرصينة
احترم ( إنسانها ) الإنسان
وكفى
ليتها تعود
فبالقراءة لأمثالها عمار للعقل
وجلاء لصدأ النفوس
منى وضيوفها
سعيد إنني وسطكم
ننادي أختنا عزاز شامي
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
العزيزة جدا منى وواحبائي أطياف اطيبة التي ترددت على هذا البوست ...
سلام كبير و حضن اكبر وكل سنة وانتم طيبين...
اعترتني مشاعر كثيرة عند رؤيتي عنوان البوست ... فرحت لان كاتبته منونة و شفت اسماءكم ...
خجلت لانو غيابي حرض طيبتكم ...
رجعت فرحت تاني لانو لسه باقين علي ...
ولما تميت فرحي و خجلي بكيت! بكيت جد جد موش دمعت! ما تسألوني ليه! الدموع بالنسبة لي تعبير زيها زي الابتسامة وزي الكلام!
احبائي ... حبيباتي ... اخواني و اخواتي ...
بحبكم كثير و ممتنة جدا لصبركم على شوشة افكاري المنكوشة !
شكرا ليكم و اعذروني على بعد غير متعمد ... انا آسفه
وحاة نخلنا و نيلنا و همبريب بلدنا .... ما تلومومني على الشلهته و الطشاش الغير متعمد... بت مشدودة على ناصية الزمن و ايامي لا اعلم كيف بدت ولا كيف انتهت!
سأعود لكم نفر نفر و اتم ونستي ...
محبتي،
| |
|
|
|
|
|
|
|
|
|
Re: أوتوجراف..عزاز شامي! (Re: عزاز شامي)
|
ومن يوم داك ياعزاز تعاهدنا....
نشيل هم بعض
واحلامنا مانخليها تحتل مهما قسا الزمن
من يوم داك ماتمينا ونستنا...
وحكاوينا...
ولضحكة منى البتفرق الهم والحزن....
فرحانة بيك كيف لو تعرفى ياصديقتى الجميلة....
| |
|
|
|
|
|
|
|
|
|
Re: أوتوجراف..عزاز شامي! (Re: Ishraga Mustafa)
|
منى يابت الخليفة
شحدت ربي يجمع شملك بكل البتحبيهم
بركة الجمعة الجامعة والدعوة العند الله سامعة
دي سنة حلوة الجبتي لينا فيها البت الحلوة دي
أم سنون لولي وعيون جوهر وبسمة سكر
عيني باردة عليها يايما
ياعزاز
فرحانة بيك كل النجوم
لانام بريقا ولا أنطفا
ما الريدة يا أم قلباً ندي
زاد القلوب المرهفة
نحنا ناس قلوبنا رهاااف جايين نتزود من بريقكم
| |
|
|
|
|
|
|
|
|
|
Re: أوتوجراف..عزاز شامي! (Re: عزاز شامي)
|
Quote: العزيزة جدا منى وواحبائي أطياف اطيبة التي ترددت على هذا البوست ...
سلام كبير و حضن اكبر وكل سنة وانتم طيبين...
اعترتني مشاعر كثيرة عند رؤيتي عنوان البوست ... فرحت لان كاتبته منونة و شفت اسماءكم ...
خجلت لانو غيابي حرض طيبتكم ...
رجعت فرحت تاني لانو لسه باقين علي ...
ولما تميت فرحي و خجلي بكيت! بكيت جد جد موش دمعت! ما تسألوني ليه! الدموع بالنسبة لي تعبير زيها زي الابتسامة وزي الكلام!
احبائي ... حبيباتي ... اخواني و اخواتي ...
بحبكم كثير و ممتنة جدا لصبركم على شوشة افكاري المنكوشة !
شكرا ليكم و اعذروني على بعد غير متعمد ... انا آسفه
وحاة نخلنا و نيلنا و همبريب بلدنا .... ما تلومومني على الشلهته و الطشاش الغير متعمد... بت مشدودة على ناصية الزمن و ايامي لا اعلم كيف بدت ولا كيف انتهت!
سأعود لكم نفر نفر و اتم ونستي ...
محبتي، |
وافترقنا بدموع..وتقابلنا هنا بدموع..
هذا لم يعد اوتوجراف فقط..
هذه مظاهرة حب أخوي جميل ونبيل..
نحن بعض من نساء البورد ومعه مجموعه من اخوتك الرجال..
أعلنا الاقامه هنا..
نقرأ كلماتك بمسامنا..نضحك ونحكي المواقف..
تلك التي تشبه ايسكريم رجاء..
وحوامة شروقه في اللوبي وفي صالة الأفطار وصوتها الطفولي يطالبنا بالحركه للداخل..
ستكون معنا ندويه تسالنا من وقت لأخر وهي تهاذرنا..انتو في شنو؟؟
سنحكي ونفرح بالحكي لنآنس قلوبنا.. وستاتينا تايسا بالصور الجميله لنقول بمجرد رؤيتنا لها ..
تبارك الخالق..فتوافق نهال دون تردد بينما الشوق للونسه يظهر وجه سنسن..
وربما كانت سمسم اقدر علي أن تقرا مايكف العين ليس بالقرآن الكريم وحده..بل بأشعارها الجميله..
ومعنا ومع شمس الدين وحيدر وعاطف ومعتصم ثم ياسر وعادل..تفشي نعومي سركم..
فيضحك لها شوقي أخوكي الكبير وابو بكر الطيب أخوكم وأخوي..
وفي القعده الجميله يجينا حبيبنا طله..يجر المسند ويقعد يسأل..
اها ياخوانا وقفتو وين؟؟
ترد عليه تمرا بابيات حب تحملنا بعيدا..
و........
وليالينا حلوه بوجودك ياسمرا...
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
Quote: أعلنا الاقامه هنا..
نقرأ كلماتك بمسامنا..نضحك ونحكي المواقف..
تلك التي تشبه ايسكريم رجاء..
وحوامة شروقه في اللوبي وفي صالة الأفطار وصوتها الطفولي يطالبنا بالحركه للداخل.. |
ومنو مركزة فى المحاضرة وتخزن فى الكلام فى رأسها للفلفلة,,, وكانت أيام ياقيينا
شكرا يامنى على التحريض الجميل..
شكرا لعودة عزاز
| |
|
|
|
|
|
|
|
|
|
Re: أوتوجراف..عزاز شامي! (Re: Ishraga Mustafa)
|
ما الحادث اليوم ... فقد خرجت لتوي من بوست ينادي شذى بلة,
وهي الآهلة بكل المعاني الحلوة والآخذة نحو كل الأبعاد الوريفة.
فإذا بمنى خوجلي تستتبعنا طيفا آخرا على ذات السياق, إنها عزاز
بكل معزتها فى القلوب وبكل أحبارها المغموسة فى دواة الأنبياء.
فما تبقى فى الحجر الإسفيري غير ميسون النجومي ... وهذه قصة
أخرى ... ولها حينها بالطبع.
عزاز ... كيفنك ... وأنت تستأجرين متسعا من الخيال وتعاريشه
الإستثنائية ... لأجل إباضة فخيمة على دروب الإبداع والتجلي
المائز ... المبين ... أو هكذا أنت.
فليس كثيرا أن غيابك يورثنا جهالة وتكلس مزاج, كما ليس قليلا
أن توردينا كلمة ... نجمل بها ... كل الكلام.
فتعالي ... بالله ... وأطائي ذلك البساط الأحمر المنسوج على نول
مستحقاتك فى الإبداع وتجزيلك لعرى المحبة.
شكرا ... منى خوجلي ... فأصبت ... وكما العادة.
مع ندي مودي
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
كاحرفها,,,, تعبيء منها (جيوب) دهشتك
تختزن منها احترامك الى الاخر وتبصر الاشياء بعقلية وتعقل.
لانها امرأه من زمن اخر وكون اخر
تدرك كنه الجمال.
التحية لكي عزاز
ولكي مني خوجلي ,, فمن جمالك انت تبدو الاشياء اجمل
مودتي وتحيتي لكم والسلام
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
Quote: نشتاق لوجودك الجميل بننا دائما..
لا تكفينا الطلات المتباعده من وقت لآخر..
صحيح يأتي معها الفرح وكذلك التفاؤل..
الا انه عندما يأتي..
يغادر دون وعد برجوع قريب..
نحبك كثيرا ودائما نفعل... |
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
عزاز
وكفي
لساني تلعثم الكلم الجميل
ويدى خطرفة الخط الكسـيح
وعيوني مسبلات
عند عيناها التوهج
فلا الدار نعرفهاإن غاب باريها
ولا الحديق النضرإن ضـن ساقيها
كا سنة وانتو جميلين
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
Quote: والله مشتاقة ليها شددددددددددددددديد
ولما بشوف اسمها مع الحضور بفررررررررح ..
ليك كل الحب ياعزاز الرائعة
وليك يامني كل الحب |
اختي نادية،
يدوم فرحك يا غالية وكل سنة وانتي طيبة والاماني تتحقق و تفرش ليك السهلة ورود و اغاني...
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
بوست اللوحة الالهية
حيدر أوسمان على قولة حبوبتي ...
موش منى برضو في الموضوع؟ يبقى اكيد لوحة وفن و جمال!
انا عارفة انو كلامك السمح ده لمنى وانا حاتشعبط فيهو، موش قلتو لي ارجعي! شيلوا شيلتكم بقى مع شلاقتي 
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
Quote:
أرجو من كل محب للجمال أن يسطر لعزاز كلماته لها..
فعزاز جمالها نادر..
فهي الشمس بعد طول غياب..
ونسمات الهواء اللطيفه في ليالي الخرطوم المقمره الهادئه..
عزاز المرأه والطفله في عقلها وعاطفتها..
جميله في تمردها..
أحب ملامحها كثيرا..احبها في صدقها وقوة صمودها..
|
عـزاز شامي
زميلـة مثقفـة وواعيـة
تعتز عزاز باستقـلاليـة حقيقيـة استطاعـت أن تعيشـهـا بتفاصيلهـا
وهي أنمـوذج لسـودانية ناجحـة
لها خطها الواضـح في الكتابـة وهي تكتب لقناعاتها الشخصية والامتاع الذاتي قبل مخاطبـة الآخـرين
لو تابعت رؤاهـا لأصبحـت روائيـة لها شأن
عـزاز تستحـق السؤال عـنهـا فلك التحيـة أخت منى
أحمـد الشايقي
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
احبائي ...
صباح الورد و فطاير الجبنة و الشاي المنعنع...
اعذروني على الانقطاع الغير مقصود فامتحاناتي النهائية تبدأ غدا و لمدة اسبوعين ... ادعو لي!
سأختلس لحطات الراحة لاكون بينكم و لاتزود من لطفكم حنيتكم...
تسلموا لي نفر نفر و حلوة حلوة
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
الله يقطع الغضب وسنينو ...
كان هو السبب الوحيد الاخرنى من الحضور والتواجد هنا ..
راحت على الفرصة ؟ ولا فى امل القى فرقة مع الحضور الجميل هنا ...
عزاز تحياتى وامنياتى ليك ولمنى ولكل الزوار هنا بعام سعيد تتحقق فيه كل الامنيات الطبيه ..
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
حبايبي الحلوين ...
صباحات زاهية و مزركشة زي ملايات العيد ...
من البوست ده ادشن بعناية الملائكة منى و اخواتها وأخوانها و انا ماسكاني ام فريحانة كده و حاسة انو جبت الأولى و أي زول يكلمني باتلفت ليهو بمحبة و لطافة غير معهودة لمن انا زاتي ما عرفتني! وطلعت علي اشاعة انو الحمى الجاتني في العيد تركت آثارها و يا ريت تجيني حمى تاني تطيّر الباقي.
وبناء عليه، جئت اليوم وكل عزم انو أرد ليكم جميعا و احتفى بكل كلمة كتبتوها و اشكركم على محبتكم القشرت بيهاعلى زميل مكتبي المصر انو انا سبب ثقب الأزون و مصدر رئيسي للضوضاء.
ما علينا، طبعا عزمي أتكسر واتدشدش على صخرة حقيقة مرة هي انو انا ما حأقدر اوفيكم حقكم من ناحية و من ناحية تانية انو الساعة 8 صباحا كان في 25 جوز عيون بتبحلق فيني لانو المفروض كنت اعمل ليهم شغلهم وما عملتو لانو انا عادة ما بشتغل و انا نايمة و ما بشم على ظهر ايدي علشان اتبصر الشغل ممكن يكون داير شنو بكرة الصباح!! السترة يا الله بس!
المهم ... عندنا زيارة كبيرة جدا و بقدرة قادر اسمي موجود في لائحة 3 اجتماعات في نفس الوقت ... احتمال جاكتتي تحضر الاجتماع الأقل أهمية و ارسل شنطتي التاني و انا وباقي البدلة نحضر الأهم.
وعلشان ما اخسر رصيد محبتكم بمرور الأيام من غير رد يوفيكم قدركم، قررت انو اعمل كوبونات مودة بقيمة 1500 نقطة حب لا تصرف إلا للمستفيد الأول يعني الدخلوا هنا فغط .... يمنع صرفها لمن ابدوا محبتهم في اي محفل آخر الكوبونات دي ما عارفة حاصرفها كيف لكن العافية بالدرجات والمهم انو هي ما كوبونات طايرة و ليها رصيد.
غايتو لغاية ما اتم الزيارة دي واتم امتحاناتي، خسمتكم النبي تصرفوا كوبوناتي دي في اقرب فرصة وتعذروني على التقصير ...
كل الحب،
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
عزاز.. رب أخت لم تلدها أمك.. في انتظارك هنا وفي موقع عمارة وعبري والمنتدى النوبي وكل مجلس يزدان بطلتك.. في انتظارك في جمعية الصحفيين السودانيين وجها لوجه تنثرين الفكرة والنكتة والضحكة.. تحياتي لك أختي مع إطلالة العام الهجري الجديد، ورزمة تهاني بكل الأعياد الجميلة في هذه الأيام، وهذا العام نريده عام الحسم.. بتفهميها وهي طايرة.. باسم اختي وبت حتتي عزاز أحيي كل من خط حرفًا، والتحية لمن امتعتنا بهذا النغم الحالم (منى).. لكم مودتي.
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
انا غايتو خايف من ست البينسه...
بعدين الكبونات دي متين جابوها زاتو...
ياعزاز
ياعزاز
اخر كبون انا حاجزو بالسوق الاسود مامشكله المهم نبقي خاشين مع االناس القاسموك الفرح ديل
يامني خوجلي...
....
....
....
.....
...........................
...............................
....................
.
؟
.....؟
ولا شنو؟
عليش
| |
|
|
|
|
|
|
|
|
|
Re: أوتوجراف..عزاز شامي! (Re: Mohamed Ahmaed Olyesh)
|
منى إزيك وكل عام وإنت بخير وضيوفك الجميلين
عزاز شامي إزيك وكل عام وإنت بخير
مشتاقين لحرفك
كنت متأكد إنّي بلقى دكين هنا ونويت أجي أشمت فيهو
إلا خاب توقعي، معقولة بس؟
كوني بخير يا عزاز وإنت بت رائعة ومؤدّبة الحاج دكين الخمجان
واحشانا والله
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
مني وعزاز
حقا انتو حلويين
عبدالمجيدصالح
منبردارفور الديمقراطي
----------------------------------------------------------------------------
تقرير المصير للاقاليم المهمشة
| |
|
|
|
|
|
|
|
|
|
Re: أوتوجراف..عزاز شامي! (Re: Raja)
|
الاعزاء الحضور جميعا
اسفة جدا ظروفي اليومين ديل ملخبطة ومانعاني من التواصل
اتمنى اليومين الجايات يجيبو معاهم شوية استقرار واجي
ماعارفة حكاية الكبونات شنو (من السرعة ماقريت كل البوست)لكن انا زي رجا وعادل عاوزة برضو
عزاز انا بحبك وبحترمك
| |
|
|
|
|
|
|
|
|
|
Re: أوتوجراف..عزاز شامي! (Re: Rawia)
|
اول حاجه يارب البوست ده ما تخربو اي حاجه .. يارب
تاني حاجه ... البوست ده لي ايام بدخل اتاوق واشيل نفسي واطلع ..
تالت حاجه شكرا يا منى على الحب المالي المكان ومدفي برد بلاد الله البعيده !!
رابع ياريت كل الناس حبال الريد تجمع بينهم كان الخير عمه الدنيا ..
تلغراف أو اوتوغراف او حته اعتراف ...
عزاز شامي
صادرت كل البنات من لغتي !!
ايمن السر
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
...
يامرشحاني...لدخول قلبك فرح...
يامستعجلاني علي الحس الرهيف...
ماتقول لي انك في شباك الريد وقعتي...
ومااظنك تبقي..بي ذات الوليف..
ده الشوق بيعرف ...كيف يدخلك
ومن نوافذ الدم يحرق...العصب الشفيف..
وكتين اقابلك...دنيا تسرح..بخيالا
والفرحه بتـعدي الرصيف....
ولما شفتك...
ما اظن حسيتو قلبي...
لما شفتك طش دربي...
والنفس يا الله طالع
والقلب ظنيت يقيف...
يا....
....
...
...
.....
الواحد لما يدخل ليهو بوست جميل بيمرق بي باقي كلمات ويدندن لامن يصل القمه ...
بهديكم
عليش
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
تلج زي التلج ..
إتزكرت العريس المن أهل العوض يوم عرسو قادّي الناس بي مراسيل وعامل فيها أبو عرّام ..
الشباب جوهو قالوا ليهو يا عريس نحن ماشين السوق نجيب التلج عندك أي وصية ؟
قال ليهم :
أي..بالله جيبو لينا تلج صااااااااااااااااااااااااااقط كده ..
غايتو يا عزاز تلجك صاااااااااقط جنس صقط ..ناقصو أساسي ودكين
يا حليلنا نحن ..لينا الله وعيشة السوق ..الواحد مننا يغيب يجي يفقدو ليك سامي عبد الوهاب عامل عيونو الصغار ديل ويجي يقول ليك العجب وموسى الزومة وقلق وعمار مرق وكرنقو وابجلمبو ..
بالله شوف هنا الفاقد والمفقود يا سامي وإتعلم ..
جابتني الكبونات باقي كبونات عزاز دي بيكون فيها كبون تسوّق مجاني بقيمة ألفين ريال ووجبة من ماكدونالدز + بطاطس كبير+ بيبسي كبير + حلقات البصل إضافة إلى السحب على سيارة "تاهو" العملاقة ..
عمر الفاروق في حالة تعايش سلمي ..
| |
|
|
|
|
|
|
|
|
|
Re: أوتوجراف..عزاز شامي! (Re: عمر الفاروق)
|
عزاز....اتذكرك كثيراً في في مؤتمر فيينا ....
احتفظ ببعض صورنا معاً
شكراً ..للدكتورة اشراقة لانها جعلتنا نراك ذات يوم
شكراً لمنى خوجلي الجميلة لانها نادتك للرجوع بيننا مرة اخرى
جميلة انيقة ...ملتزمة بقضايا المرأة في بلادي...
سؤال هل مازلت تعملين في ذات السفارة في السعودية...لاني عندي العنوان؟
لكي الحب
منال
| |
|
|
|
|
|
|
|
|
|
Re: أوتوجراف..عزاز شامي! (Re: عواطف ادريس اسماعيل)
|
وغرقت صفحات الأوتوغراف بحبر كلمات الحي..
........
........
ناس بعاد جو بكرعينهم..
وناس مخصوص عشانك اتعايشوا سلميا..
وناس بقوا يقولوا شعر ماحصل..
وناس تتاوق وترجع انا شايفاهم...
وغتيتوا الكوبانات في..
بس ورونا...
اما انت يا حي لقلوب وقوتها..
منتظرنك تخلصي وتجي تبهجينا..
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
يا عادل عبد العاطي
إزيك وكل عام وأنت بخير
تحياتي لآماليا وأمّها، وإنت المنقطع مالك؟
دكين مصيرو يجي هنا، أنا لا بد ليهو، وزي ما قال عمر الفاروق –القبيح- لو جاء أساسي بتم الناقصة
كن بألف خير
| |
|
|
|
|
|
|
|
|
|
Re: أوتوجراف..عزاز شامي! (Re: انعام عبد الحفيظ)
|
عزاز شامي
البنية دي كتااااابة شديدومعجب بكتابتها للاخر
حصل لي موقف طريف مع اسمها :
كان عندي اجتماع في مكتب تاني مع واحد اسمو ناصر الشلقامي
وجيت المكتب في الموعد المحدد : وبكل ادب طلبت من بتاع الاستقبال انو عندي اجتماع مع الاستاذ/ عزاز شامي....طبعا الراجل اتحير تماما وقال لي انو ما عندهم واحد بالاسم ده.
قلت ليهو ياخ انا مكلم الراجل قبل ساعة : والراجل مصر انو ما عندهم زول بالاسم ده
في الاخر قلت ليهو خلاص انا ح اكلمو في الجوال : دقيت الرقم: ظهر اسم ناصر
وشي بقى احمر اخضر اصفر : وقعدت اضحك وبتاع الاستقبال حيرتو زدات
(وفي سري بقول شكيتك محنك يا عزاز شامي)
تحياتي
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
جميل انو ارتبط في ذهن المدهش محسن خالد والعزيز ع.عبد العاطي بي عزاز
واحسب الاخوان بقرانين من المجاورة التي حظيت بيها في غربة لا النفس راضية بها ولا الاصدقاء الذين خبرتهم في ازمنة غبرتها الالفية التانية..
انا يا حلوين كان عجبكم عزاز دي تلون حياتي بين الحينة والحين..
ومرة مرة بتخبتني بي فرشاة احاديثا الملونة حين تتغبش صفحات الايام..
انا من القلة المحظوظة الذين لازموها في تشريفات وحفلات وجلسات شاي مغرب..
انا وعزاز بصراحة احلى لامن نكون معه بعض ..
بس عزاز فكرة الحلاوة دي ماواقعة ليها..
بس لكل مكابر حدوت..
عزوز حين تدلهم الخطوب..
| |
|
|
|
|
|
|
|
|
|
Re: أوتوجراف..عزاز شامي! (Re: DKEEN)
|
عادل ومحسن خالد
قبل مدة طرحتا لي عزاز فكرة الزواج ..
قائلا : تعرفي يا عزاز انا ما حالقى احسن منك ..
فردا سريع جدا: بتلقى .. بتلقى..
بت متواضعة جدا شايفاني زول ذو شأن لدرجة انها بتفضلني على نفسها ودايرة لي الاحسن منها..
واذكر مرة طرشق مني لستك عربية وانا على بعد 60 كيلو من الرياض وماكان عندي رصيد لي زول بس لي عزاز..
قتا ليها انا في الخلا والعربية بايظة ممكن لو سمحتي تبلغي دوريات الشرطة عشان الواضة فللت..
قات لي : دوريات شنو يا حبة..انا حابلغ جمعية حماية الحياة الفطرية ..يلمو إناث الغزلان والثعالب والسحالي بالجوار قبل ما تصلهم..
وبالرغم من هذا القسا والعنف الخطابي تجاهي من عزاز بس السماحة غالبة..
واخوكم تهزمة الانوثة والدلال ومانحو ذلك..
عزوز الناطق الرسمي باسم إناث الكائنات البرية..
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
| Quote: وماكان عندي رصيد لي زول بس لي عزاز.. |
غايتو يا عزاز كان عندك مشاعيير ومحاسيس بعد الجملة دي مفروض يكون المأذون في يدك والعقد في مسجد الراجحي بعد صلاة الجمعة ..
تخريمة :
دحين يا دكين الوقت السمعت فيهو رد عزاز بي التلفون ده مش كان خلّاك تكلم الدوريات بس ده كان خلّاك تكلم الدوريات وحرس الحدود والهجّانة والمارينز وقوات التحالف ..
| |
|
|
|
|
|
|
|
|
|
Re: أوتوجراف..عزاز شامي! (Re: Kostawi)
|
ما عارف يا دكين انتابني شعورقوى بمتابعة ما تكتبه هنا عن عزاز !
اذ اتردد كل سانحة علي البوست علٌك تداخلت فيه!
وانتابني شعور اقوى في الحديث اليك ! عن ماذا و لماذ لست ادري حتى الان على اقل تقدير!
ولكن الشعور الاقوى هو ذلك الذي يدفعني لتحية عزاز شامي -لكونها موجودة في هذه الحياة- حتى يخرصني من عجزي عن الخط في وصفه!
منى خوجلي تملك الفضل في هذا
| |
|
|
|
|
|
|
|
|
|
Re: أوتوجراف..عزاز شامي! (Re: Abubaker Ahmed)
|
بالله هو الوغد الجميل حضر
شيل شيلتك عاد يا عزيز، إزيك وواحشنا خالص. ياخي من طيرة التمساح ديك تاني ما لاقيتك. اسمها شنو هي بـ-الكوشية- يا عملات بشاشا؟
قلت لي كيف!؟ قالت ليك: بتلقى بتلقى، -على نحو سريع ومُكَلْفِت طبعاً- هاااههييي. دا شاكوش تيك أوي، بتمشي تشتريهو بإيدك وتنقلع عشان تأكلو في حنانك بالليل وبراااك، بالسوداني ممكن نترجمو (البتسوي بإيدك يغلب أجاويدك) أو (البتسوطو بإيدك ما يغلبك شرابو). وهناك شواكيش هوم ديلفري، ودي نوعية بتاعة شواكيش ظهرت مع الانترنت، لأنو العريس بكون في بلد والبنيّة في بلد، فبجيبوهوا ليك لاحدي محلّك زي الهوم ديلفري، بالضبط. إذن أي شاكوش على النت والهواء مباشرة فاسمو هوم ديلفري.
إنت فاااهم الكرشة والطردة –الأخيرة، التيك أوي دي- المغلّفة في شكل وردة يا أخوي، لكن داير تعمل فيها مجنون نُص صحاري نجد.
تقوم تقول عبارة تحنّن حتّى قلب الجراد زي دي:
(جميل إنو أرتبط في ذهن المدهش محسن خالد والعزيز ع. عبد العاطي بي عزاز).
يا صديقي في الغار إنت مرتبط في أذهانا بالشاكوش الزماان بتاع الهوم ديلفري، هنا في بورد بكري دا. وهسّع جبت ليك معاهو تيك أوي كمان، ياخ شبعت كفاك. مع إنّي حزين هذه الأيام جيت هذا البوست ووجدت التيك أوي بتاعك مقنطر بدون خجلة ففرّقت علي أحزاني، من يشوف مصائب غيره تهون عليه مصيبته.
هي الملكة عزاز وينها؟
--------------------
عمر الفاروق، قلتَ لي أقارن! يا محنك! أحمد ربّك عرست ساي، غشيتها كيف عليك الله بت الناس دي؟ السعودية دي مشهورة بعرس الفيديو غايتو. يا قول البنات –أنا ما بنزل للمستويات دي- وكان جنيت تب وبقيت زول مقارنة قايلني يا أخوي أعمى من البوست بتاع ألن ديلون، قال أقارن قال. أمشي شوف ليك سنتر ليق يملاك فرناقة، ود خالد دا بتاع دوري ممتاز وكدا. ما شايفني غيّرت الصورة بتاعتي بواحدة اتصورتها "حديثة لنج"، لأنو الناس نجهوني شكلك في الواقع صغيروووني –تلاتة واوات بالله في المفردة دي، ما تنسَ تمطّها كويييس- فلاموني ليييه أخت صورة شكلها عجوز، أهو غيرناها كان ربّنا يغيّر حالنا من حال دكين.
هامش------
يا شباب هووي، أنا بطريقتي مع دكين وعزاز ديل، أصحابي وبهظّر معاهم، ما بشاغل من طرف، لأنو البورد دا تلتينو من أصحاب المواعين الضيقة. ومن النوع التقول ليهو نكتة وتقعد تعتذر، زمان أنا كنت زعلان من صاحبي فداعيتو كدا: إن شاء الله ربّنا يرميك في ناس، تقول النكتة وتقعد تتعذّر. ومع إني رجل صالح ودعوتي مستجابة، إلا إنو صاحبي لاهسع ربنا ما رماهو في البورد دا ليه ما عارف!!
| |
|
|
|
|
|
|
|
|
|
Re: أوتوجراف..عزاز شامي! (Re: محسن خالد)
|
| Quote: يا شباب هووي، أنا بطريقتي مع دكين وعزاز ديل، أصحابي وبهظّر معاهم، ما بشاغل من طرف، لأنو البورد دا تلتينو من أصحاب المواعين الضيقة. ومن النوع التقول ليهو نكتة وتقعد تعتذر، زمان أنا كنت زعلان من صاحبي فداعيتو كدا: إن شاء الله ربّنا يرميك في ناس، تقول النكتة وتقعد تتعذّر. ومع إني رجل صالح ودعوتي مستجابة، إلا إنو صاحبي لاهسع ربنا ما رماهو في البورد دا ليه ما عارف!! |
اطلب ليه عضويه هنا بالدس
| |
|
|
|
|
|
|
|
|
|
Re: أوتوجراف..عزاز شامي! (Re: Abubaker Ahmed)
|
Abubaker Ahmed
صباح الخير..
| Quote: وانتابني شعور اقوى في الحديث اليك ! عن ماذا و لماذ لست ادري حتى الان على اقل تقدير! |
غايتو للضمان كده لو عايزني في حكي عن عزوز ...
انسى ..
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
ألسي محسن :
| Quote: وكان جنيت تب وبقيت زول مقارنة قايلني يا أخوي أعمى من البوست بتاع ألن ديلون، |
والله إنت زول مجرم
| Quote: ما شايفني غيّرت الصورة بتاعتي بواحدة اتصورتها "حديثة لنج"، |
تعرف يا قريبك انا أول ما شفت الصورة دي جاني إحساس بي العربية الشيفورلية أم لساتك إسبيرات بي الجمبة وبابها بيفتح عكس ديك ..
الصورة دي كان أديتها أسود وأبيض بترجعك لي زمن ناس شارلي شابلن وبتمرقك من الدوري الممتاز والليق زااااتو ما بتلم فيهو والشافك في دافوري أولاد الحلة مااااا كضب..
| Quote: يا شباب هووي، أنا بطريقتي مع دكين وعزاز ديل، أصحابي وبهظّر معاهم، ما بشاغل من طرف، |
مبدئياً كده يا سحس وبمناسبة العام الجديد (أفرنجي/هجري) حا أعتبر نفسي ما من ناس طرف ...
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
هو ماشاكوش واحد يا محسن
عزاز انا كل ما الاقيها بطرح ليها فكرة انو انا ماحالقى احسن منها..
الشاكوش بعيد عنك هو recycling شاكوش..
يعاد تدويره - وبكل اريحية- عند كل لقاء ..
إصرار عجيب على الارتباط بأنثى تملك ابتسامات مفاتيح لكل شي ..
دفاع مستميت عن قسمتي من الإناث ..وقسمتي من البهجة وقسمتي من الوجه الحسن وأسنان اللؤلؤ..
استغلال واعي للمحيط البيئي الذي تنعدم فيه خيارات عرض الرجال ..
انا الانسب لانني من القلة المتاحة في بلاد يتحفظون اجتماعيا..
انا- لحسن حظي- او خواجات من نورث كارولاينا وجنوبها او واشنطن او داكوتا او ماشئت من اباطيل ..
انا الانسب ..لان المتاح الاخر كلو مستورد لايحتفي كثيرا بالدخان والحناء وونسات الضحى وقرآن الفجر المسموع وظلال النخيل في اقاصي شمال بلادي..
نوبي ..
مقبول شكلا..
وليبرال..
واحتفي كثيرا بطائر التمساح ..والتمساح ذاتو لو تعلم..
صحيح مفلس بس ليست عزاز من تضع المال ضمن اولويات ماهو مطلوب من بعلها..
المجنني انو انتا ما قلعك من خلوتك تاني إلا اتوغراف عزاز ..
تغيب وتغيب وتجي عشان بوست عزاز؟؟
وفي بلادي يقول الناس ( المرفعين مابهرول عبث )
وانا اقلقني انو ماعرفتا هرولتك دي قاصد بيها ست البوست ولا قاصد بيها عزوز...
فلو ست البوست دربك اخدر ..فظني انها اصلا لا ُتُـطيقني ومُـدرج انا ضمن قائمة قيامتها ...
ولو كمان قومة نفسك دي من اجل عزوز فاني مُـحذرك من مغبة هرولات لاتدري اين تنتهي بك..
فشراك حنيني منصوبة في بريتها.. ونبالي قاصدة ترومها..فاحذر شراك الحنين ونبال الحليم اذا نبل..
ومع ذلك انبسطت من احاديثك كعادتي عندها..
انا لامن ماعرفتا هل انا مبسوط لانو الكلام فيه مافيه من بسطة في الـِولف والمودة ام لانو القائل محسن خالد بي كل احداثياتو الجميلة ديك..
ولشد ما اعجبتني بلاغة الدعوة بتاعة ناس تنكت ليهم وتعتذر..
فتلك حالة تدعو الى ايثار التوحد والزهد في خلق الله ..
اهو دي بالضبط حالتي في الرياض يا اب جلحات..
الـوذ بعزاز عماد العزائم عند الملمات الكبيرة زي ماقال احمد عبد العال..
تتقبل منى كل اعوجاجى وانهزامى في المدن الخيام هذه..
ومن ثم تستودعني شاكوشها المدور الانيق وتغلق الباب ..
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
واحدة من مداخلات دكين العجيبة :
Quote: هو ماشاكوش واحد يا محسن
عزاز انا كل ما الاقيها بطرح ليها فكرة انو انا ماحالقى احسن منها..
الشاكوش بعيد عنك هو recycling شاكوش..
يعاد تدويره - وبكل اريحية- عند كل لقاء ..
إصرار عجيب على الارتباط بأنثى تملك ابتسامات مفاتيح لكل شي ..
دفاع مستميت عن قسمتي من الإناث ..وقسمتي من البهجة وقسمتي من الوجه الحسن وأسنان اللؤلؤ..
استغلال واعي للمحيط البيئي الذي تنعدم فيه خيارات عرض الرجال ..
انا الانسب لانني من القلة المتاحة في بلاد يتحفظون اجتماعيا..
انا- لحسن حظي- او خواجات من نورث كارولاينا وجنوبها او واشنطن او داكوتا او ماشئت من اباطيل ..
انا الانسب ..لان المتاح الاخر كلو مستورد لايحتفي كثيرا بالدخان والحناء وونسات الضحى وقرآن الفجر المسموع وظلال النخيل في اقاصي شمال بلادي..
نوبي ..
مقبول شكلا..
وليبرال..
واحتفي كثيرا بطائر التمساح ..والتمساح ذاتو لو تعلم..
صحيح مفلس بس ليست عزاز من تضع المال ضمن اولويات ماهو مطلوب من بعلها..
المجنني انو انتا ما قلعك من خلوتك تاني إلا اتوغراف عزاز ..
تغيب وتغيب وتجي عشان بوست عزاز؟؟
وفي بلادي يقول الناس ( المرفعين مابهرول عبث )
وانا اقلقني انو ماعرفتا هرولتك دي قاصد بيها ست البوست ولا قاصد بيها عزوز...
فلو ست البوست دربك اخدر ..فظني انها اصلا لا ُتُـطيقني ومُـدرج انا ضمن قائمة قيامتها ...
ولو كمان قومة نفسك دي من اجل عزوز فاني مُـحذرك من مغبة هرولات لاتدري اين تنتهي بك..
فشراك حنيني منصوبة في بريتها.. ونبالي قاصدة ترومها..فاحذر شراك الحنين ونبال الحليم اذا نبل..
ومع ذلك انبسطت من احاديثك كعادتي عندها..
انا لامن ماعرفتا هل انا مبسوط لانو الكلام فيه مافيه من بسطة في الـِولف والمودة ام لانو القائل محسن خالد بي كل احداثياتو الجميلة ديك..
ولشد ما اعجبتني بلاغة الدعوة بتاعة ناس تنكت ليهم وتعتذر..
فتلك حالة تدعو الى ايثار التوحد والزهد في خلق الله ..
اهو دي بالضبط حالتي في الرياض يا اب جلحات..
الـوذ بعزاز عماد العزائم عند الملمات الكبيرة زي ماقال احمد عبد العال..
تتقبل منى كل اعوجاجى وانهزامى في المدن الخيام هذه..
ومن ثم تستودعني شاكوشها المدور الانيق وتغلق الباب .. |
كل سطر في المداخلة دي مدرسة وموضوع منفصل ..
دكين ومحسن والجو صافي مش حا تأدر تغمض عينيك ..
تخريمة :
ألسي محسن مبدئياً كده أمشك لينا في الدرب ده لحدي أخرو وما تخرم لا يمين ولا شمال سمح؟
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
صباح الخير ... مساء الخير ... و خير كل الأوقات يا جماعة ...
طبعا لا يمكنني وصف الشعور المضرجع بالسعادة و المرح اللي انا حاسة بيهو حسي ...
عاد يا منى يا بت خوجلي، إلهي يفتحها في وشك و يرزقك رضاه و محبة عبادة و لا تشقي لا تضيمي لا تزعلي لا تتكدري ...
أما انتم يا من مررتم من هنا، غالبني اشكركم و أحبكم! أضأتم أيامي بكمية من الفرح نستني هم المذاكرة و هم الشغل و قصر الحال. انا غنية بيكم و بوجودكم في حياتي ...
حاسة انو انا عندي مليون ايد و ايد رافعة ايدها بالدعاء المستجاب
ومليون حلم برسم التحقيق ...
و مليون حضن ...
ومليون طبطبة ...
وغلاوة عيون امي، ما بيخفف علي شلهتت الزمن إلا المرور من هنا ...
و رحمة أبوي ما فك قرفتي من الغربة إلا مروري بجاي ... و من يوم البوست ده ما اتفتحت ما قشيت عيوني من بكا لا نفخت صدري من حسرة ...
روحوا إلهي تتحبوا لمن تآمنو ياخ!
مولاحظة: الرجاء من الذين طرحوا محبتهم في سياق آخر الاتصال بمكتب التنسيق في الرياض لتسليم أوراقهم. هذه المولاحظة لا تشمل دكين لانو طلبه (ينظر و يفاد)
| |
|
|
|
|
|
|
|
|
|
Re: أوتوجراف..عزاز شامي! (Re: عزاز شامي)
|
عزاز زولتاً ما هينة، قلما تفتيحة وقلبو حار وبتنفقد (كلامي ده ما فوق غرض يا دكين- بقرا ليها وما بتنح في الصورة خااالص كدي يعني ).
محسن (مرفعين الضباب) ما بمرقك شيتاً خمج، إلا الزولة دي نفسا في الكتابة ونفس دكين حبر واتقسم نصين. وبينهم مشترك الصحراء وحراق الروح، وبينهم شواكيش حراق الروح ح يقلبا لي (موافقة يااخ طلًعت روحنا) . يعني الزول ده -هنا- كدة كدة خارتك . شوف ليك صورة اسغر يكمن تظبط
*
*
*
(اها يا دكين ما قربنا نجمع شعرتين في الخلال)
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
يجذبني عطر الولف الى هذا المكان كل ما ضاقت بي الاماكن اخرى ..
طلة صاحبة الاتوجراف المشرقة بابتسامتها التي تفتح ابواب القلوب ...
كرنفال الود وكل المشتركين فيه ...
البوست بقى طافح بالمتعة بعد دخول الوغد كما يحلو لاصحابه تسميته ...
دكين .. وما ادراك ما دكين ... مخلوق من نور يحلو له ارتداء الظلام ...
ودة ما غزل يا دكين .. حقيقي بتحلو قراءتك لمن تكون رايق وما بتكتب حاجات تصدم العيون ...
وكمان محسن خالد ؟؟ والله بختك يا عزاز .. جوك الناس العزاز بكل حبهم والقهم وتالقهم...
والدويتو بين المذكورين اعلاه يجعلنا نلتهم الاسطر .. نبتسم .. ونعبس .. ثم نقهقه ...
يا محسن لو كنا عارفين الورق بيخليك تختفي كدة .. كنا طالبنا الجماعة ديل ما يدوك ليهو ... ياخي اظهر وبان عليك الامان ...
منى خوجلي .. صاحبة البوست النغم ...باهديك قدر الدعوات الدعتها ليك عزاز ... الاف المرات ...وقولي آمين ...
| |
|
|
|
|
|
|
|
|
|
Re: أوتوجراف..عزاز شامي! (Re: sanaa gaffer)
|
| Quote: مولاحظة: الرجاء من الذين طرحوا محبتهم في سياق آخر الاتصال بمكتب التنسيق في الرياض لتسليم أوراقهم |
لست بالجُبن الذي يمنعني من الانضمام الى محبيك في السياق الاخر يا عزاز !
ولااخشى صَدٌكِ لي فهو اتٍ منك!
كوني كما انت دائما!
----------------
Quote: غايتو للضمان كده لو عايزني في حكي عن عزوز ...
انسى ..
|
دكين انا دايرك عشان توريني عنوان المكتب المفروض نرسل ليهو الطلبات!
| |
|
|
|
|
|
|
|
|
|
Re: أوتوجراف..عزاز شامي! (Re: sanaa gaffer)
|
المجنني انو انتا ما قلعك من خلوتك تاني إلا اتوغراف عزاز ..
تغيب وتغيب وتجي عشان بوست عزاز؟؟
وفي بلادي يقول الناس ( المرفعين مابهرول عبث )
وانا اقلقني انو ماعرفتا هرولتك دي قاصد بيها ست البوست ولا قاصد بيها عزوز...
فلو ست البوست دربك اخدر ..فظني انها اصلا لا ُتُـطيقني ومُـدرج انا ضمن قائمة قيامتها ...
ولو كمان قومة نفسك دي من اجل عزوز فاني مُـحذرك من مغبة هرولات لاتدري اين تنتهي بك..
فشراك حنيني منصوبة في بريتها.. ونبالي قاصدة ترومها..فاحذر شراك الحنين ونبال الحليم اذا نبل..
لك الحق في ان تقاق مادام كل هذا التعلق بعزاز حقيقي..
فمحسن مادخل هنا الا ليخبر أوتوغراف عزاز بمكنونات قلبه..والظن بانه دخل من اجل صاحبة البوست هو ظن يشبه الرجاء فقط..واجه الواقع وتعامل مع القلق علي اساس انه جدير بالتعامل معه بجديه..
اما قولك بأني لا اطيقك..فهو فهو الظن في غير مكانه..
فانا اطيقك.. وأطيقك جدا حين تكتب مثل هذه الكتابات الجميله التي علي الرغم من وجود بعض الغرور فيها الا انها تعجبني..فاحيانا الغرور رغم النهي عنه..يكون له اسس تسمح بالغفران..
كنت لا اطيقك في الماضي..ولعلك تذكر السبب..لكن لدهشتي ضاع كل هذا مع مداخله لك في احدي مواضيعي ثم تكرارها في بوست آخر..فكتبت لك ايضا بعد مقاطعه في عدد من البوستات..خاصة بعد رجوعك من الحج..
وأعتقد ان انت أحببت..يمكننا ان نكون أهل موده صادقه وممتده..فآخر المطاف لا نكون نحن سوي ذكري!
واسعدتني جدا شواكيش عزاز..ليس شماته..لكن هي التي جعلتك تكتب كثيرا عن تعلقك بها..
ويقيني الذي لا أدري سببه..ان عزاز ان وافقت..فان الكون في منطقتكم سيكون أغني!
...........
...........
بس أعمل حسابك من محسن
| |
|
|
|
|
|
|
|
|
|
Re: أوتوجراف..عزاز شامي! (Re: Muna Khugali)
|
الاستاذة اللطيفة: مني خوجلي
اراها اصبحت حرب البسوس
يعني ولعتيها وجلستي تستمتعي...علي العموم نحن ايضا نستمتع بغرور عزاز من خلال سطور دكين وكبكة محسن {الذي كنت اظنه لايتكبكا}
يسعد مساكم جميعا وفي انتظار مرور عزاز لفك هذا الارتباط
اضاءة:
سأمر من فوق سماءكم هربا من صقيع الرياض الي الساحل الاخر ...اخبريني ان كنت الان في مدينة الضباب للمرور للتحية
| |
|
|
|
|
|
|
| |
Muna Khugali
Ishraga Mustafa
Abdel Aati
showgi idriss
abubakr
Raja
معتصم الطاهر
طلال عفيفي
انعام حيمورة
عبدالله شمس الدين مصطفى
تيسير عووضة
عاطف عمر
HAYDER GASIM
Mohamed Abdelgaleel
د.محمد حسن
ترهاقا
ابو جهينة
saadeldin abdelrahman
Emad Abdulla
معتصم دفع الله
فيصل نوبي
samo
Deng
الجندرية
ماجدة عوض خوجلى
محمد سنى دفع الله
Mohamed Ahmaed Olyesh
محسن خالد
عبدالمجيد صالح
Rawia
Aymen Tabir
عمر الفاروق
عواطف ادريس اسماعيل
نجوان
انعام عبد الحفيظ
إدريس البدري
Kostawi
Ahmed Yousif Abu Harira
ملكة سبأ
حبيب نورة
فيس بوك
تويتر
انستقرام
يوتيوب
بنتيريست