بعض من ملامح العرس الوئيد "يوميات العصيان الأول...
إلى شباب ثورة العصيان المدني: الحرية لا تقبل المساومة!
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
العصيان المدني...... تجميع فيديوهات للتوثيق ومزيد من النشر
19 ديسمبر .. إني أرى شعباً يثور !!
صدور... الهلوسة
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-08-2016, 02:26 PM الصفحة الرئيسية

مكتبة عزاز شامي(عزاز شامي)
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

**الرجل بعيون إمرأة**

03-28-2005, 03:04 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

**الرجل بعيون إمرأة**


    هذه رحلة سياحية في عقل الرجل بعيون امرأة، قد لا أكون محقة وتكون آرائي مجرد هترشات، ولكنها انعكاس لما نراه نحن أغلب النساء....

    الفصل الأول: أنا راجل!!
    منذ ان يفتح الرجل عينيه على هذه الدنيا هو في صراع لإثبات ما لا يحتاج لإثبات، انه رجل! ويصر على حشر هذه المعلومة البديهية في كل حوار أو نقاش بينه وبين الطرف الآخر...غالبا ما يستخدمها كوسيلة ضغط على الجنس( الما راجل) ليمرر بها بعض الإستثناءات، على سبيل المثال لا الحصر: السهر خارج المنزل، النزوات العاطفية، شرب السجائر وغيرها من المحرمات في القاموس النسائي ومن الامتيازات في القاموس الرجالي. ولسبب ما، لا يدرك الرجال بأننا عندما ننتقد تصرفاتهم السلبية لا نريد أن نكون مثلهم بل ننتقدها لأنها منافية للسلوك القويم او فيها تعدى على حقوقنا، وبصراحة الحمد لله انو أنا ما راجل إذا الرجالة كده!! الرجالة تطير!

    الفصل التاني: دي بحبها دي اعرسها!!
    كالعادة، ولإفرازات المجتمع المزدوج المعايير ينشأ الرجل على التعامل بازدواجية في كل شئ بما فيها علاقاته العاطفية... دي بنت احبها ودي بنت أتسلى معاها ودي بنت بعرسها!! و(البعرسها) بتكون حياتها مفتوحه لكل الاحتمالات فهو كراجل ممكن يطلقها!! وتستمر دورة الحياة...

    الفصل الثالث: الرجال خشم بيوت!
    موديل رقم1(شائع) :
    طبعا الحنك ( تعبير عن الكلام اللبق) يبدأ بـ ((انتِ البنت الكنت بحلم بيها طول عمري، وانا كنت تايه من غيرك و.... ) وبعد فترة قد تطول أو تقصر (تعتمد على المرحلة) تصبح نفس البنت ما مناسبة وان هناك اختلافات جذرية في الرؤى والاهتمامات!! وفنننننننننننننننننننن ... تطير الفتاة المغلوبة على امرها عكس الريح !!!

    موديل رقم 2(دائما مفلس):
    زول مسكين عاطفي شايل قلبه في ايده وحايم، عيونه على طول مغروقه بالدموع على حب ضائع وطوالي رايحه ليه مشاعر جياشة.. يلتقط براداره فريسة من النوع البّكاي (كناية عن الشلهته والشحتفه) ويغزل حولها خيوطه، اشي شعر واشي دموع واشي نكيش شعر واشي مشي حفيان في الشارع، بمجرد ما البنت تطاطي راسها وتقول ملكتك نفسي يا فارس عمري يطلع مفتاح انجليزي مقاس 7 ويديها بيهو على راسها وتقعد تلف وتلف وتلف لغاية ما تجي في ايادي حنونة لموديل رقم 3 .

    موديل رقم 3 (بنادول عاطفي):
    بيحب انو يكون اليد الحنونة اللي تطبطب على نافوخ البنت اللي ماخده شاكوش.. تجده في اغلب الأحيان الوسيط بين أي اثنين متشاكلين ودايما بيكون في صف البنت، اصلوه هو حساس. يمضي اغلب مستمعا جيدا ويمتعه ان يوصل البنات لبر الأمان، اللي هو غالبا بيكون عريس، على الاغلب موديل رقم 4 .

    موديل رقم 4 (زهج وداير يعرس):
    ده غالبا بيكون موديل مطور من احد الموديلات السابقة ولكنه وصل الى مفترق الطرق وقرر انو يقتصر على بنت واحدة وكفاهو تبديد لمشاعره.

    موديل 5 (نادر ويكاد ينعدم) :
    عنده اخلاق وبيخاف الله! شوهدت آخر حبة من هذا الموديل سنة ...19 وخشبة ولم تصلنا تفاصيل بعد عن امكانية عادة التصنيع. سنوافيكم بالاخبار..
    في موديلات كثيرة وعديدة بس حبيت اورد اكثر الموديلات شيوعا...

    وللحديث بقية،
                   |Articles |News |مقالات |بيانات

03-28-2005, 03:17 AM

إسماعيل وراق
<aإسماعيل وراق
تاريخ التسجيل: 05-04-2003
مجموع المشاركات: 9364

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز
    سلام
    بوست جميل جداً
    لكن قلت كيف.،
    Quote: موديل 5 (نادر ويكاد ينعدم) :
    عنده اخلاق وبيخاف الله! شوهدت آخر حبة من هذا الموديل سنة ...19 وخشبة ولم تصلنا تفاصيل بعد عن امكانية عادة التصنيع. سنوافيكم بالاخبار..

    غايتو أنا حاولت ألبس الموديل رقم 5 ده لكن بيني وبينك خفت من رفيقة الدرب تقوم تقولي لي كنت قايلك كده لكن لقيتك موديل تاني... ربك يستر.
                   |Articles |News |مقالات |بيانات

03-28-2005, 03:52 AM

ابو جهينة
<aابو جهينة
تاريخ التسجيل: 05-20-2003
مجموع المشاركات: 19783

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: إسماعيل وراق)

    عزاز

    غايتو الموديلات دي كلها ما لقيت فيها ما هو مذكور في الكاتلوج بتاعي ..
    بنتظرك لغاية ما تخلصي الموضوع .. يمكن مواصفاتي تجي ..
    أها لو ما جات .. مشكلتك كبيرة معاى ..

    تحياتي للوالدة حفظها الله
                   |Articles |News |مقالات |بيانات

03-28-2005, 04:43 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: ابو جهينة)

    الغالي ابو جهينة ...
    انت متأكد انو انت ما موديل مطور لأاحد الموديلات المذكورة أعلاه؟ عموما احنا مستنيين طلبيه فيها موديلات جديدة وحلوه، اكيد بنلاقي ليك شبيه يا فريد المحاسن
                   |Articles |News |مقالات |بيانات

03-28-2005, 04:29 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: إسماعيل وراق)

    أخوي إسماعيل وراق...
    يا ربي تكون انت النسخة الفاضلة ؟ عموما حاول انو المدام ما تشوف الموضوع ده لغاية ما انزل باقي الموديلات و تلاقي موديل يناسبك..
                   |Articles |News |مقالات |بيانات

03-28-2005, 04:35 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    Quote: موديل 5 (نادر ويكاد ينعدم) :
    عنده اخلاق وبيخاف الله! شوهدت آخر حبة من هذا الموديل سنة ...19 وخشبة ولم تصلنا تفاصيل بعد عن امكانية عادة التصنيع. سنوافيكم بالاخبار


    ما نفتح المصانع المقفله دي!


    بالمناسبه يا عزار.. انتي اتخطبتي قريب ده.. موديل كم خطيبك؟ .. والله انا نيتي صافيه، بس حبيت اعرف... وعشان اثبت حًسن النيه.. ممكن تقولي pass

    بنت الحسين
                   |Articles |News |مقالات |بيانات

03-28-2005, 04:49 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    !أختي مريومة بنت الحسين (بوستك بتاع الفلم شرط !) بجيك بهناك حسي ...

    انا اقول ليك انت pass!!! انا عندي كام مريومة غالية علي؟ انت اسألي وانا بجاوب، أحنا في النهاية في جبهه وحدة

    اهن اقبل لسؤالك يالطيبة، قولت لي موديل خطيبي شنو؟ هو كان مشروع موديل (5) بس لنقص في قطع الغيار استحدث موديل خاص بيهو وادوني انا الكتالوج الاصلي وطريقة التصنيع لانو القالب اتكسر وخط الانتاج بتاعه وقف...

    انا فتحت البوست ده علشان اسوق لموديل جديد ما حصلش!! نوع كده نساهم فيه انحنا (نون النسوة) في تصميمه وتعميمه بدل الموديلات الماليه السوق دي.. همتكن يا نسوان، انتم عملائنا ويهمنا رضاكم!
                   |Articles |News |مقالات |بيانات

03-28-2005, 06:19 AM

Habib_bldo
<aHabib_bldo
تاريخ التسجيل: 04-04-2002
مجموع المشاركات: 2350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)


    يا عزاز أنا غايتو موديل رقم 3 بيناسبني شوية،،، بس السؤال المهم إنتي ليه فتحتي البوست متأخر حبتين؟؟
    البوست دا كان وقته قبل الخطوبة عشان تفصلي موديل على كيف كيفك.. بس يا خسارة (سبق السيف العذل) وإنتي وبختك في البطيخة المقفولة
                   |Articles |News |مقالات |بيانات

03-28-2005, 07:41 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: Habib_bldo)

    أخوي حبيب بلدو..
    انت متأكد انو اسمك حبيب بلدو؟
    عموما اختيار موفق! بحكم الوضع الاقتصادي في بلدنا (الحبيب) 45% من شبابه بقوا موديل رقم (3) على الاقل مرة واحده في حياتهمقبل ما يتشكلوا ويحصلهم تعديل ويبقوا موديلات تانية، يعني يحصل ليهم down grade او up grade على حسب ...
    انا مالحقتش يا حبيب بلدوا! فجأة لقيت روحي حبيت واطشيت في عيوني واتخطفت في عز شبابي!!
    في الحقيقة انو خطوبتي هي اللي اوحت لي انو اشوف الرجال ديل نوعهم شنو؟ لانو الموضوع بالنسبة لية بقى too late قلت الحق بنات جنسي قبل ما يشيلهم القطر، واللي شالهم القطر يجوا يفرشوا بيجاي جنبي ويساعدوني في فك الشفرة
                   |Articles |News |مقالات |بيانات

03-29-2005, 01:01 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

مداخل... (Re: عزاز شامي)


    مداخل:
    لا تصدقي سيدتي النظرية القديمة القائلة بأن الرجل طفل! ببساطة لان الطفل لا يدخن و يطفأ أعقاب السجائر في علب البيبسي،لا يقف شعره وهو يتابع كرة يتقاذفها 22 ممسوسا، ولا يصرخ في وجهك طالبا الطعام، ولا يقارنك بأخريات، ولا يبرطم في كل مرة تطلبين منه للمرة الألف تنفيذ أمر مهم، ولا يحب أمه اكثر منك لأنه بكل بساطه... أنت أمه!! وقبل كل شئ لا يعود إلى المنزل حاملا تكشيرة بعرض السماوات والأرض..
    لذا احرصي على تفريغ عقلك من تلك النصائح المغرضة التي اثبتت التجارب العلمية فشلها وبعدها عن الموضوعية ... و للحصول على أفضل النتائج عاملي الرجل كرجل وليس كأي كائن آخر! صحيح انه كان طفلا في مرحلة ما ولكنه الآن طفل مكتمل الرجولة! فارجوا ان تراعي الفرق!

    لحكمة يعلمها الله وحده سبحانه، تختلف طريقة تفكير الرجل عن المرأة اختلافا جذريا، حتى لو استخدما نفس التعابير اللفظية. فـ (لا أريد) عند الرجل معناها حرفي، وعند المرأة تعني (أريد) ولكن (حنسني شوية)! (أحبك) بالقطع لها معنيين مختلفين، فالرجل يعني بها انه مستعد للتضحية بوقت التلفزيون ليقضيه معك وان ان لا يعرف إمرأة سواك حتى يتزوجك، وتعني للمرأة بأنها ستتبناك وتحاول تغييرك لتصبح شخصا آخر لا تريده وتتهمك لاحقا بأنك لست الشخص الذي احبته في يوم من الأيام! هذا التمايز في التعبير يحسب لحساب الرجل، فهو غالبا ما يعني ما يقول إلا في حالات محدودة من بينها لحظات الغزل ولحظات الاعتذار، فهو في هاتين الحالتين يؤمن بأن (الحرب خدعة).

    وللحديث بقية...
                   |Articles |News |مقالات |بيانات

03-29-2005, 02:18 AM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12722

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مداخل... (Re: عزاز شامي)

    ما عندكم لينا شغل في ورشتكم دي ؟




    شكراً عزاز على هذا البوست الجميل ..
                   |Articles |News |مقالات |بيانات

03-29-2005, 05:18 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مداخل... (Re: معتصم دفع الله)

    اخوي معتصم ...
    جدا! جيب قاموس الجيب بتاع مفردات عقل الرجل وتعال جاي!

    تسلم على المرور اللطيف يا ذوق..
                   |Articles |News |مقالات |بيانات

03-29-2005, 02:46 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مداخل... (Re: عزاز شامي)

    عزاز شامي ....

    موضوع جميل وشيق يستحق الطرح
    والنقاش والمجادلة ... اختيار
    موفق للغاية


    Quote: موديل 5 (نادر ويكاد ينعدم) :
    عنده اخلاق وبيخاف الله! شوهدت آخر حبة من هذا الموديل سنة ...19 وخشبة ولم تصلنا تفاصيل بعد عن امكانية عادة التصنيع. سنوافيكم بالاخبار..


    * هذا الموديل نادر ما يتم صناعتو .... اقول ذلك الكلام
    بالبراهين العلمية والدراسات الاجتماعية .... يعني ما هترشات
    لدي صديق اجراء رسالة علمية ( ماجستير ) في العلاقات العاطفية
    بين الجنسين قبل الزواج في احدي كليات العلوم الاجتماعية
    اثبتت الدراسة جميع الموديلات التي قمتي بذكرها
    كما اثبتت الدراسة ان الرجال من نوع موديل رقم خمسه 95 في المائه
    يقعو في ايدي جنس لطيف لايقدس معني الحب ويتمتعو بقدر عالي من القدر
    وفشلت معظم العلاقات ذات الرجال من هذا النوع وكان السبب الجنس الاخر
    لذلك اصبح معظم الرجال لا يحبذون ذلك الموديل حتي من صنعا علي هذا الموديل
    اصبح يسلك سلوك موديلات اخري هذا الكلام نتائج لدراسة علمية تمت عبر
    مقابلات شخصية واحصائيات دقيقة جدا من جيمع فئات المجتمع السوداني ... كما اثبتت الدراسة ان معظم فشل العلاقات العاطفية تكون من جانب الجنس اللطيف .....
    علما بانني كنت متابع للرسالة العلمية
    حتي نهايتها نسبة لان صاحب الرسالة من اعز اصدقاء وقد منح درجة الماجستير بتقدير
    امتياز
    السمؤل

    (عدل بواسطة samwal ebrahiem on 03-29-2005, 02:53 AM)
    (عدل بواسطة samwal ebrahiem on 03-29-2005, 09:56 PM)

                   |Articles |News |مقالات |بيانات

03-30-2005, 03:38 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: مداخل... (Re: samwal ebrahiem)

    خوي السمؤل...
    أوافق المحصلة النهائية لرسالة الماجستير الخاصة بصديقك..
    لا ننكر بأن الكثير من الرجال المحترمين تحولوا بفعل فاعل (انثى) إلى رجال آخرين!! وايضا هناك نساء رائعات تحولن بفعل فاعل للطرف الآخر ويغيرن طرف المعادلة الأول!! باختصار انحنا ما سااااااكت بنبقى كعبات

    انتو السبب!!!
                   |Articles |News |مقالات |بيانات

03-29-2005, 02:22 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    Quote: اهن اقبل لسؤالك يالطيبة، قولت لي موديل خطيبي شنو؟ هو كان مشروع موديل (5) بس لنقص في قطع الغيار استحدث موديل خاص بيهو وادوني انا الكتالوج الاصلي وطريقة التصنيع لانو القالب اتكسر وخط الانتاج بتاعه وقف...


    قوية... عفيت منّك

    انا عندي تصميم حاجه ابداع.. انا متأكده انه لو عملنا ليهو business plan كويسه وmarketing بيضرب ليك الفي سوق ديل كلهم...

    منتظراك في الفلم حقي... ومنتظره الموديل بتاعك..

    لك كل حبي يا عزيزه

    بنت الحسين
                   |Articles |News |مقالات |بيانات

03-30-2005, 03:49 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    أختي مريومة ...
    الحقيني سريع بالموديل والمواصفات لأنو في أزمة حاصلة!!
    انا امبارح كنت جاياك الفلم قمت طشيت لي في بوست ما فهمت منو حاجة لحسي بجيك العصر وشايله معاي كرتونة بوب كورن كبيره وبيبسي 1 لتر واتحكر واضحك، انشاء الله ما حد حوّش!
                   |Articles |News |مقالات |بيانات

03-29-2005, 02:46 AM

ودقاسم
<aودقاسم
تاريخ التسجيل: 07-07-2003
مجموع المشاركات: 11046

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    ابنتي عزاز
    سلام عليك ومن حولك ،،،

    تعرفي ياعزاز ، نسب الناس إلى أبونا الشيخ العبيد ود بدر رضي الله عنه كلمات :
    قال النسوان تلاتة ، مرة ، ونص مرة ، ولا مرة ،، والمرة من عتبة بيتها ولا ورا ، ونص المرة بتمشي لي جيرانها بالضرا ، ولا مرا ناس السوق جابوا خبرها ،، وكلّ صنف من أصناف النساء له عيون تختلف عن الآخر ،،، ويختلف موديل الرجال باختلاف عيون النساء ،،
    أما جيلنا نحن فهو جيل الفري سايز free size ، يجونا بنات حنسكم ويعجنونا على مزاجهم، فنكون عجينة سهلة بين أيديهن يتم تشكيلها كيف أردن ،،، ويهدّنا كيدكن ، فنستكين ...
    نطالب بمساواة الرجل بالمرأة ...
                   |Articles |News |مقالات |بيانات

03-30-2005, 03:54 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: ودقاسم)

    الخال ود قاسم ..
    اريت الجيل ده كله موديل واحد زيك، صدقني وحات سيدي البدوي كنا ما غلبنا!!!
    حسي يا خال اولاد اليومين ديل بيتعجنوا؟ ديل بدايتهم وين، نهايتهم وين ما مفهومه!! يجيك لابس ومتقيف وتحت الجلد بيكون شخص تااااني! وبعدن كيدنا دا ما كمل! الكيد قدم استقالة من حوا من بدري والتحق بالعمل لدا آدم، وذاقت حواء من نفس الكأس!
                   |Articles |News |مقالات |بيانات

03-29-2005, 03:01 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز شامي :
    اما البنات إيييييييييييييييييييييييييييييييك موديلاتهم من الهيلمن والفلوكسواجن لحدددددددددددددددي ال B.M.W واللومينا ...

    طبعاً النسوان ما عندهم الفصل الأول والثاني عشان كده بنلقا إن الفصل الثالث عند الراجل هو الفصل الأول عند المرا ...
    يعني الفصل الأول والأخير النسوان خشم بيوت ..

    موديل (1):
    تكتفي بي الجلوس في البيت تغسل العدة (مع بعض الأغاني) أثناء الغسيل عندها كراس بتكتب فيهو بي كل الألوان غلافو فيهو قلب مخروم بي سهم مع بعض الصور لي ممثلين وفنانين ولقاءات عملتا مع أولاد أهلها في بعض زياراتهم للبيت في غفلة ولي الأمر ..

    موديل (2):
    هو تعديل لي موديل (1) يكون كل همها كيف تلقا طريقة تكشح موية (الغسيل)بتاع العدة في الشارع وعسي ولعل تكشحها في ود الحلال المنتظر وبدون قصد وبعد إعتذار ..إذغ الشارع فاضي تحاول وبي قدر الأمكان تكشحها في أبعد حتة فاضية حفاظاً علي واجهة البيت وليس بحثاً عن شخص قادم ..

    موديل(3):
    " يوجد منه عادي وأتوماتيك" ..
    العادي منهم زولة همها ضل الراجل ..ضل الحيطة إنشاء الله في ستين ..تعال بي العندك تعال أبوي بسندك تعال ..ياسيد الكارو تعال يا ابوشيشن صارو تعال ..
    وهتفت أمل العرس العرس وبرد الجو ونزل المطر وفرح الأهل ..
    أما الأوتوماتيك بررررضو عايز ضل الراجل بس ضل يكون همبريب وما أي ضل ..ضل بيجيبوهو بي رواقة والعافية درجات وماسكين في نظرية " المرأة لا تعرف اليأس" وشعارهم بجي بجي بجي وتبدا بي ود الحلة الشااااطر الوجيه وما تفتيحة تعال أشرح لي رياضيات تمرين 7 صعب والتوب جاري بي الأرض وبعدو تعال أشرح لي فيزياء ووالتبو كش لي طرحة ..وأخيراً تعال أشرح لي قصيدة مجنون ليلي ..وتشكي من الطريحة تقول تقيلة ...!!!!

    موديل (4):
    مدخل :
    يا يمة إن درتي أحكيلك عن حالي في البندر أبدا بس من وين ؟؟؟ ده ما شيتاً غريب وعجيب !!!!
    شيتاً كلو شين في شين ...
    هنا الزول النصيح وعديل يعيش حياتو بي وشين ...
    وكان شفتي يا يمة زولتي الحتي حبيتا لقيتا بلاي تحب زولين ..هييييه يا يامة والله زمان .

    ده من أرقي الموديلات القلب فيهو لكوندة وشقق مفروشة غير قابلة للتمليك .والإيجار فيها للبيدفع مقدم وعربون أكتر ماف فترة محددة للتأجير والزبون يقيم في الشقة لحدي ما يجي مستأجر تاني ومسموح بي الإيجار من الباطن

    موديل (5):
    نحن مش زملاء ؟؟؟ أي .... طيب ياخ ممكن نبقي الزمالة دي صداقة ؟؟؟؟؟ ..ممكن جداً ..
    يا هناي انا برتاح ليك شديييييييييييييد وبقيت شايفاك أكتر من صديق ..وصاحبنا المسكين يصدق ويلمم باقي شجاعة ويوق ليها يا هناية انا بكرة عايزك في موضوع مهم ..ويتلاقو وصاحبنا يعبر عن مشاعرو وعن حبو وعن علاقتو البدت من زمالة ومفروض تترجم لي زواج وإرتباط ...
    يطلع صاحبنا بعد اللقاء وهو يدندن :
    بعد ما خلخلت قلبي فيني ما خليت مرووووووووووة ..
    جيت تقول ...جيت تقول الريدة خووووووووووووووة ..
    خووووة إيه بتبكي سيدا ...إلا دي الخوة الجديدة .....

    ما أظن عايزة شرح ردود هناية علي هناي أثناء الجلسة مش ؟؟؟؟؟؟

    لسة الموديلات كتييييييييييييييرة ..

    تخريمة :
    نلاحظ مع مرور السنوات أن الموديلات الجديدة صارت أجمل شكلاً ولكنها أكثر هشاشة ومن أول حادث بتتفرتق كلللللللللللها وكأنها مصنوعة من تبخ .....
                   |Articles |News |مقالات |بيانات

03-30-2005, 04:11 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عمر الفاروق شيخ الدين)

    اخوي الفاروق..
    مراحب ألف

    يا حليلك يا عمر ! انت من زمن غسيل العدة؟ الزمن اتغير وبقى في جيل اسمه (وااي من وائل، قفل الموابيل)!

    وظل شنو الل بقينا نباريهو زي ضل الضحوية!! البنت الأيام دي قاعده في الدرى عديييل كده والرجل البقى كايس الظل والرطوبة!

    اما ما قلته بخصوص القلب بمواصفات الشقق الفندقية، فلا فض فوك! لاكين العيب على منو؟

    موديل نمرة (5) ده رهيييييب! الفلم ده 99.9% من الهنايات الجهابذ حكانت ليهم فيه البطولة! وهناي بيمشي يسرح ويبحث عن هنايه تكون خفيفة تصدق (طرحه)

    (عدل بواسطة عزاز شامي on 03-30-2005, 04:14 AM)
    (عدل بواسطة عزاز شامي on 03-30-2005, 04:21 AM)

                   |Articles |News |مقالات |بيانات

03-29-2005, 03:13 AM

لؤى
<aلؤى
تاريخ التسجيل: 06-01-2003
مجموع المشاركات: 14343

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)
                   |Articles |News |مقالات |بيانات

03-30-2005, 04:26 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: لؤى)

    الشفيف لؤي ...
    مازالت الأبحاث جارية لتصنيع هذا الموديل، لا تفقد الامل!


    ((بوست في الصميم أحييكِ عليه ، وتوقّعي هجمات ((عضلاتيّة)) ))

    اختك راجل! ومقابل العضل في عقل!
                   |Articles |News |مقالات |بيانات

03-29-2005, 03:27 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز معليش عزراً.. بس اسمحي لي اضحك لما اقع بي هناك في كلام عمر الفاروق ده.. غايته انت موهبه .. بالجد كده.. الله يديك العافيه والله


    بنت الحسين
                   |Articles |News |مقالات |بيانات

03-29-2005, 03:56 AM

Habib_bldo
<aHabib_bldo
تاريخ التسجيل: 04-04-2002
مجموع المشاركات: 2350

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)


    أها يا عزاز شفتي الكلام البيجيب الهوى زي البوست الفتحتيه دا
    والله يا عمر الفاروق عفيت منك ولسع منتظرين منك نظرة متعمقة اكتر عشان عزاز تلم فورماتها وتفرتق كل خطوط انتاجها وتقول ما عايزين ..........
                   |Articles |News |مقالات |بيانات

03-30-2005, 04:29 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: Habib_bldo)

    بيان هام لحبيب بلدوا ولكل حبايب بلدانهم ...

    انا خط سيري ده ما بخليه ، لا... لا ما بخليه!

    وسيصدر بيان لاحق للرد على ابن الفاروق عمر ...
                   |Articles |News |مقالات |بيانات

03-29-2005, 03:55 AM

أحمد الشايقي
<aأحمد الشايقي
تاريخ التسجيل: 08-08-2004
مجموع المشاركات: 12793

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    Quote: موديل 5 (نادر ويكاد ينعدم) :
    عنده اخلاق وبيخاف الله! شوهدت آخر حبة من هذا الموديل سنة ...19 وخشبة ولم تصلنا تفاصيل بعد عن امكانية عادة التصنيع. سنوافيكم بالاخبار..
    في موديلات كثيرة وعديدة بس حبيت اورد اكثر الموديلات شيوعا...]


    أخــت عزاز

    أنا أكيد من الموديل دا وعندي (ضمان طول العمر) من المصنع سوكرتا

    وكمان قابل للتشكيل على طريقة حبيبنا ودقاســم

    بس المشكلة في الموديل المناســب للموديل (5)

    تكون رقم خمسِــة تلقى ليك واحدة موديل خمســة وخمســين.

    الله الساتر
                   |Articles |News |مقالات |بيانات

03-30-2005, 04:33 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: أحمد الشايقي)

    افهم من كده انو انت آخر زول شاف المرحوم؟؟؟

    كونك انك موديل (5) ما معناه انو مراتك لازم تكون (5)!! ممكن تون من مضاعفات الرقم خمسة، يعني 55 تمام معاك ! انت خليك بعيد من 44 وانت تكون سالم
                   |Articles |News |مقالات |بيانات

03-29-2005, 04:07 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    مريم بت الحسين :

    Quote: عزاز معليش عزراً.. بس اسمحي لي اضحك لما اقع بي هناك في كلام عمر الفاروق ده.. غايته انت موهبه .. بالجد كده.. الله يديك العافيه والله


    لالالا ما تتغشي فيني انا ما موهبة بس عندي حبة طنقعة وبحب أركب موديل السنة عشان كده جربت كل الموديلات دي ...

    تخريمة :
    الأيام دي سايق لي (حاجة نضيفة ) موديل 2005 أصبري لي شويييييية كده وبجيب ليك خبرا
                   |Articles |News |مقالات |بيانات

03-30-2005, 06:04 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    استكمالا لما بدأناه من موديلات:
    موديل (6):

    يبحث فيك عن مرآة لأمه، قد يطلب منك بعض التعديلات تماشيا مع العصر ولكنه في نهاية المطاف يريدك زوجة بنكهة أمه.. قد يكون ذلك واضحا باختيار أمه لك أو بتزيكة منها، أو قد تلمسين هذا في حنايا كلامه بتشبيهك بها عندما ينوي أن يمتدحك.. ميزة هذا النوع بأنه يسبغ عليك حبا من نوع آخر ويطغى الاحترام على العلاقة إذا ما نجحت في السير على الحبل ولم تكسري التمثال! عيب هذا النوع بأنه متطلب ينسى أن من تزوجها ليست أمه كما أنه ليس أبوه!! قد يسقط عليك بعضا من مآخذه على والدته إذا كانت من النوع ضعيف الشخصية أو العكس، ففي كلا الحالتين فستنعكس على علاقتكما كل انطباعاته وآراءه التي كونها على امتداد عمره عن والدته...لا تنجرفي خلف عاطفة الأمومة الوهمية! كوني نفسك ولا أحد آخر! خذي افضل صفات أمه كشخص وتعاملي معها في عقلك كشخصية منفصلة! تقربي منها أكثر وقفي معه في الشاطئ الآخر وكونا كلاكما ابنين لهذه الأم، فهذا أسهل من أن تكوني نسخة منها، ففي نهاية الآمر لا تريدين أن تكوني مسخا مشوهها، فلكل منا روح وشخصية وعلى (حبيب ماما) أن يدرك ذلك!!!


    موديل (7):
    ماااااشي سااااي ...
    هذا النوع نتيجة لأخفاقات المجتمع بكل تأكيد .. حاول في مقتبل حياته ان يوجد خط سير محدد ولكن عثراته كثيره أما لقلة من الحظ او لسوء في التقدير.. المحصلة بأنه بقى مااااااشي سااااااي!
    لهذا الموديل عيوب وحسنات، عيوبه بأنه لا يدري أين تنقله قدميه خلال اليومين القادميين، لذا قد تكونين انت لزوم مرحلة وتنتهي في لحظة ما! وحسناته أنه خفيف الظل وينظر للدنيا بتفاؤل قل نظيره!! لا يعدك بشئ، وهذه ميزة أخرى بل عل ىالعك يطلب منك بأن تعديه بألا تتركيه من أجل موديل آخر!! يتقبل الشواكيش والصدماتالعاطفية بروح معدنية يحسد عليها ويقوم من عثرته ليبحث عن حب جديد يمشي فيه سااااااااي!!!!
                   |Articles |News |مقالات |بيانات

03-30-2005, 06:42 AM

نصار
<aنصار
تاريخ التسجيل: 09-17-2002
مجموع المشاركات: 11657

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    العزيزة عزاز شامي

    اولا مبروك الخطوبة و ربنا يتم علي خير

    البني ادم كان راجل ولا امرأة مخلوق معقد التركيب
    و الحكم عليه بكون بما نظنه يمثل الغالب علي شخصيته
    لكن الغالب دا ما هو كل تركيبته في حاجات ادق ممكن
    تكون هي البتحكم علاقته مع الناس بما فيهم الزوج/ة

    من تجربة توسيع قاعدة المشترك بين الزوجين هو طوق
    النجاة للعلاقة و كلما اتسعت القاعدة دي كلما كانت
    العلاقة اكثر عافية و تتجه الي السعادة و كلما تقلصت
    اتجهت نحو العكننة حتي ان كان الطرفين كويسين و من
    موديلات ما حصلتش،،، يبقي كل علاقة زوجية هي معادلة
    كيماوية قائمة بذاتها فيها الزوجين هم مادتي التفاعل
    الاساسيتين مع اهمية الدور البيتمثله الظروف المحيطة

    الشغلانة ما ساهلة و تتطلب وعي مسبق و نية مشتركة من
    الطرفين انهم يقبلو بعضهم علي علاتهم،، لانه مافي انسان
    كامل فلا يجب ان نرهق الطرف الاخر بفرضية انه بعتقد فيه
    الكمال و لمان تظهر لينا نقيصة صغيرة تقع علينا كالصاقعة
    لاننا ما كنا نعتقد انه دا ممكن،، نقيصة الانسان وضعفه
    يمثلو حقيقة انسانيته و بذا تتحول الي شئ ايجابي
    اتخيلي معاي انك تتعاملي مع انسان الي مبرمج برمجة ما تخرش
    المية الا يخلق ذلك حالة قاتلة من الملل؟

    الله يهدي سر الجميع زي ما بقولن حبوباتنا
    اها هذا كتابي بيميني فهل من تقرأه و يوافها
    هههههههههههه
                   |Articles |News |مقالات |بيانات

04-03-2005, 01:37 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: نصار)

    أخوي نصار ..
    الله يبارك فيك وتدوم أيام فرحك…

    اتفق معك بأن الإنسان مجموعة من الصفات ، المتناقضة أحيانا، تعلو وتنخفض نسبتها تبعا للظروف الخارجية ومن نتعامل معه.
    أن علاقة الرجل و المرأة وخاصة في إطار الزواج كانت وما تزال من اكثر العلاقات تعقيدا وإشكاليه… فهي أشبه بالمشي على الحبل أو الرقص على أطراف الأصابع على حافة ناطحة سحاب، أقل انحراف قد يكلفك عمرك!
    من وجهة نظري، من أهم ركائز العلاقة توحيد المسميات للطرفين، فأغلب المشاكل تنتج من الاختلاف في التعريف، وهي إشكالية عالمية بدليل اجتماع 55 دولة في الرياض لتعريف كلمة الإرهاب!!
    قبولهم لبعضهما على علاتهما ليس دائما الحل، بل الاقتناع بأني (أنا الطرف الآخر ) لدي علات. فكونك تقبل الآخر بعلاته وتتوهم بأنك كامل قد يؤدي لمشاكل لا تحمد عقباها نتيجة لوهم الكمال... فمن لا ينجح في تقيم نفسه حتما سيفشل في تقييم الآخرين...

    وفي الآخر ...
    الزواج قسمة ونصيب! بكل علاته وتعبه وفرحه..
    ووجود شخص (يفهمك) لغاية أخر المشوار هدف يستحق التضحية..

                   |Articles |News |مقالات |بيانات

04-01-2005, 04:15 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز يا بت شامي:
    غايتو دي حاجة علي السريع كده من وحي ما تعبر عنه أغنيات بنات جيلكم والأجيال السبقتكم والأجيال الجات بعدكم ..
    موديل اب شرا ...
    وده في منو أنواع :
    " بي الضرا بي الضرا يا ابشر بي الضرا ا إنشاء الله راجل مرا يا ابشرا .."
    ودي بيكون خلاص فاض بيها ..شغالة موظفة ليها جغلومية سنة (جغلومية عدد انا ما عارفو كم بس أكتر من الف )النسوان معاها في المكتب راسمات ومحننات وكل واحدة تجي تحكي ليها عن بعلها وهي المسكينة ما عندها بعل عايزة (تقمع) أصابعينا العشرة وبدل تبصم بي العشرة تبصم بي الحنة ما مشكلة يكون معاها الأسبوع كلو ...يجيها خميس جمعة تعمل ليهو الكسرة بي ملاح النعيمية والتحلية شعيرية تتصرف وكأنها عمرها 18 سنة تتمكيج شي احمر وشي اخضر وشي لون زينب وشي فوشي وشي (عجوري) وده أجمل لون انا اسمع بيهو في حياتي ...انا واقف في بوتيك جات المرا قالت لي سيد المحل مممممكن الطرحة ديك ؟؟؟ياتو طرحة ؟ياخ الطرحة اللونا عجووووووووووووووري ديك !!!!!!!!!

    "بختي ..بختي يا اب شرا ..بختي إنشاء الله راجل أختي يا اب شرا"
    ده نوع بيبدا بي قصة حزاينية الراجل متزوج من المرا البيحبها وجاب منها ملوة أطفال ..وقووووووووووووووووووومي كده يا المرا موتي وفي غمرة العزاء والناس بتبكي والبت (البايرة) حزنانا علي أختها يجيها ابوها ويقول ليها الحي أولي من الميت وماف زول بيقدر يرعي اولاد المرحومة زييك ونحن قررنا نعوضك للراجل ده بدل أختك اها شن بتقولي ؟؟؟ تختلط دموع الحزن مع دموع الفرح وعسي ان تكرهوا شيئاً وهو خير لكم ويجي الرد أولاد المرحومة في عيوني يا ابوي وانا والله لو ما المرحومة الراجل ده ما بدورو بس عشان خاطر العيال ديل ...
    طبعا ده التفسير الشرعي لي "راجل أختي" ولكن وفي رواية أخري هناك من تداقر أختها في راجلا الأصفر وشنبو غزير وعندو فلجة ما شفتو بري بري ما شفنا ...

    "بي البلح بي البلح يا اب شرا ..بي البلح إنتو غتوا القدح يا اب شرا"
    ودي حالات من التغشف بتصيب البنات لمن يلقوا الأمهات مصعبنها شدييييييد وعايزين الشيلة عشرة عشرة والمهر بي اليورو والبت عايزة تكسب زمنا وابداوود بي اقل مجهود خصوصاً وإنو هناية ديك دفعتا في المدرسة وأسة أولادا في الروضة وهناي داك زمااااااااااان عايز يعرسا لكن أمها دقت جرس ووقفت ألف أحمر إنو ما يعرسا لأنو مقطع ومفلس ويقوووووووووووووووم كده هناي داك يعرس وأمورو تمشي متيسرة (إبرة في موزة) وهناية دي لسة قاعدة في السهلة وبقت عجووووووووووووووزة وبقت النوع الفي أي عرس قاعدة وش وأي كميرا تصوير تجي تلقاها في المقدمة وتشيل وترسل الشرايط لي (الجمعيات) في بلاد المهجر وكان في زول طوول من السودان ترسل ليهو صورتا لمن كان عمرها 21 سنة وفي التلفون تسمعوا ليك صوت مكسسسسسسسسسسسسسسر ومنعم وزولنا يسرح ويقول يا إنتي يا أغرق ..
    والبت تقول لي أمها يا أمي خليهم يجيبوا لينا إنشاء الله بلح وتعمليهو مديدة ولا إنشاء الله شربوت زاتو بس خليني أتخارج ..
    ملييييت مليييت يا أب شرا ومليت من قعاد البيييييييييييييييت يا اب شرا ..

    موديل "" يا كريم تسامحنا ..ما فيهم ملامحنا ":

    ده من أكثر الموديلات شيوعاً في السودان وبيبدا بي إنو البت يكون عندها أخوها الأصغر منها وواقف ليها في حلقها ياب الأسكيرت ده ضييق ما بتطلعي بيهو ..يابت إنتي الفتحة البي ورا دي شنو ؟؟؟يا ولد انا مش لابسة شراب ؟؟؟لالالالا برضو ما بتطلعي بيهو ...يا أبوي تعال شوف لي الولد ده !!!! يابت مش ده أخوك وراجل ؟؟؟ لكن يا ابوي انا الأكبر ولا هو ؟؟؟؟ لالالالا أسمعي الكلام يابت ..
    طرحتك دي خفيفة وقميصك ده شفاف !!! وتقووووم كده البت تزهج من جنس دي عيشة وتبدا تفكر في الخلاص وماف حل إلا (عريس الغفلة) هو الوحيد الممكن يمرقا من عيشة زي دي ..ما مهم شكلو !!! ما مهم وضعو !!! ما مهم تعليمو ..بس المهم يمرقا من جنس الهم ده ...عايزة تتحرر عايزة تحس بي قرارها هي ..عايزة تقوم وتقعد علي كيفا ..عشان كده بتوافق بي أول زول يجيها وبتحاول قدر الأمكان تفرض سيطرتها علي العريس ده ومن بدري مستقلة جمالها أو اي جانب أنثوي فيها ...


    الموديلات صغيرة الحجم (تيكو وأتوس وركشات) وديل حاجة تانية كمان :
    موديل " ده كلو من بابا ..باب علا البوابة ..خلاني أتشابا ..وحيدة وطال عذابا " ..
    ديل موديل مطور من الجيل رقم (1) زمن العولمة حرمهم من كشيح موية العدة بعد ما بقت في سايفونات ومصاصات للموية والجلكين (الجاح) بقا بيقفل الباب وراهو والحيطة عااااااااااالية وبقا ماف اي حنك للطلعة وده موديل بينتظر رمضان بي فارق الصبر عشان يقولوا نحن ماشين الطراويح ..لكن هي جنس طراويح ؟؟؟؟؟ركعتين في الريفيرا وركعتين حدايق 6 أبريل وركعتين في الميدان الفي نص الحلة (العراضة الشمالية) وجلوس الوسط بيكون في بقالة وإتنين حاجة باردة ومالك مع الحجاب ياخ عباية مخصرة لونا غمبجي تزول بزوال المؤثر عشان تلقا بي جوة البنطلون الما خمج والتي شيرت القصير وغايتو في النهاية ضميرا يصحا وتقول لي هناي النمشي ألحق الشفع والوتر وتمشي تصلي بي سورة " الحمدو" ومعاها "طلع البدر علينا "..

    موديل "يا جدو يا جدو ..الباب ما تسدو ..نجم الليل بعدو ..راجية حمادة ود شدو "..
    وده موديل الشهادات العربية البيرسلوهم أهلهم يقعدو مع جدو وحبوبة ..وجدو مسخرة البنات دي ما بيدورا والبت عرفت ليها شوية حناكيش في الجماعة ونظام تعالوا لي في البيت نعمل حفلة تعارف وتشوفوا تيتا ونينا وتقوم كده تتعرف في الجامعة علي واحد كده ونظام تقول ليهو انا فناني المفضل مصطفي سيد أحمد وهي تكون غير أغنية (والله نحن مع الطيور ) ما عارفة حاجة لي مصطفي بس عايزة تقشر وتجكس مش هي الجامعة دي جكيس ؟؟؟؟


    لسة بيجيك راجع كان الله مد في العمر..
                   |Articles |News |مقالات |بيانات

04-02-2005, 00:46 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    موديل " ماقال بجي مالو ما جا ":
    ودي طالعة موضة جدييييييييييييدة إنو البت أول ما تعرف ليها ولد تقبض فيهو بي إيدينا وكرعينا ..تعرفوا الليلة بكرة تقول ليها إيه رايك تجي تتعرف علي ناس بيتنا في جلسة صغييييييرة وهي تكون بي هناك مكلمة الاعمام والخيلان وفي رواية ( المأزون) وجاهزييييييييييين ودخلتك عليهم كده تسمع " أيووووووووووووي يوووووووووووووي يووووووووووووووووووووووووووي " ...
    عشان كده بقوا الشباب شفووووووووووووت وبيقولا للبنات خلاص أعملوا لينا مواعيد مع الحجاج وانا إنشاء الله بجيب أهلي وبنجيكم ..ومن ديك وعييييييييييييييييييييك ..
    وزولتنا يبقا ما عندها وجيع غير هاجر كباشي :
    بجي بجي بجي ..
    أوعدنا بجي ... كلمنا بجي ..
    بجي بجي بجي ..

                   |Articles |News |مقالات |بيانات

04-03-2005, 01:20 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عمر الفاروق شيخ الدين)

    أخوي عمر الفاروق ...
    لوووووووووووووووووووووووووول وتاني لووووووووووووووووووووووووول

    بس!

    ده ما يمنع انو منكم خفيفين ورشيقين وبتجوا على وشكم دوردلوب!

    واصل في سرد الموديلات (الغير سائدة) من البنات، وسأواصل سرد الخطوط العريضة لكم!!

    وان عدتم عدنا
                   |Articles |News |مقالات |بيانات

04-02-2005, 00:49 AM

sharnobi
<asharnobi
تاريخ التسجيل: 02-04-2002
مجموع المشاركات: 4210

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    العزيزة عزاز

    الماسنجر وقف
    ممكن تمدينى بنمرة
    استاذى الفاضل محمد خليفة
                   |Articles |News |مقالات |بيانات

04-02-2005, 04:47 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: sharnobi)

    أخوي شرنوبي ..
    سلامات ..
    دي نمرة خالي حمدي مختار في كندا وهو ممكن يديك نمرة خالي محمد، بلغهم سلامي..
    0019058191735
                   |Articles |News |مقالات |بيانات

04-02-2005, 05:28 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    واللللللللللللللللللللللللللله يا عمر بتبالغ..

    Quote: (إبرة في موزة)


    دي فيها حركة فنية كده.. والله مبالغه عديل كده..



    Quote: موديل " ماقال بجي مالو ما جا "


    والله ده موديلي المفضّل.. سمعتها اكتر من مره .. من أكتر من زول اتدبس تدبيسه زي دي.. المحلل الاجتماعي عمر الفاروق والمحلل الجهبذ عزاز.. تفتكروا لييييه؟


    عزاز... الزول الماشي "ساااااااااي" ده كيّفني... أخير ليهو.. عايش حياته وفي.. وبكسب حسناته من الشواكيش..



    انا شايله بشار وبيبسي ومستممممممممممممممممممممعته بالفلم الهندي ده.. واصلوا عليكم الله

    اسمحوا لي أحيي العم نصّار.. والله كلامك في المليان دايماً..

    بنت الحسين
                   |Articles |News |مقالات |بيانات

04-02-2005, 12:27 PM

benyya
<abenyya
تاريخ التسجيل: 03-09-2003
مجموع المشاركات: 774

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    Quote: على سبيل المثال لا الحصر: السهر خارج المنزل، النزوات العاطفية، شرب السجائر وغيرها من المحرمات في القاموس النسائي ومن الامتيازات في القاموس الرجالي. ولسبب ما، لا يدرك الرجال بأننا عندما ننتقد تصرفاتهم السلبية لا نريد أن نكون مثلهم بل ننتقدها لأنها منافية للسلوك القويم او فيها تعدى على حقوقنا، وبصراحة الحمد لله انو أنا ما راجل إذا الرجالة كده!! الرجالة تطير!



    عزاز كيفك

    عجبتني الحته الفوق دي


    التحيه

    و

    لى قدام
                   |Articles |News |مقالات |بيانات

04-03-2005, 03:12 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: benyya)

    أختي بنيه...

    يعجبك السمح يا بت امي .. ايدك معانا نهزم الظلاميين الرجال شر هزيمه
                   |Articles |News |مقالات |بيانات

04-03-2005, 01:47 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    مريومة اللذيذة ...
    بحضوركم تتم لنا الأفراح!!

    ما تفارقينا
                   |Articles |News |مقالات |بيانات

04-03-2005, 02:16 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز يابت شامي :
    كيفنك !!
    Quote: أخوي عمر الفاروق ...
    لوووووووووووووووووووووووووول وتاني لووووووووووووووووووووووووول

    ليس لوووووووووول واحدة ولا لوووووووووولين بل تلاتة لوووووووووولات متتالية ..
    وبررررررررررضو ما بتحلك

    Quote: ده ما يمنع انو منكم خفيفين ورشيقين وبتجوا على وشكم دوردلوب

    طبعاً البنات عندهم نظرية ومقولة شهيرة بيقولوها للأولاد :
    الرشاقة الكتلت إشراقة !!!!!!!!!!!!!!!

    لكن نحن عندنا مقولة أكثر شهرة بنقولا ليكم طوااااالي :
    " الخفة الكتلت أم تفة " ..
    وطبعاً دي مرحلة متأخرة جداً عند البنات وخصوصاً الفي الجامعات ..الواحدة منهم تشيل دفترك بتاع المحاضرات نظام شدة وكده وبعد كم يوم تجيبو ليك ومشخبط بي ورا كللو أغاني وأشعار ونظام دي خواطر كتبتا وهي ما حاسة (الحب ليس رواية شرقية بختامها يتزوج الابطال).. أو (عذراً حبييييييييييبي ..) أو (عند الأزمة تتحقق الذات الأنسانية ..)
    Quote: وان عدتم عدنا

    والعود أحمد وأشرف ونفيسة وعبد الكريم

    مريومة يابت الحسين :
    Quote: واللللللللللللللللللللللللللله يا عمر بتبالغ..


    بتبالغ دي بت جيرانا( بت بالغ ) أبوها إسمو بالغ وهي زولة لذيييييييذة
    Quote: المحلل الاجتماعي عمر الفاروق والمحلل الجهبذ عزاز.. تفتكروا لييييه

    بجيك ليها بي رواقة إنشاء الله الاسباب دي ..لكن مبدئياً كده وللضمان نقول ياربي يكون من الزردية ؟؟؟؟
                   |Articles |News |مقالات |بيانات

04-03-2005, 02:34 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    Quote: بس!

    ده ما يمنع انو منكم خفيفين ورشيقين وبتجوا على وشكم دوردلوب!



    * اضافة الي الموديلات التي قام بذكرها الاخ عمر الفاروق اضف موديل
    اخر من البنات : موديل دق الباب وجانا وانا جريت ليه حفيانا ... طبعا
    هذا النوع من موديلات البنات بيكون غالبا حصل مرحلة البايركس بالمناسبة
    موديل جديد ظهر بعد انخفاض قلة الشباب في السودان نسبة الي ظروف الحرب
    التي كانت تعيشها البلاد في الفترة الاخير مما ادي الي انخافض معدل الزواج
    واصبحت حواء كل ما الباب يدق بتخيلها انو دي عريس .... برضو انحنا البنجي علي وشنا دوردلوب ولله انتو

    * بالمناسبة لو لا ايماني التام بمصطلح الجندرة وايماني التام بـ مبادئ
    الديمقراطية وحقوق الانسان بشكل عام وحقوق المرأه بشكل خاص كنت سوف اقول
    إن حواء إبليس في شكل انسان

    (عدل بواسطة samwal ebrahiem on 04-03-2005, 02:54 AM)

                   |Articles |News |مقالات |بيانات

04-03-2005, 02:53 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: samwal ebrahiem)

    سموؤل إبراهيم :
    حبابك ألف ومرحب بيك وكيل منافس لأصدار موديلات البنات ..

    Quote: بالمناسبة لو لا ايماني التام بمصطلح الجندرة وايماني التام بـ مبادئ
    الديمقراطية وحقوق الانسان بشكل عام وحقوق المرأه بشكل خاص


    Quote: كنت سوف اقول
    إن حواء إبليس في شكل انسان

    لكن ما تقول لي ..الإيمان مااااااااااااااااا عنننننننننننننننندك :

    راجيك لسة ..
                   |Articles |News |مقالات |بيانات

04-03-2005, 04:41 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: samwal ebrahiem)

    اخوي السمؤال...

    ((واصبحت حواء كل ما الباب يدق بتخيلها انو دي عريس))

    ** ليه ما تكون فاكراه أخوها رجع من الجنة ولا اخوها التاني الغطس حجره هناااااك؟؟؟

    لو الحرب اللي عندنا كان اثرها بس البورة، ما كان ده حالنا!!

    الرجال يا ود امي ماتوا زمااان في كرري!!

    ** ايمانك لاكين ما في السلك!! انت ما قلت وخلاص ... وابليس بيلد منو؟ ملاك ولا ابليس زيو؟؟ ده سؤال لخرجين الاحياء والطب العام!!
                   |Articles |News |مقالات |بيانات

04-03-2005, 02:54 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عمر... الشغلانه رجال ونسوان؟ .. هجوم وهجوم مضاد.. كان كدي انا مع عزاز صاحبتي...

    بس بشجع من صفوف المشجعين، حاكم انا ما بعرفش حاقة.. انا غايته موديل برااااااااي... نوعيه كده ما بعرف .. هم وقفوا تصنيعها عشان ما تتضرر البشريه...


    عزاز
    معاك يُمه.. قولي عوك بس...




    بنت الحسين
                   |Articles |News |مقالات |بيانات

04-03-2005, 03:34 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    مريومة يا بت الحسين :
    Quote: عمر... الشغلانه رجال ونسوان؟

    أبببببببببببببببببببببببببببببدددددددددددددددددددداً...

    Quote: هجوم وهجوم مضاد.. ?

    نهييي زندقيي فرانسيس كيس ميس ..ترجمتا (حاشا وكلا )..

    Quote: حاكم انا ما بعرفش حاقة

    وانا غلباااااااااااااااااااااااااااااااان ..

    Flash Back :
    تعرفي يا مريم الموضوع ما موضوع راجل ومرا وما موضوع عشان عزاز كتبت أنا أقوم أديها الرد ..لالالا بس القصة إمكن بتكون أحلي لمن تخلي صاحب البوست هو يبدا وبعدين إنت تجي تعقب (إنتي ما حضرتي أركان نقاش ؟؟)..
    الموضوع حقيقي في طياتو بيحمل كتير من المؤشرات الخطيرة إمكن انا بحاول بي قدر الأمكان أعالجا بي إسلوب قد لا يروق لي الناس أو ما ياخدوهو علي محمل الجد ..
    عزاز أختي إتناولت الموضوع من زاويا واحدة لي وصف الرجل والنقطة المهمة جداً والخلتني أتداخل إنو عزاز أختي (عاينت للجزء الفاضي من الكباية )..وإتناولت الرجل من الزاوية التي طغت عليها الجوانب العاطفية وجوانب الإرتباط ..وتكمن الخطورة إذا كان المرأة فعلاً بتنظر للرجل (الرجل بعيون المرأة)من الزاوية دي وبس !!! وكل الخوف إنو يكون فعلاً ده الجانب البتحاول المرأة تشوفو في الراجل وتتغاضي عن باقي الأشياء ...وممكن عشان المرأة بتحاول تعاين من المنظور الضييق ده بالتالي فعلاً حاتلقي الموديل رقم (5) عند عزاز فعلاً إتعدم من السوق رغماً عن إنو موجود وبكثرة ودليلي علي كلامي هو الاتي :
    اذا عملنا إستفتاء لي بنات البورد هنا وطلبنا من كل واحدة تورينا فتي أحلاماأو خطيبها أو زوجها موجود في ياتو موديل حاتلقي السواد الأعظم منهم أيد الموديل رقم(5) المعدوم ده !!!!! وده شي طبيعي لأنو كل واحد بيشوف من المنظور البيناسبو هو ولاحظي لي إجابة عزاز الدبلوماسية جداً لمن سألتوها عن خطيبا في ياتو موديل !!!! وأي إجابة غير الإجابة دي وأي موديل غير القالتو عزاز ده كان حايعتبر تناقض كبير ..يبقا أكيد كلللللللللل البنات عزاز وكلللللللللللللل الرجال خطيب عزاز وتبقا المعادلة موزونة ..
    أغلب البنات ما عندهم الشجاعة الكاملة في وصف (فتي أحلامهم) أو الشخص المرتبطين بيهو إلا بعد حدوث كارثة (شاكوش)وبعد داك يبدو بي وصف الرجل من الزوايا العاطفية (غشاش ..عايز يقضي وقت..غير مسئول ..الخ ..) وحتي في فترة الإرتباط إذا حاولوا يتكلمو عن فتي الاحلام بيتكلموا عنهم بي صورة رقيقة ودبلوماسية (زولي زي مافي) ..( حبيبي الزيو لسة ما إتولد )..( من أهواه ماركة مسجلة لي انا وحدي)..( الله يديكم زي راجلي ده )..وهكذا أمثلة ..
    يبقا المشكلة الأساسية إنو معظم (وليس كل) البنات لمن يكتبو عن الرجل بتكون أغلب كتاباتهم إنطباعات شخصية أو عينة لا تشمل الكل ربما لأنها لم توفق في إختيار تلك العينة ...
    تخريمة :
    مريم يابت الحسين عليييييك الله خليني في هترشتي ديك أحسن لي انا لمن أعمل فيها بتكلم بي موضوعية بحس بي روحي أشششششششششششششششتر ...

    Quote: عزاز
    معاك يُمه.. قولي عوك بس...

    البت دي ما تغشك يا عزاز إنتي (أدها وأدوود) وما بتحتاجي للإتصال بي صديق ومريم دي غير المشاكل ما حاتجيب ليك شي وبعدين تقول ليك مخيييييييييرة يا عزاز انا مش قلت ليك مشجعة ساي ..
    بجيكم إن الله مد في العمر ..
                   |Articles |News |مقالات |بيانات

04-03-2005, 05:04 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عمر الفاروق شيخ الدين)

    عمر the sone of الفاروق ...
    ** قلت لي انا بعاين للجزء الفاضي من الكبايه؟ طيب العمل شنو كان الكبايه فااااااضيه؟

    ** هل برأيك انو رقم خمسه او الموديلات التانية ما كانت ليها مدلولات اخلاقيه؟
    كون انك تكون صادق مع نفسك والآخرين ما ليها علاقو إلا بالحب؟
    كون انك تكون مسؤول من و تكون واقعي في تطلعاتك ما ليها علاقة إلا بالحب؟

    المشكلة الحقيقية يا عمر بالجد انو الاخلاق اتعدمت عند الطرفين!
    و الأمر انو الرجالة بقت خشم بيوت!


    واصل هترشتك العاقله لانها بتعكس واقع معاش، شئنا ام ابينا! وما بيفيد انو ندفن رؤسنا في الرمل..
    واصل .. و سنواصل
                   |Articles |News |مقالات |بيانات

04-03-2005, 04:46 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    مريومة ..

    واعوكتاه!!

    تعالوا لي بيجاي... في غزو ايدولوجي موجه ضدنا انحن، القوارير وفتايل القطرة
                   |Articles |News |مقالات |بيانات

04-03-2005, 03:15 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    موديل رقم (:
    متحدث لبق يعرف كل شئ ويفهم في كل شئ! ديبلوماسي، أنيق، شعره مصفف بعنايه! لا يشرب السجائر لأنها تضر بصحته، لا يأكل إلا ما هو صحي .. باختصار سوادني مواصفات لبنانيه! ولكن لسبب ما، نقاشاته لا تتعدى طرح الفكره وغالبا هو لا يأتي بجديد بل يردد ما سمعه في التلفزيون، بمععنى آخر (ثقافة راديو)! بالكثير قرى اول سنة في الجامعة ونط في اول طياره ماشية لفوق...
    لهذا النوع مميزات، ولكن عيوبه اكثر! فهو نرسييس سوداني النكهه وما عايش الواقع والواقع ما عايشه!
    أي نعم بيغديك في الهلتون في السودان وياخدك القهوة في الفيصليه وبيكون عارف اسماء الماركات اكثر من اسماء بنات عمه وخالته، بس سيرة العرس بطشش ليهو عيونه وبيبتدي يحس بالغثيان!!
    وكما تعلمين عزيزتي السوادني بطبعه فاكيها في روحه (FFR) وبعضهم فاكيها في روحه ومصدق(FFR & M ) وهو شعره منكوش وجسمه مشقق وسافي ربع رطل وكعب الرجول مشقق، فمابالك إذا كان نظيف زي الموديل ده؟؟!؟! بعدين النوع ده يتنافس معاك في الكريمات والدلع، ناهيك عن انو متطلع وداير يعرس ليهو نانسي عجرم وعلى اقل تقدير روبي!!!
                   |Articles |News |مقالات |بيانات

04-03-2005, 03:43 AM

معتصم دفع الله
<aمعتصم دفع الله
تاريخ التسجيل: 12-18-2003
مجموع المشاركات: 12722

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    شنو يا جماعة الواحد يغيب ليهو يومين يجي يلقى الورشة كلها مكركبة ..


    يا ولد جيب مفتاح 10 ..
                   |Articles |News |مقالات |بيانات

04-03-2005, 03:53 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    Quote: وكما تعلمين عزيزتي السوادني بطبعه فاكيها في روحه (FFR) وبعضهم فاكيها في روحه ومصدق(FFR & M ) وهو شعره منكوش وجسمه مشقق وسافي ربع رطل وكعب الرجول مشقق، فمابالك إذا كان نظيف زي الموديل ده؟؟!؟! بعدين النوع ده يتنافس معاك في الكريمات والدلع، ناهيك عن انو متطلع وداير يعرس ليهو نانسي عجرم وعلى اقل تقدير روبي!!!



    ده غايته ما لاقاني ولا طقش عيني.. غايته الحنكشه فيهم مشاااااااتره.. لكن شفته ليك عينه انا شخصيا بخلي ليها المكان لما الاقيها في مساحة بتاعت خمسة كيلو مربع...

    دي بكون مالي شعره جل، وما يفوتك شعرنا ده لما يعملوا ليه جل... ولابس بنطلون اكبر منّه بأربعة مقاسات.. وفنيله تلبس خمسه من حجمه... وبعداك داك . خليه يفتح خشمه ... تلقي طوالي اليد اشتغلت بي حركات الأمريكان من اصل افريقي... ويختصر ليك الإنجليزي كلللللللله في Yo, what's up!؟ ...

    اها ده حسناته انه زول في حاله.. ما من النوع البجنن ليك اخته ولا بت خالته ولا شغلته في زول.. الحقيقة ما فارق معاه زول.. كل شي عنده cooooooooooool... سيئاته..! الحقيقة "وجوده ذنب لا يدانيه ذنب!" ...


    بنت الحسين
                   |Articles |News |مقالات |بيانات

04-03-2005, 05:23 AM

صلاح الدين عبدالله محمد
<aصلاح الدين عبدالله محمد
تاريخ التسجيل: 01-02-2005
مجموع المشاركات: 1403

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    عمر
    طلعت خبرة
                   |Articles |News |مقالات |بيانات

04-03-2005, 05:04 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    سمؤل... لااااااااااااااااااا يا سمؤل... حتى أنت يا سمؤل ... عاد بالغته يا اخوي...


    بعدين ابليس ده ماله يا جماعه.. شن سوا..!؟

    عمو الفاروق.. والله كيفني تحليلك لكلام عزاز.. تعرف انا لما سألته عزاز، كان في بالي نفس الاجابه للسؤال السألته ليها..

    لكن يا عمر، موضوع الحكم البتتحكم فيه العواطف ده موجود حتى عندكم... ما حصل سمعته لي راجل بنبذ خطيبته.. لكن مما تتدبس بت الناس، يبدا يباعد بين الخطوات وتلقاه ماشي قدامها بي مترين...

    بعدين يا اخوي.. كان المخ بكون شغال على طول الخط... ما حدش كان عرّس ..

    عزاز... انا برضه عندي موديل خمسه مُحسّن... لقيت بالصدفه.. الحقيقة لقاني بالصدفة... ولا اقول ليك عشان خاطر المساواة، لقينا بعض صدفة..

    شفته المساواة دي كيف يا سمؤل؟

    بنت الحسين
                   |Articles |News |مقالات |بيانات

04-03-2005, 06:21 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز شامي

    Quote: ** ليه ما تكون فاكراه أخوها رجع من الجنة ولا اخوها التاني الغطس حجره هناااااك؟؟؟


    ياتو اخو يا عزاز بيجرو ليه حفيانين .... بس ربنا يكضب الشينه

    Quote: الرجال يا ود امي ماتوا زمااان في كرري!!


    * اتفق معكي بان هؤلاء ماتو موت الحق ونالو الشهادة وسام ومش ذي الشهادة الحالية المشكوك في امرها
    * لكن برضو ما تنسي انو البنات يا بت امي ماتو من زمن ناس مهيرة بت عبود ولله شنو ..



    Quote: وابليس بيلد منو؟ ملاك ولا ابليس زيو؟؟


    * إبليس ممكن جدا انو يلد ملاك بـ اعتبار انو شايل الصفات
    الوراثية بتاعت ( آدم ) ابوهو يعني بالمناسبة دي كلام
    علمي في كتاب الصفات الوراثية لدي السلاسل البشرية بـ يقول
    نسبة 99 في المائه من الذكور بيكونو حاملين الصفات الوراثية
    للاب يعني يا عزاز في نسبة 1 في المائه بس اباليس

    * انتي عارفه يا عزاز مشكلتنا انحنا السودانين انو بنقيم مجموعة
    بشرية بـ اكملها عشان عيب شفناهو في بعض قليل منها يعني زي ما بيقولو
    ماشين بي نظام الشر يعم والخير يخص ان برفض بي شدة هذا المنطلق .. خليكي
    من العلاقات العاطفية بين الجنسين من الوفي ومن الخائن .... حتي
    علي مستوي القبائل نجد انو بعض القبائل مظلومة ظلم الحسن والحسين في بعض
    الصفات عشان المبداء الخاطي دي وعلي سبيل المثال لا الحصر مثلا اخوانا الشوايقة اى سوداني غير شايقي
    قابلتو بيقول ليك الشوايقه كعبين ( اذا لقيت ود الشايقي وولد الدابي اكتل ود الشايقي وخالي ولد الدابي ) وانا متاكد تماما انو الاشخاص ديل عمرهم ماعاشرو
    الشوايقا انا عاشرتا الشوايقا لسنوات عديدة اكاد اقسم بانهم اطيب بشرية في سوداننا الحبيب
    ايضا المحس اى سوداني قابلتو سالتو عن المحس يقول ليك المحس ديل عنصريين
    وهو يكون قبل كده ماشف ليه محسي بعينو ودي بالذات انا بقسم عليهافي المصحف الشريف
    انو المحس ما عنصريين بس متمسكين بي اصالتهم وعاداتهم وتقاليدهم واعرافهم بتخيل
    لي انو دي ما عنصرية ده ولاء للقبيلة ........
    وبي نفس المنطق قروره من القوارير تقع في يد آدم غير سوي خلاص تبقي اي آدم علي وجه
    الارض بنفس الصفات
    * اثناء دراستي الجامعية كانت تربطني علاقة صداقة حميمة بـ احدي الفتيات صداقة وليس حب
    سألتها بحيث تجيب علي بكل صدق وامانه لي البنات يا فلانه دائما بيحبو صداقات
    الاولاد ..... كانت الاجابة عشان الاولاد طيبين ومخلصين لكن البنات يا سمؤل خصيصات
    وكعبات يعني اضرب ليك مثل بسيط ممكن انت تكون عندك علاقة بي بت وتكون ما جادي معها
    وصحبك يكون عارف الكلام دي لكن لو قطعو رقبتو ما حيمشي يكلم البت دي حفاظا علي وفاء
    الصداقة بينكم بالرغم انو الحاجه دي غلط وبالعكس تماما تكون عندك علاقة مع بت والبت ما جده معاك يعني غاشاك
    واعز صديقاتها عرفت بذلك لو خجلت وما جاءت كلمتك اقل شي ممكن تكلم صحبك انو فلانه دي
    غاشاك ما عشان مسألة امانة بس خصاصه كده البنات يا سمؤل ما عندهم حاجه اسمها صداقة
    نهائي والله علي ما اقوله شهيد دي كلام بيت صادقة مع نفسها بالرغم من انها بنت قالت
    الحقائق .......
    بالمناسبة انا ما قلت الكلام دي من مبداء مكايدة لا والله بس البوست بالجد عظيم
    وعشان يقوم بحل هذه المشكلة الاجتماعية لازم نتكلم بي مصداقية ربما تراجع حواء
    نفسها ويراجع آدم نفسه وبذلك يكون البوست خدم اكبر مشكلة اجتماعية وظواهر سلبيه
    في مجتمعنا الحبيب مع ايماني التام بمصطلح الجندرة وحقوق المرأه

    (عدل بواسطة samwal ebrahiem on 04-03-2005, 06:30 AM)

                   |Articles |News |مقالات |بيانات

04-03-2005, 06:29 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: samwal ebrahiem)

    اخوي السمؤال ..
    سلامات ..
    انت كنت ماشي تمام لغاية ما حوا اقصد _صديقيتك) دي خشت في النص وادلت بتصريحات غريبه! خيانة الامانه هي هي وافشاء السر هو هو ناهيك عن انو التصرف في الحالتين خطأ!! آدم كان سلبي وحوا كانت نمامه!! الاخلاق بتفرض انو انت توجه المخطئ وتنصحه لزمانه ...

    يا حليلك يا اخلاق!

    المفاجأة هي انو ... انت زااااااتك ممكن تنجرف خلف التعميم وبقيت القوارير والبرطمات فد شكل!

    يا استاذ يا كريم، الأخلاق ما بتتفنط وما ليها جنس ولا جنسية ...


    ما ازال ابحث عن اجابه...
    لو ابليس هو المراة و آدم ظل كما هو آدم، ما هو نوع المولود؟
                   |Articles |News |مقالات |بيانات

04-03-2005, 06:48 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز

    Quote: المفاجأة هي انو ... انت زااااااتك ممكن تنجرف خلف التعميم وبقيت القوارير والبرطمات فد شكل!


    انا زكرت ليك انني ضد المبداء البيقول الشر يعم والخير يخص يعني
    عشان ما حواء دي قالت لي انو الحواءات كداء وكداء اقوم انا ابقيها
    هي ذاتا ذي باقي البرطمات بالرغم من انو حواء دي عممت علي الحواءات
    الي انني لمبادئ راسخه في ذهني منذ آمد بعيد لم اصنف جميع الحواءات
    بهذا التصنيف ..... في نفس الوقت لم اكذب تلك الحواء ( صديقتي الصادقة )
    بل قد فسرت حديثها علي مبداء الشر يعم والخير يخص ووضعتا في ذهني او كتحليل
    نفسي بانها قد صادقة مجموعة من الفتيات قبل ذلك تتوفر فيهم صفات الخصاصه
    وكغيرها من السودانيات ذهبت بمبداء الشر يعم والخير يخص قصد بذلك كله مبداء
    الخير يعم والشر يخص هذا هو المقصود يا عزاز ... اما من حيث انني سوف انجرف
    في يوما من الايام في التعميم لو حدث ذلك ايضا سوف يكون من نفس المبداء المغلوط
    المذكور سالفا

    Quote: ما ازال ابحث عن اجابه...
    لو ابليس هو المراة و آدم ظل كما هو آدم، ما هو نوع المولود؟


    قد اجبت علي هذا السؤال يعني يا عزاز عشان ما طبيب ما مقتنعا بي كلام
    واجبتي ؟

    (عدل بواسطة samwal ebrahiem on 04-03-2005, 06:50 AM)

                   |Articles |News |مقالات |بيانات

04-03-2005, 11:08 PM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: samwal ebrahiem)

    عزاز

    Quote: يا استاذ يا كريم، الأخلاق ما بتتفنط


    منو قاليك انو الاخلاق ما بتت فنط ... في موضوعيك دي بالذات
    ممكن الاخلاق تت فنط ونص وخمس لانو مرتبطة ارتباط مباشر بالاخلاق اي
    علاقة انسانية مهما كان نوعها قوامها الاخلاق يا استاذة يا فاضلة
    وتاكيدا لذلك زكرتي يا استاذة اثناء سردك للموديلات في بداية
    البوست النوع الخامس من الموديلات كالاتي

    Quote: موديل 5 (نادر ويكاد ينعدم) :
    عنده اخلاق وبيخاف الله! شوهدت آخر حبة من هذا الموديل سنة ...19 وخشبة ولم تصلنا تفاصيل بعد عن امكانية عادة التصنيع. سنوافيكم بالاخبار..


    اول ما كتبتي عنده اخلاق ..... اذن دي اهم شي وفنطيها بشكل غير مباشر
    عندما سالتك الزميلة مريم عن موديل خطيبك زكرتي ما يلي


    Quote: قولت لي موديل خطيبي شنو؟ هو كان مشروع موديل (5)


    يوكد ذلك ان علاقة ادم بـ حواء مرتبطة ارتباط مباشر بالاخلاق ... لهذه الاسباب
    قمت بتفنيط الاخلاق

    مع خالص الاحترام
                   |Articles |News |مقالات |بيانات

04-13-2005, 08:40 AM

mohamed osman bakry

تاريخ التسجيل: 12-02-2003
مجموع المشاركات: 1472

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    Quote: لو ابليس هو المراة و آدم ظل كما هو آدم، ما هو نوع المولود؟

    إبليـســــــــه
                   |Articles |News |مقالات |بيانات

04-03-2005, 06:37 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    Quote: اذا لقيت ود الشايقي وولد الدابي اكتل ود الشايقي وخالي ولد الدابي

    دي غايته انا سمعتها في اولاد عمنا الحريزاب (فرع من الجعليين)... قالوا الحريزاب مُساخ وبُخلا... عليك الله في ختا قدر ده!؟
                   |Articles |News |مقالات |بيانات

04-03-2005, 07:06 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    مريم بت الحسين

    Quote: سمؤل... لااااااااااااااااااا يا سمؤل... حتى أنت يا سمؤل ... عاد بالغته يا اخوي...


    مريم انا مابالغت البالغ الزمن بعدين يا مريم انا ما قلت ان قلت كنت حقول
    انتي عارفه كلمة حواء ابليس دي لاقيت الحين لساني ما بقدر ينطقا حتي لمن كتبتها
    حسيت بان اناملي ترتجف وكل دي عشان مبادئ راسخه في عقلي منذ آمد بعيد ( ديمقراطية
    حره - جندره - وحقوق المرأه علي عينا وراسنا ) بس والله العظيم وكتابه الكريم لو لا
    تلك المبادئ كنت قلت ....


    Quote: ولا اقول ليك عشان خاطر المساواة، لقينا بعض صدفة..

    شفته المساواة دي كيف يا سمؤل؟


    احيك يا مريم علي المساواة والجندرة ما عندك والله

    Quote: دي غايته انا سمعتها في اولاد عمنا الحريزاب (فرع من الجعليين)... قالوا الحريزاب مُساخ وبُخلا... عليك الله في ختا قدر ده!؟


    مريم كلمة امانة اقولها لم اعاشر احد من تلك القبيلة ( الحريزاب ) ولكن اكاد
    اجزم بانهم غير مساخ واكيد تهمة لفقوها فيهم عشان فئة قليلة منهم بالاعتقاد القبيح
    الشر يعم والخير يخص .... وكان معلوماتي ما ضعيفة بتخيل لي بتخيل لي انها مقولة
    عساكر السجم
                   |Articles |News |مقالات |بيانات

04-03-2005, 06:53 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    Quote: انت كنت ماشي تمام لغاية ما حوا اقصد _صديقيتك) دي خشت في النص وادلت بتصريحات غريبه! خيانة الامانه هي هي وافشاء السر هو هو ناهيك عن انو التصرف في الحالتين خطأ!! آدم كان سلبي وحوا كانت نمامه!! الاخلاق بتفرض انو انت توجه المخطئ وتنصحه لزمانه ...

    يا حليلك يا اخلاق!

    المفاجأة هي انو ... انت زااااااتك ممكن تنجرف خلف التعميم وبقيت القوارير والبرطمات فد شكل!



    ينصر فريق الكوره البتشجعيه... وحاة الله ختفتي الكلمة من حلقومي...




    سمؤل.. معليش يا اخا العرب.. انا اعلنت التضامن مع عزاز دي من قبييييييييييييل..
                   |Articles |News |مقالات |بيانات

04-03-2005, 07:14 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    مريم بت الحسين

    Quote: سمؤل.. معليش يا اخا العرب.. انا اعلنت التضامن مع عزاز دي من قبييييييييييييل..


    احيك علي هذا التضامن ومعليش علي شنو يا مريم ما عزاز قالتا وانتهت
    القوارير فد شكل

    (عدل بواسطة samwal ebrahiem on 04-03-2005, 11:56 PM)

                   |Articles |News |مقالات |بيانات

04-03-2005, 08:39 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز شامي يا خيتي ..
    تعرفي أول شي إتوقعتو إنك حاتقولي لي إنك ما بتتناولي الموضوع بي جانب عاطفي بس ..ودي حقيقة إنتي في داخل الموديلات دي قاعدة تتكلمي عن حقائق موجودة في الرجل لكن النقطة المهمة والمهمة جداً والتي ربما تصرين علي إغفالها عمداً هي عدم توفر الموديل رقم(5) والذي أنا أصر علي أنه موجود وبكثرة ...
    أيضاً (طالما الموضوع بقا جادي ..) كل الموديلات التي تتحدثين عنها بخصوص الرجل تتناسين جانب مهم جدا جدا فيها الا وهو عامل السن والفترة التي يحددها نوع الموديل وإليك المثال :
    الفصل الأول الذي بدأتي به تحليل الرجل هذا الفصل يتناسب مع الرجل في فترة المراهقة وهذه حقيقة لا ينكرها الناس وهي شئ طبيعي جداً فكما ترتبط الفتاة في تلك الفترة بإظهار أنوثتها وذلك من خلال عدة وسائل (مكياج - لبس -مشية رشيقة ) فالرجل له التصرف العكسي (السجاير - مشية الشفتنة - كلام الشارع ) ..

    مثال تاني وهو اخر موديل طلعتيهو من ورشتك (2005) وده بيتعلق بي الولد الناعم جداً وهنا لابد من عدم خلط الأوراق فانا لا يمكن أن أقول ويوجد موديل من النساء (الشفتات) أو بي الدارجي كده (محمد ولد ) والتي تلبس البنطلون وتكفكف القميص وتعمل الشعر بوب مارلي بالتالي هذا الموديل الذي تقولينه لا يمكن أن تعممي به الرجال أو حتي تقولي بعضهم فهم حالة خاصة أو عددية غير كافية لنشمل بها كل الجنس الرجالي ..

    رجعة مرة أخري إلي تساؤلاتك حول لماذا أنا ربطت فقط موديلاتك بالحب والأجابة بسيطة جداً أكتفي بسردها عن طريق مداخلاتك أنت..:

    من الفصل الثاني كتبتي:
    Quote: ولإفرازات المجتمع المزدوج المعايير ينشأ الرجل على التعامل بازدواجية في كل شئ بما فيها علاقاته العاطفية... دي بنت احبها ودي بنت أتسلى معاها ودي بنت بعرسها!! و(البعرسها) بتكون حياتها مفتوحه لكل الاحتمالات فهو كراجل ممكن يطلقها!! وتستمر دورة الحياة...


    من الموديل رقم (1) كتبتي:
    Quote: طبعا الحنك ( تعبير عن الكلام اللبق) يبدأ بـ ((انتِ البنت الكنت بحلم بيها طول عمري، وانا كنت تايه من غيرك و.... ) وبعد فترة قد تطول أو تقصر (تعتمد على المرحلة) تصبح نفس البنت ما مناسبة وان هناك اختلافات جذرية في الرؤى والاهتمامات!! وفنننننننننننننننننننن ... تطير الفتاة المغلوبة على امرها عكس الريح !!!

    من الموديل رقم (2) كتبتي :

    Quote: زول مسكين عاطفي شايل قلبه في ايده وحايم، عيونه على طول مغروقه بالدموع على حب ضائع وطوالي رايحه ليه مشاعر جياشة..


    من الموديل رقم(3) :

    Quote: بيحب انو يكون اليد الحنونة اللي تطبطب على نافوخ البنت اللي ماخده شاكوش.. تجده في اغلب الأحيان الوسيط بين أي اثنين متشاكلين ودايما بيكون في صف البنت، اصلوه هو حساس. يمضي اغلب مستمعا جيدا ويمتعه ان يوصل البنات لبر الأمان، اللي هو غالبا بيكون عريس


    الموديل الوحيد الذي تطرقت فيه أنت للأخلاق بالنسبة للرجال كان هو الموديل الذي أنت مقتنعة بأنه قد تلاشي تماماً من الوجود ..:
    Quote: عنده اخلاق وبيخاف الله! شوهدت آخر حبة من هذا الموديل سنة ...19 وخشبة


    انا مقتنع تماماً بأن لك نظرة أعمق من حصر موضوعك فقط في الحب والذي هو أيضاً لا نقصد به حب المسلسلات المصرية وأفلام جيمي وكوماو أبو شلخة ...
    بجيك صادي إنشاء الله بعد شوييييييييييييييية كده ..
                   |Articles |News |مقالات |بيانات

04-03-2005, 10:19 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    موديل منتشر الأيام دي ..(أبوكي في؟ ..مابسوي شي ...كلبكم في ؟ مابعضي ..)

    ده موديل البنات العينهم قاهرة ونظام هي البتصرف علي البيت بالتالي ماف راجل في البيت مالي عينا تطلع علي كيفا وتدخل علي كيفا (ماشة علي حل شعرها ) وطالما بتجي داخلا بي كيس الخضار وبتدي حمودي قروش المدرسة وأمها قروش الصندوق وأبوها عرفتو بي واحد في الحلة عندو عربية ممكن يوصلو في طريقو معاهو للشغل معناها ماف زول يسألها ..
    الموديل ده من البنات شال موضوع المشاعر والأحاسيس دى من قاموسها ..شايلة معاها شماعة (الظروف الأقتصادية ) عشان تعلق فيها كل تصرفاتها الغير صحيحة ..شايلة معاها شماعة المعاناة عشان ترمي فيها فشلها في الحياة ...شايلة معاها شماعة (هم رجال الزمن ده رجال؟) عشان تعلق فيها عدم توفيقها في الإرتباط العاطفي بي راجل زيها زي أ بت من بنات جيلا ...

    تخريمة :
    الموديل ده من أسوأ ما أنتجته شركة (نسوانيوتا ) ونتمني من الشركة أن تسحبه من السوق في أسرع وقت بعد أن بدأ يملأ الأسواق العالمية ..
                   |Articles |News |مقالات |بيانات

04-03-2005, 11:43 PM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز

    امتدادا لتسلسلك الرقمي في الموديلات سوف اقوم بالترقيم
    حسب التسلسل بس في الاتجاه المعاكس

    موديل رقم 8
    ديل ذي البقولو ليك ( نحنا بنات الخرطوم تلاتة محل البيبسي بـ الشوكلاته
    والآيسكريم بـ الخلاطة ) ...... الموديل دي غريب جدا لانو توجد فيه بعض
    المتناقضات ..... وحواء من هذ الموديل اذا احبت بتحب بصدق يكاد يفوق
    المتوسط بقليل لانو الصدق درجات في الزمن دي وايضا من صفات هذا الموديل العاطفةالجياشة
    لكن مشكلة هذا الموديل انو بـ ينجرف خلف المظاهر الكذابة عشان
    كده سريع جدا بتتاثر بـ من حولها وبالتالي اذا وجدت الافضل ماديا ممكن
    تبيع القضية بي كلو سهولة بالرغم من العواطف الجياشة والحب الصادق ذات
    الدرجة التي تفوق المتوسط .... من غرائب هذا الموديل ... اذا حدث عدم توفيق
    مع ادم صاحب الاموال وغالبا ما يحدث ذلك تحاول الرجوع مرة اخري لادم الاول صاحب القيم النبيلة ومن هنا تم صناعة موديل ادم البيقول :
    ( عزة نفسي مابي علي اسلم قلب ليك تاني )


    وبكل صدق وامانة القضية تحتاج لنقاش

    (عدل بواسطة samwal ebrahiem on 04-03-2005, 11:49 PM)
    (عدل بواسطة samwal ebrahiem on 04-04-2005, 01:18 AM)

                   |Articles |News |مقالات |بيانات

04-04-2005, 00:14 AM

ترهاقا
<aترهاقا
تاريخ التسجيل: 07-04-2003
مجموع المشاركات: 4572

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: samwal ebrahiem)

    Quote: هو كان مشروع موديل (5)


    الحاصل شنو اليومين ديل يابنت العم؟
                   |Articles |News |مقالات |بيانات

04-04-2005, 01:16 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: ترهاقا)

    أخوي ترهاقا ..
    كل خير يا ود العم، الموضوع ما شخصي بس الصراع الأزلي بين (ابليس) وآدم

    و انا و سيد الناس سمن على عسل
                   |Articles |News |مقالات |بيانات

04-04-2005, 00:54 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز يا بت أمي.. ما شايفه الحته اتملت رجال.. وينك؟!!! .. انا غايته بحرس ليك المكان.. لكن جنس كلامكم ده ما بعرف ليه...




    بنت الحسين
                   |Articles |News |مقالات |بيانات

04-04-2005, 01:09 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    Quote: .. انا غايته بحرس ليك المكان.. لكن جنس كلامكم ده ما بعرف ليه...


    مريم بت الحسين :- انحنا قبيل شن قلنا
                   |Articles |News |مقالات |بيانات

04-04-2005, 01:44 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    جدادة الخلا الطردت جدادة البيت ..
    بقينا بنجي بي هنا أكتر منكم يا عزاز ومريم ..الظاهر لعنة الجكس دي متابعانا متابعانا وحتي في البوستات تلقي الأولاد متابعين ما يكتب البنات وبيردوا عليهن سريع جدا جدا جدا وهو نموزج عملي عن كلامك الرشاقة الكتلت إشراقة

    أها نرجع شوية تانية للخرمجة والهترشة في الجكس ..والمرة دي ما حا أتكلم عنهم كموديلات بقدر ما حا اتكلم عن إنها ظواهر طبيعية لا علاقة لتسونامي بيها ..
    ظاهرة يا هناي أنا برشح ليك صحبتي هناية :
    ودي ظاهرة لذيذة تدل علي الترابط الأجتماعي القوي والمحافظة علي الصداقة ورد الجميل فمثلاً تلقا ليك (قروب) Group بتاع بنات وأولاد ويكون في القروب ده في واحد نفرض (هناي) مجكس واحدة نفرض ليهو (هناية ) ..أها يقوم هناي ده يكون عندو فردتو وصحبو شدييييد في الشلة لكن زول هادئ ورزين وما عندو علاقة بي الجكس ويكون نفرض (هناية ) ديك عندها صحبتها في داخل الشلة مكسرة في صاحب (هناي) داك لكن ما قادرة تعبر ..
    تقوم هناية تستغل حب هناي ليها وتقوم تقول ليهو ياخ ما تحرك صحبك ده شوية !!!انا شايفاهو زي المعجب بي صحبتي دي وما قادر يواجها !!! ما عندو مشكلة انا بظبط ليهو الأمور وبحاول أقنعا ليهو بس إنت خليهو يبدا الكلام ...
    صاحبنا المسكين داك بيكون والله ما كان خاتي مجرد فكرة ساي عن الموضوع ده وفعلاً تبدا هناية في التخطيط والتنفيذ ويوم تقول لي الشباب إيه رايكم الليلة نمشي كلنا الحدايق رحلة ؟؟؟ وفي الحدايق تقوم ترسل صاحبتا وصاحب (هناي ) عشان يمشوا يجيبو البارد ..وتنادي بتاع التصوير عشان يصور صاحب هناي وصاحبتا لقطة تذكارية ..وفي الرجعة يقولوا لي صاحب (هناي) عليك الله وصل البت دي معاك البيت عشان الوقت إتأخر عليها وزولنا المسكين تشيلو هاشمية ويدفع ليها في المواصلات وهي بس تقول زولنا وقع خلاص !! وطول الطريق تبدا تتونس ليهو عن حياتها وأهلها وفنانا المفضل وولدوها يوم كم ووو الخ ..
    صاحبنا لمن يرجع بالليل الداخلية يقوم (هناي ) يبدا يقول ليهو والله انا ملاحظ إنك بقيت معجب بي البت دي أها يا زول أنا بشوف هناية (دي ) تكلما ليك رايك شنو ؟؟؟
    طبعاً هناي مضغوط من الإدارة العليا (هناية ) فلازم يمشي اللعب ..
    بعد كم يوم وفي الجماعة تقوم ( هناية ) تعلن عن إنو الليلة عيد ميلاد صاحبتا ومفروض الناس تحتفل ( الغريبة البنات بيعملوا عيد ميلاد 3 مرات في السنة !!!!) وطبعاً مفروض صاحب هناي يجيب الهدية ويقول ليها كل سنة وإنتي طيبة ...
    بعد كم يوم تقوم (هناية ) تقول لي صاحبتها إنتي الليلة ما تجي الجامعة وفعلاً زولتنا ما تمشي الجامعة وتقوم هناية تجي وتقول والله صاحبتي الليلة عيانة شديييييد وما قدرت تجي ..بي المناسبة يا صاحب هناي الزولة دي سألتني منك شديييييييييييد وقالت لي أسلم عليك !!!!!!!!!!!!!!!!!
    ويجبروا صاحبنا المسكين يشيل كيس البرتكان والموز وحلاوة ويمشي لي البت في البيت وطبعاً صاحبتنا بتكون مكلمة بت خالتا القاعدة معاهم في البيت عن صاحبنا وأول ما يدخل صاحبنا البيت تقوم بت خالة البت تقول ليهو ياخ والله حيرتنا معاك بالله هو ده إنت ؟؟؟
    والله البت دي أمبارح حمتنا النوم من الهضربة وطوااااالي بتقول إسمك ولمن سألناها نكرت عدييييل كده ..لكن والله ما تقول لي بي الجد لايقين لي بعض ..
    صاحبنا المسكين يرجع الداخلية وهو في الطريق يركب مواصلات ويركب في المقعد الخلفي ويفتح الشباك وكوعو بي برة ويبدا يسرح ويسرح ويسرح ويجر شريط الزكريات بداية بي أول يوم الشلة جلست مع بعض وكيف صاحبتنا كانت بتعاين ليهو ..مروراً بي اليوم الجابو فيهو البيبسي في الحدايق ..ختاماً بي هلوسة البت بي إسمو ..
    يقفل شباك الحافلة مع إبتسامة خجولة وبكرة من الصباح وقبل المحاضرة يقول لي (هناية) بعد المحاضرة نمشي الكافتريا عايز أستشيرك في موضوع كده !!!!!!

    تخريمة :
    كان حيين بنتلاقا ولسة الظواهر كتييييييييييييرة بس ما تملوني
                   |Articles |News |مقالات |بيانات

04-04-2005, 01:53 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    العزيزة مريومه ..
    ما بتقصري والله حسك بالدنيا..
    المشكله انو (الرجل) بدل ما يناقش الوضع الأدى لظهور الموديلات دي او يقر بيها بيقعد يفرفر ويجيب لينا موديلات مضاده!! مع انو انا ما بتذكر انو انا قلت انو البنات ديل ملائكة!!! بس سبحان الله الانتقاد ده ماركة رجالية مسجلة ، انحنا نخم ونصر .. بس!!!

    بجيكم صاده لكم فرداً.. فردا .. فردة
                   |Articles |News |مقالات |بيانات

04-04-2005, 01:53 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    Quote: صاحبنا المسكين يرجع الداخلية وهو في الطريق يركب مواصلات ويركب في المقعد الخلفي ويفتح الشباك وكوعو بي برة ويبدا يسرح ويسرح ويسرح ويجر شريط الزكريات بداية بي أول يوم الشلة جلست مع بعض وكيف صاحبتنا كانت بتعاين ليهو ..مروراً بي اليوم الجابو فيهو البيبسي في الحدايق ..ختاماً بي هلوسة البت بي إسمو ..



    أعدم نظري إنت تحفه..

    يا عزااااااااااااااااااااااااااااز.. يا جماعة انا شهادة عربية مغتربين ومهجرين.. والله جد ما بعرف لقصصكم دي.. بس انا (مع التانيين) يا عزاااااااااااااااز..


    بنت الحسين
                   |Articles |News |مقالات |بيانات

04-04-2005, 02:01 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    وحياتك يا مريومة انا زااااتي شهاده عربية وهجرة ومهمشة للآخر! علاقتي بالسودان وبالتحديد الخرطوم انو بركب منها قطر حلفا علشان اشوف اهلي في السكوت، يعني الخرطوم بالنسبة محطة ابو جنزير ما بقعد فبها اكثر من اسبوعين في كل الاجازه... بس افرازات السودان والناس العايشه في السودان شفناها هنا والناس العايشه الهناك بتورينا...

    زماااااان ابوي الله يرحمه فال لي جملة بتتأكد في كل مرة:

    السودانيين يا بتي لمن يتناقشوا ما بيسمعوا لبعض، كل واحد بيقول اللي دايروا بغض النظر انت بتفول في شنو!

    الله يرحمك يا ابوي!!
                   |Articles |News |مقالات |بيانات

04-04-2005, 02:01 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)
                   |Articles |News |مقالات |بيانات

04-04-2005, 02:21 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    عزاز يا بت شامي :
    تحياتي الخوالص لك من داخل ورشتك
    Quote: زماااااان ابوي الله يرحمه فال لي جملة بتتأكد في كل مرة:

    السودانيين يا بتي لمن يتناقشوا ما بيسمعوا لبعض، كل واحد بيقول اللي دايروا بغض النظر انت بتفول في شنو!

    الله يرحم والدك قال ليك حكمة ونعم الحكمة ...

    Quote: المشكله انو (الرجل) بدل ما يناقش الوضع الأدى لظهور الموديلات دي او يقر بيها بيقعد يفرفر ويجيب لينا موديلات مضاده!!

    تعرفي حاجة يا عزاز أنا فعلاً شايف إنو لسة موضوع النقاش ما بدا وحقييييييقة كده انا خاتي إني حا أكتب في البوست ده لسة كتيييير جداً ...
    لو صبرتي لي أنا شخصياً حالياأ أتعمد إنو أنزل موديلات من البنات مش عشان أجاريك أو عشان أوريك زي ما إنتي بتكتبي انا بكتب !!!لالالالالالا أبداً والله بس انا عايز فعلاً بعد ما نخلص موضوع الموديلات ده نجي انا وإنتي وكل من يحب المشاركة ونقعد بي روااااااااقة ونتكلم عن روحنا بي كل حرية وصراحة !!!!!
    إنتو تكلمونا عن الموديلات النحن قلناها فيكم ومدي صحتها من عدمها ..
    ونكلمكم عن مدي صحة موديلاتكم عننا من عدمو ...
    تكلمونا عن دواخلكم ..ونكلمكم عن دواخلنا ....
    تورونا المرا عايزة الراجل عامل كيف !!! ونقول ليكم نحن بنتمنا ياتو مرا ...
    وأتمني إنشاء الله بي نهاية البوست ده نعلن عن أندماج ورشتنا وورشتكم في ورشة واحدة كبييييييييييييرة تتخصص في إصدار الموديل رقم (5) من الرجال وموديل المرأة الحقيقية ونضرب ناس التايوتا والمرسيدس ..

    تخريمة :
    إلي أن يتم الأعلان عن التوأمة بين الورشتين خلي كل ورشة تطلع موديلاتا عاااااااادي دون التأثر بي إشاعات الدمج المتوقعة ...
                   |Articles |News |مقالات |بيانات

04-04-2005, 02:34 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عمر الفاروق شيخ الدين)

    Quote: تعرفي حاجة يا عزاز أنا فعلاً شايف إنو لسة موضوع النقاش ما بدا وحقييييييقة كده انا خاتي إني حا أكتب في البوست ده لسة كتيييير جداً ...
    لو صبرتي لي أنا شخصياً حالياأ أتعمد إنو أنزل موديلات من البنات مش عشان أجاريك أو عشان أوريك زي ما إنتي بتكتبي انا بكتب !!!لالالالالالا أبداً والله بس انا عايز فعلاً بعد ما نخلص موضوع الموديلات ده نجي انا وإنتي وكل من يحب المشاركة ونقعد بي روااااااااقة ونتكلم عن روحنا بي كل حرية وصراحة !!!!!
    إنتو تكلمونا عن الموديلات النحن قلناها فيكم ومدي صحتها من عدمها ..
    ونكلمكم عن مدي صحة موديلاتكم عننا من عدمو ...
    تكلمونا عن دواخلكم ..ونكلمكم عن دواخلنا ....
    تورونا المرا عايزة الراجل عامل كيف !!! ونقول ليكم نحن بنتمنا ياتو مرا ...


    ينصر دينك يا ود الفاروق ...... ابصم معاك بالعشرة علي الكلام ده
    وهذا ما رميت اليه منذ اول مشاركة كتبتها في هذا البوست .... بالمناسبة يا عزاز البوست بتاعك دي احتمال
    يكون من اعظم البوستات المرت علي تاريخ البورد ولو اتعملنا معاهو
    بي جدية ونقاش حر انا متاكد تماما انو حيصل الي حل قضية الجدل البيزنطي
    بين حواء وادم من جميع الزاويا الاجتماعية ( عاطفية - اخوية - صداقة .... الخ)
    من العلاقات الاجتماعية .
                   |Articles |News |مقالات |بيانات

04-05-2005, 11:07 PM

غادة نصر

تاريخ التسجيل: 11-29-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: samwal ebrahiem)

    الفصل التاني: دي بحبها دي اعرسها!!
    ((كالعادة، ولإفرازات المجتمع المزدوج المعايير ينشأ الرجل على التعامل بازدواجية في كل شئ بما فيها علاقاته العاطفية... دي بنت احبها ودي بنت أتسلى معاها ودي بنت بعرسها!!))

    الاخت عزاز اها نسوي شنو !! والموديل اياهو بقي يمثل الشريحة الكبري من شباب البلد دي العجب وسط الرفقاء المثقفاتية ..الاذدواجية مشكلة كبيرة والله!

    موديل 5 (نادر ويكاد ينعدم) :
    ((عنده اخلاق وبيخاف الله! شوهدت آخر حبة من هذا الموديل سنة ...19 وخشبة ولم تصلنا تفاصيل بعد عن امكانية عادة التصنيع))


    وفي رحلة البحث عن موديل نمرة 5 (نادر ويكاد ينعدم) لا للتصنيع عايزين اصلي عديل كدة !!


    1000 شكر وعاطر تحياتي

    غادة
                   |Articles |News |مقالات |بيانات

04-04-2005, 02:43 AM

مريم بنت الحسين
<aمريم بنت الحسين
تاريخ التسجيل: 03-05-2003
مجموع المشاركات: 7727

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    غايته انا بطبّل إنتو غنّو... ومستمعه خالص.. لما تصلوا يا عمر للحته بتاعت الكرسي الساخن دي .. قولوا لي عوك... بجي بوريكم رأيي.. ولا ما حتحتاجوا تنادوني.. انا قاعده بي جاي كتييييييييره


    بنت الحسين
                   |Articles |News |مقالات |بيانات

04-04-2005, 04:14 AM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: مريم بنت الحسين)

    موديل رقم 9 في الاتجاه المعاكس

    بالمناسبة ده أخر موديل نزل السوق انتشر بصورة غربية
    أكدت بعض المصادر نجاحه بنسبة 99 في المائة كما أكدت
    نفس المصادر بان هذا الموديل تم تصنيعه بعد التوصل ألي
    أخر الحيل التي توصلت أليها حواء اتجاه آدم المظلوم :
    مضمون الموديل مجرد أن يتقترب آدم من حواء دون أن يضع في
    ذهنه ارتباط عاطفي بل يكون القرض من الاقتراب إنشاء صداقة
    مثلا أو زمالة أي كان نوعها ( عملية أو طلابية ) وبعد أن يصلو
    إلى مرحلة التعارف من ضمن مضامين التعارف تذكر حواء بانها مرتبطة
    أو مخطوبة ( العود لو مافية شق ما بقول طق ) ذكاء آدم .....
    يستقرب آدم بداخله سرا هل أنا سألتها حتى تقول هذا الكلام يمشي
    آدم والله حاجه عظيمة الارتباط الحب شي جميل وتستمر العلاقة بينهما
    كأصدقاء واخوان وبعد ما تجرب حواء ادم من خلال علاقة الصداقة البينهم
    تبداء ترمي ليه في بعض الكلام العاطفي و ادم المسكين يقعد الليل
    كل يفكر يخي حواء دي والله حيرتني في البداية قالت مخطوبة وكل ما يمر
    يوم في صداقتنا دي بحس بآيها تتقرب لي اكثر واكثر المهم مع مرور الزمن
    نجي حواء يوم مع إجادة تمثيل بارع في الحزن يسل ادم المظلوم مالك يا حواء
    اليوم وشك ما طبيعي وشكلك حزينة كدي والله طبعا يا ادم أنت اكتر واحد قريب لي
    خطيبي الكلمتك عنو قبل كده طلع ادم أي كلام وتبداء تسرد قصة برضو بـ قدر
    عالي من التمثيل ويصدق ادم خلاص ما مشكلة والله كتر الخيرك علي الثقة لكن
    يا حواء خليك اعقل منو حاولي صلحي الغلط بـ الصح واديه فرصة احتمال يراجع نفسو
    عشان خاطر الحب البينكم حواء لا والله كان بقي آخر راجل في الدنيا تأنى أنا ما
    ارجع ليه وطبعا حواء ما بتصرح هذا التصريح عن انتهي علاقتها الوهمية إلى بعد ما تكون وضعت ادم
    في تجارب عديدة المهم ادم المظلوم يطلع ود حلال ويقول ليها خالص خليني أقابل
    خطيبك دي و أتناقش معه احتمال نصل لي حل .... ترفض حواء بشدة .. وتتواصل
    علاقة الصداقة بين ادم وحواء وبمرور الزمن وبذكاء شديد من حواء تتحول العلاقة
    ألي عاطفية أول ما يفتح ادم مع حواء موضوع العلاقة العاطفية وعلي حسب الصراحة
    بينهم لايجد ادم الصعوبة وتوافق حواء وعشان حواء عارفة طبائع ادم تقوم تعترف ليه
    عن القصة الوهمية في بداية صداقتهم وطبعا دي ما بيحصل إلى بعد ما تملئ يدينا تمام من ادم المظلوم بعد تقول ليه من أصلا ما كنت مخطوبة ولا كان عندي علاقة
    عاطفية بس يا ادم أنا قلت ليك عشان اعرف طباعك ولكن والله العظيم أنا من أول يوم فيه حبيتك
    وطبعا ادم المسكين يصدق ويقول والله كلامك صاح وده من حقك يا حواء
    بالمناسبة الموديل دي من البنات بالرغم من انو الارتباط بيكون بداء بـ كذب
    لكن علي حسب وجه نظري هو اجود أنواع الموديلات المطروحة في السوق
    بالذات في الزمن الخرافي ده

    (عدل بواسطة samwal ebrahiem on 04-04-2005, 04:16 AM)

                   |Articles |News |مقالات |بيانات

04-05-2005, 10:37 PM

samwal ebrahiem
<asamwal ebrahiem
تاريخ التسجيل: 09-01-2004
مجموع المشاركات: 679

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: samwal ebrahiem)

    مازالت القضية تحت النقاش ؟؟؟
                   |Articles |News |مقالات |بيانات

04-06-2005, 00:10 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: samwal ebrahiem)

    ((مازالت القضية تحت النقاش ؟؟؟))

    آآآآي!!

    بجيكم صاده قريب!
                   |Articles |News |مقالات |بيانات

04-06-2005, 00:47 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    الأخوات المتداخلات :
    دوماً ألخص علاقة الرجل والمرأة في حكمة (يقال أنها يونانية سوقراطية) إقتنعت بها من خلال تجارب حقيقة شهدتها من الطرفين :

    النساء ثلاث :
    - إمرأة تحبها ..
    - إمرأة تحبك ..
    - إمرأة تتزوجها ..

    الوضع الأول:
    ففي كتير من الأحيان نلاقي الولد مكسر ومدشدش في بت ومطلعا روحو ..بيعمل السبعة وذمتها عشان ينال رضاها ..يسوي المستحيلات عشان بس تعبرو يكتب الجوابات ..يبرم الشعر ..يقول يا إنتي يا أغرق ..يلبس الجينز وما يستحم شهرين وهي ما شغالة بيهو الشغلة في حين إنو هو شاريها وبيبوس التراب البتمشي عليهو ..وغالباً ده فلم نهايتو :
    في الليلة ديك والناس تشارك فرحتك ..
    حسيت بإني غريب هناك ..وغريبة إنتي في دنيتك ..
    في الليلة ديك لا هان علي أسامحك ولا هان علي أعتب عليك ..
    شلت الجراح والإبتسامة.. وكل حرمان اليتامي ..
    جيت أهنيك وأصارحك ..جيت أقول مبروووووووووووك عليك ..

    الوضع الثاني:
    البت تكون راسما فتي أحلامها ومتخيلاهو وفجأة يظهر واحد بي نفس المواصفات دي زميل دراسة قريبا ود جيرانهم المهم هو واحد قبل كده عمل ليهو تصرف جميييييييييل رسخ في ذهنها (مثلاٍ كانت عايزة تقع قام مسكها ) أو ( كانت ماشة في الطريق وفي قزازة قام هو زحاها ليها) أو (زول شاغلا في الشارع وهو أتصدي ليهو) ..
    المهم تغرم بي الولد ده ..الفطور الفي تجيبو ليهو ..الشيكولاتا الرسلها ليها أبوها تجي تهديها ليهو تسافر لي تجديد الإقامة وتجي راجعة بي فتيل الريحة والقميص هدية ليهو ..تكتب فيهو الخواطر .. لو قال ليها كلمة جارحة تمشي البيت وتحرد الأكل ..لو قال ليها كلمة مفرحة تعيش بيها إسبوع وممكن تقوم بي كل واجبات البيت دون ملل أو كلل أو تزمر ...
    بتحبو لي درجة إنو ممكن يتحكم في سير حياتها ..قرارتها ..تفكيرها... ممكن يقول ليها من بكرة إتحجبي تتحجب ..ما تصافحي ما حاتصافح ..الليلة ما تجي الجامعة ما بتجي ..بكرة ما تمشي عرس ناس هناية ما بتمشي ...مش هي بتحبو ؟؟؟ خلاص تسوي البيرضيهو وتخلي البيزعلو ..
    وهو يكون ما شغال بيها الشغلة برضو لأنو إحتمال شايفا ما أرضت طموحو أو غرورو أو في زولة أصلاً تاني في حياتو (زولة من الصنف الأول ما زولة 123 )
    ودي في الغلب بتكتفي في نهاية المطاف لي :
    ليه كل العذاب ليه كل الألم بزرع في المحبة وحصادي العشم ..
    ليه كل العذاب ليه كل الندم لسة الفرقة حاصلة وبداري الألم ..

    الدرب المشيتو مشيتو عشانك ...
    عذب وزيد عذابك يا سلطان زمانك ...
    كل ما أجيك تايه كايس لي حنانك ..
    تبعد مني تقسي وتزيد الألم ..

    عذب فيني بالغ وزيد منو الكتير ...
    لو يرضيك أزاي عذب يا أمير ..
    قالوا البيهوا دايماً ياما يشوف كتير ..
    شفت غلاوتي عندك حسيت الألم ...

    لو تعرف يا غالي بحبك قدر إيه ..
    بحبك والله عالم ده حب إحترت فيه ..
    بحبك زي عيوني ولو سألوني ليه ..
    لأنك في عيوني ..وفي عيوني الألم ..

    (معليش كتبت ليكم كل الأغنية لوقعها الخاص جداً جداً في نفسي )..

    الوضع الثالث :
    بعد ما يصحي الولد الفي الوضع الأول من غيبوبتو ..
    وتصحي البت الفي الوضع التاني من صدمتها ..
    يتصادف الولد في الوضع الأول مع البت في الوضع التاني تنشأ علاقة سريعة تكلل بي زواج ممكن يكون من أنجح الزواجات ..يعيشو عيشة حلللللللللوة وبرييييييئة يحبها الف تحبو مليون يكون عطوف عليها وتكون حنونة عليهو ..النوع الأخير ده هو النوع البيكون فيهو الإنسان ما متوقع فلانة ولا فلانة بتكون خاتا فلان ولكن تسوقهم الظروف لي بعض فلا ده يعرس البيحبها ولا دي تعرس البتحبو وكل زول يعرس زول تاني مختلف تماااااااااماً ..
    وده سيناريو نهايتو بتكون علي النحو ده :
    إلتقينا ..والدهشة هي الإتكلمت ..
    قبل الأيادي العيون هي السلمت ..
    من شدة الأفراح بكيييييييييييييييييييييييييييييينا ...
    طلعت من جوة أعماقي العتيدة ..
    نجمة صحيانا بتضوي في دجي الليلات وحيدة ..
    سكة فنانة وجديدة ..نظرة لماحة وعنيدة ..
    فتشت عنها في القري النائية وبعيدة ..
    وسألت في بلاد ومدن عديدة ...
    أبحرت في كل الموانئ أهاتي بيها ..واناجي فيها ...
    محتاج علي ألمها ..أحتويها أشمها ..وبي الحنان العندي كلو أضمها ...
    وصدفة في أغرب وفي أجمل مدينة ...
    ألتقينا ...........
    والدهشة هي الإتكلمت ...
    قبل الإيادي العيون هي السلمت ..
    من شدة الأفراح بكينا..

    تخريمة :
    الأخوات المشجعات بالله ما تكسروا الحواجز وتقتحموا الملعب وتجو تدقوا الحكم ولا شنو يا مريم ..
    ده انا غلباااااااااااااااااااااااااااااااااااااااااااااااااااااااااااااان

    (عدل بواسطة عمر الفاروق شيخ الدين on 04-06-2005, 02:11 AM)

                   |Articles |News |مقالات |بيانات

04-06-2005, 01:36 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عمر الفاروق شيخ الدين)

    عمر الفاروق ..
    سلامات ..
    ده انت حكايتك حكايه!!
    انت متأكد انو انت ماكنت الطرف التاني في واحدة من موديلاتك عن البنات؟ ولا هي الخبرة الحياتيه ومعايشة الآخرين!

    انا ما بحاول ازكي المراة واصنفها أنها ملاك، ولكن انا ذكرت في مقدمة الموضوع انو دي ظرتي الخاصة جدا وقد تصيب وقد تخيب... ان ما تطرحة انت هي نظرتك الخاصة، والخاصة خالس خالس، عن البنات ولا يمكننا تعميمها على الكل، وهو امر مفروغ منه بالنسبة لي لإانا لا احب ان اطلق حكما وأعممه..

    ** سؤال عسير الهضم: ماهي الطريقة المثلى لتكوين علاقة صحية؟
    هل بالفعل يمكننا ان نوضع لها اسس وخطط؟ ولا هي بتجي براها؟
    ليه علاقة الاثنين اللي مروا بعلاقة قديمة متعثرة نجحوا لما ارتبطوا ببعض؟ هل لأنهم لم يتوقعوا الكثير أم لأنهم تعلموا فن العطاء ونضجت مشاعرهم؟

    ** لا أعلم لما اثار هذا الموضوع حفيظة كثير من الرجال؟!؟ كانت مجرد فضفضة عن نوعيات نراها بيننا.. اردت ان امهد لطرح سؤال بسيط ومعقد في نفس الوقت .. ماذا نريد منكم؟ مجرد خطوط عريضه فقط .. ونترك التفاصيل لاطراف العلاقات الحقيقيين ليملؤا الشقوق بما يناسبهم ...
    ننشأ نحن الفتيات على حتمية معرفة ما يريده الرجل والسهر على رضاه ....الراجل بيحب كده، ما تعملي كده لانو الراجل ما بيحب كده! بكره خلي بالك لانو الراجل ما بيعجبوا كده !!!! يدرسنا رجال يوملون علينا طريقة تفكيرهم ونبدأ بشق طريقنا ونلتقي بطرفنا الآخر الذي لا يحب ما درسني اياه آخر أو ما نادى به آخرون ... وبين هو بيحب كده وما بيحب كده نتلوى لارضاء الرجل سواء كان الأب أو الأخ أو الحبيب أو الزوج وبعدين بنجيب جنى بيبقى هو كمان بيحب وما بيحب!!
    أؤمن أنا شخصيا بالتكافئ في كل شئ، الحب، التفكير، العطاء، لأنه في حالة بذل طرف أكثر من طرف تختل المعادلة ويتمادى طرف على حساب طرف ..
    نحتاج كثيرا لجلسات المصارحة والمكاشفة مع كل من تربطنا بهم علاقة نوعية أو علاقة مهمة .. حتى بين الأصدقاء من الجنس الواحد أو افراد العائلة الواحدة ... ليس من تقليل الشأن ان اخبرك كيف اريدك ان تعاملني، فأنا منذ فتحت عيناي او أًعد خصيصا لأناسبك!
    انزل قليلا من عليائك أيها الرجل ، وأصخ لما اقول لك كإمرأة تشارك الحياة بمرها وحلوها ... فبين سطورنا رغبة حقيقية في الوصول لـ "خارطة الطريق" للمدينة الفاضلة ...

    وسنواصل،،
                   |Articles |News |مقالات |بيانات

04-10-2005, 02:52 AM

عزاز شامي

تاريخ التسجيل: 01-08-2005
مجموع المشاركات: 5933

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    سؤال بعمر الشمس: منو أهم ليك مني؟

    لسبب ما، يصر الرجل، بشكل أو بآخر، مستخدما حساب المثلثات وكل الطرق الملتوية والمستقيمة لأن يكون رقم (1) على قائمة اهتماماتك.. بغض النظر ما هي قائمة الاهتمامات، قد تكون عائلتك الصغيرة، أبناءكم، أو حتى نفسك.. وتصطدمين به ضاربا الأرض بقديمه ليحشرك في زاوية 30 درجه ( مين أهم؟!)
    إذا وجدت نفسك يوما أمام هذا السؤال، أنصحك عزيزتي بأن تهيئ نفسك لمعركة طويلة وحرب سجال.. فأنت لك أسبابك واحتياجاتك، وهو سيصم أذنيه عن الحوار وسترتفع عقيرته بالصراخ، ويذكرك بـ (أنا راجل!) مما يعني أن تسمعي وتطيعي، هيئ نفسك لسيل من الانكار لكل ما كنت قد بذلتيه من قبل وستفاجأين به يخبرك بأنك لم تعيريه اهتماما منذ التقيتما! هذا إذا لم يقم بعمل مقارنة سريعة بينك وبين زميلته في العمل أو اي انثى مرت في حياته..
    مرة اخرى أذكرك: لا تنفعلي!
    ولا تنجرفي وراء وهم أن الحوار قد يثمر حلا! فالرجل يصاب الصمم في بعض الأحيان، وهذا الموضوع أبرزها على الإطلاق..
    واكتفي بأن تتركي له رسالة على مرآة غرفة النوم فحواها (أنت لي كل شيء!) ونامي قريرة العين، فصباح الغد سيحمل لك رجل بنكهة التوت البري! وعلى أسوء الفروض، سيرد برسالة فحواها (اثبتي لي!)..
    في كلا الحالتين، اصبري وتمالكي أعصابك، فقدرنا أننا خلقنا لنكون أمهات! إذا كنت من مرهفي المشاعر ولا تمتلكين ميزة (النفس الطويل) وتودين في انهاء المشكلة بأي شكل من الأشكال، احبسي نفسك في زجاجة لا تُفتح إلا في حضوره فقط!!! أما إذا كنت ممن لا يمانعون الدخول في معارك تمتد لسنين فأنا أحذرك! فهذا النوع من المعارك تنتهي بموت الطرفين! ولكن هذا لا يمنع أن يكون تنالي شرف المقاومة حتى تديني طواعية لحبيب القلب "مازولا"!
                   |Articles |News |مقالات |بيانات

04-10-2005, 03:27 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عزاز شامي)

    عزاز بت شامي:
    ما عارف أبدا ليك من وين ..
    أخرت الإجابة عن أسئلتك لأني حسيت إنو لسة عندك باقي كلام عايزة تواصليهو وصدق حدسي وجيتنا بي فن جدييييييييييييييييييييييييييييد حايخليني أأجل الإجابة عن الأسئلة الطرحتيها في المداخلة قبل الأخيرة ..

    عزاز بت شامي:
    إنتي قلتي
    Quote: انا ما بحاول ازكي المراة واصنفها أنها ملاك


    ولكن كل مداخلتك الأخيرة تؤكد أنك صورتي لنا وزكيتي وصنفتي المرأة بأنها ملاك فهاهي المرأة حمل وديع يواجه معارك شرسة مع هذا الأدمي الذي يسمي نفسه رجلاً ..

    Quote: سؤال عسير الهضم: ماهي الطريقة المثلى لتكوين علاقة صحية؟

    العلاقة بين الرجل والمرأة علاقة كانت صحية ربما تشوبها بعض الشوائب وبعض الهنات ولكن ما أن جاء مفهوم الجندر وبدء المرأة بالمطالبة بأشياء ربما أكثر من حقها ومحاولة المرأة قلب الطاولة علي الرجل والتحوول 180 درجة دون التدرج جعل العلاقة تبدو غير صحية ..
    عاداتنا وتقاليدنا كانت تملي علينا أشياء من الصعوبة التحوول عنها هكذا دون سابق إنزار..
    ديننا يحدد لنا حقوق وواجبات للمرأة قد يجحف بعض الرجال في هضم حقوق المرأة ولكن معظم النساء تجاوزن الحد في المطالبة بحقوقهن ..
    كما أن الرجل لا يفي بكل حقوق المرأة فالمرأة كذلك لا تقوم بواجباتها علي الوجه الأكمل ..
    لا أدري هل نتكلم عن الرجل والمرأة الشرقيين ؟؟؟ هل نتكلم عن التكوين الفسيولجي والسايكولوجي (والعومولوجي ) للرجل ..وهل ما ينطبق علي سلوكيات رجل من السودان هو ما ينطبق علي رجل في لندن ..

    ما توصين به يا عزاز من عدم الدخول في حوار مع الرجل نقطة مهمة ولكني أطلب منك أن تقوليها للنساء في شكل أمر لأنهن هن من يأتين ويجرجرن الرجال للخوض في الحوارات ..
    الرجل يأتي من العمل منهك ..الرجل يأتي ممنياً النفس برمي كل هموم الحياة خارج باب المنزل وممنياً النفس بالدخول الي المنزل ليجد الراحة النفسية ..
    المرأة من تجرجر الرجل إلي حوارات في أمور لا تختار لها التوقيت المناسب ..
    المرأة تجري مقارنات ليست في مكانها الصحيح ...
    -(يا هناي انا ماشة عرس ناس هناية وإحتمال اتأخر !!!!)
    -ماشي معاك منو ؟؟؟
    - ماشة براي !!!
    -لالالالالالا براك ما بتمشي سوقي معاك ولدك الكبير أنا ما قادر لأني جيت تعبان من الشغل..
    - الولد الكبير قال ما ماشي معاي ..
    -خلاص ماف طريقة أقعدي قبلك هنا ..
    - أي ما إنتو يا الرجال أسة لو طالعين تطلعوا علي كيفكم وتمشو علي كيفكم لكن انا عشان مرا مش ؟؟؟ والله إنتو عقدتكم دي ووالله إنتو متخلفين ووالله ووالله والله


    -نطالب بي المساواة بين الرجل والمرأة ..قلنا ليكم ماش وماف مشكلة أطلعوا وإشتغلوا..
    - المرأة نصف المجتمع .. قلنا حلو وعلي الأقل يشايلونا الهموم..
    المرأة تسوق العربية ..ومالو سوقي..
    المرأة تشتغل في الطرمبة ..حلو شديييد برضو أكل عيش..
    وفي أول تجربة حقيقية للمرأة في الشارع العام مشاغلات أو معاكسات أو مواجهة عنيفة ..دفس في المواصلات عفيص خربيش نهرة حارة مداااااااااافرة والمحصلة في البص كل الرجال قعود والنسوان واقفات وتبدا النقة ..هو رجال الزمن ده رجال نحن واقفات وهم قاعدين ؟؟؟ وين الشهامة ؟؟؟وين نصرة المرا الضعيفة ؟؟؟؟ وين الرحمة ؟؟؟وين الرفق بي القوارير ؟؟؟وين وين وين وين ؟؟؟

    هكذا هو حال المرأة عندنا يا عزاز ..
    تحاول أن تأخذ حقوقاً وترفض الأخري علي حسب مزاجيتها !!!!
    ففي حالات تود أن تكون المرأة العنيفة الشرسة المقاتلة وفي لحظة تود أن تعامل كنسمة صيف ووردة وووووو..

    بجيك تاني إنشاء الله الدوام خلص والكلام لسة...
                   |Articles |News |مقالات |بيانات

04-13-2005, 02:25 AM

عمر الفاروق شيخ الدين

تاريخ التسجيل: 12-01-2004
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى

Re: **الرجل بعيون إمرأة** (Re: عمر الفاروق شيخ الدين)

    عزاز يا بت شامي:
    تحياتي ..
    النساء خلقن من ضلع أعوج ..عبارة لطالما إرتبطت في ذهن المرأة بأنه المقصود به ضعف المرأة دوماً تنظرون للجزء الفارغ من الكوب (لسة مصر وملح) ..لم تفكر النساء في مقولة أن حواء عندما خرجت من هذا الضلع الأعوج جعلت في الرجل جزء ناقص لا تكمله إلا هي ...
    كل رجل منا يبدأ ليفتش لهذا الجزء الناقص فيه ..وطبعاً لكل شخص منا جزءه الخاص به أي والناقص فتصبح له تلك المرأة القطعة التي ستكتمل بهو اجزاءه ..وليس كل إمرأة ستكمل هذا الجزء لهذا تجد الواحد منا نحن الرجال يبدأ في البحث عن هذه القطعة التي ستأتي بنفس المقاس الذي سيغطي هذا الجزء الناقص منه فكل إمرأة عبارة عن قطعة خاصة تكمل جزء لشخص أخر فتجد الرجال كثيري التجارب لأنه في الغالب لا يجد هذا الجزء منه مباشرة ..اللهم إلا من كان محظوظاً فيجد تلك القطعة من بين ملايين القطع لتركب في مكانها الصحيح ومن أول مرة ..
    الرجل لا يستطيع أن يكون وحيداً دونما إمرأة وإلا سيصبح ناقصاً..
    المرأة لن تعيش منفصلة فهي تبحث عن ذلك الجزء الذي فقدته وبترت منه وتود العودة إليه ..
    الرجل والمرأة 180 درجة تكمل بعضها البعض وإن كان للجل مقدار الزاوية الأكبر فالنساء دوماً زوايا(حادة) والرجال زوايا (منفرجة)
    عاطر التحايا ..
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de