وجاءت سَكْرَةُ ما كُنتُم منه تَحِيدُون! بقلم فتحي الضَّو
كامل إدريس لن يصبح جزولي انتفاضتنا القادمة بقلم كمال الهِدي
منبر التجانى الطيب للحوار بواشنطن يقيم ندوة بعنوان الازمة السودانية و افاق التغيير يتحدث فيها على الكنين
بيان من نصرالدين المهدي نائب رئيس الجبهة الثورية بخصوص اعلان قوات الدعم السريع بطلب مجندين
سقف العصيان ، زوال النظام ..هكذا يقول فقه الثورات !
منتديات سودانيزاونلاين    تحديث الصفحة    مكتبة الفساد    ابحث    اخبار و بيانات    مواضيع توثيقية    منبر الشعبية    اراء حرة و مقالات   
News and Press Releases    اتصل بنا    Articles and Views    English Forum    ناس الزقازيق   
مرحبا Guest [دخول]
اخر زيارك لك: 12-06-2016, 09:51 PM الصفحة الرئيسية

مكتبة صديق نورالدين ( KOSTA )
نسخة قابلة للطباعة من الموضوع   ارسل الموضوع لصديق   اقرا المشاركات فى شكل سلسلة « | »
اقرا احدث مداخلة فى هذا الموضوع »

المطــــــــــــــــرة !!!!

02-06-2004, 03:19 PM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
المطــــــــــــــــرة !!!!




    منذ الظهيرة تبدأ نبؤتها

    سحب بيضاء بشكل البخار المتحرك ناصع البياض .... و بمرور الوقت يتحول ذلك السحاب الى كتل بنية اللون ثم سوداء داكنة متراكمة بعضها فوق بعض . البرق يومض و يشع فى الارجاء الاربعة و الرعد يصمّ الآذان ، يرتعب منه الصغار و الكبار و تهتز له البنايات ..... كان جدى يرحمه الله يعرف كل منازل المطر و كان غالبآ ما يبز نشرة الاحوال الجوية فى تنبئه بالامطار او عدمها فكان يقول لنا : " هذه بداية النترة ، او الخرسانة "..... و كذلك كان يقول لنا ان هذا السحاب " خايب " بمعنى انه لن يمطر .. و غالبآ ما يوافق كلامه او نبؤته الواقع .

    زخاتها تبدأ صغيرة و قطراتها كأنها الهمس لا تكاد تبين .... تتبدل الريح و تأتيك نسمات بارده و عليها رائحة المطر التى لا تضاهى .
    فجأة تتزايد احجام و كميات قطرات الماء النازل من السماء و تسمع وقع ايقاع القطرات على الارض و على اسطح المبانى خاصة تلك التى سقوفها الزنك ، فيأتيك صوت المطر واضحآ كما لو كنت متواجدآ بالخارج ، ثم يشتد ايقاع المطر رويدآ حتى يصبح لها هديرآ قويآ .. لا تلبث بعده ان تسمع اصوات المياه و هى تتهاوى من اعلى سقوف المنازل الى الارض اما عن طريق " السبلوقة " بالنسبة الى المنازل القديمة او الطينية او عن طريق مواسير حديثة او معابر اسمنتية للبنايات الحديثة . يستمر انهمار المطر ما شاء له الله .... و عندما تنقشع السحب و تظهر النجوم " عندما تكون الامطار ليلية " تظهر اصوات الجيران و اهل الحى واضحة بفعل الصدى الذى يرتبط بالمطر و لا ادرى ماهى العلاقة بين المطر و الصدى ... فتسمع " يا ولد افتح الجدول الشرقى داك بالطورية بسرعة " ، او " يا اولاد سليمان نعل المطره ما ضرتكم ؟؟؟ " ، .." اطلع يا ولد اردم الساس من بره " كانت هذه الاصوات تصل الى اذنى واضحة و معبرة و ....... تأسرنى !!!!
    اصوات الكلاب الناعسة و التى يعوزها " المأوى " بفعل المياه كانت تأتينى متقطعة و بين الفينة و الاخرى يأتيك صوت احداها و لا تدرى هل هذا النباح لعدم وجود مأوى لهذا الكلب ام بفعل " الجوع " الذى يعقب المطر ؟؟ . كذلك كانت اصوات الضفادع تملأ فضاوات الليالى عقب الامطار ... و كنا نعلم ان من يصدر الصوت من الضفادع هو الذكر و لم نكن ندرى لماذا تصدر هذه الاصوات .... و فيما بعد علمنا ان ذلك هو موسم التزاوج بين الضفادع و ان كل ضفدع انما ينادى انثاه لذلك الاحتفال الموسمى !!!!

    كنا ننتظر الصباح بفارغ الصبر و نحن اطفال كى نرى الامطار وهى تملأ الشوارع بالماء ... فلا يكاد الصبح يتنفس حتى ترانا و قد تجمعنا جميعآ و بدون سابق موعد ، نخوض فى المياه بفرح عارم و نتعانق و كأنما يبارك كل واحد للآخر هذه المياه التى ستمنحنا ايامآ و اسابيع من اللعب و اللهو البرئ .
    كنت انظر لزخات المطر فى اليوم الثانى و هى تنهمر بهدوء على تلك المياه التى تكونت بفعل امطار الامس ، كان يعجبنى و يدهشنى تكون الفقاعات فى الماء و تكون علامات ( + ) نتيجة ارتطام قطرات المطر بالمياه على الارض و كان تعاقب الاثنين ( الفقاعات الدائرية و علامات الزايد ) يثير فوضى رائعة .

    كانت تأسرنى و تأخذ بشغاف قلبى اهازيج المطر و التى كنا ننشدها و نحن فى الماء و اشهرها بلا شك : " ودالخور شيلنى .. كان بلدك بعيد شيلنى " حيث كنا نتماسك و نحن مجموعة ، تتشابك ايادينا و نحنى ظهورنا و ننظر للماء تحتنا و نشدو باهزوجة " ود الخور " فكنا نرى كاننا ننتقل من موقعنا و نتحرك من الموضع الذى كنا نقف به ، و الواقع ان شيئآ من ذلك لا يحدث اطلاقآ و لكن و لجموح خيالاتنا فى ذلك الزمن كان يخيل الينا اننا نتحرك و يخيل الينا اكثر ان حركتنا تزداد كلما ترنمنا بانشودة " ود الخور " .. و الشاهد انه و باستمرار النظر و التركيز على الماء تحتنا ، و مع حركة الماء بفعل الرياح التى تنشط عقب المطر يخيل الينا اننا نتحرك باستمرار ، فكانت تلك متعة لا تنسى .


    لم اكن اخاف ان يتهدم منزلنا فى الحى او منزل احد من اقاربنا او الجيران بقدر ماكنت احمل هم مدرستى و الفصل الذى ادرس به ، فكنت احمل همآ كبيرآ و قلقآ متزايدآ من ان تكون هذه الامطار قد اضرت بالمدرسة عمومآ و بالفصل الذى ادرس به على وجه الخصوص ..... لا ادرى ما العلاقة بين ذلك الخوف و ظهور طيف استاذ صلاح ( مدرس العربى ) اثناء انهمار المطر .

    لا ادرى لماذا يرتبط المطر بالجوع لدى الناس ؟؟؟ ما يكاد الصباح ينبلج حتى ترى الجميع و هم يحملون اوانيهم و يهرولون نحو بقالات الحى و بالتحديد بقالة " حاج الشيخ " و الذى كان يمتاز بفول لا يضاهى ، ذو طعم و خلطة سرية لا تجدها فى اى بقالة اخرى ...... كانت " قدرة " الفول التى تتباهى امام بقالة حاج الشيخ ذات مهابة عجيبة ، ابخرة الفول تعلو فوق القدر و رائحة الفول " السليمى " تفوح حتى الشارع السادس عشر!! . لحاج الشيخ طريقة جذابة فى التعامل مع الزبائن ، فكان و هو " يغرف " الفول من ذلك القدر المميز ينشد و بابتسامة لا تفتر " يا سلام عليك يا ود الشول ..الخاطى القول ....فول لذيذ و مغذى للزبائن !!! .... علينا جاى " ...

    كنا عقب ان تجف الامطار نرى ظاهرة تشقق الطبقات العلوية للتربة ( خاصة الطينية ) و كانت اشكال تلك التشققات تتمايز ما بين المربع و المستطيل ، فكنا نأتى بعد تكّون تلك الاشكال و نحضر معنا صوانى صغيرة و سكاكين مستعملة او قديمة ثم نبدأ فى نقل تلك الاشكال الطينية الى تلك الصوانى باعتبارها " باسطة " كتلك التى نراها عند بائع الباسطة المتجول ( العربة ذات الاربعة عجلات و مقفلة بالزجاج .. يقودها صاحبها بدفعها امامه و كانت بالليل تضاء بالرتينة ) ،... او كنا نتخيلها مثل باسطة " الكوبانى " الشهيرة بالخرطوم حيث كنا نتناولها
    و نحن صغار عقب الخروج من سينما كلزيوم .....

                   |Articles |News |مقالات |بيانات

02-06-2004, 11:14 PM

sudania2000

تاريخ التسجيل: 02-04-2002
مجموع المشاركات: 4043

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    كل سنة و انت طيب يا طيب
    سحرتني القطعة و احسست تفاصيلهاوانا ابنة الجزيرة
    مطر الجزيرة اكثر سحرا وكانت زحل اكثر مطرا و اقل فرحا
    كنت سكري بجمع اصداف ما بعد المطر يوم ان كسرت اقلامي بحثا
    اجمل مافي الكتابة انها تنسيني همومي
    ولكن بعدت عنها رغما عني
    ...
    ..
    .
    .
    سلمت
                   |Articles |News |مقالات |بيانات

02-07-2004, 00:33 AM

توما
<aتوما
تاريخ التسجيل: 08-07-2003
مجموع المشاركات: 1466

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    يا مطيره صبي صبي..نحنا بالايدين نلقي
    يلا صبي
    يلا صبي

    كوستا ازيك في اول مره نتلاقا
    اول حاجه اتزكرتها مع مطرتك دي لمن كان بنرحل المطبخ في الاوضه قسرا
    في شان السقف حالف يسقينا معاهو من رويانو وينقط ينقط وحله بي جاي وكدي جيبو الصينيه هنا.. يا ود احسن تجيب الطشت.. يا الله اسا البوديني الحوش شنو.. واها بعد ده كلو حلاه الونسه والضحكه لامن المطره
    تفتر وتنوم وننوم انحنا كمان
    غايتو كترو من الزيت الراجع في راس البيت وافتحو السبلوقه المطره شااااايله
    توما
                   |Articles |News |مقالات |بيانات

02-07-2004, 04:55 AM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: توما)

    سليمان الجنيد كان رجل مشهور بسعة و خصوبة خياله
    فى مرة قال : السحاب يجئ و يمر علينا و ما تجينا مطرة ... و يرحل يفوت .... اها الليلة لازم اشوف لى طريقة اخلى المطرة دى تصب !1
    قال : شلت لى قناية طويلة و طلعت فوق ضهر البيت و بالقناية بقيت افج فى السحاب جاى و جاى
    قال سليمان : بس بعد ما فجيت السحاب مافى دقيقة واحدة الا و اسمع ليك صوت السباليق بتاعة بيتى شووووووووووووووووو من المطرة !!!!!
                   |Articles |News |مقالات |بيانات

02-07-2004, 04:48 AM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    سودانية2000

    تحياتى


    فى الجزيرة يحلو المطر ..... و يكون وقعه على الانفس ابلغ اثرآ
    تأتيك رائحة الطين و القيط .... و رائحة لوز القطن الباهية
    البساطة .. الجمال ... و السحر

    سلمتى يا بيضاء القلب
                   |Articles |News |مقالات |بيانات

02-07-2004, 05:05 AM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    توما

    سلامى و احترامى

    لا ادرى لماذا دائمآ المطابخ تتأثر و بشدة من الامطار
    كان مطبخنا ايضآ يعانى من الصبيب و من عدة اماكن على السقف بحيث لا تنفع " حلل " و لا صوانى و لا " طشت " ...الا اعادة بناء حيث لا تسمح الميزانيات لعشرة سنين قوادم بمثل تلك " الرفاهيات " !!!!

    فى غيمات المطر كنا نطلع للشارع و نتسابق و نتشابك بالايدى و ننظر للاعلى - حيث السحاب - و ننشد : طيرى يا طويرة ...صبى لى مطيرة

    سلمتى توما على المرور من هنا و سعدنا بمداخلتك الشفيفة
                   |Articles |News |مقالات |بيانات

02-07-2004, 05:43 AM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    كوستا يا ود الحلال
    عيدكم مبارك
    برغم إنو درجة الحرارة عندنا تحت الصفر بي كتير
    لكن كلامك عن المطرة أداني إحساس الخريف
    و برغم ذكرياتك الطفولية أثارت ذكرياتي بعهد الصبا لكن لي تجربة مع المطر ظلت محفورة بعمق مدهش.
    كنا في عام التدريب بكلية الشرطة و تقتضي العسكرية مشية محددة يسمونها البيادة {مش البلادة} و كنا نسير بأمان الله تلك المشية و المطرة تنقنق فما إن قاربنا ثكناتنا حتى إشتدت جدآ و أغرانا عدم وجود ضابط {هوا} فقمنا بالجري من المطرة و خربنا المشية اللعينة!
    لسوء الطالع رآنا أقسى ضابط بالتدريب و هو المقدم-وقتها- داؤود تاور و هو في سيارته منصرفآ للبيت فعاد أدراجه و جمعنا بصافرة متقطعة الإرسال تنبيء نغماتها بحدوث كارثة و نظمنا صفوفنا تحت المطرة الشديدة جدآ و قال لنا جملة واحدة ساخرة:
    أنحن بندرب فيكم عشان تخودو النار, تقومو تجرو من الموية؟؟
    ليس مهمآ يا كوستا ما حدث لنا بعدها
    لكن{والله} من داك اليوم لي الليلة أنا ما بقدر أجري من المطرة!
    حتى و أنا في حتة ما فيها حبشي خلي سوداني ما قادر أجري, شفت الزول دة دخل الكلام دة في ياتو محل جواي؟
                   |Articles |News |مقالات |بيانات

02-07-2004, 05:52 AM

omdurmani

تاريخ التسجيل: 06-22-2002
مجموع المشاركات: 1245

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    .......................................
    وعندنا سقف تاعبنا تعب شديد ....بنخت فيهو الجردل عشان ينقط ......وبعدداك بنمشي لي ناس حمد ....لانو بيتهم ....بيغرق في شربة ميه ....بنلقي كل الشباب هناك ....ونشيل ونغرف ونغرف ونغرف .......
    ..........................
    عمك حمد قايلنا اولاد تمام وناس خير ....المسكين..... ما عارف انو بناتو وخاصة الفي النص .....كاسرين ضلع الشباب كلهم .....طبعا بيكونو صاحيين وشغالين بجنبنا توجيه وتجهيز الجرادل وكده ....
    .......................
    غايتو الفي النص ...الله لا وراك ليها ...عشان كده كنا بنحب المطرة حب شدييييد ...,....
    .......................
    وما حب الامطار ملكن قلبى ....ولكن حب من ملت المطرة بيتهم ....
    ........................
    كوستا .....شكرا علي هذا الرسم الجميل
    ................
    shereef
                   |Articles |News |مقالات |بيانات

02-07-2004, 11:48 AM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: omdurmani)

    العزيز الطيب بشير

    تحياتى و اشواقى كيمان
    و كل سنة و انت طيب يا طيب يا مان

    الضابط " نشّن " على الهدف مباشرة و بكلمات لا تحتمل التأويل :

    أنحن بندرب فيكم عشان تخودو النار, تقومو تجرو من الموية؟؟

    ترى يا طيب : ألمثل هذا اليوم كنتم تجرون؟؟
    و لمثل ذلك اليوم كانوا يدربون ؟؟؟
    فيا اخوتى اجروا لنا ... اليوم نرفع راية بيرقنا !!!!

    سلمت يا طيب على " الجرية " التى لن تتكرر و لو بارض الاحباش
                   |Articles |News |مقالات |بيانات

02-07-2004, 06:57 PM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    شريف


    كل سنة و انت طيب

    يا حليل زمن المروءءءءءءءءءءءءءءءءءءءءة !!!

    الم تسمعوا : بان انكحك احدى ابنتى هاتين ...... و الثمانية حجج و لو اكملت عشرة فمن عندك ؟؟؟

    مافى حاجة لوجه الله ؟؟؟

    و بعدين اشمعنى الفى النص بالذات يعنى ؟؟؟؟

    اها بيت عمك حمد ده وجبت ليهو الزيارة و لو من غير مطررررررررة

    رأيك شنو ؟؟؟

    تحياتى

    ده كلو يطلع من تحت رأس المطرة ؟؟
                   |Articles |News |مقالات |بيانات

02-10-2004, 09:52 PM

Abdalla Gaafar

تاريخ التسجيل: 02-10-2003
مجموع المشاركات: 1393

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    كوستا يازول ياجميل
    كل عام وانت بخير
    حديث الذكريات والرجوع بالذاكرة من وجع الغربة والبرد الي الزمان الجميل...كعادتك لا تهب الا الشعور بدفء الالفة والجمال...لا ادري تذكرت مدينة القضارف وانا اقرأ القطعة...لكن عليك الله ياكوستا صحي كنت بتخاف علي المدرسة!!!!!! لانو نحنا زمان نقول ياريت نصحي نلفاها مافي


    السلام والود

    عبد الله جعفر
                   |Articles |News |مقالات |بيانات

02-11-2004, 09:24 PM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: Abdalla Gaafar)

    عبدالله جعفر المرهف


    جاييك راجع
    يارائع
    اوعى تكون جفيتنى و انا ضايع؟؟؟
                   |Articles |News |مقالات |بيانات

02-11-2004, 10:55 PM

طيفور
<aطيفور
تاريخ التسجيل: 08-17-2002
مجموع المشاركات: 1666

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    يا اللــــه يا كوستا

    اعدتني الى زمان لا يجئ
    يوم كنا نعدو في حرية ونمتلئ حبورا
    كنت احب الركض عاريا تحت المطر
    وما زلت لولا بقية من حياء
                   |Articles |News |مقالات |بيانات

02-12-2004, 00:40 AM

WaD OmI
<aWaD OmI
تاريخ التسجيل: 08-26-2002
مجموع المشاركات: 995

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    الله يديك العافيه يا كوستا
    والله عشته لي جو مع كلامك جد رجعته السودان واتخيلته كل كلمه انت كتبتها والله جد حسيت اني فقدته وطن و..........مطره
    الله يحفظك
    نوف
                   |Articles |News |مقالات |بيانات

02-12-2004, 07:14 PM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: WaD OmI)

    عبدالله جعفر

    مطر القضارف و معه مطر الدمازين من الامطار الشرسةجدآ
    نحن نتكلم عن المطر " الحنين " او درجة تانية
    مرة حضرت جزء من الخريف فى مناطق النيل الازرق و الدمازين فرأيت امطار و رعود و بروق و لا فى الافلام الهندية ... عندما كنا فى مأمورية فى الدمازين و كنا ننزل فى بيوت احدى الشركات الامريكية المصممة ضد الصواعق و كان سريرى بالقربمن احدى النوافذ التى تطل على مساحات بها العديد من الاشجار البرية ... فجأة دوى صوت انفجار قوى .. و رأيت احدى الاشجار تتهاوى اشلاء و فى الصباح رأيت آثار الصاعقة على تلك الشجرة و التى استحالت الى فحم جاهز للاستعمال بواسطة ستات الشاى ... و بدلآ من ان اترنم برائعة محجوب شريف : " سواة العاصفة بساق الشتيل النيى " ..ترنمت و بجلدى قشعريرة : " سواة الصاقعة بساق الشجرة الحىّ !!!! "

    حقيقة يا ود جعفر كنت اخاف ان ينهار الفصل الذى ادرس به بصفة خاصة بنفس القدر الذى كنت اخاف معه ان تنهار المدرسة ... لانه ببساطة هى المكان الذى نتلاقى فيه مع الزملاء و الاساتذة .. و هى مرتع العلم و الثقافة الاول ... ، لا ادرى لكن يخيل لى ان احساس الخوف من ان تنهار المدرسة بفعل الامطار فى ذلك الحين هو نفس احساس اى واحد منا الىن من ان ينهار او يقفل هذا البورد ابوابه للاعضاء ، ترى كيف يكون الشعور لحظتها ؟؟؟

    تحياتى
                   |Articles |News |مقالات |بيانات

02-13-2004, 07:18 PM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    يا اللــــه يا كوستا

    اعدتني الى زمان لا يجئ
    يوم كنا نعدو في حرية ونمتلئ حبورا
    كنت احب الركض عاريا تحت المطر
    وما زلت لولا بقية من حياء



    طيفور

    لما كنا صغار و بنلعب فى مياه الامطار تحت الكبارى
    كنا نضع ملابسنا فى مكان معين حتى نتعرف عليه عقب السباحة و اللعب بمياه الامطار
    فى غالب الاحيان كنا لا نجد تلك الملابس عقب اللعب و الغطس من اعلى الكبارى الى داخل مياه الامطار DIVING .... و يسقط فى ايدينا ، كيف نرجع للحلة ؟؟؟
    و كيف نواجه اهالينا ؟؟؟
                   |Articles |News |مقالات |بيانات

02-13-2004, 07:57 PM

خالد الحاج

تاريخ التسجيل: 12-21-2003
مجموع المشاركات: 0

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    Quote: كتلك التى نراها عند بائع الباسطة المتجول ( العربة ذات الاربعة عجلات و مقفلة بالزجاج .. يقودها صاحبها بدفعها امامه و كانت بالليل تضاء بالرتينة ) ،... او كنا نتخيلها مثل باسطة " الكوبانى " الشهيرة بالخرطوم حيث كنا نتناولها
    و نحن صغار عقب الخروج من سينما كلزيوم .....


    كوستا الجميل...
    أتاريك دفعة..يا لها من أيام..أمان... تخرج من سنماء الوطنية غرب أو الBN أو كلوزيم و(كداري)
    وين ال GMH والأتيني و سان جيمس حديقة القرشي ونادي الأسرة.الله يديك العافية أخوك رجع السودان بعد غياب تسعة سنوات طشيت من بيتنا مباني قامت وساحات إختفت وراح كل جميل إلا الذكريات يا كوستا يا أخوي أمسك فيها قوي.
                   |Articles |News |مقالات |بيانات

02-13-2004, 09:41 PM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: خالد الحاج)

    ود امى

    لك الشكر يا نوف
    للمطر و ذكرياته احساس قوى بحيث تتخيلين فعلآ اجواء المطر كانما يتساقط امامك .... و ذكرياته فعلآ تنقلك للبلد و للوطن
    و فقدهما الاثنين موجع و مؤلم

    رد الله غربتنا جميعآ

    لك تحياتى
                   |Articles |News |مقالات |بيانات

02-13-2004, 11:46 PM

Kostawi
<aKostawi
تاريخ التسجيل: 02-04-2002
مجموع المشاركات: 35236

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    Kostawi....oopppssss...I mean Kosta
    This short written piece is excellent. I was reading it and I felt as if I was looking at a moving picture.

                   |Articles |News |مقالات |بيانات

02-14-2004, 08:03 PM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: Kostawi)

    الحبيب خالد الحاج


    و الله الذكريات هى المتبقية لنا من انقاض الزمن الذى ولى !!
    بس يا خال حكاية دفعة دى كيف ؟؟؟ دحين ما اديتها "كوز " شوية ؟؟؟ (لووووولز )

    تصدق سينما غرب كانت بتجيب احلى الافلام ( بعد الBN طبعآ) ... و من غرب كنا ندق الكدارى لحدى المحطة الوسطى الخرطوم و ان لم نجد باصات فغالبآ الكدارى واجب وطنى
    سينما النيلين و الخرطوم جنوب كانتا تعرضا افلام " الكاوبويات " و " الافلام الهندية " .. و كان لهما جمهورهما الخاص الذى يهوى مثل هذه الافلام.

    فى كليزيوم كانت هنالك عصابة " مصطفى الكضمى " ، و التى كانت متأثرة بافلام الكاوبويات و كانوا يجيدون " البنيه " و يلبسون مثل رعاة البقر .... كانوا يمارسون ارهابآ حقيقيآ على مرتادى السينما و خاصة فى " مقاعد " و " صفوف " الدرجات الشعبيه .

    كانت كلزيوم فى الصيف روعة خاصة فى الليالى المقمره .. و كان طعم " الكوكولا " لا يضاهى ..، اكثر ما كان يزعجنى هو فتح الانوار للاستراحة لانها تضايقنى فى الاستمتاع بضوء القمر الزاهى !!!
                   |Articles |News |مقالات |بيانات

02-14-2004, 09:16 PM

الطيب بشير
<aالطيب بشير
تاريخ التسجيل: 12-06-2003
مجموع المشاركات: 5530

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    يا مولانا كوستا
    زي ما عارف أخوك زول طييييب
    بس دي الحكاية إنت ما تميتها
    Quote: فى غالب الاحيان كنا لا نجد تلك الملابس عقب اللعب و الغطس من اعلى الكبارى الى داخل مياه الامطار DIVING .... و يسقط فى ايدينا ، كيف نرجع للحلة ؟؟؟
    و كيف نواجه اهالينا ؟؟؟

    أها
    و بعدين
    يا تو يا خوي؟
    ما سامعك؟
                   |Articles |News |مقالات |بيانات

02-14-2004, 09:40 PM

Abdalla Gaafar

تاريخ التسجيل: 02-10-2003
مجموع المشاركات: 1393

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    الصديق كوستا
    انت عارف قدر مافتشت بوست مدرسة عمك حسبو مالقيتو عشان ارفعووطبعا داك البوست الاتلاقو فيهو اولادالدفعات المختلفة...فعلا مطرة الدمازين والقضارف تخوف لكن برضو احسن من مطرة التلج النحنا فيها اسي...ربنا يرد غربة الجميع ويديك العافية يااصيل..
    عبد الله جعفر
                   |Articles |News |مقالات |بيانات

02-15-2004, 08:30 PM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: Abdalla Gaafar)

    شيخ الطيب


    يا اخى فى الافلام السينمائية هنالك نوع من نهاية الفيلم بتكون غير عاديه.
    يعنى بالانجليزى كده بيخلوا خيال المتلقى يختار النهاية التى تناسبه او تلائم تفكيره.

    و انا هنا قصدت ان اترك نهاية الحكاية بلا نهاية مكتوبة .
    يعنى هى نهاية " متخيلة "... و متروك نهاية الاحداث بلا " اقفال " .

    اكيد فى كتيرين مروا بنفس التجربة ، و هؤلاء اكثر مقدرة فى تخيل نهاية الفيلم ( قربانى و مياه الكبارى ) بطولة اميتاب سينج !!!!

    امتنانى
                   |Articles |News |مقالات |بيانات

02-15-2004, 08:46 PM

alfatih
<aalfatih
تاريخ التسجيل: 02-04-2003
مجموع المشاركات: 1150

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    العزيز كوستاوى
    لله درك يا زول يا سمح بالحيل
    قال السقيد ,المطرة بتغسل خوفنا الفينا
    طبعا المطرة حنا مباريانا فى كل حتة وبالذات مطرة البلددى بس الفرق الشاسع انو هناك ليها وقع خاص
    وذكريات لن تنمحى عن وجداننا لكن اقول ليك حاجة
    مرات وكت بتذكرها جسمى بكش براهو
    تسلم يا اصيل
                   |Articles |News |مقالات |بيانات

02-15-2004, 09:14 PM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: alfatih)

    الاعز كوستاوى

    اجمل من المطرة هذه اورقة الخضراء التى ينداح منها القطر كانه البلور!!
    و ابدع من ذكريات المطر لوحاتك تلك الموغلة فى النشوة !!!

    لك تحياتى و امتنانى
                   |Articles |News |مقالات |بيانات

02-16-2004, 08:46 PM

KOSTA
<aKOSTA
تاريخ التسجيل: 02-04-2002
مجموع المشاركات: 3138

للتواصل معنا

FaceBook
تويتر Twitter
YouTube

كيف احذف مداخلة من بوستى
Re: المطــــــــــــــــرة !!!! (Re: KOSTA)

    الاخ الفاتح

    نحنا المطر انقطع مننا منذ وطأت اقدامنا يلاد الربع " المافى " او " الخالى " ... و بختكم ما زالت المطرة " مبارياكم " .

    حلو تعبير السقيد : المطر بيغسل الخوف الفينا ... هذا يبدو انه مطر السقيد " الحنيّن " ... لكن اسمح لى اقول فى بعض المدن مثل القضارف و الدمازين : المطر بيغسل الشجاعة الفينا !!!!

    فى كل الاحوال فان للمطرة سحر لا يقاوم نكتنزه فى دواخلنا مدى السنين .


    سلمت على الطلة
                   |Articles |News |مقالات |بيانات

[رد على الموضوع] صفحة 1 „‰ 1:   <<  1  >>

· دخول · ابحث · ملفك ·

اراء حرة و مقالات
Latest Posts in English Forum
Articles and Views
اخر المواضيع فى المنبر العام
News and Press Releases
اخبار و بيانات
فيديوهات سودانيزاونلاين Sudanese Online Videos
صور سودانيزاونلاين SudaneseOnline Images
ويكيبيديا سودانيز اون لاين
Sudanese Online Wikipedia
فيس بوك جوجل بلس تويتر انستقرام يوتيوب بنتيريست Google News
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
About Us
Contact Us
About Sudanese Online
اخبار و بيانات
اراء حرة و مقالات
صور سودانيزاونلاين
فيديوهات سودانيزاونلاين
ويكيبيديا سودانيز اون لاين
منتديات سودانيزاونلاين
News and Press Releases
Articles and Views
SudaneseOnline Images
Sudanese Online Videos
Sudanese Online Wikipedia
Sudanese Online Forums
If you're looking to submit News,Video,a Press Release or or Article please feel free to send it to [email protected]

© 2014 SudaneseOnline.com

Software Version 1.3.0 © 2N-com.de