دعواتكم لزميلنا المفكر د.الباقر العفيف بالشفاء العاجل
|
|
 جمعية اصدقاء البشاشة ...الحلقة الاولى
|
كل عام و انتم بخير
بمناسبة عيد الاضحى المبارك ، يسر الجمعية ان تتقدم لجميع الاعضاء و الاخوة و الاخوات بالبورد بعاطر التبريكات و ان شاء يعود عليكم بالخير و العافية
" حلقة العيد "
على ايام الدراسة فى الجامعة كان عندنا مادة تسمى الوراثة و هى تختص بدراسة العوامل الوراثية و كيفية توريثها و الصفات الوراثية .......الخ
من ضمن تلك الصفات ما يسمى بالنمط الوراثى
GENO TYPE
و النمط الوراثىالظاهرى لاى كائن حى يبحث فى صفاته الوراثية لعدة اجيال و كذلك يحدد نمطه الوراثى
طويل... قصير.. ابيض ...اخضر .. الخ و ذلك من خلال ديمومة بعض الصفات على الاخرى
قمنا بتأليف قالب نمط وراثى على نفس الطريقة العلمية و ذلك لتحديد النمط الوراثى البرجوازى او البروليتارى لأى عينة قيد البحث
و قد تم تصميم القالب التالى للفرد لتحديد الصفات المطلوبة
** بروليتارى المولد = BD
** برجوازى المولد = BA
** بروليتارى المنشأ = LD
** برجوازى المنشا = LA
** بروليتارى الواقع = ND
** برجوازى الواقع = NA
** بروليتارى التطلعات = MD
** برجوازى التطلعات = MA
و قياسآ على ذلك فان غلبة بعض هذه الصفات على الاخرى فى النمط الوراثى للفرد هى ما تحدد درجته من حيث "البرجزة" او " الفقرزة " .... ، و عليه لو طبقنا ذلك على كاتب هذه السطور لظهر قالب نمطه الوراثى كالتالى
* بروليتارى المولد = BD
*بروليتارى المنشأ = LD
* بروليتارى الواقع = ND
* برجوازى التطلعات = MA
( BD , LD , ND AND MA )
و يتضح جليآ من النمط الوراثى اعلاه غلبة الفقرزة او البروليتاريا على البرجوازية فيه ... و يمكن وصف الشخص فى هذه الحالة بانه بروليتارى مسكين
و لو طبقناه على شخص آخر و ظهرت كما يلى
BA, LA , ND AND MA
سنقول انه برجوازى نبيل
و اذا كانت هنالك مناصفة مابين هذه الصفات الظاهرية ، فان
الشخص يكون معتدلآ فى حمله لصفتى البرجزة و الفقرزة
اعطنى نمطك الوراثى الظاهرى اقل لك من انت ؟؟
ابقوا عااااااافية
|
|
 
|
|
|
|
|
|
|
 جمعية اصدقاء البشاشة ...الحلقة الاولى (Re: KOSTA)
|
الناس الباشين الهاشين
كل عام و انتم بخير
كل عام و الجميع يتمتع بحس بشاشى عالى
الريس تغريد
كل سنة و انتى طيبة
الشكر ليك كيمان كيمان على ترحيبك الحار بنا
من زمان عايزين نخش المتكا الظريف ده لكن ظروف العمل منعتنا منكم
تصنيف الريس وراثيآ
يتخيل لى انك متوازنة الصفات البروليتارية و البرجوازية يعنى ممكن اقول ان نمطك الوراثى على النحو التالى
*بروليتارية المولد = BD
* بروليتارية المنشأ = LD
* برجوازية الواقع = NA
*برجوازية التطلعات = MA
(BD, LD,NA AND MA ) = MEDIUM STAGE
و خير الامور اوسطها يا ريس و الله اعلم لانو انا متخيل نمطك الوراثى كده و جايز يكون مختلف تمامآ و بينى و بينك مفروض تورينا انتى و بعدين نحكم نحنا ....لكن ما بنقدر نقول حاجة مع الريس
اها
ابقى بشاااااااااشة
| |
|
|
|
|
|
|
|
|
 Re: جمعية اصدقاء البشاشة ...الحلقة الاولى (Re: KOSTA)
|
صباحات شوقنا بي خيرن
صباحاتكم ديمة أعياد
و أعيادكم ديمة بشاااااشة
ياهلا و الله بها الطلة
و كل سنة و إنت و جميييع أصدقاء البشاشة
من عندنا لكوستي بألف خير
أنا بما إني من أعداء الفول و الكمونية
فأظن نمطي الوراثي حيكون بوليتارية متنكرة
عندكم من النوع ده ؟ 
بمناسبة البشاشة هاكم دي
قالوا سوداني داير يشتري ليه قميص من مصري
المصري قال ليه: الأميص خمستالاف
السوداني جاط ليك :هووووي يا حلبي إنت داير تدقس منو؟
و الله نحن واقعين من السماء 7 مرات
المصري : حمدالله ع السلامة يا بيه
أضحكوا ياخ الدنيا عيد
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: alsara)
|
يمة السارا
مبارك عيدكم
والله النكتة زي العسل
سلمتي
لكن يا الرضية انتي مالك ومال الخروف ؟ ما قلتي ما بتاكلي ملاح الحبال
لانو خروف العيد اساسا بضبحو عشان ملاح الحبال دا او زي ما قلتا ليك ممكن تقولي عليهو ملاح ضفاير
هاهاها
هاها
ها
البياز
عوافي
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: gootagood)
|
كوستا
ياممتع
ستنا بت الهناء بتعزف في ام رقيقة وأكيد بكرة بتجينا بكل ما لذ وطاب من الدانتيلا الكرشية والحبال المقرمشة والشطط والمطط
المهم الفايل بتاعي كله عندك وبالبصمة النووية كمان ورينا ترتيبنا شنو؟
السارا
أيام حرب الإستنزاف..العساكر الاسرائيليين في ضفة من القناة..والمصريين في الضفة التانية..مصري اسمو مسعود..أسرائيلي اسمو كوهين..دائما بتلاقوا في الوردية..كوهين اول ما يستلم الوردية يكورك: يامسعوووود..مسعود يرد عليه: أيوه..كوهين يقول ليهو:ملعون يومك..وكل مرة مسعود يتورم من الزعل..مرة مسعود قال لازم يمقلب اليهودي..أول ما جات مواعيد الوردية..مسعود مشى للقيف وقعد يكورك: ياكوهين ياكوهين ياكوهين..كوهين نقش الموضوع..وراح مكورك لمسعود:إنت مسعود؟..مسعود رد عليهو:أيوه..كوهين قال ليهو: ملعون يومك
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: banadieha)
|
د.السارة
كل عام و انتى بخير و عافية
و كل عام و انتى باشة و هاشة
و من الفول والكمونية طاشة
يا دكتورة
قمنا بعزل احد جيناتك الوراثية و وجدنا فيه خاصية فريدة و هى عدم الميل القلبى للفول و الكمونية و هى صفة جينية متنحية و غير سائدة
و عليه ، و بتحليل ذلك الجين و محاولة فهم مدلولاته اتضح لنا بعد تمحيص و تفكير ما يلى
** بما ان نمطك الوراثى لا يميل للفول و الكمونية فذلك يعنى انك مولودة و بالفطرة و لا تحملين اى صفات بروليتارية
اى انك برجوازية المولد = BA
** و بما انك لا تأكلين الفول و لا الكمونية فذلك يعنى انك نشأتى تنشئة برجوازية لعدم احتواء غذائك على اهم وجبتين بروليتاريتين
اى انك برجوازية المنشأ = LA
** طبيعى جدآ لمن يولد و ينشأ فى بيئة برجوازية ان يكون واقعه برجوازى
اى انك برجوازية الواقع = NA
** و بالبداهة كل برجوازى له تطلعات برجوازية
اى انك برجوازية التطلعات = MA
و عليه ، فان نمطك الوراثى يكون كالتالى
( BA,LA,NA AND MA ) = EXCELLENT STAGE
و طبعآ يا دكتورة هذا اعلى نمط وراثى فى البرجوازية ... و به درجة نقاء عالية للدم البرجوازى فيك
بس سؤال برئ
بعد البرجوازية النبيلة دى كلها ما تقولى لى بتاكلى تركين ؟؟؟؟
ابقى بشاااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
hi saroooooooora
walahi moshtageeeeeen1000
a7walik ya manga
7'aroofna lissa ma shofnaho
o beani o beanik
ana ma3ak fi qissat alkamoneya di bs ma 3ndik 7ag fil fool
looooooool@gootagood
7ubal shno di kaman awal marra asma3 beaha
inta al sharboat 3amala feek azinnak
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: sama7)
|
يا سموحة
اظنك من آكلى الملوحة
و فى هذه الحالة فكل نمطك الوراثى سيكون برجوازى النزعة
و لاتنسى غلاء اسعار الاسماك و الفسيخ و كل انواع الحوت بالسودان
عمومآ كل عام وانتى بخير و عيدك مبارك
و بصراحة خروفنا طلع سواكنى رهيب و اظنو من دار حمر
انتو خروفكم كيف ؟؟؟؟
ما تقولى لى نعيمى او نجدى
البياز
برضو كل عام و انت بخير
اسمك الاول داك عقدنى عديل ما عرفت ليهو
حاولت اقراهو من الشمال لليمين ماقدرت
قلت يمكن يكون اسهل من اليمين للشمال برضو ما قدرت
قلت اقراهو بالشمين برضو ما قدرت
اها
اتوكلت على الله و قلت خلينا فى البياز دى سهلة
و الله اسمك ذكرنى الاسماء العلمية اللاتينية فى قسم العلوم
الله يجازى محنك يا بياز
و عوافى
يا بنده
اوعى تفتكرها العزيزية بنده
بناديها الغالى
يا شيخنا انت نمطك الوراثى زى حالتنا كده
بروليتارى المولد = BD
بروليتارى النشأة = LD
بروليتارى الواقع = ND
برجوازى التطلعات = MA
( BD , LD , ND AND MA )
والله يكون فى عونا و عونك يا بنده
امجاد ما ممكن تكون بت علوى
و الرقشة عمرها ما تبقى شبح
لينا الله و عيشة السوق
ابقوا بشااااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
MISS SUDAN
كل عام و انتى بخير
يا اختى المغتربين خشم بيوت
يعنى فى مغتربين كأنهم قاعدين فى زقلونا او المرخيات
و فى جماعة عايشين هاى لايف
فليس كل مغترب
مغترب
و ليس كل ما مغترب
ما مغترب
عشان نقرر نمطك الوراثى لابد من بعض التحاليل اللازمة و الضرورية
مثل متى كان اغتراب الوالد ؟؟؟ قبل ام بعد عهد الطفرة البترولية؟؟؟
هل يشجع النصر ام الهلال ان كان بالسعودية ؟؟
متى كانت آخر زيارة له لباب شريف او سوق الندى بجدة ؟؟؟
موقفه من التجنيد اقصد الخدمة الالزامية ...اقصد من متلازمة الحمى الشوفونية
ناس شوفونى >....لانو ديل ما بتبل فى جيبهم ريال واحد ؟؟؟ >
متى جدد جواز سفره بالسفارة آخر مرة ؟؟؟؟
بعد ظهور نتيجة هذه التحاليل الضرورية و ما اذا كانت النتيجة
مغترب +VE
او
مغترب - VE
يمكننا بعد ذلك ان نحكم و ببساطة على نمطك الوراثى
اها للوقت داك
ابقى بشاااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
د.السارة
بناديها
بعد ان ظهرت نتيجة نمطيكما الوراثيين
و بعد ان اتحفتمونا بنكتتين أملحتين اقرنتين ، يبدو انكما قد أثرتما فينا شهية النكات مرة اخرى
هاكم دى
السودانيون بالخليج معروف عنهم حبهم و ولههم بالسيارات اليابانية و خاصة الكرولا
واحد سعودى على علم بهذه المعلومة و شغال معاهو سواق سودانى يدعى عثمان
السعودى يملك مجموعة ممتازة من السيارات و لكنه احب ان يضيف اليها ملكة السيارات المرسيدس الشبح
و اشترى الشبح على الزيرو و آخر موديل فى السوق و سلمها للسواق عثمان و ركب معاهو لعمل اول مشوار بالشبح
و بعد ان قام عثمان بقيادة السيارة الشبح و عمل جولة حول المدينة ، فى طريقهم للبيت سأل السعودى عثمان : بالله يا عثمان رأيك شنو فى الشبح دى ؟؟؟
عثمان : و الله ياطويل العمر ما شاء الله عليها ...كرولا بس
ههههههههههاى
ابقوا بشااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: banadieha)
|
ناس البشاشة
سلام
بندة
كيفك و احوالك ؟؟؟
انا ذاتى زيك بسأل عن اختنا بت الهنا
و فى الحقيقة هى عضوة نشطة و فعالة فى جمعية اصدقاء البشاشة
و ليها اسهامات بارزة فى الحلقات السابقة فى بورد معاذ
بس ما عارف فى الحلقة دى ايه ظروفها
عمومآ اضم صوتى لصوتك و اقول للاخت بت الهنا الجمعية تفتقد اسهاماتك و نشاطاتك و ان للجمعية و اعضائها عليك حق فراعيه
و ننتظر العودة
و ايضآ اخونا سكرتير تحرير الجمعية ابو القنفد له مساهمات مقدرة فى التحرير ارجو ان ينضم و باسرع وقت لركب التحرير بالجمعية
و الباب مفتوح للجميع و بلا قيود
ابقوا بشاااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: Elkhawad)
|
كوستا
ازيك يا حبيب
والله ليك وحشة يا راجل
لكن قول لى انت بتوصف فينى ولا شنو؟؟؟
تعرف اظرف حاجة انه انت يومك التمرق من السودان الجماعة هناك يصنفوك مع البرجوازية وهاااااااااك يا طلبات
وانت مرغم تلبى كل الطلبات حتى لو تخلص كل الكريدت كارد المعاك والممكن تتحصل عليها
وده البخلى الواحد ما يقرب ناحية السفارة خالص وحتى لو انتهى الجواز يجدد الاقامة بدون تجديد جواز كل ما عليك تدى المعقب 100 ريال ويلا دقى يا مزيكة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: قرشـــو)
|
الناس الباشين الهاشين
مساء البشاشة و الجمال
سموحة
سلامات
يبدو انك كترتى من الشربوت
انا يا اختاه اسمى كوستا و ليس كوستى
بالنسبة للملوحة فلا يفتا و د.السارة فى المدينة
احيل موضوع الملوحة برمته للدكتورة للشرح و الاسهاب و الاطناب
على فكرة كل آكلى الاسماك برجوازييين بالموسيقى
خصوصآ بتاعين السالمون
و الهامور
و الذى منه
الخواض
مرحب بيك ياعمدة
من طيبة الخواض
ام
فندق الخواض
ام
لك علاقة بالشاعر اسامة الخواض ؟؟؟؟؟
هذا استهلال فقط
مساء الملاحة و الفتون ....ايا قمرآ تشاغله العيون
بما انك خواضى
فنمطك الوراثى على نفس شاكلة اخونا بناديها و من قبل اخوك كوستا
و كلنا فى الهم بروليتاريا
على فكرة بناديها قال جملة اعتراضية تغريدية و هى من تواضع لله رفعه تعليقآ على تصنيفنا اياه و هى تحمل ما تحمل من تفاسير
بامكانك سلوك المسلك نفسه او تصحيح الوضع حسب الواقع
و الحرج مرفوع
و الدين ممنوع
وبعدين ، لو قالوا ليك اوصف نمطك الوراثى ..تفتكر تقدر تقول كل الحقيقة ؟؟
قرشو
يا الخليتنا
و جيت للهمبريب ده
و ما ودعتنا حتى
يعطيك العافية
المغتربون خارج السودان برجوازين حسب تصنيف الداخل
و بروليتاريا مدقعة حسب الالتزامات و الاتاوات بالخارج
و بروليتاريا منهكة عند مقارنة انفسهم بمغتربى الداخل الذين بنوا نواطح للسحاب
كان الله فى عون الجميع
نمطك الوراثى محفوظ عن ظهر قلب
هبشة من بناديها و يرص ليك الفايل كلو
اها
ابقوا بشااااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: banadieha)
|
LOOOL@وبعدين ، لو قالوا ليك اوصف نمطك الوراثى ..تفتكر تقدر تقول كل الحقيقة ؟؟
and
LOOOL@الليلة دي بطير
قالوا أيام زحمة المواصلات و الدفير ديك واحدة وقفت في باب الحافلة تكورك.. يا جماعة خاتمي.. خاتم دهب يا جماعة.. وقع مني.. يا شباب زول يدنقر يشوف خاتمي .. ياخواني وووووب خاتمي راح
عمك عجوز زهج ليك منها قال ليها.. إنتي حسى في خاتمك و لا في مركوبي ده وينوووو
بااايخة ..بس مفلسة و الله ..الدنيا آخر شهر
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: banadieha)
|
د.السارة
التركين و الملوحة من تراث النوبيين العريق
لازم تكونى مجضمة الاكلتين ديل
و الا
تايوان....و تايلند ..و سنغافورة.. و كل النمور الآسيوية فى الانتظار
و لك الخيار
بنده
حلوه نكتة اخونا ود درار
و عليك الله كل مرة جر لينا واحده بمزاجك النضيف ده
و ما زالت اختك بت الهنا و السرور مواصلة لغيابها عن الجمعية
و الغريبة حايمة فى البورد
تجى نبلغ عنها انتربول النت ؟
ابقوا بشااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: alsara)
|
د.السارة
التركين و الملوحة من تراث النوبيين العريق
لازم تكونى مجضمة الاكلتين ديل
و الا
تايوان....و تايلند ..و سنغافورة.. و كل النمور الآسيوية فى الانتظار
و لك الخيار
بنده
حلوه نكتة اخونا ود درار
و عليك الله كل مرة جر لينا واحده بمزاجك النضيف ده
و ما زالت اختك بت الهنا و السرور مواصلة لغيابها عن الجمعية
و الغريبة حايمة فى البورد
تجى نبلغ عنها انتربول النت ؟
ابقوا بشااااااااشة
| |
|
|
|
|
|
|
|
|
|
رفقا ### رفقاً (Re: KOSTA)
|
تغريد سارا
أحذر أن تدوس على واقع فى الأرض ،إحذر أن تعبس فى وجه محتاج ،إحذر أن تضم أذنيك عن إستغاثة المسكين ،إنك بذلك تفقد عضويتك فى بنك الحب والإنسانية وهو بنك له فروع فى كل مكان ،ولكن لا يتعامل أبدا مع الحاقدين ولامع الأنانيين ولا مع الذين لا قلوب لهم
واسف جداً اذا كنت مخطئ
كان عندو نفس البنكنوت
نفس الهوس
نفس البطان الكهنوت
اكتر حرس
اكتر خزاين نادا موت
واما عن موضوع فهو جميل جداً ونحن كنا فاقدين واحد مثلك وحمدلله علي السلام
دياراً ترحب بيك
دائماً
جيمو
| |
|
|
|
|
|
|
|
|
|
Re: رفقا ### رفقاً (Re: gemo)
|
جيمو
سلامات
صدقنى لم افهم شيئآ من مداخلتك فى هذا البوست
عمومآ نحن هنا فى الجمعية ناس بشاشة ساكت
و اكيد البيدخل دارنا دى هو ذاتو زول بشاشة
فمرحبآ بك
و لك مودتى
و ابقى بشاااااااشة
| |
|
|
|
|
|
|
|
|
|
Re: رفقا ### رفقاً (Re: KOSTA)
|
ايييييييييييييييك
يا كوستا والله ما شفت سؤالك عن
gootagood الا هسع
هاك الرد
gootagood معناها
got to be good
يعني والله اعلم انشاء الله تكونو تمام
دا رندوق من تاليفي انا
عليك الله ما خطير؟
البياز
عوافي
| |
|
|
|
|
|
|
|
|
|
Re: رفقا ### رفقاً (Re: gemo)
|
 يا جيمو
حقك على انا ... بس الظاهر تأثير الشربوت كان لسه مستمر
أرجوك ما تاخد على خاطرك مني... وتأكد انه نحن ناس بشاشه فعلا ... بل نحن البشاشه نفسها ... يلا ممكن تبتسم أرجوك
)
أحلى سلام للحضور الكريم
| |
|
|
|
|
|
|
|
|
|
Re: رفقا ### رفقاً (Re: تغريـــد)
|
الاخ / ان شاء الله تكونوا تمام
GOOTAGOOD
سلامات
و الله بالغت عديل كده
يعنى عندك كلمة عربية و جميلة و تحمل كل المعانى الرائعةو هى : عوافى
و ياهو نفس معنى قوتاقوود يعنى لازم تزور الثورة اول
لو عايز تمشى حى مكى ؟؟
ام لازم
تزورالكلاكلة اول لو عايز تمشى المعمورة
ام لازم
تزور الحاج يوسف اول لو عايز تمشى المزاد
لك المعزة يا بياز ياغالى
و على فكرة بياز دى اسم تفعيل من بيزجيتار؟؟؟
ام اسم على اسم ؟؟؟
جيمو
يااخى الريس بجلالة قدرو قال الامر بسيط
و يلا ابتسم
نحن يازول ما فى واحد بيخش دارنا دى الا و هو مبتسم
و صابحنى دايمآ و ابتسم
تغريد
قيادة رشيدة
يجب تايدها
بس المرة الجاية ما تكترى من الشرابيب
اقصد الشرابيت
هو مالو التقول انا ذاتى كترت من الشربوت
و يعطيكم العافية
و ابقوا بشاااااشة
| |
|
|
|
|
|
|
|
|
|
Re: رفقا ### رفقاً (Re: KOSTA)
|
يا ناس يا عسل
الهناء كله وصل
الناس الهاشين والباشين
كل سنة طيبين
مشتاقين ليكم كميات وقلت أتقل شوية أشوف معزتي عندكم قدر شنو ؟؟؟ لقيتها ليك صفر كبير - وفي النهاية جابت ليها انتربول ...
على العموم أديكم دي بمناسبة الحضور!!!
واحد شين شناة مرة مشى للحلاق قال ليه أحلق لي كابوريا ، الحلاق اندهش وعاين ليه فال يا ولدي خليها عادية كابوريا شنو ؟؟؟ قال لا يا عمو عارف الموضة والشباب وكده ... الحلاق متحير من الشناة دي ، المهم اتوكل على الله ومسك ليك راس الزول ونكش ليه شعره كده قام الولد قال ليه براحة يا عمو قول بسم الله قال يا ولدي كان قلت بسم الله الا تختفي.
خسمتكم بالنبي إلا تضحكوا
كوستا
يا ريسنا يا حارسنا وفارسنا
يلا وريني الصفات بتاعتي شنو ؟؟
ومفروض تكون عارفني بالعشرة ساكت من بشاشة لي بشاشة ......
يعني ما تقول لي اديني أي معلومات ....
وخت في بالك السوق اليومين ديل في حالة ركود ماتقوم تضيعني كمان.
هههههاي
أبقوا عااااااااافيتين
| |
|
|
|
|
|
|
|
|
|
جمعية اصدقاء البشاشة ...الحلقة الاولى (Re: BitAlhana)
|
بت الهنا
يا ستى اولآ حمدلله على سلامة الطلة
تانيآ مخصوم منك 5 نكت اقصد 5 يوم عشان غيابك من الجمعية طيلة هذه الفترة و بدون عذر مقنع للاعضاء..... و نشكر انتربول النت الذى قام باحضارك للبوست فى زمن قياسى
ثالثآ بالنسبة لتصنيفك حسب نمطك الوراثى فاستطيع ان اجد لك نمطين وراثين
أ) و هو النمط الخاص بك على وجه العموم
برجوازية المولد = BA
برجوازية المنشأ = LA
برجوازية الواقع = NA
برجوازية التطلعات = MA
(BA , LA , NA AND MA ) = EXCELLENT
اى انك نقية البرجزة و التبرجز
ب) النمط الوراثى الخاص بالجكس
و هذا النمط قصدنا به و بناءآ على رغبتك و ظروف السوق الجكسية ان نخفف من غلواء البرجزة فى دمك حتى يستطيع اكبر قدر من بروليتاريا شبابنا المنتشرين بكل البقاع ان يجدوا لهم متسعآ من المنافسة
بروليتارية المولد = BD
بروليتارية المنشأ = LD
برجوازية الواقع = NA
بروليتارية التطلعات =MD
(BD , LD , NA AND MD )= NOT BAD
اى ان الشباب الداعك فى الحياة يمكنه ان يتقدم نحوكم بثقة حيث انكم تتحدثون بروليتاريا واحدة
قصرت معاك ؟؟؟
ابقى بشااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
سلااام جاكم
نكتتين جداااد لنج ...وارد صلاح درار
قالوا في واحد سألوه كيف بتصطاد الأرانب قال ليهم بقلد صوت الجزرة
هئ هئ
الحلة فيها فرنين واحد آلي و واحد سيدو إسمو علي... أها الجنوبي جا شايل ليهو عيش لاقاهو صاحبو جنوبي تاني قال ليهو العيش ده من آلي ولا آلي؟
من آلي -
شكرا -
هئ هئ
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: alsara)
|
سلام يا اهل البشاشه
فى اثناء ما بتصفح فى البوست الحلو دا كان قاعد جنبي واحد صاحبي وفى واحد ثاني يقراء ويتبسم قام صاحبي قال ليهو مالك انت ياود الناس بتتبسم زي دعاية معجون الاسنان والله ضحكنا فيها ضحك وقلت ليه والله الا نضيف الضحكه دي فى بوست اصدقاء البشاشه
واحشني
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: wa7shny)
|
الناس الهاشين الباشين
مساء بشاشى جميل
نبدأ من الآخر
واحشنى
وحووشتنى عيونك
ان شاء الله صاحبك ده دايمآ يكون معاك ....عشان تكتر الضحكات ...و تكتر دعايات السجنال ....و بالتالى تكتر طلاتك لينا هنا فى الجمعية
اظن اتفقنا
د.السارة
الله يجازى محنك انتى و ود درار
النكتتين لكن ما حكاية
بالله ما تحرمونا من مثلها
و على فكرة وينو ود درار ما باين يعنى ؟؟
لك و له التحايا
الخواض
يا اخى ما تقول لى هيئة دبلوماسية
انت آزول ما مننا
و لذلك حأغيير نمطك الوراثى لتصبح نقى الدم البرجوازى
و يا ولد جيب الكبش الحمرى ده و اضبح للخواويض ديل اهل الكرم والنم
قال وقعت ليك فى جرح قال
انت يااخى دخلت جوه الجرح ذاتو
يديك العافية
و اللقمة الدافية
و ابقوا بشااااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: Elkhawad)
|
الخواض
سلام بشاشى و هاشى
يازول انت هيئة دبلوماسية و مكتوب عليها كمان : المراسم
و ممنوع التصوير او الاقتراب
و على فكرة اخونا اسامة الخواض شاعر نحرير و تعجبنى قصائده و لو عندك ليهو اى قصائد ارجو شاكرآ مدى بها عاجلآ
لك منى السلام
و شهى الطعام
و ابقى بشاااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
الناس الهاشين الباشين
مساء البشاشة
واحد عاصمى تزوج ليهو ريفية و بدوية كرتة
وفى الكوشة و هم جالسين و العريس معاهو اصحابو كانت العروس عابثة و ما بتتكلم لا بتتبسم و حالتها كانت صعبة
العريس حاول يلطف الجو و يتونس معاها شوية
العريس : يا عاشة انا جبت ليك هدية حلوة و شايلها ليك فى جيبى و عايزك تعرفيها شنو ؟؟؟
و صمتت عاشة و هى تحاول ان تفكر فيما تكون هذه الهدية من العريس
العريس : اها ياعاشة تخيلى بالله انا جايب ليك شنو ؟؟؟
عاشة : عارفاها و الله
العريس : اها شنو يا عشوشة ؟؟
عاشة و هى تربت على كتف العريس : ما جرادة ..جرادة
ههههههههههههههههاى
و كان الله فى عون العريس
و ابقوا بشاااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
سلام اهل البشاشة اهلنا
عارف يا كوستا الليلة ذكرتنى نكتة قديمة خلاص
قالو فى واحد شين شديد شديد شديد
وكل ما يجى يخطب يقومو البنات يرفضوه
وحجتم القراية طبعا
قام مرة قنع خالص وفال العاملات لى فيها قراية ديل احسن اختاهم
قام مشى قعد ليه جنب ست شاى
وقال دى اكيد ما حتقول قراية
وقعد يحكى ليها عن نفسه ويوريها كيف هو زول عصامى وكدا
وانا ربيت اخوانى
وكلام زى دا
زولتنا قالت ليه انت يا اخوى من قبيل شغال لى فى عصامى دى
هى عصامى زاتا يعنى شنو
قال ليها يعنى صنعت نفسى بنفسى
قالت ليه وانا اقووووووووووول دى ما خلقة الله
لوووووووول
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: Elsadiq)
|
الصادق
و دا المطلوب
وشوفو دى
قالو فى واحد مسطول بياكل فى بلح وبيجدع النواة بتاعتها بى وراة وكل ما يجدع النواة بتاعت البلحة تخبط فى الباب وتعمل (( كو )) صاحبنا المسطول كل
مايجدع نواة وتعمل صوت بيقول اتفضل .. اتفضل
لووووووووووووووول
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: eyes of liberty)
|
الناس الهاشين و الباشين
مساء البشاشة و السرور
ياسموحة
نكاتك حلوة شديد و مبالغة عديل كده
يعنى كل نكاتك فى السلك
واصلى معانا بالحاجات الظريفة دى
نحنا مفكرين فى رئاسة الجمعية نضمك لهيئة التحرير
بس باقى ليك كم نكتة كده و مشاركة و تاخدى القرين كارد بتاع الجمعية
الصادق
و الله مشتاقين
و يااخى دخول الحمام زى خروجه ؟؟؟
يعنى تسمع نكاتنا و تعجبك و ما تدفع حتى نكتة واحدة
ما تقول لى استعملت حق المشرف على وزن حق النقض
برضو مرحب بيك بيناتنا و المرة الجاية املأ القفف و تعال لينا
عيون الحرية
شكرآ ليك على الاطراء الجميل
و زى ما بيقولوا ناس الفضائيات
ابقى معنا
و ابقوا جميعآ بشاااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: قرشـــو)
|
الناس البشاشة
مساء البشاشة
و المطرة الراشة
قرشو الحبيب
عليك الله كلما ما تكون مكربن ( كان من الكفيل ...من العمل ...من المدير ....اومن وزارة الداخلية ) ...تعال لبشاشتنا بتفشك
و تعال لبشاشتنا بتفشك
بس الفشة بريال
و فى رواية بدولار
و لو جاملناك بدينار
ملحوظة : يمكن قبول الدفع عن طريق بطاقات بشاشةكارد الذهبية
ابقى بشاااااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
الله يديكم العافية غايتو الزول كان ينسى داير همومو يجيكم بي جاي ويلا علينا جاي كل حرف بي ضحكة جوانية وهاكم دي مسطول قال ليك كل يوم يجي البيت مع المغارب وكافي ليك البنطلون كراع واحدة بس ومليانة طين قال ليك ابوهو لاحظ الحكاية دي وقام مباري ليك صاحبنا لقاهو قاعد في طرف البحر وكافي بنطلونو ويجبد في السجارة اها بعد ما إنتهت السجارة قام راميها ليك في الموية ومحصلها بي كراعو  واقعدوا عافية
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: wa7shny)
|
العزيز
كوستا
أمير البسمة
الحال والأحوال، ما يزال الخجل طبعا مسيطر على الأنا العليا والسفلى برضه، مع وجود جبهة هوائية باردة خالص وساقطة كمان، بالمعنيين
جميع السادة الباشين الفوق ديل، كل الأسماء، هسه اقوم ارصهن وانسى لى واحد تبقى شغلانة، لأنه الراس، أو المخ بالأحرى بقى صفاية، مش غربال، طبعا فى فرق بين الصفاية والغربال، والما عارف الفرق يرفع اصبعه
دائما بقول للجماعة انه اظرف انواع الفكاهة والفواكه، هى البتصدر من مواقف حقيقية طبعا التأليف برضه ليهو دور تمام، لكن انا والله بتضحكنى المواقف الفعلية والردود اللماحة السريعة، على طريقة المبدع ابوداود وبرضه كمان ما ننسى عمنا حمودة حلاق الجامعة القرب الناس ينسوهو
اها ما اطول عليكم واقص ليكم الطرفة الحقيقية دى، وان كان لو الناس كانت بتعرف الأشخاص كانت حتكون أحلى طبعا، بسبب وجود عامل الإنطباع الفعلى بكلام ناس السيكولوجىولا اقول ليكم، كدى خلوها المرة الجاية عشان ما اطول وتزهجو
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: Abamna)
|
salam abamna
مدام طالبين الطرائف المن وقائع حقيقية
قالو فى حتة فى الغرب كدا جفت شديد
زمن ما جاتا مطرة
الناس ما عرفو يعملو شنو قامو قالو يجيبو الفلاتلى طبعا شيخ كبير
عشان يجى يصلى صلاة الاستغاثة
قام جاء وقعد دييييييييييييك يا الصلاة والدعوات
قومى يا المطرة ما تجى
وهو يقعد ويقوم يقعد ويقوم والباقين وراه
قامو الجماعة قلقو وقالو ليه شنو يا شيخنا
ما نفعت ولا شنو
قال ليهم والله اهو صلينا
لكن لا حياة لمن تناجى
************
اقول لوووووووووووول ولا استغفر الله العظيم
سورى لكن لو ما حقيقة ما كنت حكيتها
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: sama7)
|
ناس البشاشة سلام
سونا المريود
سلامات
غايتو المسطول بتاعك ده بالغ عديل
و يبدو انو عندو حس اطفائى رهيب
اب آمنة
زى ما قالت ليك الدكتورة آآآآآآآآآآآآح منك
فقد هيأنا انفسنا على نكتة حقيقية منك ......لكن
سموحة
واصلى و ما تنقطعى من الروائع
د.السارة
LOOOOOOOOOOOOOOOOL@ THE 2 JOKES
ابقوا بشااااااااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
الناس الباشين
مساء بشاشى جميل
هاكم النكات البايخة شديد دى
مدرس كيمياء رزق بولد سماه : سامى اكسيد الكربون **
قرد شغال فى السيرك وقع من الحبل نقلوه للمستشفى بين الحياة و الموز **
صعيدى لما يجى ينوم بيخت الطشت تحت السرير ليه ؟؟؟ **
عشان يغرق فى النوم
واحد احول اتزوج على مراته ، لقاها هى **
هههههههههههههههههههههههههاى
و ابقوا بشااااااااااااشة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
جيناكم يا حبايبنا
زى ما قلت ليكم، الطف انواع النكات هى اللمحات الحقيقية والواقعية، والبتجى من الناس الساخرين الظراف
عمكم ابراهيم على فضل الله، الله يرحمه، كان من اكتر الناس سخرية وتعليقاته دائما حلوة ومضحكة
يوم كان طال من البيت، لقى جارته حاجة خلود ومعاها خضر ابنها الصغير، وخضر ده الله يديهو العافية، شين شنا النوع الحامض داك، اها خضر كان ببكى ومتعلق فى امه وعامل جوطه فى الشارع
ابراهيم سال خلود قال ليها الولد ده ببكى مالو؟ قالت ليهو قال إلا يدوهو طراده يشترى ليهو وش
ابراهيم اندهش جدا وقال ليها، وش شنو كمان، وهى كانت بتقصد الوجوه البلاستيكية المخيفة البلبسوها الاولاد فى وشوشن، ابراهيم قال ليها والوش داير بيهو شنو
قالت ليهو داير يمشى يخوف بيهو الشفع
قام ابراهيم قال ليها
هو ما يمشى يخوفن ساى، الوش داير بيهو شنو
القصة طبعا بتكون مضحكة وممتعة لوالابطال كانو معروفين للناسن لكن اهو
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
كوستا
ملك البسمات
إنت تأمر بس يا قمر
اسمع
حسن ود المأمون، المامون ده بالمناسبة ياهو زاتو بتاع الكديسة الوالدة، وحسن ده ولده وبرضه بتاع هبايب وبوابير تقيلة
عمك المامون يوم من الأيام عنده شوية دجاج أو جداد بى لغتنا اللذيذة ومعاهن كم ديك، شالن وداهن السوق عايز يبيعن
فى السوق وقبل ما يبيع قابله جاره اسمه برضه حسن حمد، وعرف منه موضوع البيع ده واتفارفقو فى السوق بعد داك
العصرية كده، عمنا حسن حمد كان ماشى فى الشارع فى الحى وقابل حسن، حسن ود المامون، وحسن ود المامون كان مسطول واقف لمبة، وكان عايز يساله من ابوه وهل باع الجداد ولا لسه، وحسن ما كان عنده فكره عن الموضوع
قام قال ليهو، يا حسن أبوك باع؟
حسن طوالى وبدون ما يفكر قال ليهو
لا لا أبوى ميغ
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: ALZOLZATOO)
|
ناس البشاشة
سلام
يا رومانسى
النكتة لكن ما سمحة خلاصى
و بتظبط للراسى
و الواقف لابد يقعد فى الكراسى
عشان ما يخرب للنظام الاساسى
عشان هو باقى زولآ سياسى
و قال لأمه انا شفتك و ين ؟؟ انا ناسى
لكن برضك ديبلوماسى
الزول ذاتو
حبيبنا نحنا لا ناس وساطات و لا ناس اشتراطات
نحنا ناس بشاشات
و ما دام انك زول بشاشى
ابقى خاشى
بس الرسوم نكتة نكتتين ..على الماشى
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
مسطول و لا مؤاخذة جزمتو وقعت فى البحر و هو بيسطل هناك
فكر ثم فكر ... و اخيرآ وجد الحل لاخراج جزمته من البحر
احضر صنارة و وضع فيها طعم اورنيش فخرجت الجزمة بلا مقدمات و هى تقفز على ذيلها زى السمك
ههههههههههههههههاى
بايخة عارفها...بس جاملونا ساى
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
بابا كوستا ازيك .. زكرتنا الخرطوم بالليل بى كوستا دى
طالب مصرى المعلمه طلبت منو اسماء ثلاثه من الانبياء
قال ليها النبى عيسى والنبى موسى والنبى بوسه
المعلمه زعلت جدا وقالت ليهو بطل سخف شنو يعنى النبى بوسه ده
قال ليها
بس يا ابله كل يوم الصبح بسمع بابا وهو بيودع ماما بيقول ليها النبى بوسه
ديك الجن
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
كوستا والرفاق الحلوين مش معقووووووول !! كنتو وين وجيتوا متين ووو.. كلها أسئلة .. مشتاقين عديييييل كده والله
في البداية الرائع أسامة الخواض .. ذكرى عطرة لرجل هائل .. إلى جانب أنه شاعر لا يشاق له غبار، وبحسب اطلاعي المتواضع ومعرفتي به هو من الأوائل الذين أرسوا دعائم المنهج البنوي في النقد الأدبي ومنهج التفكيك إلى جانب الأستاذ/ عبد اللطيف علي الفكي .. بالمناسبة دي وين إسهاماتهم الثرة في الجانب ده ؟؟
بمناسبة المساطيل يا سماح وكوستا صاحب الدار
قالوا في واحد مسطول خاتي الكرسي بتاعو قدام البيت الفاتح على شارع الظلط ، وفجأة حصل حادث لي سيارة انقلبت ، وهرع الناس وجرى المسطول معاهم ، لقوا في العربية اتنين واحد فيهم فارق الحياة والتاني يده اتكسرت وكان بيصرح بي اعلى صوته متألم
المسطول قال ليه: ياخي ما براحة شنو ياخي .. ده مات عديييييل كده ما عمل زي البتعمل فيه ده
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: SalahDirar)
|
الاخ / الاديب صلاح ضرار
مرحبآ بك فى دار البشاشة
يااخى مش معقول كل هذا التوافق بيننا فى الاعجاب ببعض الشعراء ...، فانا لم اكن اتخيل ان هنالك مفتونآ مثلى بالشاعر حسن طلب .. الى ان وجدتك مولعآ به لحد الوله
و عندما ذكرت لاخونا الخواض اعجابى بقريبه الشاعر الخطير اسامة الخواض ... لم اكن اتوقع ايضآ ان يشاركنى احد مثل هذا الاعجاب ....... لقد ادهشتنى اخى صلاح بكل حدود يمكن ان تصلها دهشة
لقد قرأت قصيدة لاسامة الخواض بعنوان " سموك عاهرة المدينة و الضفاف " ... لشد ما اعجبتنى و كنت احتفظ بها كاملة ... و لكن تبآ لذاكرتى الخربة التى نسيت ما حفظته منها و كذلك لم احتفظ بالقصاصات التى كانت عليها هذه القصيدة الرائعة...... هل تغثنى عزيزى صلاح و تتحفنى بهذه القصيدة ؟؟؟
هاك دى يا بوصلاح
يقول لك صعيدى معاهو اربعة من الجن
واحد بيوسوس ليهو
و التلاتة بيفهموه الوسوسة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: Elkhawad)
|
أخي العزيز/ كوستا
أسعد الله أوقاتكم بكل الخير
زي ما بقولوا جماعتك (غاااالي والطلب رخيص) لكن تخيل بعد ده للأسف الشديد جدا ما عندي .. ما تقول أخوك جاب ليك هجمة مرتدة وكده أو عاوز يتسد يعني .. أحزنني فعلاً والله ألا أجيب طلبك لكن الايد قصيرة
بمناسبة الصعايدة يا حبة
جماعتنا القاعدين معاهم ديل فيهم ناس زي الصعايدة وكده (طبعا عارفهم) أها قالوا جاء مشرف تربوي لواحدة من مدارسهم وسألهم من الذي قتل عمر بن الخطاب: فلم يجب أحد ، نادى مدير المدرسة وكلمه باستغراب عن الحاصل ، المدير مسكهم بالدور المابجاوب يديه ليك على راسه ، لمن غلب حيلة قبل على المشرف قال ليه انت متهم منو فيهم بالضبط؟؟
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: SalahDirar)
|
العزيز / ود العم الخواض
سلامات
و الله مشتاقين يا خواض.... و ليك وحشة
احوالك ... و الاخبار
فى انتظار هديتك و التى اتوقعها تحفة من تحفك المنثورة فى هذا البورد
او
قصيدة خطيرة لقريبك اسامة الخواض
ود ضرار
تسلم يالغالى ... لا بأس بخصوص القصيدة المطلوبة ... ان شاء الله لو لقيتها سارسلها لك فورآ لانى متأكد من انها ستنال اعجابك ، و اتمنى ان يسلط النقد على قصائد الاخ اسامة الخواض حتى نستطيع الالمام بمواطن الجمال و الفتنة فيها
جماعتنا الهنا عارفهم و عارف محنهم الكثيرة ... بس برضو العين بصيرة و الايد قصيرة
و يا ضلنا المرسوم على درب المسافة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
صباح البشاشة .. قالوا هماً يبكي وهماً يضحك .. أنحنا غايتو حقنا ده بضحك عشان كده بنفتش نضحك من الصباح كده ونديها كباية قهوة ونشوف الحاصل شنو بعد ده
السوداني قال للمصري: قول قلة
المصري قال ليه أُولة
قال ليه طيب قول جلة
المصري قال قلة
السوداني قال ليه طيب ياخي : ما دمت بتعرف تقول قلة ما تقول للقلة دي قلة ياخي
قديمة ؟؟ معليش لكن حلوة مش
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
كوستا المرهف .. زارع الحب جالب الفرح
أعضاء الحزب أجمعين
آخر ما سمعت أمس وأعجبتني
قالوا في واحد مسطول سايق ليه تريلا في طريق بورتسودان الخرطوم وفي النزلة بتاعت العقبة ديك اتفكت الترلا بتاعته وجات جارية عليه جري ولمن مرت من عنده بسرعة كده فوووووو .. صاحبك قال والله لكن الحبش ديل بجروا جنس جري
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: banadieha)
|
بناديها الحبيب .. سلام
غايتو أنا الفكة المفترسة قالت لي في مرة من المرات .. منو القال ليك في تضاد بين الصرامة والنكتة .. غايتو أنا صدقتها .. ومن ديك بقيت ما ألقى لي فرصة .. بالمناسبة دي وين شايننج ستار ما باينة في دار كوستا العامرة دي يعني ؟؟
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: SalahDirar)
|
سموحة
شكرآ ليك يا رائعة على النكتة الحلوة
و لابد من مجادعتك بواحدة
يقول ليك فى واحد بتاع مبالغات ( جكاك ) .. و بيحكى لجماعة عن سرعته فى شرب الشاى
تعرفوا انا الشاى بيكون ساطوه يادوب بالملعقة ... و دورانيات السواطة لسع فى الكباية ... اها انا من شدة سرعتى فى شراب الشاى آخر جغمة ما بتجى فى خشمى من السرعة الدورانية ... بتطلع بره الكباية
الكتراااااااااااابة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
الاديبان الاريبان / بناديها
ودضرار
تكتحل ساحة البشاشة بنوريكما
و تزداد القآ و ترحابآ بوجودكما
يا قمرىّ ادباء البورد فنآ و روعة .... و خيلاء محببة
بنده
كما قال ودضرار لا تضاد البته بين الصرامة و النكته ... اهما اخى مثل الليل و النهار ..... متضادين ... و لكن لابد ان يتعاقبا لتسير الحياة
اقول
متى تنتهى مرحلة الكمون مابين الجنة و النار ؟؟؟
عد .... و لا تبتئس
و قل
لواقف على ربع درس
ما ضرّ لو كان جلس
ود ضرار
الحبشى ما عندك لكن
و اسفى على ....... تسفاى
و على ذكر الفكة المفترسة ، اذكر انها ذكرت نكتة حلوة فى بوست " نكتة على الماشى" فى سوداننت فحواها : واحد كسلان خالص و ماشى فى الشارع .... من بعيد شاف ليهو قشرة موز مرمية فى الطريق قال : اها الله يعينا على الزلقة
و انا ايضآ اضم صوتى اليك يا صلاح و أطالب بحضور الاخت الظريفة" النجمة اللامعة"
و ليكن هذا نداءآ ممتطيآ لصهوات الرجاء و الامل لكى تشاركنا او نشاركها فى دعاباتها الفكهة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
ناس البشاشة
سلام
ايام ازمة البنزين الشديدة ديك ، واحد جاى ماشى كدارى من امدرمان لحدى بحرى بكبرى شمبات ... لقى ليهو واحد مسطول سطلة شديدة قام الراجل الجاى من امدرمان سأل المسطول : يا اخى غريبة انا جاى من امدرمان هسع و فيها مطرة كابة موية للركب ... بحرى ما فيها و لا نقطة ياربى السبب شنو ؟؟
رد المسطول : يا ود العم اصحى ... بحرى كبتها بكرة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
قالوا في جماعة سرقوا ليهم خروف بتاع زول اسمه حاج أحمد ، جوا ضبحوا ليك الخروف وظبطوا ليك الشواءات وجابوا ليك العسلية ورقدوا سلطة ، أها واحد فيهم (أميره ضنبه) قام قال ليهم يا خوانا والله بس ما خايف الا من حساب ربنا يوم القيامة .. واحد قال ليه يعني ربنا بيسألنا من الخروف ده ، قال ليه طبعا كيفن ما بسألنا .. يجيبونا كلنا ويجيبوا حاج أحمد صاحب الخروف ويجيبوا الخروف ذاتو يسألوه .. نط واحد تاني قال ليهم يعني حاج أحمد ذاتو بجي ؟؟ قال ليه طبعاً بجي ، والخروف ذاتو بجي؟؟ قال: طبعا الخروف ذاتو بجي .. قال: طيب حاج أحمد ما يسوق خروفه ويمشي .. الغلبة شنو طيب ؟؟
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: SalahDirar)
|
دي واحدة سريعة كده عشان طولت منكم والجاي وراء
بس اضحكوا سمح ؟؟؟؟
تلاته مساطيل راكبين في طيارة هلوكوبتر بسطلوا
والطيارة في الجو
قاموا قالوا لي واحد منهم يمشي يجيب ليهم سجارة حمرا من الدكان
زولنا قام وعلي حسب السطلة الفيه مرق بي واحد من بيبان الطيارة
لحسن حظو لاقتو ليك مروحة الطيارة وخمشتو من لياقة القميص
صاحبنا بقى معلق والمروحة لافه
الجماعة بي جوة انتبهو للموقف وزولنا لافي مع المروحة
وهم برضو علي حسب سطلتهم
شبكو ليك
آآآآآآي أقعد لف لينا كدة لمن تلقى الدكاكين قفلت
| |
|
|
|
|
|
|
|
|
|
جمعية اصدقاء البشاشة ...الحلقة الاولى (Re: KOSTA)
|
ناس البشاشة
صباح بشاشى جميل
ود ضرار
بت الهنا
اشكر لكم النكات اللذيذة
و لكم هذه مع حبى الشديد لاهلنا الدناقلة
اتنين دناقلة بتغالطو فى الشطة.. واحد منهم دكتور وقعد يشرح فى مشاكل الشطة و القرحة ووو الخ.. المهم الراجل التانى ما عجبو الكلام ده قام رد عليهو بزعلة "و انت اندك كلام فى كلام ربنا؟؟" الدكتور قال ليهو "لأ" التانى قال ليهو: تيب مش ربنا بردو بيقول ان سأيوكم لشتى؟؟
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
الاخوة/ رئيس وأعضاء حزب البشاشة المحترمين
قالوا في جماعة جوا لي الزريبة بتاعت الغنم ، وأول واحد لاقاهم سألوه
ياخي الغنماية عندك بتحلب كم رطل في اليوم
قال ليهم ياتا فيهن الزرقاء ولا الحمراء؟؟
قالوا ليه الزرقاء
قال ليهم كان 3 أرطال كان 5 أرطال
طيب والحمراء
قال : نفس الشي
قالوا ليه طيب لو ضبحوها بكون فيها كم كيلو كده
قال ليهم: ياتا فيهن الزرقاء ولا الحمراء
قالوا ليه الزرقا
قال ليهم كان عشرة كيلو كان خمستاشر كده
طيب والحمراء
قال ليهم نفس الشي
قالوا ليه طيب إذا النوعين متساويات طيب مالك ياخي شابكنا الزرقا ولا الحمرا
قال ليهم لأنه الزرق ديل حقاتي
قالوا طيب والحمر
قال ليهم نفس الشي
| |
|
|
|
|
|
|
|
|
|
جمعية اصدقاء البشاشة ...الحلقة الاولى (Re: KOSTA)
|
الاخ نايل 1
سلام و مساء بشاشى عليل
يا رجل قد اعييتنى بعينتك هذه
و لقد فحصت .... بضم التاء
و فصحت كثيرآ
لكنى لم اجد ابدآ ، عينة تشبه عينتك
و لا بروليتاريآ تشبه بروليتاريتك
عليه
و بعد البحث المضنى فى المراجع تأكد لى ان بك مرض نادر يسمى " مرض نقص البرجزة المكتسب " ... او متلازمة البروليتاريا الابدية
و ينتشر هذا المرض فى بنغلاديش .. تيمور الشرقية .. الهند .. افريقيا الوسطى تشاد و السودان
و الجامع بين هذه البلدان و المرض هو الفقر
و بما ان عينتك نادرة الوجود فقد تم اضافة اسمك لكتاب جينيس للارقام القياسية حيث ان جيناتك الوراثية ثنائية البروليتاريا رباعية الفقر
و قد تم اضافتك للتصنيف العالمى للفقرزة تحت الاسم : مزيج نايل 1
اعانك الله اخى و رعاك
و لا حول و لا قوة الا بالله العلى العظيم
و نسأل الله ان لا يرينا عينة كعينتك
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
الأخ كوستا
السلام عليكم ورحمة الله
ماهذا يارجل ابعد كل هذا التشخيص والتمحيص والنتيجة التي خرجت بها تقول لي...سلام و مساء بشاشى عليل
لقد كان مساءا عليلا بالفعل..جلست اندب حظي بعد أن عرفت بأنني مصاب بفيروس نقص البتاعة الإنت قلتها دي..وسبب النكد أنك لم تعطني أملا في الشفاء..بل رميتها في وشي عديل زي الدكاتره الخواجات يقولوا للزول إنت ماعندك أمل وحتموت بعد كم يوم..أنا أعلم أن أمانة المهنة تقتضي أن يصارح الطبيب مريضه..ولكن نحن السودانيون نفضلها علي طريقة أطباءنا الذين يعطون المريض الأمل فى الشفاء القريب..ولاتنسي أن الناس علي دين ملوكهم..ونحن شعب ظل يعيش علي الأمل ..الأمل الذي لم يتحقق حتى الآن..مالنا والسياسة..المهم هل من بصيص أمــل؟؟هل لي أن أحلم ولو ببضع لحظات سراع فى عالم البرجزة والنغنغة؟؟ أم ترى أن عشمى..عشم إبليس في الجنة؟؟؟
| |
|
|
|
|
|
|
|
|
|
جمعية اصدقاء البشاشة ...الحلقة الاولى (Re: KOSTA)
|
نايل1
سلام بشاشى جميل
عذرآ اخى نايل1
لقد منحناك من الامل ما لم نمنحه لاحد
لقد تمت تسمية عينتك : مزيج نايل 1
و يا باشمهندس اعتقد ان لك باع طويل مع البترول
و تعلم الكثير عن مزيج النيل
و البترول يعنى الثروة و فحش الثراء
و تقول لى بعد ده كلو انك بتاع فقرزة ؟؟؟
و انا عملت كده مخصوص لنمطك الوراثى عشان بروليتاريا الجكس يجدن حظهن فى التقرب اليك زلفى يا هندسة
عشان نزيل الفوارق الاستعمارية الاستيطانية البغيضة
و عاش كفاح الطبقة العاملة ...( مش هم بيقولوا كده ؟؟؟ ) ... و لا نامت اعين البرجوازيين
اها
قصرت معاك يامهندس نايل 1 ؟؟؟
لك منى كل الحب
و المودة
| |
|
|
|
|
|
|
|
|
|
Re: جمعية اصدقاء البشاشة ...الحلقة الاولى (Re: KOSTA)
|
الأخ كوستا
أسعد الله صباحك وأيامك بالخيرات
والله ماقصرت ابدا وحاشاك التقصير...بس نحن شغالين فى بترول الناس...ومزيج النيل لما يصل جيبي وجيبك وجيب محمد أحمد الغلبان نكون نحنا زاتنا بقينا خام تستخرجه الأجيال القاااااادمه بعدييييين..تتذكر بترول أب عاج؟؟؟ داك شفناه فى قزازه...وبترول اليومين ديل بالرقم من كترته لكنه زى الجزره المربوطه فى طرف العصا..كان أبا صابر لحق الجزره بى خشمه..نحن بنتبرجز بى عائد مزيج النيـــل...والي أن يحين ذلك اليومين وإنت طيب ونحن طيبين..خلينا نحيا على أمل لقياه لو كان....لك تحياتي وودي
| |
|
|
|
|
|
|
|
|
|
جمعية اصدقاء البشاشة ...الحلقة الاولى (Re: KOSTA)
|
العزيز نايل 1
سلامات
كما ذكرت خلينا نحيا على امل الاستمتاع بمزيج النيل
و لو على ايام احفادنا القادمين
و أهى طموحات مشروعة فى زمن عز فيه المنال
مالنا و مال الهم .... هاك دى
شجرة فازت بجائزة اوسكار لاحسن تمثيل ضوئى
هى هى هى هى هى
| |
|
|
|
|
|
|
| |
KOSTA
sama7
banadieha
قرشـــو
Elsadiq
و 
ALZOLZATOO
nile1
فيس بوك
تويتر
انستقرام
يوتيوب
بنتيريست