|
|
 تحجبنا عزة اربعين يومآ اذ نغيـــــــــب
|
تحجبنا عزة لمدة اربعين يومآ هى عمر الاجازة السنوية
اربعة سنوات عجاف لم نرى فيها بلد الجمال و اهل الخصال
ياترى هل يحتوينا مع عزة شجن ؟؟؟
سافتقدكم جميعآ فردآ فردآ
و سأفتقد هذا البورد - الألفة و المودة - و سأفتقد احرفكم اللاهبة
اتمنى - من بين مشغوليات الاجازة العديدة - ان اجد حفنات من الزمن للمتاوقة و الكتابة ان امكن
المسافر دائمآ ما يطلب من المودعين العفو و العافيه
نسألكم جميعآ العفو و العافية ... و اذا اصاب احدكم رشاش منا فليسامحنا ... فاننا نحبكم بلا شك و ذلك ما يشفع لنا ان اخطأنا
ابقوا عشرة على حوش بكرى
و اختلفوا و اتفقوا اخوان
و لا تفجروا فى الخصومة ... و ليكن التسامح نبل اصيل من كريم خصالنا
استودكم الله فسأغادر غدآ 29/06/2003
و ليبقى الود حبل وصال بيننا فى كل المرافئ
و نشتاق ان نقابل بورداب الداخل
600051 هاتفى بالخرطوم
|
|
 
|
|
|
|
|
|
|
|
Re: تحجبنا عزة اربعين يومآ اذ نغيـــــــــب (Re: KOSTA)
|
أخي كوستا
تمنياتي لك بإجازة جميلة ، وهي لا شك جميلة ما دامت في ربوع عزة و بين الأهل والأحباب
وبالتأكيد سيفتقدك البورد كثيرا بانقطعك طوال هذه الفترة .
تمشي وتجي بالسلامة انشاء الله
بالمناسبة انا برضو حأكون في السودان بعد اسبوع 
تمنايتنا للجميع بقضاء عطلات سعيدة
| |
|
|
|
|
|
|
|
|
|
Re: تحجبنا عزة اربعين يومآ اذ نغيـــــــــب (Re: KOSTA)
|
سلامات
النبيل كوستا
ربنا يكتب سلامتك ياحبيب والله بنتمني ليك من جوا قلبنا اجازة سعيدة وسط الاهل والاحباب والاصدقاء
ولي متين ياكوستا نحن نكون مشلهتين كدا
يارب كلنا نرجع للبلد ويسعنا بكل الوانا واختلافاتنا وطن حدادي مدادي
واكيد ح نفتقد وجودك بينا ولكنك حاضر دائما بيننا فما خلفته في الذاكرة اشياء لايمكن تجاوزها ويارجل ياغالي برضو بنتمني نلاقيك عيانن بيانن
وتحياتني للاهل وكل من يهمهم امرك
تسلم ياعزيز
| |
|
|
|
|
|
|
|
|
|
Re: تحجبنا عزة اربعين يومآ اذ نغيـــــــــب (Re: abuguta)
|
سلامات
انشاء الله ياكوستا تكون وصلت كوستي
شارع الدويم وبابا سامي والسينما والسوق الشعبي
ومشيت المينا وزرت طيبة ياسلاااااااااااام علي كوستي الحلوة ورقيقة
الكبري ياكوستا بالله شفت الجمال كيفنو
اها كلمني ياكوستا باقيلك اخوك بيموت في كوستي الجمال
بعدين ماتنسي تفطر في البحر هناااااااك علي ضفاف الابيض رواكيب السمك الطازج خش ليك في صينية سمك من يونس واسالني لو ماعجبتك
تسلم ياكوستا ونحن ماشين السودان مشتهين نتمردق في كل ذرة تراب فيهو وبالله شفتا البلد حلوة كيف بس انشاء الله الجماعة يفوتوا والا يموتوا ويخلو لينا بلدنا الحدادي مدادي
تسلم ياعزيز
| |
|
|
|
|
|
|
| |
KOSTA
Elsadiq
ايهاب
benyya
ابو جهينة
elsharief
shiry
ودرملية
abuguta
اسامة الخاتم
tmbis
فيس بوك
تويتر
انستقرام
يوتيوب
بنتيريست