|
|
 المفردات " الآكشنيه " فى لغتنا السودانيه
|
فى عاميتنا مفردات " مطاطية " و تحس بالحركة " الآكشن " بداخلها لاننا ننطق المفردة بكل زخمها الحركى
و لأبدأ مثلآ بالكلمة المطاطية فى عاميتنا و التى نشتهر بها فى الخليج : آىىىىىىىىىىىىىىىىىىىىىىىىىىىىىىىىىى
و انت ماشى فى الشارع يشاكسك الاطفال و الصبية : يا زول آىىىىىىىىىىىىىىىىىىىىىىىىىىىىىىىىىى
عندما نحكى عن موضوع لا يحلو الحكى الا عندما نضيف منكهات الحكوة و توابلها و متبلاتها
اها يا زول على طوووووووووووووووووووووول مشيت ليك
و فجأءة سمعت ليك كووووووووووووووووو العربية القدامى عملت حادث
و الزول العمل الحادث " فكت منه " و بقى يتلفت للناس ، قام جاء واحد من هناااااااااااك .... بس ما نسمع ليك الا طأأأأأأأأأأأأأأأأأأأأأأأأأأأااااخ اداهو كف ، قال عشان يفيق شوية من الصدمة
يا اخى كنت عطشان جيت لقيت ليك الموية باااااااااااردة
بس مسكت ليك الكوز : قرطعك ..قرطعك ..قرطعك ..قرطعك لما بطنى اتملت موية
الولد جاءالبحر و بيتعلم فى السباحة ، بس طوالى جمبلغ جوه المويه
هسع جمبلغ دى يعربوها كيف ؟؟؟
جمبلغ كلمة حركية فى العامية السودانية و علامة ذلك " الجملغة " الظاهرة على آخرها و منع من ظهورها التعذر
|
|
 
|
|
|
|
|
|
|
|
Re: المفردات " الآكشنيه " فى لغتنا السودانيه (Re: KOSTA)
|
الحبيب كوستا
خلينا نتغزل شوية في الشعب الاكشني السوداني السمح
مرة عبدالرحمن عبدالرسول المذيع الرياضي المعروف بيوصف في مباراة بين الهلال والمريخ قام فريقو جاب قون في آخر دقيقة .....وكان وصفو زيكو ماشي بالكورة طلع من الاول والتاني ومنفرد بالمرمى وظووووووووووط قووووووووووووون
في حركة ما عارف اكتبها كيف وهي لامن توافق على كلام زول تعوج خشمك يمين وتضغط اللسان مع سقف الحلق وتجر تججججج تججججج
يعني موافق...ياكوستا انت جيت بدل تقول كلمة عليها القيمة تعمل الحركة تجججججج تجججججج
| |
|
|
|
|
|
|
|
|
|
Re: المفردات " الآكشنيه " فى لغتنا السودانيه (Re: Yassir7anna)
|
عمو قلجة
تجججججججججججججججججججج كلامك صاح
تعرف فى الحرايه دى تجى ماشى بالعربية بووووووووووووووووووو ماشى
تصل البيت تمشى على الخرطوش و تفتح الموية شووووووووووووووووووووووو و ترش الحوش
تجيك الهبوب باااااااردة
و الملايا فى السرير بره الحوش تسوى فرفرفرفرفرفرفر من الهواء
بس من التعب و النسيم البارد شخخخخخخخخخخخخخخخخخ تنوم
| |
|
|
|
|
|
|
|
|
|
Re: المفردات " الآكشنيه " فى لغتنا السودانيه (Re: KOSTA)
|
العزيز ياسر حنّا
تعرف الشافع عنده حمى .. يرجف و يكتكت كت كت كت كت كت
اها وديتو المستشفى .... لقيت ليك الناس عييييييييييييييييييك كتار خلاص .... بس بعد شوية جاء واحد كوشك كوشك كوشك كوشك ماشى
اها قالوا ده الدكتور ، دخلت عليهو الولد قال لى عندو ملاريا و طززززززززززززززززز اداهو ليك حقنة
و فى البيت امه شغلت الخلاطة زنننننننننننننننننننننننننن و خلطت ليهو عصير ... بالله الشافع قرطع قرطع قرطع شرب ليك العصير لما دشششششششششششششششششششششششش تجشأ
اها طوالى عرفنا انو بقى كويس
الحمدددددددددددددددددددددد لله
| |
|
|
|
|
|
|
|
|
|
Re: المفردات " الآكشنيه " فى لغتنا السودانيه (Re: KOSTA)
|
المرأة جابو ليها الخبر
بس و ضربت الثكيلى : وللللللللللللللللللللللللللللللللللوك
واها تشيل و تبكى : ووووووووب آحىىىىىىىىىىىىىىى
وووووووووووووووووب آحىىىىىىىىىىىىىىىىىىىىىىىى
بعد شوية و بطرف توبها شيييييييييييييييييييت
و تانى شييييييييييييييت
و بعدها استغفرت الله
| |
|
|
|
|
|
|
|
|
|
Re: المفردات " الآكشنيه " فى لغتنا السودانيه (Re: Yassir7anna)
|
سسسسلااااللام كككوستاوووي
يا زول صاحبك قاعد جنب البحر وبخخخخخخخخخخخخ بلف ليك في البنقو
متكيف بي مزاااااااااااج ، والهمبريب يضرب وششششششش وشششششش،
صاحبك ربطت معاهو ربطة،
يا خينا طلع ليك دفترو وششششششششششششخخ بتوت، بقا يكتب في قصيدة ..
بعد شوية بقا يشخر ششششششششششخخخخ، وغطا في نوم عميق..
بس البوليس كحلو ليك من هناك وكلبوشششششوك كلبشو ليك ...
يا زول عينو حمممممر زي الجمر، شالو ليك شنكلتوتة وبوووووو
جدعو ليك في الحراسة ...
أمو سمعت الخبر .. يا زول تعال شوف الحي ووووووب ، إتلمن النسوان.
كوستا، علي الطلاق إنت يا قعد تلفها، يا قعد تلفها، شنو يا زول الكلام دة قعد تجيبو من وين، أنحنا بعد ما خليناها مالك داير ترجعنا ليها، ياخي زي المسطول اليوم كلو بخخخخخخخخخخخ.
الله يديك العافية.
| |
|
|
|
|
|
|
|
|
|
Re: المفردات " الآكشنيه " فى لغتنا السودانيه (Re: KOSTA)
|
قنفده
هسع عليك الله البيلفها منو ؟؟ظ انا و الله انت ؟؟؟
معقووووووووووووووووووووول ؟؟؟
نمطها ليك لحدى اللامعقول ذاتو
هسع عليك الله بس شوف " المط " و " الآكشن " الموجود فى عنواين البوستات : اعترااااااااااااااااف ..رباح الصادق
وااااااااااااااااااى انا ما مصدقة .. درر السودانيه
هووووووووووووووووى انا بكمل سنة يوم 23/5 .. تماضر
و تقول لى فاكيها بكرت ؟؟؟
| |
|
|
|
|
|
|
|
|
|
Re: المفردات " الآكشنيه " فى لغتنا السودانيه (Re: KOSTA)
|
انت عارف ياكوستا لغتنا العامية دى فيه المحن ...عندنا كلام كدا مابنفهوا الا نحن برانا
مثلا
قام قعد معانا....ممكن تشرح لى قام قعد دى شنو
ارحكاكا نمشى السوق....ارح دى عرفناها ممكن تورينى كاكا دى شنو
الجنى دا جنو كوراك.....كوراك يعنى شنو
ياكوستا لغتنا دى طبعا الواحد مابفتكر ليها الا بعد ما يطلع من السودان ويختلط بالجنسيات الاخرى
ولك حبى
| |
|
|
|
|
|
|
| |
KOSTA
garjah
Yassir7anna
فيس بوك
تويتر
انستقرام
يوتيوب
بنتيريست