دعواتكم لزميلنا المفكر د.الباقر العفيف بالشفاء العاجل
|
|
 الصادق..أنا ولا القمر
|
شفت كيف الصادق..ثلاثة أرباع كم
ودي دردقة لهشام وأبمنة ومن جر جرهم من الذين يريدون أن يتصابوا على حسابي
أنا الشاب الذي تعرفني الستينات والسبعينات والثمانينات والتسعينات بس الخمسينات ما بعرفها ولا مرت علي
والما عاجبو يقول..وعلى طول بخاخ البوهية جاهز..ابخ؟
|
|
 
|
|
|
|
|
|
|
|
Re: الصادق..أنا ولا القمر (Re: Elsadiq)
|
تخيل إنقلاب مايو دا أنا كنت في الخرطوم مع أهلا لينا بيوتهم في الخرطوم غرب ودقيناها ليك كداري لحدي وما وصلنا حديقة وزارة المالية وكان نميري هناك واقف جنب عربية تاونس حمراء أو حاجة زي كدا والناس حوله..بعد
شوية حصلت ضربة ودنوباوي دفرنا ليها من بيوتنا وقبل ما نصل المحطة الوسطى قابلونا كبار الحلة ونهرونا ورجعنا ولما قريب للعصر جوا هم وحكوا لينا حكاوي وكيف تمكن أحد العساكر من قتل أحد الإنصار الذي اعتصم بالمئذنة واخذ يمطر الناس بسيل منهمر من الرصاص..وقتل الكثير من العساكر حتى قام احد العساكر بالخروج من مكمنه وهو يقلب الهوبة ونشن على الإنصاري وهو قالب هوبة وضربو ليك في المئذنة...والباقي خليهو لمناسبة أخرى
!وبعدين يامايسترو أنا بالتلاثة أرباع ما أحسن من الهم بدون تمن حتى
| |
|
|
|
|
|
|
|
|
|
Re: الصادق..أنا ولا القمر (Re: Elkhawad)
|
الخواض
نصفها دي معقولة بس الوقت داك الواحد فك الحرف يعني بعرف يكتب اسمه بالعربي والعجمي هههها بكون اكلت سمايتك لو اهلك عزمونا ولو ما عزمونا اعتبر دة لوم عشان الواحد كان مستعد يعضم المرارة الوقت داك هها
| |
|
|
|
|
|
|
|
|
|
Re: الصادق..أنا ولا القمر (Re: Elkhawad)
|
شارع الضواحي كنت بعرفه لمن كان بصات الفيات وكنا بنقول ليها بصات الشركة بتجي بهناك وكان المحطة الاخيرة في المسافة مابين حي الصبابي وحلة خوجلي وطبعا المنطقة اتغيرت بعد انشاء مدرسة بنات متوسطة وتقسيم المنطقة الي سكن درجة اولي طيب بتكون بتعرف ناس سمرا في حلة حمد وبالمناسبة سكنت الدناقلة جنوب برضو جوار الجامع القديم جنب ناس عوضية عز الدين الفنانة وناس علاء وعز الدين الحلب
| |
|
|
|
|
|
|
|
|
|
Re: الصادق..أنا ولا القمر (Re: Elsadiq)
|
الجامع القديم والتعاون وسعودي دراج وشارع الالوبه
ناس ابو سمرا سمعت بيهم وجنبهم ناس التلب
نحنا سكنا جنب مدرسه الازدهار الفاتحه علي شارع المرغني
علي فكره يتعرف ترزي الشقيقان الطيب وبشير بله
| |
|
|
|
|
|
|
|
|
|
Re: الصادق..أنا ولا القمر (Re: banadieha)
|
يابناديها
في العادة عندما يقل التعليق علي الصورة فانها رائعة وزي ماقلت ليك ضربت ناس ابو امنة ويازول عشان كدة مافي واحد هوب بي جاي ... لكن ماكنت متوقع شكلك يكون شباب بالشكل دة ياخي انت اصغر مني زاتو ههها
| |
|
|
|
|
|
|
|
|
|
Re: الصادق..أنا ولا القمر (Re: banadieha)
|
الشفقة تطير..أنا كنت عاوز أقول إنو الموضوع مش عرض صور..لكن الإنبهار هو الدافع لنشر الصورة..تخيل كاميرا كمبيوتر بأقل من 30 دولار تديك معرفة بمئات الدولارات؟
إشتريت الكاميرا بنحو 120 ريال..ركبتها بلق آند بليه..الشاشة إنقلبت لي إستديو الوادي..فتشت في الصندوق عن كتالوج ما لقيت..عاينت للشاشة لقيت فيها عكاكير للعمايا..مسكت أول عكاز وراني كيف إلتقاط صورة ثابتة وكيف عمل فيديوكليب..مسكت عكاز تاني وراني كيف تعمل الحركات العملوها ناس بكري وياهو ذاتو وعمر رجب عشان يخلعونا بصورهم في كمبيوتراتنا..القضية ساهلة وما محتاجة ليها سكانر ولا حاجة ولا تحميض ولا طباعة..بس من دقنو وأفتل له
| |
|
|
|
|
|
|
|
|
|
Re: الصادق..أنا ولا القمر (Re: alsara)
|
جابتنى السارة والله
لكن يا بناديها ما تقول لى ..
حاااااااااجة كده زى ما بقولوا ناس مدنى
اتاريك بالله ... لا شباب الشباب ونحن بره الميس
يا الصادق بتتذكر اول عرس جماعى ايام نميرى عملوه فى الصبابى؟؟؟
لكن والله يا ياهو ذاتو بالغت عدييييل كده..
بالله يا صاحبى الكاميرا دى جايبه همها يعنى الواحد يتوكل يشتريها ولا يلقاها كلها عقد ومشاكل فنية ترجعك للباكستان ثانى
| |
|
|
|
|
|
|
|
|
|
Re: الصادق..أنا ولا القمر (Re: alsara)
|
والله يالسارة إنتي أرجل أخت في البورد دا، والله
يابنت أمي جبرتي بخاطري
وحرم الجاية كاملة من الراس للساس
وبالسشوار والميلك كلينسر كمان
قرشو
شنو؟
| |
|
|
|
|
|
|
|
|
|
Re: الصادق..أنا ولا القمر (Re: Elsadiq)
|
الصادق
معليش جيتك متاخر
ياخوى انا حضرت العرس الجماعى بس وعجبونى الناس والله حد العجب وقربت اعسكر قبلى لكن وقتها كنا لسسسسسسع وكان بدرى علينا شدييييييد
تعرف يا الصادق انا لو كنت بعرف زول فى الصبابى ما كنت مرقت منها اصله
لكن بعرف عزابة فى حلى خوجلى .. ينفعوا؟؟؟
| |
|
|
|
|
|
|
|
|
|
Re: الصادق..أنا ولا القمر (Re: قرشـــو)
|
قرشو
يطيب خاطرك دائما..بيني وبين تبلدينا 11 سنة خبرة في الدنيا..هو عمره 32 سنة هسع..راح مشى يطاعن فيني في البورد التاني ويقول هل الصورة دي حقيقية؟ بقصد أنها ما زي ما هي في الواقع..طوالي رفعت السماعة وقلت ليهو ياتبلدينا ياود التبلدية العيب في عويناتك
والله أنا فرحان من صورتي دي جنس فرح عقدت الصغار والكبار والقدري ولحدي الآن ما في واحد منهم دق صدره ورانا طلعته البهية
أما بنت امي السارا دقة صدري ورفعة رأسي
دائما فوق فوق فوق
ولا تغريد ولا رحيل ولا رزة ولا روزا كلهن قايلاتني بعضعض وما في واحدة فيهن كشكرت لي ساكت
| |
|
|
|
|
|
|
|
|
|
Re: الصادق..أنا ولا القمر (Re: banadieha)
|
زي القمر والله احلى من القمر
وبكل ثقه ممكن تقول للقمر زح وانا أقعد مكانك
والله ياخ شرط للأرض ..انت كده
دي طبعا معاها جرت أصبع في الوش 
ما حاعرف أوصفها ليك كيف بس
لكن انا متخيله انك عرفتها الحركه دي
(((((( )))))
ولو عندي بت كان خطبتها ليك
وكان بقيت الحاج متولي السوداني
.....
...
..
.
اها كده كيف ؟
بس علشان تعرف انه نحن هنا ما قاعدين نحاول إصباغ اي لونيه واحده
وعارفين ومتاكدين تماما انه إذا حاولنا نعمل كده هذا الفعل سوف يفقد روح السجيه التلقائيه وروح النكته والعفويه في مناقشة المواضيع
Stay CoOoOoOoOoL )
| |
|
|
|
|
|
|
|
|
|
Re: الصادق..أنا ولا القمر (Re: تغريـــد)
|
حلاتك يابنت أمي نمبر تو
شفت كنت بدرس في حكاية سحب اللينك بتاع الصورة الكاملة ولكن بعد كلامك دا ياني الجايب واحدة تانية بروفيل واحدة تانية فرونتال وواحدة ثانية من قبل عشرة سنوات..على الأقل أحلل حق الكاميرا
أما اللونية ياستنا فتلك إقتراحات نضعها في القنوات غير المباشرة والوقت الحالي لا يسمح بنشرها هنا حتى لا تكون مناكفة لا مصلحة لي من ورائها..فمرحلة الإنطلاق مبشرة وتتطلب مننا المؤازرة على قدر الإمكان
عموما ياستنا الحرفنة مطلوبة وأيضا التقليد مطلوب..أنا عارف أنك من جيل يرى البضاعة اليابانية أحسن من غيرها ولا يعلى لها..وأنا من جيل كانت فيه نظرة الناس للبضاعة اليابانية مثل نظرتكم أنتم الان للبضائع التايوانية والماليزية والأندونيسية..أنا أقصد التجربة الناجحة تستحق الدراسة والتشريح والإقتباس منها ولو على الأقل من باب أعرف عدوك
| |
|
|
|
|
|
|
|
|
 Re: الصادق..أنا ولا القمر (Re: banadieha)
|
يا عيني يا عينية يا كافرة يا نصرانية
رقيتك واسترقيتك من كل عين بصت ليك وما صلت على النبي
من عين تبلدينا وعين ود شداد وعين يا زول
من عين اللي بالي بالك
تغنيك وتنجيك يابناديها يا ولد ام بناديها
انا كنت ماشة بي جاي بس قلت أسلم ولقيت الصورة الماخمج
ووقعت واتكسرت
معقولة بس الحلاة دي ..
ولا الشعر السايح ولا اقول شنو ولا شنو ؟؟
غايتو الله كريم علينا
| |
|
|
|
|
|
|
|
|
|
Re: الصادق..أنا ولا القمر (Re: banadieha)
|
يازول يازول حتنشر صورتك براك ولا اختها ليك انا ؟ طبعا ودامنة زاق وابي يمشي معاي الاستديو يابناديها عملت للناس دي زلعة وسوقهم وقع في موسم العيد مافي واحد فيهم علق علي صورتك اصلو
| |
|
|
|
|
|
|
|
|
|
انا شايف اسمى مكتوب (Re: banadieha)
|
بناديها
يا جارى وانا جارو
قابض الجو بصورتك .. بالله دى اختها سنة كم؟؟
انت براك ؟؟ ما قلت الفرق بينا برج التجارة يعنى 11 سنة ؟؟
بالله دى وجاهة فرقها بينا 11 سنة
وشنو الصورة لسه نص كم ؟؟
بالمناسبة الحلاق الحبشى سال منك قال ليك جاى تصبغ متين ؟؟ واللبنانى بتاع نظارات المغربي بقول ليك بناديها .. ما قرر يركب عوينات
حسع اقول ليهم شنو؟؟ شرب ماء الشباب ..هاهاهاهاها
حاضرب تلفون لهشام عشان يجيك ..بلسانو الطويل
وتانى منو قلت يا بت الهنا انا ويا زول
ياخى البورد دا ما بتقدر تقرا اخر رد ليه
الحقنا يا بكرى ..مددددد
كل سنه وانتو طيبين حلويين لامين تامين
وبنحبكم والله
| |
|
|
|
|
|
|
|
|
 Re: انا شايف اسمى مكتوب (Re: Tabaldina)
|
اهااا
الكلام دخل الحوش
بت الهنا اززيك
الثالث ود شداد
والله يا بناديها سجمك انت وقعت قسم بالله مع اوجه ثلاثة
ودشداد ويا زول3 وتبلدينا
اههها يا بت الهنا
انشر صورتى ولا رأيك شنو ؟؟
بس والله بناديها دا غالي على ما عايز نطلعو من غير نظارة
يقوم يترتح ويقع لينا قدام بكري هنا
..
.
| |
|
|
|
|
|
|
|
|
|
Re: انا شايف اسمى مكتوب (Re: Tabaldina)
|
تبلدينا
أنا عارف إنك قررت أن تطلق دنيا العزوبية ولذلك لن أخرب لك سوقك وأقر على رؤوس الأشهاد بأنني طيلة سنوات الجيرة ما شفتك لابس بيجاما ولا جلابية مغربية ولا سفنجة، دائما كومبليه بالكرافتة مع الأفرنجي وبالملفحة مع الجلابية السكروتةوالمركوب الأحمر أو النمر..ودائما الغسال والمكونجي ياداخلين يا طالعين من شقتك..دي شهادة لله..لكن ياخوي الحق حق وانا ما بصبغ ولا حاجة وبالرغم من الفرق العمري البيني وبينك أنا أصغر منك سنا لسبب واحد وهو أنني لحدي الآن ما كريت ولا لبست ملفحة ولا مركوب أحمر ولا مركوب نمر وبغسل براي وبكوي براي
| |
|
|
|
|
|
|
|
|
|
Re: انا شايف اسمى مكتوب (Re: banadieha)
|
لقد قررت تمديد مهلة التحدي لحبيبنا يازول لما بعد عطلة العيد فأخوكم يازول لمت فيهو النزلة الكانت بتجيهو بعد الحج وهو مودر صوت ومشتت تركيز وحتى ريحة الفيكس ما شاميها..وعشان كدي دعواتكم ربنا يشفيهو الشفاء الذي لا يغادر سقما
كنت أود أن أنشر هذا الخبر على الملأ في بوست مستقل ولكنني تراجعت عن ذلك خشية أن تزيد الإتصالات من تفاقم الحالة..دعواتكم
| |
|
|
|
|
|
|
|
|
|
يالصادق انا ولا القمر؟؟ (Re: banadieha)
|
يا بنبن
اسم الدلع من بناديها
ما كان لى ان ادلعك هكذا لولا رؤيتى لصورتك الخايف عليها
يعنى بصراحة.....عينى باردة.... و الشباب حقو يتواروا خجلآ امام شبابك النضير
فاذا اضفت اليه خبرة الايام فذلك يعنى انك و بلا منازع قاتل قلوب العذارى من حى البوستة و لحدى القطينة ... و من الخرطوم غرب لحدى ديار المحس ...و عيييييييك و عاد لا وين ؟؟؟
حقو بعد كده تنتظر خطابات الهيام من المعجبات على ايميلك
خلى جيبك تقيل لزوم نمبر 2 و نمبر 3
اها
انا ما قلت حاجة
و ابقى عااااااافية
| |
|
|
|
|
|
|
|
|
|
Re: هو التبلدى عيون شافت النوم (Re: Elsadiq)
|
الصادق المايسترو
المشغوليات غدارة..بس بتهون عنقريب إن شاء الله كما يقول شتات
أب زهانة
بس كدا؟ وزمن البركة في كل شيء ولما الدقيقة كانت بتساوي ساعة كمان وزمن الفول كان أكل العزابة وزمن الكدايس الما كانت بترمرم في الكوش..زمن الناس ما كانت بتمرض ولا بتشيل هم دواء ولا بتعرف حقنة ولا سكري ولا ضغط..وتسلم ياسيدي..وتوقيعك دا ما غريب علي..بس أمهلني أيام وأرجع ليك تاني خالي البال
| |
|
|
|
|
|
|
|
|
|
Re : bnadieha (Re: banadieha)
|
بناديها
سلامات كده
ماقي شك حاجة تمام
واثبت لي بالدليل القاطع انك ماحضرت زمن السجك كان بالمتر
وجوز الحمام كان فيه تلاتة
ـــــــــــــــــــــــــــ
الناس في بلدي يزرعون الحب
| |
|
|
|
|
|
|
|
|
|
Re: Re : bnadieha (Re: abzahana)
|
I'm just checking my old books of postings. This will be the last for tonight. Sorry, girls and boys for disturbing you.
| |
|
|
|
|
|
|
| |
banadieha
Elsadiq
Yaho_Zato
قرشـــو
bunbun
KOSTA
فيس بوك
تويتر
انستقرام
يوتيوب
بنتيريست