الصادق المهدي يرفض زيارة مبارك الفاضل بعد أن تم أطلاق سراحه.

Quote: ملاحظة مية المية .. عاوزين تفسير .. من ناس الأمة .. وبالأمس التلفزيون ناقل مؤتمر صحفي لحضرة الأمام .. في اول نشرات الأخبار .. عاوزين نفهم الحاصل شنو ؟؟؟

Quote: اها وسلفا كير ده جالس في انداية ؟؟

Quote: عدم ذهاب الصادق لمبارك بعدالافراج عنه شينه في حق الراجل ومابتشبهو

Quote: دينق اخوي كل سنه وانت بخير طولنا من طلتك لعل المانع خير اما مبارك الفاضل ده موضوع براه يا سيدي ماتنسي افعال مبارك في حزب الامه وسعيه لتفتيته ومبارك ده حارب حزب الامه والحبيب السيد الصادق علي عينك يا تاجر وزي ما يقولوا المصريين السكين كانت سارقاه يعني العملوا مبارك في حزب الامه النجار في الحطب ما عملوا خليك من السيد الصادق والله العظيم انا الزول المسكين العادي ده وبعد العملو مبارك وافعالو دي ايدي في ايدو للقيامه ما اختو يعني موقف الصادق ده مائه في المائه مع تقديري واحترامي ابوتسابيح

Quote: الجدير بالذكر أن المتتبع لحديث دينق عن الصادق المهدي يدرك تماما إهتمامه بقضاياه الاجتماعية ... خاصة أنه لم يعزي ربيكا في وفاة بعلها... والبقاء لله وحده. نسأل الله أن يأخذ بأيدي الجميع إلى ما فيه إسعاد البشرية والانسان وتثبيت قيم السعادة... وأشكر للأخ دين متابعته لقضايا الأخ الامام الصادق المهدي الاجتماعية... وأنادي بإنضمامه للحزب منسقا إجتماعيا لزيارات الصادق المهدي وتعازيه ... ولفت أنتباهه .. إلى من يقوم بزيارته .. ومن لا يقوم بزيارته يا دينق لا تنسى أن حركتك الشعبية جزء من هذه الحكومة وبالمناصفة لسودان ملك لنا أجمعين.... وشريكة في الظلم الآني ... ومتمتعة به دون سائر السودانيين غير المشاركين. ومثل هذه الأمور الخاصة وتتبع السلوك الشخصي لأي شخص ما يعد عيب في قيمنا مابالك شخص كالصادق المهدي شابكنا بعد كل فترة يعزي ولم يعزي ، أطرح قضايا جادة عن الرجل وفكره

Quote: الحبيب عثمان محمدين عارف انا مستغرب زيك كده لاهتمام دينق بالصادق المهدي حتى في علاقاتو الاجتماعية

Quote: السياسي x: يا y ياخي z دا عندو مقترح نكون لجنة تناقش قانون الانتخابات.. السياسي y: شنو؟ z؟ ياخي z دا أنا سجنوني سبعة شهور حمدلله على السلامة ما جا قالا لي. السياسي z: حمد لله على السلامة؟ ياخي إنت في سكرتير الحزب ما عزيتنا. السياسي y: سكرتير حزبكم مات؟ يطرشني... أضاني في مكة... عارفني يا z ما بقصر كان سمعت... ياخي أنا الناطق الرسمي بتاعكم دا كل يوم والدين ليهو حصل مرة ما جيت السماية و لا ما واجبتو... كان كدا بس وروني اجتماعكم دا متين.

Quote: شنو كل يوم بوست الصادق ما عزى و الصادق ما اتحمدل السلامة؟ الراجل رئيس حزب عندو مؤسساتو البتقوم بالواجبات الاجتماعية. و بالمناسبة المناسبات دي و مستوى رد الفعل نحوها بمثل موقف سياسي أحيانا. مبارك طعن الصادق في ظهره في أصعب وقت و مع ذلك السيد الصادق سعى لإطلاق سراحه و من حقه أن يوصل الرسالة التي يريد إيصالها لمبارك بالصورة التي يراها.

Quote: الاخ الكريم جنى والاخ الكريم العوض قلتما الحقيقة المجردة فشكرا لكما .. حقيقة الكبير كبير والقزم قزم السر

Quote: بدون حساسية يا جماعة ملاحظة دينق فى محلها .. بامانة

Quote: ياأخي لا تنعتني بصفة الكذب !!!! ليس من اللائق أن تفعل ذلك ... قل فقط أنا لم أقل ذلك مكنكشين في الحكومة ... " الشريكين" ومهمشيننا ... وكأن البلد ليس لنا فيها باع من قريب أو من بعيد وكمان معاها إساءة ... أنا لم أسيئك واحترمك جداً حتى اللحظة فأنا لم أسيئ لشخصك... ولقد ذكرت أنت من قبل في بوست تم سحبه لماذا لم يعزي الصادق المهدي في وفاة قرنق ولماذا لم يهني سلفا؟ وبعد أن تمَّ سحبه أنزلت بوستا آخراً تحت عنوان: من الذي سحب البوست بتاعي المعنون"لماذا لم يعزي الصادق ا...ولماذا لم يهني سلفا؟ وهذا ما كنت أعنيه أنا بعبارتي تلك ... عموما حصل خير ... ومواضيع اللوم هذه ترهق الباندوث ... آملين فتح مواضيع جادة ... ونقد جاد لشخص الصادق المهدي الكريم ...مش الليلة عزا فلان وبكرة ما دفع في كشف فلان وعلان ولم يزر فلان .... واكرر لك هذه من خصوصياته يا أخي دينق ... يمشي ما يمشي ... إيش دخلنا نحن ..... طيب افترض ليك شئ جاد جدا وأملي أن يكون نقطة تحول مسار النقاش .... لو الديمقراطية جابت ليك الصادق المهدي حتقول مش عايزين ... نفرتق نيفاشا .... نفصل الجنوب .. نرجع لمربع الحرب والدمار .... يكفي الرجل فخرا أنه قالها بشجاعة .... نؤيد الانفاقية وان من اهم مكاسبها وقف الحرب وصيانة إنسان السودان من الموت ... ثم دعى لأن تكون شاملة تجمع كل خلق السودان والبحث عن مخرج صيغة للحكم تصب في مصلحة اخوتنا في الجنوب كسودانيين قبل ان تؤول وقائعها لترسيخ فكرة إنفصال ... وتهميش للآخر يؤدي لإرتفاع رقعة من يحملون السلاح لانتزاع حقوقهم... عموما ... معليش وهذا ما أردت طرحه والسلام!!!!

Quote: طيب أنا أعتذر عن تهكمي بك .... ولقد بررت لك أخي دينق ما أعنيه وأرفض نعتي بالكذب من قبلك .... كان يكفي أن تقول تهكمت بي ....