|
|
 "التوب السوداني هو االأنسب لجسم المرأة السودانية"
|
التوب السوداني هو الأنسب لجسم المرأة السودانية
هذه العبارة نـطقت بها احدا المشاركات في سهرة امس الخميس في تلفزيون السودان. ولقد قالت " التوب
السوداني هو الانسب لجسم المرأة السودانية وحتى بالنسبة لغير المتزوجات لأن الواحدة عندما تتزوج حلاص".
لم استطيع مواصلة مشاهدة هذه السهرة المهببة وأفضل شئ كان فيها هو غناء الواعدة حرم النور. للأسف
الشديد كان هنالك ثلاثة سيدات مشاركات في هذه الحلقة ولم تتدخل اي منهن للرد على تلك السيدة. حتى مقدم
السهرة نفسه لم يتدخل لكي يصحح ذلك التجني الغريب بواسطة تلك السيدة.
_______________________________________________________
ولي عودة للحديث عن سهرة مهببة اخرى تجمع الكاردينال, ترباس وبابكر حامد ود الجبل.
Deng
|
|
 
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: هذه العبارة نـطقت بها احدا المشاركات في سهرة امس الخميس في تلفزيون السودان. ولقد قالت " التوب
السوداني هو الانسب لجسم المرأة السودانية وحتى بالنسبة لغير المتزوجات لأن الواحدة عندما تتزوج حلاص". |
الواحدة دى سودانية ??
لوكانت سوادنية تبقى مشكلتين...
تحياتى يادينق وكل سنة وانت بخير
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Amira Elsheikh)
|
الأخ دينق
دائما الإستيريوتايب دليل جهل.. دا لو إعتبرنا السـودانيات ديل كلهم شماليات، والماشمالية
ما سـودانية.. شـوف من الجنوب المرة مزوجة من سنين، وبرضها رشيقة.. وكذلك نساء الشرق، بل حتى
الوسـط.. بعدين التوب دا عندو طرق مختلفة للبس، فهل الطريقـة المناسبـة للمرأة "السـودانية"
هى طريقة الشـرق أم الوسط أم ماذا؟
السـودان فى عيون الناس الزى ديل هـو الخرطوم فقط.. ومع الأسف ماشى يكون كدا، زى المهدية
التى طويت تحت فروة المهدى.
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
الاخ دينق
كل سنة وانت طيب
Quote:
التوب السوداني هو الأنسب لجسم المرأة السودانية
|
Quote:
لم استطيع مواصلة مشاهدة هذه السهرة المهببة |
ماذا فهمت من عبارتها اعلاه ؟
هل يعتبر الثوب هو الانسب لجسم المرأة السودانية بإعتبارها مسلمة ومحافظة وترغب في السترة ؟! إم
بإعتبارها إمراة بدينة وجسمها سريع الترهل ؟!! إم قوامها قبيح (شين) ومكعوجة ؟!!
أم ماذا؟؟
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: ابوعبيدة حسن محمد)
|
يااا دينق سلام ..
هسه لو ما طولة لسانك دى كنت قلت ليك
كل سنة وانت طيب فى ى ى عيد المسلمين دا !
ايزابيلا !!
| Quote: الجسد دة حاجة يونيفيرسال |
عارفة صورك دى بتذكرنى المانيكانات (جمع مانيكان ) ..
التى صنعت باتقان وبدقة متناهية لتحاكى وجوه البنى ادمين ؟
بعدين على فكره مهما غيرتيها هى وااااااحده .. نفس المانيكان
الجميلة داخل الفترينات الراقية ..
عارف يادينق الكلام دا ما بلفت حتى نظرهم لا مقدمة البرنامج
لا الضيوف .. انت ما شايف هسه ابوعبيده برضو ما قدر يفرز
انو الغريب فى الكلام شنو ؟؟
| |
|
|
|
|
|
|
|
|
 Re: "التوب السوداني هو االأنسب لجسم المرأة السودانية" (Re: Deng)
|
اخي دينق في الحقيقه نحن مش الحريم،، بل الرجال عندنا مكعوجين وملولوين.
معظم الرجال عند لبس البنطلون تجد الحزام مفنوس لمن مواجه الارض ملزوز بواسطة الكرش.
الظهر مفنوس او مقوس الي الامام .
الرجلين مقوسه الي الخارج زي رجلين الرئيس.
الاقدام اصابعها رقيقه وناشفه وملولوه.
الرقبه لها في الغالب طبقتين يعني مفصصه.وتغطي عند لبس الجلابيه بالشال.
ان عايش في الخليج فلو جاي ماشي الف راجل من مختلف الاجناس وتمت تغطية وجوههم جميعا ،من الجسم فقط
مستعد التعرف علي اي سوداني من الجمع.
ولا شنو؟؟؟؟؟
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: طارق ميرغني)
|
العزيز طارق ميرغني...
تحياتي وكل عام وأنتم بخير...
كتبت:
Quote:
اخي دينق في الحقيقه نحن مش الحريم،، بل الرجال عندنا مكعوجين وملولوين. |
أعتقد أن إستخدام كلمة "الحريم" دي زاتها تحتاج لمراجعة عميقة من جانبنا كسودانيين...
ف الحريم...عبارة عن نظام كامل System
جابوه الأتراك...وساعد في تطبيقه بحرفنة "الأشقاء" المصريين أبّان حكم الإحتلال التركي-المصري، ومازلت متعجباً حتى
الآن...في الكيفية التي شاركت بها دولة محتلة "مصر" دولة تقوم بإحتلالها هي نفسها...في إحتلال السودان!!!
---أنتهى ----
يا دينق....
سبق أن كتبت العزيز بكري الجاك حول تجربته في التقديم للعمل في التلفزيون "القومي"...وقد صفعته هذه العبارة العنصرية
" وجهك ما تلفزيوني"...
ولهذا فأعتقد أن هناك وجوه "تلفزيونية" خالية المضمون تحتل التلفزيون /الكومر\الجامع\ الذي يسمى تلفزيون السودان.
---
أعتقد أنو السودان عليهو السلام...طالما أن أجهزة الإعلام الرسمية... تحدد لكل "زولة" ما هو الأنسب لها لتلبسه!!!
نموت يعني من الكمد ولا شنو؟
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: jini)
|
كلامك صج يا دينق!
انا صدمت جدا لما سمعت العباره وبعدين شرحها الغريب..
لكن كله كوم والزوله القالت التفكير يسبق الاحساس دي كوم تاني!
قدر ماحاولنا نعرف كيف الزول بيستعدعي الاحساس علشان يحس بيه بعدين يفكر..ماقدرنا..فشلنا تماما!
ولا التانيه البدت تبث الدعايه لعملها في التلفزيون!
يعني اسه احنا نفهم شنو؟؟
ده خلاص بقي مستوانا في النقاش وفي مواضيع النقاش؟؟
......
......
انت يا دينق..
ما بتقول لي كل سنه وانت طيبه ليه؟؟
المهم كل سنه وانت طيب..
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Muna Khugali)
|
الاخ الكريم دينق كل عام وانت بالف خير ، و القابلة على الامنيات ، لقد شاهدت تقريبا كل تلك السهرة ، و اعتقد ان الدكتورة زينب تقصد ان تكونات جسم المراة السودانية ،لا يناسبها غير الثوب الذى يقوم بتغطية عيوب السمنة الناتجة عن الزواج و الولادة، ولقد فات عليها ان من تقوم بربط الثوب من الوسط ، برضو بيظهر بعض تلك الترهلات ، ولم تحدد جهة او منطقة وقالت ان المراة السودانيه بعد الزواج بتترهل ، المهم ايضا ان احد المشاركات استنكرت لبس العباية ، وقالت هذا تقليد للناس الخليج ..... العباية السوداء الواسعة فى غاية الجمال واكثر راحةمن الثوب للعاملات ..... المهم انت ( كوس العروس ) اولا بعدين اشغل نفسك بالمواضيع دى ، على فكرة يا دينق كثير من الاخوات الجنوبيات المتزوجات العايشات فى الشمال و فى مدن الجنوب الكبرى بيلبسوا الثوب .... دينق الان للاسف البنات تتعاطى بعض الاشياء التى نبريز اشياء مؤسفة لا الثوب و لا غيرة يخفيها و تسمى تلك الادوية باظهار الرقم ...
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: jini)
|
يا جماعه الموضوع انو المراة دى بتتكلم
وكانو التوب دا لبس كل السودانيات ،، ناسية
انو التوب دا ذى لنساء وسط السودان
لا نساء الشرق بعرفوا ....
ولا نساء الجنوب بعرفوا ,,,,
ولا نساء الغرب بعرفوا ........
ودى المعلومة الصحيحة انو التوب ما بنقدر نطلق عليهو
انو ذى كل السودانيات .. الكلام دا فيهو تجنى
بس ،،،،،،،، ببساطة الموضوع كدا
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
الاخ هجو
كل عام وانته بخير
| Quote: السمنة الناتجة عن الزواج و الولادة |
السبب الوحيد للسمنه هو الاكل الغير صحى وعدم الرياضه .. اما الزواج والاولاد فليس سبب للسمنه
ربما ( والله اعلم ) ان المراءه السودانيه بعد الزواج تزيد من كميه تناولها الغذاء الغير صحى مع حاله خمول وكسل ( نوم 4 ساعات عند الظهر مثلا ) واكل اطنان من مديده البلح بعد الولاده مع عدم حركه من السرير لمده 40 ليله .
التوب جميل لكنه ليس الاجمل
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: عبد العظيم احمد)
|
الأخ/دينق
كل سنة وانت طيب
أبدأ بجني :
Quote: انت البوديك تحضر المفكرين ديل شنو تستاهل!
انا تلفزيون السودان دا بفتحوا لمن اولادى يضايقونى طوالى بشتتوا وارجع لى قواعدى سالما! |
والله قطعت مصاريني بالضحك لأنو الموضوع عندي مرتبط باتصال من صديقي خليفة السمري المحامي يستحثني
علي مشاهدة البرنامج وحجته أنه لايريد أن يموت غيظاً دون أن يصحبني معه في هذه المصيبة.
ثانيّاً: السيدة التي ألقت بهذا القول لم يكن هدفها النقد البناء الذي يوجه الآخرين إلى مواطن
الزلل دون أن يؤذي مشاعرهم ،وإنما قالته بطريقة يستشف منها ذلك كما أنها لم تشرح الأسباب
الموضوعيّة التي جعلت الثوب يتناسب مع جسد المرأة السودانية الراهن وأقول الراهن لأن هذا الأمر
متغير بالتطور الذي يطرأ على الفرد والمجتمع نتيجة لإكتساب الوعي على مختلف الأصعدة ثم عندما تقوم ضرورة يضطر معها المرء لتغيير نمط حياته الغذائيَّة والاجتماعيَّة كما حدث للصينيات مثلاً وهن يجرين عمليات قطع عظام الساقين لتطويل قاماتهن .
قال الأخ /طارق
Quote: اخي دينق في الحقيقه نحن مش الحريم،، بل الرجال عندنا مكعوجين وملولوين.
معظم الرجال عند لبس البنطلون تجد الحزام مفنوس لمن مواجه الارض ملزوز بواسطة الكرش. |
أحب أن لا يؤخذ هذا التعليق بحساسية لأن فيه الكثير من الصواب فالمرء يصعب عليه تغيير
مركزه المالي ويصعب عليه نيل الشهادات العليا إذا كانت هناك ظروف حالت دون تلقيه التعليم
العام ولكن من السهل إذا امتلك الوعي أن يقوِّم جسده خاصة بالنسبة للمغتربين فهم تتوافر
لديهم إمكانات معيشية وتنظيم وقت يصعب على أهلنا في السودان وقد سجلت هذه الملاحظة قبل
يومين في بوست للأخ العزيز صبري الشريف بإشارتي إلى أن الذي يصعب عليه تقويم جسده لا نتوقع
منه تقويم عقله وأخلاقه لآن الأخيرتين في منتهى الصعوبة وحاجتهما لقوة الإرادة أكبر وما دفعني
لهذا القول مشاهدة أحد الشباب والبالغ من العمر 26 عاماً في أحد حفلات الزواج بالرياض تمددت
معدته وبرزت مؤخرته وتشتّرت مشيته بطريقة هي كوصف الأخ طارق وتؤكد أنه من جانبه لم يقم
بأي جهد ليعدِّل هذا النمو الغير منسق، أما من تغلب عليه جينات الوراثة والظروف الاجتماعية
والثقافية وقهر التاريخ ولا سبيل لتغيير معطياتها بالإرادة الفرديّة حالاً كما في حالة المرأة السودانيّة
فلا تثريب عليه.
ابوحمـــــــــــــد
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: mohmed khalail)
|
Quote: أحب أن لا يؤخذ هذا التعليق بحساسية لأن فيه الكثير من الصواب فالمرء يصعب عليه تغيير
مركزه المالي ويصعب عليه نيل الشهادات العليا إذا كانت هناك ظروف حالت دون تلقيه التعليم
العام ولكن من السهل إذا امتلك الوعي أن يقوِّم جسده خاصة بالنسبة للمغتربين فهم تتوافر
لديهم إمكانات معيشية وتنظيم وقت يصعب على أهلنا في السودان وقد سجلت هذه الملاحظة قبل
يومين في بوست للأخ العزيز صبري الشريف بإشارتي إلى أن الذي يصعب عليه تقويم جسده لا نتوقع
منه تقويم عقله وأخلاقه لآن الأخيرتين في منتهى الصعوبة وحاجتهما لقوة الإرادة أكبر وما دفعني
لهذا القول مشاهدة أحد الشباب والبالغ من العمر 26 عاماً في أحد حفلات الزواج بالرياض تمددت
معدته وبرزت مؤخرته وتشتّرت مشيته بطريقة هي كوصف الأخ طارق وتؤكد أنه من جانبه لم يقم
بأي جهد ليعدِّل هذا النمو الغير منسق، أما من تغلب عليه جينات الوراثة والظروف الاجتماعية
والثقافية وقهر التاريخ ولا سبيل لتغيير معطياتها بالإرادة الفرديّة حالاً كما في حالة المرأة السودانيّة
فلا تثريب عليه.
ابوحمـــــــــــــد |
يا سلام عليك يا ابو حمد
فى الغالب نحن اهتمامنا ضعبف بالاهتمام الشكل العام الذى يقتضى الاهتمام بالصحة والرياضة والاناقة والقراءة والتى هى المرتكزات لتحقيق الاهداف والتطلعات لتحقيق حياة سعيدة
كان الله فى عوننا
جنى
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: doma)
|
بت العم دوما
كل سنة وأنت والأسرة الكريمة طيبين وبخير وعافية
Quote: التوب والاجسام الشينه دي ملك للجلابيات
|
ليه التجني ده على الجلابيات إلا كان تقصدي الجلاليب!!! وفي الجلاليب الدبلان؟؟؟
ولا تبقى مداخلتك دي من باب "حاول يخفي نفسه..........."
التوب جميل ومثير ويعكس جمال بناتنا ونسائنا وياهو سمتنا وهويتنا والشي القمنا لقيناه،، اليومين ديل الحريم قايمات على الإسكيرتات والبلايز الطويلة وبينسوا البلاوي الببلعوها زي ما قال هجو الأقرع لإظهار الرقم وما جايبات خبر أنه الشغلة دي بتظهر السنترال زاتو مس الرقم بس ولا الراجعات من الخليج ولابسات العبايات وكمان نوع العبايات البيرسم ويصور 3D ،،، المهم التوب ثم التوب ثم التوب كان عجب دينق ولا ما عجبه، والله باكر كان رجع السودان وعرس من جوبا إلا مرته تلبس ليه التوب جوه عينه، وكان فضل قاعد في أمريكته دي فعلى كيفه إنشاء الله تلبس ليه بكيني.
تعرفي دينق ده يجي يفك ليك الموضوع في العالم ويكب الزوغة وكمان الليله السبت الشي ماشي على ويك إند وتاني ما أظنكم تشوفوه إلا يوم الإتنين الجاي، ,,,,
الشايقي
http://www.youtube.com/watch?v=WjNosdjuv7s
[email protected]
http://alkatwah.com
.
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: الأخ دينق
دائما الإستيريوتايب دليل جهل.. دا لو إعتبرنا السـودانيات ديل كلهم شماليات، والماشمالية
ما سـودانية.. شـوف من الجنوب المرة مزوجة من سنين، وبرضها رشيقة.. وكذلك نساء الشرق، بل حتى
الوسـط.. بعدين التوب دا عندو طرق مختلفة للبس، فهل الطريقـة المناسبـة للمرأة "السـودانية"
هى طريقة الشـرق أم الوسط أم ماذا؟
السـودان فى عيون الناس الزى ديل هـو الخرطوم فقط.. ومع الأسف ماشى يكون كدا، زى المهدية
التى طويت تحت فروة المهدى. |
الاخ ابو الريش.
نعم الطريقة التي تحدثت بها تلك السيدة تعكس لنا عن جلها وعن تنميط الناس بالطريفة التي تراه هي فقط. وهنا تكمن المشكلة. كل سنة وانت طيب يا عزيزي.
دينق
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: هل يعتبر الثوب هو الانسب لجسم المرأة السودانية بإعتبارها مسلمة ومحافظة وترغب في السترة ؟! إم
بإعتبارها إمراة بدينة وجسمها سريع الترهل ؟!! إم قوامها قبيح (شين) ومكعوجة ؟!!
أم ماذا؟؟ |
الاخ ابوعبيدة.
قصدي كان واضح جدا فالمتحدثة كانت تتحدث عن الاجسام البدينة للمرأة السودانية "التي لا يصلح معها سوى لبس التوب السوداني". لكن ما دام الكلام جاب الكلام يجب ان نتزكر ايضا ان التوب "السوداني" لا يرتديه عدد كبير من نساء السودان.مسلمات وغير مسلمات. كل سنة وانت طيب.
دينق
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: يااا دينق سلام ..
هسه لو ما طولة لسانك دى كنت قلت ليك
كل سنة وانت طيب فى ى ى عيد المسلمين دا ! |
دينا خالد.
انتي خايفة تعيدي علي ويجوك التكفيرين في البورد ولا
خايفة من "طولة لساني"?
Quote: عارف يادينق الكلام دا ما بلفت حتى نظرهم لا مقدمة البرنامج
لا الضيوف .. انت ما شايف هسه ابوعبيده برضو ما قدر يفرز
انو الغريب فى الكلام شنو ؟؟ |
الشئ الملاحظ يا دينا هو ان السيدات الذين شاركن في تلك الحلقة كانويستحقون لبس التوب"السوداني" حسب تصنيف احداهن بجدارة. كل سنة وانتي طيبة.
دينق
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
| Quote: كلامي كان واضح جدا |
| Quote: لا يرتديه عدد كبير من نساء السودان.مسلمات وغير مسلمات |
الاخ دينق
لا ارغب في مغالطات لا تنفع ولا تفيد بعد قولك ان : ( كلامك كان واضح جداً)!!!!
انا هنا ليس في موقع الدفاع عن الثوب السوداني او من يلبسنه ( وبغض النظر عن رأئي واراء الكثيرين فيه) فهو اللباس السائد في اغلب انحاء السودان ماعدا جنوب السودان والقليل من المناطق الاخرى0
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: Quote: اخي دينق في الحقيقه نحن مش الحريم،، بل الرجال عندنا مكعوجين وملولوين.
معظم الرجال عند لبس البنطلون تجد الحزام مفنوس لمن مواجه الارض ملزوز بواسطة الكرش.
الظهر مفنوس او مقوس الي الامام .
الرجلين مقوسه الي الخارج زي رجلين الرئيس.
الاقدام اصابعها رقيقه وناشفه وملولوه.
الرقبه لها في الغالب طبقتين يعني مفصصه.وتغطي عند لبس الجلابيه بالشال.
ان عايش في الخليج فلو جاي ماشي الف راجل من مختلف الاجناس وتمت تغطية وجوههم جميعا ،من الجسم فقط
مستعد التعرف علي اي سوداني من الجمع. |
الاخ العزيز طارق ميرغني.
اعتقدان حديثك به نوع من التعميم ايضا.
عيد سعيد يا حبيب.
دينق
ولا شنو؟؟؟؟؟ |
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: يا دينق....
سبق أن كتبت العزيز بكري الجاك حول تجربته في التقديم للعمل في التلفزيون "القومي"...وقد صفعته هذه العبارة العنصرية
" وجهك ما تلفزيوني"...
ولهذا فأعتقد أن هناك وجوه "تلفزيونية" خالية المضمون تحتل التلفزيون /الكومر\الجامع\ الذي يسمى تلفزيون السودان.
---
أعتقد أنو السودان عليهو السلام...طالما أن أجهزة الإعلام الرسمية... تحدد لكل "زولة" ما هو الأنسب لها لتلبسه!!!
نموت يعني من الكمد ولا شنو؟ |
الاخ العزيز انور.
واضح جدا ان الذين يتولون امر التلفزيون هم من عناصر المؤتمر الوطني.
اما مقدمي ومفدمات البرامج فحدث ولا حرج. هرجلة في طريقة اللبس وهرجلة في طريقة وضع المكياج والرجال مازالو يحتفظون بشعر كثيف لم تتم حلاقته منذ شهور.
دينق
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
دينق العزيز كل سنه وإنت طيب
الثوب لا يمثل الزي القومي وكذلك الجلابيه ببلد تتباين فيها الثقافات والعادات والتقاليد فلا أدري لماذا يُطلقون عليه ( الثوب السوداني ) !! ، شاهدت السهرة وفعلاً ( مهببه ) !! عيد سعيد يا دينق وما تشاهد تلفزيون السودان مره تانيه 
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
دينق ازيك ..
وعيدنا مبارك علينا وعليكم..
فعلا صدقت من قالت ماقالت (التوب هو الانسب للنساء السودانيات..)
اذ كيف ترى النساء وقد امتدت لهن اجنحة من اللحم على جوانبهن..
قال شاعر عند الداون تاون:
(التوب غطاء الجناح..
يجعل شكل مالايُطاق ُيُطاق ..
التوب نطاق..
لاتسقطه الحريفة حين يهرع النساء جاريات..
والسترة والفضيحة متباريات..)
وفي حقيقة الامر جسم السودانية ما بتقابل بدون الاتي:
الدخان
الكبريت
والتوب
والمسالة دي اصلا غير خاضعة للنقاش من جانب المرة
لانو صفة التقييم لهذه الاشياء هو في الاصل منحة ذكورية ممنوحة له كونه ضكر وبرفع نخرتو يتنسم الريح جالبة الطيب الانثوي..
التي ترى ان من حقها مناقشة هذا الامر عليها مراجعة نفسها..
او مراجعة ستي آمنة مختار..
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: فدوى الشريف)
|
Quote: واقول لك ان هناك الكثير من نساء حينا من بنات جنوبنا الحبيب كثيراً ما يلبسن الثوب كما يلبسن القميص المزركش المميز مع القطعة الملفوفة حول الرأس
الذي باعتقادي انه ليس جنوبياً خالصاً واستورد من دول افريقية أخرى..
|
كل عام و انتم بى توب
اصلا موضوع التوب دة قضية تانية وفخ جديد داير يسوقنا لمسالة الزى القومى
تانىحاجة اذا نظرنا فى تاريخ تطور الازياء فى السودان عموما و الوسط النيلى على وجه الدقة فبنلقى انو التوب دة جيينا من حتة تانية
و عاينوا للسارى العند الهنود و تعال بعد داك نتكلم .
كونوا نو الذى المميز للمراة فى جنوب السودان ( الكونقوه) مستجلب و من محيط افريقى مجاور فدى يا فدوى قضية هامة ز.. منوا البحدد اننا نجيب من ياتو محل ..
بعد داك بنات جنوبنا الحبيب ديل .. ما قاعدات فى المحيط البشرى السودانى البنتكلم عنو .. و شوفى بنات شمالنا ( اللبيب) وهن يحاولن لبس الكنقوه) .. بى اضافات الطرحة و الفنيلة تلبيسة عجيبة.
جسم المراة السودانية دة برضو محل عدم اتفاق .. فالمرآت السودانيات ديل بختلفن حتى فى البودى فريم المطاوع لبيئة الوجود.
جكسا فى خط ستة مناسب لجسم ياتو مراة ياترى .؟
Quote: وأحيي من هنا اذاعة السلام اف ام الذي تحاول تعريفنا بثقافة الجنوب
|
نحن ما دايرين اذاعة السلام تعرفنا .. وين الاذاعة المسماة ( القومية).
بعدين اتنى با فدوى ليه تعرفى ثقافاتنا من الاذاعة .
ما فى اى مسار تانى و لا اصلوا ثقافة الجنوب دى صنعوها بعدالاتفاقية .
يا اختى :
الكلام دة بخجل لانوا اذاعة السلام دى ما طالعة حدى اسة من الدعاية الفارغة .
تحياتى للجميع .
دراسات عديدة تناولت موضوع تطور الزى فى السودان.
امشوا مجلة السودان فى رسائل و مدونات (SNR)
كتابات ناس كورفورت - وصلاح عمر الصادق - او بالمرة .
شوفوا الافرويشن.
وين انت يا مؤيد شريف و يا ادم موسى .
تعالوا.
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
المراة السودانية و ما يصلح لها وما تصلح له ... موال مالوش نهاية
....
هناك محل ما بنلبس التوب، "حريمنا" في شغل ما بين النخيل و حش البرسيم و مراعاة البهايم ..
تخيل ما عرفن التوب إلا من قريب؟
و جابوهو رجالن من "الهرتوم" و غالبا ما فضلن هدايا القادمين من مصر من جرادل البلاستيك
وملاعق الشاي الصغيرة و طرح الكستور وشالات القطيفة للشتا ..
خالتي فايقة الله يرحمها بتعرف التوب في مناسبتين فقط
البكا و مشوار سوق عبري
تضعه مطبقا على كتفها أو تتلفح به في حال البرد
وما بين هاتين المناسبتين،
تجد توبها الرمادي المنقط بالأبيض تتخلله ورود حمراء مطبقا بعناية و مستلقيا على ظهر الحمار في الاوضة الشتوية
وقت الصلاة، طرح النهار المشدودة فوق الراس تتمدد و تستر اليدين، في طرف الطرحة مفاتيح وحقة و دواء |الدضغد"
و عجين ناشف من العواسة
هنا يلح سؤال: خالتي دي ما سودانية؟
....
انت يا دينق غلتان ..!!
تحضر برنامج في قناة سودانية ضيوفها سودانين و داير منطق؟
والله والله والله ، (ديل كام؟ ثلاثة موش؟)
ونستي الخارم بارم مع الحجة وقت شاي المغربية مع القرقوش فيها فايدة أكتر
و تسلسل منطقي مقارنة بأي برنامج سوداني حايم ..!!
البرامج دي فيها طبزات لا تظهر في برامج تلفزيون الواقع كأنو لا في مونتاج لا إعداد
ثلاثة (ناس) قاعدين سوا و يطقطقوا ونسة دي مكشرة و دي مبسوطة براها و داك نايم في الكنبة
ونسة أحواش بس ..!!!
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
دقيقة بس بالله يا دينق عندي كلام مع الزول ده ...
Quote: فعلا صدقت من قالت ماقالت (التوب هو الانسب للنساء السودانيات..)
اذ كيف ترى النساء وقد امتدت لهن اجنحة من اللحم على جوانبهن.. |
كعادته مولانا دكين عشا البايتات و نظرته المستلبة غذائياالمراة
فالمراة مرة لحمة كُفتة مرة بجنحان ..
هي مرأة ولا دجاج "ساديا" يا وهم ..؟؟
نفسي اشوف الكائن الخرافي اللي حتتزوجها وفقا لمواصفاتك بتاعت ملحمة غبيرة دي 
....
حاول تقعد مع نفسك براكم كده و فكر في كلامك ده ..!!
زول مستلب تماما ..!!
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
انا بعتقد انو الموضوع ده فتح باب يجب ان لا يقفل الى ان نقر جميعا بالمشكلة و ليس دفنها. اعتقد جني و دوما هبشوا صلب الموضوع (بالجد اعني صلب الموضوع موضع الحوار) المشكلة ليست في التوب السوداني او الجلابية السودانية ، المشكلة بعد العرس للطرفين، بالمناسبة التوب السوداني و الجلابية السودانية اصبحت ماركة مسجلة ليناو في كتيرين بشاركونا هذا الزي مقرين بريادتنا في هذا المجال، و لكن نحنا اصبحنا نخفى بيها بلاوينا من كرش و نتوئات و اشياء ما انزل الله بها من سلطان و انا شاهد عيان على الكثير من الحالات التى تبدأ متوازنة و تنتهي الى ما تنتهي اليه، ارجو صادقا من الجميع بالالتزام لحد الحرفية في تنفيذ وصفات الرشاقة الموصى بها من جهات الاختصاص صدقوني مفيدة للجميع و لكم الود.
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: مبارك الدومة)
|
The CPA(Comperhensive Peace Agreement)
Impelidely addressed this issue)
The Sudanese TOOOOB and the JAAAAAAAAAlabia
represents more than 52% of sudanese population
Read Nifasha Accord or the CPA.
If each one of you have read the CPA carefully, you need not need to this baseless argument.
to make the story short; the Majority in Sudan(population) respect the minority but never never(history tells us) to follow their(minority) opinion or the way of life.
I hope every one of us stop and give a glance to terms of the (CPA) comeperhensive peace agreement.
stay tone
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: . و كلامك دا بيفتتقر
للادب |
| Quote: اُمال دة تقول فيهو شنو يا امجد؟!!! |
انتو الجوز كلامكم ده دلالة على مستوى عقلي يفتقر للفهم..
وعلى أي حال ماتفتقت عليه قرائحكم انا لستُ معنيا بمحاولة تغييرة..
مع الاحتفاظ بحقي- معلباً - في الرد على مايتسع به وقتي المتاح للرد على كل مالستُ معنياً بتغييره..
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
لو افترضنا فرضيتين :
الاولى انو الجمال والافتتان به مسالة طبيعية واكزست ولم ابتدعها ..
وعلى مر السنين الطوال افتتن الناس باميرات وملكات وصاحبات شان ولاصاحبات شان وبنات حلة ساي واخريات رحن ساي في حق تدافع التاريخ ولم يذكر لهن اسماً كماوكتب كثيرون ملاحم سارت بها الازمان الى يوم الناس هذا ..
والتانية لو افترضنا اني قاصد اقول انو صورة شذى سمحة وفاتنة ويشغلني الاطلاع عليها دون التركيز في الردود على شذى..وبالتالي يغلبني الرد بصورة موضوعية دون ان تتدخل الاحاسيس الناتجة عن الافتتان بصاحبة الصورة ..
لو افترضنا الفرضيتين اعلاه..
البخلي امجد يجي يقول لي انتا قليل ادب شنو؟؟
باعتبار انو قلة الادب التي رمى بها يقصد منها ما جرى في اذهان العامة من السودانين في شأن مدلول عبارة (قليل ادب)..
ولو افترضنا
انو الافتتان مسالة غير طبيعية
ولم يقل بها احد..ولا ياتي بها إلا افاق وسفيه ..
وانها بدعة من عندي انا المبتدع الدجال..
وانو انا قاصد اتسافل مع شذى بعبارتي اعلاه ..
وباعتبار انو الصورة ملك شذى وحدها وليست ملكاً للجماهير..
برضو البجي يخلي امجد ده يتصدى مدافعاً عن شذى ويقول لي انتا قليل ادب شنو ؟!
آخذين في الاعتبار تفسير قلة الادب حسب ماورد اعلاه..
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: DKEEN)
|
من المؤكد ماوصفني به امجد هو رد فعل مبني على سوء الظن..
ومن المؤكد ايضاً انو الشي البخلي زول يتحرك بدوافع ظنية غير مؤكدة منتجاًالفاظ قد تقدح في مسيرته- مدافعاعن زولة لم توكله اصلا للدفاع عنها وليست شخصية جماهيرية عامة- لهو شي جميل..
وغالب الظن الحسن ان صاحبة الصورة جميلة بمايكفي لان تورد الجميع موارد الظنون..
فمن كان من المطلعين ولم يغير ذلك فيه شيئاولم يترك ذلك الاطلاع اثرا في مشاعره فغالب الظن انه مصابٌ وشقي..
ولاني اعرف قدرتي في احتمال الاطلاع على الصورة المذكورة فقد عذرت نفسي سلفاً في الرد بشكل موضوعي ..
وهسي بعتبر انو امجد حين كتب ماكتب كان مطلعا على الصورة ..فجاء رده خارجا عن المنطق السليم فاقدا لموضوعيته..
ولهذا فانا اعذر الرجل ..
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
| Quote: هي مرأة ولا دجاج "ساديا" يا وهم ..؟؟ |
السؤال ده لي انا؟!!
من الاولى ان تساليهو لي الدجاج فهو المتضرر من هذا الوصف..
| Quote: نفسي اشوف الكائن الخرافي اللي حتتزوجها وفقا لمواصفاتك بتاعت ملحمة غبيرة دي |
تعرفي هسي انا مضطر ادخل كشف الجناحين من ضمن اختباراتي للزوجة القادمة..
انا مستغرب لي المرة السودانية ما بتطير؟!!
اخيرا
مشتاقين في هذه المدة لم لم نراك فيها..
عن حالك : كيف احوالك وناس البيت؟؟
عن حالي: تخيلي مالاقي حتة اشرب فيها شاي المغرب في الدوحة
عن الحال عموماً:
كلو في محلو ..وافتقدك كلياً
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
التوب حاجة جميلة جداًًً،،،،
وللذين قالو انو التوب ما موجود في بعض المناطق في السودان، افتكر جانبهم الصواب،،
لأنو بالملاحظة في أي قبيلة في السودان ماعدا الجنوب بنلقى واحدة لابسة توب،،،صح
ولكن دا ما بمنع انو النساء تلبس اي حاجة تانية غير التوب،،،
ونرجو ان يفيدنا احدهم بتاريخ التوب في السودان، من وين جانا وبتين،،،
فتح الباري
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: التوب
السوداني هو الانسب لجسم المرأة السودانية وحتى بالنسبة لغير المتزوجات لأن الواحدة عندما تتزوج حلاص".
|
دينق
كل سنة وانت بخير
والله أنا ما حضرت السهرة لكن عبارة السيدة دي أدرجها تحت بند ..كلام ساكت ..لاني قلبت العبارة عدلة وقلبة لقيتها فارغة من المضمون ..يعني هي زاتها لمن قالتها ما في بالها الكلام " الكبار " الإتقال اعلاه ..ودليلي على كده يعني شنو نهاية عبارتها لأن الواحدة لمن تتزوج خلاص .
أمكن بتفق مع الآراءالأشارت إلى ضرورة المنتجة ، لكن ده لمن إيكون البرنامج عندو "رؤية" ، وده ما بحصل في برامج التلفزيون القومي الما عندو علاقة بالقومية !
تخريمة :
متصورة بالتوب قبل الحلقة
محبتي الأكيدة دينق .
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: داليا حافظ)
|
Quote: قال شاعر عند الداون تاون:
(التوب غطاء الجناح..
يجعل شكل مالايُطاق ُيُطاق ..
التوب نطاق..
لاتسقطه الحريفة حين يهرع النساء جاريات..
والسترة والفضيحة متباريات..)
وفي حقيقة الامر جسم السودانية ما بتقابل بدون الاتي:
الدخان
الكبريت
والتوب
والمسالة دي اصلا غير خاضعة للنقاش من جانب المرة
لانو صفة التقييم لهذه الاشياء هو في الاصل منحة ذكورية ممنوحة له كونه ضكر وبرفع نخرتو يتنسم الريح جالبة الطيب الانثوي..
التي ترى ان من حقها مناقشة هذا الامر عليها مراجعة نفسها..
او مراجعة ستي آمنة مختار.. |
دكاكينو يا ختررري
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: DKEEN)
|
مثلا وشوفو داليا حافظ دي بالتوب جميلة كيف
ذلك لا ينفي ان شذى جميلة بدون توب..
ولكن من المؤكد انو شذى حتكون بالتوب اجمل من مجرد جميلة ..
التوب لايظهر الجمال فقط
وانما يخفي النشاذ..
إن اخر ما قاله شاعر الدوان تاون عند شجرة لبخ:
التوب غطاء الجناح...
لاتسقطه الحريفة حين يهرع النساء جاريات..
والسترة والفضيحة متباريات..
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
| Quote: التوب بيخلق من الفسيخ ده : شربات |
ولهذا ..
ولاجل هذا ..
احبك بلا شروط..
لو لم يكن التوب السوداني لكان ِلزاما على الرجل السوداني في غالب حالاته ان يستعيذ ثلاثا ويقول (سبحان الذي سخر لنا هذا وماكنا له مقرنين)..
وبعد داك يركب*..
ـــــــــــــــــــــــــ
*قصدت بالركوب اعلاه : الركوب للسفر وليس اي ركوب اخر..فوعثاء السفر وكآبة المنظر يستلزمان الدعاء..
هذا التبرير توخيا للدقة ولان تجربتي مع ذوي الافهام الضيقة تتكرر في هذا المنبر ..
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
دينق سلامات
المتداخلين جميعاً سلام
| Quote: التوب السوداني هو الأنسب لجسم المرأة السودانية |
آخذين في الاعتبار:
| Quote: وحتى بالنسبة لغير المتزوجات |
بغض النظر عن التنوع الثقافي و مسألة الزي القومي الاعتباطية دي، حتى في داخل مركزية العقل المسيطر هي موازنة: ثوب=جسم، يعني المسألة مش استايل بس بل سيستم، من هن غير متزوجات هن خارج دائرة الحسبان باعتبارهن لم يمتلكن من فخامة الجسم ما يستحق إرتدائهن للثوب.
و لكن هذه محاولة للتعميم تحاول أن تضفي مزيداً من الغباش على الهدف الأصلي: المسكوت عنه = الجنس تحديداً، هو ما يشغل بال القائل/ة، و هو ما يشاع عنه أنه للحشمة أي تغطية المناطق المثيرة جنسياً .
و لكن عندما يرتبط الثوب بالجسد و تحديداً للمرأة المتزوجة فإن ذلك يدعو للتفكير مرة أخرى، عن المرأة المتزوجة كمثيرة جنسياً أكثر من الفتاة غير المتزوجة= لم تنضج جنسياً حتى الآن، و بالتالي لم ينضج جسمها ليغطى (و دا برضو حسب العقل المسيطر).
و لكن مع التحولات الإجتماعية و الثقافية و الإقتصادية الأخيرة، تحت فتوحات العولمة و طغيان الفتيات بصورة مستفزة لهذا العقل في الشارع (في العمل في الجامعة في دوائر الخرطوم= بؤرة السيطرة للنخب المنظرة)، جعلها تعيد التفكير في ما يهدد موروثها، خاصة مع بروز موضات ترتديها الفتيات لم تكن دائرة بخلدهم يوماً، المهم يا دينق هذه محاولات لإعادة السيطرة على جسد المرأة و بالتالي كيانها.
و أنظر إلى ما يفضح هذا العقل:
Quote: وفي حقيقة الامر جسم السودانية ما بتقابل بدون الاتي:
الدخان
الكبريت
والتوب |
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: انت البوديك تحضر المفكرين ديل شنو تستاهل!
انا تلفزيون السودان دا بفتحوا لمن اولادى يضايقونى طوالى بشتتوا وارجع لى قواعدى سالما!
جنى |
جني
والله حب استطلاع ساكت وشوق للسودان.
بعدين انت المزيعين والمزيعات ديل امنجية ولا مؤتمر وطني?
ديل بستخدمو أسئلة موجهة الغرض منها الحصول على إجابات محددة تنصب في مدح الكيزان وتلميعهم, وديل عمرهم ما ح يلمعوا ابدا.
دينق
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: DKEEN)
|
اووووووووووووووووووووووووووووووو
العماد ميشيل ،، بالجلابية السودانية ياخ !!!!!!!
عارف يا عمدة ،، جانى احساس بانك بتتكلم وبدق
وبتشخت بالعصاية على الارض ... ( السفه ح نعفيك منها صراحه ما بتشبهك ) ..
عمادنا فى حالة كونه هائجا !!! .. وبرووق فى دمو بالشربات المصنوع من الفسيخ !..
عمد .. فى حالة كونه خارج لايلوى على شىء من ( فسيفساء المثقفاتية الختيرين ) .
اووووع تسالنى من فسيفساء دى ولا من اى تلتيق اخر ،، انا قاعدة اسالك
من الكلام البتكتب فيهو دا ؟؟؟
لكن بصراحة كدا ضحكتنى شديد لى 3 يوم ما ضحكت !
اولا بالتبادى ياسيدى زعلتك طلعت على فشوش .. فالكلام لم يكن عن
انو الثوب ما سودانى ... سودانى ونص و ...... كم كده ما عارفة !
على الاقل بفهمى انا للموضوع ,, القصة كانت فى المراة السودانية ,,
اما الشطحان للجسد وما الجسد فدا من باب حلم الجعان عيش !!
والكعوجه والكلاضيم واللاذى منو ،،، ( فالقصة ما قصة رغيف ! ) 
فكل كلضومة وكل كعبورة خلقت لتسد تلك التجاويف والدقداق والطففيق
فى جسم الرجل السودانى ،، فذاك القبح من هذا الرجل ..
ياخوى لا اتحداك لا تتحدانى ،،،
انج سعد فقد هلك سعيد ,,
ـــــــــــــــــ
عماد ؟؟
ياخ انت لييه ما بجيبوك فى التلفزيون القومى دا ويتمو الناقصة ؟؟
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: بغض النظر عن التنوع الثقافي و مسألة الزي القومي الاعتباطية دي، حتى في داخل مركزية العقل المسيطر هي موازنة: ثوب=جسم، يعني المسألة مش استايل بس بل سيستم، من هن غير متزوجات هن خارج دائرة الحسبان باعتبارهن لم يمتلكن من فخامة الجسم ما يستحق إرتدائهن للثوب.
و لكن هذه محاولة للتعميم تحاول أن تضفي مزيداً من الغباش على الهدف الأصلي: المسكوت عنه = الجنس تحديداً، هو ما يشغل بال القائل/ة، و هو ما يشاع عنه أنه للحشمة أي تغطية المناطق المثيرة جنسياً .
و لكن عندما يرتبط الثوب بالجسد و تحديداً للمرأة المتزوجة فإن ذلك يدعو للتفكير مرة أخرى، عن المرأة المتزوجة كمثيرة جنسياً أكثر من الفتاة غير المتزوجة= لم تنضج جنسياً حتى الآن، و بالتالي لم ينضج جسمها ليغطى (و دا برضو حسب العقل المسيطر).
و لكن مع التحولات الإجتماعية و الثقافية و الإقتصادية الأخيرة، تحت فتوحات العولمة و طغيان الفتيات بصورة مستفزة لهذا العقل في الشارع (في العمل في الجامعة في دوائر الخرطوم= بؤرة السيطرة للنخب المنظرة)، جعلها تعيد التفكير في ما يهدد موروثها، خاصة مع بروز موضات ترتديها الفتيات لم تكن دائرة بخلدهم يوماً، المهم يا دينق هذه محاولات لإعادة السيطرة على جسد المرأة و بالتالي كيانها. |
تعتيم وغباش ودائرة الحسبان وعلامات يساوي(=) وفتوحات العولمة والعقل المسيطر
سامي صلاح
ياخي القصة توب.. انسب ام لا انسب..
شنو اللوغرثيمات بتاعتك دي؟؟
انا والله هسي مافهمتا انتا مع انو التوب انسب ولا مع انو التوب ما انسب
ولا ما مع اي شي..
غايتو الفهمتو انك زول قتا كلام غالبا يكون سمح..
| |
|
|
|
|
|
|
|
|
 Re: "التوب السوداني هو االأنسب لجسم المرأة السودانية" (Re: DKEEN)
|
يا دكين يا ....................
دينق دا عندو كلام داير يقولو,,,,
تجو تسووها بيت بكا
وعين قطرة وعين مس,,,وبالدس!!!
معقولة بس!!!!!!!!!!
أموت فى الأطروحات زاتو 
رمايك الجادعو هنا دا (حّرّم) يوم بجيب ليك بجيب ليك قرموط
وبعضيك فى راسك دا
.............................................
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
Quote: كلامك صج يا دينق!
انا صدمت جدا لما سمعت العباره وبعدين شرحها الغريب..
لكن كله كوم والزوله القالت التفكير يسبق الاحساس دي كوم تاني!
قدر ماحاولنا نعرف كيف الزول بيستعدعي الاحساس علشان يحس بيه بعدين يفكر..ماقدرنا..فشلنا تماما!
ولا التانيه البدت تبث الدعايه لعملها في التلفزيون!
يعني اسه احنا نفهم شنو؟؟
ده خلاص بقي مستوانا في النقاش وفي مواضيع النقاش؟؟ |
منى خوجلي.
انتي برضه كنتي بتشاهدي الهباب ده برضه?
بعدين الغريبة انو هن كانو اربعة سيدات ورجلين. يعني مافي اي واحدة فيهن انتبهت لذلك التعميم المخل?
Quote: انت يا دينق..
ما بتقول لي كل سنه وانت طيبه ليه؟؟
المهم كل سنه وانت طيب.. |
ما لقيتك في البورد اون لاين لكن معليش الاعياد الجاية كتيرة.
وكل سنة وأنتي طيبة. وتى لو متأخرة. اصلو بيني وبينك انا ضربت تلفون للزول الغلط في العيد, وده موضوع عاوز ليهو بوست كارب, خليهو بس يظهر في البورد.
دينق
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
| Quote: التوب السوداني هو االأنسب لجسم المرأة السودانية |
كل عام وانت بخير يا دينق بمناسبة العيد
حضرت جزء من هذه السهرة , وان كنت لم أسمع هذه العبارة تحديدا الا أنها عبارة عادية ولا تصنف غير أنها رأي شخصي كغيرة من التنظير الذي تمتلئ به مثل هذه السهرات .
وبما أنه رأي شخصئ فلا يلزم به أحد , ولا يمثل الا من قاله , نتفق ونختلف مع هذا الرأي .
الا أنه يظل الثوب السوداني هو ما يميز المرأءة السودانية كما أن الجلباب الأبيض والعمامه هي ما تميز الرجل السوداني مع وجود ما يخالف هذا الزي , بالطبع لا أتحدث في اطار اسلامي لأن الثوب السوداني وحده لا يمثل الحشمة المطلوبة شرعا .
نرى جنوبيات بالخرطوم يرتدين الثوب السوداني ونرى شماليات لا يرتدينه فالأمر يخضع في مجمله للرأي الشخصي دون تمييز .
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
ياخوانا،
إنتو زعلانين مالكم،
عشان قالو التوب السودانى؟
ولا عشان قالوا أكتر حاجة بتستر السودانية؟؟؟
أما الاولى،
فعماد عبدالله كفى ووفى،
فالتوب سيظل سودانى،
كما الجلابية سودانية،
و المركوب سودانى،
و المسمى دة ما ح يتغير، و لو أتغير السودان و السودانيين،،،
نقطة.....
أما الثانية،
فوالله التوب ما بنلبسو، لكن عاجبنا،
و ما بنرضى فيه،
(فهو يعكس الهوية و الحشمة السودانية..)
دة طبعا التوب الاصلى البستر بجد،
أما الموديلات الحديثة،
فما عايزين نفتح ليها مواضيع هنا،،،
من الاخر ،
لبس التوب من خلافه، يعتبر حرية شخصية،
لكن الحشمة، يا ريت لو تكون إلزام،،،،،
و كل سنة و أنتو طيبين،،،،،
_________________________________
عماد عبدالله،
زعلتك شديدة لكن،
Quote: كمان صاح نسوان السودان كرعيهن كعبات و رقيقونات و مكعوجات و الإتنين شمال ( تعال كمان قول لي : ليه ما يكونن الإتنين جنوب ) !!!! ..
و أجسامهن شينة و مكلوجة و مليانة كعابير و كراضم ما في حتتها .. و الفي حتتها تلقاها خلاقة .. |
الرد تلقاهو عند طارق ميرغنى،
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
| Quote: الاخ الكريم دينق كل عام وانت بالف خير ، و القابلة على الامنيات ، لقد شاهدت تقريبا كل تلك السهرة ، و اعتقد ان الدكتورة زينب تقصد ان تكونات جسم المراة السودانية ،لا يناسبها غير الثوب الذى يقوم بتغطية عيوب السمنة الناتجة عن الزواج و الولادة، ولقد فات عليها ان من تقوم بربط الثوب من الوسط ، برضو بيظهر بعض تلك الترهلات ، ولم تحدد جهة او منطقة وقالت ان المراة السودانيه بعد الزواج بتترهل ، المهم ايضا ان احد المشاركات استنكرت لبس العباية ، وقالت هذا تقليد للناس الخليج ..... العباية السوداء الواسعة فى غاية الجمال واكثر راحةمن الثوب للعاملات ..... المهم انت ( كوس العروس ) اولا بعدين اشغل نفسك بالمواضيع دى ، على فكرة يا دينق كثير من الاخوات الجنوبيات المتزوجات العايشات فى الشمال و فى مدن الجنوب الكبرى بيلبسوا الثوب .... دينق الان للاسف البنات تتعاطى بعض الاشياء التى نبريز اشياء مؤسفة لا الثوب و لا غيرة يخفيها و تسمى تلك الادوية باظهار الرقم ... |
الاخ الكريم هجو. حديث تلك السيدة كان به تعميم مخل وغريب, فهي تحدثت نيابة عن كل السيدات السودانيات. وهي كأنسانة متعلمة تخاطب الشعب السوداني عبر التلفاز يجب عليها ان تكون دقيقة في حديثها.
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: Deng)
|
يا أخوانا ما تظلمه المرة ساي الزولة دي قاصدة انه نحن السودانيات
جسمنا مكعبر و مكلبظ عشان كده اكتر شي بسترنا التوب باي طريقة تعجبا بالطريقة
بتاعت ناس الخرطوم و للا الجنوب و للا الشرق المهم هو فعلا بستر الجسم
و مفروض السعوديات زاتم يلبسوا التوب السوداني لأنه اجسامن دي ما بتتستر بالعباية
| |
|
|
|
|
|
|
|
|
|
Re: "التوب السوداني هو االأنسب لجسم المرأة السودانية" (Re: سناء عبد السيد)
|
الأخ دينق
سلام
التوب السوداني هو اللباس التقليدي لكثير من نساء السودان..
لكن أن يكون هو الأنسب أم لا... فهذا سؤال غير مناسب طالما وقع التعميم على المرأة السودانية..
فأما أعتقد أن لا يكون هنالك اكراه على نوع اللبس.. فاليترك كل انسان يلبس ما يروق له طالما هو لا يتعدى على مشاعر العامة..
تحياتي
عبدالعزيز
| |
|
|
|
|
|
|
| |
Deng
Abureesh
أيزابيلا
hammama
ابوعبيدة حسن محمد
دينا خالد
AnwarKing
jini
Muna Khugali
هجو الأقرع
عبد العظيم احمد
يوسف الولى
عثمان عبدالقادر
mohmed khalail
خالد علي محجوب المنسي
doma
Al-Shaygi
A.Razek Althalib
مها عبد الله
فدوى الشريف
حبيب نورة
El hadi A.bashir
Amjed
مزن ابوعبيدة النيل
Emad Abdulla
Yassir Tayfour
داليا حافظ
Kostawi
ASHRAF TAHA
على احمد النعيم
أيمن الطيب
البشير دفع الله
عبداللطيف حسن علي
سناء عبد السيد
Abdlaziz Eisa
fadlabi
فيس بوك
تويتر
انستقرام
يوتيوب
بنتيريست