|
|
 ســـــميناها شـــــتاتــ ،،،،
|
كان ميلادها قبل اعوام
وكنا حايصين في اسمها ( لشيئين اولهما اختيار الاسم
والتاني حق الخروف,,,,,
وجونا الشباب اليوم واتلموا
ضحيه ابراهيم
وعبد الكريم الامين
وبدر الدين الامير
وعبد الرحيم (ود رمليه)
عماد عبد الله
عادل سعيد (ابجقادو)
فيصل عباس
يوسف سعد يوسف (ضيف شرف)
صالح ابراهيم(ضيف )
محمد عباس (ضيف)
وانا طبعا وبكل سمني وسنيتي وبنتي (كان غالبي الاسم وحق السمايه)
اجتمعوا وسموها (شـــــــــــــــــــتاتـ المسرحيه)
والاغرب من كده اصروا على ان تتجاوز فكره الحبو و(طوالي علموها المشي)
واختاروا اول مشوار ليها يكون (مسرحية شتات) وبنبرف ليها من بعد بكره (الاحد 1 مايو 2006)
التاليف : جماعي
الاخراج : انا (محمد السني )
شكرا لاصدقاء البيئه الذين يأونا دائما
اما انتم ايها التشكيليون فالرجاء منكم مساعدتنالعمل شعار للفرقة يكون معبراً برؤيتكم الفنية التي عودتمونا عليها ،، كما قررت اللجنة رصد مبلغ عشرة دولارات لأحسن شعار بمعزل عن عماد عبدالله .
كما أرجو أن أنقل إليكم رغبة أخونا عبدالرحمن أبوشيبة في أن يكون منسقاً إعلامياً للفرقة وهو على أتم استعداد أن يكون جندياً وفياً على حد قوله،،،
فما رأيكم يا أعضاء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟.
|
|
 
|
|
|
|
|
|
|
 Re: ســـــميناها شـــــتاتــ ،،،، (Re: nazar hussien)
|
هــــــــــــــــــــــــــــــــــــوي يا نزار فتح عينك
دي فــرقـــة ســــموها عــشــرين راجل
صلاح يا ابقى ولدها ولا ادفع لينا حق السمـــاية
وكلنا سمان ونحمد ربنا على العافية
تقولي صلاح ..صلاح بتاع حنانك !!!!!!!!!
| |
|
|
|
|
|
|
|
|
 Re: ســـــميناها شـــــتاتــ ،،،، (Re: محمد سنى دفع الله)
|
Quote: دي فــرقـــة ســــموها عــشــرين راجل
صلاح يا ابقى ولدها ولا ادفع لينا حق السمـــاية
وكلنا سمان ونحمد ربنا على العافية
تقولي صلاح ..صلاح بتاع حنانك !!!!!!!!! |
الحمـد لله جـنبتني خطـأ...
'مـبروك البيبي'
ألف مـبروك الاتفاق علي الإسـم بعـد الاتفاق علي النشاط وبإذن الله هاتنجـحـوا شـديـد...
وأنـا لسـة علي كـلامـي ...هأحضـر البروفات الكـبيرة...
مـني
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
Quote: كما أرجو أن أنقل إليكم رغبة أخونا عبدالرحمن أبوشيبة في أن يكون منسقاً إعلامياً للفرقة وهو على أتم استعداد أن يكون جندياً وفياً على حد قوله،،،
فما رأيكم يا أعضاء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
معترضيييييييييييييييين ياسني
من زمان كان وين بعد ما بقت علي العرس
جاييييينا ناطي
عموما لو دفع لينا ممكن نتشاور في امرو
اما علاقاته فيمكننا الاستفاده منها (غصبا عنه)
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: فيصل عباس)
|
.
الجمــيــل السـنّـي
مرحبتين و زيـادة
مبرووووووك شـديد يا شديد
انت و اب جقادو و عادل التيجاني ممكن تعملوا حيكومة بي حالها
التحية عبركم لكل الشباب المساهمين في الشغـلانة
و الإقتراح يا بورداب أنو كلنا نشتري تذاكر الدخول..و البيقدر يحضر يحضر..
أنا من هسع حاجز تذكرتين في أول عرض ..و بيبسي من عم خالد لأنو فتّـة العدس بالليل مافي.
بالتوفيق يا الحبايب..
.
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: الطيب بشير)
|
الطيب بشير
الاجمل والاروع
يافنان ممنون من كلامك
واقتراحك بشراء التذاكر سوف نعمل به
لكن حضورك أروع ويبعث فينا البهجة
مودتي وتقبل تحيات عادل التجاني الرجل الكيك الذي يفتح لنا صدره ومركز البئية لكل فعالياتنا
منتظرينك في العرض الاول وكرسيك وضيوفك محجوز
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
ودالباوقا
تحياتنا ومحبتنا
ياأخوي نحن شتاتنا لي جوة يعنى عاملين شتات للسودان
انتو منو وبتجمعوا في شنو ؟؟ وليه؟؟
نحن عمرنا ماشتتنا غير جمعنا وعمرنا ما هاجرنا شتتونا
وفي الغربة ما بنكسر ركبة ونغطس بل بنكون في حالة شتات لي بلدنا
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: فيصل عباس)
|
فيصل عباس
ابوشيبة اعلامي ضليع وضليع دي من الضلع والوجبات المدنكلة
المهم نشوف طريقة نقنع بيها الراجل يوافق بعد كلامك ده ولو دفع ليك دي حاجة تانية وبالمناسبة لو دفع انا عندي فيها 10% وبالمناسبة انا حأشتري عربة جديدةقبل العروض عشان ماتجو تقولو لحسنا الدخل واكلنا قروش الكومبارس .....
هههههههههههههههههههههههههههههههههههههههههههههههههههههههه
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
الاستاذ
محمد السنى
لك التحية و الحمد لله العشرين اتفقتو و سميتوها شتات عديل .. اى عليك الله ما تتعبونا معاكم بنيفاشا او ابوجا وخصوصا انو ابوسانجو اليوميين دى قال للجماعة فى ابوجا كفاية ما بنقدر نضيفكم اكتر من كدة!!
كل الود
فتاح
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: munswor almophtah)
|
سلامات
وعوافي
شتت بينا الولد دا احرق الجزلين البلد دا
اخخخخخخخ ياسني اخخخخخخخخخخخ
لي قدام يا ابوي
..
تخريمة:-
تمادور شيخ الدين طبعا اخوك اليومين دي مركب مكنة كوميديان وكدا لذلك انتي كزميلة معانا من قبيلة المبدعين اتمني ان تكوني موجودة بينا ياخي علي الاقل في العرض الاول دا شنو دا ياخي .. بعدين شتاتكم دا ياربي ممكن يستوعب شتاتنا ...
المهم اتمني وجودك بينا تاني وتالت وياريت الزول الشين الفي عمان داك برضو يجينا وطارق الامين واها وعشة بت فاطنة تجينا برضو وتماضر حبيب الله وتاني ياربي نسيت منو المهم ياريت تكونوا جنب الفرقة كلكم
اخوك وزميلك الفنان القدير المبدع ودرملية
ياريس عايزك تقرض لي علي كومبارس كيكي دا لازم والا بقدم استقالتي قبل اول عرض وفي النهاية شوفوا الخسران منو (وش متعجرف ورافع نخرتو في السما)
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: Tumadir)
|
تمادوور
غريبة جدا جدا اول مافكرنا في عمل فرقه نبل لينا اسم شتات واول مابدينا العمل الحقيقي ظهر لنا اسم شتات وبعد 28 اسم فاز شتات واول عمل فكرنا فيه مسرحية وضعت لها مخطط وكتبت اعلى الصفحة اسم المسرحية شـــــــــــتـاتـ ، والان ظهر لناشــــتاتــ الفضائية التي نتمنى ان تكون القناةالتي تعيد الق ومجد الفن والثقافة والاعلام السوداني الى وضعه الصحيح
تمادور نتمى حضورك العرض الاول
مودتي وتحياتي الى خطاب
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: Abdelfatah Saeed Arman)
|
عبد الفتاح
التحية والمودة
اي اتفقنا على شتات عـــديــل ، لكن بعد حراق الروح الديقراطية / اول حاجة قعدنا
قدام 28 اسم وصلت عن طريق البوست وفرزنا الاسماء لنستقر على 3 اسماء هي
أدواح .... وزول فن ..... وشتات ....
وفاز اسم شتات واتمنى ان يكون كما توقعنا شتات للداخل قول آمين
اما جماعات ابوسانجو لن نصلها لاننامتوحدين بمحبتنا وكلنا نمثل الوطن الحقيقي لم نشعر اننا من جهات ولم نفكر سوى اننا من السودان وكفى
مودتي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
ودرملية
تواضع يايهاالنجم
وركز في دورك
وبعدين طوالي طرحت نفسك زميل لتمادور ويمكن ان تحللادورك دون الرجوع الى النص
وان تمثل دون مسرح ياخي انت سوف تجعلني افكر في ان اعطيك الادوار الكوميدية فقط !!!!
ايه رايك يادفعة تمادور
عندي احساس انو المسرحية الاولى سوف !!!!!!تنجح !!
لماذا ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: sumah)
|
اسماعيل
ايها الفنان المسافر في الغربة
شكرا جزيلا ونتمنى حضورك عرضنا الاول
يا ود الشيوخ شكرا مرة ثانية على اللوحة والستارة لتفتح على عرضنا الاول
مودتي والسلام للعائلة الكريمة
مودتي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: بدرالدين شنا)
|
من خلال الشات تعال نشتو
بدر الدين الشـــتاااتــ
شتتيتو وقعدت
نحن في رجاك ويوم بندفع ليك حق الغرامة
بس تطل ونشوفك ولو عملت معانا دورحقو مدفوع دي فرقة محترفة
وبعدها تعمل شتات
الحب والريد
وشتات لي جوة
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: ودقاسم)
|
محمد السني دفع الله
وبقية الشتات
تهنئه مشبعه بالاماني الحلوه
امنيات قوامها النجاح
نجاح متواصل لخلق الدهشه
والرائعون فقط هم القادرون
على خلق الدهشه
وصلت دعوتك لحضور العرض
وانا على اتم الاستعداد
وارجو الاتصال على
[email protected]
00971507480015
00971507871960
للتنسيق
واتبرع للفرقه بنصف الدخل من معرض
قوامه اربعون عملا (تلوين ) والمعرض جاهز من الان
وعليكم تحديد الموعد والتنثيق وتحديد المكان
واقترح ان يتزامن مع عرضكم المسرحي
عاطر الود
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: احمد العربي)
|
أحمد العربي
يامدهش
لك المحبة والمودة ونتمنى حضورك اليوم قبل بكرة وكل كلمة اليوم ندرسها ونرد عليك لتحضير معرضك وكلنا فرحة وامتنان لهمتك ودعمك لنا بهذه الصورة التي بثت فينا الحماسة ورفعت معنوياتنا الى السماء الرحيبة لتزداد بهجتنا بتصورك واقتراحك الايجابي الذي حركنا في الاتجاه الصحيح ونتمنى ان تكون بقربنا حتى نحقق النجاحات المتواصلة
ودي ومحبتي وســـــــــــــــــــــــــــــــــــلامي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
الاستاذ السني دفع الله
حابعد ليك شوية من موضوع البوست الرئيسي
قبل سنوات بعيدة شقيقتي وانا كان لنا شرف حضور العرض الخاص برسالة الماجستير الخاصة بك في اكاديمية الفنون بالقاهرة ، حقيقي ما زال ذلك العرض مستقر في عقلي بشكل عجيب
التحية لك ولابداعك اينما كنت
مبروك ميلاد اسم الفرقة وكل التمنيات لها بالنجاح
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: maia)
|
Quote: فيصل عباس
ابوشيبة اعلامي ضليع وضليع دي من الضلع والوجبات المدنكلة
المهم نشوف طريقة نقنع بيها الراجل يوافق بعد كلامك ده ولو دفع ليك دي حاجة تانية وبالمناسبة لو دفع انا عندي فيها 10% وبالمناسبة انا حأشتري عربة جديدةقبل العروض عشان ماتجو تقولو لحسنا الدخل واكلنا قروش الكومبارس .....
هههههههههههههههههههههههههههههههههههههههههههههههههههههههه |
كتر خيرك يالسني ياها المحرية فيك أصيل أما فيصل عباس حسابي معاهو عسير ،، ياكل كوارعي ويكدكد عضامها ويقول ماموافق على انضمامي إلا أدفع حاجة أول حاجة أدفع لي حق الكوارع وبعدين طالبني أدفع ليكم عشان أكون منسق إعلامي أهو كيه ليك السني رد عليك .
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: maia)
|
مايا
تحياتي وأشواقي
شكرا لك على هذه المجاملة الظريفة واتمنى ان نكون عند حسن ظنك بنا دائما وابدا
شكرا لتذكيرك لي بمسرحياتي في مصر ويمكن الاستفادة منها للفرقة الوليدة بدزن شك
اتمنى لك كل النجاح وتحياتي لكل الاصدقاء والاحبة ودعواتك لنسرع بالشتات للوطن
ونلتقي ودي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
احباب شتات أو الاحباب الفى شتات
حدثنى فيصل عباس
قال حدثه عماد عبدالله عن عبدالرحمن ابوشيبة بسند من كيكى
لو تفرغ ابوشيبة للتنسيق الاعلامى لن تنالوا الكوارع من يده مرة اخرى
بل حاتكون لحسة كوع وبين لحسة الكوع وكدكدة الكوارع شتان وشتات
موقف للتاريخ: عماد عبدالله مارس القمع والقهر وحمرة العين بتحريش من ود رملية
لكى يتم اختيار اسم شتات ولقد امتنع كيكى عن التصويت خوفا من عماد وارضاء لبدرالدين
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: بدر الدين الأمير)
|
Quote: حدثنى فيصل عباس
قال حدثه عماد عبدالله عن عبدالرحمن ابوشيبة بسند من كيكى
لو تفرغ ابوشيبة للتنسيق الاعلامى لن تنالوا الكوارع من يده مرة اخرى
بل حاتكون لحسة كوع وبين لحسة الكوع وكدكدة الكوارع شتان وشتات
|
ودالامير
الحالة دي كوارع ضان لو ضاقو العجالي كان اختاروني خبير اعلامي لمادة الجيلاتين الهلامي يملأ الركب ويرفع درجة الخصوبة عند الرجال ويرفع درجة الانوثة عند الجنس الناعم .
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: بدر الدين الأمير)
|
Quote: موقف للتاريخ: عماد عبدالله مارس القمع والقهر وحمرة العين بتحريش من ود رملية
لكى يتم اختيار اسم شتات ولقد امتنع كيكى عن التصويت خوفا من عماد وارضاء لبدرالدين |
انها الديمقراطية ماذا نفعل ..رغم انها كانت(كسيحة)..ورغم ان عماد عبدالله فاجاء المراقبين
وتحالف مع زعيم الليكود ودرملية...وتغيرت الخارطة الانتخابية للجلسة...
رغم ذلك الان علينا باحترام هذا الخيار والاسم الرنان(شتات).....
وسنتغزل فيه..ونكد ونجتهد لكي نجعل من فرقة شتات زهرة الزهرات..ووردة الورود
....وستكون كوارع ابوشيبة عربونا لدخوله مستشار اعلامي ..بس عليه بتجهيز (حلة)..حتي
نختبرها ونري مدي فعاليتها وبعد داك..سيذهب صوتنا(سيدا لابو شيبة...)
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عبدالكريم الامين احمد)
|
بأسم تجمع بورداب الدوحة نعلن ترحيبنا
بالمولود الجديد شتات ..والذى نعتبره جزء
من كياننا الكبير بورداب الدوحة ..ونتمنى
ان تساهم الفرقة فى دفع الحركة الثقافية والمسرحية
للسودانيين فى الدوحة والتى تعانى من الركوض ..
ونعلن من هنا دعمنا المادى والمعنوى الغير محدود
من اجل انجاح مشاريع ونشاطات الفرقة ..
معكم ..من امامكم ومن خلفكم نشد من ازركم ..
وفقكم الله وسدد خطاكم ..
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: بورداب الدوحة)
|
ودالامير
بورداب الدوحة
وكل المتحامرين في حلة ابو شيبة وكوارعه اللذيذه
لكم المحبة وموعدين بي حلل من نوع القطر قام المدنكلة تقفل العقل ةالفؤاد وتودي لي اتجاه واحد اما طلعنا فوق او شتتنا وعمانا للمسرح شتـــــاتــ
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
الف مبروك شتات ،،،
معكم دوما ،،،
وحقا هذة اكبر فرصة للتلاقى ومعا من اجل مسرح يفتح على الشارع
ومسرح يعكس وجة السودان المشرق .
ملحوظة :
اسف جدا لغيابى الفترة السابقة .
اها وافقتو لصديقى المدعو ود رملية ( زعيم الليكود )
لضمة كومبارس للفرقة ولا لسة ..
الفنان الاصيل كيكى تحياتنا ومعك باثر رجعى من على البعد
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: معاوية الطيب)
|
| Quote: الفنان الاصيل كيكى تحياتنا ومعك باثر رجعى من على البعد |
شكرا..الجميل الفتي الرهيف الشفيف معاوية....
وتضامنك يثلج السطور...ونتمني حضورك الدائم حتي تنصر اخوك ظالما او مظلوما
...انا لعلم الجميع انا والسني في جناح واحد..منذ حادث الكومبارس الشهير
الذي هو ليس للنشر...!!!!!
ويلا من اجل مسرح هادف وعميق مهموم بقضايا الوطن والانسان السوداني
الجميل.....
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عبدالكريم الامين احمد)
|
كيكي
ياخوي ما تولع المشاكل ســــــــــــــــــــــــــــــــــــاي
انا في الكورة ما كنت بلعب جناح !!
وفي الاحزاب ماعندي جناح
بس في الهــــــــــــــــــــــلال كنت جناح النقر
وحســـــــــــــــــــــــــــــــــــــــــــــــــي النقر جاااااااااااااا
يلا قومو شتتو شـــــــــــــــــــــــــــتاتــ
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
Quote: استأذنوا من صلاح شتات في الاول يا السني
عشان ما تجيبوا ليه اخت ساكت كدي في صمة خشمو
صلاح شتات
فرقة شتات |
يا أستاذ نحن عندنا النص في الفرقة دي ..
إن شاء الله نص الخروف ..
أولاً ألف مرحب بيك في المنبر معليش جات متأخرة ..
وثانياً مبروك الفرقة الجديدة ونتمنى ليكم كل التوفيق ..
كونوا بخير ..
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: معتصم دفع الله)
|
وددفع الله
أخوي في الانسانية
مقبولة منك ومافي شئ اتأخر والاخ صلاح له المحبة وليه النص وانت نص اكون المجموع كم ؟؟؟؟
عارف الاجابة ؟؟؟؟
بعد تصحى وتوعى تعال قزقز معانا بالخروف الحتجيبو
وراجينك في الافتتاح
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
زول فن
أدواح
شتات
بالله ممكن ياتو يكون أنسب ؟؟؟
ما ديكتاتورية ولا حاجة
الشغلة كانت ديمقراطية تماما ( فيها حبة عرجة كدة ) لكنها ديمقراطية ..
وشتات أعمق و أجمل
وبدر الدين بيزايد على علاقتي بكيكي .. لكن ما ح يفلح
أما ود رملية فنحن نتحالف معه مرحليا و تكتيكيا فقط ( لشي في نفس يعقوب )
مبروك يا زعيم يا سني
و منتظرين شتات المسرحية
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: Emad Abdulla)
|
سلامات
وعوافي
المدعو معاوية الطيب ينضم لشرزمة اعداء الجمال وهذا ثبت شرعا بقوله :-
Quote: ملحوظة :
اسف جدا لغيابى الفترة السابقة .
اها وافقتو لصديقى المدعو ود رملية ( زعيم الليكود )
لضمة كومبارس للفرقة ولا لسة ..
الفنان الاصيل كيكى تحياتنا ومعك باثر رجعى من على البعد |
كيكي فنان اصيل ومبدع زيي كدا يكون ما (اصيل) يكون شنو يعني (نهارية حارة)
صبرا آل كيكي ان موعدكم (جحيم ودرملية)..
انت ياريس (السني) تقول لي اتواضع بالله دي عالم يتواضعو معاها ...
درش بس ياريس وكلو زول ما فنان مايحاول يدافرني في القابي بالله (قاصد معاوية وكيكي) الوضوح سمح
عماد عبدالله :-
| Quote: أما ود رملية فنحن نتحالف معه مرحليا و تكتيكيا فقط ( لشي في نفس يعقوب ) |
والله بس اعرف يعقوب دا في نفسو شنو واكون شاكر ..
بعدين انت تضامنك انا افتكرتو مع الجمال لكن يبدو لي انو تحالف حسب متطلبات المرحلة .. ياتو مرحلة ماعارف والله ..
بدفنا ليك يا ابشنب ومابعتقك (حينئذا)
المبدع والفنان القدير عبدالرحيم ودرملية
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
شكرا ..
يا سنى .. ياسنآ ..
شتات بعمق الخاطر ..
سنضم عليها الجوانح ..
نوسدها الافئده ..
نجاوزها المسافات ..
لتصير عبير المسارح ..
وشذى الشرفات ..
سوف نطوى المسافات ..
ونكون فى الصالات ..
حضور ...
تلفنونا لننسق ..
وهاكم شعاري ...
وغدا لكم اخبارية اخرى ...
******************
*******************
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عمر عبد الخالق سعيد)
|
Quote: وستكون كوارع ابوشيبة عربونا لدخوله مستشار اعلامي ..بس عليه بتجهيز (حلة)..حتي
نختبرها ونري مدي فعاليتها وبعد داك..سيذهب صوتنا(سيدا لابو شيبة...) |
شكراً عبدالكريم يا راجل يا كريم ،، وبالمناسبة حلة الكوارع المدنكلة راح تكون في حفلة الافتتاح ونكتب على تذاكر الدخول استمتع بمشاهدة المسرحية وكدكدة الكوارع الزكية.
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: فيصل محمد خليل)
|
الاخ محمد سني دفع الله
تحياتي
مبروك و تربي في عزكم
جاينكم من الرياض لحضور العرض
هل توجد مواصلات بعد العرض ؟
عندي ليك فكرة ، خلي محمد عبد الرحمن يسمك شباك التزاكر.
والله بختكم يا ناس قطر اندية ادبية و مسارح و سينمات
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: الصادق خليفة)
|
الصادق خليفة
الف شكر ليك
نعم توجد مواصلات بعد العرض وممنوع اصطحاب الاطفال ،،
والتذاكر بنفتح لي ود عبدالرحمن شباك قدر الباب بعدين ما اجي انط واقولينا انا عايز اتفرج والم الكراسي ....
عند سينمات بترض الافلام مع هووليوود في يوم واحد ايه رايك ؟؟؟؟
والأجمل من كده عندنا لمة ،،، حنة عريس
ما فيها غير القرقراب
شمارات شـــمـــاراتـــ
من شـــتــاتــ
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
يا سنى يا فنان
سلام ومحبة عليك
ما عايز اقول ليك انشاء الله شايله إسمها
عشان تتلمو تانى وتالت هناك
جوه البلد، تشيلكم وتشيلوها، وتبقى زى ما كانت زمان
لكن انشاء الله شايله النوار ومعنكشه بالإبداع دائما
تعرف الإسم ده يا سنى نتيجة طبيعية ومقاومة قوية جدا من اللاشعور فى الناس
لحالة النوستالجيا الساكنه فى الناس البره البلد وفينا كلنا
ومزيد من الخلق الجميل
وأمنيات سمحه تانى ليكم
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: أبوذر بابكر)
|
حبيبنا المشتت الدياسـبورى..
كل فرقة ابداعية تولد فى هذا البلد يعنى اننا مازلنا بخير وان حواءنا ما زالت ولود.
اخ سنى..ماشايف موضوع العشرة دولار ده بحبحة اكتر من اللازم ؟ ماتخليها فرينى .
مع تحياتى
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: قلقو)
|
المشتت الاكبر قلقو
فكرتك حلوة جدا وسوف اعمل بها من الان
ياجماعة تغيرت الجأئزة من 10 دولارات الى فريني اب قرشين مضروب سنة 59بسك العملة واختيار سنة 59 حتى لايربطها اي واحد بأي رمز في بالو والله زهجنا من الرموز
وتحياتي وشتت فتش الفريني
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: Emad Abdulla)
|
العمدة ولاع الحرائق
تقول شـــايل كبريتك في جيبك ،،، وياتو نوع ؟؟؟؟؟؟
تذكر الكبريت ابو مفتاح وابوتمساح اها ايه رايك ماديل
انا بعني الكبريت ابو خرتيت
اذكرتها؟؟؟؟؟؟؟؟
نعم فلت شنو؟؟؟ انامولود من زمن حفروا البحر ؟؟؟؟
لا ،من زمن ابوقبورة
عليك الله امشي شوف ليك شعار ،،شفت المخرج اسماعيل جاب شعار كيف ؟؟؟شعار السرور يايما
0(( كوميديا فجــــــة )))
يلا شتت شوف لينا الشعــــــــــار شتت يافردة
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: أبوذر بابكر)
|
أبوذر بابكر
ســــــــــــــــــــــــــــــــــــــــــــــلام مـــــــحبــــــــــــــــة
لمة تكون انت فيها هي اللمة العايزنها
لك الود الصافي والأماني المزهرة
ونهديك زهر وورد
ونوعدك بمحاولتنا الجادة في ان نبدع فنا جميلا ومغايرا
ودي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: أبوذر بابكر)
|
أبوذر بابكر
ســــــــــــــــــــــــــــــــــــــــــــــلام مـــــــحبــــــــــــــــة
لمة تكون انت فيها هي اللمة العايزنها
لك الود الصافي والأماني المزهرة
ونهديك زهر وورد
ونوعدك بمحاولتنا الجادة في ان نبدع فنا جميلا ومغايرا
ودي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: bushra suleiman)
|
الأستاذ / محمد سني دفع الله
تحية الود والتجلة ...
ألف مبروك تأسيس فرقة شتات المسرحية والتي من استعراض مؤسسيها يبدو أنها ولدت بأسنانها كما يقولون ... وعيني عليكم بارده ... بس أرجو مواصلة هذا الحماس وبانتظار بواكير إنتاجكم لإثراء الساحة بالإبداع الجميل ... وكم هي عطشى لذلك ...
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
الفنان الرائع محمد السني
مبروك الشتات
Quote: كان ميلادها قبل اعوام
|
لكن ماقلته لي ما ضبحتوا ليها من الوقت داك لغاية هسه
نساهم في الخروف مافي مشكلة حمدا لله على السلامة
في انتظار المزيد والمزيد من الابداع
مودتي واحترامي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: انعام عبد الحفيظ)
|
Quote: لكن ماقلته لي ما ضبحتوا ليها من الوقت داك لغاية هسه
نساهم في الخروف مافي مشكلة حمدا لله على السلامة
|
الاخت انعام والله فيكي الخير والبركة ( الجماعة عاملين نايمين من خروف السماية ،، وأنا غايتو ماقصرت عملت ليهم ملي البطن حلة كوارع مدنكلة أسألي منها السني وبدرالدين وفيصل عباس ،، وعلى هذا الاساس أنا استحقيت لقب خال شتات لانو الخال حنيييييييييييييييييييييييييييييين .
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: عبدالرحمن عبدالله أبوشيبة)
|
ابو شيبه
تسلم يا خال شتات يا حنييييين (بكسر الحاء)
| Quote: وأنا غايتو ماقصرت عملت ليهم ملي البطن حلة كوارع مدنكلة أسألي منها السني وبدرالدين وفيصل عباس ،، وعلى هذا الاساس أنا استحقيت لقب خال شتات لانو الخال حنيييييييييييييييييييييييييييييين |
وهي ذاتها كرامة شنو دي القمتو بيها براكم دي؟
وبعدين ياخ نحنا زاتنا ما حضرنا الكوارع دي
مودتي واحترامي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: انعام عبد الحفيظ)
|
البروفسير معز بخيت
ود الجيران الطيب
امسحة لي في وشي العريض انا السمين الشين وانت الحلا مكملة
وانت ود الاصول الزين البتعفو وتسامح الهمباتة كان سرقوا منك دقيق العيش !!!!!!
عرفت انا مابقيت شاعر ليه ؟؟؟؟؟
شــــوفتا الركاكه وكلام الرحاكة ده ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟
انا غلطان بالطا وماقادراخش في مواقعك ولاقادر اوانسك ولاقادرين على التلفون غربة اخر زمن !!!!سامح ويس
ومدعو للعرض الاول وكفى !!!!!!
ود الجيران في عينك !!!!!!!!!!!!!!!!!!!!!
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
هوووووووووووووووووووووووووووووووووووووووووووووووووي
ياانعاااااااااااااااااااااااااااااااااااااااااااااااااااااااااااام
مابقى كلام المســـــــــــــــــــــــــــــــــــــــــــــــــــــــاهمة
سسسسسسسسٍٍٍٍٍـــــــــــــــــــــــــــــــــــــــــــــــــــــــــــــــريع
ولااقوليك تعالي احضري العرض وحق التذكرة مساهمتك
شتات منتظراك
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
Quote: هوووووووووووووووووووووووووووووووووووووووووووووووووي
ياانعاااااااااااااااااااااااااااااااااااااااااااااااااااااااااااام
مابقى كلام المســـــــــــــــــــــــــــــــــــــــــــــــــــــــاهمة
سسسسسسسسٍٍٍٍٍـــــــــــــــــــــــــــــــــــــــــــــــــــــــــــــــريع
ولااقوليك تعالي احضري العرض وحق التذكرة مساهمتك
شتات منتظراك |
محمد السني
غايتو انا ما جعلية لكن اظني الليلة ببقى جعلية
اها قااااااااااااااطعه التذكرة وجاية
مودتي واحترامي
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: انعام عبد الحفيظ)
|
ياالسنى ..
تربى فى (عزنا ) ..مع انو الخيانة حصلت وبعتونا
فى قصة الكوارع دى ..لكن برضو جاهزين لمايسمى
بالدعم المعنوى ..واجهزوا انتو للدعم المادى بالنسبة
لشخصى ...لانو فى اقتراح فوق من الاخ الصادق خليفة بانو
تسلمونى شباك التذاكر ..وطالما مافى معترض يبقى الاقتراح
مجاز ..بالله سرعة سرعة عايزين العروض تبدا ..عشان الواحد
بعد دا يفكر فى موضوع العرس ..
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: ghariba)
|
الاستاذالسني......... الجميل
لك و للشتات الف تحية
تمنياتي بالتوفيق
معكم قلبا و قالبا
اقترح ان يكون الشعار صورة المشاركين في عزومة كدوده
( نقد - الصادق - الترابي)
لكل بحر شاطئ و الخيال شاطئه حيث يقف الادراك
تحياتي
الصادق البوصيري
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
اعضـــــــــــاء الفرقــــــــــــــــــــــــــــــــــــة
الكــــــــــــــرام
بيان رقم (1 ))
محمد ود عبد الرحمن ، داخل على طمع،، من دلوقيييت عايز شــــبــــاك التــــزاكـــر،، وجايب ليه خبير اجنبي ادعمو من بره .. وانا بعلن من الان كل واحد اعلن عن الفلوس العندوا ،،وكلمتكم أمس ،، انو انا عايز أشتري ســـيارة ( حلوة سيارة دي ))دفع رباعي بعدين اطلع لينا واحد اقول ، ألف ريال وما أدونا يا عمدة ..
ودرملية أول برووووووووووفة غاب وأعتزر وعايز أعمل لينا فيها نجم عالمي ،، وطارح نفسو زميل تماادور والكتف بالكتف ،، لوما جيت الليلة يا ود رملية والله نكتفك ونموصك ونفكك على ذرات ،، انت ماعارف المخرج منو ؟؟ ولا شنو ؟؟؟؟؟؟؟ نجم على نفسك ياحبيبي 00 ((درجة الصوت لي الطيش ))سامع ياودرملية !!! مافي نجومية هنا ؟؟هنا في عمل !! واي اعتزار غير مقبول بتاتا،، فاهم ؟؟قال الممثل القدير ودرملية قدير ولا فولة ؟؟؟ماتخفف دمك لوعندك دم كان تجي البروفة الاولى ،،انا دعمتك وشديت من ازرك عليك ان تنصلب وتقف لجانبي كما يقف الديدبان. الديدبان الاكسر نظارتك تاني وامسح بيك الارض..
ناس عايزة ظبط وربط...كيكي جاء وساهم مساهمة فاعلة في البروفة الاولى ...تخيل كيكي . طلع ممثل منظبط،وانت يانجم ياغدير غدير ولافولة التكرار هنا لزوم الكوميديا ... لم تظهر وبالرغم من هذا التأخير الا انه رسمنا لك دورا معتبرا ولكنك لم تأتي يا ممثل ياغدير غديروووواتمها القارئ لزوم الكوميديا ......ولبقية في العدد القادم
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
سلامات
وعوافي
ياريس السني ... يئأسي عليك في داعي لي الزنقة دي امام جمهور المشاهدين ..
هسي انا تاني امش وين من المعجبين ومن الفقر الاسمو كيكي دا .. غايتو دي عصرة ذكرتني حصة التسميع في سادسة ابتدائي ..
اسمعني حقوا نحن كمبدعين تاني نناقش عدم دقة المواعيد سرا موش امام عامة الممثلين امثال كيكي ..
اسف جدا جدا واليوم باذن الله في التايم ..
بعدين ياخي انتو كلكم عارفين ظروف اخوكم والله العظيم 48 ساعة نايم فيهم ستة ساعات ايه رايك يعني دفار خدمة الزامية وكدا ..غدير والا فولة قال ....هاهاهاهاهاهاهاها
طبعا كيكي والمغرضين بيكونوا منتظرين فرصة زي دي عشان يجي يفكوا سمومم فيني وغايتو ياسني اديتم الفرصة ..
يلا ياكيكي وعماد عبدالله ومعاوية الطيب يلا كبو نبزكم هنا لانو تاني مافي فرصة زي دي
تخريمة :-
السني كتلتا ليك ليهم الدش في ايدم صاح .. لكن ديل برضو بيجو يبرطعوا ..
بعدين نتلاقاانشاء الله...
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: محمد سنى دفع الله)
|
السني
سلام
| Quote: فما رأيكم يا أعضاء ؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟؟ |
.
رأينا بعد دا بفيد ؟
كان شاورتونا من الاول كان نقول ليكم الشتات دا خلاص ختينا ليه القدرو
سموها لــــــــــــــــــيم
على كل حال تتربى في عزكم
وما تحق اسمها ان شاء الله
| |
|
|
|
|
|
|
|
|
|
Re: ســـــميناها شـــــتاتــ ،،،، (Re: الجندرية)
|
الجندرية
الفنانة الدغرية
اها كمان جابتليها صلبطة
نحن مافاتحين البوست ليهو اسبوعين وادينا الناس الفرصة جايانا انت بالاسم السمح ده بعد ما صفصفت ....
عموما حصل خير وخيره في غيرها
وشكرا لدعمك وتابعينا
الود والاحترام
| |
|
|
|
|
|
|
| |
محمد سنى دفع الله
nazar hussien
Muna Khugali
saif massad ali
فيصل عباس
عبدالكريم الامين احمد
الطيب بشير
Abdelfatah Saeed Arman
Tumadir
munswor almophtah
ودرملية
HOPEFUL
Kamel mohamad
sumah
mohmmed said ahmed
بدرالدين شنا
ودقاسم
احمد العربي
عبدالرحمن عبدالله أبوشيبة
بدر الدين الأمير
-1.jpg)
معاوية الطيب
معتصم دفع الله
Emad Abdulla
عمر عبد الخالق سعيد
فيصل محمد خليل
الصادق خليفة
أبوذر بابكر
قلقو
bushra suleiman
إدريس محمد إبراهيم
انعام عبد الحفيظ
Dr. Moiz Bakhiet
محمد عبدالرحمن
ghariba
sadiq elbusairy
الجندرية
فيس بوك
تويتر
انستقرام
يوتيوب
بنتيريست