دعواتكم لزميلنا المفكر د.الباقر العفيف بالشفاء العاجل
|
|
 ،، نــجـــااااااضــه ،،،،،
|
نجااااااضه
جانا العيد، أكملنا إستعدادنا الترحيبي بي كل النا س . فرحة العيد واللمـه وضحـك الأهـل والأصحاب ، لازال يتردد في غرفنا الخالية من العيد الفـا ت ، والفا ت فا ت في يدينو سبعة
لفا ت .وانا راسي لافي من هسي ، ودايخ سـبـعـه دوخات ، عقلي المفتوح على الخيا ل .
فاتح أبوابو لي آخر تقليعا ت ـ نجاااضه ـ
ماذا سيفعل فينا هذه المره ـ نجاااضه ـ وأختو نجاااااضه تووـ حلاة الدنيا عليها سماحة
واخوها جميل القسما ت ياسلام عليهم وهم داخلين كل بيت ماشاء الله عيني بارده
اسمهم ما مهم الأسماء.. لانو اسمهم لاينطبق على افعالهم ..مهما وضع لنا أصحاب الألسنيا ت
دلاله للأسماء ومعانيها وجمالها، ووقعها ,لن يجدوا من نبيلها سوى ــ نجااااضه ـ
زوجتي لها طول بال في التعامل مع الأطفال الحلووين ، لكن مع ـ نجاااضه ـ تـفتـح عـيونـها
وتصمت وتصن وتطير منها الكلمات , والونسة, وتقعد زي البكمه . زي الما بتعرف تتونس ..
نجاااضه ـ ونسة شنو المعاهو ..
نجاااضه ـ التقول هو واختو محرشين : زي البقولوا ليهم أسمعو هنا ما تكسرو ولا تخربو
نحن ماشين بيت عمو.. وهنا،، لاهللو ولا نططو ,عادي واقفين..هناك في بيت عمو ,كســرو وحتتتو ,
ودمروو ..متل ما عايزين .. يبتسم نجاااااضه ونجاااضه توو ـ بسمة يا حلاة الدنيا عليها
واقفين هااااديين الهدوء الذي يسبق العاصفة ، عاصفة شنو ،، قول تـســونامي ،،،
توســنامي شنو . ! بخجل لو اطلقو اسمو على ديل ..المفروض يغيروا اسم العواصف
والزلازل وحتى مقياس ريختر يبقى مقياس ، نجاااااضة ـ
بيوميكانيك ، ما طفل عادي ومعاهو نجاااضة توو ـ ديل لو اجتمعوا ممكن بي بساطة اعملو كارثة ، كارثة بت الناس دي .. ممكن تستعين البلدية بي خدماتهم ، لازالة كل المباني القديمة.
دايما ما يدخلو البيت وفي عقلهم غير البريئ خــيــته خــتريـه انا شاكي انو ديل ناس كبار لكن متنكرين في هيئة اطفال ,ياربي اكون صاح ؟ ما علينا بدخلو البيت واحد بياخد الميمنه والبت
بتاخد يسار البيت وببدوا الهجوم بدون ما يستعملو المربع الإنجليزي ده مش تقدم في الهجوم
الكاسح حالتو ابوهم ولا اشتغل في الدييش كان نقول الشغل ده شغل جينات وكده ..وهم في طريقهم الى المجد بمروا على كل زوهرية معطك معطك وكل شتلة عطرية زيطك زيطك
وكل نبته ظلية نيفك نيفك وعلى كل طاولة بها كتاب اودبدبوب فجكك فجكك..الولد بالزات تقول
أرســـطو هو بكون ارسطو لحدي ما ارص الكتب على الأرض .. لكن اول ما يمزق الوراق
ورقة ورقة بتحول الى عدو الحروف والكلمات والأرقام .. الكتاب المبزعو واكرفسو تقول فرمتو
مكنةلحمة ,عندوقدرة هو اختو على الفرم والعجن والتمزيق نادرة ..اطلعو على الكنب شئ عادي
لكن الماعادي بمشو وبجروا على حافته امهر بهلوان سيرك او متمرن في فرقة الأكروبات هاوي
بالنسبة ليهم ..وهم ماشين بنزلوا اللوحات الفنية من على الحيطة . طبعا عشان نعيد ترتيبه ، برموا كل العرايس واللعب والتحف وراهم وهم ماشين لي قدام دون النظرللخلف بي غضب او
بي فرح ، واهلهم ؟ سالتوني من اهلهم الزي الماجو معاهم ..لايهشو ولابنشو ..الساعة الجا العصير ، امسكو ليك كباية العصير واتجووها على الطاول الزجاج ،توج توج .لمن الطاولة تقول واااااي ونحن نقول وااااي من الضحك مع امهم وابوهم على خفة دم نجااااطة وتووو,,
المرة الفاتت في الموول نجاااضه لازي اختو بي عربة البضائع وتووووش في التنزيلات على
المكرونه والشعيرية نزلوها الأرض ..قبل ناس هاجوج ماجوج الجايين من سقط لقط ارتبوها
كانو راكبين عربية تاني ( غاريي ) ومتوجهين صوب هرم تنزيلات المياه الغازية نزلوها الأرض والبيبسي والكولا طرقشت والعمال طرشقوا من الزعل والموية بقت ترش في الناس مجانا ونقطة موية ما نزلت على نجاااضه ولا نجااضه توو ـ وهم بغنو في اغنية (الكولا ))
لننانسي عجرم ـ دي الدنيا حلوة...ـ الفيها نجاااضه ونجاااضه توووــ
اتمنى ان تعيدو على خير وكل سنة طيبين طيبين ــ
|
|
 
|
|
|
|
|
|
|
|
Re: ،، نــجـــااااااضــه ،،،،، (Re: بله محمد الفاضل)
|
بله
العيد سعيد عليك
اجمل الأطفال
الأشقياء برغم الشيطنة
لكنهم حلويين وممتعين
بكره الجملة البكتبوها في الشهادة
هادئ الطبع وحسن الأخلاق
جملة مكررة دون وعي وفهم
والطفل حينما يمرض تسكن حركته ولا يتكلم
النشاط والحيوية هي عنوان الطفل الصحيح ومعافى
وكما قلت نهواهم بشيطنتهم وضحكهم الصافي
وعيدك مبارك
وتحيات نجااااضه
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
السنى الفنان
عيدمبارك
عندى نجاضه لسع
فى اللفه ربنا يحفظو ويكبرو وينجضنا زى نجضاضك الحلوين
الله يحفظم ليك قول أمييين..دا من هسع ظاهرة علية
علامات النجاضه الله يسترو من نجاطوو الجاية. هسسسع
مامقصر تب الله يديهو العافية ويديكم أنتو كمان..
وبنقول ربى ماتحرم بيت من الاطفال ربى ماتحرم بيت من النجطاااط
كل عام وأنتم بخير وربنا يحفظم ليكم ويحفظكم لهم..
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
احمد معتصم الطيب
العيد مبارك عليهم
وربنا اخليك ليهم
واتربوا في عزك
ابقو نوووجاااض
ده المطلوووب
ابقو تجاااضات
ده المرفوض
اتمنى لهم النجاح والتوفيق
وانجضوك على نار دافيه
عيدك سعيد وعمرك مديد
واولاد في العافية
ولك مودتي
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Alsa7afa_30)
|
خسام الصحافة كم
ياروعة لك الحب كلو
دنيتنا الحميلة تربعت على قلوبنا
وقلوب الأطفال زمنا طويلا
ومازالت
وهي اغنية من الحان الملحن العبقري
يــوســـف حـسـن الصـــديـق
وشاركوا فيها مغنيات كانوا اطفال وقتها ولم يكونوا نجاااضات
والأن هن امهات لهم المودة والمحبة
ولك تهاني العيد ومشاعري النبيلة
وسلامي وعيد سعيد
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
والله يا سني ضحكت لما (إتفنقلت) لي ورا
| Quote: وهم في طريقهم الى المجد بمروا على كل زوهرية معطك معطك وكل شتلة عطريةزيطك زيطكوكل نبته ظلية نيفك نيفك وعلى كل طاولة بها كتاب اودبدبوب فجكك فجكك |
الموسيقى التصويرية بتاعتك دي عشتها معاك حتة حتة لحدي
ما أتخيلت نفسي قاعد في طرف الكرسي وفاقد التركيز في الونسة
ومتابع نجاااااضة ونجااااضة 2 وأعصابي بايظة!
عارف زي نوع نجااااضة ديل تقوم تجمع ليهم الحاجات الأنت ما عايزها كلها
وتختها في المخزن .. وأول ما يقولوا ليك جايين زيارة تقوم يا حبيب تدخل
الحاجات البتخاف عليها المخزن وتطلع ليهم الحاجات الأنت ما عايزها وتقعد
مُستكييين وتستمتع بالمنظر فجخك فجخك
قلت لي طرشقوا الببسي؟ هههههههه
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Amir Omer)
|
انت يابتاع الموسيقى اقعد اتنفقل لي
ةنحن هنا مفنقلين من عمايل نجاااضه
كيفك ياجميل ربنا اخلي ليك النجاااضه بتاعتك وتتربى في عزك
وحأعمل بي فكرتك دي الظاهر عليك كنت نجاااضه
ياخي دي فكرة مجنونة
من بكرة الم الحاجات المنتهية وفي امل اكسر معاهم
وتكون مشاركة مني واعلمهم خبرات جديدة
خايف اقولوا لي باعمو الحاجات دي قديمة
وهتا حيكون مع دهشتي صوت موسيقى
كككككككككنق
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Amir Omer)
|
الظاهر يالسني اخوي نجااااضة ونجاضة 2 ديل نجضوك نجاضة الجن
الاطفال صديقي العزيز هم احباب اللة والطفل عندما يكون نجيض زي نجاضة
بيكون عاوز يلفت الانتباة والناس الحولة تكون مركزة معاة وفي الغالب زي
حالة نجاااضة ازا لقت اهتمام بيكون عالم وازا لم يلقي الرعاية والمتابعة بيطلع مجرم عديل كدة ها ها ها
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Amir Omer)
|
عارف يانادر اخوي
الزي نجاااضه
ديل بعدين بكونوا هادين الطباع
وببقو مساكين لمن احننو بدون حنه
لكن زي ماندهش حسام الصحافة
وزي ما اميرو اندهش بي صورة فرويديه
اتمنى ان لايطلعو مجرمين لانو لو طلعو مجرمين
اعذبو الناس جنس عذاب
ديل مجرمين نجاااضات
دووم دووم دووم
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Mohamed Ahmaed Olyesh)
|
البشوفك بعرف تماما انك شفت ومغدده
وانك كنت نجااااضه كبير
نجاااضه من النوع الموقف الحلة على فد رجل
ولمن تلقى مرة جااااره ولده بيد واليد التانية
بتعدل بيها في التوب اللابسه باهمال واضح
لمن نص التوب جاري بالواظه
اعرف الود ده داقيهو النجاااضة
عليش
وامكن
امكن
كنت هادي الطبع
مسكين شلولخ
مودتي وعيدكم سعيد
وكل سنة طيبين طيبين
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Nader Abu Kadouk)
|
ابوكدوك
ياسلام ياصديقي سكنت بانت غرب
وصديقي حسن ابوكدوك
من اسمك بتكون عندك الف حكاية
في ذكريات الطفولة والاولاد الشياطين
لكنك جيت اليوست قايلني
بتكلم عن البنات السمحات البنجضو الزينا
نجااض
قول لي صاحبك
ديا نجاااضـة بالتا
يعني بتتقري نجااضتتون
ديك يتاء التانيث
ودي النجاااضه بالها وممكن تكتبها بالألف نهاية الكلمة
والله اعلم
المهم انت معانا ولا مع الخيانة
حتكي لينا المجاااضات العندكم ولا انت كنت نجاااضه
ولا صاحبك هو النجاااااضه
شاور عقلك ونحن منتظرين
مودتي وعيد سعيد
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
ربنا ما تحرمنا من النجاضات ديل
بالله أنا كل يوم وأنا جاي على البيت من الدوام أكون شايل هم إني كيف إتخارج منهم وألقى لي فرصة أنوم فيها بعيدا عن الضوضاء
لكن اليوم اليكونوا فيه مع خالهم علي سند أم هلا هلا تمسكني وما أقدر انوم من كترة الهدوء !!!
ده يسموه شنو يا السني طمنٍي !!
| |
|
|
|
|
|
|
|
|
|
Re: ،، نــجـــااااااضــه ،،،،، (Re: الملك)
|
الملك والناس رعية
العيد مبارك عليك النجاااضه الكبير
هو في نجاااضه قدرك
تذكر يوم الحفلة العلتوها لينا لمن خطفت الكاميرا وصورت روحك من قريب
وكمان عرضت الصورة في البوست الكان مفتوح
دي حركة ما بعملها غير واحد نجااااضه
انت ملك الجاااضين والنجاااضات
وانا لي هسي نجااضه
ومرات زوجتي بتقول لي
انت براية كبير
وحقو اعملوك شعار البري الغير برئ
عيد مبارك
ومودتي لمن تجي تاني بقصص النجاااضات
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
استاذنا الجميل ,, السني دفع الله ,,
كل سنه وانت طيب ,,
واطفالك زايدين نجاض ,,
لكن والله نجاض الاطفال ده اجمل انواع النجاض على الاطلاق ,,
مخلوقات صغيره كده وملامحم دايما مستديره ,,(عيونم مدوره وجضومم مدوره وهلم جرا)
مرات بكونوا فصيحين كده ومحرجين !! (بكسر الراء مش فتحها,هنالك فرق)
التلقائيه والصدق ده بيزيد جمالم ,,
لما يطلقوا العنان لضحكاتم , بتحس انو كلو يهون قصاد الضحكه دي ,,
وامتع شي انك تسأل ليك طفل سؤال كبير ,,
زي تعرف شنو عن الديموقراطيه مثلا !!
وتبدا الحيره تترسم في عيونو , ويمكن يقول ليك بعرف انها
ما حلوه !!
اما نوعية قطع وخرب و(مزق) دي نوعيه كمان غريبه ,,
وفعلا بيخلوني اشك انهم كبار متنكرين على هيئة اطفال !!
ربنا يحفظم على جميع هيئاتم واشكالم ,,
ويكتر لينا منهم دايما ,,
ويكتر لينا منك انت كمان ,, ومن كتابتك السمحه ,,
| |
|
|
|
|
|
|
|
|
|
Re: ،، نــجـــااااااضــه ،،،،، (Re: هاشم أحمد خلف الله)
|
هاشم هشومه
بتكون كنت نجاااضه لمن كنت صغير
مقبولة منك العيدية
واتمنى يكون قراية البوست الأول كانت فاتحة خير عليك
لكن ده ما بحلك
عايزين حكاوي النجااضات زمان
وهل كنت هادي الطباع ولا نجاااضه
يلا قوتك معانا
وعيد سعيد
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Abuelgassim Gor)
|
الدكتور الألمعي
والود الحافظ عهود المودة
والصداقة الوفا
ابوالقاسم قور
البايومكنيك دا لو شافو اصحابه كان خلوها
كيفك والعيد
كل عام وانت بالف خير
الرجاء ارفع لينا بوست عثمان عندي كلام كتير ما قلتو
اما بوست التور والكمبو تور
جايهو بالمهلة
لك مودتي
ومنتظر منك حكايات الطفولة ونجاااضات زمان
ومودتي
عيدك سعيد
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
السنى الحبيب كل يوم وانت بالف خير
نجاااااضة لكن
عارف طارق اخوى كان نجاضة بطريقة قديمة شوية
كان عنده نبلة
النبلة دى بطلع بيها فى راس البيت
والماشى كله فى غضب طارق ورحمته
وقول حريف كمان
الحلة كلها تبكى الشفع بنات واولاد (ما بيعتقش )
ولما الناس يجو يشتكو لامى منه
تفتش فى البيت ما تلقى النجاضة
اتاريهو فى راس البيت يا فردة
طبعا البشوف طارق هسى وزمان مافى اى علاقة
هسى هدوء لمن غلط
لكن يا السنى متذكر جملة سارة بت طارق اخوى
دى عندنا ما عاوزاها
ما نجاضة ؟
ياخ مشتاقين وقاسم بسلم عليك اتصل فى العيد
وانت تقول عاوز التلفون وما تتصل
هسى دى ما نجاض عديل ؟
ياخ مشتاقين عديل كده
| |
|
|
|
|
|
|
|
|
|
Re: ،، نــجـــااااااضــه ،،،،، (Re: سلمى الشيخ سلامة)
|
ياسلمى سلامة وسلامة ليك العيد
الناس البدورو نجاااضه جو جو جو جو
ورقصة للصباح
اول حاجة ما تدوري هجوم نجاااضه
انت ما اديتيني مفتاح الخط
وانت عارفة ما اعرف افك الخط إلا وعندي مفتاحو
وياستي جبت داك يالبرنامج الماخمج
اتكلم معاك بالتلفون مجانا بس الكم يورو البدفعهم بداية السبوع
يلا البوست ده حقك ليك اللحم ولينا العضم
وماتخلي نجاااضه الا وتنجضي لينا هنا
محبتي الأزلية
بعني محبة بيض ساكت
لانو ازلية من زلالي
والله اعلم
عيد مبارك
| |
|
|
|
|
|
|
|
|
|
Re: ،، نــجـــااااااضــه ،،،،، (Re: هند محمد)
|
هند العيد مبارك عليك
وكل سنة طيبين طيبين
اطفال السودان كلهم اطفالي
وتابعي معانا في العام القادم
موقعنا
آصحاب آصحاب
موقع لكل اطفال السودان في كل مكان
مودتي
وعيدكم مبارك
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
يا سلمى بت الشيخ سلامة
العيد امبارك عليك
بمناسبة نجرت السنى للاصوات فجكك فجكك فجكك
هسى البقر دا وسط الطين ماشى فجغق فجغق فجغق
هسى عليك الرسول أستاذ السنى دا ما مضيع نفسو ساآآآى تقولى لى دى سوسير؟
هها فجكك فجكك ، زعطك زعطك ، نيفك نيفك نجرت السنه الجديده
لك كل الود
قورك الكوز المعفن أبدا من أجلك حتى يرث الله الأرض وما عليها
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Abuelgassim Gor)
|
ابو القاسم قور
شايف سلمى لسه ما دخلت ليك
لها الندخل لبي جوة البيت
شايف بقرك ديل والجو الجميل ده
والطبيعة الساحرة دي
الم ليك فيهم نجااضه
الا البقر ده كلو يوحل في الطين دة
ما تقول لي البقر عندو حوافر ولا شنو ما عارف
والله نجااضه اسك ليك البقر ده كلو زي اشهر يقاري عندكم
وادخل بي البقر الفجقيبه
اخلي ليك البقر اوحل فوجبوخ فوجبو خ
وتجي تفج البقر من الطين اوحل تاني
لانو نجاااضه بكون اختار الحتة االميعه زي اشطر مهندس زراعي زلا بتاع مساحة
والبقر عشان اطلع تاني الا احي الصيف والأرض تجف حتين اطلع
ده نحاااضه
تحسبو لعب
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
استاذنا السنى سلامات
كل سنة و انت طيب و ربنا يخليهم ليك يكبروا و يبقوا عاقلين و هادئين
الاطفال بى نجاضم نعمة كبيرة من ربنا و ان شالله ربنا ما يحرم زول منها
جريهم و حركتم و جنهم هو روح البيت و احلى حاجة فى الدنيا
انك تصحى الصباح على فرفشتم و حركاتم المجنونة ربنا يخليهم ليك
طبعا اختك كانت نجاضة من الطراز الاول و بينى و بينك الطفولة دى لو
بقت فيها نجاض شن طعما؟؟؟
| |
|
|
|
|
|
|
|
|
|
Re: ،، نــجـــااااااضــه ،،،،، (Re: نهلة عمر)
|
نهلة عمر
العيد مبارك عليك
أجمل ما في الوجود الأطفال
قلت لي لمن كنت صغيرة
كنتي نجاااضه
ورينا العينة للشقاوة
وكيف كاتن الحال
لازم نعرف
عشان نرد ليك
نعرف كيف كان طعم
نجاااضتك
مودتي ومنتظرين
| |
|
|
|
|
|
|
|
|
|
Re: ،، نــجـــااااااضــه ،،،،، (Re: طلال عفيفي)
|
استاذ السنى
عيد مبارك
الله يديك العافيه ويطول عمرك
وتحضر جديد جديدن يا سنى
_
يا سنى فى واحد نجاضة
الصباح بدرى حبوبتو ماتت
والناس تبكى .
والشافع النجاضة كان ببكى
وبقول يمكن حبوبتى دست قروشى وين ؟
صاحبك كان ممسك حبوبتو القروش . واى واى
الليلة يا قروشى .
الليلة يا قروشى هوى ..
يا زول صاحبك عمل عمايل عجيبه وكان محتج احتجاج
شديد على المصارى الما بتتم طراده
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Osman Musa)
|
عثمان موسى
الولد النجاااضه
الظاهر عليك انت ود حبوبتك
ربنا ارحم حبوباتنا الحلوات
وحجايات
مهما كان الأطفال نجااضات
لكن ليهم العذر في جهلتم
اجكي لينا عن نجاااضه
من النجااضات الحولكم وما بكلم زول
ليك المحبة
وعيد سعيد
| |
|
|
|
|
|
|
|
|
|
Re: ،، نــجـــااااااضــه ،،،،، (Re: د.محمد حسن)
|
د. محمد حسن
التحية والمودة
عيد مبارك
زي ما قلت ديل
الهكسوس
لكن فكرة امير عمر
نخبي كل الكنوز
وبعد رحيل الهكسوس
نطلع المخبى ونكون حافظنا عليهو
وارجع جيش الهكسوس بدون نصر ولا خسائر
وبدون غنائم
مودتي
وعيد سعيد
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
الاخ الرائع ابو النجاضات ، كل عام وانت وهم ومن يعز عليكم بالف خير وسعادة ..... اخى طبعا التسوى تلقى فما عليك إلا ان( تسكت ساكت ) لانك( نجضت )اهلك فحان دورك ، اللهم لا شماته ، والله يا ود السنى ما عليك إلا ان تاتى الى دخان عشان تشوف النجاض الكلكى و لا بس ملكى كمان .... بعدها سوف تحمد الله على النسائم التى بطرفك ، اسال الله لهما الحفظ والتوفيق ، اخى الكريم حصنهم صباح مساء ، وربى ما تحرم بيت من الاطفال .
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
هجو الأقرع
العيد مبارك عليكم
وكل عام والجميع بخير
قلت لي كيف انا كنت نجااضه
تجااضة الشوية دي
اتا كنت تيتان زي مابقول وانا صغير
اول حاجة ما كنت بعرف اتكلم لحدي عمري 8 سنوات
بتصدق واول ماعرفتالكلام وما سكت لليلة
بقيت براي ..صغير وكبير براي
وبجي دخان عشان اقابل النجااااضات
ما يطلعو نجااضات من دخان ساكت
لك المحبة والسلام
وكل سنة طيبين طيبين
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
اختا لينا كانت جنها وجن الأطفال النجاااضات
بتصبر على الواحد منهم مرة ومرتين
لكن التالته بتنبهو ولا بتشتغل بي امو ولا حاجة
في امهات باردات لابهشن لابنشن
التجاااضه في عوسو وهي تعاين
اها اختنا دي ما كملت كل التحذيرات
بتقوم تمسك النجاااضه
وتقول ليهو تعال ياحبيبي نديك حلاوة
ونجاااضة بمشي معاها
اها مع الحلاوة تديهو ليك قرصة
لمن اصرخ والحلاوة تبقى ليهو مسيخة
وتقعد بعد داك مالك ياحبيبي
في شي قرصك الملة قرصتك
ونجاااضة بي كده نضنمنو اقعد زي
نص ساعة بدون مشاكل
لكن في نجاااضه مش لو قرصتو
بوقف حال البيت على فد رجل
| |
|
|
|
|
|
|
|
|
 Re: ،، نــجـــااااااضــه ،،،،، (Re: محمد سنى دفع الله)
|
ياخي دي نجااااضه بي مزاااج ..
طاااخ ..
طيييخ ..
ضربو دقشو رماااه ..
الأولاد الصغار ديل عندي ليهم طريقه حلوة شديد في التعامل لمن تغيظني أنا زاتو ..
عشان كده ببقو أصحابي من صغار لغاية ما يبقوا كبار ..
كل سنة وانت طيب يا ود أبوي ..
وإن شاء الله كده زي ما عايز ..
| |
|
|
|
|
|
|
|
|
|
Re: ،، نــجـــااااااضــه ،،،،، (Re: معتصم دفع الله)
|
العزيز السني - العيد مبارك عليك
كان العيد .. وكنت اسير صوب بيت خالي محمد ومعي نصر
الدين حمد وكنا في التاسعة نمني النفس بقروش زوارة
الفكي الأمين التي كانت تضج بالعصاير والعنكولويب
والفول السمح (كملو وشالو) .. وفي بعض أطراف الزيارة
أطفال يلعبون القمار ونجاضات كتار .. أصبح على بعد
أمتار من البيت ونحن حالقين جبنة جديدة فالحلاقة كاريه
كانت بالقروش ولم يكن م لزوم تضييع القروش فيما لا طائل
من ورائه حسب قناعات أهل ذاك الزمان تكرد الشعر مرة
كل ثلاثة شهور والسلام ..
وجدنا عبدو محمد نايل 8 سنوات وكان ولد نجاضة يمسك
حجرا بيده وقال لينا بدون سبب أمشوا من جنب بيتنا..
فسخرنا منه ولم نكترث وخطونا نحوه قاصدين دار خالي
محمد الذي كان يدخل يده في جيبه ويوزع على الأطفال يوم
العيد توزيع من لا يخشى الفقر .. لكن عبدو النجاضة تراجع
خطوتين وفكه فينا الحجر .. بحركة لا شعورية زغت من الحجر
فأصاب نصرالدين وطار شلال الدم من صلعة ملساء .. فلا عيدية
ولا زوارة ولا طمأنينة مع النجاضات وتبقى الذكريات الحميمة
| |
|
|
|
|
|
|
|
|
|
Re: ،، نــجـــااااااضــه ،،،،، (Re: معتصم دفع الله)
|
معتصم الظريف
ماوريتنا الطريقة الخاصة بتاعتك
في التعامل مع النجاااضات
والا طاااخ طووووخ
نشربك الزي ما حصل شي
بالله يامعتصم
احكي لينا عن شقاوتك ونجيضك لي بيتكم
ولا جيكم يعني داير تثنعني
انك كنت هادي الطبع حسن الأخلاق
ده بعدك
منتظرينك
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
أستاذ السنى فى داعى للاحراج؟
ولله النجاض كان بى قرونو شى فى البيت و شى فى المدرسة و قصص
حبوبتى الله يرحما كانت جنها كل ما تشوفنى تقول لى يا بت جيبى موية
و أنا الموضوع ده كان موترنى خالص خالص
قمت يوم و على حسب البراءة و كدة قلت حبوبة دى انا اديها درس تانى اصلها ما ترسلنى لى موية
أستنيتا لمن نادتنى كالعادة يا بت جيبى موية
مشيت جبت كباية استيل و هاك يا شطة و يا فلفل و اديتا المويا طبعا عشان ما تكتشفا من لونا اذا
وديتا فى كباية قزاز(شفت التخطيط ده محبوك كيف؟)
ان شاء الله جرعة موية واحدة و العلقة الاخدتها للآن ما نسيتا و هذا غيض من فيض
اها لقيت طعم النجاض كيف (شطو و فلفل اسود ما بنبلع صاح؟)
تحياتى لكل النجاضين و أقول ليهم نجضو ساكت بكرة كلها تبقى ذكريات
| |
|
|
|
|
|
|
|
|
|
Re: ،، نــجـــااااااضــه ،،،،، (Re: نهلة عمر)
|
لكن يانهلة
كنت نجاااضه
موقفة البيت على فد رجل
وامكن اكون ما بقغد زاتوو مش .؟؟
كلامك صاح الزول النجاااضه وهو صغير
بكون عندو شخصيتين
واحدة نجاااضه والتانيه هدايييييه
عندي اخوي حسان في البيت هاديييي
واخوي اسامة في البيت نجاااااضه
لمن اخوي سعد مسى المدرسة سألو الناظر
انت ياولد زي حسان ولا اسامة؟؟؟
فكر واجاب بكل هدؤ زي خسان
فرد الناظر اطلع برة برة برة ررررررررة
وكان حسان نجااااااضه في المدرسة
لكنانت بالغتي في الشطه شطه دي فوتي فيها الوراك والقدامك شطه
واخذ يردد شطه شطه لامن جنه
فعلا كنت نجاااضه
| |
|
|
|
|
|
|
|
|
|
Re: ،، نــجـــااااااضــه ،،،،، (Re: إيمان صالح)
|
ايمان صالح
العيد سعيد
كل الأماني الطيبة
عارفة المتعة في الكتابة بالبنفسج مش
من اجمل الألوان
والناس البتكتب بالبنفسج هم روح الفرح
وين حكاياتك ورواياتك عن النجاااضين
منتظرين
مودتي وعيدك سعيد
| |
|
|
|
|
|
|
|
|
 Re: ،، نــجـــااااااضــه ،،،،، (Re: محمد سنى دفع الله)
|
Quote: بالله يامعتصم
احكي لينا عن شقاوتك ونجيضك لي بيتكم
ولا جيكم يعني داير تثنعني
انك كنت هادي الطبع حسن الأخلاق
ده بعدك |
والله يا ودأبوي أخوك كان منجض ليك البيت كلو زي الما حصل حاجة ..
وكنت كاواي شديييد وغيااااظ خلي الطبق مستور ..
ود أخوي الصغير زول نجاااض خلاس دا عنده جرس معلقو لناس البيت طوالي ..
واي حاجه عنده بس طقشك بردلب طوالي ..
يوم قلت ليهو ياخي خليك زول كويس وهادي وما تعمل جوطة في البيت ..
وكان عملت اي حاجة انا بزعل منك وبقعد ألاعبه ليك وأونسه ..
أها من ما أجي داخل بعمل فيها رايح وزول كويس ..
وبعد ما أمشي يواصل مسلسل النجاض المعتاد بس دا بعد نزل الجرس الداقيهو ليهم وهدا شويه ..
غايتو هسي ماشي كويس ودا كلو خايف من زعلي منو
..
.
| |
|
|
|
|
|
|
|
|
|
Re: ،، نــجـــااااااضــه ،،،،، (Re: معتصم دفع الله)
|
..
. انجضضض
. عيون عيون عندك
. يا انجضضض
.الحلوووين
..
. بعد اذن الاساتذه الاصدقاء
. الشاعر والفنان
..
. رايك شنو فى النجاضضضين الكبااار!!
.
. كم ممتع هذا الحكى ..
. يا حليل مشروعنا داك .. وبرنامج يومى كامل
. تشرف عليه انت عن احبابك الاطفال
.. المحرومين عن الرعايه البرامجيه ّّ!!!
..
. لك الورد..المدام والضيوف
.
| |
|
|
|
|
|
|
|
|
|
Re: ،، نــجـــااااااضــه ،،،،، (Re: khatab)
|
خطاب
يايها الرفيق الحالم
كل لجظة من حياتنا
كانت بقدر امالنا واحلامنا
لم نحقق سوى الأعمال الجميلة لم ولن نندم
على ما فعلناه
لاننا لم نعمل سوى الأشيا الجميلة
خطاب ما اجمل الأحلام
وين حلمكم بالفضائية
وين احلامكم
احلم
كل حلم في يوم بصبح خقيقة
| |
|
|
|
|
|
|
|
|
|
Re: ،، نــجـــااااااضــه ،،،،، (Re: kamal ali)
|
كمال علي
نجاااضه من امدرمان
منجض الناس صغير وكبير
مرحب بيك في دنيا النجااااضات
العجرماب ديل بطن من العجرباب
وديل الكانو بعملو حلاىة المولد زمان
اولاد عجرم وعجرب اها ناس عجرب قعدوفي بلادنا وعجرم ساق اولادوا وطفش
ناس بقولو رجع الريف المصري وناس بقولوا دقش افريقيا
لمن ظهرت نانسي وعرفنا انو جدها بعد وصل مصر قطع البحر ومشى لبنان
دي فصة الغجرباب والعجرماب
احبك عجربي وعجمي
واحب امدرمان
| |
|
|
|
|
|
|
|
|
|
Re: ،، نــجـــااااااضــه ،،،،، (Re: تماضر الخنساء حمزه)
|
البت النجاااضه
الخنساء
اخت الرشيد
الرشيد منو ؟انا عارف
كلامك صاح
طيب ما تنفذي لمي نجاااضاتك
وانا برسل ليك نجاااضاتتي
اخليهم اعملوا الماقدروا عليهو الأولين
لكن اقدروا نجااضاتك انجضوا النجاااضات المنجضضننا زي ما نجاااضاتي
نجضيين المنجضنهم
تجي تناجضيني وانا اناااجضك
المناجضة ولا الرفيق النجاااض
مودتي
| |
|
|
|
|
|
|
|
|
 Re: ،، نــجـــااااااضــه ،،،،، (Re: محمد سنى دفع الله)
|
يا ودأبوي خلاس خليت لي البوست دا ..
عارف كده ح أنجض ليك حنانو زاتو
شقاوة الصغر دي لذيذة شديد وأهلنا زمان كانو حنان ..
وأخوك تربية حبوبات يعني يدقونا بي جاي تقوم تجري لي حبوبتك تعمل ليك نظام ترضيات طوالي ونهير للكبار يا أولاد خلو الشفع ديل في حالهم ..
أها لما يكون في زيارات خاصه يقروا علينا فروضنا والتوصيات واللاذي منو، في اليوم داك بنكون مؤدبين والواحد مكتف يديهو تقول في مدرسة وكان قمت دقشت ليك كباية ساي قبل ما تنكسر تلقى مليون عين بتحمر ليك 
في حاجة ما تفوت عليّ وعليك انو أطفال زمان كانت مساحة الحرية مفتوحه ليهم بمعني انو أي مكان ملعب لهم واللعبات الشعبية شايعه في الوقت داك لذلك كنا بنشغل وقتنا بيها وأي بيت في الحلة حقك وفي المساء بتكون مع حبوباتك وونسات فاطمة السمحة وحجاوي الزمن السمح ..
وبرضو الشقاوة والنجاضه كانت مكتوبه لينا ..
..
.
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
استاذ/ السني
كل عام وانت بالف خير وكل سنة وانت متالق
وحسب خبرتي الممتدة لاكثر من 12 عام مع النجاضات
نجاضات البيت مابيكونو نجاضات في البيت الا اذا
كان في نجاضات في زيارة لاهل البيت في الحالة دي بتكون
المنافسة شديد بين النجاضات الداخلية والخارجية
الكل بيحاول يثبت مهاراتو وخبراتو في رفع كثافة الام
والاب مع العلم بان النجاضة الداخلية في وجود النجاضة الخارجية
مابتقدر تعمل عليها كونترول حافظا علي مشاعر والد ووالدة النجاضات
الخارجية .
الله يخلي ليك النجاضات الداخلية ويكتر ليك الخارجية عشان نلقاك في سوق
واقف ماشي وبتقول واي النجاضة جننتني .
وكل عام والنجاجيض بخير
ابومناع
| |
|
|
|
|
|
|
|
|
|
Re: ،، نــجـــااااااضــه ،،،،، (Re: يسرى صلاح)
|
الاخ العزيز السنى
كل سنه وانت طيب وعيد مبارك وكل عام كل النجاضات بخير. اليك هؤلاء النجاضات الذين نجضونا نجاض الله اكبر حمودى وبرهووم
هذا البهووم له من النجاض مايدهش ويصيبك بالذهول فله مواقف مع والدته عجيبه وله عداء خاص مع التسريحه وكل مايجده بها يطرحه
ارضا وخمجك خمجك من عطور وكريمات وادوات زينه فجغ شديد وذات يقوم قام باكل احد الكريمات وهااك ياجرى ويامستشفى وغسيل
معده وعييييك. اما حمودى فهو قد سلم الرايه لى برهووم واصبح اقل نجاضا منه.
اللهم احفظهم جميعا واحفظ كل النجاضات وكل عام والجميع بخير.
| |
|
|
|
|
|
|
|
|
|
Re: ،، نــجـــااااااضــه ،،،،، (Re: ضحيه ابراهيم)
|
النجاااضه
ضحية
انت زاتك ما نجااااضه
اولا برهومي طبعا حنفرد ليهو
بوست لي وحدو
من حكاياتو العجيبة
هووومي طفل متعدد المواهب
ويبحث عن هوايتو التي سوف تقوده الى المستقبل
فهو باحث في كل شي يجده امامه
متجول مثل والده في كل الطرق
يمكن ان يمشي من اول حديقة البدع الى القرية التراثية
دون خوف او وجل
شجاع لايهاب
ده نجااضه بوعي
اجكي لنا
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
طبعا المغتربين مصنفين
نسوان سمان ورجال كضابين شفع قليلين ادب
الجزئية الاخيرة دى انتة الدايرة مش هههههههههههههههههههههههههههههههههههههههههههههههههه
يوم يا السنى مشيت بيت ناس اللة يجبر خاطرهم وقاعد فى الصالون والصالون ملان رجال جو اتنين نجاضات كدة
واحد سلم على الناس كلهم والتانى جانى عديل وقف جنبى قلت الود معجب او يمكن بشبة عمو بعد شوية اخد دقيقة دقيقتين
وبدا يقرصنى فى يدى وانا ازحها يقرص التانية ازحها اودى يدينى وراء يلف المهم الود نجضنى نجاض قبور
وقرصتو حارة جدا جدا وكل مرة ابوهو يقول ليهو يا ود عيب دى بتدينى كدة دقيقتين راحة من القريص
بعدة بيبداء بنشاط الوقفة المهم كل مرة اقول ليهو انت ما تمشى تلعب برة عندهم عجلة سمحة يقول لى لا ما بمشى
طيب امشى جيب لى موية لا ما بجيب ......المهم لعبنى دو تريس مع انو اول يوم يشوفنى ..........................
فى النهاية مشيت العربية وقعدتة فيها وقفلت القزاز وشغلت المكيف واستنيت لحى ما اختى وزوجها طلعو .....
شفت النجاض دة لاقاك قبال كدة .....واللة لو نجاض كلام ساكت بقبل بيهو يا السنى اخوى
| |
|
|
|
|
|
|
|
|
|
Re: ،، نــجـــااااااضــه ،،،،، (Re: عمر سعد)
|
بالغاتا فوككا
ياعمر سعد دي قولة الدكتور : عوض دكام
اتحاشيتها تماما
لكن انت ختيتا بالعرض
غايتو ربنا اسامحك هي في العموم
وزي مابقول عوض دكام كلام مجرد كلام ياعوض دكام
يعني معظم المغتربين وليس كلهم
مش قاصد كده..
اما النجاااضات ديل
واصل لينا قصصهم
ديل فعلا النجاااضات الجد جد
قلت لي قفلوك في العربية
والليلة يالسايق العربية
وبقية الأعنيةالخ
| |
|
|
|
|
|
|
|
|
|
Re: ،، نــجـــااااااضــه ،،،،، (Re: صلاح شكوكو)
|
Quote: الإبن والبنت وبالتناوب يمرون أمامي
فيرشفون ( بخشومهم ) مباشرا من الكأس والأب كأنه في شاشة التلفاز
لا ( يهش ولا تنش ) .. والغريب أنه بعد برهة قال لي :-
ما تشرب يازول مالك ؟؟ |
شكوكو والله ضحكتني كما لم أضحك من قبل هههههه
المنظر قدامي كأني شايفوا وشايف شكلك مستغرب
من الحاصل .. ودا الظاهر عليك وأنت بتحكي هسي
| Quote: زرت أسرة ربها مهندس في البترول |
Quote: قدم لي كوب من العصير لا أدري
أي نوع من العصير كان هو |
بالتأكيد عصير "بترول"
يديك العافية
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Amir Omer)
|
العزيز محمد السني
والمتداخلون
كل عام وانتم بخير
ممكن البوست ده (ينط) خطوة لي ق دا م
ويكون الكلام عن
هل التعامل مع الاطفال
(بالدق والتنهير او النهير )
ام بالللامبالاة
ام بي منطق
يعني تعاملهم حسب الظرف المعين
ممكن اخصائيي تربية الاطفال يساهمو في البوست
ده وتديه شوية نكهة علمية كده
وللا شنو ؟
مودتي
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Mohamed Idris)
|
محمد ادريس
التحيات النواضر
العيد سعيد عليك
ممكن البوست انط الف خطوة
بالمناسبة البوست ده اتعمل مخصوص عشان
نتكلم عن التربية وبالذات في الغربة
وكيف بتحصل التحولات
التربية من اصعب الفنون وكعلم صعب التعامل معها دون
التعامل معها بأبداع ..
لابد لعلماء النفس والمهتمين من التدخل في هذا البوست
ومدنا بمقترحاتهم وتوجيهنا التوجيه السليم
شكرا لك يامحمد ادريس
وتمنى من المهتمين بالدراسات الحديثة في التربية
ان يساعدونا
والبوست مفتوح لكم
| |
|
|
|
|
|
|
|
|
|
Re: ،، نــجـــااااااضــه ،،،،، (Re: Amir Omer)
|
ياأمير ويا شكوكو
قلت ليكم البوست ده بتاعكم
انا ادوني فيهو خلو قلم
ورفضت
كلمونا عن طفولتكم انتو
كيف كنتو نجاااضات
وبعدين شوفو لينا النجاااضات التانين
لانو ماشين على كلام ادريس
واقتراحو بدراسة الحالة
والبحث عن اسباب التنجيض لينا
| |
|
|
|
|
|
|
|
|
|
Re: ،، نــجـــااااااضــه ،،،،، (Re: صلاح شكوكو)
|
اخي وحبيبي
صلاح شكوكو
النجاااااضه عندك
ده بنسميهو ادب المدائح
فعلا ياصديقي
المصطلح نجاااضة بقى ليهو علاقة
بي قلة الأدبوانت غرف انو بقى في اباء وامهات فاقد تربوي كتير
وعاملين فيها بتاعين تربية حديثة
والدلع ياهو الدلع ..
وجميل منك وانت تعرض لنا نموذجين
واحد سلبي والتاني إجابي
شكرا لك وواصل معانا والبوست ملكك
مودتي
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
....
Amir Omer
Quote: شكوكو والله ضحكتني كما لم أضحك من قبل هههههه
المنظر قدامي كأني شايفوا وشايف شكلك مستغرب
من الحاصل .. ودا الظاهر عليك وأنت بتحكي هسي |
الأمير ( أمير عمر )
لك التحية والود
والله لم أدرى وقتها أأضحك أم أبكي ..
كان موقفا دراميا درماتيكيا بكل ما تحمله
الكلمة من وصوف .. في غياب تام أو تغييب تام
للإحساس والشعور ..
ولك ألف حق في أن تضحك كما يحلو لك وأن تستغرب ما وسعك
وأنت مجرد قاريء للموقف ... إذن كيف تراني وأنا جزء من
واقع الحال الكئيب الذي أحمله كلية للوالدين اللامبالين
بما يدور حولهم .. والذين ضاقت أعينهم عن رؤية الموقف بكلياته
فقد غيبوا وعيهم بمقولة (( الحرية اللا محدودة للأطفال ))
دون أن يبصروهم بحدود المتاح واللا متاح .. المعقول واللا معقول
نسوا أن في اللغة كلمة إسمها (( لا )) وتجاوزها يعني خطا أحمرا
نسوا كل ذلك معتقدين أن تربيتهم كانت على نحو غير سوي فتمردوا
على أنفسهم حتى ولد جيل فوضوي لا حدود للمعقول عنده .. حتى صاروا
في نظر الآخرين مجموعة من المتخلفين .. أو القادمين من كوكب غير مأهول
هل تراني كنت سأشرب ؟؟
ولو شربت كيف كنت سأوصل رسالتي لهم ؟؟
ولو شربت مجاملة أو حياءا كيف كان سيكون موقفي ؟؟
رغم إمتناعي .. هل تراهم فهموا شيئا ؟؟
وإن فهموا ماذا هم فاعلون ؟؟
هل تراهم قادرين على إحياء بعض خلاياهم الميتة ؟؟
(( خليها في سرك .. وربك يلطف ))
...
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
جارتنا عندها وبد بتها نجاضة النجاضة
صاحبنا من أول يوم في الروضة حشر ليهو مصاصة نبق في نخرة شافعة وهاك يا ضرب كل يوم ضارب ليهو جملة شفع وأصبح سفاح الروضة . . بعد كمين يوم كده المديرة إستغنت وقررت تديهو الصالح العام . . الأم جابت الأجاويد وجات وهاك يا تحانيس والسيدة المديرة رضت تحت الضغط قالت خلاص يرجع . . المرة قامت تودع الأم والأجاويد أتاريهو أثناء المفاوضات النجاضة كان بيربط في التوب في رجل الكرسي ووردلب جات في الدايمة .. ولي يوم الليلة نجاضة تاني ما دخل روضة القلم .
| |
|
|
|
|
|
|
|
|
|
Re: ،، نــجـــااااااضــه ،،،،، (Re: tarig almakki)
|
لعوالم نجااضة حضرنا
وتحياتي لكل الاطفال النجاض مثل صديقنا نجضنا...
وجاييك يا السني ببنجوس النجيض نجاضة تحير الما بتحير
بنجوس شليق وحركتو ماشاء الله زي مروحة التربيزة وكلو كلو لا يرسي علي بر
واربعة وعشرين ساعة مدور الا في لحظات النوم واللحظات التي يود ان يلعب بها في مزاجه...
كانت امه دعوه الي الذهاب معها اي الغيط والحواشة
ولكن توفقت عندما لاحظت ان نجاااضة (بنجوس) بنجض التيراب نجاض قبورة
وبدفنو كلو في حفرة واحدة وبعمل فيها رائح
ايضا تخصص نجاضة في سرقة هدوم الذين يسبحون في الترعة(بدسها زي السلامة عليكم ويعمل فيها نائم)...
منع من الحضور اي الحواشات وضرب
ولكن وقبل وصول الجميع الي غيط الحواشات يكون( بنجوس) قد سبقهم وبكون منتظرهم في شجرة مطرفة
ونعود
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
Quote: واقتراحو بدراسة الحالة
والبحث عن اسباب التنجيض لينا |
أخوي السني
لك التحية
واصل سردك الممتع .. وبعدين لما الناس تكتر
ح نفتح باب الإقتراحات .. وبالمناسبة هناك
كثير مما يمكن أن يقال ..
واصل بس ولم لينا أكبر عدد من النجاضات والمنجضين
والمنجضات ..
--------
شكرا لجعلنا أهل دار
--------
| |
|
|
|
|
|
|
|
|
|
Re: ،، نــجـــااااااضــه ،،،،، (Re: صلاح شكوكو)
|
لكن الخواجات
النجاااضات ما عندهم
يعني النجااضين بتساووا
اذا كانو عجم ولا عرب
اذا كانو لاتين ولا سكسون
اسيويين ولا رومان
النجاااضه ياهو النجاااضه
اديك العافية
واغطيك خليت كل الخلايا فيني تهتز من القرقراب
مودتي وزيدنا من نجاااضين برة
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
صديقي محمد سني
تحياتي
نحن غايتو عيدنا عينة وخروفنا عينتين!
ابدا ليك بالخروف
طبعا هنا الممنوعات في الذبح كثيرة جدا
مشيت اشتريت خروف من مدينة اسمها "اوبن"
طبعا خروف بلا راس ولا جلد !!
يعني مذبوح جاهز
اها ومشيت اشتريت حاجات الكمونية من منطقة اخرى اسمها قرانفل
من قرانفل يا عزيزي جبنا الكرشة والكلاوي
حكينا راسنا في محطة القطر وقلنا يارب الخروف ده ناقص شنو
اها اتذكرنا القلب وابوالدمام والمصارين
ركبنا القطر على مدينة تانية
جبنا قلب الخروف
واتصلنا المهاجرين القدام شويةوسألناهم:
يا خوانا وين نلقى المصارين والحاجات التانية
قالوا لينا اقنعو نحن من ما مجينا البلد دي ما سمعنا باع
امشو بي حاجاتكم الجبتوها دي
شفت خروفنا بانوراما بس
وكل سنة وانت طيب
| |
|
|
|
|
|
|
|
|
|
Re: ،، نــجـــااااااضــه ،،،،، (Re: خالد العبيد)
|
خالد العبيد
لكن الخرووف ماعندكم
يعني مسافر ليك يوم ونص عشان ترجع بي نص خروف
لكن ما خروف صحي
اصلوا الكمونية غير تزيد ليك الكرسترول ما بتفيدك
والحمة السمينة غير ترفع عليك القاوت مابتنفعك
والكرشة وام فتفت غير تفك اللعب وتجهجهك ما بتضيف شي
اها ياخوي احسن ليك الخروف الصحي الجيتو ده
ومنتظرين منك النجاااضات بتاعين استراليا
مودتي وعيدك سعيد
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
Quote: لكن الخواجات
النجاااضات ما عندهم
يعني النجااضين بتساووا
اذا كانو عجم ولا عرب
|
طبعا يالسني دي نجاضة خواجية (( درامية ))
بغرض التصوير .. لأن عملية تصوير فيلم قصير
للطفل يمكن أن يدر دخلا للأسرة ..
شايف الخسائر قدر شنو ؟؟
جكوك تتكسر ..
كراسي جلوس تتوسخ ..
وحمامات تتشبط ..
بس نجاضاتنا على الهواء
...
| |
|
|
|
|
|
|
|
|
|
Re: ،، نــجـــااااااضــه ،،،،، (Re: صلاح شكوكو)
|
السنى كل سنه وأنت طيب وأولادك بخير وربنا يخلى الأطفال
إن شاء الله وإدى أهلهم طول البال وإدى أصحابهم الصبر
وإن شاء الله الجاتهم فى العده ربك يعوضهم فيها ويكفيهم
صدمات السكرى والضغط من الأرضى جو وجوى أرض وبحرفه
وحرفيه عاليه وربنا يداوم الخوه وكل سنه وإنت وكل
الناس بألف خير والله دا موضوع فعلا بيحتاج لإنقاذ
وبيحتاج لماسايا وأركان حرب أشداء حتى يأتى أكله
ولك السلام
منصور
| |
|
|
|
|
|
|
|
|
|
Re: ،، نــجـــااااااضــه ،،،،، (Re: محمد سنى دفع الله)
|
منصور المفتاح
يايها الأديب الفاهم
طبعا لمن كنت صغير
شكلك من ادبك وشكلك الهادي
وطولة بالك
وحكمتك
واضح جدا
انك كنت
نجااااضة لامن غلط
ظاهر عليك من الأطفال الكانو بوقفو الفريق على فد رجل
وما خالي طيرة في الهوا ما صيدتها
ولا حيوان ما سكيتو
ولا بني ادم ما دقيتو
بالله ما تحرمنا من ذكرياتك البديعة والغنية بالمواقف
ادينا شوية كل الأجيال الجديدة تستفيد وتعتير
من طفولتك النجاااضه
نجضناااااااااا
| |
|
|
|
|
|
|
| |
محمد سنى دفع الله
Muna Khugali
بله محمد الفاضل
احمد معتصم الطيب
Alsa7afa_30
Amir Omer
نادر السوداني
Mohamed Ahmaed Olyesh
الملك
"
Nader Abu Kadouk
Abuelgassim Gor
هاشم أحمد خلف الله
سلمى الشيخ سلامة
هند محمد
نهلة عمر
د.محمد حسن
طلال عفيفي
Osman Musa
هجو الأقرع
معتصم دفع الله
Mohamed Abdelgaleel
bushra suleiman
إيمان صالح
khatab
kamal ali
احمد العربي
ضحيه ابراهيم
عمر سعد
صلاح شكوكو
Mohamed Idris
tarig almakki
عبدالكريم الامين احمد
خالد العبيد
munswor almophtah
فيس بوك
تويتر
انستقرام
يوتيوب
بنتيريست