|
دعواتكم لزميلنا المفكر د.الباقر العفيف بالشفاء العاجل
|
|
 Re: دعـــوة (Re: محمد سنى دفع الله)
|
السني اخوي احسن ليك تفرز الدعوة لمنو بالظبط ؟؟؟
لو كانت لي انا فلازم ترسل لي تذكرة سفر وكده
اتمني لكم من صميم قلبي التوفيق والسداد
ما أعظم الفنون والفنانين يا وجيه انتا
| |
 
|
|
|
|
|
|
|
|
Re: دعـــوة (Re: هاشم أحمد خلف الله)
|
هاشم الشاعر الفنان
لو قلت الكلام ده قبل يومين بس
كان رسلنا ليك تذكرتين مش واحدة
وكنا عملنا ليك برنامج مصاحب
اشعار وكده
لكن كفاية مشاعرك
مودتي وبركة في طلتك
محبتي
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
مرحبا بكم في المعرض الجماعي الأول للفنانيين التشكيليين
بالدوحة . لكل المهتمين بالفنون من مقيمين بالدوحة
حضورهذا الحدث الفني الكبير ..
بمناسبة مرور سنة على إفتتاح الموقع الأسفيري
ملتفى التشكيليين السودانيين
مرحبا بكم
مساء الأثنين 7/4/2008
بدار الجمعية القطرية للتشكيليين
الســــاعة الســــادســـة مـٍســــاء
| |
|
|
|
|
|
|
|
|
|
Re: دعـــوة (Re: Muna Khugali)
|
منى خوجلي
النشاط الجميل والجمال النشط
ايه رايك برضو في نهاية الأسبوع
في دعوة تانية تجي تحصليها
تابعي معانا
الدوحة هذه الأيام
مجموعة من النشاطات
مرحب بيك والدعوة مفتوحة
مودتي
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
السنى ,, مساك الله بالخير ,,
دى فرصه عظيمه جدا لابراز الفن التشكيلى السودانى فى دولة قطر .
خاصة وان هنالك عدد كبير من التشكيليين السودانيين بدولة قطر .
لك الشكر أخى السنى , وسوف نعمم الدعوه ,,
| |
|
|
|
|
|
|
|
|
|
Re: دعـــوة (Re: كمال سالم)
|
كمال ام درمان
عارف انت انو الأسبوع ده
إسبوع الفنون
همتك معانا
الدعوة تصل كل الناس الحلوة
ومرحب بيكم
اهل السودان وضيوفهم
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
**
*
شكرا ياسنى الدعوة مقبولة..
احيكم واحى تجمع التشكليين السودانيين بالدوحة..
(ملتقى التشكليين السودانيين بالدوحة)
احى عبركم الجمعية القطرية للفنون التشكيلية..
واهديكم برشور الجمعية التشكيلية السودانية..
فى اخر معرض احضره لها بدعوة كريمة من الاستاذ
سليمان جاد اللة العريفي ..
نرجو همتكم وايفائنا بتفاصيل المعرض والصور ماستطعتم الية سبيلا..
ودى..
*
**
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
15 فنان
وفنانتنان
يشاركون في هذا المعرض
الجمعية القطرية للفنون التشكيلية
بحي كليب
جوار مركز شباب الدوحة السابق
وبالقرب من المدرسة الأنجليزية
نتوقع حضوركم الجميل
لدعم الفنون السودانية ...
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
فلنهتم بأقتناء لوحات لفنانينا
ولنزين جدران منازلنا بفنون سودانية خالصة
الأصل ابقى من كل فن مقلد
ونعلم اطفالنا كيف يكون الفن جزء من حياتهم
مودتي
| |
|
|
|
|
|
|
|
|
 Re: دعـــوة (Re: محمد سنى دفع الله)
|
**
*
السنى اخوى..
الراحه براحه
ماتششت الموضوع
زخرفية ناس بلدك ..
دى براه موضوع ..
نجيك لية برواقة..
ونحكى عن زمن الشملة
شملة كنيزه الواسعه
فى بلادنا وحسناء السباتة..
ودى
*
**
| |
|
|
|
|
|
|
|
|
|
Re: دعـــوة (Re: sumah)
|
كلامك صاح ياس معه
اسماعيل الفنان
الزخرف الذي يعرف
بالســــدو
فن جميل
ليهو زخارفو المميزة زي البروش عندنا
وهوفن عريق في المنطقة
بنجيهو بالرواقة وبصنعوه النسوان ..
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
كلامك سني مافيو زيادة تب
وحرم التقولو كلو يمشي
بس
ياعواطف حكاية الكوفير دي أنا ما معاها
تقومي تطفي لينا معرضنا ساكت
تعالي كدا سااي وبعد دا برضو ربك يستر
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
شكرا حبيبنا محمد السني علي نشاطكم العالي القيم
===========
انت شخصيا مطالب باشراكي في
مهرجان الدوحة الموسيقي القادم
لا آعلم متي يكون
ربنا يحيينا
كل الحب
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
وووووين عماد عبد الله في الشغل ده؟
بعدين يا أستاذنا السني
الشغل ده ما ممكن الخال الرائع عماد عبد الله ما يكون فيهو ياخي؟ ... ياخي إنشاء الله يرسل ليكم بالدي
اتش ايه كدة ما عارف ... لا يجوز قطعا القطعة ... اطالب بحضور اعمال المبدع عماد عبد الله ولو باسم
(مشاركة) الراجل ده حفر معاكم هناك لمن آمن ... لازم الناس تخت ليهو على الاقل عمل ... ولا رايكم شنو
يا تشكيليي الدوحة؟
الوفاء لأهل العطاء ... ده إقتراحي لشغل عماد المشارك
-----------------
| |
|
|
|
|
|
|
|
|
|
Re: دعـــوة (Re: ASHRAF TAHA)
|
عماد الفنان النرهف الشفيف
فنان من نوع قريد
وهو هذه الأيام في السودان
ونحن في انتظاره
دعواتكم معنا ليكون معنا
وكل المنى ان يكون له دور كبير مع زملائه
ولكنها الظروف والأسفار
لكنه اكيد قلبه معنا
ولك كل المودة شريف طه
ولعماد المحبة ولكم صورته البهية
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
أها عربي ده
وعرفنا ما معاكم
العمدة ده ... ما كان معاكم؟
يعني ما عندو أعمال ؟؟؟؟؟
ياخي انا متاكد لازم في شغل شغلين كدة عند صلاح
وهو التشكيلي فرقو من الشاعر شنو؟
ما في اي حتة بيزنقو عمك الملهم داك وبفكها
دور تلقى شغلو
في الدوارات
واليو تيرن
في الشوارع
والبقالات
والـ (لاندري)
في المكاتب
في الصحائف
والوسائط
والفلاشات
الأدوبي
والريش
فتش ... فتش
(والله الليلة بحكها كدة للصباح)
فوووووووووق (على قولت المثنيون على إضغام الغنة بنون - آمين)
وين يا بركات (شايفنك ماشي تسد وردية ... لي بكرة!!)
-
| |
|
|
|
|
|
|
|
|
|
Re: دعـــوة (Re: ASHRAF TAHA)
|
والله جابت الدم يا اشرف
لكن انت شوفت الكتيب الخاص بالمناسبة
انطبع وحتى في هذا الكتاب لوحات للفنان المعز العجيمي ترك لنا لوحاته
ونزل في الكتيب دون صورة
يعني لو كان في لوحات كان نزلت لكن هي جات كده
وفي برضو فنانيين كتار في الدوحة ولكنهم لم يشاركوا
والجايات اكتر من الرايحات
ولك المخبة والمودة
| |
|
|
|
|
|
|
|
|
|
Re: دعـــوة (Re: ASHRAF TAHA)
|
المبدع محمد سنى دفع الله ..
تحياتي لكم وأنتم ترسمون البسمة، الدهشة، والأمل بمستقبل يسع أحلام الجميع
التحية للمبدع السوداني أيين ما حلت به الرحال
__________
اتمنيت لو كنت معاكم!
| |
|
|
|
|
|
|
|
|
|
Re: دعـــوة (Re: shaheed gadora)
|
صديقنا السني
سلامات والشوق بحر
هذا عمل جليل وذكرنا أيام معهد جوته وسيف اللعوتة ومحمد نورين وعفيفي وأحمد الطيب زين العابدين وسفيان
وتلك المعارض السنوية التي كانت تقيمها الكلية ..أتمنى أن تصاحب هذه الفاعليات ندوات عن فن التشكيل السوداني
سواء عن مدرسة الخرطوم أو الكريستالية أو السودانوية التشكيلية التي تدرك عنها الكثير وكنت أحد طلاب أحمد الطيب
النجيبين..
| |
|
|
|
|
|
|
|
|
|
Re: دعـــوة (Re: صلاح شعيب)
|
عصام عبد الحفيظ
لك المودة
والمحبة
كل المنى نلتقي في العافية وساحة الفن الرحبة
شكرا على مرورك وعلى دعمك ولك جميل المنى
كان الود ان تكون بيننا
ولكن الجايات اكتر من الرايحات
لك كل الجمال
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
الفنان الضخم الفخم
سنسنة الحبيب
بحاول أكون حاضر
مع إني ورهط من الأصدقاء
مرتبطين بقدة مهمة في نفس الموعد
ونتمنى لغاية بكرة عماد عبدالله يكون وصل الدوحة
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
ابوساندرا
الرهيب
حضورك يبهجنا
والقدة ملحوقه
والفيكم معروفة
ناس حارة
وبتلحقوا الملهوفه
شوفت الشعر الركيك ده
ما بحلك منو غير حضورك
ومن بدري
اما حكاية عماد عبدالله
من خشمك ولي باب السما
ربنا اجيبو لينا الليلة
فبل باكر
مكانو في الدوحة شاغر
زول الفن الجميل
والفنان الحقيقي
دعواتنا ...
| |
|
|
|
|
|
|
|
|
 Re: دعـــوة (Re: محمد سنى دفع الله)
|
الفنان الراقي محمد سني دفع الله
تقديري وإحترامي عزيزي
 غايتو إن كان اللوحة دي في المعرض أنا حاجزها ... لأنني مريخابي  ... وكان سعرها غالي أها نتقاسمها أنا وإنت النص بالنص مش إنت داعيني  . كل الشكر والتقدير لك يا جميل على هذه الدعوة الكريمة وهذا العمل الرائع . مودتي عماد
| |
|
|
|
|
|
|
|
|
|
Re: دعـــوة (Re: عماد محمود علي)
|
استاذنا
ابو الفن والفنون
ياخي والله ما عارف ابدا ليك من وين
لكن يوم داك مشيت ليك تحت الكبري محل كنته قاعد داك
اها قالو لي الزول ده روح
وفي حديث مع بت الحسين قاتلي الزول ده عندو ظرف طارئ ورجع الدوحه
اها المسعله بكت ملخبته والزمن زاتو ابا يتحرك معانا
لكن ليك شوق كتير وبس خليني النفضى كان في الدوحه بجيك
لك والتشاكله الف سلام
وانت في القلب
| |
|
|
|
|
|
|
|
|
|
Re: دعـــوة (Re: احمد العربي)
|
انت عارف يا أحمد العربي
مافي حل غير نطلع الخلا
كان راجل تعال لي ورا التبلدية دي
يار اجل منتظرك انا واحلام والأشواق يوم الربعاء والخميس
وتجي يوم الجمعة
مواعيد سودانية ظبط ربط
قالو السوداني لو مواعدك الساعة تسعه
تنتظرو لي الساعة حداشر لو ما جا اتناشر
الساعة واحده ممكن تمش
ليك الشوق وراجينك
لابد يوم تجي
محبتي
احمد العربي
| |
|
|
|
|
|
|
|
|
|
Re: دعـــوة (Re: عماد محمود علي)
|
عماد محمود
التحية والمودة يا مريخابي
طالما اعلنتها مريختك
وفرحان بيها
نقول ليك مبروك فريقكم الجديد
اتمنى له النصر في افريقيا
واتمنى ان يكون لك مقتنيات من صور المريخ
في فترات نصره
ولك مقتنيات لفنانيين سودانيين
كل الجمال ليك
وهاك يامريخابي زهور محبة مني مريخية
| |
|
|
|
|
|
|
|
|
 Re: دعـــوة (Re: محمد سنى دفع الله)
|
القنان الراقي الجميل محمد السني
| Quote: التحية والمودة يا مريخابي |
ولك مثلها وأجمل أيها المريخي الجميل .
Quote: طالما اعلنتها مريختك
وفرحان بيها |
خاااالص ...
| Quote: نقول ليك مبروك فريقكم الجديد |
الله يبارك فيك وفي عمرك إنشاء الله .
| Quote: اتمنى له النصر في افريقيا |
آمييين يارب العالمين ، وفي الدوري والكاس المحلي كمان .
Quote: واتمنى ان يكون لك مقتنيات من صور المريخ
في فترات نصره |
عييييك بالشوالات ... عايز أرسل ليك منهم .
وأنت الجمال يا جميل لكم أطربتا وأمتعتنا بفنك الراقي الجميل .
| Quote: وهاك يامريخابي زهور محبة مني مريخية |
وهدية مقبولة منك وهي تحمل جمال نفسك النقية الزكية .
كل المودة والتقدير والاحترام لك أيها الفنان الكوميدي المبدع .
عماد
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
الغالي محمد سني
شكرا لك وانت دائما تركض بخيلك الى
حيث الجمال والنور وتمنياتي القلبية
بالتوفيق لجميع التشكيليين المشاركين
وبنجاح المعرض
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
استاذنا الجميل
السنى
لتحية عبرك لكل فنانى وطنى من تشكليين ومسرحيين وموسيقيين
واتمنيت لو كنت معاكم لتصيبنا الدهشه والجمال هناك
لكن الجايات اكتر من الجايات
وسلاماتى الى قريبتى احلام وامنياتى بالتوفيق
كن بخير
| |
|
|
|
|
|
|
|
|
|
Re: دعـــوة (Re: عبد الخالق عابد)
|
عبد الخالق عابد
لك التحية والمحبة
ولأهل الشارقة المشرقة محبتي
وصلت التحية لكل فناني بلادي
وطالما جات سيرة قريبتك النوبية
التحية لفنان السودان الأول
هل هناك اجمل من هذا الملك النوبي الأزرق
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
الفنان الجميل محمد سني دفع الله
الفن التشكيلي ده بصراحة عندي فيهو رأي مش لأنو الفن التشكيلي فيهو عيوب بالعكس العيب في شخصي لأنني راجل لا يفهم في هذا المجال ، والحال كذلك كنت ولا زلت أري الفن لغة بصرية تعتمد في كلياتها على الطبيعة الخارجية كمصدر للأفكار الفنية ، يعني مركب في النيل جداد قدام قطية بنيه ماسكه في توب مزارع شايل طورية ، جدول ضكر يفيض بالماء شافعه متشعبطه في طرف ثوب أمها في جزارة كلب راقد في ضل حيطه حمار سيد اللبن عتوت بيرضع يعني ده مقياسي لجودة العمل الفني ، تقليد ونقل غاية في الدقة والإتقان والكلام ده بتلقاهو واضح في لوحات هانز هولبين وفرانز هالز وحتى فانسنت فان جوخ لديه الكثير من الأمثلة التي لم تخرج من عباءة التقليد وإستلهام الفكرة من الطبيعة الموجودة أمامه مثل لوحة عباد الشمس الشهيرة ولوحة الحقول المختلفة وغيرها الكثير. وهي أعمال قطعاً لا يستطيع أى ناقد أن يقول أنها كانت خالية من الإبداع لمجرد كونها أعمال تسجيل لحقائق بصرية.
ولذلك نشأت جفوة بيني وبين تذوق الفن التشكيلي الحديث ، وأذكر ذات مرة والممرات كثيرة أن صديقي اللدود المهووس بالفن المملوء به المتشبع به حد الثمالة دعاني لحضور معرض للفن التشكيلي الحديث فقلت متكاسلاً متثاقلاً يا أخي تشكيل شنو ، ده نوع من أنواع الشخبطه واللخبطة خطوط كحلية عليها خطوط خضراء عليها شوية خطوط حمراء وكشحة ربع معلقة شاي صفراء في نص كباية بوهية بنية يقول ليك شوف بالله جمال لوحة القطة لراشيل ديكون ، تقعد تفتش على الكديسة في الصورة كلها لا تلقي كديسه لا كوشة لا راشيل ، ويغالطك يقول ليك يا أخي ما شايف إنت ما بتفهم تقوم تاني تغمض شديد لمن عيونك تدمع وتعضي لسانك وتفتح والحال يا هو نفس الحال.
أنا مقتنع تماماً أن العيب في شخصي أنا وليس في الشخبطة من واقع أن الفنان هو فى الأصل إنسان لديه مشاعر ووجدان وردود أفعال ومواقف متباينة وبالضرورة يعتمد على ذاتيته فى التعبير والإبداع الفنى فى الفن التشكيلى وبالتالي أصبحت اللوحة فكرة إنطباعية بعد أن كانت لقطة واقعية وده المجنن بوبي ، وبرغم كل هذه القناعات ومصادقتي المستمرة لصديقي اللدود برضو ما قدرت أشوف في كل هذه الإبداعات غير شخبطه ولخبطه لا أكثر وبرضو بقول شوفي أكيد لا يتعدي أرنبة أنفي عشان كده الشوف ظلمني أكيد.
ده كلو هين يا أستاذ يا فنان يا محمد سني دفع الله ، أها الرسومات القادننا بيها الأيام دي تقول فيها شنو دولفين يرسم وفيل يرسم وقرد يرسم يا سني يا أخوي أظن الجماعة غلبهم اليعملوهو ، فلو قلنا اللوحة التشكيلية التي يرسمها الإنسان المشخبطة ديك هي في الأساس مضمون فكري ووجداني يظهر في مخيلة الفنان ، يعني نظام منطق إدارك كلي وكده ، أها الدولفين والفيل أب زلومة والتور أب جاعورة والقرد أبو جاكيته حمراء ديل وجدانهم وأفكارهم نفهمها كيف وهم ذاتهم بقدروا يترجموها لينا كيف ؟
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
بقول فيها انها دي ظواهر ونوادر
الفيل ابوزلومة لو قلب الهوبه ياهو فيل
والقرد لو رسم المونو ليزا او رقص رقصة الككوو
ياهو ككوو
الفن يحتاج الى وعي
وكل القرود والأفيال
وكل ككو بطلع جبلو
انت عارف انو الأن هناك انواع من التدريب تتطورت يمكن ان تجعل من الحيوان يعزف نغمة
يرسم خطوط او شخبطات ..
ولكن ولا واحد فيهم يقدر يؤلف نغمة ولايرسم رأيو
الوعي الوعي
وانت ياصديقي فنان في كل لفته وكل خلجة من خلجات تنفسك
انظر للجمال من حولك
تجد نفسك انت الجمال
محبتي
اهو بتتكلم عن الأفيال والقرود
طلع ليك أسد..كده كويس ؟؟؟
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
سعادة السفير ـ السيد ابراهيم فقيري سفير السودان
سعادة السفير ـ عبد العزيز محمد داود سفير مصر
سعادة الشيخ فيصل بن قاسم آل ثاني ـ الرئيس الفخري للجمعية القطرية للفنون التشكيلية
وإفتتاح المعرض الأول لملتقى التكيليين السودانيين...
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
في هذا المقر الجميل الذي يدعم كل الفنانيين المقيميين
قدمنا معرضنا الأول ..
فبل إفتتاح المعرض تم تقديم مؤتمر تحدث في
الدكتور النور حمد
استاذ نور الهادي
استاذ إسلام كامل
أدار المؤتمر الفنان القطري
محمد عتيق
التشكيلي المتفرد ..
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
الأخ الأستاذ محمد السنى،
تحية وتقدير للكتابه عن هذه الفعاليه،
والتقدير لدعمك المتواصل للتشكيل والتشكيليين.
تهانينا لنجاح المعرض وتحياتى لكل الزملاء المشاركين فى هذا المعرض ومزيد من النجاح.
| |
|
|
|
|
|
|
|
|
|
Re: دعـــوة (Re: Khalid Kodi)
|
الفنان خالد كودي
التحية والتقدير
والمحبة الدايمة
المنى ان نلتقي
هناك مخطط لحضور عدد مقدر من فنانيي بلادنا في المهجر
لمزيد من التواصل وتلاقح الأفكار والإستفادة من تجاربهم الثرية
نتمنى ان نراك بيننا العام القادم او قبل ذالك
اقدم لك اول من فكر
الفنان محمد حسن هارون
اول من فتح بيته للمة الأصحاب كل جمعةونور طريق الفن
نور الهادي ـ محمد يوسف ..
يتحرك نحو اللمسات الأخيرة د. طه العطا
ومحبة
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
السني الفنان
مشكور علي الدعوة الكريمة وان شاء الله حنلبيها
ومعنا الأطفال لنبذر فيهم بذور هذا الفن الجميل ان استطعنا الي ذلك سبيلا.
شكرا يا جميل
| |
|
|
|
|
|
|
|
|
|
Re: دعـــوة (Re: حسن طه محمد)
|
دائما انت في المقدمة
ودائما تعلم الأطفال الجمال
وتعلمهم كيف يحفظوا تراث الأجداد
وكيف يحبوا الوطن
لكم جميل انت ايها الســوداني
مودتي ونراك اليوم باذن الرحمن
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
الاستاذ المفخرة محمد سني
لك التحية
ياخ في اوربا والدول المتقدمة الناس بترسل الدعوات ومعاها التذاكر .. ( وش جادي )
خارج الموضوع :
سألتك هناك إن كنت فقدت شيئا يخصك عندما حضرت إلى صحيفة الرأي العام السنة الفاتت ..
ولم تجب .
| |
|
|
|
|
|
|
|
|
|
Re: دعـــوة (Re: محمد سنى دفع الله)
|
استاذ محمد سنى
زول الملمات
سلام
دعوتك ليها ضل
مقصات الافتتاح تتطاقش .
اريتنا لو كنا معاكم بلدكم ديك
باقى يا سنى بلاد عزيزة بلد فيها روح .
وكمان يا محمد
تفانين الشباب تحكى عن معرض عالمى
الجدارات اترشحت جمال ..
ويديكن العافية .
| |
|
|
|
|
|
|
|
|
|
Re: دعـــوة (Re: ممدوح أبارو)
|
هدية محبة
عثمان موسى
من أعمال الفنان
طـــه العـطـا
المنى ان تكون بيننا
حقيقي البلاد اهلها معجونين بالطيبة
ولهم محبة لآهلنا
ونحن نبادلهم المودة
دام صفانا
| |
|
|
|
|
|
|
| |
محمد سنى دفع الله
هاشم أحمد خلف الله
Muna Khugali
كمال سالم
sumah
بله محمد الفاضل
عواطف ادريس اسماعيل
Elmosley
ASHRAF TAHA
عصام عبد الحفيظ
مازن الجمّال
صلاح شعيب
أبو ساندرا
احمد العربي
طيفور
عبد الخالق عابد
almulaomar
Khalid Kodi
حسن طه محمد
طلحة عبدالله
mahdy alamin
Osman Musa
ممدوح أبارو
فيس بوك
تويتر
انستقرام
يوتيوب
بنتيريست