الحبيبين كيفنكم.. انا في المتوسطة يا الحبيبين شوفتها في درس العصر والناريي دي انطلقت فيني.. العيون غٌلاااااااااد وليهن رموش واقفات فوقن علي السلك الشايك في كتيبة الجيش.. والشلاليف وحات نضري التقول حلاوة لكوم.. الضفيري خاتاهاقدامها فوق صدرها تطلع وتقوم مع نفس الصدر علي بساتم العربية.. ويا حلات الفستان وهو ملصق فيها.. يمين وكتين يصل حتة الخصر دي تقرب تعوعي.. اها بقيت كل يوم وكتين اشوفها اغمض في العيون وافتحن علي الصايداهو أم فريحانة.. وفي الطريق ونحن راجعين أصلو ابقى زي العوير والعوقة أشوف فيها وأصنقع في السماء.. وطارق صحبي قدر ما يتونس معاي وانا شابكو: آآآآآي قلت شنو.. تميت شهر في جنس الحال دة وخلاص غلبني وبقيت افكر في الطريقي الاقولها شي إن شاء الله حتى أقولها «كيفنك».. تسوي شنو يا ود جبرين.. تسوي شنو... بس... جاتني.. تنقصى في الواطة وتكتبلها جواب وتديهو ليها في يدها.. أصلو ما لقيتلي حل غير الجواب دة.. جيت من المدرسة يا الحبيبين اشتريتلي فلسكاب.. ومشيت علي دولاب اختي الكبيرة وسرقتلي منها ريحي.. وتش تش اديت الفلسكاب رشة وجيت قعدت في صالونا.. ختيت الفلسكاب دة في كراس الجغرافية وبقيت افكر: يا ربي الخرابة دي يكتبولها شنو.. قدر ما حكيت راسي دة من كلام الانشاء داك والكلمات الغُلاد غُلاد ديك.. أصلو أبت تجيني.. وقلت كدي بسم الله وكتبتلا:
الى اجمل انسانه رأيتها فى حياتى الى حبيبتي «وجدان» مرت الثواني والساعات والشهور وقلبي يحترق (أماني جنس فسو).. كنت أشوفك من بعيد كما القمر.. لا انت هلال كما هلال الصوم.. انتى مثل النجم المشع جماله يفوق الحدود.. كنت احسب النجوم واكلم القمر.. (أصلو فسو السواد).. لا أنام الليل وصورتك تظهر لي في الظلام.. كتمت حبك في قلبي حتى لا يعرفه أصحابي في الحلة.. لقد تعبت مشاعري كثيرا وكنت أراك في المرآة.. فهل هذه الحروف سوف تعبرعما بداخلى .. لان ما بداخلى نار لا يقدر احد بوصفها لك.. أنا اعيش فى حبك وجمالك الذى سحرانى.. افكر فيك بين الحصص وأنا في ميدان الكورة.. يا اجمل واحدة فى الكون فانتى من العطر النابع من جوة الزهور حبيبتي «وجدان» إن قلبي يتعذب في بعدك عني.. إني أحبك.. أحبك.. أحبك.. المعذب طارق..
قفلت الجواب في الظرف ويديني ديل يرجفن علي بندول ساعة الحيطة.. وبقيت افكر كيف اديهو الخرابة دي وانا قلبي يضرب.. وخايف من البُطان المعاي واحد يختف البت مني ولا كمان يشوف الجواب.. بقيت كل يوم اساسق من الدرس وامشي وراهم والجواب في جيبي.. اصلي ما لقيتلي فرصة اديهو ليها.. ربكم رب الخير طارق ود حومد حسين تجيهو ملاريا واليوم داك كانت ماشة معاها «انتصار» بس.. بس خليتهم مشوا قدامي كدة لامن بقينا في الفسحة ومافي زول شايفني وقلت كدي مشيت عليهن.. خبيت لامن وصلتهن وبقيت ارجف زي الجرو الماسكه السَعَر.. وايديني ديل ماتن ضومة ضومة.. وركبيني ينطاقشن في بعضن متل العجلة وكتين اللستك يكون فيهو كركاسة كبيري.. سلم عليهن بي صوت مبحوح وقلتلا: «وجدان» دقيقة بس.. وغمت ليها الجواب في يدها وتاني غلبني النضم ضومة ضومة.. وقع مني قلم الرصاص ودنقرت رفعته.. وعلي العلي كان قلم الرصاص مبري إبرة بس وقع مني.. بعد أديتها الجواب من الكبكبة العلي دخلت قلم الرصاص بين البنطلون واللباس.. وبقى يطعن فيني ونحن ماشين وهي خجلانة ماسكي الجواب وترجف.. وانا مفشق علي ود الطهور من طعين قلم الرصاص.. لا عرفت أقولها شي لا قدرت أتكلم.. وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد.. وكل مرة أفشق زيادة لامن بقيت علي البرجل في شكل زاوية منفرجة.. ولابسلي تموت تخلي يشيل ويخم في التراب بس الكـــــــــــلب القام بال وبقى بي كرعينو يدفن في البول.. أصلي لامن وصلت البيت عضام ضهري كلهن يطقطقن من الفنسة.. وإن ما كضبت باقيلي قلم الرصاص قرب يفقشلو حاجة.. ......................................... الغريب بت الهرمة دي ما ردت علي لي يوم الليلة.. لا يبقى دة شاكوشي الأول وانا ماني عارف
تعالوا فتيهو هنا
01-22-2013, 10:34 PM
الامين موسى البشاري الامين موسى البشاري
تاريخ التسجيل: 08-09-2009
مجموع المشاركات: 15391
Quote: الغريب بت الهرمة دي ما ردت علي لي يوم الليلة.. لا يبقى دة شاكوشي الأول وانا ماني عارف
تعالوا فتيهو هنا
أنت كويس على الايمان أول جواب لي اخدته فيهو علقة ما انساها لامن أموت انتي يا البت شيلي الجواب صرة في خيط ولأبوك في يدو وتعال تم الباقي خيال يا الحبيب هنا أبوها جارنا واخوها صاحبي وزميلي لزم
ما فاضل لي الا أخلي الحلة ياخ
01-22-2013, 10:41 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: أنت كويس على الايمان أول جواب لي اخدته فيهو علقة ما انساها لامن أموت انتي يا البت شيلي الجواب صرة في خيط ولأبوك في يدو وتعال تم الباقي خيال يا الحبيب هنا أبوها جارنا واخوها صاحبي وزميلي لزم
ما فاضل لي الا أخلي الحلة ياخ
الله يفضحك ياخ كدي جيب لينا صورة لي ضهرك نشوف آثار صوت العنج
01-22-2013, 10:34 PM
محمد عوض السيد محمد عوض السيد
تاريخ التسجيل: 06-17-2011
مجموع المشاركات: 966
وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد..
أنت قايل شعر رأسك دا الحتاهو ليك شنو ؟ غير الشواكيش وطعين قلم الرصاص هههههههه. الغريبة شقيقي الاكبر كان برضو بيعمل زي عمايلك دي النهار كلو يمعط جوز جوز ورق ويكتب في الخطابات لبنات الحي بالدور ومشغلني رقشة معاهو أوزع في الجوابات الغرامية ويقول لي أنتظر الرد بلاهي أنتظر لمن عيوني تحمر الرد مابيجي آخر حاجة لمن زهجت منو أداني جواب لبنت مشيت سلمتوا لابوها في يدو ومن ديك أخوي كل مايشوف عمك بيتضارا ولمن عمك مات مات بي مغستوا ماشاف أخوي وجه لوجه .
01-22-2013, 10:56 PM
محمد عوض السيد محمد عوض السيد
تاريخ التسجيل: 06-17-2011
مجموع المشاركات: 966
Quote: والله كان تابعتو ودجبريل في حكاية الفت دي بتطلع حاجات غريبة والخوف انو يجي زول يطالب بي دية لي متل كلامك ده ياعادل الباهي
محمد عوض السيد انا غايتو زمن الجوابات ما حضرناهو نحن من زمن الفيس بوك والاسكاي بي ، مستند مافي والله الا يجيبونا بالاي بي .ههههه عمك عاش بعد الجواب تسعة سنين دية شنو كمان ههههههههه
01-22-2013, 11:23 PM
ABUHUSSEIN ABUHUSSEIN
تاريخ التسجيل: 08-14-2002
مجموع المشاركات: 39370
Quote: أنت قايل شعر رأسك دا الحتاهو ليك شنو ؟ غير الشواكيش وطعين قلم الرصاص هههههههه. الغريبة شقيقي الاكبر كان برضو بيعمل زي عمايلك دي النهار كلو يمعط جوز جوز ورق ويكتب في الخطابات لبنات الحي بالدور ومشغلني رقشة معاهو أوزع في الجوابات الغرامية ويقول لي أنتظر الرد بلاهي أنتظر لمن عيوني تحمر الرد مابيجي آخر حاجة لمن زهجت منو أداني جواب لبنت مشيت سلمتوا لابوها في يدو ومن ديك أخوي كل مايشوف عمك بيتضارا ولمن عمك مات مات بي مغستوا ماشاف أخوي وجه لوجه .
والله يا ود الباهي سقطت من نظري ياخي طلعت ما بتخدم الريدة ياخي
01-23-2013, 00:40 AM
محمد جبره محمد جبره
تاريخ التسجيل: 01-12-2013
مجموع المشاركات: 940
Quote: وانا مفشق علي ود الطهور من طعين قلم الرصاص.. لا عرفت أقولها شي لا قدرت أتكلم.. وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد.. وكل مرة أفشق زيادة لامن بقيت علي البرجل في شكل زاوية منفرجة.. ولابسلي تموت تخلي يشيل ويخم في التراب بس الكـــــــــــلب القام بال وبقى بي كرعينو يدفن في البول.. أصلي لامن وصلت البيت عضام ضهري كلهن يطقطقن من الفنسة.. وإن ما كضبت باقيلي قلم الرصاص قرب يفقشلو حاجة.. ......................................... الغريب بت الهرمة دي ما ردت علي لي يوم الليلة.. لا يبقى دة شاكوشي الأول وانا ماني عارف
والله مشيت المطهر جديد دي جننتها جِن لكن ######ك البدفن البول انحنا ماقابلنا تب دي ###### السرور
وكمان عظام ضهرك البطقطقن من الفنسة دي روعة لك محبتي وللمتداخلين
01-23-2013, 09:50 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
رجعتني يا كرور بعنوانك (أول جواب ريدة) إلى نصٍ أردته (متلتلاً) لكنما خذلني خطبٌ ما لا أذكره عن متابعة الأمر ولست بمقدوري حالياً متابعته فقد ضاع ما ضاع وهيهات إياب...
رسائلُ البناتِ تمهيد اهتدينا لحيِّلٍ جديدةٍ كي نورِطَ أنفاسَنا في تجرُعِ البهجةِ من رسائلِ اللابثات.
هُن يفتتِحنَ الخلايا الرائقةِ بأوردةِ النزقِ.. وهل كُن يوماً غير محض ساحِرات.
يتوددن للطيرِ بالانصرافِ يُقشِرن عنه سِماتَ الطينِ الغِرِّ يرسمن بين ارتعاشاتِهِ ثُمالةَ الأمسيات.
البناتُ ريفُ الرُّوحِ شِفاهُ الرّسمِ إن نطقنَ وحبلُ السِّحرِ السِّريِّ في الأُغنيات. ....
01-24-2013, 10:16 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
رجعتني يا كرور بعنوانك (أول جواب ريدة) إلى نصٍ أردته (متلتلاً) لكنما خذلني خطبٌ ما لا أذكره عن متابعة الأمر ولست بمقدوري حالياً متابعته فقد ضاع ما ضاع وهيهات إياب...
رسائلُ البناتِ تمهيد اهتدينا لحيِّلٍ جديدةٍ كي نورِطَ أنفاسَنا في تجرُعِ البهجةِ من رسائلِ اللابثات.
هُن يفتتِحنَ الخلايا الرائقةِ بأوردةِ النزقِ.. وهل كُن يوماً غير محض ساحِرات.
يتوددن للطيرِ بالانصرافِ يُقشِرن عنه سِماتَ الطينِ الغِرِّ يرسمن بين ارتعاشاتِهِ ثُمالةَ الأمسيات.
البناتُ ريفُ الرُّوحِ شِفاهُ الرّسمِ إن نطقنَ وحبلُ السِّحرِ السِّريِّ في الأُغنيات. ....
شقي الحال انت من زمان باقيلي راقد ملوص
01-24-2013, 10:42 AM
الجنيد حمد الجنيد حمد
تاريخ التسجيل: 01-02-2013
مجموع المشاركات: 626
أستاذنا طارق جبريل شكرًا لك على هذا الإبداع الذى ينتزِع الإبتسامة من فمّ الأسَد . حكايتك مع الجوّابات بها الكثير من الإبداع فقد قرأت لك فى مكان آخر خبر الجوّابات اللى جاتكم راجعَة ممزّقَة و خبَر صحبك القدّم لى كليّة الصيدلة أيّام الطُلبَة و رِزق اليوم باليوم .
حقًا يعجبني كثيرًا هذا الحنين الذى يسرِي من القلب إلى قلب كهمس النّخلَة للنخلة و وشوشة الجدول لحياض البرسيم و رائحة الكاويق و اللوبي على جروف ساقة جحا و شِبا السّواعير .
كن بخير و شكرًا لك بقدر ما رَسَمت من ابتسامة على قلوب المعجبين .
01-26-2013, 12:18 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: أستاذنا طارق جبريل شكرًا لك على هذا الإبداع الذى ينتزِع الإبتسامة من فمّ الأسَد . حكايتك مع الجوّابات بها الكثير من الإبداع فقد قرأت لك فى مكان آخر خبر الجوّابات اللى جاتكم راجعَة ممزّقَة و خبَر صحبك القدّم لى كليّة الصيدلة أيّام الطُلبَة و رِزق اليوم باليوم .
حقًا يعجبني كثيرًا هذا الحنين الذى يسرِي من القلب إلى قلب كهمس النّخلَة للنخلة و وشوشة الجدول لحياض البرسيم و رائحة الكاويق و اللوبي على جروف ساقة جحا و شِبا السّواعير .
كن بخير و شكرًا لك بقدر ما رَسَمت من ابتسامة على قلوب المعجبين .
يا حبيب الله يجبر بي خاطرك ياخ
01-23-2013, 09:42 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد.. وكل مرة أفشق زيادة لامن بقيت علي البرجل في شكل زاوية منفرجة..
^^^ هههههههههههههههههههههههههههه
مبـــــــــــــــــــدع ياود جبريل ياااخ
01-23-2013, 05:15 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: وقلم الجن دة كل ما ليهو نازل تحت ويطعن فيني .. وكل طعنة شعر راسي دة يقيف علي المغنطيس الكابسو الحديد.. وكل مرة أفشق زيادة لامن بقيت علي البرجل في شكل زاوية منفرجة..
اوسكار عديل يا طارق جبريل والله الضحك شرطني عديل .. واتخيلتك وانت ماشي تعفر في التراب هههههه.. طلعت دنجوان كبير يا شقي الحال .. هسع عليك الله متل وصيفك للبت ده بوصوفو زول نصيح ..
الجواب التاني خبارو ؟
01-24-2013, 09:28 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: اوسكار عديل يا طارق جبريل والله الضحك شرطني عديل .. واتخيلتك وانت ماشي تعفر في التراب هههههه.. طلعت دنجوان كبير يا شقي الحال .. هسع عليك الله متل وصيفك للبت ده بوصوفو زول نصيح ..
الجواب التاني خبارو ؟
يا حبيب الجواب التاني بودي البوست دة الخور
01-24-2013, 09:29 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: العوافي ود جبرين .. تعرف مرة في بلد بي تحت و قاعدلي في حوض برسيم حش ساكت شان عشا البهايم .. اها شفتها ليك مع بعيد تقع وتقوم شان تخت راس قش فوق راسا .. اها قلت ال اجري اساعدا كان اسمع قولة كتر خيرك يا ود الحلال اها جريت علي حماري وفسراع صرمتو ونطيت فوق ضهرو و منها وقعت الواطا طوالي ... ياخي انتا طعنك قلم مبري.. وانا طعني منجل كان في ايدي لما نطيت في ضهر حماري .. تجريمة .. قكلا انتا
منجل عدييييييييييل
01-24-2013, 09:26 AM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: ههههههههههه عارفاك بتاع خرمجة تعرف تعبيرك جميل وفلوسكابك ابوريحة مسروقة كان رسمت فيه القلب بالقلم الاحم وجواهو السهم كم رسمة كده بالجنبات كان ردت عليك
طلعت خبرة يا ود الكوبي
01-24-2013, 11:25 AM
وضاحة وضاحة
تاريخ التسجيل: 01-16-2005
مجموع المشاركات: 9116
الاخ طارق نديكم نموذج من جوابات الزمن ذاك ايام الثانوي العام و الردي الكاكي ، ايام الجوابات و الهدايا مناديل ، الحمد لله ما حضرنا زمن الهديه موبايل و الله العظيم هذا الجواب كنب سنه 1974 م و انا كنت قي السنه الاولي ثانوي عام و مدرسة الاولاد جنب مدرسه البنات :
دوحتي في الصحراء ............... ( ام وبنتها اتعرست )
ماذا اكتب و ماذا اخط تخجل الكلمات و تستحي العبارات
في الختام / ................ ابن العوام
التسليم و التسلم تم بالقرب من قبه الشيخ شمبول بقريتنا ، حيث انني قمت بحشر الجواب بين طوب القبه ، وذي ود جبريل حتي الان لم اتلق الرد ، امكن الشيخ شمبول بين و شال الجواب .
ابن العوام
01-27-2013, 08:09 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
Quote: الاخ طارق نديكم نموذج من جوابات الزمن ذاك ايام الثانوي العام و الردي الكاكي ، ايام الجوابات و الهدايا مناديل ، الحمد لله ما حضرنا زمن الهديه موبايل و الله العظيم هذا الجواب كنب سنه 1974 م و انا كنت قي السنه الاولي ثانوي عام و مدرسة الاولاد جنب مدرسه البنات :
دوحتي في الصحراء ............... ( ام وبنتها اتعرست )
ماذا اكتب و ماذا اخط تخجل الكلمات و تستحي العبارات
في الختام / ................ ابن العوام
التسليم و التسلم تم بالقرب من قبه الشيخ شمبول بقريتنا ، حيث انني قمت بحشر الجواب بين طوب القبه ، وذي ود جبريل حتي الان لم اتلق الرد ، امكن الشيخ شمبول بين و شال الجواب .
ابن العوام
يعني ما براي يا الزبير
01-27-2013, 08:40 PM
showgi idriss showgi idriss
تاريخ التسجيل: 08-07-2005
مجموع المشاركات: 440
عفيت منو القلم سمح الما اشتكوك لي ابوك ولا عرسوها ليك كان بقيت جدجد ووليد وليداتك جارين وراك بي مخاخيتون ينفب بي طرف جلابيتك وينادوك جدنا الجلك يمكن ردت ولسع في السكة ارجاه عشا البايتات
ابوالشوش
01-29-2013, 04:10 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
عفيت منو القلم سمح الما اشتكوك لي ابوك ولا عرسوها ليك كان بقيت جدجد ووليد وليداتك جارين وراك بي مخاخيتون ينفب بي طرف جلابيتك وينادوك جدنا الجلك يمكن ردت ولسع في السكة ارجاه عشا البايتات
ابوالشوش
ما قايلك حاقد قدر دة يا صاحب
01-29-2013, 04:12 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
ذكرياتي مع أول جواب لي ما كانت مبشِّرة نهائي .. وكانت معطونة بموية صدود ما عادية ..
كتبتو عن طريق صديق يكبرني بسنة دراسة - (عشان خطو كان جميل جدن) كان مقتطفات من كتاب "ماجدولين" للرائع مصطفى لطفي ..
كنت في ساتة وامتحنت - حتى دفتر مذكراتي أديتا ليها هدية ودسيت الخطاب السمح دا جواتو .. شرطت جزء من دفتر مذاكرتي الجيت بيها خامس المنطقة والمركز.. تصوّر!
نهايتو يا ود جبرين ..
جات بعد حدود ال 5 سنوات تعيد ما مات فطنشت طبعا بس بأدب وحاتك .. فالدنيا دول والزمن دولاب وتربيزة كمان ..
01-29-2013, 10:08 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
ذكرياتي مع أول جواب لي ما كانت مبشِّرة نهائي .. وكانت معطونة بموية صدود ما عادية ..
كتبتو عن طريق صديق يكبرني بسنة دراسة - (عشان خطو كان جميل جدن) كان مقتطفات من كتاب "ماجدولين" للرائع مصطفى لطفي ..
كنت في ساتة وامتحنت - حتى دفتر مذكراتي أديتا ليها هدية ودسيت الخطاب السمح دا جواتو .. شرطت جزء من دفتر مذاكرتي الجيت بيها خامس المنطقة والمركز.. تصوّر!
نهايتو يا ود جبرين ..
جات بعد حدود ال 5 سنوات تعيد ما مات فطنشت طبعا بس بأدب وحاتك .. فالدنيا دول والزمن دولاب وتربيزة كمان ..
جايي تفتش الماضي
01-29-2013, 06:05 PM
Raja Raja
تاريخ التسجيل: 05-19-2002
مجموع المشاركات: 16054
مجلة الدستور زمان فيهو صفحة أظن اسمها أوراق عاشق بكون فيها رسالة عشق طويلة والتوقيع غالبا باسم يارا اها اذكر في إحداها بقول في جزء منها - منذ متي أحبك منذ الف عام منذ تفجر اول نبع ماء- اقتبست الكلام السابق دا في اول رسالة خوفا من الافتضاح كتبت حرفها الأول ولا اعرف ماذا حصل بعدها تلقيت رد من اخري علي رسالتي - بعد سنوات عدة اخبرتني بانها تعمدت تمرير الرسالة الي صحبتها وتبريرها بان صحبتها تحبني وهي تحب شخص اخر طبعا لم ارد علي الرسالة حتي الآن -------- سلام ومحبة طارق وضيوفه
01-29-2013, 10:09 PM
طارق جبريل طارق جبريل
تاريخ التسجيل: 10-11-2005
مجموع المشاركات: 22556
الرسائل والمقالات و الآراء المنشورة في المنتدى بأسماء أصحابها أو بأسماء مستعارة لا تمثل بالضرورة الرأي الرسمي لصاحب الموقع أو سودانيز اون لاين بل تمثل وجهة نظر كاتبها
لا يمكنك نقل أو اقتباس اى مواد أعلامية من هذا الموقع الا بعد الحصول على اذن من الادارة
طارق جبريل
الامين موسى البشاري
محمد عوض السيد
عادل الباهي عبدالرازق
ABUHUSSEIN
Balla Musa
محمد جبره
يحي قباني
سليمان القرشي
الطيب عثمان يوسف
omer osman
عبيد الطيب
مجدي عبدالرحيم فضل
سامى عبد المطلب
بله محمد الفاضل
الجنيد حمد
جمال عبد الناصر محمد
طارق عمر مكاوي
إدريس محمد إبراهيم
وضاحة
saidahmed shami
علي محمد الفكي
حمزه بابكر الكوبي
هشام كمال عبادي
الزبير صالح الزبير
الزبير بشير
showgi idriss
مجاهد محمد الهادي
Raja
فيس بوك
تويتر
انستقرام
يوتيوب
بنتيريست